منو تبدي معاي رجيم الدشتي مو اكثر من بنتين ؟ الجزء الثاني

حببتي ام عبادي
القناة ما حصلتها
دورت عليها وما لقيتها
وخليت اخوي بعد يدور عليها وما لقاها
ياليت لو تتأكدين لي من التردد


عزيزتي بالنسبه لحبوب تنظيم الدوره
حاولت اكتب موضوع بعيادة الدكتوره وما قدرت
بس ارسلت لها الليله رساله خاصه وان شاء الله ترد علي

واول ما ترد علي بعطيج خبر

هلا seetta حياكي معانا في المنتدي ان شاء الله توصلين للوزن المطلوب مع هذا الريجيم بالنسبة عن الفيتامينات حبيبتي هي وايد ضرورية للجسم علشان مايصيدك دوخة وغثيان يعني لازم تأخذينهم.
واذا عندك اي اسئلة ماشاء الله على البنات بيفيدونك بتجاربهم ومعلوماتهم لا تترددين حبيبتي احنا كلنا حاضرين.

امولة الدلوعة شخبارك حبيبتي بالنسبة عن الشوكولا انا اسفة حبيبتي بس هذا النوع فيه سكر ، انتي لازم تأخذين جوليان لأن ليندت كل انواعة يحتوى عل سكر و انتي اللي خذتي مشكلته ان في نسبة من السكر لا تزعلين حبيبتي شوفي انتي احسن شيء تخلين هذا الشوكولا ليوم الكسر وتشترين غيره من نوعية جوليان فيه دارك وفيه اكسترا دارك اذا ما عرفتيه خبريني بحط لك صورة Kالمشكلة أكثر البنات ما حصلوة مثل ماقلت حق البنات تحصلين نوعية جوليان في السوبرماركات الكبيرة اللي يبيعون كل انواع الشوكولا ان شاء الله تحصلينه.

بسبوسة تسلمين لنا يارب مبروووووووووووك على النزول حبيبتي تستهلين ان شاء الله ينزل وزنك أكثر خخخخخخخ شكلك تحبين الخربطة بس يالله بعدين بتعودين ماتخبصين الله يوفقك يالغالية وتوصلين للوزن المطلوب.

لا تزعلين روحك أمولة انتي مالك ذنب حبيبتي انتي دورتي على الكافي وما حصلتيه يعني انتي سويتي اللي عليكي، شوفي انتي قيسي وزنك بكره وشوفي وزنك ان شاء الله يكون نزل واذا نزل تابعي معاه كل يومين أكلي قطعتين لأن فيه نسبة من سكر اما اذا زاد اتركية، صحيح انه مر بس ان شاء الله ينفع لأن دارك ومعروف عنه ان ينزل الوزن، المشكلة انتي اللي خذتيه 85 % يعني وايد مر بس ان شاء الله في نتيجة لا تزعلين حالك يمكن ماخرب الرجيم ويمكن نسبة السكر اللي فيه قليلة وما أثر انتي تابعي الرجيم عادي ولا تحاتين يالغالية ولا تكدرين روحك. شدي حيلك و الله يوفقك.

هلا عزيزتي
اشتقت لكم
عزيزتي ساره انا ما قلت الا نظرتي فيك
يعطيك العافيه
عزيزتي شموس ان شاء الله رجعت للرجيم
ويا ليت تكوني لقيت الشوكولاته.....
اموله لا تزعلين خلي الشوكلاته وبعد الرجيم
سوي فيها شوكيلت سوفليه لانه يتسوى بالشوكلاته
الغامقه يوم الكسر
بسبوسه يالذيذه بالنارجين انا احبها
مبروووووووك عليك النزول وعقبال ما توصلي للوزن المثالي
هلا فيك سييتا باسرتك الثانيه والله يساعدك و تنتظمي في الرجيم
عزيزتي نوره انسي الكيلوين وان شاء الله تنزلين اضعافها
بس لا تضايقين صدرك....الله معاك

سلاااااااام
بنات جخباركم جميعا
من غير اشتثناء


يسلمووو امولة على كبتابة السؤال الى الدكتورة واذا ردت عليك يلاتنسين اتقولين لي
وعن القناة اني متاكدة انه الرقم عدل
بس بعد بتاكد لج
انتو كم قمر عندكم؟؟
وشنو هم؟
وبشوف اذا تطلع على قمر ثاني او لا
بسبوسة ماشاء الله مبرووك على النزول

نورة زين سويت يوم كسرتي الرجيم
ان شاء الله ينزل وزنك

كوين سارة حبيبتي ياريت اتحطين لنا الصورة علشان اذا رحت اشتري اعرف على طول شكلة <<<<<<<<<<<ماتبي اتعب عمرها خخخخخخخخخخ

واقول ياهلا بالي انظمو معانا جدد في الرابطة(f)

الله يعطيكم العافيه على الرد

بس سؤالين زياده ممكنتجاوبوني عليهم
هل يعارض مع حبوب الحمل ولش المرضع ماينفع معها هل علشان الحليب مايقل ولا ايش

س2/ماسم الفيتامينات ولا اقول للصيدلي عطني فيتامينات وبس اواحددفيتامي سي او كالسيوم او ماااادري ؟؟؟؟؟؟؟؟؟؟؟؟؟؟؟؟

وماقصرتو تحملوني شوي ياعضوات

سيتااا حبيبتي ماراح تنقصين مع حبوب منع الحمل
لانة حبوب منع الحمل اتزيد الوزن
في وحدة من المنتدى كانت تاخذ حبوب منع الحمل واتسوي الرجيم ولا نقصت ولا كيلو

واي حبيبي ماينفع حق المرضع لانة اذا قل اكلها راح يقل الحليب هذا شي معروف ومن وين راح يحصل البيبي على حليب اذا كان اعتماد الطفل على الحليب الطبيعي

اما عن الفيتامينات ف اختي كوين سارة اتفيدج
لانها تستخدم نوع معين
وهي بتخربج عنه
موفقة حبيبتي
وان شاء الله اكون افتج

سلام رشييقاات

يصيرننظم لرابطة دشتي الحين و الا ما يصير ؟؟

مرحبااااااااا يااختي نورة ممكن تقبلوني ان نفسي اسوي نظام الدشتي وابغي ابدا اليوم بس عندي سؤال السلطة ممنوعه في المرحلة الاولي والا لا والله يجزاكي خير .

أهلا ام عبادي وحشتيني يالغالية بالنسبة عن الشوكولا هذي شكله: أختاري اللي تريدينة بس انا عندي الأحمر أحسن واحد:














هلا سيتا هذا شكل الفيتامين ان شاء الله تحصلينة في الصيدلية:

أحلى تحية لأحلى البنات شخباركم بنات مع الرجيم اليوم:

أخت سيتا اسم الفيتامين centrum وهو يحتوي على جميع انواع الفيتامينات والأملاح وحطيت صورته في ردي السابق ان شاء الله افدتك يالغالية.

أم عبادي شخبارك يالغالية الكافي تحصلينة في برادات الجزيرة في ركن يبيعون شوكولا للرجيم وكل شيء خاص بالرجيم يعني ماتحصلينه مع الشوكولا العادية تحصلينة على رف بروحة.

أهلاً بالبنوتات الجدد مرحبا فيكم معانا في المنتدى ان شاء الله تستفيدون من الرجيم بس اذا ممكن تعرفونا عليكم أكثر كم طولكم وكم وزنكم وكم تريدون تخسرون يعني كم الوزن اللي تريدون توصلون له واذا عندكم اي اسئلة لا تترددون البنوتات كلهم حاضرين الله يحفظهم وبيفيدونكم ان شاء الله.

شخبار البنوتات نورة وشموووووووسة وأمولة الأمورة وصمت المشاعر وفدوو والزعفران وام عزيز وحبيبة فهد وبسبوسة وميمو ومشاعر بحرينية وحبيبة فهد شخبار الريجيم معاكم وشخبار النزول ان شاء الله في اخبار حلوة علشان نفرح. الله يوفقكم خواتي.

فراولة بالنسبة للسلطة حبيبتي فهي مسموحة في الرجيم تأكلينها بس مرة في اليوم لأن المفروض ما يزيد عن الحد المسموح فيه والأشياء اللي مسموح ان تستعملينها للسلطة هي :

الخس والخيار (حبة واحدة بس) والطماطم (حبة واحدة بس في اليوم ) والبصل والفلفل البارد والخضروات اللي يكون اوراقها خضراء وتقدرين تستعملين معاه كريمة حامضة اذا حبيتي أو جبنة حلوم أو بيض يعني تسوين سلطة بيض او جبن أو دجاج مثلاً.

الممنوع :
الجزر والبامية والكوسا والباذنجان والبقوليات مثل الفاصوليا بأنواعها أو اللوبيا والحمص .

ان شاء الله افدتك حبيبتي وأهلا فيكم معانا في الرجيم.

مساء الخير حبووبات

اخباركن يا غالياات

احب بالبدايه ارحب بفراوله واحلى بحرينيه

وامسي على كل البناااات واقوولهم يالله الى الامام ضد السمنه والوزن الزايد

طبعا ما راح اقولكم انه اليوم ابتديت الريجيم بس ناويه يوم الاحد ان شاء الله

لاني باول مرحلتي بالريجيم ابتديت بيوم الاحد ومنها اتشجع اكثر

ابلغكم سلامي وتحيتي

صباح الخير عالجميع....بدون استثناء....

شخباركم يابنات شخبار الرجيم معاكم...تبون الصراحه انا واااايد محثلتها باليومين كلها تخبيص في تخبيص...والله يعيني على بكرة...والله يعطيني الصحه والعافيه واكمل الرجيم...

حيالله بالبنات الي انضمو معانا...وان شاء الله توصولون للوزن الي تبونه...

تصبحون على الف خير....

مع السلامه...

أهلين بنوتاات

شكرا على الترحيب

انا من اليوم " الأحد " ان شاء الله ببدأ معاكم

انا طولي 160 تقريبا

و وزني 83

و ابغي اوصل 55 -58

يعني المشوار قدامي طويل ..

بس بسـألكم بنوتات بقدر انزل هالوزن من الحين لنهاية شهر 7

لان عندي عرس أختي و حابة انزل وزني عشان يتغير شكلي

لان الكل ملاحظ علي اني حتى لو انزل 5 كيلو يتغير شكلي بشكل فضييع .. و أصير أحلى ألف مرة

بس مشكلتي في الإرادة شجعووني :(

و ان شاء الله كلنا ننزل بصحة و عافية

هلا أحلى بحرينية مرحبا فيكي يالغالية ، لا ان شاء الله بتنزلين وزن وايد لأن عندك وقت للعرس وبأذن الله راح تنزلين فوق العشرة كيلو خلال شهرين وممكن تنزلين اكثر بس انتي لازم تلتزمين بالرجيم وفي اول اسبوع بتلاحظين نزول الوزن يالله خلي عندك ارادة والله لو تشوفين خواتي قبل وتشوفينهم الحين بتستغربين بتلاحظين الفرق واضح واضح و الثياب تطلع ما شاء الله حلوة عليهم بالأول كانت الثياب تبين ضيقة عليهم يعني يبينون مليانين وصعب عليهم يختارون ثياب الحين الخصر باين والجسم متناسق بشكل واضح وثيابهم صارت وسيعة عليهم خخخخخ والكل لاحظ انهم نحفوا والله الرجيم بيفيدك وبتكونين احلى واحدة في العرس واكيد الكل بيلاحظ الفرق بس انتي شدي حيلك وابتدي وان شاء الله النتايج بتكون حلوة الله يوفقك يالغالية. واذا احتجتي اي نصيحة أو عندك سؤال لا تترددين البنات ما يقصرون.

هلا بالدبدوبات الحلوات...
كيف الرجيم و كيف عم الدشتي؟
اتمنا الرشاقه للجميع
انا ورجيمي تمام والحمد لله
الله المستعان....

بنات صارلي يومين وانا اخبص خفيف بس اليوم رجعت للرجيم
وشلونكم بنات مع الرجيم ان شاء الله تمام