وأخــيرا باقــول للسمنه باي باي وأهلا يا رشاقه13\4\2008

هلا بنات كيفكم ياحلوات ان شاء الله بخير يالغاليات

كيف الرجيم معاكم ان شاء الله بخير يالغاليات

ام عزيز تسلمين على انك طمنتينا على اصيله الحمد لله انها بخير وننتظرها بفارغ الصبر وبجد المنتدى مو حلو بدونها حلاتنا كاملين معها الغاليه
ام عزيز الله يثبت وماشاء الله بارك الله على الـ25 اللي من قبل وان شاء الله يارب توصلين الى 60 كيلو يارب قبل رمضان ياااارب وتتمتعين بالصحه والعافيه علينا وعليك يارب
روان تسلمين يالغاليه وعوافي عليكي ويارب ننزل ويوفقنا ربي بالرشاقه والصحه والحمد لله رب العالمين

بلي فيلي انا نزلت 7.5 كيلو خلال شهر ونص وان شاء الله انزل اكثر يااارب

بنوته ياقمر جربي حبيبتي اللبن والتمر لانه اكيد راح ينزلك اربعه او ثلاثه عالاقل باسبوع واحد بس هو متعب على المدى الطويل وانتي نامي كثير خلالل هذا الرجيم لانه يصدع بالراس بقووووه وخذي معك حديد وفيتامينات
انا جربته وربي قوي جدا ينزل بقوووووه وبالتوفيق اخت يالغاليه وياهلا فيك معانا بالموضوع


رسيس حبيبتي يالغاليه انتي خففي من السكر خذي سكر رجيم اختي
صدقيني اهم شي بالرجيم تمنعين نفسك من السكر
والله مش كويس عشاننا
خذي سكر رجيم ياعمري عشان مايضيع تعبك والله يعينك
والله يعينك بعد اعليها اذا كانت بتجي تتعب وينتفخ بطنك تحسين باحباط والله واذا جت يثبت الوزن وتتعبك مره خصوصاً مع الاكل وخاصه انه الوحده تخترب لو جوعت نفسها بهالوقت من الشهر
انا نفس كذا والحين بقي لها تقريبا يوم يومين واخلص منها وارجع امسك الرجيم بقوه لاني هاليومين اشرب حليب قليل الدسم مع سكر رجيم وحبة ليبتون كثير مرره يمكن 3 مرات باليوم لاني مااشتهي اكل وابي شي دافي عشان هالوقت لازم دافي تشربين
ومابي اخرب خصوصاً اني تو عمر ولدي شهرين ونص تقريبا يعني تو طالعه من الاربعين يبي لي اهتمام عشان مايضيع تعبي بالاربعين خساره
وانتبهي مثل ماقلت لك حبيبتي عن السكر
ويارب تتوفقن وتنزلين وتتوفقين وتنجحين بمارك حلوه يااارب

وورم بريسز عساكي دايم عالقوه والحماس اختي موجوين يالغاليه وماسكين عالرجيم بقوووهـ ويارب ننزل وتنزلين ونفرح بهالنوزل الحلو بالصيف ونتشجع ونزيد حماس بالصيف وننزل حول العشرين كيلو قبل رمضان ياااارب انا محتاجه الان فقط 13 كيلو على 60 لكني ابي اوصل لل65 فقط كذا حلو مابي اضعف كثير ابداً
والله امس كنت معزومه على غدا وكان فطوري حليب قليل الدسم وحبه وحده بس توست كان الشاعه 5 ونص تقريبا الصباح والغداء اخذت ثلاث ملاعق رز وبالشوكه حبتين لحمه يعني اقل من حجم حبتين تمر وثلاث حبات ورق عنب عادي مش بالزيت بالطماطم كان
وعليها يابنات ولا تعشيت وربي مت من الجوع وماكليت ولا حاااااااجه ابدا من بعد السعه 2 الظهر الى الان تو فطرت الان على ثلاث حبات توست وحده فيها بينات بيتر ووثنتيم بينهم جبنه ومعاكم كاسة حليب بس شبعت بقوه منهم لاني اكلتهم على توست بر
يعين لاتخبيص ولاشي

مغروره حبيبتي استمري على رجيم صدقيني الان تقولين صعب لكن والله العظيم اني كنت مثلك واول مره الان ابدأ رجيم بس تدرين ايش الصعب بالرجيم الصعب انك ترجعين على حياتك بدون رجيم يعني بتتعودين على الرجيم وبيصير اكلك صحي 100% وبتشوفين التغير بمزاجك وصحتك وبشرتك وحركتك وخفتك
اختي خليكي قويه على نفسك وتشجعي وقولي بديت وباي باي يادهون وياهلا يارشاقه

بنات وين الباقي اصيله ونوره وينكم فديتكم غايبين عننا ومشتاقين لكم ولوجودكم بيننالاتطولون الغيبه خواتي الغاليات

أهلا بنات
كيف حالكم وكيف حال صحتكم
هذه مشاركتي الاولى وان شاء الله تقبلون مساهمتي معاكم
حبيت فكرتكم وحبيت اشارك معاكم الرجيم واشوف معاكم النتايج وان
شاء الله كل وحده خلت لها هدف تحققه
انا وزني 63.7 وطولي 157وقاعده اسوي رجيم ابغي وزني ينزل لو 10 كليو غرام على الاقل
مشكلتي عندي كتل دهنية في بعض المناطق مثل الارادف والافخاذ والكتف
وهذي الكتل مسببه سد الى الاوعيه الدمويه فلا يوصل اليها الاكسجين بشكل كبير
وعمليه جداا مرهقة علشان الفقد يعني يبي لي رياضه واايد
احس ان صدري شوي كبير بس الاخصائيه قالت لي صدرج كلش عادي
مع اني مو مقتنعه حابه يكون صدري كلش صغير ومشدود مثل جسم عارضات الازياء
راح ابتدا من اليوم معاكم وراح اكتب مذكراتي معاكم
الرياضه والاكل والنتائج
اليوم اكلت الصبح خبز اسمر مع بيض مسلوق فقط
و انتظر منكم قبول معاكم وتشجيع
لسلامه بدنيه وصحه عقليه
اختكم

بنااااااااااااااااااااااات البارحه خصبببببببببببببببببببببببببببببببببببببصت كثيييييييييييييييييييييييييييير :(

مرحبا حبايبي اول شئ اختي اللطف الخفي حيااك ياختي معنا والله يوفقك ان شااااء الله ويوصلك لمرادك باذن الله
وياحبيبتي هنا كلنا خوااات بس ماعليك الا تدخلين وتكتبين يوميااتك وتتابعين معانا وان شااء الله بتتشجعين وماتجي بدايه الدراسه باذن الله الا وحنا محققين عالاقل ثلاث ارباع اهدافنا باذنه الواحد الاحد
وحيااك اختي بي ن خوااتك :>

عبووووووووره حبيبتي الف شكر على كلامك شجعتيني ياحبيبتي وان شااء الله انتظر العصر بس واطلع مثل ماقلتي لي انتي والبنات واجيب سكر الدايت واجيب لي شوكولاته دايت لان بالامتحانات لازم كل مغرب اتقهوى ولازم اشتهي شوكولاته فراح ابدلها بالدايت
والله يعين الدوره الله يكرمكم خلااص بتشررف مع بدايه الامتحانات الاسبوع هذا الله يعين عليها عشان مذا يابنات انا فااكه شوي الداايت بس طبعا مو مثل اكلي قبل ابدا الدايت حييل مخففه منه لان اخاف ارجع لوزني اللي قبل واتحطم
اليووم فطرت صحن كبير كورن فليكس مع كوب حليب قليل الدسم
والغداء كان شريحه ونصف توست ابيض وملعقه كبير جبنه قليله دسم وخفييفه حيل وصحن صغير صينيه خضاار من طبخ البيت العادي يمكن حوالي 3 ملاعق وكم شريحه خياار
وان شاااء الله ماخبص ابد باذن الله
واذا تعشيت في الليل ادخل اقول لكم وش كليت باذن الله
يلا بناات بالتوفيق يااااااارب لي ولكم

الله يوفقك ياقلبي ونحس انا وانتي ياااااااااارب

السلام عليكم بنات
دى اول مشاركه ليا معاكم
انا ان شاء الله ببدأ معاكم انا عامله لنفسى نظام وماشيه عليه ده اليوم التالت ليه

وان شاء الله هوزن نفسى كمان اربع ايام واقولكو خسيت اد ايه انا وزنى بالوقت >>>>>>> 80 كيلووو

مع العلم انى الصيف اللى فات فى نفس الايام كنت 84 وعملت نظام وبقيت 65 كيلو فى شهرين وشويه بس تخنت تانى ورجعت لنفس وزنى بس المرادى لازم احافظ على وزنى عشان انتم هتشجعونى ان شاء الله وربنا معايا ومعاكم اسفه على الاطاله

انا حبيت اعرفكم عملت ايه الايام اللى فاتت

*اليوم الاول*
الفطار>> بيضه ...... الغداء>>>سمك مشوى + سلطه ...... العشاء>>> 2 ثمره فاكهه* انا كلت تفاح*


*اليوم التانى*
الفطار>>كوب لبن او نسكافيه بالبن.....الغداء>>تونه *تغسل بالخل لازاله الزيت*+سلطه...... العشاء>> بيضه+1خيار+1طماطم.

*اليوم الثالث*
الفطار>>كوب نسكافيه بالبن......الغداء>>2 قطعه لحمه+خضار سوتيه....العشاء>>3ملاعق فول بدون زيت.


طبعا بدون سكر و لازم امارس رياضه بس لسه عشان الامتحنات مش بفضى وتسلمو على الموضوع

هلااااااااااااا بنااات

شخباركمممممممم

سوري اليوم ماقدرت ادخل واشاركم


طبعا اليوم مافطرررررررت لانه مالي نفس


والغذى كان خبز اسمر وصالونه لحم


والعشى كان هبرجر مشوي وحده فقط + وجبن سائل + عصير بدون سكر + خبز اسمر



وتصبحون على خير بنات



تحياتي
روان

عبير حبيبتى يارب توصلى للوزن اللى تحبيه انتى وكل البنات

هلا عراااايس
كيفكم .....احم احم احم...اما ان ام التخبيص اليوووم
كنت بره بجمعة اهل و اكلت على راحتي وحلت وملحت كل شي ...اخر حلاوه
وبكره ثلاثة ايام لبن وخيار ...والله المستعان واشوف خامس يوم اذا بكمل الاسبوع الاول
او بيكون بكره اول يوم في الاسبوع الاول...حسب الرجييييم وصاحبته
رواان ماهو انتي بس الي مخبصه هذا حال الويك ايند

هلا بالعرايس الجداد...البرنسيسه...سألتك حبيبي...الله يحيكم بعائلتنا الساعيه للرشاقه

هلا بالجداد البرنسيسه وسألتك حبيبي

بنات كيفكم مع الرجيم

انا تعبانه من هذي مرره بس اخلص برجع للرجيم مثل اول
مع اني ماشيه عليه بس امس بالليل قبل انام اكلت كورن فليكس فيتنيس يعني خربيتها ونمت على طول

اخباركم حبيباتي؟

يا حبايبي والله كسرتو خاطري وبنفس الوقت ودي اشارككم..
بس للاسف وزني 47 بس..
:
عالعموم ان شا الله كل وحده فيكم توصل للوزن اللي تباه <---قولوا آآمين..
والله كل الموضوع متوقف على الاراده والصبر..
فاصبروا وبتلاقون النتايج امامكم عن قريب <-- يارب...
:
:

هلا برود اعصاب اشكركـ عالمرور

رسيس انثى عساكي عالقوه وبالتوفيق يااارب
وحنا خوات قبل كل شي اختي الغاليه وحلو يومكـ كان بس طمنينا عن العشاء ان شاء اله بدون تخبيصات؟
واليوم كيفك ياعسوله مع الجامعه ومع الاختبارات ان شاء الله تمام؟؟؟
ام عزيز يالغاليه الليه يكون بعونك بعد هالتخبصيه الحلو والمعتبره بيجيك جوع ومووووت
هههههههههههههههههههههههه بدعي ربي يوفقك وتمسكين معاهم ياارب
وورم بريسز عساكي عالقوه والله يعينك حاسه فيك والله
بس بتمشي على نظام عروس 2011 وانتي كذا مايصير حبيبتي
خصوصاً انها بس زبادي وخيار اول 3 ايام صعبه عليكي وانتي بهالايام مرره مش حلو لك اللبن او الزبادي ولا الخيار بعد قلت انصحك وانتي بكيفك ياقلبي شوفيني سجلت معاهم ومادخلت لانها جاتني
بالتوفيق ياارب لك ولنا
الله يكون بعونك يارب وعساكي عالقوه ياارب وبالتوفيق يارب لكـ
بلي فيلي وانتي عبد يارب توصلين للي تبينه ياااارب وتسلمين عالدعوه الحلوهـ

روان هلا بك وعساكي عالقوه اختي ولاتخبصي واستمري كذا تمام
بس بقولك الفطور اهم وجبه حتى لو مالك نفس هي الاساس بالحرق اختي
وبالتوفيق ياارب
سألتك حبيبي انتبهي اذا نزلتي لازم تنتبهين لاكلك لمدة سنه كامله عشان ماترجعين بعدها
بالتوفيق اختي
اللطف الخفي وزنك حلو ولا تخربين على نفسك اختي بس مايمنع انك تسوين تمارين عشان يحدد شكل جسمك وينعم الدهون اللي عندك ويخلي جسمك مشدود
البرنسيسه نشكرك عالمرور والدعوهـ

هلااااااااااااااااااااااااااااااااابنااااااااااااااااات


شلونكممممممممممممممممم


صباااااااااح الخير يااحلى عرووووووسات


انه اليوم من قعدت من النوم شربت ماي كثير

وبعدين فطرت بشريحه خبز اسمر وجبن


والغذى بيكون صلصله طماط ويه سمك مقلي صافي :)



والعشى على الله مدري شنو بيكون هههههه



تحياتي
روان

:no:
روااااااااااااان
سمك مقلي
مقلي ياروان
:down:
لا لا ياروان لاتاكلين مقلي اشويه ياقلبي حرام مقلي عشان
مايسوى وربي
بس الحين راح وقت الغدا وشكلك كليتي المقلي وخسرتي يبطه
ماراح اسامحكـ
تستاهلين هذي
:sa36:

السلام عليكم بنات
اشكر كل من رحب بتواجدى معكم
ان شاء الله ربنا يعنى ويعينكم

انا صحيت الصبح وشكل اليوم هيبقى كله بيض:(

امبارح شربت شاى اخضر ونعناع قبل منام

وانهارده الصبح كلت بيضه+كوب شاى بلبن طبعا خالى الدسم

وان شاء الله هتغدى 2 بيضه + السلطه

وبليل هتعشى 2 ثمره فاكهه ومش هنسى الشاى الاخضر والنعناع(a)


ولو خبصت متقلقوش هقولكوبس عمرى مهخبص ابدا>>>>>>>>>اردتها قويه:tongue:
اشوفكم على خير

بنات وين اصيله الللي يعرف عنها شئ يطمنا

سألتك حبيبي تمام انتي
دوم يارب تمشين كذا وتنزلين من الكيلوات وتتخلصين من السمنه يااارب

رسيس حبيبتي كلنا قلقين على اصيله بس ام عزيز طمنتنا عليه وتقول انها تعبانه شوي وبتدخل بس تصير احسن

ارجعي يااصيله لنا ترا لك فقده وربي وحشتينا

ونوره ارجعي لنا ترانا فقدنك طلي علينا لو ثواني كلمتين بس وكمل مذاكرتك
الله يوفقك يارب ويوفقك البنات كلهم ياااارب

بنات اليوم انا اوكي
الصباح فطرت على كوب حليب قليل الدسم والضحى اكلت زبادي
والغداء اكلت حبتين توست مع جبنه ومعاها ( بيبسي دايت )
ههههههههههههههههههههه
ادري غلط بس ايش اسوي اشتهيت البيبسي

وبس
والعشاء راح يكون اما زبادي او تفاحه او سلطه


اشوفكم على خير حبيباتي