تبين تعرفيين جم وزنج عشان تكونين رشيقة ؟!"دخلي وانا اقولج"

فتافيت;8866510:
موضوعك مفيد جدا حبيبتي جزاك الله خير

بقول لك أنا لما أنحف أنحف من فوق وأردافي تفضل مثل ماهي
قالولي أن المشي يروح الأرداف هل هذا صحيح
ولو في أي معلومات ثانية عن الأرداف لأنها بجد متعبتني

ربي يبارك لك ويرزقك ما تتمنين

هلا حبيبتي طبعا رياضة المشي صج تخسرج كيلوات وصج بتنحفيين بس بالجسم كله أما لو كنتي تبييين تنحفيين بمنطقه معينة لازم تشتركيين بنادي صحي ورياضيي يركز لج على تماريين خاصة بشد وتنحيف الارداف بالاضافة إلى المشي لأنه المشي يحرك هالمنطقه بطريقة تخليها تنحف بس مو كثير لازم تمارين خاصة بالمنطقه نفسها.وبعد منطقة الارداف تجنبي تقعديين بمكان واحد لفتره طويله لانه ياثر على الشيب ويخليها تبين اكبر يعني لو قعدتي بمكان اخذي لج 5 قايق ومن بعدها اخذي لفة في المكان وهكذا في البداية بتحسسن الموضوع غريب علييج لكن بعد فتره راح تتعوديين ترتاحيين من المشكله بإذن الله...
ومشكوره ياقلبي على الدعوه الحلوه

ماشاء الله يااكمام الامل موضوع راائع

روح الطفول;8868389:
ماشاء الله يااكمام الامل موضوع راائع

تسلميين ياقلبي واهم شي افادتكم الف شكر لج حبيبتي ع المرور والرد

سلام


الله يعطيش العافية اختي كمام الأمل

فعلا احنا نحتاج لاخصائية ترشدنا

حق مانتبع اي شي ويكون مو لصالحنا


صار ليي 3 اسابيع واني اسوي رجيم والحين امشي في الاسبوع الرابع

ونقصت فيهم 5 كيلو

اول اسبوع نقصت 3 كيلو استانست من الزين

بس الاسبوعين الا عقب نقصت كيلو لكل اسبوع انحبطت شوي بس شديت عزيمتي واكو اواصل

واني طلعت من المجموعة الرابعة

وطلع ليي
37.83 ده بالنسبة لوزني قبل الرجيم

والحين صار عقب الرجيم 35.99


انزين احين ابي رايش في النسبة الا خسرتها

تحسينها اوكي او اقدر اخسر اكثر في الاسبوع ؟

كمام الأمل;8866747:
اختي مو شرط الاكل كثير لو قليل حتى نوعية الاكل وطريقة تناوله تاثر يعني مثلا تاكليين قليل بس كل اللي تاكليينه مثلا منتجات الالبان كاملة الدسم واللحوم العالية الدهن فاكييد راح تسمنيين حتى لو الكمية قليلة وتره حتى تناول الفواكه بكثره يسمن لانه فيها نسبة عالية من سكر الفركتوز يعني لازم ما نكثر عن فاكهه وحده في اليوم وباقي الفيتامينات والاملاح المعدنيه نحصل علييها من الخضروات الورقيه..وحتى المشروبات نشربها طبيعية من دون تحلية لازم نعود روحنا ع هالشي سواء كان جاي(شاهي او كوفي او عصاير طبيعية لانه الصناعية ابتعدي عنها كلها سكريات ومواد مضافة) بتقوليين مو حلوه بدون تحلية جربي مره ومرتيين وراح تتعوديين وإذا كلش حليهم بشي اسمه سوربيتول(سكر الذره) يباع في السوبرماركت علبته لونها اصفر لانه هذا تقريبا الباكييت بيعطييج حوالي 4 سعرات حرارية فقط...وهمن احنا نهمل وجبة الافطار اللي تنشط الجسم عشان يحرق الاكل وبنفس الوقت نظل ناكل لي وقت متاخر ومن بعدها ننام فبجذي الجسم ما يقدر يحرق الجسم فيتراكم على هيئة دهون يعني لازم نظامنا نفس الاجانب افطار بدري وعشا بدري يعني ما اتيي الساعه 6 او 5ونص المغرب بتقوليين عقب بيوع وبخربط يبي لها السالفه تعود في البدايه لو يعتي كله شربي ماي واكلي خضروات ورقيه هالشغله بتملي معدتج وبتحسسج بالشبع وبنفس الوقت الياف الخضروات الورقيه بتاخذ وقت عشان تنهضم فما بتيوعيين مدة فبكون يي موعد نومج....


الشي الثاني انتي قلتي لي زاد وزنج بسبب الحمل طبعا فتره الحمل طبيعي الوحده تزيد من 12 إلى 15 كيلو كحد أقصى خلال التسع شهور لكن بعد الولادة المفروض جزء بتزله تلقائيا واهو وزن البيبي والمشيمة والسوائل والباقيي بتساعد انها تنزلها كذا شغله اول شي الرضاع الطبيعية ما تصوريين شكثر تساعد انه الوحده تخسر كيلوات لانه عملية انتاج الحليب تستهلك طاقة كبيرة من الجسم وفي نفس الوقت تلعب رياضة وتستعمل المشد عشان يشد منطقة البطن وترجع لوضعها الطبيعي وبنفس الوقت ابتعدي عن الأطعمة الي فيها نسبة سكريات عالية والمشروبات الغازيه اللي تنفخ البطن وتخلي عندج كرش اشتركي بنادي رياضي وركزي على تماريين تقوية عضلات البطن وشدها وبجذي صدقيني في ظرف ثلاث شهور بتتخصليين من المشكله بإذن الله....

أتمنى أكون افدتج ياقلبي واي خدمه انا حاضره

... مشكورة اختي ...

حبيبتي كمام الامل
ألف شكر على الرد وكلامك مقنع
بس عندي سؤالين ؟
1-أذا ما استطعت تنزيل الوزن الزائد عندي يعني احتمال يصير عندي سكري ؟
2-هل صحيح شرب مغلي الزنجبيل والقرفة قبل النوم يساعد على الحرق بالجسم ؟
وتقبلي فائق احترامي وتقديري
يسلمو حبيبتي

هلا اختيه شخبارج انا كان وزني 81كيلو ونزل وبصعوبه لين 71كيلو طولي 160 وابي انزل وزني وابيه بعد يثبت على 55كيلو لني مشكلتي بسرعه البرق يطلع الوزن شو اسوي اختيه والله استانست يوم قلتي اختصاصيه:(


اريد حلا لمشكلتي :(

pinkiya;8872703:
سلام


الله يعطيش العافية اختي كمام الأمل

فعلا احنا نحتاج لاخصائية ترشدنا

حق مانتبع اي شي ويكون مو لصالحنا


صار ليي 3 اسابيع واني اسوي رجيم والحين امشي في الاسبوع الرابع

ونقصت فيهم 5 كيلو

اول اسبوع نقصت 3 كيلو استانست من الزين

بس الاسبوعين الا عقب نقصت كيلو لكل اسبوع انحبطت شوي بس شديت عزيمتي واكو اواصل

واني طلعت من المجموعة الرابعة

وطلع ليي
37.83 ده بالنسبة لوزني قبل الرجيم

والحين صار عقب الرجيم 35.99


انزين احين ابي رايش في النسبة الا خسرتها

تحسينها اوكي او اقدر اخسر اكثر في الاسبوع ؟

الله يعافييج يالغالية


حبيبتي كل ما نزلتي ابطئ كل ما ثبت وزنج والنسبة اللي نزلتيها جدا ممتازه ومعقوله وشي طبيعي في البدايه الجسم ينزل سريع مثل وعقب بقل وبيوصل لمرحله بيثبت فيها لانه الجسم لما تاكليين كمية معينه يتعود علييها يستفييد من جزء ويحرقه ويخزن الجزء الباقيه فلما تقللين الكمية باول الايام الجسم بتم الجسم يحرق من المخزون من الدهون اللي كان مخزن من قبل عشان يستخدمها في الطاقة اللي يحتاجها الجسم لعملياته الداخلية وعقب فتره الجسم يبدأ يتعود على هالكمية ويرد لنفس النظام الاول عشان جذيي لازم بين كل فتره وفتره لما تشوفيين وزنج بدأ يثبت وما يتغير لازم تكسريين الرجييم برجييم ثاني...
وبعد في تفسيير لهذا الشي انه الدهون اللي في الجسم قاعد تنحرق ففي البدايه يقل الوزن لانه انحرقت الدهون بس عقب فتره يبدأ الجسم يحل محلها عضلات والعضلات اثقل كوزن بس في نفس الوقت احسن من الدهون وتساعد على حرق الدهون...

وما اطول علييج حبيبتي اكثر بس اهم شي تواصليين على هالرجييم والنسبة لالي خسرتييها ممتازه و معقوله جدا بس اول ما تشوفيين وزنج ثبت و مو راضي يقل معناته جسمج تعود على هالرجييم وعلى هالكمية فلازم تكسرينه برجييم ثاني وهكذا لين ما توصليين للفئة الطبيعية اللي اهي الفئة الثانية بمعدل اكبر من 18 إلى 24.9

حلواية;8879168:
حبيبتي كمام الامل
ألف شكر على الرد وكلامك مقنع
بس عندي سؤالين ؟
1-أذا ما استطعت تنزيل الوزن الزائد عندي يعني احتمال يصير عندي سكري ؟
2-هل صحيح شرب مغلي الزنجبيل والقرفة قبل النوم يساعد على الحرق بالجسم ؟
وتقبلي فائق احترامي وتقديري
يسلمو حبيبتي

هلا حبيبتي

1- للأسف اي حبيبتي لانه مقاومة الانسوليين معناته نسبة الجلوكوز في الدم عالية والانسوليين المفرز من البنكرياس ما قادر يتخلص منه وهذا يصير في نوعيين في نوع البنكرياس نفسه في خلل فما يفرز انسوليين وهذا غالبا يصير في الاطفال ويتحول لمرض السكر (النوع الاول) والنوع الثاني الانسوليين يفرز عادي والبنكرياس وظيفته طبيعية بالجسم بس نتيجة لتناول كميات عالية من الاطعمة الكربوهيدراتيه كمية الانسوليين تكون غير كافيه للتخلص من كل الجلوكوز الموجود في الدم فتبقى نسبة مرتفعه وهذا غالبا في حالة الاشخاص اللي عندهم سمنة ويتحول لمرض سكر (النوع الثاني).

2- حبيبتي موضوع مشروب الزنجبيل والقرفة او الخل او .... اي شي آخر من الوصفات اللي يقال بانها تنقص الوزن مالها اي اساس علمي إلا ان في بعض الاجسام تسجيب لها في اذابة الدهون وتخليص المرأه من الاوساخ واجسام ما تستجيب لها فالمهم اهني مو هالمشروبات والخلطات ولكن نظام غذائي وعادات غذائية صحيحه عشان تقدريين تخسريين الوزن وانتي حبيبتي قادره على هالشي وسبق ونزلتي ماشاء الله 15 كيلو واصلي ع النصائح وبإذن الله راح تنقصيين والله يبعد عنا وعنج الامراض يارب.

موضوع ممتاز جزاك الله خير
انا وزني 58 وطولي 153 وقيل مده كان وزني 56 يعني كم يبيلي انزل وجزاك الله خير يا عسل

عفووره;8879487:
هلا اختيه شخبارج انا كان وزني 81كيلو ونزل وبصعوبه لين 71كيلو طولي 160 وابي انزل وزني وابيه بعد يثبت على 55كيلو لني مشكلتي بسرعه البرق يطلع الوزن شو اسوي اختيه والله استانست يوم قلتي اختصاصيه:(


اريد حلا لمشكلتي :(

حبيبتي المشكله اللي احنا نسوييها لما نبي ننزل وزن نتبع نظام غذائي وعقب ما ننزل الوزن اللي نبيه نرجع مثل ما كنا نخربط وناكل عادي فشي طبيعي بيرد نفس ماكان وشي معروف انه الوزن ينزل ببطئ ويرتفع بسرعة البرق عند معظم الناس فالحل حبيبتي تتبعيين النصائح التالية والنتيجه يبي لها صبر ويبي لها وقت بس بإذن الله ثابته لو واصلتي عليها:

**كل شي اكلي خالي الدسم سواء منتجات البان سواء اللحوم اخذي المقاطع قليلة الدهن مثلا في الدجاج شيلي الجلد وبدل الفخذ اكلي الصدر ولو كنتي مثلي ما تحبين اللحم الخشن دائما خمري قبلها بيوم بعصير الليمون وشوية خل ومن عبدها بصير لين ولذيذ وفي نفس الوقت مافي دهون مثل الفخذ. واللحم الاحمر شيلي الشحم وقللي منه قد ما تقدريين والاسماك اكليها ع الاقل مرتيين في الاسبوع لانها البروتيين الحيواني الوحييد اللي دهونه غير مشبعه.

**لا تاكليين اي شي محلى لانه لو تفكريين تره كل شي في سكر طبيعي من الله سبحان الله فالبدايه ماراح تتقبليين وعقب فتره بتتعوديين وبيصبح الامر عادي جدا ولو كلش ما قدرتي استخدمي سكر السوربيتول(سكر الذرة)يباع في الاسبواق في علبة صفراء اللون لانه سعراته قليلة مقارنة بالسكر العادي.

**الفواكهه قللي منها ومن عصائرها خصوصا الموز والعنب والمانجو لانه نسبة السكر فيهم عالية يعني يكفي فاكهة وحده في اليوم ولو كان حجمها كبير يكفي نصف ثمره ولو تخلينه مثلا 4 مرات بالاسبوع يكون احسن .

**ابتعدي عن المكسرات لانه فيها نسبة دهون عالية وعن الزيتون والسمسم والفول السوداني لنفس السبب وعن الفواكه المجففه لارتفاع نسبة السكريات فيها.

**كثري من الخضروات خصوصا الخضروات الورقيه منها تمدج بالفيتامينات والاملاح المعدنيه بدل الفواكهه ومنها ما بتعطييج سعرات حرارية عالية.

**بعد الساعه 5ونص المغرب او 6 بالكثيير خلاص لازم توقفيين اكل نهائيا ولو اضطريتي اكلي خضروات ورقية وشربي ماي بكمية كبيرة.

**قللي من النشويات بشكل عام يعني الرز المطهي والمكرونه والبقوليات(عدس,فول,لوبيا...) يكفي ما يعادل (بحجم كوب الجبن صغير الحجم) وباليوم كله اكلي رغيف خبز واحد قسمي على كامل اليوم ولو زدتي زيدي نص غيف وحاولي تعوديين روحج على رغيف واحد لين ما تعوديين(ولو توست يكفي شريحتيين باليوم) اكليهم يا بالريوق يا بالعشا.

**ممكن تتبعيين رجييم غذائي مع مراعاة الشغلات اللي قلت لج عنها وعقب فتره لازم تكسرينه برجييم ثاني عشان تقدريين تنزليين كل الكيلوات اللي تبينها.


والله يوفقج حبيبتي واي استفسار آخر انا حاضره

اطهر من الماء;8881407:
موضوع ممتاز جزاك الله خير
انا وزني 58 وطولي 153 وقيل مده كان وزني 56 يعني كم يبيلي انزل وجزاك الله خير يا عسل

الله يعافييج حبيبتي على حسب بنية جسمج (يعني عرض العظم) لو كان عرضه صغير المفروض يكون وزنج المثالي 51.1 كجم ولو عرضه متوسط المفروض 55,7 كجم ولو عريض المفروض 60,3 كجم وانتي عموما وزنج في حدود الطبيعي بس لو كان بنيتج صغيره تحتاجيين تنزليين من وزنج حوالي 7 كجم

مشكككوووووووووورة

السلام عليييكم الغاليه

أشكرج على موضوعج الرائع

بالنسبه لي .. أنا طولي 150 .. وزني 45 كيلو و عظمي عرضه صغير و أبغي أوصل وزني ل 40 كيلو


مؤشر كتله الجسم عندي 21.4 .. بس نسبة الدهون أشوفها عاليه و هذا اللي ما احبه تقريبا 16%


أمارس الرياضه بشكل متقطع .. و أكلي صحي معظم الوقت ما أخبص .. بس مب عارفه كيف أخفف نسبة الدهون من جسمي .. أو اللي مفروض أواظب عليه من الرياضه ..

كلام حلو وهذا الي نشوفه بالميزان الي في الصيدليات الالكتروني انا ماودي انحف وودي يعني الي مكثر وزني بس بطني مو كبير بس الشحم والترهل الي اسفل البطن بسبب اخر حمله لي التوام الله يحفظهم بس اردافي صدري سيقاني كتوفي كلهم حلوين بشهادة الناس بس لو اقدر اتخلص من هالكرشه مع اني مااشرب خير شر المشروبات الغازيه ولا المعلبه ولا اكل الاشيه المعلبه واكل خبز اسمر واشرب خل التفاح المخفف والشاي الاخضر واي شي يودي الكرش والعب تمارين للبطن وامشي وماشاء الله علي منتبه للاكل ومااشرب ماي عند الوجبات ولا قبلها ولا بعده يعني تظهر لي عضلات فوق في البطن لكن من بعد السره مترهل والله تعبت والوالده مو راضيه اسوي عملية شفط ايش الحل

السلام عليكن ورحمة الله وبركاته :

أختي < كمام الأمل > انتي أملنا ..

بارك الله فيك وفي تطوعك معانا باختصاصك ... ولك الثواب أكيد عند الله ، ولك منا الدعوات الطيبة ...

ممكن سؤال إذا سمحتي ؟!!

أختي أنا وزني مثالي والحمد لله ، ولكني متعقدة من أردافي بشدة ..

ماهو الحل الأكيد لتقليل الأرداف جدا جدا والتمارين المناسبة والغذاء المناسب ؟؟

مع العلم إني للأسف لو نزلت وزني أو أرهقت نفسي في رياضة أو غيره بيبان جدا جدا على وشي وبيخس جدا.. وأطمع بالمرة في ذوقك ممكن حل يخلي وشي يزيد ويملى جدا ..

وأخيرا ، وبعتذر على الإطالة عليكي : الله يكرمك هل هناك حل أكيد ونهائي للقضاء على الكارثة المسماة بالكرش وهذه مشكلة تخص كل من حولي ..
ولك مني مقدما جزيل الشكر والتقدير .. وآسفة هتعبك معايا جدا ..

سلام عليكم
شكرا اختي العزيزة عالموضوع
وانا كنت من الفئة الثانية
اي صاحبة الوزن المثالي
وزني 64 وطولي 164
بس انا حابة انزل وزني ويصير 60
فشنو اسوي
والمشكلة من اضعف يبين على وجهي
وانا ما اريد وجهي يتاثر بالضعف
فماذا افعل؟؟؟

سلام بنت ديرتي


وايد استانست يوم عرفت انج بحرينيه ع الاقل اقدر اتفاهم وياج عدل

انا وزني 64 وطولي 164

طلعت من الفئه الثانيه الحمدلله

بس انا طمعانه انا مسجله فباينبل سبا وامشي ع رجيم من عند د تغذيه معروف فالديره

بعطيج النظام الي عطاني اياه اذا تحبين

واكل فيتامينات (سترستاب)

وابي اوصل وزن 55 ابي اصير مودل الطمع الي فيني زين بس عندي مشكلة السويت ماقدر اقاومة انا صار لي اسبوع ع هالرجيم وعادي عندي لانه نفس اكلي الطبيعي بس الي مايخليني انزل اهوه السويييييييييييت ماقدر اقاوم الايسكريم والكيك

فشنو تنصحيني؟

وع فكره جفت الجدول وبنيه عظمي متوسطة اظن

او يمكن انا ماعرفت له؟

السلام عليكم ..موضوعك جدا رائع ويعطيك الف الف عافيه يارب ...عندي كم سؤال؟
ماهي الاطعمه التي تساعد على حرق السعرات الحراريه ..؟
2-مشكلة ثبات الوزن كيف نكسرها؟
3- هل يصح ان نسوي رجيم وقت الدوره الشهريه؟
ويعطيك العافيه