رجيم يزيل تراكمات السنين

وريقات الربيع;6020404:
بنات شلونكم مع الريجيم

ان شاء الله مستمرين

مولي وينج

ام موديه طمنيني عنج ان شاء الله مستمره

الله يوفقكم وتنزلون الكيلوات الزايده

مشكوره اختي وريقات الربيع
الحمد لله مستمره على الرجيم والرياضه بس ادعي لي بالتوفيق نزول صاير بطي


طمنيني عنك انتي ان شاء الله بخير

اختي ام موديه

انا تمام والريجيم ماشي بس الكرش الي متعبني

انتي شنو اخر تطورات الوزن معاج ان شاء الله ينزل بسرعه

حتى لو اوقات يكون النزول بطيء اهم شي ما يرتفع وتدكري دايما مشوار الالف ميل يبداء بخطوه
وخطوه خطوه راح نوصل بأذن الله والله معانا

لا والله القهر اني اليوم وزنت وطلعت زايده كيلو ونص وانا محافظه على الرجيم والرياضه وبزياده الاسبوع هذا داخله نادي وساعه ونص تدريبات شاقه مع المدربه ومع كذا زايده
ادعي لي بالتوفيق

ام موديه يمكن يكون الون الزايد بسبب العضل

بما انك بداتي رياضه ولا تياسي العضل بيزيد وزن بالميزان بس ما بياثر ع الشكل

وللامام دايما يارب

السسسسسسسسسسسسسسسسسلام عليكم ليش ماتمشين على رجيم الدشتى والله والله انه احسن رجيم لش اشترى كاتبه وامشى عليه اهم شى عندش ارده ولش هدف فى حياتش ورجيم الدشتى اعرف ناس وزنهم فوق 100وما شاء الله الحين فى 80 اقسم بربى والله راح يبين عليش فى اسبوعين اهم شى مو حامل فى الاربعين سويه وحده سوته فى الاربعين وماشاء الله ضعفت حيل اهم شى تكون عندش هدف وادعلى وعيالى ويهدى زوجى وعيالى لى

دلال واروى;6052920:
السسسسسسسسسسسسسسسسسلام عليكم ليش ماتمشين على رجيم الدشتى والله والله انه احسن رجيم لش اشترى كاتبه وامشى عليه اهم شى عندش ارده ولش هدف فى حياتش ورجيم الدشتى اعرف ناس وزنهم فوق 100وما شاء الله الحين فى 80 اقسم بربى والله راح يبين عليش فى اسبوعين اهم شى مو حامل فى الاربعين سويه وحده سوته فى الاربعين وماشاء الله ضعفت حيل اهم شى تكون عندش هدف وادعلى وعيالى ويهدى زوجى وعيالى لى

مشكوره اختي الغاليه
لكن رجيم دشتي ي ؤثر على الكلى حسب ما قريت وبمنتدى ثاني كاتبين انه يسبب النقرس وتساقط الشعر وانا ابغى اكسب صحتي مواخسرها
انا لسى متبعه رجيم مولي اللي نزلت عليه بالبدايه عشره كيلو بشهر بس بعدين توقف وقالو لي اكسر الرجيم وينزل وانا اخاف من كسر الرجيم اكسر بس بالعشاء وادب بالاكل وكاني مفجوعه وما اقدر اكمل اليوم الثاني والبنات يقولون لازم يوم كامل تكسريه وانا الا الان بصراع مع نفسي وطبعا اكسر بالعشاء وبعد يوم ينزل كيلو وفتره يرد مدري وش السالفه
حبيت اروح لاخصائية تغذيه لكن لما قريت البرنامج اللي عطيته لصديقتي رجيم كيميائي استغرب اخصائية تغذيه وتعطي رجيم كيميائي

الله يوفقك ويسخر لك زوجك ويهدي لك عيالك اذا عندك فكره صحيحه عن كسر الرجيم قولي لي
وكمان هل انا ضريت نفسي لما كسرت الرجيم بالعشاء لاني كسرته ببرست


كل من يقرا رسالتي ارجو الرد عليه وخاصه زميلاتي بالماساه خلاص ياوريقات الربيع

حبيبتي ام موديه

اول شي لازم تكسرين الريجيم ادا وزنج توقف عن النزول

اكسريه يوم كامل افطري عادي وتغدي والعشاء خليه خفيف
وممكن تاكلين حلا بس مو كثير وعن تجربه راح ينزل وزنج

وغيري الريجيم بدليه برجيم من الي اعطتج ايه مولي مثلا ارجعي كرري الاسبوع الاول او الثاني

المهم تغيريه لان الجسم ادا تعود على نفس كميه السعرات ما ينزل الوزن

وحاولي تخلين يوم الافطار شوي والغداء متوسط والعشاء قليل واليوم الثاني عكس الي قبله اتمنى انج فهمتي قصدي
لازم التنويع عشان الجسم ينزل اكثر وقللي كميه الجزر الدكتوره نصحتني اني اكل تفاحه خضراء وكوب ماء قبل وجبه الغداء بنص ساعه وابتدي وجبه الغداء بالسلطه واضع عليها بدره الكتان والخل الابيض وزيت زيتون وانا بصراحه احط الخل بس زيت الزيتون لا وبدره الكتان للحين ما شريتها بس راح اجربها اول ما اشتريها وبعد قالتلي الدكتوره اكلي كيوي وتفاح اخضر مهم وابتعدي عن الجزر يعني اكلي بس كميه بسيطه والباقي اكيد انتي تعرفينه
تكلمت كثير بس ان شاء الله تتبعين النصايح وتلاقين وزنج ينزل بس يوم واحد اكسري الريجيم واعتبريه مكافئه على الكيلوات الي نزلت وتمنياتي لج بالنزول في الوزن

مشكوره اختي وريقات الربيع
تصدقين نفسيتي الزفت رجعت لي زي زمان احباط باحباط احس قربت الاجازه والمناسبات والى الان انا على تخني صح نزلت كم كيلو لكن موباين بالمره الى الان مقاسي XXXLوالله قهر
نفسي ابكي على حالي والي وصلتله حتى النادي اللي سجلت فيه ومتحمسه مع البنات بدو ينسحبون وحده ورى الثانيه مابقيت غبير انا وحده بس والمدربه تجي طفشانه واغلب الايام تغيب وتوكل وحده عنها وهكذا
يمكن كلامي غير مقنع ان هذي اسباب الملل لكن انا مره احب الجمعه والناس وبدونهم احس بالاكتئاب وكمان اللي مساعدني الفتره الماضيه على التمارين والمشي اختي ساكنه معي واخلي اطفالي عندها بس بكره هي ماشيه ماادري ايش اسوي وزوجي رافض يخليهم عنده وهم ماشاءالله حركين جدا ما اقدر اخذهم معي
اسفه طفشتك بكلامي لاكن حبيت افضفض الله المستعان

حبيبتي بالنسبه للخل لازم تخلطين معه زيت زيتون ولو قليل لانه مضر بجدار المعده وانا قريت ان الرسول عليه الصلاة والسلام كان يخلط الخل بزيت الزيتون
حبيبتي الكسر كل اسوع يوم ولا كيف

اختي ام موديه(w)

اول شي لاتياسي ابدا ابدا بالنسبه للاجازات والمناسبات تدكري انها كانت راح تجي وانتي مو نازله ولا كيلو واحد لولا عزيمتك واصرارك وثانيا مو مهم هالاجازه تبين كم نزلتي شوفي انتي الاجازه الجايه ان شاء الله كم راح تنزلي ولا تخلي هدفك يخليكي تتطلعي لبكره بس لا الي جاي اهم وراح يكون اكثر الاحباط لازم مع الريجيم بين فتره وثانيه انا كمان اوقات اطالع نفسي اشوف اني مو نازله واحيانا ناس تشوفني وما تلاحظ الفرق بس اهم شي اني استرد ثقتي بنفسي بعدين دايما قولي لنفسك راح اوصل مع الوقت ولا تتعجلين الامور ولما تنزلي بسرعه راح ترجعي الكيلوات الي نزلتيهم بسرعه انا الدكتوره تبيني انزل كيلوين بالشهر بس تقولي هذا صحي اكثر

وافضل لبعدين ولو نزلتي بسرعه وشفتي المده طويله راح تملي لكن بالصبر والتحمل راح توصلي ومو معقوله حبيبتي اننا ننزل في ايام او اشهر قليله الي جمعناه في سنوات اكيد صعب وكلنا نبي نشوف الفرق بسرعه بس لازم خطوه خطوه
انا عن نفسي احط هدف لكل فتره يعني لو عندي فستان يدوب او مو قياسي اتحدى نفسي اني لازم اقدر البسه وتصدقين اول ما اروح عند اهلي على طول على ملابس اخواتي والبس كل شي كان صغير علي والحين الحمد لله اشياء كثير ما كانت مقاسي والحين واسعه علي بس مشكلتي الكرش واليوم بديت بتمارين المعده وان شاء الله اواصل
بالنسبه للنادي البنات الي انسحبو ما عليج منهم انتي حبي نفسج اكثر واصلي لحد ما توصلين للهدف انتي رحتي لنفسج مو لهم صح انا اعرف ان الجمعه حلوه وتشجع بس هذا الي صار ولازم تتكيفين مع الظروف بالنسبه للاطفال انا مثلك اطفلي اشقياء ما شاء الله وابوهم ما يمسكهم بس انا امشي بالبيت بالتحديد بالغرفه المعيشه الي يبي شي يعرف يوصل له
ومشكوره ع المعلومه بالنسبه للخل الحين عرفت ليش الدكتوره قالتلي فيه
وبالنسبه لكسر الريجيم انا اكسره مره كل اسبوع واجباري هههه لاني اكون عند اهلي وتعرفين لما نكون جماعه نتشجع ع الاكل وفرصه عشان ما امل من الريجيم بس اضبط نفسي شوي يعني مو تخبصين بالاكل كثير(w)ر

مرحبا


كيفكم حبيباتي؟


ام مودية يا قلبي اخبارج؟

والله قلبي عورني لما قرأت اللي كتبتيه


لالالالا تيأسي ابدا

انتي دوم قوية وانتي من اهم الاسباب اللي شجعتني انضم الكم الا اني اكتشفت الحمل فما قدرت


بس والله كلما تسنح لي الفرصة ادخل واشوف ولو اني حالتي حاله حمل واختبارات


وريقات حبيبي اخبارج؟



مولي وينها غابت مرة وحدة؟؟؟

innocent angel;6068999:
مرحبا


كيفكم حبيباتي؟


ام مودية يا قلبي اخبارج؟

والله قلبي عورني لما قرأت اللي كتبتيه


لالالالا تيأسي ابدا

انتي دوم قوية وانتي من اهم الاسباب اللي شجعتني انضم الكم الا اني اكتشفت الحمل فما قدرت


بس والله كلما تسنح لي الفرصة ادخل واشوف ولو اني حالتي حاله حمل واختبارات


وريقات حبيبي اخبارج؟



مولي وينها غابت مرة وحدة؟؟؟

يعطيك العافيه انتي ووريقات الربيع
والله انكم خير اخوات وكلامكم فعلا سرجع لي الحماس من جديد الله يوفقكم
انا الحين طالعه النادي لكن احاول بعد ما ارجع ادش واكتب لكم يومياتي
وبالتوفيق للجميع ولاتنسوني من دعائكم فانا بحاجه له

اما بالنسبه للغاليه مودي الله ير جعها لنا يالسلامه مشغوله بتجهيزات العرس ماراح تفضي لنا الا بعد شهر العسل الله يوفقها ويرحم والدتها ويسكنها فسيح جناته

السلام عليكم ورحمة الله وبركاته
اختي ام موديه تابعت قصتك من الاول وفرحت لك لما نزل وزنك والحمد لله لكن اذا وقف وزنك وما نزل لازم تكسرين الرجيم ليوم واحد وبعدين تبداين ترجعين لرجيمك والاحسن تسالين لان الكلام هذا من دكتور مو من راسي واتمنى يارب ان توصلين للوزن المثالي
الله يوفقك يارب استمري ولا تكسلين وتيأسين لين توصلين لهدفك ..

اشكرك اختي مولي الله يوفقك يارب ويرزقك رزقا حلالاًً طيباً مباركاً فيه وان يوفقك لكل خير ويبعدك عن كل شر
انا كتبت رجيمك وراح ابدا فيه باذن الله تعالى وارجع اقول لكم النتيجه ..

قلب خالد;6071288:
السلام عليكم ورحمة الله وبركاته
اختي ام موديه تابعت قصتك من الاول وفرحت لك لما نزل وزنك والحمد لله لكن اذا وقف وزنك وما نزل لازم تكسرين الرجيم ليوم واحد وبعدين تبداين ترجعين لرجيمك والاحسن تسالين لان الكلام هذا من دكتور مو من راسي واتمنى يارب ان توصلين للوزن المثالي
الله يوفقك يارب استمري ولا تكسلين وتيأسين لين توصلين لهدفك ..

مشكوره ولك مثل ماتتمنين لي ان شاء الله
واليوم الحمد لله نفسيتي حلوه
والمدربه الجديده كمان شكلها شديده ان شاء الله استفيد منها
هي عطتني برنامج غذائي وحلو بس مو متنوع على مدار الشهر نفس الشي وزوجي شاف الورقه وقال خلاص لازم تتبعين ها وانا رافضه مصره على برنامج مولي لكن هو يقول تعود جسمك على رجيم مولي غيري
هاه وش رايكم
بالنسبه للبرنامج هو
الفطور كوب شاي بالحليب بيضه نصف خبزة بر

والغداء
صدر دجاجه مسلوقه اومشويه او لحمه او سمك مع صحن سلطه
والعشاء صحن سلطه مع علبة زبادي مخلوط بها نخالة قمح

واكل ثلاث فواكه فقط اوزعه على اليوم وملعقتين سكر صغيره ويمكن استبدال السكر بثلاث تمرات

هاه وش رايكم

انا ماراح اتبعه لكن ابغى اعرف رايكم بالنظام وهي ترى ما عنده خبره بالتغذيه


بس للامانه الى الان ما حصلت رجيم زي رجيم مولي مريح

الله يوفقها ويسعدها بحياتها الزوجيه ويرحم والدتها ويعفو عنها زلاتها وخطاياها
امين

نرحبا اخواتي شخباركم

ام موديه انا اشوف ان البرنامج الي اعطنج اياه المدربه حلو جربيه وفعلا جسمك تعود على ريجيم مولي الله يرجعها لنا بالسلامه ويسهل امور زواجها يارب

واستمري حبيبتي ودائما للامام وطمنينا اول باول

اختي innocent angel هلا والله انا الحمد لله تمام واموري ماشيه وان شاء الله وزني ينزل اكثر

وما راح اوزن هالاسبوع لان امتحانات وما راح اروح عند اهلي ميزاني عطلان

وهدا حلو عشان لما اروح بعد الامتحانان اكون نازلهكثير يارب ادعولي

وانتي الله يسهل لج الحمل ويقومج بالسلامه
وينجحج بالامتحانات ويسهلها عليج وطمنينا عنج

مرحبا يا بنات



وينكم ما بينتوا؟!!!

up up up

بنات شخباركم وشلون الريجيم معاكم

انا وزنت اليوم مانزلت كثير بس الحمد لله وزني اليوم 62 ونص

الحمد لله ام موديه شخبارج طمنيني عليج

innocent angel شلونج طمنينا عليج

مبروك ياحلوه

ياوريقات الربيع سالت عنك العافيه
الحمد لله اليوم وزنت ونازله 2كيلو
الحمد لله نزلت اللي زادو الاسبوع الماضي
والله الكيلون كانهم عشره بالنسبه لي رفعو معنوياتي

وبالتوفيق لك وان شاء الله راح تنزلي انتي كمان بصحه وعافيه

مرحبا يا عرايس


وريقات مبروك فديتج الحمدلله نزلتي كيلوين وان شاء الله الاسبوع الجاي اكثر


انا بخير يالغلا ناقصتني دعواتكم بس

هالاسبوع لما وزنت ناقصة 3 كيلو ليش مدري!!!!!!

اما اللي متعبني جد هو الدم

كل ماجاله الهيموغلوبين يقل ما يزيد والدكتورة تقول واجد خطر

يعني الحين 7 ونص وانا ملتزمة في الادوية والاكل لكن ...................


ام مودي الغالية مبروك فديتج


فرحت لما قلتي نقصتي


يلا شدي الهمة

شلونج مع المركز والمدربة الجديدة؟؟؟


بقية البنات اللي كانوا معانا من البداية وينهم؟