منو تبدي معاي رجيم الدشتي مو اكثر من بنتين ؟

بنات شخباكم ان شاء الله تمام ...
والله اني اشكر كل وحده اسألت عني والله انكم اكثر من خواتت...
انا لين الحين مكمله الرجيم وبشركم مشيت اليوم مده ربع ساعه بخطوات سريعه ...تعبت بس لانه اول مره امشي يالله ان شاء الله انزل اكثر ادعولي ...
وسموحه على التاخير في الردد ..الضروف كانت اقوى مني ياله حبايبي استمرووو
وبشركم اختي انزلت كانت 84 والحين اهي 81 اوكي صح بس بنات اختي وايد مصفره الي اجوفوفها يقولها اشفيج تعبانه ...مع انها تاخذ الفيتامينات ...اجوكم ردووو علي ...يمكن انتوا اتفودوني(f)(f)(f) ....

مممممم


حبيبة فهد حيااااااااااك معانا بالعكس ان شاءالله بتنزلين بسرعه بس امشي نص ساعه


بقولكم شي بس لا تهاوشوني اليوم ارتكبت جريمه في حق رجيمي

وكلت كبسه >> اشتهيتها بناااااااات :confused:

من بكره خلاص ابتدي :(


بتوتات تكفون ابي انزل علموني وش اسوي

مشكلتي نحفت من فوق من تحت بس شوووي

وفيه مشكله بتوتات احسني انحف من فوق ومن تحت تكبر

مادري يتهيألي المهم قلت لكم ملابسي وسعت مره وبس :(

بنت الدوحة حبيبتي شخبارك باين الرجيم ماشي كويس الحمد لله وزين سويتي أنك مشيتي اليوم يالله شدي حيلك كل يوم وكل يوم زيدي المدة الى أن توصلين نصف ساعة واذا ما تقدرين خليهم 20 دقيقة الله يوفقك أن شاء الله.
بالنسبه لأختك هي تأكل خضروات كل يوم ؟ لازم تأكل طماطم وخيار وخس كل يوم لأن مهم وبيروح الأصفرار أن شاء الله وخليها تشرب ماي وايد خليها تحط بالها على روحها بس بعد سؤال هي متعودة قبل الرجيم تشرب حليب ولا لا؟ يعني مدمنة حليب؟

زعفران عليكي بالعافية الكبسة بس خلاص حبيبتي لازم تبتدين الرجيم معانا نبغي تشجيعك يالغالية ، بالنسبة عن انك تنحفي من فوق بس وتحت لا ،حبيبتي أعتقد ان هذا مو صحيح يمكن فوق ايبين أكثر لأن كان نحيف وصار نحيف أكثر وبالنسبة للأرداف يبين أقل لأن فوق نحف وايد فما يبين الفرق بس أكيد بينحف أنا نفسك في البداية يأست وأعتقدت أن فوق ينحف والأرداف تكبر بس الحين الحمدلله جسمي نحف وايد والأرداف بعد نحفت وايد الحمد لله أنتي صبري وان شاء الله بتنحفين لا تحاتين بس لعبي رياضة حبيبتي علشان تشدين الأرداف و تشدين الجسم كامل علشان مايصير ترهل يالغالية بس مثل ما قلت لك صبري وبأذن الله بتنحفين.الله يوفقك.

صباح الخير ياخواتي فديت كل وحدة الي سألت عني...الله يجزيها كل خير ياربي...ويرزقها كل الي تتمناة يارب...وانا عن نفسي ما شيه عالرجيم مافي خربطيشن ولا شي...الحمدلله انا اليوم يوم وزنت صرت 107 بس بعد ما تعشيت وزنت زدت كيلو ليش مادري...بس عادي اهم شي اني اضعف وخلاص....انا تعقت واااايد من جسمي...لين متى اهمل عمري...

الله يقوينا يارب...ونضعف ان شاء الله...

استودعكم الله ولدي قعد بروح ارضعه...الله يحفظكم يالغلا...

هلا نورة الغالية الحمد لله أنك ماشية على الرجيم تمام ما شاء الله وبالنسبة للوزن حبيبتي أحسن وقت تقيسين فيه وزنك هو من الصبح قبل الفطور ومعدتك خالية ماكلتي ولا شربتي حتى ماي يعني لا تقيسين وزنك بعد الأكل وفي أي وقت لأن أكيد بيطلع أكثر علشان كذا قيسي وزنك من الصبح لأن الوزن يطلع صح وادق.
شدي حيلك ياالغالية والله يخلي لك عيالك وان شاء الله توصلين للوزن المطلوب لا تحاتين حبيبتي.

QUEENSARAH;5666434:
بنت الدوحة حبيبتي شخبارك باين الرجيم ماشي كويس الحمد لله وزين سويتي أنك مشيتي اليوم يالله شدي حيلك كل يوم وكل يوم زيدي المدة الى أن توصلين نصف ساعة واذا ما تقدرين خليهم 20 دقيقة الله يوفقك أن شاء الله.
بالنسبه لأختك هي تأكل خضروات كل يوم ؟ لازم تأكل طماطم وخيار وخس كل يوم لأن مهم وبيروح الأصفرار أن شاء الله وخليها تشرب ماي وايد خليها تحط بالها على روحها بس بعد سؤال هي متعودة قبل الرجيم تشرب حليب ولا لا؟ يعني مدمنة حليب؟

زعفران عليكي بالعافية الكبسة بس خلاص حبيبتي لازم تبتدين الرجيم معانا نبغي تشجيعك يالغالية ، بالنسبة عن انك تنحفي من فوق بس وتحت لا ،حبيبتي أعتقد ان هذا مو صحيح يمكن فوق ايبين أكثر لأن كان نحيف وصار نحيف أكثر وبالنسبة للأرداف يبين أقل لأن فوق نحف وايد فما يبين الفرق بس أكيد بينحف أنا نفسك في البداية يأست وأعتقدت أن فوق ينحف والأرداف تكبر بس الحين الحمدلله جسمي نحف وايد والأرداف بعد نحفت وايد الحمد لله أنتي صبري وان شاء الله بتنحفين لا تحاتين بس لعبي رياضة حبيبتي علشان تشدين الأرداف و تشدين الجسم كامل علشان مايصير ترهل يالغالية بس مثل ما قلت لك صبري وبأذن الله بتنحفين.الله يوفقك.

هلا حبوبه ان شاء الله أزيد المده في المشي ...بنسبه حق اختي اهي تشرب حليب قبل الرجيم بس كانت مشتركه في دايت سنتر مادري والله اني خايفه عليها وليش سالتي هل سؤال ؟

صباح الخيرات على البنوتات
اشكر كل من رحب فيني وخاصه كوين ساره وشمس الاصيل وكل البنات
انا ابتديت من يوم السبت الرجيم وانتظر لين اكمل اسبوع واوزن واقولكم النتيجه بس خايفه مع هالاكل احس اني ماراح انحف اول مره اسوي رجيم فيه مقليات وحركات حلوه بصراحه مرتاحه عليه ومتحمسه يمر اسبوع واوزن بنات جربوا هالاكله اللذيذه انا احط بالصحن مورتديلا بعدين عليها شريحة جبن وبعدين مرتديلا وهكذا تقريبا ثلاث وتكون زي الهامبورجر واحطها في المايكرويف شوي بس لحد ماتسيح الجبنه واااااااو لذيذه وكوليها بالشوكه والسكين مع شرايح خيار وخس وكم زيتونه تجنننن
انا من يوم ابتديت الرجيم ماخبصت ولايوم متحمسه كثير اول مره التزم برجيم ان شاء الله اكمل
اتمنى لكم التوفيق

صبحكم الله بالخير حبوبات

اخباركم كلكم بدوون استثنااء

صرت اوله عليكم ماني عارفه كيف بسشوي يوم بساافر واغيب عنكم

ان شاء الله اقدر اتطمن مره مره

حبيبه فهد استمري وشوفي بتلاحظين هبووط وزن اكثر على جسمك يعني بيكون مبين وااجد

ولو انه الوزن ينزل ببساطه بس لا تياسين استمري والله يقويكي

حبيبة فهد
مرحبا بج يالغاليه بينا
ولو عندج اي استفسار لا تترددين

بس بغيت اسألج
جم صارلج الحين والده؟
اقل من خمسه شهور ولا اكثر
والله يوفقج بالرجيم ويوفقنا وياج


وبقية الحلوات شلونكن يالغاليات؟؟؟؟؟؟؟؟؟؟؟؟؟؟؟؟؟


امممممممممممممم
باجر افكر اكسر الرجيم
دشيت بالاسبوع الرابع وصارلي اكثر من اسبوع وزني ما نزل خير شر
مدري والله شو صاير
صابني الاحباط
ابي يخلص الشهر واكون نازله وزن اكون راضيه عنه
لاني اخاف يصيبني الملل بالذات اني امل بسرعه

بتوتات انا وايد محتاره اكسر باجر ولا لا
احس عمري ضايعه
اخاف اكمل بدون كسر ويخلص الاسبوع الرابع وما ينزل وزني وتصيبني احباط
واخايفه من الكسر لاني اصلا مو مشتهيه اي نوع من الممنوعات

واللي مستغربه منه انه اول اسبوع نزل بسرعه والثاني كان تمام ومن دشيت الاسبوعين الثانيين وقف وما ينزل ولو شوي .. ابد ما نزل

ادعولي حبيباتي

مساء الخير
حبيت اسالكم ايش افضل كوفي ميت او مبيض للقهوه يناسب هالرجيم
بالنسبه لحبيباتي كوين ساره وشمس الاصيل حبيت اسالكم كم كان وزنك قبل ماتبدين الرجيم والحين كم وكم الوزن اللي ودك توصلين له وكم لك تسوين الرجيم ؟؟؟؟؟؟؟؟؟
معليش اسالتي كثيره بس ابغى اتعرف عليكم اكثر
ومتزوجين او لا وعندكم اطفال مممممم وبس

اليوم بالضبط عمر ولدي خمس شهور وماارضعه طبيعي يعني كل شي تمام يااموله

اموله حبيبتي مع اني جديده بها الرجيم بس من خلال قرائتيلردود البنات انصحك تكسرين بكرى خاصه بكرى الخميس بس مادري الامارات زي السعوديه عندهم عطله الخميس او لا بس ماقلتيلي انتي باي مرحله وكم نقصتي من استخدمتي الرجيم

حبيبة فهد

كوفي ميت اي نوع تبينه ويكون كامل الدسم يعني الانواع العاديه

وبالنسبه جم يخسرون البنات بالشهر

يعتمد لو استمريتي الشهر الاول بالمرحله الاولى في اللي يخسرون اقل من عشر في اللي فوق العشر
لان طبيعة كل وحده عن الثانيه تختلف يالغاليه

ما شاء الله .. الله يحفظه لج
عيل توكلي على ربج وخلج ويانا
وانصحج توزنين كل اسبوع مره
عشان تعرفين جم نزل منج خلال الاسبوع

الله يوفقج

هلا بنات كيفكم والله اني مشتااااااااااااااقه لكم كثير وربي يشهد كووين سارة واموله الدلوعه وشمس الاصيل وفدووو ونورة وبنت الدوحه وهلا ومرحبا بااختنا حبيبة فهد ان شاء الله اتشوفين نتائج جميله ياااارب وحياك الله بينا
بنات احس مثل احساس بعض البنات ان نفسي مسدوده ( علبة فيمتو مو نفس هههههه ) عن الاكل مرة واتغصب الاكل كثييير ومستمره تمام معاه بس امس مادري شجاني وانهرت يابنات واكلت
7
7
7
7
7
7
[SIZE="6"] تفاحه واحده فقط 7

7
7
بس توووبه من هالنوبه ( مادري هل اخطيت ) واعيد هذا الاسبوع او اكمل عادي ؟؟؟؟؟
والله ماعاد اكررها صدقوني لاني صايره مشحوفه على الفواكه
بس دعواتكم لي باقي يومين واكمل الاسبوع اذا صار الاكمال عادي
تحياتي لكم جميعاً [/SIZE]

أمولة الدلوعة لاتزعلين حالك أنا صادني نفس الشيء الأسبوعين الأوليين نزل وزني خمسة كيلو بس الأسبوعين اللي بعدة وقف النزول تماماً والمشكلة أن ما كان عندي ميزان ذاك الوقت والا كان من زمان كسرت الرجيم علشان مايروح تعبي بلاش. حبيبتي نصيحة كسري ولا تخافين بعد الكسر الوزن بيتحرك أن شاء ،بس أنتي حاولي تأكلين ممنوعات علشان التغيير لازم على الجسم حتى لو كان خبز مع قيمر أو ارز مع صالونة أو غيره لازم تغيرين الروتين أكلي ايسكريم مثلاً مو لازم تخبصين وايد بس لازم في تغيير المهم لا تسوين غلطتي أسبوعين وما كسرت الرجيم ووزني كان ماينزل ما أستفدت شيء حبوبة بس زيادة المدة في الرجيم ، توكلي على الله وكسري حبيبتي وبأذن الله ينزل.

بنت الدوحة الغالية شخبارك بالنسبة عن سؤالي عن الحليب؟؟؟؟ وهو ان في بداية الرجيم أنا وأختي صادنا نفس الحالة وجهنا أصفر أصفر وأمي كانت كلش خايفة علينا وانا كنت متعوده أشرب حليب كل يوم قبل الرجيم بس يوم بديت الرجيم تركته فصار وجهي أصفر وكله تعبانه وعظمي يألمني لأني كنت مدمنة حليب فقريت في كتاب الدشتي ان الي ما يقدر يستغنى عن الحليب يقدر يشرب ربع كوب حليب فقط في اليوم فرجعت أشرب حليب مع الشاي والحين الحمدلله وجهي صار وردي خليها تشرب حليب وتشوف ولا تنسى الخضروات وأهم شيء الطماطم خليها تجرب ممكن يكون بسبب واحد منهم، المهم لاتخاف أخواتي يشربون ربع كوب حليب كل يوم وما شاء الله الوزن ينزل عندهم خليها تجرب كم يوم وتشوف وقولي لها مكتوب في الكتاب عن الحليب. وطمنينا عليها يالغالية.

حبيبة فهد الغالية أشكرك على هذا الحماس ما شاء الله عزيمتك قوية و بأذن الله بينزل وزنك وبتشوفين الفرق في أسبوع، بالنسبه عني انا طولي 155 ووزني كان قبل الرجيم 86 أريد أوصل الى 51 كيلو انا أخر مرة قست وزني كان 60 وهذا كان من 6 أيام الحين ما أقدر أقيس لأن جاتني المبروكة بأنتظر كم يوم وبعدين بقيس وزني صار لي شهرين و4 أيام في الرجيم شهرين في المرحلة الأولى ومن اربعة أيام دخلت المرحلة الثانية في الشهر الأول من المرحلة الأولى فقدت 5 كيلو أما في الشهر الثاني فقدت 4 كيلو يعني 9 كيلو في المرحلة الثانية لازم أفقد 6 كيلو وأخلي ال 3 كيلو للمرحلة الثالثة بس انا من النوع اللي وزنهم ينزل وايد وايد بطيء يعني انتي لا تحاتين كل بنت تختلف عن الثانية والله يوفقك ونريد هذا الحماس دايم يالغالية .

بالأمس كان المفروض نأكل فواكة قامت أختي عطتني نصف حبة أفوكادوا أستغفر الله العظيم داخ راسي منه هذي أول مرة وبتكون أخر مرة أكل فية أفوكادوا كلش ما عجبني ما قدرت أكلة قمت أخذت 6 حبات عنب وأكلتهم حسيت بنشاط غريب الحمدلله.

شمووسة وأمولة وأم عبادي و نورة شخباركم يالغاليات مع الرجيم ان شاء الله بخير ؟

بنوتات الحلوين الأمورات ميمو الحلوه ...وفدووووو العسل... وزعفران الغالية ...وصمت المشاعر الحبوبة... وسكون الروح مختفية وينك حبيبتي ...ومونامور وحشتينا يالغالية... والبراءة الأمورة... وراعية الفراري>>> أقول صدق عندك فراري؟ ووأم صلوحي ووردة قطر وينك... شخباركم كلكم مع الرجيم ان شاء الله مرتاحين منه؟

صمت المشاعر ماعليش كملي حبيبتي أنتي ما خربطتي وايد واذا ما زاد وزنك يعني ما صار تأثير الأفضل انك تكملين عادي حرام تعيدين من البداية توكلي على الله ولا تحاتييين كلش أنسيهاااااااااااا كأنك ماأكلتي ولا تزعلين حالك. بس أحم أحم لا تكررينهاااااااااااااااا.:eek:

السلااااااااااااااااام عليكم ورحمة الله

اتشوووووووووووووووووووو اتشوووووووووووووووووووو

الحمد لله

لا تعلقوون انا عطست لانه اليوم امطار بالشرقيه ومثل ماقلت لكم اني اسوي رياضه الصباح وبالليل

قفطبعا بعد كل رياضه استحم بمويه بارده عشان يشد جسمي اكثر واكثر

بنااات مدري شهيتي مره مسدوده مالي خلق اكل واحس اني بديت افقد حماسي وعزيمتي

امس ابتديت الريجيم صح وصبااح اليوم نفس الشي بس بالليل اخذت لي اربع ملاعق رز وقليل كنافه

وناويه ابتدي من جديد بكره لانه مليت من تراكم الدهوون والوزن الزائد

بنات ابيكم تشجعووووووووووووووني بلييز

وسلامي للجميع

زعفرانه الخبر مليانه أمطار من البارح وانا مع خطيبي بالكورنيش نتمشى والمطر ينزل ولا فكرنا ندخل السياره ههههه << انخبلووو صح ..


شمس الاصيل .. أم عبادي .. نوره .. بنت الدوحه .. كوين ساره .. صمت المشاعر .. حبيبه فهد .. أموله الدلوعه .. واللي ماذكرتها طبعاً فديتكم كلكم يالغاليات اخباركم مع الرجيم انشالله ماشين تمام التمام ..

أنا نزل وزني من السبت الى غايه الاربعاء كيلوين بالضبط يعني صار وزني هلحين من 81 الى 79 وانشالله راح ينزل اكثر ببركه الله ثم بركه تشجيعكم للي .. الله يوفقكم يارب ..

فدووووووووووووووووووووووووووووووووووووو مبروووووووووووووووووووووووووووووووووووووووووووووووووووك أحلى خبر سمعته اليوم ماشاء الله الحمد لله والله فرحتينا وطمنتينا عليكي يالغالية تستهلين زغروطة بس انا ما أعرف شلون يزغرطون ؟؟؟؟؟؟؟؟؟؟؟؟؟ يالله مبروووووووووووووووووك وان شاء الله توصلين للوزن اللي تريدينه. وما دام الوزن تحرك يعني بينزل أكثر باذن الله.

الله يوفقك.