منو تبدي معاي رجيم الدشتي مو اكثر من بنتين ؟ الجزء الثاني

هلا بالغاليات
اشتقت لكم وش اخبار الرجيم
انا الحمدالله تمام وماشي عل العل
بس هذا الاسبوع مافي نزول كثير مثل قبل
بس ان شاء الله بستمر حتى النهايه
سلامي للجميع وبالاخص شمس وساره
وفدوووه زعفرانه والكل.....

هلا سيتا انتي تقدرين تضيفين للسلطة زيت زيتون بس انا اللي قصدته تأكلين الزيتون نفسه سمعت ان يساعد على نزول الوزن بس ان شاء الله انتي تحبين الزيتون بصراحة انا كم مرة أحاول أكله بس ماأقدر بس بعد بحاول كل صديقات اختي يمدحون فيه وان شاء الله كلامهم صحيح عموماً هو من المسموحات وان شاء الله يفيدك.

مساء الخير عالجميع.....بدون استثناء....

شخباركم يابنات شخبار الدشتي معاكم...ان شاء الله ماتكونون مزعلينه....لاني انا اليوم شكلي مزعلته وااااايد...الله يعينه والله اليوم متفطرة خبز مع بيض ياسلاممممممم...

ومتغديه برياني على كيف كيفج....

والعشا ان شاء الله انا اليوم نازله الدوحه رايحه عند الوالدة فديتها...الله يستر من العشا...

ان شاء الله العزيمه والاصرار ببتدي فيها من يوم الجمعه...اذا الله راد...

حبيبتي طريقه الكيك الزبادي:

اول شي هالمقادير الي بقولها لج كلها في الخلاط حقت العصير: علبه روب+من نفس العلبه الروب تحطين سكر+من نفس العلبه زيت بس لاتملينها+ملعقه فانيلا صغيرة+3بيضات...

تضربينهم مع بعض..

والحين تاخذين مله تحطين فيها من نفس علبه الروب علبه واحدة طحين+ملعقه شاي بيكنج باودر وتضيفين الخلطه الي خلطيها بالخلاط على الطحين وتخلطينهم مع بعض بخفاقه اليد العاديه..

وتكونين مسخنه الفرن من قبل وتحطين الخلطه في بايركس ودخلينها الفرن على درجه الحرارة الي متعودة تسوين الكيك عليها طبعا من فوق وتحت...
ولين شفتيه تحمر من فوق اذا تبين تتاكيدين اكثر غزي فيه عود اسنان اذا شفتيه نضيف يعني الكيكه استوت...

وتقدرين ترشين فوقه بعد ماطلعينه من الفرن (سكر بودرة مخلوطه مع الدارسين البودرة)احب هالطريقه...

او انج تاخذين (حليب مركز المحلى ترشين فوقه مع مبشور جوز الهند)

وعليج بالف عافيه...

هلا أم عزيز مبروووووك على النزول وان شاء الله تنزلين أكثر و توصلين للوزن المطلوب يالغالية والله انك تشجعين الواحد وان شاء الله الكل يوصل للرشاقة الله يعطيكي العافية حبيبتي.

نورة مشكوووووووووووووووورة مشكورة يالغالية تسلم ايدك ياعسل ماتقصرين الله يعطيكي العافية وتحصلين اللي تتمنينه وتوصلين للوزن المطلوب آمين.

اليوم احس روحي وايد تعبانة لأن شكله المبروكة بتشرف عن قريب احس ان جسمي يألمني وعندي خمول غريب بس الرجيم الحمد لله تمام الصبح أكلت واحد كيري مع كوفي و اتغديت كفتة مع بصل وطماطم و ان شاء الله بتعشى بيض مقلي مع جبن وبس .

شخباركم بنوتات وشخبار الرجيم معاكم شموسة وفدوو وصمت المشاعر و حبيبة فهد وامولة الدلوعة والزعفران وميمو والبراءة وبسبوسة واحلى بحرينية ومشاعر بحرينية ومنيرة قطر وبطة منفشة والفراولة وسيتا ومس قطر شخباركم كلكم.

هلا وغلا فيكم يالغلا اخباركم عساكم مرتاحين ..

قطريه صدقتي يالغالية كله خرابيط من عندي لان نفسيتي جداً تعبانه والله ..
كوين ساره حبيبتي ببدا من جديد من السبت بحاول اتاقلم شوي مع النظام
لان ضروري ابلع حبوب الهرمون ..

"]ام عزيز2
الله يسلمك ويسلم اهلك ............. معليه هم معنا في السالفه
المهم استمري استمري استمري هذي نصيحتي..:wink:
نورة1980 الله يخليك لا تخبصين
احنا ماهقينا نشجع بعض (^)
كوين سارا الله يجزيك خير على السؤال(t)
فدوو الله يعينك ويساعدك اهم شي صحتك والله ..(f)
والله يعين الجميع
واتمنى ان حنا خلاص نكتب اوزانا
من بدت الرجيم الا الان يعني كم انزلت بس ها مو الحين السبت اللي بعد هذا ..... بعيده صح معليه علشان تونا بادين ..
خلاص مافيه لعب ولا خلبطه.. عن اذنكم اشرب (c)
في الانتظار اذا كان موافقين على الراي ولأ لا[/COLOR]

هلا بالغالية فدوو نورتي المنتدى وحشتينا والله اشتقنا لردودك ان شاء الله ما تشوفين شر زين تسوين تشاركين معانا علشان تبعدين الهم عنك الله يوفقك يالغالية وان شاء الله اللي تتمنينه تحصلينه.

سيتا الغالية شخبارك حبوبة ان شاء الله تمام ان شاء الله كل البنات يوافقون على الفكرة.

مساء الخير عالجميع...شخباركم..

انا اليوم ان شاء الله باديه الرجيم الصح مافي لخبطه ولا شي...والله يقوينا يارب...

اليوم فطرت شكشوكه مع حبنه مثلث وشاي اخضر....وتغديت:نقانق مع خس وجرجير+الماي.....والعشا ان شاء الله الي زاد من الغدا...

وانا موافقه عادي بس لو وحدة فيكم اتعرف اتسوي جدول كان افضل...وش رايكم...

بنوتات انا صارلي تقريبا أسبوع من بديت الرجيم والدورة بتجيني إن شاء الله هاليومين وما لاحظت ان وزني نزل وايد يعني يا دوب غرامات قليلة على الميزان الالكتروني

فهل هالشي له علاقة بالدورة ولا أنا رجيمي فيه شي غلط ؟؟؟

طمنوني ترى حاطة كل أملي بالله ثم بهالرجيم :(

بنات حبيباتي يالغلا

كيفكم كلكم ..
أخباركم مع الرجيم ..
اليوم راح اكسر الرجيم وبكرة راح ابدا من جديد ومع تشجيعكم راح اضبط ..

كوين حبيبتي منور بوجودك يالغالية ..

ياليت كل وحده تاكل تكتب شنو اكلت حق توضح الصورة اكثر واكثر ..

[COLOR="black"]"]كوين مشكوره حبيبتي
نورة1980 نوره ماشاء الله عليك الله يحفظك استمري في هذا المجهود والفكرة مرغوبه
بشه المنفشه ترى هذا طبيعي لازم مع الدوره كذا لمعلومك احيانا في ناس تنقص مع الدورة وناس والاغلب يزيد الوزن في وقتها بس لمل تخلص الدوره تنزل هذي الكليوات عادي ..
والغرامات هذي حلوه لاتستهينين فيها .
فدوو يله شدي حيلك من بكرة
واذا كان على الكتابه نكتب بس احيانا ماندخل المنتدى علشان نكتب يومياتنا ...

والله يوفق الجميع[/COLOR][/COLOR]

QUEENSARAH
مشكورة حبيبتي .. من كثر الرجيم ما أضعف وأمتن صرت بشه المنفشه :D


seetaa1
مشكورة يا قلبي يزاج الله خير طمنتيني .. الغرامات هذي حلوة أول مرة شفت الميزان وقلت يا سلااااام لآخر الأسبوع بصير مانيكان بس انصدمت إن الوزن نفسه ما تغير ظليت أسبوع كامل على الوزن نفسه
بس الحمدلله تطمنت.. لازم استمر على النظام وبإذن الله دورتي تجيني وأخلص وبعدها عاد المفاجأة الكبيرة .. والله يستر :o

هلا بنوتات شخباركم اليوم،

بشة المنفشة هلا يالغالية لا تكدرين نفسك الدورة تعمل عمايل الجسم يبتدي يخزن سوائل في الجسم علشان كذا يبين ان وزنك زايد بس ان شاء الله بعدها بينزل وزنك، عموما حبيبتي انتي شخبارك مع الرجيم ان شاء الله مرتاحة؟

فدوو الغالية ننتظرك معانا في الرجيم انا وايد مستانسه انك رجعتي للمنتدى يالغلا.

أم عبادي حبيبتي وحشتينا ان شاء الله بكره تكونين معانا ، طمنينا شخبارك ان شاء الله متحمسة للرجيم.

سيتا شخبارك وشخبار الرجيم ان شاء الله تعودتي عليه؟؟؟؟ الله يوفقك يالغالية.

شموووسة وحشتيني وينك نريد نعرف اخبارك؟؟؟؟

صمت المشاعر وينك والله اشتقنا لك طمنينا عليكي يالغالية؟؟؟

الزعفران وحبيبة فهد وأم عزيز وأمولة وينكم شخباركم يالغاليين شخبار الرجيم حبوبات.

مشاعر بحرينية واحلى بحرينية وبسبوسة والفراولة والبراءة شخباركم بنوتات ان شاء الله مرتاحين مع الرجيم؟؟

انا اليوم الصبح اكلت واحد كيري+كوفي ....واتغديت دجاج في الفرن + حبة طماطم..... وان شاء الله العشاء بيض مقلي مع جبن.

الله يوفقكم بنوتات.

الحمدلله مرتاحة لكن مرات أحتار شنو آكل خصوصاً على العشا


اليوم أكلت بيض والحمدلله بس تدرين البيض كثرته مو زين وباجي الأسبوع مصاريف على المطاعم من لحم ودجاج ..

خسرت فلوس أكثر من الوزن على هالرجيم :)

بشه المنفشه
انا مثل حالتش والله بسانا ماخسرت المطاعم خسرت الرجل ههههه
شنسوي انشاء الله نتعود عليه

بسم الله الرحمن الرحيم
الحمد الله رب العالمين


شخباركم حبايبي الرشيقات
يسلموووو كوين حبيبتي على سؤالج الدائم عني
بكرة السبت واني بكرة ان شاء الله اول يوم دوام لي
وعن الرجيم ماادري اذا بكرة ابتدي ولا انتظر الين تانزل علي الدورة لان بركة بترك الحبوب ويمكن بعد يومين بتنزل الدورة
ويش رايش انتظر الين اخلص منها ولا ابتدي
اني قلت ببتدي اخفف نشويات الين اخلص من الدورة وبعدين بترك النشويات كامل
اعتقد جذي احسن لة علشان مااخلص من الدورة الا اكون مستعد جسمي ومتعود على التخفيف
لان صار لي فترة واني آكل كلشي عادي
فبيكون جني ابتدي من اول:ss:
الله يساعدني:(

هلا أم عبادي شخبارك ان شاء الله تمام؟ شوفي حبيبتي اذا انتي مستعدة تبتدين الرجيم قبل الدورة وتحسين ان عادي ابتدي بس اذا تحسين ان شوي صعب مع الدورة اقول تخففين في البداية احسن وبعدين تبتدين، عموماً الوزن يتخربط مع الدورة يعني يزيد شوي بس بعدين يرجع طبيعي انتي شوفي اللي يريحك وقرري والله يوفقك حبيبتي اشتقنا لك يالغالية.

أم عبادي سلمي لي على ميمو اشتقنا لها وقولي لها الله يوفقها ان شاء الله .

هلا كوين سارة يوصل ان شاء الله
هي صار لها كم يوم رايحة مدينة رسول الله صلى الهل علية وآلة
وان شاء الله بكرة على وصول

بنات اليوم اول يوم دوام والحمد الله كان كلشي مريح وسهل ان شاء الهل تكون الشغلة على طول جدي
ادعولي

شخباركم بنات صمت المشاعر مره اخرى جأت
والله يابنات مادري شقول لكم مشتاقه لكم حدي وحيل بلحيل
كوين ساره شمس الاصيل حبيبة فهد فدو وووووووكل البنات
ابشركم صدق الايام اللي راحت كنت تخبيص في خبيص <<<ههههه صارت طبخه
لكن كانت ايام تاهيليه للاستمرار وخصوصا اني ماتركت الرياضه واليوم بديت صفحه جديده مع نفسي
اليوم فطرت بيض = ماء
وغديت سلطة وفطر مقلي بازيت الزيتون

مساء الخير عالجميع....

ام عبادي..كوين...شموسه...صمت...اموله...فدوو..بشه..سيتا..الزعفرانه..ام عزيز..احلى بحرينيه..حبيبه فهد..
شخباركم حبيباتي مع الرجيم...

ان شاء الله في اصرار وعزيمه خلاص تعبنا من الخربطه اوووووف ملل خلنا نفتح صفحه جديدة..

انا اليوم فطوري كان حبتين كيري+خيارة صغيرة....والغدا نص دجاج مشوي في الفرن+سلطه+صوص مايونيز مع الخردل+ماي...والعشا ان شاء الله راح يكون نقانق+خس+دايت سفن...

والله يقوينا يارب...