وأخــيرا باقــول للسمنه باي باي وأهلا يا رشاقه13\4\2008

مرحبا دينا عساكي دوم منتظمه بالرجيم

امس كان صيام
يوم امس كان كالتالي

افطار مع اذان المغرب (( 3 تمرات وكوب لبن قلبل الدسم))
العشاء (( حبتين توست نخاله مع شريحة جبن الرشاقهمع كاسة شاي بسكر الرجيم ومعه حليب مكثف ولكنه ليس قليل الدسم))

عدد السعرات ليوم امس كان كالتالي
الافطار (3 تمرات +كوب لبن قليل الدسم )
(20*3) + (120 ) = 180 سعره حراريه
العشاء ( حبتين توست +شريحة الجبنه + الشاي بالحليب )
(2*85)+(54)+(60)=248 سعره حراريه
يعني امس كان عدد السعرات الحراريه باليوم كامل (180+248)
428 سعره حراريه فقط

متخيلين انتو يابنات قليله السعرات مرررره؟؟؟؟؟؟؟؟؟

قليله جداً مع ذلك ماعندي امل انها تنفع معاي لاني حاسه انه وزني ثبت ماراح ينزل
اليوم بحاول ازيد السعرات شوي عشان يحرق جسمي مايجيه خمول
لأنه مع العدد الثابت من السعرات يخمل الجسم ويوقف عن الحرق


25_4
428 سعره حراريه
الرياضات (لايوجد غير مشي على الدرج أربع مرات فقط)


...........................

[COLOR="Magenta"]ابتديت يومي مع رياضه لمدة ربع ساعه
خمس دقايق على السير بس تعبت من قلب وجسمي صار يرجف من قل التغذيه اللي عندي
وبعدها تمارين لمدة عشر دقايق وكله تركز على منطقة الفخذين والارداف
وبعد شويه راح ادخل البركه لمدة نص ساعه الى ساعه اللي ربي يقدرني عليه
والحين رايحه اشرب شاي اخضرمع نعناع وسكر دايت
اشوفكم على خير يااحلى رشيقات مستقبل
بالتوفيق لجميع ياااارب[/COLOR]

اهليييييين كلبوزاتي
صرت اشتاق لكم كثير
مبروك النزول ل..رسيس/و ل...دينا
الله يقويهم ويوصلون لمرادهم...والجميع
عبير ..شكل الشيبس صاد نفسك ..كل ما حسيت
انك تبي تخبصي كلي شيبس وانت تنصد شهيتك
والله يكون بعونك ويساعد الله على الصيام ويتقبله منك
لا تنسي تدعيلنا وقت الفطور انه الله يساعدنا ويرفع عنا
ويقوينا على شحومنا......آمين
اصيله الحلوه اناعارفه اني كنت معيده بالاجازه وخبصت
الين ما قلت بس...
بس صدقيني اشوف عزيمتك (ما شاء الله)
اقول الله يقويك و حبيت اذكرك انه انت من ساعدنا
وعلى الرجوع ولالتزام بالرجيم من خلال فتح الموضوووع
سلامي للجميع
وسعدنا بكل من انضم لنا ..والله يحيهم..

يا بنات انا وجدت هذا الرجيم فى منتدى اخر و عجبنى جدا و هو لمده شهرين كل 10 ايام مختلفه و بعد كل 10 ايام يوم راحه ناكل ما نشتهيه
اول عشرة ايام ...



الإفطار :
بيضة كبيرة مسلوقة أو( قطعه جبن قريش+خيار)
ربع رغيف خبز أسمر او سن او احد بدائله
شاي بحليب بدون سكر او بالسكرول

بين الافطار والغداء واحدة فاكهة او ليموناده

الغداء :
شريحة لحم كبيرة 150 جم مسلوقة او مشوية أو ربع دجاجة أو سمك مشوي أو جبنة قريش
طبق خضار سوتيه
طماطم مقطعه شرائح معصور عليها ليمون + خيار
ربع رغيف بلدي أو احد بدائله .
تفاحه صغيرة أو كمثرى أو برتقاله ..

بين الغداء والعشاء شاي بحليب بدون سكر

العشاء :

قطعه جبن قريش أو شيدر
كوب زبادي صغير منزوع الدسم
طماطم
ربع رغيف أو احد بدائله
1 برتقاله أو تفاحه .عانا سوف امشى عليه باذن الله

السلام عليكم
بنات كيفكم وشخبااركم انا بكتب يومياتي امس
اول ماصحيت كاس مويا بنصف ليمونه
فطرت 3 شرايح شابوره بر دايت +شاي بحليب
بعدها ماكليت شئ لان في الليل كان مفتووح ومن الساعه 7 تقهويت وكليت قطعتين شوكولاته
وشيبساات<<كنت عند صديقاتي متجمعين
بعدين تعشينا من مطعم <<فعلا فعلا يووم مفتووح خخخخخخ
واليووم خلاص برجع الدايت والحين نفسي مسدووده توني قايمه
اذا كليت جيت اعلمكم
والف شكر يابناااات للي باركت لي عالكيلوين وعقبالكم ياارب

مرحبا بنات وينكم اليووم مافيه تفااعل
يومياتي فطرت:شريحه توست +شريحه جبن وخياره وشاي بسكر دايت
الغداء:نصف شريحه لحم بتلو مشويه في الفرن +صحن وسط بطيخ
العشاء +نص علبه تونه +ملعقه جبنه اللي بالكيلو قليله الملح +قطعه خبزه المراهيف اذا تعرفونها +ببسي دايت
وسلامتكم وكثرت مويا اليوم ورقصت حبتين خخخخخخ<<تعرفوون حره الجامعه بكرا

هلا يا حلوين يا طعمين.موه..بنحبكم
عبير وينك يا الغاليه ليكون السعرات عاليه
دينا دندونا الرجيم الظاهر انه ممتاز بس كم ينزل
في الشهر ان شاء الله ودي اسويه بعد نظامي..
توكلي على الله زيدي الهمه ولا تتهاونه...
رسيس وش فيك خبصتي كل يوم يوم مفتوح
بس الظاهر الشيبس يصد النفس مثل ما قلت لعبير
بس حلو انك لحقتي على نفسك
بس وشوهو خبز المراهيف مثل الصاج
اصيله مثل ما قلت لك وسعي صدرك كلهايومين
وترجعين مثل قبل واكثر حماس
والظاهر صباحك قشطهههههه...
انا الحمد لله ماشي الاسبوع الاول تمام
وان شاء الله بكره اوزن واعطيكم خبرررر....
السبت كان وزني 105 ويارب بكره اكون 101
قولوا................... آآآآآمين
يا حلوات بكره اعرضوا النتايج بس اصيله
خارج المنافسه...حتى ترجع للرجيم
علشان ما توزن وتضيق صدرها
الله المستعان

مرحبا ياعسولات يااحلى دبدوبات
اشتقت لكم
ام عزيز يارب تنقصين وتصيرين101 يااارب اليوم توزنينها وتبشرينا
دينا ورسيس ياارب توفقكم يااارب وعساكم دوم ماشين صح
اصيييييييييييييييييييييييييييييييييييييييله
يابنت خلاص بطلي تخبيص مايصير كذااااا
يابطبطوه بلاش من تتعبي نفسك بتصير نفسيتك مو شي ابداً
وانتبهي لاتوزنين نفسك بعد هالتخبيص
ترا تنصدمين

يابات انا امس كان حلو نوعاً ما بس كان فيه شوية تخبيص شويييييييييييييييييييييييييييييه
يمكن هو مو تخبيص بس انا اعتبره تخبيص
وهو كالتااااااااااااالي

مافطرت لاني معزومه على غدا وابي اكل شويه من الغدا عشان كذا قررت اني ماافطر واتغدى معاهم شوية رز سويت بالبيت واخذتهم معاي
مشخول دجاج وسلطه يونانيه وسلطة ملفوف والسلطات كلها بزباي منزوع الدسم
يوم رحت هنا جبروني اني اتقهوى وشربت قهوه عربيه طبعاً هذي سعراتها الحراريه صفر وشربت يمكن 15 فنجال
وشربت شاي بسكر الرجيم يمكن استخدمت تقريباً اربع او خمس سكر رجيم مع يمكن 9 بيالات شاي
وحلفو علي بالبسكويت وكان منخفض السعرات بس انا اكلت نص بسكوته

ويوم جا وقت الغدااا
اكلت اربع ملاعق او خمسه رز
واكلت سلطة ملفوف السطله اليونانيه
وشربت بيييييييبسي عادي مش دايت ولاماكس
وبعدها حليت باربع ملاعق كيكة ايس كريم من باسكن روبنز
وبس

اليوم فطور تخبيص في تخبيص
اكلت توست مع شريحة جبن الرشاقه وكاسة عصير انانس
وبعدها صحى زوجي وطلب فطور وسويت له فول وبيض مسلوق
وعن نفسي حطيت لي ملعقة فول في حبةتوست نخاله واكلتها
واكلت نص بيضه مسلوقه
معهم كاسة عصير انانس


عذراً يابنات عالتخبيص

واليوم ان شاء الله راح نتعشى في البحر مشاوي
وعشان كذا ماراح اتغدى اللا على زبادي الرشاقه فقط

وبس يابنات
يابنات زوجي ياكل وانا اسوي رجيم وهو نقص خمسه كيلو وانا يدوب كيلوين او كيلوين ونص بس

بنـــات تخيــلوا وســط الفطور يوم الجمعه واحنا ناكل
يقول لي زوجــي متى بتضعفين ان شكلي بامــوت ولا اشوفك ضعفــانه؟؟؟
شاسوي بروحي يعني؟؟؟؟
افففففففففف
يا ربي ليش ما خلقتني رشيقة واكل اكل لين ما اترس الدبــة واقـــول كمـــــان خخخخخخخخخخ

الف الف الف الحمدلله على الصحة والعافية

والله خاطــري اسعــد هالريال كاسر خاطري
وانا مكسورة خاطري على روحــي اكثــر
ساعدوني الله يخليكم؟؟؟
زدووووني معنويات وغمضوا قلبي وعيوني عن الاكل

اصيله .. ذكرتينى بزوجى .. مره وانا جالسه اسولف معاه ونتقهوى المغربيه طالع فينى وجلس يمكن حوالى نص ساعه .. اخر شى .. قال لى اوعدينى قلت اوعدك على شنو قال انكـ تضعفين وتصيرين رشيقهـ ..

تعرفين تمنيت ان الارض تنشق وتبلعنى فى هاللحظهـ ..


مت من القهر :confused::confused::confused:

i want to start

عزيزتي ام عزيز
صاحبه هذا الرجيم ربنا يجازيها كل خير خست 25 كجم فى 4 شهور واذا كنت تريدين باقى النظام انا ممكن انزله لك

مرحبا حورالبحرين
مرحبا cuteh لكن اكتبى وزنك و طولك

مرحبا يابنات ياحلواات يارشيقااات

ابي انظم معااكم لاني دبه :( وابي اظعف والله تعبت ذابحه نفسي بالرجيم ومااااانزل كلش :( ابيكم تساعدوني بليييز..

وزني بين الـ 83 والـ 84 :( وطوولي ااخ قزمه قزززمه 158

رحبوا فيني لو سمحتوا ههههههههه :p

اختكم / نـوره

بس بغيت ارد على اصيلة الاحساس وهايمة بذاتي ..

شوفوا حبايبي انتوا اذا سويتوا رجيم ماراح يبين عليكم انكم ضعفتوا عقب فتره بسيطه خاصه اذا كانت اوزانكم نهاية الـ 90 وفوق الـ 100 .. اصبروا شهر شهرين اهنيه راح يبين .. تدرون انا وزني كان 104 والله مابين علي الضعف الا عقب مانزلت 15 كيلو !!! الكل قام يقول لي اني ضعفت بس قبل محد علق تخيلوا !! من جذي اقولكم اصبروا ولاتخلون هالشي يحبطكم ويهبط من معنوياتكم

نصيحه مني والله .. قولوا حق ازواجكم انكم تسوون رجيم وهذا راح يساعدكم اصلا تنتظمون وهم اصلا بيشجعونكم خاصه انهم يبون يشوفونكم رشيقات

لان لو مايعرفون انكم تسوون رجيم راح تاكلون وتخبصون .. بس لو هم يعرفون راح تستحون وماتاكلون جدامهم ولا حتى راح تفكرون بالتخبيص لانكم وعدتوهم بالرجيم .. عرفتوا قصدي؟

الله يوفقنا كلنا ان شاء الله ونضعف ونصير احلى رشيقات ;)

تحياتي

>>>>> ما زال قلبي يعورني على كلمة زوجــي
انا وعدته من اربع سنوات ونفســـي اكون قد الوعــد وانحف واسعــده

عزيزتى hazman مرحبا بك
ما هو النظام الذى اتبعتيه ؟ و كم المده التى خسيتى بها؟

أصيلةالإحساس;5837334:
>>>>> ما زال قلبي يعورني على كلمة زوجــي
انا وعدته من اربع سنوات ونفســـي اكون قد الوعــد وانحف واسعــده

أصيلة الاحساس المفروض هذا يكون حافز لج انج تضعفين ... كل مابغيتي تخربين قولي ( لو انا احب ريلي ماراح اكل ) وهذا بيساعدج وايد .. واذا شفتي اي شي خاطرج فيه احلفي من البدايه انج ماراح تاكلينه انا كنت اسوي جذي والله اني تميت 4 شهور ماكلت جوليت وماخربطت كلش ولاكلت عيش ولا خبز .. لاني كنت احلف قبلها اني ماكله

حطي ريلج في بالج اذا تبين تسعدينه لازم تغيرين هالشي اللي فيج .. ماتغارين من المغنيات اللي كل وحده جسمها احلى من الثانيه؟؟؟
تبين ريلج يقعد يطالع اجسامهم ويتحسر؟؟ الله لايقول ان شاء الله

انا مستغربه منكم مع اني مو متزوجه بس مستحيل اتزوج الا اذا جسمي صار حلو وعارفه انه بيعجب اللي بيتزوجني هههههههههه :p

لاتزعلين اذا كلامي يضايق بس ابي اساعدج شوي عالاقل :)

بالتوفيق حبيبتي

dina73;5837343:
عزيزتى hazman مرحبا بك
ما هو النظام الذى اتبعتيه ؟ و كم المده التى خسيتى بها؟

هلا dina73

مشكوره عالترحيب ,,

الله يسلمج انا صار لي سنه وشهرين عالرجيم ومافي اي رجيم محدد .. جربت كذا نوع بس اللي فادني اكثر شي واللي نزّل وزني هو رجيم البروتينات .. تاكلين لحم ، سمك ، دجاج بأي كمية بس اهم شي يكون مشوي او مسلوق وبدون جلد او شحم طبعا وتبتعدين عن النشويات والدهون والسكريات .. وتكثرين من الفاكهه والخضروات ..

انا جسمي من النوع اللي صعب كتيييييييير انه ينزل الوزن ،، نزلت في سنه 20 كيلو .. الحمدلله ..
وجاتني فترات بالأشهر وزني كان ثابت وماينزل وهذا اللي زيّد مدة النزول

تحياتي
نوره