منو تبدي معاي رجيم الدشتي مو اكثر من بنتين ؟ الجزء الثاني

مساء الخيريابنات...شخباركم حبايبي...

حبيبه فهد مشكورة يالغاليه وماقصرتي ..الله يقويج...

انا اليوم فطوري كان مرتديلا+7حبات زيتون+ماي....
والغدا كان 3همبورجر+خس+صوص مايونيز مع الماسترد+ماي...
والسناك 3حبات مرتديلا...
والعشا والله لين الحين ما فكرت شنو باكل...

كوين حبيبتي الله يعينج وماتشوفين شر يالغاليه...

باقي البنات شخباركم مع الرجيم ان شاء الله ماشين تمام...

بنات ترى الرجيم رشاقه والشوكلا خلوه عل جنب

صبااااااااح الخير على احلى بنات وايش اخبار الدشتى معاكم انا اقولكم عن اخباري سويت الرجيم السبت واليوم الاثنين شفت الميزان والله يابنات خسرت 2 كيلو من جد فرحانه ادعولي اني انحف واذا الله اراد اقولكم اخباري في نهايه الاسبوع (f) والعزيمة يابنات

هااااااااااي رشيقااات

حبيت انظم معاكم في الرجيم وراح ابتدي يوم الجمعه ان شاء الله

وزني /86 وطولي / 167

ونفسيتي زززززززززززززززززززززززززززززفت
صايره اكره اشوف نفسي في المراايه ودولابي فاااااااااااااااااااااضي ماعندي ملاابس كلهم صغااار

ورافضه اني اشتري اي شي

ولدي الحين عمره 7 شهووور وراح اترك حبوب منع الحمل احس جابت لي الاكتئااب وماعندي اي اراده للرجيم مو مثل اول . شرايكم اتركها واستعمل اي طريقه ثااانيه ؟؟

المهم راح ابتدي انا واختي مع بعض وبنشوف الفرق اهي ماراح تترك الحبوب وانا بتركهم وبنشوف مين اسرع

عندي ملاااحظه بنوتااات

انا ناويه اكل 3 وجباات في اليوم من المسموحااات طبعا بس راح اكل لحد الشبع واغلبها بتكوون مقليه لاني مثل مافهمت كل مازادت الدهون كل مانقص الجسم اكثر ؟؟!!!!!!!!!!

انتم شرااااااااااايكم؟؟؟

وانا قريت في منتدى بنت منزله وصفات اكل روووووووووووووووووووووووووووووووووووووعه لرجيم دشتي

وربي من شفت موضوعها والاكلات الي تسويهم تحمست ابتدي في الرجيم !!!

السلام عليكم بنوتات :)

بنبهكم لا تكثرون قهوة وقت الدورة مو زين

فوق إنها تعفس المزاج زيادة .. ترى اتخزن ماي بالجسم أكثر من الطبيعي وتحبس الدورة يعني تنزل عليج خفيفة

خلكم بهالفترة على شاي الأعشاب والزعتر أو سووا مثلي أسويلي شاي عادي مع زعفران والحمدلله حيل يريحني لأن الزعفران ينظف البطن بعد (y)

كوين يالغلا ماتشوفين شر حبيبتي ..

أنا امس بس تغديت مافطرت ولا تعشيت لان بصراحه الفطور لاعت كبدي من البيض وجميع طرقه
واذا اكلت جبن مااشبع قبل اكثر من لخيار بس طلع خياره باليوم ولا كنت ادري ..

سماااا نسيان صج حبوب منع الحمل يجيب الاكتائاب بقووووة أستخدمه انا حق تنزيل الدورة حق تتنتظم ..

أخباركم يالغلا طمنوني عليكم ..

وهلحين محتاره شنو أكل من جد جايعه حييييييييييل ودي بطرق جديده حق الفطوووور

ساعدوني يالغلا ابي وصفات فطور غير البيض
بس لاتقولون لي لحوووم

سلاااااااااااااام
شخباركم
وحشتوين وحشتني يومياتكم
بس الشغل ماخذ كل وقتي تقريبا وارجع على شغل البيت وعبادي


امولة حبيبتي في الصفحات القبلية كتبت لك تردد جديدي بس الظاهر ماشفتية ارجعي الى الصفحات القبلية بتشوفينية يالغلا

كوين ماتشوفين شر يالغالية
الله يعنيك الدورة تعفس المزاج
اني الحين من تركت الحبوبو 3 ايام ولا شفتها شرفت ان شاء الله بسرعة تنزل علي ابي ادخل في الرجيم وياكم وحشتني المغامرات خخخخخخخخخخخ

بقوم اقعد عبادي واريقة اشوفكم على خير
بااااي

سلاام يا رشيقاات

بنات انا اذا اسوي دشتي تنسد نفسي عن الأكل و اتملل من كثر أكل اللحوم

فتجيني ايام بس آكل سلطة أو جبن و اشرب ماي

فهل هالشي يخلي جسمي ما ينزل وايد و الا شلوون

لاني خايفة انصدم نهاية الشهر اني ما نزلت و لا شي :(

انا الحين وزني 82 و ابي على الاقل اشوف السبعينات في شهر 6 :(

مساء الخير عالجميع...

بنات شخباركم وشخبار الرجيم معاكم...

فدوو يالغليه اسمعي اذا انتي اتحبين مرتديلا دجاج الي على زيتون تقدرين تحشينه جبن بوك مع بقدزني اتقطعينه صغار وتخلطينهم مع بعض وتدهنين المرتدلا...

او انج تقلين المشرم مع زبدة وتحطين معاة حبه طماط وفلفل بارد وزيتون شرايح وشوي بهار اسود وملح ...

انا اليوم فطوري كان 1بيضه مسلوقه ومخلوطه مع جبن بوك ومحشيه بالمرتديلا+مع الزيتون+الماي..

والغدا كان لحمسه لانشون دجاج+فتوش بدون الخبز+ماي...

والعشا 3 همبورحر+خس+الصوص+دايت سفن...

وباقي البنات شخباركم طمنونا في نزول ولا شلون...

هلا بنوتات شخبار الجميع ،

انا اليوم فطرت 1 جبن كيري +كوفي.... وتغديت تكه دجاج مع يصل.... وتعشيت بيض مع مشروم وجبن.

سامحوني بنات انا اليوم شوي تعبانه بكره ان شاء الله راح أصير أحسن وبقول لكم عن أخباري.

خواتي انتوا شلونكم طمنونا عليكم.

سلامي لكل البنوتات في المنتدى. الله يوفقكم.

تسلمين حبيبتي نورة بس مااحب المرتديلا ولا النقانق ..
صايره ماافطر بس اتغدا ولا اكل غير السلطه مرة مسدوده نفسي حيييل مابي ارجع مثل قبل
لان محتاره شنو اكل واذا اذكر البيضه واذكر الدجاجه تلوع كبدي منهم
والله جايعه بقووة
شكلي بخرب الرجيم الليله وباكل ناجست ..
خلالاص مقدر اتمرن بالصاله ماعندي طاقه ابد ..
صرت محب اكل لحووم ولا دجاج ..
لولا اصرار امي وربي مااكلت شي لان الصبح قالت لي ماافطرتي قلت لها ماودي افطر وتوي بقوم من الكمبيوتر جاني دواررر واغمى علي وعصبت فيني مافتحت عيني الا صحن مليان اكل كله خرابيط عن الرجيم وتبيني اكل
اضطريت اكل نتفه دجاج مع سلطه بالغذا ..


كوين يالغلا سلامتك ..

السلام عليكم جميعا بنات
فدوو شدي حيلك حبيبتي تونا بالبدايه مانريد نرجع الى وراء بالاحباط لا
كوين ساره سلامتك حبيبتي ان شاء الله تكونين بخير
بنات انا اليوم وزنت اهئ اهئ اهئ ونزلت بس 1 كيلو تخيلوا بس
جيت وجاني احباط واكلت ساندوش بس بعديت قلت لا وان يكن انتي اللي غلطانه
كنتي تخبصين وشي طبيعي في اسبوع بينزل كيلو لذلك لعنت ابليس وراح استمر لين مالله يكرمني
بس اللي قاهرني كنت ماترك الرياضه ولا ليله وماشيه صح بس شنو العله قلت اكيد التخبيص كان اقوى من الرياضه نفسها
اخباركم بنات اتمنى تكونون تمام اموله00شمص الاصيل - حبيبة فهد -الزعفرانه - نورة وووووووو
تحياتي لكم جميعا

بنات صار فيني وسواس من الميزان :ss:

أول مرة شفت وزني كنت ناقصة أقل من كيلو يعني يا دوب غرامات وبعدها يتني الدورة وإن شاء الله أكون ضعفت زيادة .. من شكل جسمي و ويهي أحس ضعفت بس خاااااااااايفة أوزن

هذا اللي ناابيه الاحباط يالغلا بس شنو اسوي مو قادره اتقبل الاكل ابد
تخيلي اليوم صاحيه بدري حق بسويلي فطور مافكرت حتى افتح فمي بشي
بس تغذيت كبده مع سلطه وطلعت التمرين بعد ساعتين
ورجعت من شوي ولا حتى افكر اكل شي
احس نفسي مسدوده بالقوووووه
واليوم وزنت ناقصه 1.30
بس مابي وزني ينزل من دون اكل ابي اكل وربي احس ماعندي طاقه ابد
شنو الحل يالغاليات ليه نفسي مسدوده هل انتو مثلي ؟؟

مساء الخير عالجميع...

شخباركم شعلومك....

تدرون بنات انا اليوم كنت مضايقه حدي وخربت الرجيم وكسرته....الريوق والغدا كنت ماشيه فيه تمام...بس الضيقه جاتني بعد صلاة الاعشا....ليش مادري...والله اني مضايقه حدي حدي...والله يعيني والله...

كوين يالغاليه ماتشوفين شر حبيبتي...

فدوو حياتي كسري الرجيم يومين وارجعيله.... او سوي تخفيف اكل وخلاص....وموفقه يالغاليه....

باقي البنات شخباركم يالغاليات...شخبار الرجيم معاكم...

فدوو;5959444:



هذا اللي ناابيه الاحباط يالغلا بس شنو اسوي مو قادره اتقبل الاكل ابد
تخيلي اليوم صاحيه بدري حق بسويلي فطور مافكرت حتى افتح فمي بشي
بس تغذيت كبده مع سلطه وطلعت التمرين بعد ساعتين
ورجعت من شوي ولا حتى افكر اكل شي
احس نفسي مسدوده بالقوووووه
واليوم وزنت ناقصه 1.30
بس مابي وزني ينزل من دون اكل ابي اكل وربي احس ماعندي طاقه ابد
شنو الحل يالغاليات ليه نفسي مسدوده هل انتو مثلي ؟؟

نفس اللي قاعد يصيدني بالضبط

و هالشي بعد مضايقني .. لاني اخاف قلة الأكل ما تنزل وزني مثل المطلوب

و هالشي بعد مسبب لي خمول .. ما اشتهي اقعد الصبح و لا اقدر اسوي اي نشاط

يا دوب امشي هالساعة و احس نفسي بينقطع :(

يا ريت احد يشوف لنا حل

او اذا وحدة من البنات تتكرم تسأل الدكتور .. لان حاولت اطرش له رسالة بس ما يصير ما ادري ليش :(

مرحبابنوتات شخباركم وحشتوني خواتي،

شموووسة شخبارك يالغالية ما تبينين وينك والله وحشتينا.... طمنينا عليكي حبيبتي

أم عبادي شخبارك يالغالية وشخبار الرجيم معاكي؟؟؟

أم عزيز شخبارك مع الرجيم حبيبتي الله يوفقك ان شاء الله في نزول؟؟

وحبيبة فهد شخبارك يالغالية وحشتيني شلون الرجيم معاكي ان شاء الله تمام؟؟؟

أمولة الدلوعة شخبارك يالغالية وشخبار الرجيم ؟؟؟ الله يوفقك حبيبتي.

الزعفران وينك شخبارك مع الرجيم وحشتينا؟؟؟ وينك مختفيه؟؟؟ طمنينا عليكي يالغالية.

نورة تسلمين يالغالية انا اليوم احسن من امس ... نورة لا تكدرين حالك عن الكسر ولا تحاتين ان شاء الله بعد الكسر نفسيتك بتصير احسن شدي حيلك ولا تهتمين... انا من كم يوم أحس بلوعة ودوخة وشهيتي مسدودة بكسر يومين وبرجع للرجيم وان شاء الله بكره يكون الكسر علشان شهيتي تغير لما ارجع للرجيم.

صمت المشاعر شخبارك يالغالية وشخبار الرجيم مبروك على النزول والكيلو حلو ومادام وزنك تحرك ونزل ان شاء وزنك بينزل أكثر لا تحاتين تشجعي حبيبتي واستمري على الرجيم ولا تتخلين عن الرياضة ولا تخلين مجال للأحباط شدي حيلك وان شاء الله بتوصلين للوزن المطلوب. بالتوفيق يالغالية.

بشة المنفشة شخبارك يالغالية؟؟؟ شوفي حبيبتي الوزن قبل الدورة يزيد لأن تجمع السوائل في الجسم يعني ما يطلع وزنك بالضبط انتي انتظري وقيسي وزنك بعد ما تخلص الدورة وزنك بيطلع صح بعدين.
عموما كل بنت تختلف عن الثانية في بنات يزيد وزنهم كيلو وبنات كيلوين وبنات بس يزيد كم غرام .
انتظري كم يوم وبعدين قيسي لا تكدرين نفسك وصبري ان شاء الله في نزول الله يوفقك.


فدووو تسلمين يالغالية وحشتيني؟؟؟ ليش شهيتك مسدودة؟؟ شوفي حبيبتي انا رايي مع نورة كسري يومين وبعدين رجعي حاولي تأكلين أكلات غير شوي وان شاء الله بعدين شهيتك بتعدل.

بالنسبة للفطور حبيبتي أكلي جبن الصبح بدل البيض انتي مسموح لك تأكلين 250 غرام في اليوم يعني شريحتين جبن شيدر أو كيري ونصف علبة جبن حلوم أو تقدرين تأكلين علبة جبن حلوم لحالها مع خيارة وطماطم وخس وفي بنات يعملون سندويش خس اللي تأخذي شريحتين خس وما تقطعينهم تحطين شريحة واحدة وعليها جبن وبعدين طماطم وخيار وبعدين تحطين خس فوق وبيستوي سندويش يعني كل يوم تقدرين تسوين سندويش خس وفي بنات يسون جبن مع مشروم.
ابتعدي عن البيض والدجاج كم يوم و بعدين اذا حسيتي ان شهيتك صارت احسن رجعي لهم.
بس لا تحرمين نفسك من الأكل اكلي حتى لو سلطة أو خيار لازم تأكلين علشان الجسم يحرق الدهون شدي حيلك وان شاء الله وزنك بينزل لا تيأسين الله يوفقك.

هلا أحلى بحرينية انا رايي مثل اللي قلته لفدو لا تحرمين نفسك من الأكل اكلي جبن مع زيتون أو حتى سلطة أو خيارة مع طماطم لا زم تأكلين علشان عملية حرق الدهون حبيبتي.
بالنسبة للخمول حبيبتي؟؟؟ انتي تأكلين فيتامينات ولا لا؟؟ لأن الفيتامينات تنشط الجسم ويبعد عنك الخمول. الله يوفقك حبيبتي ولا تيأسين الشهية المسدودة تصير لمعظم البنات وان شاء الله تروح عنك انتي صبري.

بسبوسة ومشاعر بحرينية وسيتا والفراولة وباقي البنات شخباركم ان شاء الله ما نسيت احد الله يوفقنا جميعاً.

صارلي كمن يوم مخربه الرجيم بس من يومين بديت والله النفسيه تلعب دور بس في الاخير بكمل
ياله بنات انشد حيلنا

يسعد مساكم يالغاليات أخباركم حبيبات قلبي
كيف الرجيم معكم ؟؟
أنا اليوم احس نفسي اهون من كل يوم بس لين هلحين مااكلت شي بس احس اني جوعانه
لالالا يالغلا مابي اكسر الرجيم ولا يوم لان ذاك الاسبوع كسرت الجمعه وصرت عال العال بس مدري كيف رجعت ..
اشكركم يالغلا ع المؤاساه الرائعه ..

مساء الخير عالجميع...
بنات شخباركم اليوم...

انا اليوم خربت الرجيم لاني دايخه وتعبانه من الدورة وانتو بكرامه...