الي يبي ينظم معاي بهل التجمع حياكم (( رجيم لي انقاص الوزن )) الجزء ((4))

محرومه حبه العاااده تسهر ... وينهااا >>> اظااهر تجهز حق الخطوووبه

قطريه كول

انا البس الشورت الضاغط واعرق من تحت اكثر شي ..
هممم انتي يوم تمشين لا تخلين المكيف شغال .. وامشي مشي سريع او اركضي .. عشان تعرقين وتبذلين مجهود

:)

ممم .... لا انا امشي بحووش البيت مو على السيير

بس بجرب الضاغط

اهااا حتى انا امشي مع امي ويارتنا ف الحاره
بس الجو ماشا الله كل يوم يبرد
لكن مع هذا اعرق
انتي اهم شي تبذلين مجهود مب لازم تعرقين ..
لانه يقولج الواحد اذا يفكر او يجهد عقله يفقد سعرات حتى وهو قاعد يفقد سعرات مع انه ما يعرق ولا شي فكيف وانتي تمشين وتبذلين جهد
:) يعني لا تخافين مب لازم تعرقين

الحمد الله طمنتيني

المهم انا الحييين برروووح اناام .. تصبحون على خيرر

وانتي من هل الخير حبوبه :)
ربي يحفظج

السلام عليكم ورحمة الله وبركاته

هلاااااااااااااا والله حبيباااااااااااتي

اشتقت لكم مووووووووووووووووت ^_^

::

ام جوووووووووووووووووووووووري حبيبتي والله العظيم فرحتيني اكثر مما تتصورين ,, وانا كنت المفروض ابدأ في رجيم الثلاث ايام اليوم بس للأسف الأغراض مب كلها ويايه ,, إن شاء الله ع الأسبوع الياي ببدأ فيها ,,

والغاليه عن سالفة وزني الأسبوع اللي طاف مادري لاني ماوزنت بس الأسبوع اللي قبله كنت زايده قلت لكم ^_^" وقت كنت ف بوظبي آخر مره وزنت وكنت احم احم 78.7 :( ( فششششششششله) اكتبيه بجدول الأسبوع اللي فات ,,,,,, بس إن شااااااااااااااااااااء الله هالأسبوع ابيض الويه ^_____^ خخخ .... وماعاش من يطنشج حبيبتي ,,

::

فدييييييييييييت قطريه والله اللي تذكرتني ,,,

كاني اهنيه الغاليه ,, انا ييت وانتي ظهرتي ,, يالله ربي يحفظكم

هيه الغاليه مبتلشه اليوم كنت ادور لي فستان بس ماحصلت قولي إن شاء لله باجر احصل ,,

ويالله على الله الغاليه ,,

::

وين ام عبادي اشتقنالهااااا و يارب ترزقني ووووالخ ,, وينكم حبيباتي اشتقنالكم :(

ومرحبابكم وسهلا حق الغاليات اللي انظموووو ويانه ,,^_^ عسى ربي يزيد جمعتنا الغاليات

::

والله يوفقنا ونوصل حق اللي نبغيه ونتمناه إن شاااااااااااااااااااااء الله ,,

ذبحني النت يوديني اول الصفحات قلت خل اكتب يمكن يطلع شي

والله محد سهران اليوم هههههههههههههههه اسلم على روحي عيل

يعطيكم العافيه بنات

يارب تحياتي وينكم ها من ورانا شتسوون تحملوا تيون موصلين ال 50 ومخبين علينا خخخخ اتغشمر فديتكم والله عسى اللي يمنعكم خير ان شاء الله

محرومه حبه فديتج


الله ييسر لج امورج وتحصلين فستان ويعجبج وتفتكين

ولا تحاتين انشاء الله راح تنزلين هالسبوع واييييد

موفقه يالغاليه

بحرينيه وكلي فخر;7646605:
محرومه حبه فديتج


الله ييسر لج امورج وتحصلين فستان ويعجبج وتفتكين

ولا تحاتين انشاء الله راح تنزلين هالسبوع واييييد

موفقه يالغاليه

هلااااااااا بحرينيه
هلا الغاليه ,

تسلمين فديتج ع الدعوه الحلوه وإن شاء الله احصل وافتك ^_^

وانا ا لحمدلله امشيه صححح بس اليوم للأسف خربت شوي :confused: بس آخـــرررر مره صج ,,

وعسى انتي بعد تكونين نازله وتستانسين ^___^

السلام عليكم
كيفكم بنات
وربي مرررررررررررررررررررره اشتقت لكم كلكم وخصوصا ام جوري الف مبروك حبيبتي وباذن الله بتشوفين اللي يسعدك قريب


يارب ترزقني وينك والله افكر فيك :(


بنات شخباركم ان شاءالله مستمرين


انا مشيت يومين على التمر واللبن وتعبت ماقدرت اكمل وامس رجعت تخفيف نظامي امس كان فطور شريحه توست وم ص جبن سايل وكوب شاهي بسكر عادي وشوي مرره شيبس لاني كنت جوعاااااانه والغداء كان 3 اسياخ كباب مشوي وكتشب وخيار وشاهي بسكر الذره


بس ماكلت شئ بعدها :(

يارب تصبرنا


والحين قمت للجامعه وبفطر هناك ان شاءالله اخاف اخبص اليوم من الجوع



بس ان شاءالله ماراح اكثر :)

اعذروني بنات انا كنت ادخل واقرا بس مارد :(

بجد سووري


يلا اشوفكم على خير ان شاءالله

مرحبا بنات

امس كان برنامجي

الفطور كوب مشمش مجفف

الغداء سلطه خضراء

والعشاء مكرونه بالخضار

بين الوجبات شربت تقريبا من 5 الى 6 كوب مويا

شربت شاي

واكلت قطعه صغيره حلى

واكلت ليمونه

الرياضه طلعت الدرج ونزلت 20 مره

:)
السلام عليكم ورحمة الله وبركاته

شحالكن بنات

انا اليوم الحمدلله ماشيه تمام
الصبح تريقت : حليب قليل الدسم مع ويتابكس وكليت 3 تمرات
وبعدها ببساعتين ونص تقريبا شربت ف الجامعه عصير برتقال فرش

ورجعت من الجامعه من ساعه تقريبا
وتوني متغديه
شربت حليب قليل الدسم وكليت سلطه معاها ذره وفاصوليا حمرا وجبنه مالحه .. بس

وبعد ساعه بروح انام .. لانه ورايه دراسه وبروجكت


:) انتو شو سويتن يا حلوات

بنات اشحااااااالكم
اشتقتلكم
وأخيرا افتكيت من هم امتحانات هالأسبوع

هاليومين فيه شراهة وخربت كل رجيمي
والله اسير المطبخ وإكل كل اللي فيه وارد واقول حرام بعد هالتعب كله اخرب كل شي
اليوم في الجامعه بعد كليت كل اللي خاطري فيه
وقلت برد البيت بس بشرب ماي وبداية جديده ان شاء الله

بنات ما اعرف شو فيني من قبل عادي اسوي شهر كامل رجيم بدون تخريب
بس الحين حتى اسبوع ما اتحمل اكمل
يا رب صبرني لين نوصل للوزن اللي نبيه

مسااء الخير
شخباااركم بنااات ولهت عليكم =)

اسمحوولي لاني هالفتره مشغوله ويا الامتحاانااات الي ما تخلص والبحووث<< ازمه .. خلاص ع اخر السمستر ننضغط =(

بس بقولكم انا كل يوممم اسوي ايرووبك ساعه و اجهزه من نص ساعه ل ساعه

اممم اليوم قمت الصبح طبـــعا كالعاده كورنفلكس وحليب بعدين رحت الايرووبك ساعه,, وساعه الا ربع العب بالاجهزه << اتنطط من جهاز للثاااني لوووول

وطبعا من الصاله عالجامعه تعبببببببب
كان عندي كلالاس قبل ما ادخل خذت لي مااي << كنت يوعااااااااانه بس قااومت روائح الكانتين اخذت ماي وطلعت خخخخخ

الحين انا فالبيت << لا والله !!

الموووهم , تغديييت سلطه << كثييييييييييييييييييييييييييييير
وشوي دجاج مشووووي و خبز اسمر

والحين اشرب جاااي اخضر ويا الميراميه والنعناااع والزنجبييل << ع كيفي اخلط

والحين بناام لاني تعبااااااااااااانه موووت احس جسمي كله يعورني من هالرياضه ككككك << تبين تضعفيين تحملي لووول

وناويه فالليل ادهن شعري واخذ لي كم لفه عالبيت !_!

وان شاء الله لي عوده فالليل << اذا فظيتي يا بنت لووول

ســـــــــــــلالالالالالالالالالالالالالالالالالالالالالالالالالالالالالالالالالالالالالالالالالالالالالالالام

محرومه حبه;7645764:
السلام عليكم ورحمة الله وبركاته

هلاااااااااااااا والله حبيباااااااااااتي

اشتقت لكم مووووووووووووووووت ^_^

::

ام جوووووووووووووووووووووووري حبيبتي والله العظيم فرحتيني اكثر مما تتصورين ,, وانا كنت المفروض ابدأ في رجيم الثلاث ايام اليوم بس للأسف الأغراض مب كلها ويايه ,, إن شاء الله ع الأسبوع الياي ببدأ فيها ,,

والغاليه عن سالفة وزني الأسبوع اللي طاف مادري لاني ماوزنت بس الأسبوع اللي قبله كنت زايده قلت لكم ^_^" وقت كنت ف بوظبي آخر مره وزنت وكنت احم احم 78.7 :( ( فششششششششله) اكتبيه بجدول الأسبوع اللي فات ,,,,,, بس إن شااااااااااااااااااااء الله هالأسبوع ابيض الويه ^_____^ خخخ .... وماعاش من يطنشج حبيبتي ,,

::

فدييييييييييييت قطريه والله اللي تذكرتني ,,,

كاني اهنيه الغاليه ,, انا ييت وانتي ظهرتي ,, يالله ربي يحفظكم

هيه الغاليه مبتلشه اليوم كنت ادور لي فستان بس ماحصلت قولي إن شاء لله باجر احصل ,,

ويالله على الله الغاليه ,,

::

وين ام عبادي اشتقنالهااااا و يارب ترزقني ووووالخ ,, وينكم حبيباتي اشتقنالكم :(

ومرحبابكم وسهلا حق الغاليات اللي انظموووو ويانه ,,^_^ عسى ربي يزيد جمعتنا الغاليات

::

والله يوفقنا ونوصل حق اللي نبغيه ونتمناه إن شاااااااااااااااااااااء الله ,,

يالله انشاء الله تنزلين على الاسبوع الجاي برجيم الثلاث اياام ... بس تدرين انا مانقصت الا 200 او 330 غراام ...

بس شدعوااا ماحصلتي لج فستااان ... ترا كلش ماايمدي

انشاء الله تحصليين وتريحين باالج

انا اليوم كلت 5 بسكوت مالح مع شااي

وشووي بالدوام كلت شبس كنت جوعاانه وماقدرت اقوااامه لاني شبسي المفضل ...

والغدا كان سلطه الذره ... بس هذا يوومي .. والنفسه زفت ... بجد حسييت فيج يارسيس انثى .. الوزن الثاااابت يسبب تحطيييييم مو طبيعي

هلا وغلا قطريه

حبيبتي انتظمي وان شاءالله مصيره بينزل يعني لاتتشائمين
انا اليوم وزنت الحمدلله تحرك 200 جرام خخخخخخخخخخخخخخخخخ
صار 84.600 الحمدلله وبكرا المفروض يوم الوزن بس انا استعجلت ووزنت وان شاءالله من اليوم الى بكرا انزل اكثر عالاقل الى 200 :)