منو تبدي معاي رجيم الدشتي مو اكثر من بنتين ؟ الجزء الثاني

لا بنات شخباركم
انا البارح زوجي عزمني على طلعة مطعم قال لي اختاري الاكل انا على طول اخترت مشويات ومن جابو الاكل لو اتشوفوني اضحكون على جلست اقسمه نص لي ونص الباقي له يقول اشفيج بس ما قلت له اسوي رجيم




المهم بعد ما خلاصنا من الطلعه ورجعنا البيت وبعد الوناسه من جيت بنام احسيت بجوع فادح والله حيل جوعانه قلت شنو اسوي شنو اكل بس بعدين قلت اقوم انام احسن لى لا اخرب الرجيم ونمت وبعده جلس اولدي يصيح

ومن قمت له وانا حيل جوعانه قلت اخذ لى قطعة بسكويت وبعدين ترجعت ورحت وشربت لى ماى واجد لمن شبعت
وجلست الظر ولا امي متصله على تقول تعالى تغدى عندنا عزيمه اتصدقون على طول قلت بخربه وابتدي من جديد وعذرا على ما فعلت احس لان روحي مقفله لاني خربته

وعد منى انى ما اخربه مره ثانيه ومشكورين

ام عمار خلصتي حبوب تنظيم الدورة؟؟

بحور اشواق;6101493:

هلآ بنات شحالكم ؟

وشحال الريجيم وياكم ؟

الا بسالكم

برايكم شنو يكون اكلنا في رمضان ؟؟

اللي جربت الريجيم في رمضان وكانت في المرحله الاولى

تخبرنا شووي

لاني افكر في بعيد

وكنتي تاكلين تمر والا شوو ؟؟؟


تحملوو بعمركم يا الغاليات

بنوتات شلونكم وشخباركم مع الرجيم باركوا لي امي رجعت البيت وانا وايد وايد فرحانه بس الألم موجود والدكتور قال ان بيروح بالتدريج الحمد لله امي تحس ان الألم قل شوي .

بالنسبة عن امي ماتقدر تسوي ريجيم الدشتي لأن عندها سكر وضغط وكوليسترول وروماتيزم وغير هذا عنده دهون على الكبد ويسمونه فاتي ليفر وما ينفع الريجيم معاها لأن ما يصير تأكل بروتينات وايد.

بالنسبه عني انا للحين ماشية تمام بالرجيم بس اكلي مثل ما هو قليل جداً بس ان شاء الله بكره أكلي يتغير.

أم عبادي شخبارك وشخبار الرجيم؟؟؟؟ اشتقت لك حبيبتي.

سكون الروح شخبارك حبيبتي منوره المنتدى يالغالية.

فدوو شخبارك وشخبار الرجيم؟؟؟

بشة ان شاء الله مرتاحة مع الرجيم.؟؟؟

بسبوسة واحلى بحرينية والزعفران وحبيبة فهد وام عزيز وصمت ونورة وشموووووسة وامولة شخباركم بنات اشتقت لكم كلكم واشتقت لسوالفكم انا من بكره بيكون دخولي للمنتدى أكثر.

البنوتات الجددد الحلوين شخباركم وشخبار الرجيم ان شاء الله في نزووووووووووووووول حلو الله يوفق كل البنات.

مبروووووووووووووووووووووووووووووووووووووك النزول للبنوتات الحلوين وعقبال باقي البنات قولوووووووووووا آمين.

بحور الشوق اني ماصادف في رمضان اني اسيو الرجيم
وحتى الحين بكون متابعة الرجيم ان شاء الله بس في رمضان باكل عادي بس كلشي خفيف
هذا شهر مايتعوض في جمعة اللاهل خلونا ناكل عادي بس نحاسب على طريقة اكلنا
واني اذا ابتعت الرجيم تمام ان شاء الله بابيجي رمضان الا اني ناقصة كل الكيلوات الي علي ادعو لي

مبروووووووووووك كوين سارا ويارب الوالدة ما تشوف شر وتقوم بالسلامة عن قريب :)

بموووووووووووووووووت بننتحرررررررررررررررررررررر

قست وزني اليوم لقيتني زايده 1 غراااااااام ليييييييييييييييييييييييييييييييييييش!!!!!!!!!!!!!

تتوقعون الرجيم ماناسب لي ؟؟

في الاسبوع الاول نزلت 2 كيلو
والاسبوع هذا زدت ليه !!!!!!!!!!!!!!!!!!!!!

اكلي نفسه هو ماتغير

بنات فيه احد صارله مثلي ؟؟

خلااص الجبن رااح الغيه

رجااااااااااااااااااااااااااااااااااااء خااااااااااااااااااااااااااااااااااااااااااااص

لام عباااااااااااادي القمر

ياريت تعطيني برنامجك بالتفصيل

لاني خلااص تحطممممممممممممممممممت

**************************

كوين الحمد لله على سلاااامه الواالده

كوووين
حمد الله على سلامة الوالده
زين انهم رخصوها لان جو المستشفى يجيب الكآبه
ان شاء الله بتتحسن صحتها وبيخف الالم وبيروح
وان شاء الله نفسيتج انتي بعد يالغاليه بتتحسن للافضل ونفسيتج للأكل بترد شرات اول
هاااه حببتي .. مو ناويه توزنين تفرحينا؟؟
بانتظار الاخبار اللي تفرح كفانا حزنا هههههههههههههههههه
والله يجعل دخول الوالده مشفى اخر الاحزان


ام عبادي
شحالج عزيزتي وشلون الرجيم وياج؟
بشرينا ما وزنتي؟


بحور أشواق
الغاليه الصراحه ما جربت الرجيم في رمضان
وللحين ما قررت بستمر فيه او باخذلي بريك
الله يوصلنا لذاك الوقت وحنا بصحه وعافيه
و وقتها لكل حادث حديث


بشه
شلونج حببتي وشلون الرجيم وياج
واخبارج ويا الميزان هههههههههههههههه
عسى في نزول؟


سما نسيان
بسم الله عليج
لا تقولين جذي لان السالفه ما تسوا
حياتوه انا مرات كنت ازيد اثنين كيلو بدون سبب ههههههههههههههه
فمافيها شيء
وبعدها انقصهم من يديد
وهالشيء كان يتكرر وايد بأول شهر وبالنصف الاول من ثاني شهر
بس اكثر شيء بالشهر الاول
فلا تحاتين لو بعدج بهالشهر الاول

وبعد لو الدوره جربت او فيج الدوره شيء طبيعي وزنج يزيد
وحاسبي انج ما تلخبطين لانج تلخبطين وايد
اللخبطه تأثر على نزول الوزن

حببتي بغيت اسألج
ليش تبين تخلين يوم السبت اوف؟
لو عشان صايدنج وقوف بنزول الوزن فمافي مشكله
بس لو عشان بس مزاج فما انصحج
لان احتمال كبيير ان وزنج يزيد وتتحسرين هههههههههههههههه
من صوبي مرات اخلي وجبه الغدا فري وبقية الوقت احاسب على عمري بس مو اليوم كله
وعلى جبه وحده باليوم وحتى ولو كانت دسمـــــــه ما شاء الله ما ازيد شيء
اللهم يصيدني وقوف بنزول الوزن وعقبها ينزل وزني من يديد
ما انصحج تكسرين الرجيم الحين اكسريه لما تخلصين شهر لو مستعيله ع الكسر
وهذي نصيحتي لج

هدي اعصابج وان شاء الله وزنج بينزل بسهوله



فدووو
يالغاليه وينج هاليومين



حبيبة فهد
حياج ويانا من يديد وين اختفيتي
لج وحشه


وسلالالالامي لبقية البنات
نوره وووينها ما تنبااان عسى المانع خير

حبيبة فهد
الله يعينج لو اسبوع كااامل هههههههههههههههه
من سبوع وشوي قطعت عن الرجيم مدة اربعة ايام
و زاد وزني كيلو ونص
في البدايه لما وزنت عمري شفت اني زدت كيلوين
وقلبي عورني ونسيتي ازفت من الزفت
عقبها بشوي وزنت عمري مره ثاني بتركيز
ولقيت عمري زايده كيلو ونص تقريبا و شوووي
ع الاقل اهون من كيلوين ههههههههههههههههه
يعني كل يومين تقريبا زدت كيلو الا شوي
مع العلم انه خلال هالاربعة ايام ما كليت حلو ابد غير مره وحده
برابع يوم كليت فالوذه
وبقية الايام عيش و خبز
باختصار ما كنت افطر وكنت اتغدا واتعشى وما اكل وايد
وكنت مضطره اوقف الرجيم لاني ما كنت في البيت


بس دامه ريلج قالج وقفيه اسبوع فالمفروض تسمعين كلامه =-=-=-> مثاليه هههههههههههههه
انصحج تخففين من الاكل وما تاكلين لين ما تطفسين
اهم شيء حاسبي على عمرج
ولا تحاولين تقولين له مو موافقه عشان لا يضايج

والله يعينج

مشكورين يابنات على ردودكم ان شاء الله بعد اسبوع برجع لكم اتمنى لكم التوفيق

يا أموله أخباري مع الميزان يا سلااااااااام


اليوم وزنت ولا زايدة نص كيلو أول الخير لأن ما باقي شي على الدورة :) ناطرتها على الأسبوع الياي تقريباً ويارب ما أزيد أكثر أو حتى لو ازيد بس عالأقل ينزل بعد الدورة .. مابي مفاجآت الصراحة كافي الرعب اللي يحوشني بس أوقف على الميزان !!!!

مساء الجوري على الغاليات أخباركم وأخبار الرجيم معكم عساكم مرتاحين ..

حبيت اشكر كوين ساره الغاليه وحبيبه قلبي أموله الدلوعه على سؤالهم للي ..
أنا بخير والحمد لله وماشيه على الرجيم تمام ..
أموله يالغاليه لو تلاحظين أنا مااتواجد في يوم الخميس والجمعه بالمنتدى
لان هذا اليومين مخصصين حق خطيبي أطلع معه ..
يعني ما ادخل النت ابد الا اذا بغيت شي ضروري ..

وبكرة المدربه توزني ..

حبيت ادخل واسلم عليكم

طبعا النفسيه مثل امس لا وزاد الطين بله تخانقت مع زووجي اليوم

زفت في زفت

اليوم خربتها واكلت شوكولا

بس حسيت نفسي احسن الحين

حبيبتي امووووله

مشكووووووووره حبيبتي على النصيحه بس مو بيدي لازم اكسر الرجيم يووم

توني باديه من اسبوعين اعرف انه غلط

وربي موبيدي الرجيم كله عاجبني بس ماني قادره استغني عن الحلىىىى والشوكولا

اعصب

صدقيني حتى الاجتماعات بطلت اروح لها وعندي زواجاات ومافصلت فسااتين ولاعندي نيه اني اروح اصلا

ان شاء الله بعد الكسر اتعدل وتزين النفسيه يااااااااااااااارب

حبيبتي سما نيسان ولا يهمك يالغاليه مريت بحالتك أنا
بس بوقت اذا جاتني الدوره خلالالاص مقدر لازم اكل شي حلوو
تخيلي شنو سويت طبعاً أنا ما اشرب غازيات من صغري
خليت خطيبي ياخذ لي سفن اب دايت وشربته ولم شربته مافكرت اشرب مرة ثانيه
بس وقت الدورة مع اني ترددت واجد على ماشربته
واخذت لي شكولاته من التميمي خاص بالرجيم والله طعمه جنان
وانا تميت اسبوعين على ماتعودت على الرجيم كل يوم اخبص
ولم حسيت نفسي قادره اعيش من دون خبز ونشويات بلشت فيه صح
والحمد لله كان وزني من 83 هلحين صار 75 كيلوو صار لي شهرين مع انه وزني بطي
بنزول وانا اروح صاله رياضيه طبعاً اتمرن هناك ساعه ونص او ساعتين الا ربع
وياكثر ماتعبت نفسيتي من الاكل حتى ماصرت اقدر اكل وصرت اكسر الرجيم
بس الحمد لله مااثر فيني الكسر لان مقدر اسوي شي اغلط عليه او اندم
وهذا الاسبوع اللي طاف يوم الاربعاء رحت السينما وخربطت بالرجيم طلبت لي واحد فشار كبير
واكلت ربيان سيارات اكيد تعرفووة << تمووت بشي اسمه شبسات
والحمد لله لم وزنت كنت نازله كيلوين
اهم شي يالغلا ماتتخانقي مع زوجك وخليك اسد بالرجيم والله يقدرك يارب وتوصلين اللي تبيه ..

سلااااااااااااام
شخباركم

صباح الرشاقة عليكم

بنات اكتشفت شي البارحة بس وانصدمت

فينين ترهل شديد في منطقة الافخاذ
شسوي
اتفيد تمارين الشد؟؟
اخاف هالشد مايروح
كل مني ماسويت تمارين شد من بداية الرجيم
ماتوقعت بيصير جذي:(
الي مجربة شي وجاب نتيجة اتقو لي

ووزنت الحمد الله ناقصة كيلوين
بس اتوقع اكثر
لانة توني مخلصة من الدورة
بكرة بروح المستشفى بوزن وبقول لكم
عاد امس عندي اليوم العالمي للتخبيص الظاهر رجعوا هالجم كيلو
بس اليوم ان شاء الله بيكون كلة تمام(y)


اليوم فطوري كان بيض اومليت محشي جبن
بس الكوفي اليوم عاد من غير خالي من الكافين(c)
واحسة وايد حالي لانة اني متعودة اشربة مع سكر دايت

كوين سارة وانا بعد اشتقت لج يالغالية(f):)
امس ماطليتي علينا ان شاء الله خير
طمننيا عنج وعن الوالدة:(

مساء الخير عالجميع.....

والله يابنات وحشتوني وااااايد وااااايد فديتكم كلكم...اموووووووووووووة وهذي بوسه لكم....

اشكر البنات الي أسألو عني...فديتكم ماتقصرون والله فيكم الخير...

انا انقطعت عنكم اسبوعين او اكثر لاني كنت مشغوله اجهز حق عرس اخوي....وقطعت الرجيم مدة...بس لحمدلله مازت الا كيلو ونص...احس انه وزني ثبت من التخبيص....

اموله يالغاليه فديتج الكستر اتحصلينه في مكان الدايت انا ما خذته من كارفور وخذيت جيلي وكريم كراميل بعد....لالاسف ما اعرف انزل صور عالكمبيوتر....سامحوني...

الغاليه كوين \شخبارج وشخبار الوالدة ان شاء الله تمام...والف الحمدلله على سلامتها اجر وعافيه ان شاء الله...

حيبه فهد يالغاليه شخبارج حبيبتي...تدرين انا جربت اني تركت الرجيم لمدة اسبوعين وما زت الا كيلو ونص...الحمدلله والله كنت اكل كل الي نفسي فيه...بس اهم شي انج تتحركين واااايد...

باقي البنات شخباركم ويالرجيم...يالله الله يقويكم ويعطيكم الصحه والعافيه يارب...

تدرون انا اليوم راجعهبكل حماس حق الرجيم لازم لازم اوصل عالاقل التسعين يارب....والله اتمنى...

اليوم كان فطوري بيض مقلي+حبه كيري+شاي اخضر....

وغداي كان نص دجاج مشويه من الحجم الصغير كلش +سلطه خضرا+صوص مايونيز مع خردل+كم حبه بطيخ...

والعشا والله لين الحين ما ادري ايش اسويلي ان شاء الله باليل بقولك اخر التطورات...

مساء الخير
انا دخلت اتطمن عليكم والله اشتقت لكم ودورت الموضوع مالقيته معقوله احصل موضوعنا بالصفحه الثانيه مو معقول هالخمول اللي فيكم يالله شجعوا بعض مانبغى كسل
نوره 1980 والله طمنتيني تصدقين من تركت الرجيم ماوزنت قلت اخاف اوزن واكون زايده يضيق صدري ماراح اوزن الا اذا رجعت للرجيم بس مشكوره طمنتيني بالنسبه حق المشي ماتركته امشي يوميا تقريبا ساعه امشي فيها6كيلو ان شاء الله مع المشي ماازيد بالنسبه للاكل والله مااكل كثيرافطر واتشى عشا خفيف بس مشكلتي كل يوم العصراسوي قهوه واكل حلى وشكولاته وبعدين اطلع المغرب امشي ان شاء الله ماازيد
اتمنى لكل البنوتات التوفيق

هلا بنوتات حلوين شخباركم اليوم ان شاء الله تمام،
بالنسبه عني انا للحين ماشية تمام بالرجيم حاولت ازيد الأكل شوي خخخخخخخخخ ان شاء الله ما مصخها لاتخافون بس زدت؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ جبنه هههههه.

عن امي احسها اليوم أحسن، من رجعت البيت حاولت أسوي لها مساج للركب كل يوم واحط عليها فوطة حارة علشان الدهن يجيب مفعول واقرا عليها سور من القرآن وادعية. ان شاء الله تشفى .

أم عبادي شخبارك وشخبار الرجيم؟؟؟؟ مشكورة على السؤال الله يسلمج يالغالية ،حبيبتي لازم تسوين رياضة علشان يروح الترهل شوفي اشتري السيدي من جيان اسمه walk away the pounds in 2 miles مدته بس نصف ساعة تكفي لشد الجسم وتسوينه في البيت سعره تقريباً 3 دنانير وشوي. شفتي وين يبيعون اشرطة الأغاني العربية هناك؟؟؟؟ السيديات يكون في الجهة اللي وراءها. انا جربته فظيييييييييييييع الترهل راح وجسمي صار متناسق وايد والكل لاحظ والله السيدي مفيد وتقدرين تسوينه اي وقت وفي اي مكان في البيت.

سكون الروح شخبارك حبيبتي والله وحشتنا طلتك شخبارك مع الرجيم يالغالية يالله تشجعي وان شاء الله توصلين للوزن المطلوب والله يوفقك.

فدوو شخبارك وشخبار الرجيم؟؟؟ مبرررررررررررررررررررروك النزول والله فرحتينا الله يوفقك وان شاء الله تنزلين اكثر.

بشة ان شاء الله مرتاحة مع الرجيم.؟؟؟ لاتحاتين ان شاء الله وزنك بينزل بس انتي صبري عليه وان شاء الله بينزل أكثر.
وحبيبة فهد والله انك صادقة المنتدى صاير فيه خمول بس ان شاء الله بيتغير لا تحاتين... انتي شخبارك يالغالية؟؟؟ ان شاء الله وزنك ما بزيد مادام تمارسين رياضة لاتكدرين ولا تحاتين خليكي مرتاحة والله يوفقك حبيبتي.

ونورة شخبارك؟؟؟ اشتقنا لك يالغلا؟؟؟؟ مشكورة حبيبتي انك سألتي عني وعن أمي.... مبررررررررررررروك حق عرس اخوك وعقبال................................. أأأأأأأأأأأأأأأأأأ ؟؟؟؟؟؟؟؟؟؟؟؟؟؟؟؟؟؟؟؟ احم احم البنات اللي ماعرسوا خخخخخخخ بس مو انا هههههههه.

سمااااااااا النسيان شخبارك يالغالية ان شاء الله تمام والرجيم شخباره معاكي؟؟؟؟

بسبوسة واحلى بحرينية والزعفران وام عزيز وصمت وشموووووسة وامولة شخباركم بنات ان شاء الله ما نسيت احد سامحوني، اشتقت لكم كلكم واشتقت لسوالفكم .

البنوتات الجددد الحلوين شخباركم وشخبار الرجيم ان شاء الله في نزووووووووووووووول حلو الله يوفق كل البنات.

مبروووووووووووووووووووووووووووووووووووووك النزول للبنوتات الحلوين وعقبال باقي البنات قولوووووووووووا آمينتاتنا الحلوين شخباركم صج كلام حبيبة فهد الغالية ليش الخمول حبايبي يالله نشجع بعض يالغاليات وكل واحدة تكتب عن نفسها واذا كان عندها مشكلة مع الرجيم أو حتى اذا كانت مرتاحة منه كتبوا علشان نعرف اخباركم ونشجعكم.

مساء الخير عالجميع...

كوين يالغاليه...شخبارج امج ان شاء الله احسن...شخبار الرجيم معاج...الله يبارك فيج حبوبه والفال لج وحق خواتج يارب وتفرحون قلب اميمتكم يارب...

والفال حق كل بنات المنتدى يارب نفرح فيكم ونشوفكم في بيت ريايلكم....

امس تعشيت حمسه نقانق+خس+مايونيز+فيمتو دايت....والله عجيب...

اليوم فطوري كان2بيض مسلوق+شاي احمر مع سكر دايت....

الغدا حمسه نقانق مع خضرة+خس+ماي...

والعشا ان شاء الله راح يكون همبورجر مشوي عالفحم...لان اليوم بتي ام ريلي وبنشوي في الحوش...+خس+سفن دايت+صوص المايونيز مع الخردل...

باقي البنات شخباركم شخبار الرجيم معاكم...