نصائح لتسهيل امورك بمملكتك بدون الخادمه ..

هلا والله بالغاليه


رنومه


انتهيت من اعمال الصاله وغرفة النوم صارت شيء مو طبيعي بالنسبه لغرفة الاطفال ادعولي ان الله يقومني بالسلامه ويجي بصحه وعااافيه


انتظرك في الكابوس الاعظم المطبخ الله يعين ان شاء الله


مشكوره والله لا يحرمنا منك ويحقق لك امالك يارب

ماااشاء الله عليك ياأحلى عروس ( ترانيم )


بدنا نسميك أم النظافة وأم الترتيب وأم الذوق وووووو


تسلم إيديك والله يجعله في ميزان حسناتك

كلام أغلى من الألماس ما بتتصوري كم عم من نستفيد من خبرتك

شكرا اختى ترانيم انا زوجه ولى ثلاثه اطفال 7سنوات و5 سنوات و6اشهر كانت عندى شغالهاندونوسيه قعدت عندى سنه وسفرتها وقبل ولادتى جبت حبشيه ثلاث مرات وماعجبنى شغلهم انا افضل انى اجلس من غير شغاله لانى اخده راحتى فى بيتى مندون مضايقه ولكن المشكله انى اذا ابفى اروح المستشفى او السوق او اشوف العماره الجديده او اعزي احتار فين اخليهم وللعلم انا ساكنه بعيد عن اهلى ب800 كيلو

مرحبا يا سنعات

ترانيم ابشرج اليوم خلصت تنظيف ما تحت السرير والله ما توقعت المنظر يتغير بهالشكل وعن الالعاب هم كانوا في سلال جنب البعض فشلت السلال المصفوفة جنها في طابور وخليت الكارتون مكانها وصار المكان مرتب وايد ووااااااااااااااااااااااااااااااااااااسع الاحساس ما ينوصف حتى زوجي استانس حده دعيت لج من كل قلبي.

مشاءلله عليك وانا ابي ابدى بنصيحتك


والله اعجبتني الفكره

خوصصا ان العاب بنتي في كل مكان من الشقه

الله يصلحها
وانا بديت في الصاله
وطلعت مره هاديه
وصرت اتفرج على التلفزيون وانا مبسوطه
واكوي وانا مرتاحه

والله فرحت بالتنظيم

والله يعين على الكارثه العظمى
المصيبه الهائله
الداهيه الممله
المطبــــــــــــــــــــــــــــــــــــخ
الله يخليك
انا نص اغراضي الي بالمطبخ فوق الطاوله
على فكره انا من هواة تجميع العلب اي علبه لها غطاء
رغم اني ما عندي مواعين كثره
ولا احب التسبيع يعني الجلي او غسيل الصحون
حتى ودي اشتري غساله صحون بس زوجي يقول لا

كله كوم ودلاب البهارات كوم ثاني الي كل ما ارتبه
بعد اول طبخه القيه محيوس والله يعين

انقذيني الله يعطيك العافيه

ومشكوره على الصاله والكوي وغرفة النوم ولعب الاطفال ودولبهم

بوركتي يا اختاه

ترانيم

انا سويت الصاله مثل ما قلتي

بس بصراحه اخذت مني وقت اكثر من اللي قلتيه

يعني مثلا تنظف الستائر و الأرض نص ساعه بجل ربع ساعه

ممكن لأني انظف من الخاطر او لأنه الحاله كانت مزريه

بس و الله النفسيه الحمد لله أريح

الله يجزيكي كل خير و ينولك كل الللي في بالك

مرحبا ترانيم انتظر المطبخ وياريت عندك افكار للمطبخ الصغير

وطرق لتنظيف الميكرويف وشكرا

يسلموووووووووو على هالموضوع ،،

والله يعطينا العافية نطبق الموجود ،،

واكرر شكري لافكارك واسلوبك الحلو:)

معاكم من المتابعات

والله يعيننا على التطبيق..


الله لا يحرمنا منج

سلمت و بروكت يا ترانيم ..

كل ما استيقظ الصبح و اريد ابدأ بشغل البيت و أكون مكسلة اتذكر كلامك اتنشط و اشتغل بسرعة و اخلص و ارتاح الله يبارك فيك بالفعل ايقظت فينا الهمم

بالنسبة لي انا شقتي صغيرة جدا غرفة استقبال ضيوف و غرفة جلوس و نوم و عندي طفلة 6 شهور تنام معاي في الغرفة كيف ممكن أنظم امورها بعد كم شهر كراكيبها حتزيد و العابها و ملابسها و المشكلة مافي مكان !!
يعني بعتبر غرفتي هي غرفتها !!

جزاك الله كل خير و سلمت

يا حبيباتي تسلمون على ردودكم

بكتب جزء عن المطبخ وبنسويه وبنطبقه والجزء الثاني بخلصه لكم بعد نفس غرفة الاطفال يعني على جزئين

ماشي الحال ..

عشان عندي موعد مع الطبيب بعد اشوي بس ما حبيت اني اروح الا وانتوا راضين انكم حصلتوا على رد على تساؤلاتكم

وكل الي ابيه انكم تدعون لي ان الله ينولني الي ببالي ويشرح لي صدري ويشفيني ان شاء الله



ريم : لأن يمكن من الحوسه الي سويتيها خذالك وقت طويل وخف عندك النشاط فصرتي تكنسين مده اطول

لكن حافظي على الترتيب ودخلي بكره قولي لي كم صار لك تكنسين بالمكنسه بكره طيب وانا متأكده ان ما بياخذ وقت ابدا .. لأن النفسيه مرتاحه اولا ثم ان ما كان عندك عمل ياخذ نصيبه من طاقتك لليوم الواحد

.......

عذب القوافي

هنيالج على ريلج الله يسعدكم ما يبي يتعبج والله

خوش ريال طيبي خاطره على تنازلاته وسوي الي يريحه لكن

بعد ما يرجع من الشغل خليه يشوف انج تسوين كل شي عليج

لأن نفسية الواحد لما يقعد من النوم غير ولما يرجع من الشغل غير

الله يوفقج ويسخره لج اللهم آمين

........

ريحه خنينه

بالنسبه للطاوله جلديها بالقصدير وبعدين حطي عليه الغطاء الي كان عليه اساسا لما شريتيه

وبس هذا المطلوب

بالنسبه للمطبخ من عيوني يا قلبي

..........

ناعسة الاهداب
بنت الاصايل

مرحبا ومليون هلا وسهلا فيكم

ربي يسعدكم ان شاء الله اسعدتوني بتواجدكم

.........

الهتون

ربي يقويك على عملك اليومي

ويزيد من نسبة نشاطك

ايه حبيبتي الواحد احيانا ادري انه يحس بالتعب والكسل

خصتا ان الروتين ينعاد كل يوم

بس مثل ما قلت لكم كذبوا على حالكم بالاول

ولما تحطين ايدك بشي خلاص بتلاحظين انك بتسرعين

ثم راح تواصلين وبعدها جازي نفسك بشي حلو

عصير بارد راحه قدام التلفزيون

او اهتمام بالنفس او بانيو معطر ..

.............

راجعه اضيف رد عن تنظيف المطبخ

الله يشافيك وينولك اللي فبالك فعلا خطوات قيمة على درب التنظيم والشطارة والله بعثتي فينا الامل في تغيير انفسنا والاعتماد على ذواتنا حبيبتي ترانيم اكملي وكلنا آذان صاغية ماننحرم منك

المطبخ حبيباتي

مركز وقوة البيت

تقضي فيه ربة البيت جزء كبير من وقتها

لكن بنقدر اننا نوفر وقت لو عملنا الآتي ...

ما عندك خدامه ومطبخك يجزي لغسالة الصحون

معلش روحي اشتري وما راح تندمين

ما اقدر اقول لكم اي غساله هي مناسبه لكم

لأن كل الغسالات تأدي اللازم ولكن ما احب ماركة ال جي

أكره هالماركه لأنها مو عمليه ولا تستحمل السنين القادمه

لازم يا ما تنظف عدل او انها بطيئه التنظيف سواء للملابس او غيرها

وحتى الثلاجات على حسب ما شفت الي اختاروهم لازم بعد سنتين او اكثر

يطلع فيه عله ...

.............

ما بنقلب الموضوع عن الاجهزه طيب ..

...........

الي بنحتاجه اليوم

1-خلطتي من تجاربي رقم واحد

الي ما تعرفه يلا تروح تدور على الموضوع وتشوف عن اي خلطه نتكلم

خلصة الكلوركس بالبخاخ ..

2- نحتاج لماء بقدر بعدين اقول لكم وش نسوي فيه

3- نحتاج لأي منتج انتي تستخدمينه لإزالة الدهون

مثل بام او داك او اي شي انتي تحبينه بس خاص للدهون

4- فوط وفوط وفوط من المربعات الي تستخدم لتنظيف المطبخ

وبس سلامتكم ما يحتاج اذكركم بالاكياس السود

................

أول شي تأكدي ان ما عندك شي بالحوض ما غسلتيه وان غسلتي مواعين الغداء وما بقى شي

خلاص ابتدي خطوه خطوه معي

لا تنسين ان هالعمل راح يكون تشطيب يعني من الجذور

عشان تكونين خلاص جاهزه لأعمالك اليوميه اوكي حبيباتي

الي نبي نسويه اننا نقسم المطبخ

نحط دولاب خاص بالشغلات والاواني المنزليه الي نستخدمها بشكل يومي

مثلا هالدولاب يحتوي على

1-مواعين بالاحجام الي تحتاجينها لتقديم الرز

لكن حطي ببالك ان هالمواعين تكون على حسب عدد افراد اسرتك

مثلا الي تقدم الرز بصحن كبير للجميع

خلاص خصصي صحنين من نفس الحجم فقط

اما الي تقدم الارز كل شخص على عدده خلاص

خصصي لكل فرد صحن

2- اواني تقديم الشوربات او الاشياء السائله مثل الصالونه او المرق نفس ما نقول له

ان كنتي تقدمينه بالشكل الي كتبته بالاعلى مره وحده خلاص خصصي اثنين

وان كنتي تقدمينه بشكل او بطريقه كل واحد يكون قدامه صحن خاص فيه خصصي لكل فرد منكم من نفس النوعيه على قدر العدد ..

3-صحون تقديم السلطه من النوع الصغير على حسب عدد الاشخاص بالبيت حطيهم فوق بعض

4- صحون خاصه لتقديم مأكولات خفيفه مثل صحون الحجم المتوسط والصغير كل شخص له صحن مو شرط ان يكون هذا الصحن للشخص نفسه انا اقصد العدد فقط عشان تشيلين الزائد ولا تحوسين نفسك

طقم واحد يكفي وكفيل انه يجزي العائله بأكمله لمدة شهرين وبعدين تقدرين تشيلينه وتغيرين الطقم بطقم جديد من الي عندك وتخزنين الي استخدمتوه ... وهكذا ولكن ممنوع منعا باتا انك تخزنين اكثر من طقم بدولاب واحد ..

............



يلا اول شي هاتي كرسي صغير من النوع النزيل مره

واقعدي قدام الدولاب

ما نبي نطلع كل الاغراض مره وحده المواعين وغيره

لا نبي كل شي نسويه بتنظيم وسهوله وبلا كركبه طيب

نفتح الدولاب نطلع محتوياته

نبخ من البخاخ الي تكلمت عنه بسميه بخاخ رقم واحد

وبعدين نمسح ونعيد له الاغراض

لكن هاااااا خليك معي

جرد ثم جرد اي شي ما تبينه خلاص تقطينه او تتبرعين فيه

وكل دولاب الي معترف فيه يحتوي على رفين

هذا الرف الاول كتبنا محتوياته والي هو مخصص لليومي خليه قريب من الفرن

عشان يسهل عليك تقديم الاكل بشكل ميسر وسهل ..

الرف الي تحته خليه خاص بالصواني اليوميه الي تحتاجونه

ياربي لو كان عدد الافراد عشره ما شفت الي شفته عند البعض

يعني ما يبي له تجميع الاواني بهذا الشكل

الصواني خليه على الاقل ثلاث احجام مختلفه لأنه مو للضيوف هذا بس لأفراد العائله لا تحوسين عمرك فيهم

تبرعي بإلي ما تبينه والزين خليه للضيوف وخليه على جنب لما نوصل للدولاب الخاص بالضيوف عشان تحطينه فيه وترتبينه ..

مثل ما قلت لكم الصواني عدد ثلاثه يكفي بأحجام مختلفه ..

هذا بتحطينه وبترتبينه بالرف التحتي صح

خلاص حطي جنبه بعد دلتين الخاصين بالبيت دله للقهوه ودله للشاي

وحطي جنبه بعد عدد اثنين من الجيك الخاص الي تسوين فيه الشربت او العصاير

وبالزاويه حطي اواني حفظ بواقي الطعام الي اشكالها واحجامها مختلفه من البلاستيك

الصغير داخل المتوسط والمتوسط داخل الكبير واغطيتها فوقها وبلا كركبه

ليه قاعده اقلل لك اوانيك المستخدمه بالشكل اليومي

عشان تغصبين روحك اول ما تشوفين شي بالحوض تغسلينه وما تنتظرين لمته

لأن ما عندك بديل بالدولاب

ونفس الوقت ان الدولاب الاستخدام اليومي ما بيكون مشحون فيسهل عليك تنظيفه

بخه بختين وانتي ماسحه الدولاب ومحتويات البخاخ قادر على تعقيم الرف وازلة اصعب البقع

...............

خلصتي يلا لا تسوين شي

روحي للدولاب البعيد عن الفرن هذا مخصص للضيوف صح

اول شي ما نبي كركبه

وين بخاخك وين فوطتك

هاتي الكرسي قربيه وقعدي وريحي عمرك

ما في شي يكسر الظهر بس ترتيب وبخ ومسح

يلا الحين نفكر اشلون نوفر اطقم لضيوفنا خصتا للضيوف الي يجونا

غفله نبي نكون دائما على استعداد تام لهم

واحد طقم فناجيل القهوه خصصي عدل طقمين

يعني كل طقم فيه مثلا 6 او 12 خلاص خليه

ومعه طقم ثاني للتغير يمكن هالضيف جانا الاسبوع الي بعده تكونين انتي

عندك طقم ثاني تقدمين فيه القهوه وما يقتصر تقديمك على طقم واحد

خووو هالناس ما وراهم الا الفشار ( ما اقصد البوب كورن )

لا بس هذاك اليوم الله يهديها وحده ضحكتني تقول يا ربي هالضيفه جايتني

اكثر من مره وانا عندي خمس طقوم وكل الطقوم شافتهم اليوم بروح اشتري طقم جديد

يا بنت الحلال الناس مهي لاقيه تاكل اقول ...

الله يهدي الجميع امسكوا اياديكم طقمين حلوين يسوي اللازم والضيوف يبي لهم

وجه سمح لإستقبالهم وكلام طيب واخلاق زينه وكرم وانتهى الموضوع

طيب ..

نفس الشي لأطقم الشاي طقمين كفايه نحطهم بشكل مرتب

طقمين الفناجيل فوق بعض
وطقمين للشاي فوق بعض
الحين هذا الرف الأول صح ..
جنبهم تحطين صحون صغيره لتقديم الكعك او ... الحلى
وبعد تحطين صواني التقديم ان كان عندك من الفضه او غيره
وبعدين ترزين الدلال للقهوه والشاي
وبعدين تحطين طقم الملاعق من كل الاحجام
خلي بالك انهم مطقمين يعني كل طقم ان كنتي خسرتي كرتونته

خلاص اربطيهم بلاستيك وحطيه بعلبه كارتون او علبة لحفظ الملاعق على حسب ذوقك
ونفس الشي السكاكين ..

وأخر شي خصصي نوعين من الصحون الكبيره الي تحطين او ترتبين عليه الفواكه

ملاحظه : كل وحده تعرف عدد معازيمها الي يجونها صح
فلازم تعرفين قد ايش يكفيك من الملاعق او الفناجيل وغيره

اما الي ما يجونها كثير تخصص على قد معازيمها وبدون تخزين بنفس الدولاب

لأن هالدولاب المفروض ما تتكدس عليه الاغراض وكل ما احد يجيك

على صدفه انتي جاهزه للضيافه

اما الرف الثاني خصصيه للصحون مثل منتوا عارفين الطقوم تجي

كامله يعني صحون كبار ومتوسط وصغير حتى بعضهم معهم اكواب للشاي

وهكذا

خصصي طقمين ورزيهم بالرف الثاني كاهوا جاهز لك بأي وقت

ولا تنسين انك تمسحين الدولاب قبل ما ترتبينهم ..

صكي الدولاب هذا الي تحتاجينه وبس

واجهة الدولاب لا تنظفينه بالبخاخ الآن بعدين نسويه لما نخلص

طيب نجي الدولاب برضوا القريب من الفرن

هذا مخصص للقدور والجدور و وو الي تطبخين فيهم

طيب تخصصين الآن قدر الخاص بالرز

قدر خاص بالمرق

قدر خاص بالشوربات او تسوين فيه خلطات للصوص او غيره الي يحتاج انك

تسخنينه مثل البشاميل

العدد الي تحتاجينه فقط من البايركس

المشاخيل الي تحتاجينهم لشخل الرز

اعتقد عدد اثنين كفايه

الأواني الي تستخدميه للقلي

والاواني الي تغسلين فيه الخضار والرز

الي تجيك بلاستيك بأحجام مختلفه انا احطهم فوق بعض وحده اسوي فيها سلطه وشكلها حلو

والثاني اغسل فيه الخضار او الرز ..

طيب انتي بنفسك عارفه كم تحتاجين من القدور على حسب عدد افراد اسرتك

والباقي يا تشيلين توزعينه او تخزنينه بالطريقه الي بقول لكم عليها طيب

الحين نبخ من البخاخ رقم واحد نمسح

نرتب القدور على بعض على حسب الحجم

اما الاغطيه الخاصه فيهم نرتبهم على جنب بشكل طوالي

ياريت تباشرون تشترون لكم اشياء خاصه لتنظيم او ترتيب الاغطيه عشان

توفرين الوقت والجهد انك تحصلين الغطاء الخاص بالقدر بأسرع وقت

وانا كتبت بتجاربي ان سلة المواعين الي تترتب عليها الصحون مناسبه

انك تخلينها بالادراج وترتبين صحونك عليها بالشكل الافقي ما راح تاخذ حيز بالدولاب

ونفس الوقت كل شي بمتناول يدينك بدون كركبه

طيب خلصتي من رفوف الدولاب الخاص بالقدور وغيره

يمكن تحتاجين للرفين او رف واحد ان كنتي من النوع الي تحتاجين

للرف الواحد خصصي الرف الثاني وخلي الاولي للاواني الي تغسلين فيه الخضار والرز

او انك تحطين القدور تحت والاغطيه فوق مرتبه وهكذا ..

.............

نكمل بعدين عشان الحق على موعدي

لكن ابي تطبيق جزاكم الله خير

مافيها مشكله لو اليوم رتبتي امورك وبكره كملتي عشان ما تتعبين

ونفس الوقت خليك هاديه ولا تتعبين عمرك بالتفكير وخليك عمليه

وفكري بس انك تنظمين امورك للأيام القادمه

لما تحبين الشي الي قاعده تسوينه راح تقدرين تخلصين بأسرع

وقت انتبهي ان بتنظيمك السليم راح توفرين الجهد والوقت بالايام القادمه

لي رجعه ان شاء الله لمزيد من الطرح ..

ماشاء الله عليج اختي الغاليه ترانيم

موضوع رائع والكل استفاد منه واولهم انا عسى الله يوفقج ويعافيج ويجزيج كل خير

ماقصرتي والله :)

يعطيج العافية غاليتي وجعله الله في ميزان حسناتك

موضووووووووع ولا ارووووع

ما شاء الله عليك .. عيني عليك باردة :)

انتظرك بفرغ الصبر

إن شاء الله أرجع بالليل اكمل
آسفه على القصور سامحوني