منو تبدي معاي رجيم الدشتي مو اكثر من بنتين ؟ الجزء الثاني

سلاااااااااام
شخباركم جميعا
وحشتوني
ادعوا لي اخلص الحبوب على خير آخر يوم السبت واعصابي كلش تعبانة وايد الحبوبو قوية مااقدر عليها:confused:

[QUOTE=حبيبة فهد;5846262][COLOR="DarkOrchid"]بالنسبه حق حبوب منع الحمل يااختي ام عبادي بالعكس مااثرت على رجيمي سويت الرجيم اول اسبوع ونقصت كيلوين وانا اكل حبوب

[SIZE="4"]هلا اختي
هذا الي قراة في الكتاب وكان الدليل اختنا ابرار الجنة تعرفينها صح
كانت ويا في هالرابطة وظلت ماشية علية تقريبا اسبوعين على مااعتقد ولا نزلت ولا كيلو وبعدين تركت الرجيم
تقدرين تسالينها بعد

يسلمووو اختي كوين سارة والله دائما على بالي بس صرت ماادخل واجد المنتدى
وادعوا لي بنات من يوم السبت ببتدي دوام جديد ان شاء الله
ان شاء الله يكون خير علي واقدر اخيط هالبوز خخخخخخخخخخخخخخخخ
موفقين بنات
وان شاء الله ببتدي وياكم من بعد ماتنزل علي الدورة واخلص منها
ان شاء الله راجعة وكلي حماس

هلا ام عبادي والله وحشتينا ان شاء الله ترجعين لنا وانتي بصحة وعافية حطي بالك على نفسك يالغالية احنا ننتظرك معانا في الريجيم.

اختي سيتا الشوكولاتة المسموح فيها خاصة بالرجيم مافيها سكر ونسبة الكربوهيدرات قليلة جداً وانا حطيت صور للشوكولا في صفحة 14 انتي دوري عن احد منهم وان شاء الله تحصلين اذا حصلتي جوليان تأكلين حبتين منه اما اذا حصلتي غافلير تأكلين حبه واحدة بس. واذا عندك اي سؤال لا تترددين.

يم يمي
اشكال الشوكولا تجووووووووووع

اااه منها
ودي اروح الماركت الحين وادور عليها
بس اخاف اروح وما احصل اي نوع من الاثنين وتجيني حالة احبااااااااااااااااااااااط

صج مشتهيه شوكولا هاليومين وااااااااااي
يم يم


عن اخباري تمام التمااااااااااااام
اليوم كملت شهر واسبوعين وباقيلي اسبوعين
ادعولي اوصل لسبعين لنهاي الشهر

وتسلمون كل اللي سألوا عني


ام عبادي قلبوه
الدكتوره ترد على الاستفسارات بنهاية الاسبوع فقط
بشوف لو ردت علي ليوم الاربعاء

وعلى القناه ما لقيتها

بنوتات انا متابعتكم على الصامت بس ما أشوف ردود بخصوص الوزن ؟

عسى ضعفتوا ؟ بشرونا يزاكم الله خير :)

آنا حاليا اروح نادي رياضي

اخباركم بنات ؟

انا مازلت مستمره عالنظام ووزني حاليا 65 ولله الحمد وطولي 168

اذكر الجداد اللي التحقوا بالنظام

اني مشيت على نظام دشتي من تاريخ 27/2/2008 وكان وزني ذاك الحين 77

واليوم 65 يعني صار لي قرابة الشهرين الحين

مع الرياضه طبعا ما افرط فيها ابدا وامشي يوميا نصف ساعه الى 45 دقيقه واحيانا ساعه حسب الجهد والطاقه

هلا كوين سارة تشتاق لج العافية حبيبتي
وان شاء الله ارجع على الرجيم بكل حماس يارب
اتصدقين اني ىكل الحين كلشي وعادي بس احس قلبي يعورني اقول جان اليحن اني في الشهر الثالث
لكن يالله
ان شاء الله اعوضها


حبيبتي امولة دلوعة والله شفت ردج على طول طيران على التلفزون جيكت في التلفزيون الي في المجلس التردد غير عن الي في الصالة
11553
27500
3/4
ان شاء الله تطلع حبيبيتي بكرة الاربعاء موعد القاء مال الدكتور ان شاء الله تلحقين علية
بشريني اذا طلعت:D

البراءة وينك من زمان يالغالية وحشتينا شنو اخبارك في اخبار عن النزول؟ والله زين تسوين بتشوفين ان جسمك بيصير مشدود الله يوفقك يالغالية وينزل وزنك وتوصلين للوزن اللي تبينه يارب.

بشة المنفشة اسمك غريب بس عجيب البنات يمكن ينتظرون لما وزنهم ينزل اكثر الله اعلم بس معظم البنات ما شاء الله نزلوا فوق ال10 كيلو.

أمولة ان شاء الله تحصلين الشوكولا الخاص بالرجيم وتستانسين خخخخخخخخ الله يوفقك يالغالية.

أم عبادي لاتكدرين ولا تحاتين ان شاء الله ترجعين لنا وينزل وزنك اكثر يالغالية بس انتي خلي عزيمتك قوية وحماسك نفس قبل وبأذن الله راح ينزل وزنك.

أخباركم يالغلا عساكم مرتاحين
أنا الحمد لله تمام بس صايره ماافطر ولا اتغدا ولا اتعشى ابد مالي نفس اكل شي
لان نفسيتس تعبانه حييل رحت المستشفى وطلع هرموني عالي واجد واضريت اخذ علاج الهرمون وهذا يرفع وزني

والله محتاره بامري بس شكلي ينزل وزني مايتحرك
صار لي شهرين ولا نزلت غير 5.30 طبعاً مو كلهم من رجيم الدشتي
قبل ما ابد الدشتي كنت نازله كيلوين فقط ولم بديت الدشتي نزلت 3.30 وانا ثلاثه اسابيع من بديت فيه
مدري والله ياليت تفيدوني اكثر واكثر
صرت مااتحمل الرجيم صرت اخربط واجد من القهر اللي فيني
صج شكلي نحفان بس بداخلي مقهور ان وزني مايتحرك صار له اسبوع وكم يوم ؟؟.؟.؟...

طبعاً اتمرن بصاله رياضيه ... اجلس فيها ساعين ..

حبيبتي كوين سارا الحمد لله لقيته في الجمعيه
بس بيني وبينك
قلت مابغى اشتريه الحين على الاقل اعدي المرحله الاولى
لاني انا عارفه نفسي في الشكولاته
مااقاوم لا ويكون عندي هذي مشكله اكبر؟؟؟؟؟؟؟؟؟
بس على الاقل طمنتيني انه مسموح ..............

ويااالله تنزل اوزانا وحنا بعافيه

بنوتات حابة اسأل البنت بتر .. مسموح و الا شلون

لان اذكر قبل سويته و كنت آكل .. و اليوم هم اكلت بس حبيت اتأكد أكثر

مساء الخير عالجميع...شخباركم شخبار الرجيم معاكم...

انا اليوم تريقت حبتين كيري +خيارة صغنونه...

والغدا كان مسقعه+سلطه....

والعشا ان شاء الله راح يكون فيله هامور+خس+دايت بيبسي...

حبيبتي كوين من عيوني بس طريقه الكيكه اي شي في خاطرج قوليلي....

الميزان الرقمي افضل


اخت فدوو اكيد بنظامك في شي غلط !!!

تاكدي والا مو معقول شهرين ومانزلتي

انا شهرين ونزلت 12 كيلو وانتي 3 !!! اكيد غلط في شي اختي


تدرون بنات انا من خلال تجربتي بهالرجيم اكثر من مره

اتخذت من طبيعة جسمي ان الغازيات ما تنفع وتنفخ حتى لو كانت لايت

البعض اللي يشوفون اوزانهم ما تنزل جد جد انصحهم يوقفون لايت

و الشوكلاته الزياده

تدرون بنات انا من خلال تجربتي بهالرجيم اكثر من مره

اتخذت من طبيعة جسمي ان الغازيات ما تنفع وتنفخ حتى لو كانت لايت

صح كلامج وانا بعد لاحظت .. فرحت بالدايت وقلت بخليه هو الحلو لأني مو قادرة أعيش من غير سكريات لكن تفاجأت أن الكرش إبدااع كله من الغازات

صرت أحلي بالنسكافيه :(

هلا بنوتات شخباركم اليوم مع الرجيم،

هلا فدووووو وحشتينا يالغالية ان شاء الله ما تشوفين شر حبيبتي لا تكدرين روحك حبيبتي وحرام مايصير ما تاكلين بهذي الطريقة بتضرين صحتك لازم تأكلين ولو على خفيف ليش تسوين في نفسك كذا الحرمان مو زين لك وخلي عنك الأكتئاب وحاولي تكونين قوية لا تستسلمين بسهولة المفروض ان الرجيم يفيد حالات ارتفاع الهرمون واذا انتي للحين ماشية عليه ان شاء الله يفيدك يالغالية.

هلا بسبوسة ان شاء الله وزنك بيتحرك لا تحاتين بس لازم تصبرين لأن يحتاج وقت لما يتعود على النظام الجديد و بالنسبه للميزان ،الميزان الرقمي احسن من الميزان بعقرب لأن الميزان الرقمي يطلع لك حتى الغرامات .
مبرووووووووك مادام اهلك قالوا لك نحفتي يعني وزنك قاعد ينزل و ان شاء الله بينزل أكثر يالله انتي شدي حيلك وبأذن الله بتوصلين للوزن المطلوب.
بسبوسة الله يعطيكي العافية ومشكورة على يومياتك الحلوة وان شاء الله هذا الحماس على دوم.

سيتا الغالية شخبارك الشوكولا تقدرين تأكلينها في المرحلة الأولى عادي يعني لاتحاتين.

احلى بحرينية شخبارك حبوبة البينت بتر أوزبدة الفول السوداني مسموحة عادي بس لازم ما تكثرين منها يعني تقريباً ثلاث ملاعق شاي في اليوم لا تكثرين سمعت مو زين كثرته.

نورة حبيبتي شخبارك حبيبتي ؟ تسلمين لي يالغالية خاطري اسوي الكيكة حق امي علشان تستانس خاطري اسوي لها مفاجأة بعد يومين اذا ما عليج أمر يالغالية عطيني طريقتها ابي اخليها تفرح شوي.

شموووووووووسة شخبارك يالغالية طمنيني ان شاء الله الوزن تحرك؟

حبيبة فهد شخبارك يالغالية وشخبار الرجيم؟

أم عزيز شخبارك حبيبتي مع الرجيم ان شاء الله تمام؟

صمت المشاعر وينك يالغالية وحشتينا طمنينا عليكي لا تقولين انك للحين زعلانة علشان الخربطة والله مايستاهل تكدرين روحك يالغالية.

الزعفران شخبارك وينك مختفية وحشتينا شخبار الرجيم معاكي؟

أمولة الغالية شخبارك حبيبتي وشخبار الرجيم طمنينا يالغالية وحشتينا وينك؟

أم عبادي ننتظرك يوم السبت والله اشتقنا لك وليومياتك يالغالية الله يعطيكي الصحة والعافية حبيبتي.

البراءة ومشاعر بحرينية ومس قطر والفراولة ومنيرة قطر شخباركم بنوتات نريد يومياتكم علشان نتشجع وياكم واذكركم باشياء مهمة لا تنسون تأكلون فيتامينات وتشربون ليترين ماي أواكثر ولا تنسون الرياضة وايد وايد مهمة علشان تشد الجسم وما يصير ترهلات ،الرياضة بس نصف ساعة في اليوم حاولوا انكم ما تنسونها ترى وايد مهمة علشان تفقدون الوزن وتتكون العضلات بدل الدهون وحاولوا انكم تنوعون في الأكل ضمن أطار المسموحات
ولا تنسون السلطة مهمة تأكلونها بس مرة في اليوم والزيتون يساعد على نزول الوزن ضيفوا للسلطة وايد زين.

ان شاء الله أفدتكم حبيباتي.

ان شاء الله نتوفق كلنا في الرجيم وتنزل اوزانا ونوصل للوزن المطلوب ونصير كلنا رشيقات آمين يارب.

شكرا ياكوين على النصايح
بس انتي قلتي والزيتون يساعد على نزول الوزن ضيفوا للسلطة وايد زين.
هل
الزيتون نفسه او زيت الزيتون