نصائح لتسهيل امورك بمملكتك بدون الخادمه ..

تسلمين حبوبه عالموضوع المهم أنا عن نفسي ما ساكنه فبيت بروحي لكني أفكر بعض الاحيان أني إذا أنتقلت بيتي بروحي ما أيب بشكاره إلا إذا سكنت في بيت كبيييير فشكرااااا عالموضوع الاكثر من راااائع ^_^

:clap::clap::clap::groupwave::clap::clap::clap:

[GLINT]نحن بانتظارك...............[/GLINT]

انقذيني ياترانيم
الحال من بعضه
حايسه وسط البيت واشوف كل شي يبغيله ترتيب
وفي النهايه اجلس على التلفزيون با لساعات
انتظرك بفارغ الصبر

حبيبتي ترانيم والله حطيتي ايدك على الجرح

انا داااااااااااايما اتبهذل في البيت وحوسته مايمديني ارتب جهه الا والثانيه مكحيوسه ولا عرفت انظم وقتي

خاصه ان زوجي يوم 24 ساعه مداوم وثلاثه اجازه دوامه بالمناوبه يعني واليوم اللي هو مداوم اروح لاهلي

ياليت تساعدينا كلنا

ومشكوره حبيبتي على لمواضيع الاكثر من روعه والله

ما شاء الله ماشاء الله

يا حبي لكم من اولكم الى اخركم

نكمل سوااا وان شاء الله ان كان فيه تكمله نكمل

ونطرح المزيد بهذا الموضوع وبعدها بكون جاهزه لإستفساراتكم

وعندي لكم مفاجأه

بعد ما نكمل الموضوع نفتح موضوع جديد

بس مو موضوع ترانيم

نفتح موضوع يخص كل عضوه تكتب عن يومياتها شنو سوت

عشان الكل يتشجع نطرح الافكار ونطرح المزيد من الفائده معا ان شاء الله

وانا بكون اول وحده اشجع الجميع اننا نبتدي على خير ونلقى خير بالنهايه ..

.................

توكلنا على الله وعلى كل شئ قدير ..

.........

( أحتسبي الأجر اولا وآخرا في كل عمل تعملينه بمنزلك )

هذا مو عملك يا اختي ولا انتي مجبره عليه

الله ستر عليك ثم زوجك يوم تزوجك وفتح لك قلبه قبل بيتك
زوجك أيه هذا الي يكد عليك ..

الحريم احيانا يقولون كلها سبع وله ثمان ساعات يعمل زوجي

وبعدها يرجع ويرتاح وانا دائما اعمل ليل ونهار واطفال وروحه وجيه

يا اختي يا حبيبتي هل ترضين العمل لدى الغير

هل ترضين ان يكون على راسك مدير او مسئول يتأمر عليك

هل تقدرين تستحملين كل هالتعب عشان بالأخير الراتب ضايع على

حرمه قاعده مع عيالها تحت برودة المكيف ..

هذا مجرد تذكير بالنعمه ..

حتى لو كنتي موظفه فأنتي دائما بيدك القرار انك تتركين عملك يوم من الايام

دون سابق انذار حتى ..

لكن زوجك وأبو اطفالك لا يستطيع حتى يطلع على المعاش يعني يتقاعد

لعيونك وعيون عيالكم ..

فدائما ذكري نفسك ان عمل البيت اسهل بكثير من عمل الرجل خارج بيته

لأنك انتي المديره أي المدبره
وانتي الممرضه له ولأطفاله
وانتي المهندسه تتفننين بديكورات منزلك
وانتي المعلمه صانعة الأجيال ان شاء الله

وبالأخير ينقصك العباده واحتساب الاجر وتكونين الفائزه بجنات النعيم ان شاء الله ..

وقت الصلاه مثل ما تدعين بزيادة الرزق
ومثل ما تدعين بالصحه والعافيه
ومثل ما تدعين لفلان وعلان بالرحمه
ومثل ما تطلبين ما تتمنينه
اطلبي وادعي وتذرعي لبارئك بأن يقويك على عملك اليومي
ويزيد من نشاطك ويوفقك بأمور بيتك ..


...............

سبق تكلمنا عن راعيات البيوت الساكنات بالشقق

وسبق ذكرت بإحدى مواضيعي ان التنظيف سهل لكن التنظيم

صعب لضيق المساحه وضيق اماكن التخزين اكيد ملاحظين هالشي ..

طيب في منكم من عندها بيبي صغير لسه يسهر ويرضع ما تقدر انها تنام بالليل او طول الليل

وتكمل باقي الصباح نوم وراحه ..

وفي منهم من يعمل طول النهار وترجع العصر بيتها ..

مو مهم اهم شي ننظم وبعدين ننظف وبعدين نهتم ان تعبنا ما يضيع بعد كل هذا ..

كيف مو مهم !!!!

يعني الي تسهر تسوي شغلها بالليل

والي تعمل تسوي شغلها بعد ما ترتاح من العمل تبتدي عملها البيتي وبعدها ما تنام الا كل شي جاهز لليوم الثاني ..

طيب خلونا مثلا نركز اولا على امور الصاله ..

أهم شي ومركز القعده وما في احد يدخل عندك الا يقعد فيه او يمر عليه قبل ما يدخل المجلس

ويا كثر الزيارات المفاجئه من الأهل ..

عشان ما ننحرج بعطيكم أفكار طبقوها وان شاء الله تقدرون توفرون وقت للراحه ولنفسك ولزوجك ..

الي عندها مكتبه بالصاله اي درج بالمكتبه ان ما كان يبين يعني مو زجاج من الخشب

استغليه حطي كوارتين للتخزين بحجم كوارتين علب الجزم

يعني علب الجزم لا تقطينهم ابدا

حطي فيه كل شي صغير تحتاجينه وانتي بالصاله

مثلا البطاريات للرموت اقلام مفاتيح ما تستخدمونه

الاشياء الصغيره حطي فيه بلا بعثره يمين يسار

خلي الصاله بس للقعده ممنوع ان يكون فيه مكان للكوي مثلا

يعني لما تخلين طاولة الكوايه بالصاله واكثرهم هذي عادتهم

رايحين وجاين وهالطاوله قدامهم كسلانه انك تطبقينه وتدخلينه داخل الغرفه

ولا على فكره وانتي رايحه وجايه ملاين المرات لكن ما تستغلين انك تشيلينها وانتي رايحه وجايه

وكل ما تشوفينه تتذكرين عملك المؤجل وتتعبين نفسيا اكثر واكثر

طاولة الكوي مثال على انك تحطين اشياء مو المفروض تحطينها بالصاله
ان كان عندك كنب وطاوله بوسط الصاله او قعده او جلسه

فخلاص هذا هو المطلوب وبس

جردي صالتك من كل شي ما يخصه ..

خليها للقعده وبس وان كان عندك تحف خير وبركه

احيانا نمل من القعده فيها فما بالك انك ما راح تملين من تنظيفها يوميا

أجل غيري فيها لفي الصاله وغيري الديكور غير اماكن قطع الكنب

غيري مكان المكتبه

سهلي امورك ان كان يريح طبقي الأسهل دائما ..

يلا نبتدي التنظيف

نبتدي عميق عشان يسهل علينا بعدها اليومي

يلا قومي الحين بعد ما تقرين على طول

مو مهم ليل نهار مو شغلي

قدرتي تسهرين الى الحين خلاص ابتدي

قدرتي تقعدين الصبح لو قرأتي موضوعي الصبح

خلاص توكلي على الله والله يجعل صباحك قوه ونشاط

مالك خلق !!؟؟

انزين يلا نكذب على روحنا

قولي لنفسك اشيل اشياء بسيطه وخلاص

حطيتي ايدك بشي

يلا كملي اشوي اشوي

لا تشغلين نفسك بأمور موجوده بغرفة النوم

ما يحتاج احنا قلنا الصاله ..
يمكن بعد اشوي يدخل عليك احد وانتي بالحاله هذي ..

هاتي كيسين

كيس نخليه مهملات يمكن شي طايح يمين شمال ما تبينه

كيس ثاني نحط فيه الاغراض الي ما تخص الصاله
يمكن مشطك موجود على الطاوله بوسط الصاله

يمكن مشى بروحه وركن على جنب ما ندري

حطيه بالكيس وبعدين اقول لك وش تسوين فيه ..

خذيتي لفه

هااا اشصار بالاكياس عسى ما خلصتي وما جزااا الكيس وصرتي تحتاجين لكيس ثالث

هههههههه

ودي الاكياس المطبخ الاثنين ما عليك منهم خليهم على الطاوله بس قولي لهم لا يمشون بروحهم

عندك حضر تجول اليوم ..

يلااااااااا اشعليكم ابي اضحكم بثقل ونفس الوقت احمسكم للعمل

طيب نروح نشوف المخدات الزينه او الابجورات او التحف

في شي مو بمكانه او تبين تغيرينه ..

قرري بسرعه !!

بس لا تطبقين الحين

يعني بتعدلين الديكور قبل ما تمسحين الغبار

ما بتطلع حلوه منك

يلا اقل شي اقل شي هاتي الرشاش وفوطه نظيفه

على السريع خليك سريعه لأبعد الحدود وقفي مخك وحركي يدك

وتنفسي بعمق ..

ولا تفكرين وش باقي علي وله اكيد ما بخلص الحين والله يكون بعوني متى ؟؟

اكيد الله بعونك بس انتي استعنتي فيه سوي الي عليك الحين واستعيني بالنعمه الي عندك

ما شاء الله الصحه والعافيه ايد بدلها اثنين ورجلك شايلتك شيل ..

كملي بسرعه وكرري استغفر الله ربي واتوب اليه

صدقيني لو اكبر صاله ما بتاخذ منك ربع ساعه

خلصنا هاتي المكنسه وبلا كسل

يلا شغليها ...

والله اني اعرف ناس ما يشغلون المكنسه من الكسل انهم

يمدون الواير للكهرباااا ..

بس يلا معلش بدينا وبننتهي بسرعه بسرعه

يلا نبتدي بالستاير ..

مرريها سريع سريع خلصتي عندك ستاره ثانيه معلش كمليها لا تزعل منك

خلصتي شفتي خمس دقايق

يلا كملي معروفك ومرريها على الكنب ..

حركي الكنب وتأكدي ان كل شي نظيف تحته

وكنسي الصاله كلها وشوفيها

ايش رايك والله ما يبي له شي

ادري مو هنا المشكله

المشكله كيف نخليها دايما كذا ؟؟

كم مره تمرين على الصاله باليوم ..

عشرات المرات رايحه وجايه لعيالك صح

شفتي كوب جزاك الله خير شيلها وفكي عمرك دخيلك ما يبي له شي كذا وله كذا

رايحه جايه على المطبخ معلش ما فيها شي ولا بينقصك شي

شفتي لبس من عيالك طايح وله لعبه شيليه وخلي جنودك معاك يساعدونك

والله الطفل الي عمره سنتين يفهم قولي له وده السله

خليه يساعدك في بعضهم عندهم جنود بدل الجندي الواحد وبيساعدك

ويحبون يساعدون لكن يبي لهم تشجيع

ومع الايام صدقيني بتصير عاده عندهم

ولا تنسين تعطينهم مكافأه بنهاية الخدمه لو صفقه لو حضنه لو ايش ما يكون

اهم شي يفرح لفرحك فيه

ان احتجتي لشي وانتي بالصاله

تذكري انك تروحين تاخذينه من مكانه وتستعملينه وتردينه مكانه بالضبط

ما يحتاج تنقلين كل شي من مكانه كريم علبة الكلينكس

خلصي ورجعيه خليك دائما حركيه ونشيطه

وتذكري دائما لو انا هملته الحين كل شي بيرجع على حاله

وقطعه بتجر وراها قطعه ثانيه

وبالاخير الصاله بنسميها مخزن اكيد فاهمين علي

ملاحظه :

بعض الحريم الله يهديهم
مشغول بالها بالمشاكل الي تحصل بينها وبين زوجها
وتقول ماني مشتغله اليوم وله نفسيتها ما تساعدها
يا بنت الحلال اهمالك بيأثر سلبا على حياتك معاه اكثر واكثر
لو المشاكل مقتصره على شي معين بقصورك بالبيت بتشردينه
وبتنسين الراحه خير شر لا بالنظافه ولا بالمعامله
ركزي معاي مشاكل الزوج والبيت شي والنظافه واعمالك شي ثاني
بالعكس انتي بإنشغالك ان شاء الله بتريحين نفسيتك وتطلعين عصبيتك
بعملك بالبيت ...

صدقيني وعن خبره ان لمجرد انتهائك وقت ما تكونين عصبيه من اعمال بيتك
بتحسين ان طاقتك السلبيه كلها انتهت من جسمك وارتحتي نفسيا
عصبتي من اصغر عيالك حطي يدك بشي وخلصيه
استغلي طاقتك ومشاعرك الاااااااااا بالطبخ
رجاء ان كنتي عصبيه لا تطبخين الا لما تشغلين نفسك بشي قبله
ما نبي تحرقين عمرك وله تطلع الطبخه شينه ..

في بعضهم لا عاد بدون مشاكل تحس نفسها خدامه
يعني دائما تردد يا ربي شسواه وانا كل يوم هذا مصيري
اشتغل بالبيت وعيالي حولي يزهقوني بطلباتهم
ماني مشتغله وخلاص اضراب اليوم بتاكلون وخلاص

يعني بكره وين تبين تلاقين عمرك ببيت الجيران مثلا ؟؟

...........

ترااا هالأسئله فعلا بنات طرحوها من قبل بدون ذكر اسماء
وهذا شي نفسيا متعبهم
لكن استغلال الطاقه السلبيه بأمور مفيده لبيتك ولنفسك اولا
شي راح تتعودين عليه يوم بعد يوم
...........

انتظر منكم تكملون الصاله وبعدها نكمل باقي البيت
لكن مثل ما قلت ركزوااااااا معاي الله يعافيكم
ما راح ننتقل الا لما تتأكدين ان وانتي ماره على الصاله
ان ما يكون في شي مو بمكانه الصحيح وصدقيني
يوم بعد يوم بتفتح نفس للتنظيف بالمكنسه ومسح الغبار
لأن بعيونك راح تشوفين الصاله ما يبي لها الكثير
كل شي بمكانه لكن بتنسين ليه كل هالترتيب
وممكن ترجعين للحاله السابقه انك تبعثرين اغراض الغرف الثانيه
في الصاله عشان كذا تذكري دائما
كل شي بوقته يعني نشوف قطعه صغيره لو دبوس نرجعه او نحطه ببالنا
وقت ما نكون جالسين واول ما نبي نروح الغرفه مثلا ناخذها بطريقنا ونرجعها لمكانها الصحيح

فكره ثانيه حطي سله بالصاله
وكل شي مثل لعب او كريم او اي شي حطي فيه
وآخر الليل عاد لفي بالسله
كأنك ألس ببلاد العجائب
وحطي كل شي بمكانه وخلصتي من الفوضى وانتهينا ..


قبل ما انسى الكيسين الي بالمطبخ
وحده تنقط بالزباله كرمكم الله
والثانيه تطبقين فكرة ألس ببلاد العجائب
.................

راجعه ان شاء الله اكمل ..

الدمشقيه

جزاك الله خير على تمييزك للموضوع
اسعدتيني والله ...

عاد من زمان ما نزلنا على موضوع يختم بالتميز هههههه
راعونا جزاكم الله خير
خلونا نفرح ..

و الله العظيم موضوعك تحفه
تدري اشلون دمك واااااااااااااااااااااااااااااااااااااااااايد خفيف
ضحكتيني موووووووت
و بالفعل و الله كلامك مو مثل بعض المواضيع اللي تكون خياليه
كلامك واقعي و ميه ميه
و بالنسبه للبيت النظيف و المشاكل
بصراحه انا لاحظت ملاحظه علي انا و زوجي
انه لما يكون البيت مو نظيف بسرررررررررررررررعه نتخانق
بس لما يكون نظيف نكون مروقين عالآخر و نفسياتنا مرتاحه
و هم عندي بعد ملاحظه و هي الروائح لأنه احيانا المكان نظيف بس اذا الريحه مي زينه تسد النفس
يالله سامحوني كثرت القرقر

مشكورة مشكورة موضوع يستاهل التميز


متابعة...

من زمااااان ننتظر مواضيعك ونحس معها بالتفاؤل والنشاط والحيوية
فعلا ياليت نقدر نستغني عن الشغالة اللي تعبتنا نفسيا ومو قادرين ناخذراحتنا في بيتنا بسببها

الله يجزاك خيرويجعله في موازين أعمالك

يااااااااااااااااااااااااااه..

دخلت القسم وأنا كلي أمل برؤية موضوع من مواضيعج الممتازة يا ترانيم..

الصراحة أمس زوجي قبض الكمبيوتر وما لقيت وقت أطلّ
بس الحمدلله ما فاتني شيء لأنج اليوم خليتي الأفكار!!

أولاً نورتي المنتدى كله..
ثانياً أجر وعافية والحمدلله على سلامتج..

ثالثاً مشكوووووووووووووورة والصراحة فكرة السلة صدق عجيبة!!

عليج أفكار سهلة بس مخنا موقف ههههههههههه ما تخطر ببالنا..

تستاهلين كل الخير يا أم الخير

الموضوع موبس روعة إلى يجنن إنا بعدني في بداية حياتي الزوجيه وساكنه في بيت أهل زوجي وعندي غرفة ومكتب وغرفة ملابس وحمام وإنتي بكرامه بس الحمد الله دايما نظيفة ومستحيل تشوفين فيها شي مو بمكانه بس لما بيكون عندي عيال الله يكون في عوني لأني ما أحب شي يتحرك من مكانه حتى زوجي صار مثلي من يشيل الشي يرجعه على طول لأنه لو ما رجعه راح يشوف نظرات حلوة مني ويقول لي مليت من الترتيب بس خلاص تعود الحين


ومشكورة الغالية على الخبرات الحلوة وإن شاء الله بطبقها لم يكون عندي بيت

حمداً لله على السلامة يا غالية

افتقد موضوعاتك بشدة

تسجيل متابعة للموضوع

ما شاء الله عليك يا ترانيم ..


والله وحده من خالاتي ما تروح الا شاليه شئ جايه تشيل شئ معها ...يعنى يدها ماتفضى ..


وبيتها مثل الورده وعندها 7 عيال واحد منهم شقي مرررره يرفع الضغظ

بس ما شاء الله عليها ...

وانا سبحان الله فيني عاده من قبل ما اتزوج وانا اذا زعلت حطت حرتي بالشغل ..

وقبل يومين رفع ضغطي زوجي ,....

وانا نفسي ارتب الدولاب من زمان يوم زعلت رحت ع طول للدولاب ورتبته ..

ويوم خلصت الا المزاج متعدل ..وطاااااح الحطب خخخخخ


ويسلموووووووووووو ع الموضوع

هلا والله بالجميع بدون استثناء

كثير فرحانه بتجمعكم و شكري للجميع ..

هااا عسى قاعدين تطبقون وخلصتوا الصاله ما اشوف وحده دخلت تقول انها تحمست
وعدلت صالتها ننتظر التشجيع ..

هلا بالغاليه


مميزه حبيبتي في جميع ما تطرحين والله يحميكي ان شاء الله


بصراحه انا متزوجه من ثمانيه اشهر وما راح اقول اني ما كنت اشتغل في بيت اهلي بالعكس مامي كانت معتمده علي تقريبا بس لما تزوجت تعبت في البيت مع انها شقه 3 غرف وصاله ومطبخ وحمامين الله يكرمك اللي زاد الطين بله زي ما يقولون اني الحين حامل ودايم يجوني ضيوف وبصراحه مره محيوسه ومع الحمل زايد التعب تعبين الله يعين ابي نصايحك يالغاليه الله لا يحرمكي من الجنه

جزاج الله خير وبارك لج بصحتج وأهل بيتج يارب
ننتظر البقية :)

مشكوره على النصايح

متابعه
وهاانا اول وحده رتبت الصاله والحين كل شي بمكانه
يلله ابغى صفقه يابنات
معاكي ترانيم غرفه بغرفه
مشكوره

هلا ترنيم في بدايه اول ماسجلت كونت اشوفك كتير بمواضيعك المميزه الرئعا وفعلن عجبتني وكونت واتمنى اتعرف عليكي لكن اول ما تعرفت عليكي من مواضعك المميزه واصبحت افرح لما اشوف موضعك الجديد باسمك الله ادكي العافيه والف مبروك على شهدااه الشكر تستهلي والى امام انشاء الله

واذا كان عليه انا احب اشتغل اول باول في كول شي عشان ارتااح واقوم الصبح اخلص شغلي وفي فتره العصريه اريح بس في شي اتمنى تفديني موضع الغدا ما اعرف اطبخ وجوزي مرراا مضايق مني حتى حاولت اخود من منتدى بس انا ما اعرف اطبخ اسفه لاطاله

صباح الخير يا احلى ترانيم اسال الله ان يعطيك الصحه والعافيه ويحفظك من كل شر والله اني ادعي لك بظهر الغيب والله اني ماسجلت في هالمنتدى الا علشانك ابهرتيني بمواضيعك عاد تصدقين انا بيتي ثلاث غرف فقط وحمامين اكرمكم الله وطفلين 4سنوات وسنتين وربت بيت وافكر اجيب شغاله وش رايكم بصراحه زوجي هو السبب موسوس نظافه ما اقول اني مونظيفه بس هو زودها يبيني زي الشغاله ورى اطفالي مايبيهم يلعبون
ولا يا كلون بيدينهم علشان لا يوسخون ملابسهم (ولدي الكبير مايعرف ياكل بيده) ولا يخربون الكنبات بس يبيهم جالسين على التلفزيون
وانا ارحمهم يبون يتحركون ينططون هم اطفال (حتى ما عندهم غرفة نوم ينامون معي) وكل يوم مشاكل علشان البيت واخر حل توصلنا له الشغاله بس ننتظر الظروف الماديه تتحسن
انا كل يوم بعد ماينامون ارتب البيت والمعه واول ما يصحون من النوم ما كأني سويت شي ويرجع ابوهم من الدوام ويعصب من شكل البيت
اتمنى تفيديني بافكارك النيره وتقبلي مروري........