نصائح لتسهيل امورك بمملكتك بدون الخادمه ..

الله يعطيك العافية وأنا اليوم بديت في تنظيف الصالة وغرفة النوم وامس خلصت غرفة الالعاب واتحمست وااااايد بعد ما خلصتها واسأل الله ان يوفقني وابتدي في تنظيم المطبخ ويسلمووووووووووو خيو على الافكار الرائعة............

تسلم إيديك والله يجزيك الخير ويعطيك ألف عافية

بس ترانيم نحنا عنا بسوريا مو مواكيت او سجاد الأراضي حتى أكنسهم نحنا عنا كله رخام

فلازم الصالة أمسحها كل يووم؟

وبالنسبة للمطبخ شو يعني جيك وسلةالمواعين ؟ أسفة بس ما عرفتهم

وألف شكر ياست الكل

مشكوووره عالموضووع

جزاج الله خيير وربي يوفقج دنيا واخره ويسهل امورج

الله يعطيك الصحة والعافية وينولك اللي في بالك يارب

انا بديت في ترتيب الادراج ونقلت اشياء كثر استخدمها يوميا من الرفوف العليا الى السفلى

لان الكرشه مسويه زحمه وبصراحه ريحت كثير ..


نقطه بس ابغى لها حل ترتيب البهارات هل من الانسب تكون في درج خاص او على السطح وبجانب الفرن << احس انها تكون عرضه للغبار والاوساخ وخاصة الزيت المتطاير من الطبخ ؟!


بانتظار باقي افكارك

مساعدة لاختنا ترانيم برد على زهرة الفل

الجيك هو اللي يتقدم فيه العصير مثل هذا




المواعين هي الأواني.. سلة المواعين ينحط فيها المواعين بعد الغسل

ما شاء الله عليكم عيني عليكم بارده ايوه كذا نبي نشاط وحماس وتشجيع لباقي الحريم

عشان ينتهون من المطبخ اول بأول تشطيب وبعدين بقول لكم اليومي وش تحتاجين وكيف تنجزين بأسرع وقت اعمالك ..

centrino

حبيبة قلبي تسلمين على المساعده الله يجعله بميزان حسناتك

هذا العشم فيكم والله ..

.........

توكلنا على الله وهو على كل شئ قدير

........

خلصنا من الأواني المنزليه للإستعامل اليومي
والاواني المنزليه لإستعماله وقت الضيافه

وايضا القدر الخاصه بالطبخ ..

..........

قبل ما ننتقل للبهارات ..

بنسوي الآتي

اكيد الجميع حاط كل اجهزته على طاولة الرخام يعني فوق الطاوله

وهذا شي أولا يسوي زحمه وقت طبخك وكمان مو شي سهل انك توفرين وقت وجهد

بتنظيفهم المستمر من الغبار او من البقع اليوميه ..

خصتا ان اكثر الاجهزه تجي لونها ابيض صح ؟؟

طيب الحين المفروض نخصص دولاب خاص بالاجهزة

مثلا جهاز العصارة الي تسوين فيه العصاير المفروض ما تطلعينه

وتخلينه على الطاوله لو كانت الخادمه موجوده كان لا باس انها تنظف يوميا وتمسح على الاجهزه

خليه بالدولاب الخاص بالاجهزه مع جهاز العجانه الخاصه بالفطاير و شوفي ايش من الاجهزه الي ما تستخدمينها

يوميا اضيفيها بالدولاب

الاشياء الي نستخدمها بشكل يومي ممكن قطاعة البصل والطماطم
وكمان التوستر الخاص بالبريد
وغلاية الماء للشاي ووو

شوفي الدولاب المناسب ونظفيه بالطريقه نفسها بخه ومسح وبعدها

رتبي الاجهزه داخلها ..

وكل ما تحتاجين لشي ما اعتقد ان يصعب عليك انك تطلعينه من الدولاب

تستخدمينه تنظفينه وبعدها ترجعينه مكانه

ولا ان يكون عندك على الرخام لمدة اسبوع او اسبوعين بدون استخدام وياخذ حيز

ووقت بالتنظيف والمسح عليه بدون فائده ..

طيب بالنسبه لفوق الطاولات ممكن تضيفين الرول الخاص ( النشاف ) او الكلينكس
ممكن تجيبين اصيص او فازه فيها نبات بيتي يضفي جو حلو وديكور جميل لمطبخك

ممكن انك تزينين الطاولات بالمفرش الخاص الي شكله مربعات من الخوص او من النوع الجاينيز

العازل للحراره ..

وحطي الاكسسوارات الخاصه فيك بالمطبخ على شكل فواكه او خضروات او حاملات الملاعق الكبيره

على ذوقك زيني مطبخك بإلي يريحك ولكن فكري دائما ان ما تسوين زحمه عشان التنظيف اليومي يكون سهل عليك

وش فايده حلاوة المطبخ بديكوره والاكسسوارات وهو مبقع ومدهن و ومليان غبار

فخليك عمليه بالتزين ..

طيب بالنسبه للادراج السحاب

بمطبخك ..

خلي واحد للملاعق الخاصه وقت طبخك والسكاكين والملاعق للاكل وفتاحة العلب والمقص وهكذا

وخلي واحد للسفره ولأكياس السود ولأكياس السندويشات وكمان القصدير

وخلي واحد للملاعق الخاصه لتقطيع الكعك والحلى وكمان الخاصه بالقطاعات بأشكالها ..

.......

وقبل ما ترتبين خليك واعيه انك تحتاجين لكل شي عدد واحد

يعني ليه نجمع عدد ثلاث ملاعق الكبار لتقديم الرز

وتسوين زحمه على نفسك بالدروج

نفس ما خصصتي القدور على حسب اكلاتك الي تسوينها

خصصي الملاعق للاكلات الي بتشيلين فيها على صحون التقديم

وهكذا ..

بعض هذي الملاعق تجي مع حاملة الملاعق مثلا ست طقوم كل واحد لشي معين

وهكذا سهل وممكن تحطينه على طاولة المطبخ لسهولة استخدامه بكل مره ..

.............

بتكتشفين وقت تنظيمك ان عندك اشياء كثيره

تذكري انك ما تشترين اكثر دام عندك بالبيت امسكي ايدك وخلي

القرش الابيض لليوم الاسود

وبسك مواعين وملاعق ..

بالنسبه للدواليب المعلقه بالجدار

فهذي خاصه لثلاث اشياء

واحد للبهارات
اثنين للكاسات والاكواب
ثلاثه للكاسات الخاصه بالعصاير للضيوف

افضل ان يكون عندك من كل نوع طقم 12 كاس
اعتقد يكفي ان يكون عندك ثلاثه اطقم للضيوف من الكاسات

........

الأخت الغاليه الي سئلتني عن البهارات

صح كلامك يا عزيزتي خليها قريب من الفرن
لكن لا تخلينها ظاهره للعيان عشان الغبار والبقع
وكمان مهي حلوه منك تطلعين البهارات للناس ممكن يدخلون مطبخك و...

حتى لو كانت بعلب حلوه وعلى حامله خاصه

ما افضل انها تكون طالعه ابدا

الا الملح والفلفل الاسود الخاص وقت تقديم الاكل على طاولة الطعام او السفره تخلينها على الطاوله عشان يسهل على الجميع ايجاده

وممكن تحطين علب الخاصه المزينه للكوفي او الشاي او السكر على الطاوله لسهولة استخدامه

بالنسبه لدولاب البهارات

هاتي فلين او خشب بمقاس دولابك وبنص العرض يعني الطول مطابق والعرض نصه

لو يكون عندك الفلين الخاص بالفواكه افضل عشان تقدرين تقصينه براحتك

خليه داخل الدولاب و صفي عليه بهاراتك العلب الكبار

اما البهارات الي بالعلب الصغار خليهم بالصف التحتي

وبهكذا بفضل الفلين الي عندك راح يرفع لك الاغراض الموجوده وراء البهارات المعلبه الصغيره

وبكذا تقدرين تشوفين كل محتويات الدولاب من البهارات والخلطات الخاصه فيك وقت الطبخ

بدون تحريكهم والبحث عنهم ..

..............

دلاب الخاص بالكاسات

خلي على الطاوله حامله لأكواب الاطفال عشان يسهل عليهم

الوصول له وقت ما يبون استخدامه لشرب الماء او العصير

اما الدولاب المعلق بالحائط خصصيه لكاسات الماء والعصاير فقط لافراد الاسره على حسب العدد

ونفس الشي الاكواب ..

وهكذا برضوا تسوين لدولاب الكاسات للضيوف

ولا تنسين تنظيف الدولاب قبل صف الكاسات فيه ..

ممكن تعملين نفس الطريقه الي قلت لكم عليها بالنسبه للفلين لدولاب الكاسات

ان كنتي تتعبين بالبحث عن الكاسات ..

..........

الحين نجي للدولاب الي تحت المجلى

هالدولاب لا تحطين فيه شي الا المنظفات او الصابون فقط لا غير

وقطع الاسفنج وكمان ممكن تشترين السفر او اكياس القمامه وتخزنينهم تحت المجلى

وما افضل انك تخزنين اكل تحت هالدولاب بالذات اول شي لانك منتي متأكده هل ممكن

يوم من الايام يصير عندك سيلان من الانبوب الخاص بالمجلى او لا

وثانيا يكثر فيه البكتيريا بهذا الجزء بالذات وممكن يطلع لك حشره او بق

فأنتي مو متأكده من هالشي فخلي هالدولاب خاص بتخزين الصابون والاكياس فقط

بالنسبه لأكياس السوبرماركت او المقاضي

انا شريت حافظة النشاف من البلاستك بدل ما احط فيه النشاف

احط فيه الاكياس ارصهم فوق بعض ووقت ما احتاج لواحد اطلعه كأني اطلع نشاف من العلبه

سهله وعمليه ومرتبه بنفس الوقت ..

.........

راجعه بعد الغداء اكمل ..

الله يعطيج العافيه حبيبتي ترانيم

معاج اول باول عسى الله يوفقج وينولج اللي ابالج :)

ماشاء الله عليك ربي يحفظك وينويلك الي ببالك
ويشفيك ويعطيك الصحه والعافيه
كفيتي ووفيتي

بس ليش ؟؟؟ ما رديتي عليه
اسفه يا قلبي إذا اشغلتوك
كان ودي الاقي حل للبلكونه بس
بس خلاص ما ابغى اشغلك اكثر

جزاك الله خيري الدنيا والاخره

[FONT="Arial"]ماشاء الله عليج اختي ترانيم ما قصرتي وما هليتي مكان إلي وأهتميتي فيه الله يخليج لنا ويخليج لزوجج وعيالج ويدم الصحة عليكم والسعادة يارب ونحن في إنتظار باقي خبراتج الرائع إلي ما نقدر نستغني عنها



[/FONT

اختي الغاليه الحنونه على قلبي بتواصلها الدائم أم علي

الله لا يحرمني منك

اختي الحبيبه العسوله أم الابداع المتواصل دلوعة بودي

ربي لا يحرمني منك ومن تواصلك ان شاء الله

أختي العزيزه الغاليه أم أسيد

من عيوني راح ارد على استفساراتك واستفسارات البنات

اتمنى متابعتك وراح اضيف لك رد خاص لإستفساراتك مع الشرح عن كيفية الاهتمام والترتيب بالنسبه للبلكونه

وما يصير خاطرك الا طيب يالغاليه ولا تزعلين مني أجلت الرد حتى انتهي من الاقسام الي كنت اشرح فيها


..........
راجعه بعد قليل
عندي ضيوف ..

يسلمو يا centrino عذبتك معي بس أسفة

بس اختلاف اللهجات بينا عملتلي مشكلة

شكررا الك

مساء الخير على الجميع

طيب نكمل تنظيف المطبخ ..

بعد ما رتبنا امورنا كلها نبي ننظف كل شي من فوق الى تحت مو بالعكس ..

طيب حبيباتي ..

توكلنا على الله

هاتي القدر الي فيه الماء

وخليه على النار يغلي وسكري المراوح

وسكري الابواب والنوافذ

وطلعي من المطبخ

لكن تأكدي ان القدر فيه ماء كفايه ان يغلي ويتكون البخار على جدران المطبخ

جهزي السلم او الكرسي او الطاوله عشان تركبين عليه

وتنظفين الجدران وجهزي الفوط وبخاخ بام مزيل الدهون وبخاخ رقم واحد

يلا اطلعي من المطبخ وقفلي الباب وراك عشان عيالك ما يفتحون الباب من بعدك

روحي اشربي عصير وارتاحي اشوي

واخذي نسبه من السكر عشان تزيد نشاطك

للمهمه الجايه ...

بعد عشر دقايق او ربع ساعه

افتحي الباب ودخلي وسكريه وراك

طفي على النار ويلا ابتدي مهمتك

قلنا من فوق الى تحت

بخي على الجدران من بخاخ رقم واحد وامسحي بالفوطه على طول

راح تلاحظين ان ما راح تحتاجين للدعك

اما اماكن القريبه من الفرن واعدادك للطعام فيه بقع من الزيت الجاف على الجدران

بخي من بام مزيل الدهون وامسحي بالفوط

طبعا وانتي فوق لا تنسين انك تنظفين اللمبه او الليت ( الاناره بفوطه نظيفه من غير اضافات )

عشان لو كان عليه غبار او تراكمات ينظف و ينور لك المطبخ

مسحتي كل الجدران خلاص شوفي فوق الدواليب يا ساتر في بعضهم يخزنون فوق دواليب المطبخ والله فكره شينه وتحسين المطبخ مبهدل من فوق ويأثر على منظره ونفسيتك وقت الطبخ احيانا الوحده ما تحب تطبخ بسبب شكل المطبخ ازيحي كل شي من مكانه وبدل انك تخزنين الاغراض فوق الدولاب خلصي نفسك منهم بالطريقه الصحيحه الي تعجبك لكن من غير تخزينهم بدون فائده يا انك تستعملينهم او انك تعطينهم لأحد او ان كان عندك مخزن فهو مكانه الطبيعي هناك بكارتون نظيف ومقفل بالشريط اللاصق مع كتابة محتويات العلبه

نظفي اعلى الدواليب ببام افضل من بخاخ رقم واحد لأن اكثر التراكمات تصير فوق الدواليب من قلي الزيت وغيره

طيب خلصتي يلا هاتي القصدير وافرشي اعلى الدولاب عشان النور ينعكس بكل مكان بمطبخك ولا تتعبين بالايام القادمه من تنظيف اعلى الدواليب وكل الي عليك انك تشيلينه وتغيرينه ان شاء الله بالشهر او الشهرين مره واحده على حسب استخدامك المطبخ خلصتي يا حلوه

يلا روحي شيلي مروحة الشفط نزليها وحطيها بالحوض وبخي عليها من بام

بس لا تمسحين خليها اشوي الين آخر شي تنتهين من المطبخ وبعدين تجينها الا وهي

خلاص جاهزه للتنظيف ومفعول بام عمل عمايله

هاتي السلم بالوسط وهالله هالله بالمروحه

بخي من بام لو كان عليه تراكمات نفس الزيت وبعدها بخي بالرقم واحد وبس امسحي يسهل عليك التنظيف من غير دعك

خلصنا انزلي هاتي البخاخ رقم واحد مع فوطه نظيفه بخي ابواب الدواليب كلها وامسحي بسرعه بسرعه وفكي عمرك ..

انتهينا ..

طيب الآن نجي للمهمه الثانيه ..

حركي الفرن نظفي تحته بخي من بام بالزوايا الي فيها التراكمات الدهنيه وامسحي بفوطه

رجعي الفرن .. انا ما قلت لك شيليه انا قلت لك دفيه لاحظي عشان ما يصير عليك ضغط وان كان الفرن ما يتحرك اطلبي مساعدة زوجك عشان يحرك الفرن ..

نجي للثلاجه نفس العمليه حركيها نظفي تحتها ورجعيها ..

وهكذا مع كل جهاز تبريد او غيره عندك بالمطبخ

خلصنا ما بقى شي بالنسبه للفرن الكل يعرف كيف ينظفه ويقصدره بالقصدير

والثلاجه نفس الشي ياريت تنظفونه فقط بماء مخلوط ببكربونات الصوديوم فقط

ما يصلح تنظفينه مع اي مواد كيماويه من الداخل عشان ما يأثر على حفظ المأكولات الي فيها

اما الابواب الخارجيه استخدمي بخاخ رقم واحد عشان يلمع وينظف ويعقم

طيب نجي لمروحة الشفط يلا ادعكيها خفيف وراح تلاحظين ان الترسبات تختفي بسرعه

لأنك خليتيها فتره وفوقها بام بدون ما تغسلينه

نشفيه بفوطه نظيفه ويلا ركبيها وخليك حلوه وكملي شغلك عشان ما يبقى شي ما سويتيه

الحين كل الي عليك رخام الطاولات ورخام الارضيه

هاتي بخاخ واحد لرخام الطاولات بخي وامسحي ورجعي كل شي مكانه

اما الارضيه حبيباتي اول شي اكنسي بالمكنسه

بعدها هاتي داك ممزوج بالماء وحطيه بدلو الخاص بالتنظيف

انا عندي هذي المساحه اخذوا التقليد نفس الاصلي بالضبط لا تخسرون عليه واتم هالمساحه عندك لمدة شهور ويمكن اكثر من ثمان شهور ما يحتاج انك تغيرينها سعرها ما يتعدى 25 ريال او 20 ريال


من اسهل الممسحات الي مرت علي بالتنظيف واكثرها تنظيفا




أما هذي فأكرها كره جامد ما اطيق استخدامها



يلا ابدي اخذي الممسحه الي ما عندها نفس الشي

تروح تفتح دولاب زوجها اقرب فنيله ما يبيها او ضيقه عليه

اقصد الفنايل البيض الي يلبسونها تحت الثوب

طيب اخذيه واخرميه على شكل دائره

حطيه بالممسحه العاديه الي تمسحين الماء فيه مو الي صورهم فوق

اقصد الخاص بالحمام دخلي الخرم الي سويناه من اعلى الممسحه

الين ما تنزلين الفنيله تحت وبعدين اكفسيه على وراس ويلا صبي ماء وامسحي فيه

بس باشري انك تدورين على الممسحه الصوره الاوليه لان صدقوني انها مريحه بشكل خيالي

خلو وحده خاصه للصاله والغرف للسيراميك

ووحده للمطبخ والبلكونه او الحوش وهكذا ..

مسحتي خلصتي يلا مع هالممسحه ما يحتاج حتى تنشيفها

لكن تأكدي انك تعصرينها من المقبض الخاص كل مره عشان يشفط لك عدل مدل السيراميك

خلصنا يلا اطلعي وشوفي مطبخك كيف صار منور وريحته حلوه ..

وكل الفضل لله ثم لك ..

......

راجعه اقول لك بعض الاشياء الي تسهل عليك

عملك اليومي بالمطبخ لتوفير الوقت ..

أم أسيد

بالنسبه للبلكونه يا حبيبتي

ما اعرف طريقة شكل البلكونه

بس بما ان زوجك مخزن اغراضه هذا يعني ان

صعب وصل المطر والماء له صح

يعني عندك مكان مضلل وله انا غلطانه

ان كان مكان مضلل او ان عندك دولاب بالبلكونه

اولا شوفي زوجك ايش يحتاج من الاغراض الي مخزونه

والي ما يبيها استغني عنها

رتبيها على رفوف او ادراج خاصه نفس ادراج البلاستك

او كوارتين فوق بعض ان كان تخزينهم راح يتم لفترة طويله

لكن انصحك ان الجرد واجب يا اختي بهذي الحاله

لأن ما كل انسان يخزن هذا يعني ان بيجي يوم راح يستفيد منه

راح تتراكم عليه الرواسب والغبار والتراكمات وانتوا محتفظين فيه لمجرد

الرغبه بعدم التبرع فيه اوالرغبه بالاحتفاظ فيه لا غير

في بالاسواق رفوف حلوه من خشب مع اني افضل ان كانت البلكونه مو مغطيه

انك تستخدمين النوع الالمنيوم افضل من الحديد و من الخشب لأن ما يتحلل هذا اولا

ثانيا ان يسهل تنظيفه ومسحه بإستمرار من غير تعب ومن غير ما يتأثر مع العوامل

حاولي تشترين ستائر الخاصه بالحمام وغطي المكان المخزون فيه الاغراض

يعني غطي فتحة البلكونه عشان ما يدخل لا الهواء ولا الغبار ولا الماء بالمنطقه نفسها

استغلي البلكونه بعد الجرد

لتخزين الاشياء الي ما تتغير بالعوامل الجويه مثل

تخزين الاحذيه بدواليب خاصه بعيدا عن الماء والغبار

وان كان باب المطبخ يؤدي على البلكونه فخلي جزء من البلكونه

فيه سلال من البصل والثوم والبطاطس بعيدا عن الشمس

راح تتم لك فتره لا تخافين عليهم لكن تأكدي ان ما يوصل له حرارة الشمس

ويكون المكان مغطي بالشكل الصحيح ..

راح ارسل لك رساله خاصه يا اختي اقول لك شي واقتراح خاص وان قدرتي انك تسوينه

راح اقدر اساعدك بشكل افضل ..

........

بالنسبه للميكرويف

يجب على الخوات تنظيفه كالآتي

تحطين كوب ماء وملعقه من بكربونات الصوديوم

او كوب ماء وملعقه من عصير الليمون او نص ليمونه مع قشرها

تشغلين المايكرويف والكوب فيه وبعد خمس دقائق خلاص

تفتحين باب المايكرويف وانتي عندك الفوطه النظيفه تمسحين وانتهينا بكل سهوله من تنظيفها

والرائحه حلوه ونظيفه بنفس الوقت

ملاحظه مهمه :

يمنع منعا باتا تنظيف المايكرويف بالماء الخالي لأن ممكن يسبب حروق بعد اخراج الكوب المحتوي على الماء الخالي ..

ياريت الي ما عندها فكره تبحث عن موضوع خاص لي بنفس القسم تحذير الخوات من المايكرويف

..........

وسامحوني على القصور

لي رجعه ..

الله يعطيج العافيه والله ان نصايحج درر يابعد قلبي انتي

زين ياحياتي بالنسبه لشباصات البنات يااختي تعبت مع شباصات بنتي على كثر ماارتبها الاقيها مكركبه

وخصوصا انها تفتح الدرج هههههههههههههه ادري دخلت عرض بالموضوع بس شسوي تعبت وانا اعلم

هالبنووووته هلكتني يااختي هههههههه ولج بوسه منها على الخدين وعسى الله يوفقج ويباركلج بعيالج ولا

يحرمنا من بعض

رائعة يا ترانيم

صح اني ما سويت بنصايحج لان عندي بنوتة لازقة فيني 24 ساعة

بس شجعتيني ارتب شوي شوي

وفعلا ابتديت بخزانة هدومي وطلعت منها 3 اكياس كبييييييييييييييييرة ملابس ما ابيها

وكلها مو ملبوسة

والله اللي راح ياخذون مني هالهدوم راح يدعون لج

ماااااااااااااااااااااااااااااشاااااااااااااااااااااااااااااااااااااااء عليج يا ترانيم عيني عليج بارده يا اختي

انتي فعلالالالالا مبدددددددعه وخطيررررررررررررررررررررره :)

افكاررررررررج وطريقة سردج للمواضيع وووووووووووووووووايد تشجع انه الواحد يشتغل بروحه ويسفر الخدددم ويرتاح من همهم

الله يعطيج الف عااافيه ويوفقج وييسر اموررررررررج ويسعدج دايم ويبارك بعيالج وبرزقج قولي آمين

اختي العزيزة ترانيم مشكورة على جهودك مع كل الاخوات واتمنى لك حياة سعيدة لانك تستاهلين كل خير وانشاء الله دائما بصحة وعافية وربنا يخليكي لزوجك واطفالك امين
والله انك ما علمتينا فقط ترتيب المنزل ولا التنضيف فقط وانما تعلمنا منك حب الخير للاخرين ومساعدتهم اذا كنا قادرين وافادتهم بكل ما عندنا من خبرات لكي مني كل الود والاحترام يا عزيزتي (f)

أم علي

يا بعد قلبي ضحكت على ردك واستفسارك

صحيح دخلتي عرض بس معلش ههههههه

الي ضحكني انها تكركب لك الشباصات وانتي ترجعين ترتبينهم

الحل سهل انك تبعدينهم عنها وتخلينها بمكان عالي ما توصل له بسهوله

شوفي هالدروج من البلاستك تحصلينها بأكثر من مكان



خلي كل رف للون معين

انا مسوي كذا لبنتي وكنت ابعدهم عنها لكن الحين بما انها الحمدلله كبرت وتفهم

صارت هي تهتم بترتيبهم وكل لون تعرف وين تحطه

او انك تجيبين لها كارتون احذيه وتحطين له فواصل وتخلين كل جزء للون معين

وجلدي الكارتون بجلاده عليها صور اطفال او كارتون

ونظمي لها فيونكاتها وشباصاتها ..


عشان التوضيح هذي صوره مقاربه للفكره



وبوسيها لي يا بعد عمري انتي ..
...........


ام شجاع
يعطيك العافيه وجعل يا ربي الي تبرعتي فيهم

في ميزان حسناتك والصدقه يا اختي فيها البركه على البيت واهله

ربي يبارك فيك ان شاء الله ..

.......

النوري

يا بعد قلبي

يا كل الذوق انتي ..

والله اللسان يعجز عن شكرك

على كلماتك الطيبه

ربي يسعدك ويوفقك بالدارين ان شاء الله

اللهم آمين

...........

دياله

الغاليه على قلبي

شرفتيني بتواجدك وافتخر فيك يا اختي انك تكونين استفدتي

جزاك الله خير على كلامك الطيب الي يشرح القلب

والله يسعدك مثل ما اسعدتيني

والله اني ما اسوي الا الواجب ومنكم الدعوات الطيبه ان شاء الله

اليوم حبيباتي راح نتكلم عن تنظيف الحمامات كرمكم الله واحسن اليكم

توكلنا على الله وهو على كل شئ قدير

..........

المقادير اقصد الي تحتاجينه ههههه

1-مستر مصل
2-كلوركس
3-صابون غسيل الملابس بمقدار ملعقتين او ثلاث بالكثير
4-اي منتج تحبينه لشطف سيراميك الحمام بعد الانتهاء من تنظيفه
5-قفازات
6-دلو خاص بتنظيف الحمام


بام مزيل البقع للحمام ابتعدي عنه ما عجبني ما انصحكم فيه

بصراحه ولا شي قدام مستر مصل لتنظيف بقع البانيو وكمان ملمع ممتاز

فأنصحكم بمستر مصل اختي الغاليه اسيرة قلبه حطت صورته وبصراحه

على طول قلت راح اجربه وفعلا ما استغنيت عنه ابدا سعره ما يتعدى العشر ريال

يجي ببخاخ لونه برتقالي وعليه رجل يعرض عضلاته

وكمان نحتاج لبيوض كلوركس

وانصحكم بصابون الخاص بالملابس بدل الصابون الخاص بالحمامات

بصراحه شي لا يعلى عليه من نظافه ولمعان وريحه طيبه

ما احب استخدم اي منتج اخر للحمامات الا الصابون الغسيل

طيب الكلوركس راح نحطه بالمرافق الخاصه طبعا مهما تهتمين فيه بشكل يومي

المرافق الخاصه يتغير لونه اقصد اسفل المقاعد الي تحتوي على ماء

طيب قبل ما نبتدي التنظيف صبي نص كوب من المبيض بالمقعده وسكري

غطاء المقعده وانتبهي ان محد يستخدم الحمام بهذا الوقت



بعد نص ساعه نزلي السيفون وخلي الماء يتغير




الآن المطلوب منك رشي مستر مصل على البانيو وخليه واشغلي نفسك

بالحوض الخاص لغسل الايدي

اخذي دلو وحطي فيه ماء والصابون فقط




البسي قفازاتك وكوني جاهزه يلا ما يبي له شي

افركي الحوض ولأفضل نتيجه هاتي السلك المعدني الليفه

بس مو الي يتغير لونه ويصدي لا انا اقصد النوع الي ما يصدي الي تجي على شكل دوائر

هذي انا استخدمها سنين وبنين وما عمري استخدمة غيرها تعطيني نظافه ولمعان بشكل مو طبيعي

ولا يتعب بالفرك يعني سريعه بإزالة الاوساخ والترسبات وغيرها

طيب افركي الحوض وقاعدته وخلصي كل شي وبعدها اشفطيه بالماء

ويلا ارجعي للبانيو بنفس السلك المعدني ما يحتاج اضافة شي من الدلو يكفي مستر مصل وراح تلاحظين ان ما يحتاج لفرك زياده بسبب مستر مصل سواااا اللازم

أما الليفه لا تخافين ما راح يخدش لك البانيو ابدا جدا لطيف على المرافق الخاصه بالحمامات

طيب خلصتي اشفطيه بالماء

الحين نرجع للمقعده اخذي الليفه من مقدار المتواجد من الصابون بالدلو

نظفي المقعده وراح تلاحظين ان اسفل المقعده اختفى الترسبات الي كان موجوده

بفعل المبيض بس خلي بالك ان ما تحتاجين اعادة هالتجربه الا لما تحتاجينها

يعني كل ما تشوفين ان اللون بدى يتغير حطي كلوركس وخلاص راح يزيل لك اللون الغامق

بالقاع وايضا يقتل البكتيريا

واخذي العصا الخاص بتنظيف احواض المقاعد و نظفي على السريع انتهيتي

اشفطيه ونزلي السيفون للمره الثانيه

الحين الباقي عليك انك تنظفين سلة المهملات

افضل ان السله تكون من النوع البلاستك عشان يسهل غسله بكل مره

اغسلي السله من نفس الصابون الي بالدلو

وبعدها خليه على جنب عشان ينشب خليه بالبانيو مثلا

هاتي بخاخ رقم واحد معلش نسيت اضيفه فوق

رشي على الرفوف الخاصه بالشامبوهات والاكسسوارات وامسحي بفوطه نظيفه

ورتبي اغراضك

ما انصحكم بالرفوف الخشب بالحمام خصتا مع رش الماء ممكن يسبب فطريات او يطلع

منه الحشرات ممكن البلاستك او الزجاج افضل نوع للحمام

بعد ما تنتهين من الرفوف ..

ما باقي عليك الا السيراميك

كل ما بقى من الدلو صبيه على السيراميك

ما يحتاج تنزلين وتدعكين الارض

هاتي البروش او المخمه



ادعكي به السيراميك

وكل الزوايا من والى وان كان فيك حيل وشده على الشغل يومها

خلاص املي دلو كبير بالصابون والماء واخذي المخمه الي حطيت لك صورته

وافركي فيه الجدار وبعدها اشفطيه مع السيراميك مره واحده بالماء الين ما يزول كل الصابون

بعدها ..

هاتي المساحه الي مدحته لكم وحطيت صورته سابقا

وجهزيها للإستخدام النهائي

هاتي معطر السيراميك انا احب داك بعطره الاصلي من غير زهور وغيره

اخلطه مع ماء واصبه على السيراميك

وبعدها امسح السيراميك بالممسحه

الين ما اشوف اللمعه والنظافه وكمان جفاف السيراميك يبعث الراحه لإستخدامه بكل مره

آخر خطوه اسويها

اني اجيب فوطه نظيفه

ابخ عليها من مستر مصل والمع فيها الصنابير المياه



سواء للحوض او البانيو ..

وبكذا انتهينا من الحمام ونظافته

ان كان الحمام من النوع الي ما يستخدم ولا يحتاج لغسيله بشكل يومي

عليك فقط تنظيف المرافق على الاقل بشكل يومي ببخاخ رقم واحد

يعني رشي على الحوض ورشي على المرافق بدون غسل السيراميك

وبعدها اشفطيه بالماء وبكذا راح يتم لك الحمام نظيف ومعقم ..

إن شاء الله ما نسيت شي ..

واي استفسار انا حاضره لكم ..