نصائح لتسهيل امورك بمملكتك بدون الخادمه ..

خساره انا ببيت اهلي اليوم بس ان شاء الله اول ماارجع لبيتي راح اطبق فكرة الصاله

بس ترانيم انا اكثر مايذبحني ويهد حيلي ويكرهني في الشغل هو الغبااااااااااااار والله اني امسح وامسح ومانفع
يعني امسح اليو الصبح بالليل القاه مغبر مااكأني مسويه شي والله تعبت نفسيا احيانا اشك في نفسي اقول انا مااشتغل زين او اني كسوله ماادري مع اني مااوقف حتى من الضيقه صرت احس ان زوجي متضايق مني والله ماادري وش اسوي

ما شاء الله عليج الغالية ما قصرتي مشكووووورة
على افكارج الروووعه حسيتها صج تسهل عملية
التنظيف وخصوصا اذا كان فيه مساعده من اليهال
تكون مثل اللعبه :) انا عن نفسي الحمد لله احب
تكون غرفتي دايما منظمه وانا ماعندي شي يعني
لا صالة ولا شي يااادوب غرفتين فدايما تلاقيتهم
يلقووون من النظافه وفوووق هذا ما اشتغل ولا شي
فماعندي الا اقضي وقتي بالترتيب :)

وتسلمييييين الغالية الصراحة موضوووع متميز عن جدااارة وواايد بنات محتاجينه حتى انا راح اطبق من افكارج لما اطلع شقة قووولوا امييين

نصااائحك راائعة الله يعطيكي العافية يارب
وفعلا لو بقيت ايدينا تتحرك على طول بشيل هالغرض وترتيبه وعودته لمكانه والله راح نلاقي حالنا
اننا عندنا وقت كبير فاضي غير التنظيف حتى
ترانيم ترى الصالة نظيف ومرتبة بس فيه كم كاسة على طووول رايحة اوديها المطبخ (( مطيعة الله يرضى عليي )

نظظف الصاااااااالة وحجرة النوم نص ساعة بس!
وصارت احلى من القمررررر

مششششششكورة حبيبة قلبي ترانيم

نورررررررررر القسم برجعتك الحمدلله على السلامه


والله موضوع ولا اروع


يعطيك العافيه ع التشجيع وبانتظار التكمله =)

أخيتي ترانيم ..

اسمحيلي اقلك انت انسانة أكثر من رااائعة

ماشاء الله عليك ربي يبارك فيك و يسعدك دنيا و آخرة و يسهل عليك كل أمر عسير مثل ما قاعدة تعطينا افكار تسهل علينا ادارة مملكاتنا

انا مخلصة كل شغل البيت و بعدها قعدت على النت
و لما قرأت موضوك حسيت بالحماس و النشاط و الحيوية و ودي أقوم الحين أطبق كل شي مكتوب

ربي يبارك فيك و يجزيك كل خير

ما شاء الله عليكم حبيباتي عفيه عليكم والله ..

إلي طبقوا عملية تنظيم الصاله وتنظيفها السريع بشكل يومي

لا تنسون وتذكروا دائما ان سر استمرارك بالنظافه هو النظام نظمي ورتبي اول بأول

يوم بعد يوم بتلاحظين انك تعودتي على الوضع

وحتى جسمك يتعود على النشاط وتتركين البطء بالحركه

ودائما تذكري إنك قادره على عمل البيت دام غيرك يقدر عليه

وانتي مو اقل من احد ولا انك اقل بالنظافه طلعتي من بيت نظيف

وان شاء الله تستمرين ببيتك على ما تعلمتيه ببيت أهلك

أي شي انتي مستصعبته بالبدايه فكري بينك وبين نفسك

كيف اسهل على نفسي هالشي ..

يعني مثلا مستصعبه الكوي ..

فكري ليش انا ما احب اكوي وليه الكوي بالنسبه لي شي متعب

هذا يعني اني اكوي بطريقه خاطئه

ان كنتي لمجرد الملل معلش وقت نوم اطفالك هاتي الطاوله

وخليها قدام التلفزيون واشغلي نفسك بالتلفزيون وما راح تحسين الا انك مخلصه كل شي

وان كان بسبب ألم بالظهر او بالرجل

حاولي تسهلي امور قعدتك او وقفتك بالطريقه الصحيحه

وان مره مره مو حابه الكوي غيري اسلوب الكوي عندك

بما معنى مثلا كوي بطريقه غير الي متعوده عليه


في بعضهم يطبقون الملابس واجهة القميص مع خلف القميص

وفي بعضهم من يدخل الزوايا بطاولة الكوايه عشان يسهل عليها الكوي

غيري عشان ما تملين من عملك بالشكل الروتيني

وبعد التغير بتفضلين طريقه على الثانيه وبتحسين اي طريقه اسهل لك

دائما جربي انك تغيرين لأن بالتغيير راح تتعلمين الاسهل من الاصعب

وتكتسبين الخبره مو بس بالكوي بكل شي خليك دائما متجدده

وغير تقليديه فهذا الشي راح يأثر ايجابا على خبراتك بالمنزل

في بعض من خبراتي والله ما اذكر اي رقم ذكرت لكم انكم تجلدون

طاولة الكوي بالقصدير عشان توفرين وقت بكوي الملابس طبقوها جزاكم الله خير

وراح توفرين الوقت لنفسك وتنتهين بسرعه من الاكوام المنتظره بسلة الكوي ..

...........

وش رايكم ندخل غرفة النوم

الغرفه الرئيسيه الي دائما المفروض نحس فيها بالراحه بعيدا

عن الفوضى وبعيدا عن تذكيرك بأعمالك ومسؤولياتك

وملجأ لك للراحه وايضا المكان الأكثر الي يحتوي على ذكرياتنا الزوجيه العاطفيه

تكلمت بتجاربي 11 عن ميز التواليت كيف ترتبينه وكيف المفروض يكون

تكوم العطور والكريمات والاوراق وغيره يخليك مو مرتاحه أبدا

وبتصير الغرفه فوضى عارمه ونفس الوقت يوحي بالاختناق

يلا هاتي فوطه ورشاشك صديقك بوقت الازمات

ان كنتي تستخدمين رشاش خاص بتلميع الاثاث تمام

وان ما كنتي تستخدمينه هاتي رشاش منظف الزجاج

وهاتي الكيسين الي تكلمنا عنه لا تنسينه

وان خصصتي بدل الكيس سله احلى واحلى معناته انك حبيتي انك

تكونين ألس ههههههاااي

طيب حبيباتي

وش نحتاج بعد ولا شي بس لو تزيدين الفوط يكون افضل ..

صكي على نفسك الباب عشان ما تشغلين نفسك بشي ثاني

ويا حلات الي تسوي شغلها وعيالها نايمين او مشغولين احسن وابرك


أفتحي الشبابيك ان كنتي بتشتغلين الصباح او الظهر وهذا شي مهم

لا تنسينه تغيير الهواء بالغرفه بشكل يومي مهم لصحة الجميع

وش رايكم نبتدي من وين ...؟؟

أكيد من السرير ان كنتي من النوع الي يخزن اغراض تحت السرير

اقول طلعي اغراضك الي تحت وبتشوفين ان في اشياء ما تبينها

ليه ؟؟!!

قبل شهر خزنتي شي وتفكيرك انك تحتاجينه يوم من الايام

لكن بعد شهر صدقيني يمكن تفكيرك بالغرض نفسه مو نفس الشي

ان كنتي منتي محتاجته ارجوك قطيه ولا بعثرته و بدل ما تخزنينه استغلي

الحيز الي بياخذه لراحة بالك وبلاش تتكوم عليه الغبار عطيه لأحد يحتاجه

وان ما كان يصلح قطيه ويكفي الي عندك من اغراض

الشقه ما تستحمل اكثر من كذا تخزين

كيف عرفتي !!!

عرفت لأن لو كانت شقتك تستحمل كان ما خليتيه تحت سريرك

لجئتي لطريقة تخزين تحت السرير لأن ما بقى عندك مكان تخزنين فيه

يعني مخزنه شي بعيد عن نظرك حتى لو احتجتيه راح تتكيسلين مليون مره

انك تطلعينه وتفكينه وتنظفينه وكاهواااااااااا يمكن سنه ما استخدمتيه

طلعي كل الاغراض وهاتي المكنسه ومرريها تحت السرير

وانتي منسدحه ههههههه

واجردي الاغراض وكوني حازمه ولا تكذبين على نفسك

وبعدها رتبيهم تحت السرير

ان كان سريرك من النوع الي تحته مفتوح

خلي الاغراض بالوسط عشان ما يبينون

ودائما غلفيهم بكيس كبير

او سفره الي تستخدم لمره واحده لكن الصقي الجوانب

عشان تحافظين عليه من الغبار

وكل الي عليك بالاسابيع القادمه انك تمررين المكنسه على الجوانب

والاغراض ممكن كل 3 شهور تمسحين عليه بفوطه نظيفه بإستخدام الرش

خلصتي يا حلوه

عاد الي ما عندها اغراض تحت السرير اكيد فرحانه لأنها ما بتطبق

طيب تعالي نعدل السرير

بدلي الشرشف يكون افضل

كل ثلاث ايام اما المفرش براحتك انتي ايش متعوده

انا ابدلهم كل ثلاث ايام مع المفرش

وفي بعض البنات بس يبدلون الشرشف وهذا شي طيب

يعطيك راحه ونظافه وقت النوم ..

عدلتي السرير كيف مخداتك زينتيهم رتبتيهم

الي عندها مخدات زينه على السرير

تعالوا اقول لكم طريقتي وقت النوم

كل واحد مننا يحتاج لمخدتين لكن مخدات الزينه

شسوي فيهم وقت النوم

اخذهم وانزلهم واحطهم على الكنب بغرفة النوم

وان كان عندك كرسي عادي اوكي حطيهم عليه

او ما عندك شي خلاص حطيهم كلهم بزاويه

ليـــــــــه؟

عشان اليوم الثاني بس تقعدين من النوع تكونين مرتاحه

كل الي عليك تعدلين السرير والمخدات كلها بمكان واحد تنقلينهم

مره واحده وخلاص ونفس الوقت عشان الصبح لما تقعدين لمجرد منظرهم المبعثر

يمين شمال راح تحسين ان شغلك شاق

ايه لا تضحكون ترااا اشياء تافهه نفس المخدات ممكن تكسر عزيمتك

يعني كل ما يكون كل شي مرتب باليوم الثاني

كل ما تكونين جاهزه لليوم الجديد وعندك طاقه لمجرد رؤية النتائج

الممتازه من اليوم السابق راح تهون عليك مهمة اليوم ..

طيب الحين راح نسوي كل شي بسرعه بسرعه ماشي يا بنات

فتحي دولاب دولاب

ثلاث خطط بوقت واحد اوكي

كيسين قدامنا والبخاخ والفوطه

يلا همتكم ...

ايه قبل ما انسى جتني رساله من وحده

ضحكتني تقول اخذ اللاب توب معي بالصاله كل يوم واسوي واطبق

كل جمله واركض اسويه واجي اشوف التطبيق الي بعده هههههههه

عاد الي عندها لاب توب خذيه معك على غرفة النوم ويلا وانا معاك ويدي بيدك

افتحي الدرج ما تبينه قطيه تبينه خلاص حطيه على جنب

الدولاب فضى يلا بختين وامسحي سريع سريع

رجعي الاغراض الي تبينهم وان كان عندك علب استغليه بنفس الوقت هاتي

وحطي فيه شغلاتك وخليه بالدولاب

كريماتك كل شغلاتك شوفي التاريخ منتهي يا خسارة الفلوس معلش قطيه

مكياجك اول بأول ما تبينه طلع ما يناسبك طلع يجيب لك حساسيه

عطيه لأحد ثاني ان كان قديم اكثر من سنه ونص يلا قطيه اكيد منتهي

كل دولاب بنفس الطريقه

وخلصي امورك بسرعه بسرعه

قدر الامكان خلي غرفة نومك للنوم والراحه بس

كتاب معلش حطيه بالدرج وخلي مكانه شمعه افضل لكم

ما نبي شغلات كثيره على الارض تحف كثيره ما يحتاج

اهم شي راحتك ...

ان كان في شي متعبك بغرفة نومك من ترتيب او نظام

شوفي دائما وش الاسهل وايش الي يريحك سويه

خلصي معاناتك منه احيانا اشياء موجوده حتى نتعثر فيها بطريقنا

بلاش فكي عمرك غيري مكانه او استغني عنه ما يحتاج كل يوم

تصبحين عليه و تمسين عليه ..

خلصتي يا حلوه هاتي المكنسه وجهزيها

بس قبلها شوفي المرايا واثاثك فيه بصمات منكم

او غبار نظفي بسرعه كلها خمس دقايق

وكلمي نفسك قولي يلا ما باقي شي واخلص وارتاح وافتك

ان كان الغبار مره مره بسيط هاتي الريشه السحريه الي خبرتكم عنها

مرريها على الاثاث

اما الزجاج ان فيها بصمات بشكل سريع

اقول لك شي طلعي من الغرفه الحين

روحي خلي لك فحم عشان يولع لأن ما بقى شي وتخلصين

وان كانت عندك فواحه خلاص ابرك لك

هاتي المكنسه واكنسي بسرعه ولا تنسين الستائر

خلصتي يلا رجعي المكنسه وسكري النوافذ

هاتي الفحم او شغلي الفواحه

ويلا خذي عطر او معطر المفارش ورشي على مفرشك وعلى ستائرك

ووجهي البخور وخلي ريحة غرفتك تهوس زوجك لما يرجع

شوفي يا قلبي الكلام الي كتبته بياخذ منك ساعه بالكثير

ان كان عندك شي مو مرتب ولانك نظمتي ادراجك

لكن لو انتي خلاص نظمتي

فصدقيني ان الي باقي عليك بس تعديل السرير

ومسح الغبار ان وجد ( حاولي انك حتى لو ما شفتي اثر للغبار مرري الريشه يوميا وما راح تتعبين ابدا من تجمعات الغبار وغيره )

وبعدها المكنسه وانتهينا ..

كيف تحافظين على نظافة غرفتك الى اليوم الثاني

واحد سكري الباب عن اطفالك قفليه ان كانوا يقدرون يفتحون بابك

ثانيا ملابس الي تتغير على طول للسله

ثالثا ممنوع منعا باتا انك تطلعين ملابس من الغساله وهي نظيفه و

تخلينها بغرفة النوم عشان متى ما فضيتي تطبقين لااااا انسي

تطبقين اول بأول ان شاء الله وانتي واقفه مو مهم تبين انجاز مهماتك

بأسرع ما يكون خلصي اول بأول وعلى طول على الدواليب

يعني بذمتك انتي مغسله وناشره وغيره ومعطرته بكمفورت عشان يكون تحت رحمة الانتظار

لا خليك شطوره ومثل النار على طول وصدقيني لمجرد انك تدخلينهم الدواليب تحسين ان هم وانزاح

بدل ما تمرين على السله المنتظره مرات ومرات باليوم وانتي تقولين متى وأووووف ومدري وشو

فكي عمرك ترااا محد راح يجي ويسويه بدالك

لا تتعبين نفسيتك كذا وله كذا بتسوينه غصبا عليك

لأن ما في احد يساعدك غير نفسك

خلاص انهي كل شي من اوله وقولي وداعا للتعب النفسي وما راح الوم نفسي على شي ما سويته

شي ثاني حبيباتي ان الوقت الي تاخذينه بتنظيف غرفتك بشكل يومي ما راح ياخذ منك حتى نص ساعه

ترتيب سريع مسح وكنس وقفلنا وخلصنا ..

..............

ان شاء الله بكره بنتكلم عن الطامه الكبرى غرفة الاطفال واماكن تكدس الالعاب ..

وسامحوني على القصور

شكرا يا قلبو على التشجيع دايما تخلينا نتحمس بمواضيعك الحلوة ، بالنسبة للصالة انا اتبع الطريقة اللي ذكرتيها وفعلا صرت احس حتى ان صالتي الصغيرة صارت تكبر ، بس عندي فيها مشكلة اني في فترة وايد مرضت وظليت بين المستشفى وبيت اهلي والكنب لونه بيج وتراكمت عليه بقع واوساخ ما ادري مال شنو ومشكلتي اني عندي نسبة انيميا يعني الدعك الزايد يتعبني بسرعة وما ادري اشلون انظفهم وارجع لهم لونهم بطريقة تناسبني ووايد منزعجة من هالموضوع.

اما عن غرفة النوم فان شاء الله بكرة بسوي جرد ما تحت السرير وعن الالعاب آآآآآآآآآآآآآآآآآخ خليتي يدج على الجرح ما ادري ويش اسوي فيهم خواتي اذا يجوني يقولون لي هذي مركز العاب مو شقة ولو ويش نظفت ورتبت م يبين من زحمة الالعاب الزايدة عن اللزوم ابغى الحل.
وجزاج الله الف خير

يعطيك العافية كملي الموضوع لأنني في أمس الحاجة إليه .

والله برافو عليكى بس كنت حابه اقول كلمه تشجيعيه لينا الكل
من علامه المسلم تركه للمكان انضف مما كان
واذا حافظنا ع نظام البيت يكون بس التعب يوم واحد

اذا قدرنا ونظفنا البيت ناخد احنا راتب الخدامه

أكبر قلب

جزاج الله خير عزيزتي

انزين يالطيبه روحي اشتري فانيش لإزالة البقع من على السجاد

واستخدميه على الكنب رشي عليه هو يجي ببخاخ بس ركزي الله يعافيج

هو خاص ومكتوب عليه للسجاد وفيه صورة كنب بعد ..

رشي على البقع رشه وبعد ثواني بس ادعكي خفيف بفوطه نظيفه وبيضاء

عشان ما تبقع لك كنبك خصتا انه بيج ..

وانا متأكده ان هالمنتج كفيل بإزالة اصعب البقع عن تجربه وان شاء الله تضبط معاك

.......

بالنسبه للألعاب معلش يا اختي قبل ما ابتدي الموضوع الي عليك انك تجهزين صندوق

كبير مو عشان تحطين فيه الالعاب لاااااااا راح افهمكم بعدين يكون افضل

ونفس الوقت اخليكم ما تشترون اكثر من الالعاب ويكتفون اطفالك بإلي عندهم ..

انتظروني وان شاء الله فالكم طيب ..

..............

عطور الشوق

إن شاء الله يا اختي مواصله بالموضوع وبكثر مواضيعي بالقسم لعيونكم

لكن سامحوني غالياتي انا مقصره من جهة اخرى بالرد على ردودكم كلها

يعني انزل موضوع وبصراحه ردودكم لمواضيعي والله والله تسعدني واقرأها يوم بعد يوم

ورد بعد رد وافرح لتشجيعكم وافرح لتواجدكم وكلكم على عيني وراسي

انا مقصره اني ارد عليكم الشكر بالشكر

ولكن تأكدوا ان حتى لو ما قدرت ارد اهم شي وصلت المعلومه ووصلنا تواجدكم المعطر

بكل صفحه من صفحات مواضيعي و لا تقولون ترانيم ما ترد على الشكر من العضوات

لأني كلي امتنان لتواجدكم وكلماتكم محفوره بالقلب والخاطر ..

وبارك الله فيكم واسعدكم بالدارين ان شاء الله

............

kind of kindness

عين العقل يا اختي كلامك عسل يا عسل
عطرتي الموضوع بتواجدك بارك الله فيج وجزاك المولى خير جزاء

مشكورة يا وردة المنتدى انا معاك واطبق اول باول

والله موضوعك جا في وقته لاني مليت من شغل البيت كارهته كره بيتي صاير حوسه انا مشكلتي انه كانت عندي شغاله بالاجر تجي وتروح فلما طلعتها كنت لمدة كم شهر عادي انظف البيت لكن اهملت نفسي مره لارجيم لا خلطات للجسم حتى احيانا مااحب اتزين لزوجي وبعدها كرهت التنظيف حسيت انه اخذ وقتي انا مشكلتي برضه ان نومي انا وبناتي مومنتظم واحاول اني اغير وقت النوم مااقدر كيف اقدر اوفق بين بيتي ونفسي وزوجي

نسيت اقول الله يعطيك العافيه ويسعدك دنيا واخره

:mad2::21_211:كلامك عين الصواب بس فيه حريم عقولهم صغار يطلبون الشغاله قبل الزواج يكونوا في شقتها وترزها في كل مكان تروح له كانها ضرتها والله مراح تاخذ راحتها حتى النوم ماتتهنى فيه وانا مجربتهم

الله وش حلات هاالموضوع اللي يشجع على الشغل
ويجيب الطاقة في الجسم
مشكوره وتسلم ايدج

ترانيم


كفيتي و ففيتي


ربي يا رب يجعاه في ميزان حسانتك و يرزقك باللي تريديه و يشفيكي يا رب من كل مرض

متابعة للآخر

واكثر شي انتظره غرفة الاطفال وتكدس الالعاب

واذا فيه افكارممكن تسهل علي مسح السيراميك لاني حامل وظهري تاعبني
والغبار عندنا هذي الايام كثيف ومتعب << الله المستعان


مشكورة اختي وفي انتظارالمزيد

والله كنت ناوية اجيب خدامة بعد ولادتي مع ان زوجي يرفض وجودها لكن شكلي بكنسلها مع افكارك الحلوة
ولعيون ابو عيالي
يعطيك الف عافية أختي
والله لا يحرمك الاجر

آآآآآآآآآآآآآآآآه ياترانيم آآآآآآآآآآآآآآآآه :pain:

جبتيها عالجرح


من قريت موضوعج قلت يلا يا بنيه الحين ابتدي :tooth:

فتحت ردج عن الصاله

وقمت .... انصدمت شوي حسيت اني باخلص عقب باجر :sm2441:

لكن توكلت على الله .. وماخاب من توكل عليه

بدل الكيس الصغير للزباله كرمج الله خذت كيس اسود :2_106:


يعني عشان افرغ سلال الزباله للبيت كله << يقولون تبي تبتدي بهمه :BOUNCE8:


والكيس الثاني انملى لااااااااخره


وحصلت اشيا بلاوي بالصاله ههههههههه الله لا يراويج :21_133:

شلت اكثر شي اقدر اشيله

عشان اسأل الوالده شنو ماتبيه





ايه صح نسيت اقول لج انا ماني متزوجه لي الحين << دعواتج بتيسير زواجي :D_smil1:
بس حسبي الله عليها خدامتنا شردت .. وتوهقنا :sm215:

وانا الحين ماعندي لا جامعه ولا شغل .. حسيت ان موضوعج يكلمني انا شخصيا




عاد عقب مالميت كلللللللل شي
<< من الساعه 9 وانا اشيل واحط
يمكن شوي بطيئه لكن ان شاء الله اصير اسرع
وبعدين نتساعد انا وخواتي على البيت كله باذن الله

<< خل يشتغلون شوي دام اجازه الحين :sm240:

بس لاني صاحيه بدري قلت استفيد من وقتي بدل ما اكون على النت وبس


طبعا الحين مالي حيل اقوم لغرفتي << مو كسل والله :no:
لكن بجد تعبت


ربي يحفظج يالغاليه
وربي ان دعواتي لج مالها حد
وفقدناج كثيييييييييييييييير .. وايد وايد


وان شاء الله انا بتابع وياج
وبتعلم على يدج اشيا وايد باذن الله
خلني تلميذتج العزابيه << بصير خوش تلميذه سدئيني :sm113:


فديت قلبج اتمنى تكملين كلي شوق ومتحمسه لردج الياي


امنتج الله

مشكورة حبيبتي على النصايح وان شاء الله اجرب واخبرج بالنتايج