نصائح لتسهيل امورك بمملكتك بدون الخادمه ..

طيب هذا الموضوع كان تشطيب للبيت تقدرين تسوينه

كل شهر مره واحده او كل شهرين على حسب امكانياتك الجسديه

لكن التنظيف اليومي

واحد الصاله تكلمنا عنه ما ياخذ من وقتك نص ساعه

صدقوني لأن السر عرفتيه وحفظتيه بالتأكيد

النظام يبعث الراحه والترتيب اول بأول يزيد من نشاطك

كل الي باقي عليك بالنص الساعه اليوميه المخصصه للصاله

انك تنظفين الغبار بشكل يومي ولو بالريشه معلش يوم كذا ويوم بمنظف الخاص بالتلميع

وبعدها تكنسين او تمسحين السيراميك

نص ساعه للصاله

اما المطبخ الله يسلمكم

وانتي قاعده تطبخين اشغلي نفسك بتنظيف الحوض

واشغلي نفسك بتنظيم الادراج ومسح السيراميك او رخام الطاولات

يعني كل وحده تحتاج مثلا ساعه الين ما تخلص طبخ فأشغلي نفسك

مره بالثلاجه مره بالسيراميك وهكذا وصدقيني هالساعه تقدرين بدل وقفتك على الطبخه

يعني مثال اشوف الحريم الين ما تحمر البصل او تقلي الدجاجه واقفه جامده عند الفرن

حركي نفسك واستغلي الوقت يا اختي روحي تعالي على الطبخه و تذكري ان الوقت الي تقضينها بالطبخ

ممكن تستغلينه بأكثر من شغله الحمدلله كل وحده تقدر انها تركز على شيئين وثلاث بعد

ليه لأن احنا الحريم الله خلقنا كذا واعيات ومسؤلات ان شاء الله عن واجباتنا

لو ما كنا كذا كان ما انتبهنا على عيالنا وبنفس الوقت واحنا مشغولات بأعمال المنزل

يعني خليك عمليه وشوفي ايش يحتاج مطبخك اليوم وسويه

ان شاء الله كل يوم دولاب تنظفينه لو يحتاج او مبقع

ويوم تنظفين الشباك ويوم تنظفين الثلاجه ويوم تغسلين سلة الاواني

ويوم تنظفين سلة المهملات بالصابون وتنشفينه

والله اني اطبخ وانا اخلص كل شي بالمطبخ من والى والحمدلله ما اطلع الا وهو ينور من النظافه

وما ياخذ لي ساعه الا وانا مخلصه طبخ ومخلصه التنظيف

وتذكري تغسلين وقت الطبخ اي شي تستخدمينه اول بأول يعني تذكري ان الاطباق الي عندك

مثل ما جهزناهم بالدواليب على قدر حاجتك وان ما غسلتيهم راح تحتاجين لأكثر وهذا راح يدفعك للإهتمام بغسيلهم سريعا ..

حاولي انك تشغلين الغساله وفطل ما تخلصين طبخك يكون دفعة الملابس جاهزه للنشر وهكذا ...

وهذي ساعه من وقتك للمطبخ

أما غرفة النوم ما بياخذ منك الا ربع ساعه

لأنك اكيد مهتمه بمنظر غرفتك بما اني قلت لك انها للراحه ومقفله عن اطفالك

فكلي الي عليك تهويتها بشكل يومي

ومسح الغبار يوم بالريشه ويوم بالمنظف

تعديل السرير وترتيب التسريحه اول بأول

والادراج نفس ما علمتكم كل ما تحتاجين لشي خليك

عمليه ترجعينه مكانه وخلي مخك كمبيوتر يعني كل شي له مكانه الخاص

عشان وقت ما تحتاجين لشي تتذكرين وين هالشي

يعني مثلا عندك مقص بغرفة النوم

يوم تحطينه بهذا الدرج واليوم الثاني تحطينه بالدرج الي تحته

طيب يا اختي جاك يوم تحتاجينه بقووووه وما عندك

وقت ما راح تقدرين تركزين راح تفتحين الادراج سريعا وتلخبطين الدنيا

وتكذبين على نفسك تقولين بعد اشوي برتب

يا بنت الحلال حطيه بمكان خاص لا تغيرينه

اولا لا تضيعين وقتك وقت ما تحتااجينه

ثانيا لا تبهدلين الاغراض وتحوسين الدنيا على مقص ..

هذا مجرد مثال ...

عشان كذا ترتيبك اول بأول و وضع كل شي بمكان مخصص

راح يوفر لك الراحه ونفس الوقت غرفتك دائما منظمه

ربع ساعه لا غير

اما الحمام ممكن ياخذ منك ثلث ساعه لو اكبر حمام هههه

اما الحمام الصغير كلها عشر دقايق على السريع

خصتا الحمام الصغير الي ما فيه بانيو

اما حمامات المجالس ما فيها الا المرافق السريعه الخاصه

..........

ســـــــــــؤال خاص لربات المنازل

لو كنتي طبقتي هالشي اول بأول من تشطيب وجرد وتنظيم ثم التنظيف

وبالفتره الصباحيه سويتي اللازم

نص ساعه للصاله

ساعه كامله للطبخ وتنظيفه السريع بشكل يومي

ربع ساعه لغرفة النوم

ثلث ساعه للحمام خلينا نقول ساعه لو كان عندك حمامين

ونص ساعه لغرفة الاطفال مع مساعدة جنودك الصغار راح تختصرين وتعلمينهم النظام بنفس الوقت ..

أما المجلس يا بنت الحلال نظفيه بالاسبوع مره واحده من أثر الغبار

وبعدها سكري وقفليه عن اطفالك وخليه للضيوف فقط لا غير

اي غرفه ما تحتاجينها قفليه ونظفيه اسبوعيا مسح و كنس فقط

خلونا نرجع للسؤال ..

لـــــــــيه ما عندك وقت ؟؟؟

هذا السؤال كنت اسئله لنفسي بعد سفر الخادمه

وكل الاجوبه الي حصلت عليها من خبرتي كتبتها لك

بعد تنظيم ساعتي الموقته


عرفت ان المفروض اني اخلص كل شي من تنظيف بالفتره الصباحيه مثلا

اما العصر يبقى عندي مثلا كوي او طوي الملابس او سقي الزرع

اشياء بسيطه فقط لا غير واحيانا اجلس على النت محتاره كيف اقضي وقت فراغي

فأقوم اطلع لي عمل من تحت الارض ..

عرفت ان البيت كله ما يبي مني الا ثلاث ساعات فقط


وباقي الوقت لأطفالي و كل شي اول بأول يتيح لي الفرصه بشكل اطول

اني اهتم بهواياتي واهتم بتسريحة شعري وعطري وفستاني واخيرا جاهزه لزوجي ..

...........

وأخيرا انتهيت من الموضوع وان شاء الله

وفقت بالطرح ...

وحاضره لإستفساراتكم ..

والله يقويكم ويسدد خطاكم ..

اللهم آمين

وهذي تجاربي من 1 الى 11

تجاربي 1

http://www.3roos.com/forums/t275969.html




http://www.3roos.com/forums/t286968.html



http://www.3roos.com/forums/t291445.html



http://www.3roos.com/forums/t293380.html



http://www.3roos.com/forums/t296780.html



http://www.3roos.com/forums/t299072.html



http://www.3roos.com/forums/t304212.html


http://www.3roos.com/forums/t308053.html



http://www.3roos.com/forums/t320360.html



http://www.3roos.com/forums/t340852.html



http://www.3roos.com/forums/t345730.html

والله ما فيه مثلج يا ترانيم يا ليتني مثلج

لا الاه الا الله ماشاء الله ماشاء الله ماشاء الله عليج عيني عليج بارده عسى الله يحمييج ويبعد عنج كل عين حاااااااااااسده يارب

اتمنى من كل قلبي ان يسعدج دنيا واخره ويوفقج بحياتج ومع عيالج ويباركلج فيهم وفي ابوهم

فديتج يالغاليه والله انج كفيتي ووفيتي وانا عن نفسي استفدت وااااااااايد عساج عالقوه والله لايحرمني منج

ماشاء الله عليك الله يوفقك وينوردربك استفدت كثيير جزاك الله الف خير

ماشاء الله تبارك الرحمن كفيتي ووفيتي مشكورة ياوردت المنتدى ان شاء الله يحقق امانيك ويشفيك ياالغالية

بصراحة سلمت أناملك وأفكارك عن جد ماشاء الله لااله الاالله ونعم الزوجة والمربية خبراتك افادتني وحمستني كثير لشغل البيت لاني كنت من زمان وانا اسوي جداول لتنظيم عمل البيت ومرة تصيب ومرة تخيب لكن بعد قراءتي لمواضيعك وخبراتك شعرت براحة كبيرة وبأن هذه المواضيع ستكون المرجع الاول لي في تنظيم مسؤلياتي بارك الله فيك وجعله في ميزان حسناتك ويسلمووووووووووووو

مشكورة الغالية مرة ثانية وفعلا استفدنا من كل موضوع لج في الركن يعطيج العافيةوجلعه الله في ميزان حسناتك

ترانيم
الله يوفقك ويسعدك وينولك اللي ببالك ويسخرلك زوجك
ويخليلك اولادك ويبارك فيهم آآآمين
×

×
مشكورة ع ردك (f)
وكل الاجزاء افادتني وربي ماحسيت بثقل بمواضيعك
ورتبت غرفتي ورميت كل الاشياء اللي مالها داعي علب وكراتين وجرايد ومدري ايش
بس ع طول احسها انحاست:ss: لانو اخواني صايرين يدخلونها كثير ..؟؟ والحين ابقوم ارتبها عشان ارتاح وربي حمستيني
ورتبت المستودع والحمدلله بفضل الله ومن ثم نصائحك
واعجبني تنظيف المطبخ واليوم الله لايعوقني بشر اببدأ بالمطبخ وراح اتحف امي
لانو دايما آآخذ بنصايحكم ومن منتديات اخرى وتنبسط امي مني:o



والسلاااام خير ختاااااام

ماشاء الله تبارك الله

جزين كل خير أخيتي ترانيم ..

ابدعت في موضوعك ..

و خبرتينا عن كل اسرارك في تنظيم امورك

الله يسعد ايامك و يكرمك و يجزيك كل خير و ينولك اللي في بالك و يخليلك الحبايب و يخليكي لهم يارب..

شكرا شكرا شكرا و الف شكر

وش اقول وش احكي

خبرات متميزة ماشاء الله تبارك الله

وموضوعك هذا صار مرجع عظيم ومفيد لربات البيوت

يا بعد عمري كلكم

والله اسعدتوني بردودكم الحلوه

الله يوفقكم ان شاء الله ويقويكم على اعمالكم

ولا تنسون الدعاء ان الله يقويكم بشكل يومي

وخصصوا دائما وقت للإستغفار خصتا وقت العمل

عشان الله يطرح البركه بأعمالكم بشكل دائم خصتا وقت الطبخ ..

والله يوفقكم ويسعدكم

اللهم آمين

بسم الله الرحمن الرحيم..

ما شاء الله عليج تبارك الرحمن..

تسلم اليد اللي سوت وكتبت هالموضوع، ويسلم العقل المدبر اللي نظّم ونسقه بهالشكل
وتسلم العين والقلب اللي يداري بيته ويحاتي حتى اللي خارجه وبها ترانيم تنقل خبراتها وتجاربها بشكل سلس وجميل!!

خيو.. كلمة شكر ما توفي بحقج!
والدعاء يلهج به قلبنا ولسانا في توفيقج وتسديد دربج..

أنا استفدت كثيييييييييييييييير من كل اللي كتبتيه..
وأسلوبج مثل ما عجب الكل عجبني ودخل قلبي

بس سؤال بعد عمري..
ليفة المعدن.. تعطيني اسمها، لأني مو متأكدة من اللي تقصدينها بغسيل الحمام كرم الله السامع؟!

ويعطيج الف عافية خيو

الله يسعدك طحتي على الجرح كملي مووووووووووووضوعك جناااااااااااااااان

رنومه


مبدعه دوما وابدا


تم الانتهاء من دولاب المطبخ وصارت ريحته واو من بخاخ 1 ومرتب ونظيف


مسحت الثلاجه زي ماقلت


طبعا المطبخ حبه حبه لاني حامل واتعب وايد

وراح اخبرك بالجديد


وابغى يالغاليه اسألك سؤال لاهو صعب ولا محال (هههههههههههاي امزح)

بالنسبه للميكرويف والفرن الكهربائي عارفه من برى معدومه شوي تنصحيني استخدم بام ولا لا


مع خالص شكري وامتناني

تم يا ترانيم ما شاء الله عنك الله يحفظك يارب و عيالك من كل سوء

بس بصراحه كل نصايحك اقدر اطبقها إلا الحمام

احسها صعبه كل شوي احط شي

مره كلور و مره مستر مصل و مره صابون و اشطف و نشف شيل

احسها صعبه :(

بنت الاصايل
فراشة الروابي

الله يوفقكم ان شاء الله ويسعدكم واسعدتوني بتواجدكم ودعائكم الطيب لي

الله يقويكم يا رب على اعمالكم والى الامام دائما ..

غروب يا بعد عمري

تسلمين يالغاليه استخدمي بام مزيل الدهون للفرن اكيد ما يحتاج سؤال

والميكرويف برضوا من برااا ان كان فيه نقط من الزيت الجاف معلش نظفيه ببام

واخر شي لمعيه من بخاخ رقم واحد ان كان الميكرويف من الخارج لونه ابيض عشان يكون لك ناصع ويلمع ويلفت النظر من نظافته ..

ريم

يا بعد عمري الي انا قلته لكم مجرد تشطيب اولي تقدرين تسوينه كل بين فتره والثانيه

اما غسيل الحمام اليومي اغسلي واشطفي كل جزء الين ما توصلين للجزء الخاص بالارضيه وبس

ليه اقول لازم تفركين وتشطفين كل جزء عشان اللمعه يا اختي

لما يبقى الصابون مده طويله الين ما تخلصين كل الاجزاء بالحمام وبعدها تشطفين راح يبهت اللون على الاماكن من نشفان الصابون عليه

واحنا نبي نتيجه حلوه بعد الغسيل ...

شوفي الي يريحك يا قلبي بس على الاقل التشطيب سويه كل اسبوعين عشان ما يندمر لك الحمام

خصتا ما بين الفراغات والأرفف والقاعدات ..

والله يقويك ان شاء الله ويسهل عليك اعمالك

اللهم آمين

أختي باين ما انتبهتين لسؤالي..!!

وفي عندي سؤال عن ترتيب الثلاجة..
بالنسبة لي ن ماكو عندي عيال تحوس كل شوي بالثلاج وتلعوزها..
فرشت كل رفّ بفوطة على أساس ما يتوصخ.. مجرد أبدل الفوط.. وأمسح وخلاص.. للحين ثلاجتي كأنها جديدة من تزوجت صار لي سنتين..

أصفّ الخضرة بعد ما أغسلها في سلة بس ألاحظها تذبل بسرعة مو مثل الفوكه..

بس أنا زوجي ما يحب يشتري كل يوم او يومين..
أشتري كمية لمدة يعني..
تنترس ثلاجتي.. وماعرف شلون أخلي كل شي مرتب وبنفس الوقت طازج قدر المستطاع!!!

ماشاء الله عليك الله يوفقك وينوردربك استفدت كثيير جزاك الله الف خير


بس ابي اطلب منك طلب ياريت تنزلين لنا صور بيتك احس اني متحمسه اشوفه


وربي يعطيك الصحه والعافيه

بنت الاصايل

سامحيني ايه والله ما انتبهت

قرأت ونسيت الرد على سؤالك

طيب يا حلوه شوفي

اخذي المقدار الي تحتاجينه للسلطه مثلا خيار جزر ووو مقدار واحد بس لفيه بالنايلون الخاص بتغطيت الصحون
وهكذا خلصتي من كل المقادير لمدة اسبوع مثلا

كل يوم قد ما تحتاجين مثلا خذي رزمه من الي لفيتيهم وطلعين وسوي السلطه

بالنسبه للطاطم

خذي علبة بلاستيك الي معاه غطاء خاص
انا الي اسويه شوفي اخذ مثلا الطماطم الي احتاجه للسلطه الفهم مع الخيار والجزر للسلطه نفس الوقت الي بلفهم مع بعض مع المقادير الاسبوعيه

لكن للصالونه وغيره اذا احتاج الطاطم

اخذ العلبه الي قلت لج عليها امليها الطماطم واحطها بالفريزر فوق

الحين كل ما ابي اطبخ اطلع الطماطم قبل استخدمه بعشر دقايق افتح العلبه اطلع كم حبه الي احتاجهم

احطهم بمله فيها ماء عادي من الصنبور

وبعدها بعشر دقايق اخذه اشوفها يتقشر القشره الي عليها بكل سهوله

كل الي علي بس اني احطه بالفرامه ويعطيني احلى احلى عصير طماطم للحمصه

وبصراحه طعم عجيب ..

جربي وشوفي
اما البصل اعتقد ان مكانه خارج الثلاجه احسن من داخله

البطاطس اول ما تجيبينه غسليه من التراب وبعدين اشخليه عن الماء الين ما ينشف وحطيه بسله جاهز للإستخدام ..

بالنسبه للفوط داخل الثلاجه ما انصحك لأنه عرضه لتكاثر البكتيريا

اخذي مفارش نايلون خاصه تلاقينها بكل المحلات نفس رامز الي يبيعونه بالمتر على شكل فواكه او الوان موحده

اعتقد احلى وانظف لثلاجتك

خصتا ان ما يبي له تعب عشان تنظفينه يعني تمسحينه بماء وبكربونات الصوديوم وخلاص ...

والله يقويك ان شاء الله

.............
alhm

اختي ان شاء الله بنزل صور من بيتي لكن ما اعتقد ان اقدر اني انزل صور كامله للبيت بكبره

مثلا اقدر اني انزل صور لبعض الترتيبات ان شاء الله قريبا

عشان الفائده عزيزتي

والله يسعدك ان شاء الله