نصائح لتسهيل امورك بمملكتك بدون الخادمه ..

["]الله يعطيك العافية والقوة ما تتصورين اشكثر استفدت من خبراتك وتجاربك انا ما احب البشاكير فى البيت بس مضطرة واكرة وجودهم احس ان الوحدة ابد ما ترتاح بوجود الخادمة انا اترك لها شغل البيت من ترتيب وتنظيف وما يعجبنى شغلهم احس انهم يكركبون اكثر من انهم ينظفون والحينا بشكارتى سافرت اول اسبوع تعبت لان ما حطيت اى تخطيط لشغلى بس بعد اسبوع سبحان الله صرت احس ان شغل البيت يبعد الهموم والتفكير السلبى والاكتئاب كنت دوم استغرب من الفلبينيات على الرغم من كثرة شغلهم الا انهم مبسوطين فى حياتهم والوحدة فيهم بعد ما تخلص شغلها ما تنام الا وهى مسوية لعمرها بدكير ومنكير طولتها صح ؟ بارك الله فيك ويسعدك دنيا واخرة]]]

هلا حبيبتي


انتهيت من اعمال المطبخ يووووووووووووه مو مصدقه


طبعا الخميس والجمعه اجازه

والسبت بنظف دورة المياه وارد اقول لكي شو صار

ما شاء الله عليكم

الى الامام دائما ان شاء الله

انتظر منكم تفاعلكم ان شاء الله

ولا تنسون المحافظه على تعبكم

خصصوا وقت للإشراف مرتين باليوم على المناطق الي تم تنظيمها وتنظيفها

الله يقويكم ان شاء الله

الغالية ترانيم مشكورة على نصايحك بس عندي استفسار أبغي حل لشفاط الروائح اللي فوق الفرن اشلون انظفه من آثار الدهون اللي علية هل منظف بام ينفع؟
ارجوك الله لايهينك ساعديني

حطي لي صورته يا أختي عشان اعرف اي شفاط تقصدين ؟؟

او اشرحي لي اي واحد الي بالجدار فوق او الشفاط الخاص بالافران ..

نور الدنيـا;6514108:
ترانيـــــــــــــم ..

جزاج الله ألف خير ... بس لاتنسين الي يشتغلون اشلون ممكن يتصرفون انا وحده دوامي من 7 إلى 3 فساعديني جد ما أحصل وقت أقعد فيه مع زوجي واليهال ..

انا نفس المشكلة دلينا

روعة روعة روعة روووعة الموضوووع يجننن ممييييييييز الله يجزاك خير شككككرا شكككرا شكككرا
وماشاء الله تبارك الله اسلوبك روعة واهنيييييييييك على طولة بالك علينا
الله يحفظك..
بس عندي سؤالين اذا ممكن
1-كاسات القزاز بعد ما أطلعها من غسالة الصحون تطلع مبقعة:(:(:( في حل لها مثلا صابون معين او اي شي لاني اشغلها واتركها لين بكرا وطبعا تكون ناشفة من زمان ويصير فيها بقع بيضا.

2-عندي شباك كبير قزاز يطل على الصالة فيه خط عريض من تحت من القزاز المثلج عرفتيه؟؟ المهم هذا الجزء المثلج فيه بقع زيت من القلي وجربت كل المنظفات وما راح:confused::confused::confused: ومشوه منظر الصاله مرررررررره:(
عندك حل لتنظيف القزاز المثلج او المرمل زي مايسمونه في المحلات

الله يحفظك ويخليك لنا يا احلى عضوة في احلى منتدى
اكرر شكري

هلا أختي انا أقصد الشفاط اللي موجود فوق الفرن مباشرة وليس المروحة اللي تشفط الروائح ويسلموووووووووو

ترانيم الغالية

كيفك يا قلبي عساك وعيالك وزوجك طيبين
بالنسبة للبلكوونة
هههههههههههههههههه

صورتها بس ما اعرف تخيلي احطها في النت
بس بحاول قدر الاستطاعة
هيا طبعا
مقفلة من فوق والجوانب
ومكيف الصاله داخل في النص
في وسط البلكونه
كمان عندي سؤال بالنسبه لقطع الجينز
هيا تنظف المريات ولا بس خاصه للابواب والخشب
بس يمكن كل موضوع اقراه ارجع لك تسلمين وربنا ينولك الي ترجينه

[BLINK]جزاك الله خير وجعله في ميزان حسناتك[/BLINK]

حبيباتي

ان شاء الله برد على استفساراتكم

بس هاليومين مشغوله

ان شاء الله يوم الاثنين برد على كل سؤال ..

لي رجعه ان شاء الله

وسامحوني على التأخير

وينك يالغالية طولتي علينا اشتقنا لدررك

احب هذا الموضوع ولله انا لما تكون في مدارس الله يهدي بنتي وقتي يضيع معه وبكذا يضيع شغل البيت وزوجي وولدي الصغير فان محتاجه هذا الموضوع وشكراااااااااااا جدا

القبة النوراء;6649214:
الغالية ترانيم مشكورة على نصايحك بس عندي استفسار أبغي حل لشفاط الروائح اللي فوق الفرن اشلون انظفه من آثار الدهون اللي علية هل منظف بام ينفع؟
ارجوك الله لايهينك ساعديني

حبيبتي انا الي عندي نوعيته ينفك اجزاءه ولكن قاعدته مثبته

ان كان عندك من النوع الي تقدرين تنزعين اهم اجزاءه لتنظيفه خلاص

طلعيه من مكانه واستخدمي الجف البخاخ لبقع الدهون الصعبه

جدا ممتاز بصراحه انا استخدمه بس للمكان هذا او لشفاط المثبت بالجدار

بس اقرأي التعليمات بالاول

ونفس الوقت ان بخيتي عليه خليه اشوي دقيقتين او اكثر

عشان يذيب الدهون

والاشياء الدقيقه استخدمي فرشاة اسنان للوصول لها وتنظيفها بسهوله

خصتا الشخالات والفلتر ايضا ..

والله يوفقك ان شاء الله

happydays;6653919:
انا نفس المشكلة دلينا

حبيبتي الغاليه

أنا ما عملت جدول يومي واسبوعي وحددت وقت للجميع لأداء اعمالهم

اولا بالنسبه للموظفه

المفروض اول ما توصل ما ترتاح الا بعد ما تعد وجبة الاكل للعائله ان كانت من النوع الي تطبخ بالبيت ومحد يساعدها وبعد الاكل

ترتاحين لمدة ساعة ونصف تقريبا

ممكن النوم يكون افضل لها ولكن مع الاطفال اكيد الوضع يختلف الوحده ما تقدر تاخذ راحتها بالنوم واطفالها صاحين وان نامت اكيد عيالها بينامون معها وهكذا راح يخترب توقيت نوم اطفالك

على الاقل الاسترخاء مهم للموظفات ما بعد الوجبه ..

بعد ساعة تبتدين تعملين الاهم ثم المهم

طريقة التخزين للأغراض بطريقه سهله ومرتبه وعدم الكركبه وشراء المزيد من الاغراض

راح يوفر لك الراحه بالتأكيد

لأنك راجعه بيتك وانتي تبين تاخذين راحتك مو تشيلين وتحطين بالاغراض

ركزي دائما انك تسوين كل شي اول بأول

مثل ترتيب كل شي على السريع حتى قبل خروجك للعمل

تأكدي انك رتبتي سريرك وسرير اطفالك

صدقيني بعد رجوعك راح تحسين بالراحه لمجرد دخولك الغرفه

وامور التنظيف تهون عليك وتتشجعين انك تسوينها

دائما اعملي لك روتين على حسب ما يناسبك بالبيت

مثلا تعرفين قدراتك الجسميه

تقولين بعد ما ارجع اطبخ وكلها ساعه بس اركب الاكل وامسح الطاولات واغسل الاواني وانا طالعه

بعدها تشربين كوب عصير الين ما يجهز الاكل مثلا

دلعي نفسك وانتي لك الحق طبعا بالدلع ونفس الوقت تاخذين مقدار من النشاط ما قبل العمل بالبيت ...

اشغلي اطفالك بالترتيبات والتجهيزات لليوم الثاني

يعني كل شخص او فرد من اطفالك يرتب اغراضه مو بس مساعده

عشان تشغلينهم عنك اشوي ولما يكونون مشغولين انتي تسوين الاهم

دائما اكنسي البيت ما بعد الوجبه الاخيره يعني بعد وجبة العشاء

عشان البيت يكون نظيف لليوم الثاني ما بعد رجوعك من دوامك

ونفس ما ذكرت فكرة الريشه الخاصه لإزالة الغبار ممكن انك تسوينها وانتي

ماشيه بروحتك وجيتك بالبيت وبعدها تكنسين وبكذا بيتك مرتب قبل العشاء

وبعد العشاء نظيف من الغبار وكنستي وخلصتي

واما المطبخ اكيد انتهيتي منه وقت ما جهزتي وجبة الطعام بالتوقيت الي خصصتيه لمدة ساعه كامله ..

اكيد قبل ما تنامين تحتاجين لحمام مريح ما قبل النوم

حاولي انك تشفطين الحمام او تغسلينه يوم ايوه ويوم لا

وبعدها على طول تتسبحين

عشان عضلاتك ترتخي ما بعد غسيل الحمام وما تشعرين بالتعب

بالنسبه لغسيل الملابس ممكن انك تسوينه بيوم اجازتك غسل وكوي على حسب قدرتك

لكن صدقيني انك لو كويتي ما تحتاجين من ملابس العمل او ملابس الاطفال للايام القادمه

مثلا لثلاث ايام متواليه راح تحسين راحه لمدة ثلاث ايام

لأن هم الكوي انزاح وصار عندك وقت لنفسك

أما ترتيبات الدواليب سويها ايضا حسب اجازتك الاسبوعيه

ودائما خليك مشرفه على بيتك مثل ما ذكرت من قبل

اشرافك المتواصل على نظافته وعلى ترتيبه وحث اطفالك على ذلك

انتي راح تنجزين اقل مجهود بالايام القادمه وراح تلقين ان اطفالك تعودوا

على النظام والترتيب ونفس الوقت الروتين الي عندك يخليك تحسين ان عندك فراغ لزوجك انك تلبسين وتتعطرين بعد نوم اطفالك

واي استفسار انا حاضره يا اختي ..

طولون;6654936:
روعة روعة روعة روووعة الموضوووع يجننن ممييييييييز الله يجزاك خير شككككرا شكككرا شكككرا
وماشاء الله تبارك الله اسلوبك روعة واهنيييييييييك على طولة بالك علينا
الله يحفظك..
بس عندي سؤالين اذا ممكن
1-كاسات القزاز بعد ما أطلعها من غسالة الصحون تطلع مبقعة:(:(:( في حل لها مثلا صابون معين او اي شي لاني اشغلها واتركها لين بكرا وطبعا تكون ناشفة من زمان ويصير فيها بقع بيضا.

2-عندي شباك كبير قزاز يطل على الصالة فيه خط عريض من تحت من القزاز المثلج عرفتيه؟؟ المهم هذا الجزء المثلج فيه بقع زيت من القلي وجربت كل المنظفات وما راح:confused::confused::confused: ومشوه منظر الصاله مرررررررره:(
عندك حل لتنظيف القزاز المثلج او المرمل زي مايسمونه في المحلات

الله يحفظك ويخليك لنا يا احلى عضوة في احلى منتدى
اكرر شكري

بالنسبه للكاسات الي بغسالة الصحون انا نفسك يا اختي ما اطلعهم الا اليوم الثاني

يعني اشغل الغساله بالليل والصباح افرزهم على الدواليب وقت ما اركب الغداء

طيب يا اختي على حسب الصابون ان كنتي تستخدمين فانيش 3 في واحد

فهو ممتاز يا اختي لأن يحتوي على ملمع وصابون وملح

وبكذا ما راح تحتاجين لشراء الاملاح الخاصه بالجهاز وملمع خاص وايضا صابون

فهو متوفر فيه كل شي

انا جهازي يناسبه فانيش

لكن بصراحه عندي صابون ثاني احبه وما استغني عنه

رغم ان ما فيه املاح ولا ملمع ولكن عجيب اسمه كلينك و لون العلبه خضره

لما تكونين صاحيه يا اختي وسمعتي صوت جرس انتهاء الغساله ولكن ما فيك انك تفرزين على الاقل افتحي الباب عشان يطلع البخار الباقي من التجفيف

وبعد خمس او عشر دقايق

سكري الباب الين ما تفضين للتفريز

يمكن انتي من النوع الي عندك لازم تفتحين الباب عشان يطلع البخار منه ولا يجف على قطع الكاسات او الصحون

ولكن البقع البيضاء هذا يعني تكلس بالاملاح

يعني يا ان مائكم مره مره مالح وما يصلح للغساله ويحتاج منك انك تحطين ملح زياده

عشان يحارب ملوحة الماء ويحافظ على جهازك او ان الصابون الي تستخدمينه ما فيه ملح

او ان الجهاز يحتاج ان يتنفس بعد انتهاءه من البخار

هذي الاسباب كلها كتبتها عشان انتي بنفسك اكيد ملاحظه سبب مهم منهم يأدي للمشكله الي عندك ..

واي استفسار يا قلبي انا حاضره ...

بالنسبه للبارتيشن المثلج

شوفي يا قلبي الطريقه بس تسوينها مره وحده بس

وبعدها تحطين بالك على المكان عدل مدل

يعني بعدها اول بأول تنظفينه عشان ما تسوين الطريقه مره ثانيه

شفتي فلاش الخاص بالحمامات واحدد لك احسن من النوع الرخيص الغير مركز

قلت من قبل الرخيص افضل لانه غير مركز وممكن استخدامه لفلاتر الغسالات عشان الفتحات تنفتح بسهوله ..



طيب لبسي قفاز وهاتي قطنه و امسحي عليه وخليه اشوي

وهاتي الليفه الناعمه مره

ونظفيه بالدعك اشوي اشوي عليه عشان ما يتشمخ لك

بعدها ان كان باقي لك القليل من البقع

هاتي جف السائل او البخاخ وبخي وامسحي

لكن مثل ما قلت لك بعدها اول بأول عشان ما يجف لك الدهون

لأن المثلج جدا متعب بتنظيفه ...

والله يقويك ان شاء الله

أم أسيد;6669459:
ترانيم الغالية

كيفك يا قلبي عساك وعيالك وزوجك طيبين
بالنسبة للبلكوونة
هههههههههههههههههه

صورتها بس ما اعرف تخيلي احطها في النت
بس بحاول قدر الاستطاعة
هيا طبعا
مقفلة من فوق والجوانب
ومكيف الصاله داخل في النص
في وسط البلكونه
كمان عندي سؤال بالنسبه لقطع الجينز
هيا تنظف المريات ولا بس خاصه للابواب والخشب
بس يمكن كل موضوع اقراه ارجع لك تسلمين وربنا ينولك الي ترجينه

اختي العزيزه ام اسيد

شوفي فوق بالمنتدى فيه مربع لرفع الملفات

تقدرين تستعينين فيه لرفع الصور للمنتدى وبعدها تنسخين الرابط للصوره وترسلين لي الصور

عشان اقدر اني اساعدك ..

بالنسبه للجينز يا حياتي

ان كان من النوع الي ما يطلع خيوط اكيد تقدرين تلمعين فيه الزجاج

انا استغنيت عن الجرائد

واستخدم الجينز لسببين اولا يمكن يكون بالجرائد لفظ الجلاله واسهى عنه لصغر الخط بكل صفحه

والسبب الثاني ان يسهل عليك غسل قطعة الجينز لكل مره تستخدمينه وبكذا وفرتي على نفسك الكثير

الله يقويك ويسعدك ان شاء الله

وانا حاضره لكل استفساراتك على الرحب والسعه

اختي ترانيم000غبت لفتره عن المنتدى وكم سعدت عندما عدت ووجدتك عدتي وافرحني تواجدك والف مبرووووك عالتميز00والحمدلله على سلامتك 0

وموضوعك 00جاء بوقته لاني قررت اني اسفر الشغاله وحجزت لها 1 اغسطس 0ورتبت بيتي واعددته بشكل مريح في التعامل وهوه فيلا كبييييييييره مره والله يعيني على الاهتمااااام ويقويني يارب 0لاني احب الشغل وحابه اعود بناتي على ادارة البيت والبعد عن الاتكاليه وماتحتاج الوحده لغيرها0
انتظر اي نصيحه منك تقترحينها علي قبل ذهاب الشغاله استفيد منها فيه00وقبله مني علىرأسك الكريم تعبيرا عن تقديري الكبير لك0شكرا لك

شكرا جزيلا حبيبتي ترانيم الله لايخلينا منك وان شاء الله جاري التطبيق لنصائحك..............

شكرا على الرد بجرب ان شاء الله وبردلك النتيجه :)