منو تبدي معاي رجيم الدشتي مو اكثر من بنتين ؟ الجزء الثاني

اهلين بنات كيفكم مع الرجيم
حبيبتي سما النسيان مو معقوله تخبيصك على كذا ماراح تنقصين انتي عارفه انه اذا اكلتي حلا مايرجع الجسم للرجيم الا بعد 48 ساعهيتأقلم مع رجيم دشتي وانتي ماشاء الله كل 24 ساعه تخربطين لازم تمسكين نفسك ماباقي شي على العطله والزواجات والطلعات تذكري هذا الشي علشان تتشجعين
كوين ساره الله يقوم اختك بالسلامه ان شاء الله ماتشوف شر يالغاليه
الاماكن كلها اهلين فيكي في بيتك رابطة رجيم الدشتي يالله يدينا بيدك تنشجع ونذوب هالدهون بس ياليت تقولين لنا كم طولك وايش الوزن اللي تتمني توصلين له علشان نشجعك اكثر
بنات بغيتكم تتطلعون على هذا الموضوع وتقولون لي رايكم وابغى تجاوب ماابغى خمول زي العاده
http://www.3roos.com/forums/t105474.html
http://www.3roos.com/forums/t122509.html#post1375529
بصراحه من قريت هالموضوعين خفت والله قولولي رايكم وخلينا نتناقش بهالموضوع
اشوفكم على خير

هلا حبيبه فهد حبوبة والله كان وزني من ثلاث شهور 102 والحين 86 وابي اوصل لل 80 وبعدها 75 وخلاص طولي 167 ومتزوجه وابي انحف قبل لااحمل ان شاء الله

هلا بنوتات حلوين شخباركم اليوم ؟؟؟؟؟؟؟؟؟؟ انا الحمد لله ماشية تمام على الريجيم واشكر كل اللي سأل عني وعن اختي وان شاء الله شر مايجيكم حبيباتي.

أختي الحمد لله سوت العملية اليوم ونجحت بس تحس بألم في رأسها وعطوها حبوب دستلجسك علشان تخفيف الألم بس هي الحمد لله تمام. مشكووووووووووووورين على السؤال.

حبيباتي مثل ماوعدتكم بكتب عن المرحلة الأولى والثانية بس عذروني عندي فقدان ذاكره يمكن انسى شيء ؟؟
انا صار لي لحد اليوم ماشاء الله اربعة اشهر وعلى ماأتذكر خخخخخخخخ من بدايتي مفهيه؟؟؟؟ انا سويت شهرين في المرحلة الأولى ونقصت حوالي .................... أعتقد 10 كيلو في شهرين وبعدين بديت المرحلة الثانية لأنها تحتاج يعني لازم نسويها فتره..... المهم وثبت وزني شهر كامل مثل ما قلت لكم بسبب الكيري ولما امي دخلت المستشفى ماصار عندي وقت اكل الكيري وبديت اكل جبنة صقر الشرائح ومن هنا بدأ ينزل وزني الحمد لله تقريباً انا وزني نزل 14 كيلو لحد الحين بس انا ما قست وزني من كم يوم قلت الى ما تخلص الدورة علشان افرح بالنزول وان شاء الله ابشركم.

المرحلة الثانية أحسها أحلى بس انا مثل ماقلت لكم قبل يوم بديت المرحلة الثانية كنت أكل الفواكة بعد العشاء والوزن يزيد بس بعدين لما جربت اكل تفاحة بدل العشاء احس الوضع صار أحسن وبصراحة الكتاب ما يحدد شلون طريقة الأكل هل نحط الفواكة والمكسرات بدل العشاء اما ناكل عشاء وبعدها ناكل الفواكة؟؟؟؟

المصيبة انا جربت أكل الفواكة بعد العشاء بس الوزن يزيد بطريقة غير معقولة علشان جذي استبدلت العشاء بالفواكة والله احسها فكرة معقولة وما تأثر على الريجيم......... بس المشكلة ان انا تاوني بديت التجربة وان شاء الله بجرب بعض الأشياء وبخبركم عنها يعني ضمن اطار المسموح بس تصدقون في اشياء تزيد الوزن؟؟؟ والله شيء غريب؟؟؟
انا الحين تركت الكوفي لأني حسيت الكوفي ميت يثبت الوزن والله أعلم وتركت المشروبات الدايت وتركت جبنة الكيري وبديت أكل جبنة صقر واشرب شاي مع شوي حليب 3 مرات في اليوم؟؟؟؟ لاتخافون جربت ولقيت الوزن ينزل أحسن من قبل وأشرب ماي والعب رياضة.

في بعض البنات صج يقولون ساعات الواحد يخبص وياكل بسكوت عادي والوزن صج ينزل وانا بصراحة ماأعتبرها تخبيص؟؟ لأن احس ان يساعد الجسم على الحرق خصوصاً اذا ثبت الوزن بس عاد مامصختها لا تخاقون بس لما الماما كانت في المستشفى شفت البقلاوة ما قدرت اقاوم وكل يوم اكل قطعة صغيرة منها لأن نفسيتي كانت تعبانة بس الحمد لله ما مصختها بس الوزن كان يتحرك؟؟؟؟ والله هذا الريجيم غريب. يمكن الجسم أخذ مده طويلة في الريجيم وتعود على الحرق؟؟؟ الله أعلم.

حبيبة فهد والله ماأدري شاقول لك يالغالية والله هذا الريجيم ما ينعرف له مره يقولون زين ومرة شين والواحد مايدري شيسوي ؟؟؟؟ انا الحين في المرحلة الثانية وهي وايد احسن من المرحلة الأولى لأن فيها فواكة وخبز نخالة (مع اني ماجربت للحين الخبز) ومكسرات وغيره انا احس ان المرحلة الأولى هي اصعب مرحلة وممكن تسبب الكثير من الأعراض وانا افضل ان المرحلة الأولى ما تزيد عن شهر لأن انا بصراحة سويت شهرين بس وايد عانيت من الألأم في الجسم والأحسن ان الواحد يدخل في المرحلة الثانية ويبقى عليها لحين يوصل للوزن ماقبل المرحلة الثالثة خصوصاً ان المرحلة الثانية فيها نوع للتعويض حق الجسم من اللي انحرم منه في المرحلة الأولى ويمكن بهذي الطريقة نحافظ على صحتنا؟؟؟ والله أعلم.

هذا الريجيم ما يناسب كل الناس يعني في بنات عندهم امراض و يسوون الريجيم اكيد موزين لصحتهم وبصراحة المفروض يبتعدون عن هذا الريجيم لأن مايناسبهم.

بنوتات حطوا بالكم على نفسكم اكلوا فيتامينات شربوا ماي وايد لعبوا رياضة واكلوا زين اهم شيء عندنا صحتنا واحنا لأزم اذا بنكمل الريجيم لازم نسوي كل اللي قال عنه الدكتور.

سلاااااااااااااااااااااااامي لكل بنات المنتدى امولة ونورة وام عبادي وحبيبة فهد وام عزيز وبسبوسة وسماااااا نسيان وصمت المشاعر و شمووووووووسة وفدوو والزعفران وبشة المنفشة واحلى بحرينية وسكون الروح وباقي البنات الله يوفقكم كلكم حبيباتي.

صبااح الخير على الحلووين

عزيزتي حبيبه فهد

بصراحه المواضيع خوفتني كثييييييييييييييييييييييير خصوصا لاني ماعملت التحااليل

بنات ياريت تخبروني شلون ارسلتوا لدكتور نتايج التحاليل ؟ وكان رده سريع ولا خالكم تنطرون كثير ؟

حبيبه تخيلي الاسبوع هذا نقصت الحمد لله 2 كيلو مع اني اخربط مثل ماشفتي والاسبوع الي قبله ملتزمه بالحرف الواحد ومانقصت شي ! ماعدا اني كنت استخدم سكر الذره وكان خطأ

شي غريب صح !!!

المشكله اني احس الدوره خبطت معاي !!!!

اكيد من الرجيم

انا راح امشي على نظامي مع تخبيص خفيف علشان اعوض على جسمي وماندم بعدين

بنات تكفون لاتنسون تخبروني عن التحااليل

مساء الخير يابنات .....
شخباركم انا من يوم السبت بديت الرجيم صح مع شوي خربطه نزلن 2 كيلو الحمدلله ....

كوين يالغاليه ما تشوف شر اختي والف الحمدلله عالاسلامه الغاليه....

باقي البنات شخباركم وشخبار الرجيم معاكم ان شاء الله تمام...وبشرونا عنكم...

اختي سمااا...مبروك النزول يالغاليه...وعقبال البقيه يارب....

مساء الخير حبيباتي
اختي سما النسيان انا الحين صار لي شهرين بالمرحله الاولى مع كثير من التخبيص والاجازات عن الرجيم بس لاحظت ان مده الدوره زادت يومين عن الاول مع اني اكل حبوب منع الحمل ومع ذلك ماتخلص الدوره الا بعد مااكلهم بيومين وقبل مااستخدم الرجيم كانت اول يوم اكل فيهم الحبوب على طول تخلص الدوره
بالنسبه حق التحاليل انا ماسويتها ولا اخذت فيتامينات بس لاحظت شعري يتساقط زياده عن اول وهذا شي طبيعي بعد النفاس ورحت للصيدلي واخذت فيتامين للشعر فقط مع كالسيوم لاني عندي نقص بالكاليسيوم
اتوقع الشخص يقدر يحكم على نفسه اذا كان يناسبه الرجيم او لا من اول اسبوع اذا ماجاكي اي اعراض غريبه في اول اسبوع الحمد لله معناها الرجيم يناسبك
بعد اسبوع راح تجيني الدوره وافكر بعدها مااكل حبوب لمنع الحمل وبقارن نزول الوزن ايهم اسرع
اتمنى لكم التوفيق

هلا سماااااااا النسيان شخبارك؟ شوفي حبيبتي انتي لما تسوين التحاليل مو لازم ترسلينها للدكتور ...... بعد ماتطلع نتايج التحاليل سألي الدكتورة اللي تسوين عندها التحاليل اذا كان كل شيء طبيعي واذا كان ممكن تسوين الريجيم الدكتورة بتشرح لج نتايج التحاليل اذا كان طبيعي والا في ارتفاع او انخفاض معين اذا كان طبيعي خلاص سوي الريجيم و اذا في ارتفاع او انخفاض سألي الدكتورة اذا ممكن تسوين ريجيم او لا لأن ممكن تكتب لك ادوية قبل لا تسوين الريجيم اذا شافت ان في شيء مو طبيعي لا سمح الله... الله يوفقك يالغالية.

صباااح الخير

مبرووووووووووك نووره على النزوول كثير حلوين 2 كيلو


حبيبه فهد
عزيزتي انا بس لاحظت الدوره خبصت وجت قبل وقتها مع اني اخذ حبوب منع الحمل ! كنت ناويه الشهر الجاي ماخذ الحبوب قلت بجرب يمكن انقص اكثر بس الحين غيرت رايي اخاف تتلخبط الهرمونات اكثر ويصير طول الشهر دوره . وفي شي ثااني بعد اذا نمت مااااااالي نفس اقووم ابداااااااااااااااااااااااااااااااااااا
بالزوور اقوووم

مشكوره حبيبتي كووين من جد ريحتينبني

شخبااركم بناات مع الرجيم

اليوم افطرت جبنه حلووم + زيتون

وتعشيت ستيك +مشروم بالكريمه

بنات سويت الجلي بس ماطلع حلو ابدا اخذت نكهه الكرز مادري حسيته حاااااااااااااااامض
بليز اي نكهه احلى؟

السلام عليكم يابنات وحشتووووووووووووووووووووووووووني اكثيرررررررررررررررر والله العظيم والله العظيم فقدتكم كثير رجعت من بعد غياب دارت علي الايام مع الريجيم ورجعت الى دشتي ههههه
قصتي :
قبل شهر كنت اطبق دشتي مع التخبيص بالفواكه وخصوصا ( التفاح - والبطيخ والجح ) قلت خلني اخذها من قاصرها واغير الريجيم فيه فواكه اتعب نفسي على الفاضي في دشتي خسرت 2 كيلو ووقفت رحت الى ريجيم ( السعرات الحراريه ) لكن اطلعت لي عله ثانيه اليوم المفتوح هههه اذا فتحت ماقفل الا لين بطني ينتفخ هههههههههه لين جاني احباط من عمايلي ونقصت عليه مدة اسبوعين 2 كيلو لكن مشكلة المفتوح سببت لي احباط مو طبيعي وقلت ارجع لابو الفزعات دشتي واترك التخبيص بالفواكه اهون لي
كان وزني 75 وطولي 154
واليوم وزني
( 71,7)
جيت وانا مشتاقه لكم كثير كني فقدتكم اكثر من سنه
كوين ساره واللله العظيم انك عسل وررررروعه مشكوره عن السؤال علي خلال الفترة اللي راحت وماكنت ادري بتعب الوالده ماتشوف شر والحمد لله على سلامة اختك ياقلبي والله يحفظهم لك والله يبلغهم فيك يااااااااارب مشكوره من قلب لانك اصيله فعلا
أموله الدلوعه كيف حالك ياقلبي ومبروك النزول ولجميع البنات ؟؟؟
فدو انتي رائعه مبروك النزول ماشاء الله عليك اصرار قوي رااااااااائعه جدا
حبيبة فهد كيف الحال ؟؟؟؟
شمس الاصيل ونورة والبنات الجدد كيفكم جميعا
000
جيت وخلاص توبه من عمايله مع الفاكهه وقريت حماسكم في الصفحات السابقه ونتائج روعه في النزول
وبعتمد لي وجبتين فقط لاني مانعطي وجه الصراح من عمايلي
تحياتي للجميع

تبون الصرااحه

انا مانعطى وجهه

صايره كل يووم اخبص

الله يستر هالاسبوع دوره وكمان تخبيص الظاهر اني برجع الي نزلتهم

ماني قادره اقااوم خصوصا اذا كنت برا البيت الحلوياات تروح وتجي من قداامي
اليوم اكلت ( لقيماات ) اهئ اهئ

فشله منكم

حبيبتي سماااااا النسيان لا تزعلين نفسج ساعات الدورة تلخبط ويصير نفسك في الأكل العادي ماعليش ازمة وان شاء الله تطلعين منها ..... شوفي حبيبتي من بكره خففي التخبيص وحطي في بالك ان خلاص ماتبين تخبصين وان لازم تنزلين وزن وعلى العموم ان شاء الله وزنك مايزيد ان شاء الله يكون نزل لأن بعض الأحيان ينزل الوزن مع التخبيص خخخخخخخخ انتي حاولي قدر ما تقدرين تخففين وان شاء الله توفقين حبيبتي ولا تكدرين نفسج ترى ما يسوى يالله من بكره ان شاء الله تلتزمين بالرجيم وخلينا نسمع اخبارك يالغلا.

صمت المشاعر وحشتينا وحشتينا يالغالية نورتي المنتدى مره ثانية وان شاء الله هالمره الريجيم يكون تمام معاكي يالله نريد تشجيعك لنا واحنا بعد بنشجعك ان شاء الله.... مشكورة ياعسل على الكلام الحلو تسلمين يالغالية.

بنات صج نسيت اقول لكم من مدة راسلتني شمووووووووسة بس لأن الماما دخلت المستشفى نسيت اقول لكم سامحوني .... وقالت لي سلمي على البنوتات كلهم وتقول لكم هي بترجع بس بعد مدة وسلمت على ام عبادي ونورة سلام خاص.

امي واختي يسلمون عليكم ويقولون لكم مشكوررررررررررررين على السؤال عنهم ويقولون لكم الله يوفقكم كلكم .

سلااااااااااااااااااااام لكل بنوتات حلوين ام عبادي ونورة وشمووووووووسة وفدووو وصمت وامولة وام عزيز وحبيبة فهد وسكون الروح وينها نريد نسمع اخبارها؟؟؟ و الزعفران وسماا النسيان وبسبوسة واحلى بحرينية وبشة المنفشة والأماكن كلها وبعد مين؟؟؟ ان شاء الله مانسيت احد؟؟؟ وباقي البنات لا تزعلون مني بعد سلاااااااام لكم والله يوفقنا كلنا خواتي.

سلااااااااااام
شخباركم
وحشتوني
اني ادخل اقراء واطلع ماادري ليش مالي مزاج اكتب لكم يومياتي
لانة يمكن مافي تفاعل في الموضوع مثل قبل
على العموم اني وصل وزني 96
ويوم شفت وزني نزل جذي
قعدت اخبص الين مازيتها وكثرت من الحلويات
وزاد وزني مرة ثانية الين 99:(
بس الحمد الله هذه 3يوم واني مواضبة على الرجيم
والحمد الله اليوم وزنت ناقصة كيلو
وان شاء الله مايخلص هالاسبوع الا واني 95
قولوا ان شاء الله
والويم بعد صادني موقف بسبب سمنتي واحرجني وقعد اقول لاززززززززززززززززم وباذن الله اضعف ولا اخلي احد يحرجني
الله يعينا:(

هلا كوين سارة شخبار يالغالية وشخبار الوالدة
ويسلمووو اختك وامك على الدعوة الحلوة
وخلي الوالدة دائما تدعي لنا ان شاء الله يكون دعائها مستجاب



والله وحشتنا شمووووسة ليش كل هالغيبة ؟؟
سلمي عليها وووووووواجد وقولي لها وحشتنيا(f):)

طبعا يسعدني أنضم معاكم


انا بديت الرجيم من 3 ايام



الصباح سلطه و وليمون


الغداء ربع صدر دجاجة مشوية + سلطة


العشاء ربع صدر دجاجة مشوية + سلطة



اليوم الثاني


الصباح كاس عصير برتقال


الغداء ربع صدر دجاجة مشوية مع سلطة


العشاء ربع صدر دجاجة مشوية مو خضار مسلوقة + سلطة



اليوم



كاس عصير برتقال




سلطة سيزر من دون أضافات يعني صدر دجاجة مشوية + سلطة + ليمون




العشا مابعد أفكر



بس شكلي



بيضة مقلية مع ربع جبن شيدر لايت وسفن اب دايت




طبعا امشي ساعة في اليوم على جهاز الجري


نص ساعة النهار نص ساعة في الليل



ها نظامي صح ولا فيه شىء غلط


ملاحظة : العصير برتقال فرش اتوقع انو غلط لأن ممنوع الفواكه صح ولا لا؟


وزني :79




المطلوب : 60 - 55

حزني هلا فيج ويانا
واي حبيبتي عصير البرتقال غلط
وبعد في شي اكلي جبن عادي
ويقول الدكتور يفضل الجبن العادي مو الي خاص للررجيم
واما الباقي تمام
انش اء الله يارب مواصلة ويانا

صباااااح الخير على الحلوووين الرشيقين

مشكووره حبيبتي كوين على الدعم الروحي

اليوم سوويت عقاااب لي من صحيت من النووم وانا جالسه اعزل في البيت لين انهديت
واكلت بس وجبه وحده

كفته لحم امريكانا مسويته ايداام لذيذه

وزوجي ياكل قدامي بريااااني

ومن بعدها كيك وعصير

انوااع المغريااات

قمت اشررب مويه وبعد شربت قهوه علي رووعه وبدون كافيين فيه دايت بدون سكر وفيه العاادي وتلاقونها عند كارفور وجيان

ام عبادي فقدناك يالغااليه
لاتحااتين ان شاء الله تنزلينهم

حزني حبيبتي ممنوع الفواكهه

طيب كون وياكم



خلاص اليوم أستغنيت عن عصير البرتقال


فطرت بجبن عادي شيدر لاسلايس


ربعها بس

وكاسين ماي



أنا استخدم الجبن العادي



هذا الصباح



اتوقع الغدا راح يكون همبرجر لحم مشوي وسلطة

سما تسلمين حبيبتي وانتو بعد وحشتوني
والله يسمع منك وانزلهم

حزني ليش ماتاكلينها كامل الجبن اكلي عادي
اشربي كوفي بس خالي من الكافين الصبح بدل العصير

اليوم فطوري كوب كوفي مالي نفس افطر
بنات لا تخلون الموضوع فية خموووووووووول
ارجوكم شاركو

أهلين أم عبادي



طيب أي نوع من دون كافين



طيب شوربه الشوفان مع الدجاج ممنوعة ولا لا؟


شوفان كويكر


مفكرة اسويها غدا:D