منو تبدي معاي رجيم الدشتي مو اكثر من بنتين ؟ الجزء الثاني

a7la_ba7rainia;5843487:
أهلين بنوتاات

شكرا على الترحيب

انا من اليوم " الأحد " ان شاء الله ببدأ معاكم

انا طولي 160 تقريبا

و وزني 83

و ابغي اوصل 55 -58

يعني المشوار قدامي طويل ..

بس بسـألكم بنوتات بقدر انزل هالوزن من الحين لنهاية شهر 7

لان عندي عرس أختي و حابة انزل وزني عشان يتغير شكلي

لان الكل ملاحظ علي اني حتى لو انزل 5 كيلو يتغير شكلي بشكل فضييع .. و أصير أحلى ألف مرة

بس مشكلتي في الإرادة شجعووني :(

و ان شاء الله كلنا ننزل بصحة و عافية

حبوبه يعتمد على جسمج وشلون تنزلين وبعدين حبوبه مش علشان العرس نضعف
اضعفي لنفسج وانا اول وحده بشجعج حبوبه :D

farawllah;5839460:
مرحبااااااااا يااختي نورة ممكن تقبلوني ان نفسي اسوي نظام الدشتي وابغي ابدا اليوم بس عندي سؤال السلطة ممنوعه في المرحلة الاولي والا لا والله يجزاكي خير .

السلطه يالغاليه مب ممنوع بس من كل صنف حبه وحده يعني 20 غرام من النشويات وحطي فيه زيت الزيتون جوفي الغاليه اكلي اشياء فيه دهون

كوين سارة و بنت الدووحة

مشكوورين و ما تقصروون على التشجيع ..

انا قعدت من الصبح و رحت الجامعة و للحين ما كليت شي

ما ادري شنو آكل

بس ان شاء الله لي رجعت بسوي لي سلطة و بشوف شنو مسوية الوالدة

دجاج او شي و باكل معااه

صباح الخير يادبدوبات
مع اني زعلانه منكم كثيييييير
يعني معقوله اغيب اسبوع ولااحد يفقدني ولايسأل عني بصراحه ماتوقعتها منكم ابد وانا مشغول بالي معاكم طول هالمده اللي مادخلت فيها للنت واليوم ادخل ولااحد سأل عني بصراحه شي يزعل ماتوقعت هذي مكانتي عندكم
بالنسبه حق حبوب منع الحمل يااختي ام عبادي بالعكس مااثرت على رجيمي سويت الرجيم اول اسبوع ونقصت كيلوين وانا اكل حبوب
اما اختي كوين ساره بالنسبه حق الباذنجان والكوسه انا دخلت كذا رابطه لرجيم دشتي وكلهم يقولون انه مو ممنوع ياليت تتاكدين لنا من الكتاب ولك جزيل الشكر

حببتي ساره
الكوســـا ممنووعه؟؟
لالالالالالالالالالالالا
مو معقووووووووووله:tears:

ياقلبي انيت متأكده لاني تقريبا سويها والخضره تقريبا يومين لثلاث بالاسبوع:sm215:

الصراحه واااااااااااااايد متفاجئه
بس ياليت تتأكدين لي
:down:

اشكر اخواتي اللي ردو علي

ام عبادي
واشكر اختي QUEENARRHS

على التوضيح بالصوره عافاك الله
وان شاء الله [COLOR="Green"]تنزل اوزانا واحنا بصحه وعافيه بأذن الله يلله يابنات الهمه والارادة اشوا في بنات جدد معي على الاقل نتنافس كلنا مع بعض

اللي قبلنا واللي بيجون بعدنا .[/COLOR]
(y)(y)(y)(y)(i)

مساء الخير عالجميع....

شخباركم بنات شخبار الرجيم معاكم...تدرون انا من بعد التخبيص الي هي يومين...كان اتفاجأ واشوف طلعتلي كرشه اعوذ بالله منها كأني حامل بالشهر الرابع ههههههههه...صج والله ما اكذب عليكم قعت اطالع نفسي مستغربه وااااايد...علطول رحت وسويتلي عشرج...علشان انظف بطني....

اختي احلا بحرينيه...فديتج مايصير ماتكلين شي من الصبح اشلون تبين جسمج يحرق الدهون وانتي اصلا ماكلتي شي..لازم تاكلين اي شي بس المسموح ياحبه خيارة...او جبن مثلث...او مرتديلا...علشان الجسم يحرق الدهون...

انا اليوم فطرت حبتين مرتدلا+بيضه وحدة مسلوقه...بس في البدايه شربت قلاص كبير ماي...

والغدا تغديت سلطه تونه مع زيتون...

والعشا ان شاء الله راح يكون همبورجر مع خس ومايونيز...اهم شي الماي...

هلا خواتي الغاليات

احم ^_^

ممكن انظم وياكم

لاني انا اتبعت رجيم الدشتي من يوم الجمعه وان شاء الله اقدر انزل الوزن اللي ابيه

انا الحين وزني 72

وطولي 65

والهدف الاول ==> 65

والهدف الثاني ==> 60


بس بنوتااااااااااات ابي اسألكم

المرحله الاولى كم استمريتوا فيها وكم نزلتوا

لاني متردده هل استمر عليها 4 أسابيع ولا بس اسبوعين

ويعني بس المرحلة الاولى اللي ننزل فيها الوزن ولا حتى المرحله الثانيه


ممكن تفيدوني لانكم اخبر مني في هالرجيم وانا توني اول مره اتبعه

وربي يوفقكم :)

[COLOR="Sienna"]سلام عليكم بنات والله ببكي ببكي ببكي وش القصه ياكوين ( الباميا ) والكوسا كنت اكلهم يعني النظام غلط
اليوم فطرت بخيار وماي ولما جيت من الدوام الساعه اربع اكلت باميا ولما سمعت ابفعايلي اكلت الحين
جبن وخبز وجام اشتهيتهم بعد ماعرفت اني ملخبطه والحل مع نفسي هذه يعني كلما جيت اطلع على الاسبوع الثاني الاقي صعوبات يعني ابتدي من جديد ياكوين
تحياتي للجميع وحياالله فيكم يالجدد همتكم معانا
والله اني انقهرت ماكنت ادري عن الكوسا والباميا
تحياتي [/COLOR]

مرحبا بنات

طبعا انا غبت فتره طويله لاني وللمره الثانيه اخربط وشفت نفسي ما اصلح استمر

بس هالمره وباصرار قوي ي ي ي ي

راح استمر وابتدائن من بكره

خصوصا وبعد ان شفت بنت خال امي بخطوبة بنت خالتي امس آآآآآآآآآآآآه ضعفت بشكل رهيب

بشكل خلى الكل يندهش ربي يحفظها وبصراحه لعنت نفسي وكرهت نفسي لحظتها

البنت كانت دبدووبه رويانه يعني وانتفاجيء بانها صارت ضعيفه بشكل غريب

كان وزنها 77 على قولها وصار الحين 63

بنت اللذين !!!!!!! وتقول استمرت شهرين بالضبط على رجيم دشتي مع رياضه مكثفة !!!

قبل كان جسمها بالعبايه مبين بأنها رويانه مليانه الحين صاير جسمها موووووووت

ااااااخ من وين يجيبون الاصرار

انا من اشوف مكبوس الدجاج انسى يومي

لا بس جد جد هالمره انا مصره وانشالله شهر مايو ما اخلصه الا وانا مطيحه 6 كيلو ياااااارب




لا والمشكله انها تقول انها تتابع بمنتديات عروس !!!

منو من البنات اللي صار لها شهرين !!!!!! من هلي وهنا وما اعرفها !!!!!!!!!

هلا بنوتات شخباركم مع الريجيم ان شاء الله تمام،

نورة شخبارك يالغالية ليش التخبيص حبيبتي؟ خلي عزيمتك قوية وخلاص ان شاء الله تلتزمين بالرجيم من بكرة، نريدك تفرحينا وينزل وزنك بسرعة خلاص الواحد يريد يخلص من الرجيم لأن باقي علينا بعد المراحل البقية، الله يوفقك حبيبتي يالله شدي حيلك.

حبيبة فهد شخبارك يالغالية والله كل يوم اسأل عنك واستغربت انك كنتي ما تدخلين المنتدى يالله الحمد لله ان سمعنا منك انتي لا تزعلين حبيبتي بس والله كنا نسأل عنك ونسأل عن اخبارك يالغالية.

بالنسبة عن الباذنجان والكوسا بصراحة مسألة تحير الواحد علشان كذا انا ابتعدت عنها ،في البداية انا قريت ان مسموح فقط كوب واحد من كل صنف ولازم تأكلين صنف واحد بس في اليوم ،يعني مره اقرا ان مسموح ومرة يقولون غير مسموح لأن نسبة النشويات في الباذنجان وايد يعني كوب واحد يساوي 8،6 نشويات .....وفي اماكن كاتبين غير مسموح فقط في المرحلة الأولى لكن المراحل البقية مسموح بها يعني مو متأكدين اذا كان مسموح ولا لا.... بنوتات انا بحثت في الكتاب ما حصلت ولا شيء فيه بصراحة احس الكتاب وايد ناقص. يعني بصراحة الواحد مايعرف عن بعض الخضروات مسموحة ولا لا.

بنوتات شفيكم لا تزعلون نفسكم، أمولة شوفي انا بقولك انتي وزنك ينزل عادي بعد ما تأكلين كوسا؟ يعني تقيسين وزنك في اليوم الثاني بعد ماتأكلينها ؟ وشنو الكمية اللي تأكلينها؟ انا رايي انك بعد ماتأكلنها اليوم الثاني من الصبح لازم تقيسين وزنك علشان تعرفين اذا أثر على وزنك ولا لا وعلشان تتأكدين بنفسك اذا كان يزيد والا عادي وزنك ينزل ولو غرامات. يعني ما يمنع نزول الوزن. والحمد لله انتي تأكلين ثلاث مرات في الأسبوع بس يعني مو كثير وأهم شيء لازم مايزيد عن كوب واحد فقط في اليوم.

صمت المشاعر ليش التخبيص يالغالية انا ماأدري عن البامية حبيبتي وبصراحة انا ماحصلت في الكتاب شيء عنها يعني ممكن تكون مسموحة بس نصيحتي قللي من أكلها يعني سوي نفس امولة أكلي ثلاث مرات في الأسبوع بس كوب واحد في اليوم وبعدين لازم تقيسين وزنك اليوم الثاني من الصبح علشان تتأكدين.

بنوتات كل بنت يختلف جسمها عن الثانية في بنات ينزل وزنهم من اكل معين وفي بنات مايناسبهم أكل معين ويزيد وزنهم انتوا لازم تعرفون شنو اللي يزيد وزنكم وشنو اللي ينزل وزنكم حبيباتي انتوا لازم تقيسون وزنكم وخصوصاً لما نأكل شيء مو مذكور في الكتاب أو اذا احنا شفناه مناسب للرجيم كاأضافة.

بنوتات مثل ما قلت لكم مسألة الباذنجان والكوسا والبامية مو متأكدين منها وان شاء الله تكون من المسموحات وما تأثر على الوزن، امولة وصمت انتوا لاتزعلون نفسكم يالغاليات شدوا حيلكم وخلوا ارادتكم قوية يمكن وزنكم ماتأثر شوفوا حبيباتي ارجوكم كل واحدة فيكم تقيس وزنها مثل ماقلت لها وتشوف اذا في فرق. والله يوفقكم.

بعد كم يوم بأقول لكم على مفاجأة أكتشفتها بس انتوا صبروا لحين اتأكد خخخخخخخخ.

MISS QTR هلا ومراحب يالغالية نورتي المنتدى شوفي حبيبتي احسن شيء تسوين شهر كامل في المرحلة الأولى وتشوفين كم تنزلين فية وبعدها تقدرين تقررين اذا تحتاجين شهر ولا شهرين في المرحلة الأولى.

المرحلة الأولي مرحلة حرق الدهون يعني تنزلين فيها اكثر من نصف الوزن اما المرحلة الثانية تقل فيها عملية النزول لأن تزيدين الكربوهيدرات فيهم يعني تدخلين فيها لما يبقى لك 7 كيلو تنزلينهم يعني تنزلين اربعة كيلو فيهم وتخلين 3 كيلو للمرحلة الثالثة.

ام عزيز شخبارك يالغالية ان شاء الله تمام؟

احلى بحرينية لازم تأكلين الصبح حبيبتي مايصير تبقين جوعانة للعصر.

بنت الدوحة شخبارك يالغالية وحشتينا نريد نسمع اخبارك وينك غايبة عنا؟

شمووووووسة الغالية وحشتيني امورة شخبارك اليوم ان شاء الله الرجيم تمام معاكي اليوم بالتوفيق حبيبتي.

الزعفران وينك يالغالية مختفية وحشتينا ان شاء الرجيم ماشية عليه تمام.

ام عبادي شخبارك يالغالية؟

والبنات البقية شخباركم مع الرجيم بسبوسة شخبارك؟ ومشاعر بحرينية شخبارك؟ فدوو شخبارك؟ ميمو شخبارك؟ طمنونا عليكم يالغاليات.

انا نفسيتي تعبانه حيل من وزني ودي اسوي الرجيم وأبدء معاكم بس وشي الاشياء الي اكلها فيه الله يجزاها خير الي ترد علي مو عارفه وش الممنوع وش المسموووح الله ينولها ماتريد الي ترد علي

روح العطاء الغاليه انا من بكره با بدأ

يالله شدي الهمه

هلا وغلا بالبنات...شخباركم..

حبيبتي كوين صج اني انا خبصت باليومين الي طافو...بس اليوم انا كنت ملتزمه وااايد بالرجيم...وبس...

شخباركم يبنات شخبار الرجيم معاكم...ان شاءالله ماشين تمام...

انا من بعد المولود الاول كان جسمي حلو بس من بعد المولود الثاني لوووووووووووووعه

بطني كأني وحده بالخامس

وخصري من بعد ماكان 28 صار 44

هلا نورة الحمد لله يالغالية ان الريجيم تمام معاكي الله يوفقك وتوصلين للوزن المطلوب بصراحة احس ان طريجنا طويييييييييييييل بس ان شاء الله نوصل ونخلص الريجيم قولي آمين.

منيرة قطر اهلا فيكي معانا يالغالية ان شاء الله الريجيم بيفيدك وباذن الله بينزل وزنك اذا احتجتي اي مساعدة او عندك سؤال لا تترددين حبيبتي.

روح العطاء هلا فيكي حبيبتي معليش لا تزعلين روحك ولا تكدرين خليكي بشوشة وان شاء الله وزنك بينزل اذا تريدين تعرفين قائمة المسموحات والممنوعات هذا اللينك في كل شيء.

هنا

هلا عزيزاتي
اشتقت لكم كثييييييير
شلونك يااااسرسوره(ساره)انا الحمد الله تمام
وان شاء الله ما يغير علي
انت قولي وش اخبارك واخبار الرجيييييم
الله معاك
وش اخبار باقي البنات الله يحي كل من يدخل بيتنا
والله المستعان....

مراااااااحبا الله يجزاكي خير ياشمس الاصيل على الترحيب في ومشكورة ياقلبي على الرد يا
QUEENSARAH

الله يوفقك يااختي نورة على الموضوع المميز ومشكوره وانا وزني 85 وطولي 157 وبدات الرجيم من الاحد بس ابغى اعرف الدجاج المقلي في المرحلة الاولي ينفع والتونة الا بالزيت عادي ومشكوره

مساء الخير يابنات
حبيبتي فراوله اهلين فيكي في بيتك الجديد بيت بنات الدشتي بالنسبه حق الدجاج المقلي والتونه مسموحه بالمرحله الاولى كل انواع اللحوم تسوينها باي طريقه تحبينها الا السلق لانه مايفيد لان الدهون تطلع وماراح تستفيدين واي استفسار احنا حاضرين
كوين ساره يالله قولي شو المفاجئه اللي اكتشفتيها والله حمستينا ماراح اصبر كم يوم لازم تقولين لي اليوم
تصدقون اليوم وزنت ووزني ماتغير من كثر التخبيص بالسبوعين اللي طافو علشان العطله بس الحمدلله اهم شي عندي انه مازاد ومن يوم الجمعه وانا باديه بحماس
يالله بالتوفيق ان شاء الله