منو تبدي معاي رجيم الدشتي مو اكثر من بنتين ؟

كوين ساره ..
شخبارك حبيبتي ومبروك دخولك المرحله الثانيه والله انك ديناميك المكان هنا تفيدينا كثيير بالاستفسار ياقلبي الله يوفقك يارب وتوصلين للتتمنينه تحياتي لكي0
اموله الدلوعه ..
ياهلا ويامرحبا فقدناك يالغاليه اشكر الله ثم اشكرك لانك انتي اللي عرفتيني بدشتي وحماس البنات الحلوين هنا

شمس الأصيل ..
هلا والله بشمسنا الاصيل كيف حالك يالحلوه بس عندي استفسار انا عدوي التماري وماالاقي وقت بس حابه اعرف ايش اسم السيدي تكفين ؟؟؟

فدوو..
تحياتي لك يالغاليه على فكره انا نفس توقيت ابتدائك للرجيم يعني انا وانت نفس الايام والمرحله ياالله يااختي شدي حيلك نبي نضعف مع بعض اوكيه

أم عبادي .. زعفران .. أم عزيز .. بنت الدوحه ..نوره .. ان شاء الله مستمري بحماس واصرار قلبي معاكم يالحلوين )
اليوم
نفسي مسدوده عن الاكل يابنات
فطرت بيض وخياره ممصوعه ضعيفه مره هههه
وجيت من الدوام ماني مشتهيه اكل غداء كلت سلطه خفيفه
والعشاء والله يابنات مالي خلق للأكل خايفه يابنات ماينزل وزني وارجع ابط بالاكل هههههه ياخوفي
تحياتي لكم جميعاً

فديتك ياصمت المشاعر عجبتي الخياره الممصوعه مره ..

والله راح ينزل وزنك يالغاليه بس اهم شي ماتخربطي ابد ولا نتفه خربوطه ..


أموله الدلوووعه فديتك مع تمارينك .. والله كل يوم اسويها مع المدربه تهلكنا بالتمرين اليومي ..


كوين ساره حبيبتي ماعليه تحمليني شوي أموووووووة فديتك ياقلبي
بس ابيك تصورين للي الكافي اللي من دون كافين وحطي صورته لان دار راسي انا وخطيبي ولا لقيته
وسالت اللي يبيع يقول ما يعرفه ..

طبعا الكوفي ميت اوكي اشربه ..

وبقيت الحلوات فديتكم كلكم يالغاليات يارب تحصلون على اللي تبوه من وزن ..

يارب كلكم تنزلون اللي تبونه ..

<< وش عندها اللي تدعي لكم :o:o

الكوفي الي مغطاته حمره اهو الي مافيه كوفيين

هلا وغلا بخواتي وحشتوني فديتكم...

كوين سارة..صمت المشاعر.. شخباركم يالغلا...بالنسبه للرجيم والله اني ماشيه اوكي عال العال...وخواتي فدوو \اموله الدلوعه \شمس الاصيل..مشكورين على سؤالكم عن ولدي فديتكم...

بنت الدوحه....زعفرانه.....ام عزيز....ام عبادي...شخباركم شخبار الرجيم معاكم...

طيب ياقلبي رحت السوبر ماركت مليان كلهم غطاهم احمر بس مو عارفه اي نوع من دون كافين
لان اغلبهم مافيهم مكونات ..

ياليت تصورون العلبه وتحطوها اكون شاكره لكم يالغلا ..

أهلاً بك شموووووووووووسة وينك والله لك وحشة، وحشتينا الكل يسأل عنك يقولون مختفيييييية الحمد لله انك رديتي وانا أقول أمس وينها الغالية(f).

والله زين سويتي أنك شريتي سيدي الرياضة أسمه walk away the pounds in 2 miles صح؟ أنا بعد عندي مثله أخذته من صديقتي وايد وايد عجيب شمووسة في شهر بتشوفين الفرق الأرداف والخصر والبطن كله يختفي وهذا اللي شجعني لأن الشكل غير غير والثياب اذا تلبسينها روعة بتشوفين.
صج الوزن ما ينزل بسهولة بس الجسم كامل ينشد والتمارين وايد سهله وتسوينها في البيت وما تحتاجين للطلعة مثل ما قلتي(y).
شخبارك مع الكسر هههههههههههههه شكلك مستانسة منه عليكي بالعافية.

فدووووووو العسل شخبار الرجيم معاك اليوم ان شاء الله مرتاحة حبيبتي؟

وأم عزيز شخبااااااااارك وشلون الرجيم معاكي ان شاء الله أخبار خير يالغالية؟

وميمو شخبارك مع الأمتحانات متى تخلصين علشان نسمع أخبارك؟

أم عبادي شخبارك طمنينا عليكي ؟

البراءة أن شاء الله الرجيم بديتيه وماشي معاكي الحال.

أم صلوحي كل شيء عن الرجيم موجود على هذا اللينك بتحصلين فيه شرح كل المراحل حبيبتي
[http://www.drdashti.com[/URL]

نورة وبنت الدوحة وزعفرانة وسكون الروح ومونامور وأمولة الدلوعة وصمت المشاعر شخباااااااااااركم يالغاليات اليوم مع الرجيم ان شاء الله في أخبار حلوة عن النزول بشرونا علشان نستانس لكم حبايببي موفقين أن شاء الله وبأذن الله الكل يوصل للوزن اللي يريده قولووووووووووووووووا آمييييين لا تنسون(i).

اليوم كان أول يوم لي في المرحلة الثانية حبيباتي بس كنت خايفة مادري شفيني اليوم لما شفت المكسرات خفت أكل بس أخذت 10 حبات نفس المكتوب في الكتاب وقعدت أكل وانا خايفة بس أخخخخ ياليت ما قعدت جنب أمي قبل ما أكل قعدت أتفحص الكازو وبعدين قرضت شوي شوي ما شفت الا أمي قاعده تضحك علي و قالت لي حشههههه أرنب قاعد يمي جذي يأكلون المكسرات أكليها كامل من كبر الكازو اذا تميتي جذي متى بتخلصين بكره الصبح ؟بصراحة ماعرفت شاقول لها؟ بس أعرف شيء وااااااااحد أكيد بس مب مستحيل أن انا مره ثانية باقعد بروحي:eek:. حفاضاً لماء الوجة.:o

فدووووووووووو الغالية مسامحة على التأخير هذا صورة النسكافية:o



والكوفي ميت عادي كامل الدسم ما يحتاج تأخذين لايت.

في كوفي أسمه سيتي city cafe بعد مغطاته لونها أحمر وخالي من الكافيين بس ما حصلت صورته
عموما لما تأخذين شوفي الصورة الأمامية مكتوب بخط صغير جداُ خالي من الكافيين.

ان شاء الله أفدتك حبيبتي والسموحة على التأخير يالغالية كنت مشغولة شوي وبأذن الله تحصلينه ولا تنسين المحلى الأصطناعي بديل السكر.:D

امولة يسلموو على هالتمارين

نوزرة شخبارك وحشتينا؟؟
فدووو حبيبتي مكتوب عليها من غير كافين مو وراء في المكونات لا من جدام مكتوب كلمة واضحة
بس يمكن انتي مالاحظتي
دققي عدل وبشوفينه
او اسالي اي احد هناك يشتغل في السبورماركت بيدليج علية

كوين سارة هلا بيج يالغالية
اني الحمد الله بخير
والرجيم باذن الله ماشي تمام
وسلامي الى الجميع

مرحبا بنات كيف حالكم غبت عنكم كثير السموحه

بس ظروفي كانت صعبة تعديلات بالبيت وتأثيث ونقل اغراض وحاله

عموما انا مستمره مازلت بالرجيم وصل وزني 68 ولله الحمد والكل مستغرب ويسأل شسالفه وأي ريجيم هذا

ومن هالكلام ،،،،، شدعوا غبت عنكم فترة طويلة محد سأل عني !!!!

هاااااااااااااي


بتوتات رجعت للرجيم :D


امس كان يوم الكسر :2_22:

كنت متوقعه آآآكل كثير :essen:

بس يا بنات ماكلت غير كبسه مع دقوس وما كثرت منها :no:

أحس خلاص ما عاد لي نفس عليها :qaq:

اليوم الصباح شربت كوفي :poster_vt:

الساعه 11.30 تقريبا ً كلت بيض عيون بيضه وحده بس :confused:

مع جبن وزيتون ومااااااااااي :baaa2:

شربت بعدها شاي أخضر (a)


ورجعت نمت بعد صلاة العصر لحد 9 بالليل :poster_oops:

صحيت شربت كوفي وكلت من شوي سلطه اتغيصب بتوتات :sm229:

مالي نفس على الأكل كلللللش ملللللش :(


المشكله مو عارفه كم وزني بوزن بكره :confused:

انا معتمده في لبسي وشكلي وأحسني نحفت

المشكله وجهي اول شي ينحف وآآآخر شي يمتن
ومالي خدووود وجهي بيضووي نحيفون بس حلوو >>> احلفي :2_22:



وبشوف ان شاءالله انزل في اسبوعين 7 كيلو

ادعوا لي بتوتات :)


هذي أخباري فديتكممم كلكممم سارونه وشمووسه وفدووو

أمووولتي سكون أم عبادي وأم عزيز أم صلووحي حياك معانا :)

نوره وبنت الدوووحه أخباركم (a)


ومنو نسيت بعد يارب ما انسى حد شدوا حيلكم بتوتات :)
نفسيتي صارت أحسن من قبل يعني حمدلله (f)



زوزو

قطرية24;5655964:
مرحبا بنات كيف حالكم غبت عنكم كثير السموحه

بس ظروفي كانت صعبة تعديلات بالبيت وتأثيث ونقل اغراض وحاله

عموما انا مستمره مازلت بالرجيم وصل وزني 68 ولله الحمد والكل مستغرب ويسأل شسالفه وأي ريجيم هذا

ومن هالكلام ،،،،، شدعوا غبت عنكم فترة طويلة محد سأل عني !!!!

منزال العافيه يااااااارب
سألنا عنك ارجعي الصفحات اللي قبل بتوووت :(
وحشتييييييييييييييييينا (f)



ماشاءالله علييييييييج :)
متى كانت المده قطريه يعني كم شهر مشيت ع الرجيم ؟

ومتى انتقلتي المرحله الثانيه ؟

أنا أمس كسرت واليوم ابتديت بالمرحله الأولى من جديد


وأنا ماعاد لي نفس اااااااكل مو مشتهيه شي عااااادي كلت او ما كلت

أهم شي الكوفي :D

ماشاء الله
شكله الرجيم هذي روووووووووووعه والله
وسفته عندي وطبعته عشان اعطي امي تبي تسوي رجيم وانا معاها

كوين ساره بقولك حاجه ياقلبي بس لاتضحكون علي الكافي موجود عندي بالبيت هههههههههه
كان قلتو لي النسكافيه يالغاليه ..

أشكرك ياقلبي وادري تعبتك معي ياكوين ساره ..


أم عبادي فديتك يالغاليه ماقصرتي ..

أم عزيز .. صمت المشاعر .. أموله الدلوعه .. قطريه .. شمس الاصيل .. البراءه .. نوره .. راعيه الفراري ..
الزعفران .. بنت الدوحه ..
أخباركم يالغلا مع الرجيم ..
أنا ماشيه عليه عال العال .. فديتكم كلكم ..

كوين ساره ..أم عزيز .. ام عبادي .. أموله الدلوعه .. قطريه .. شمس الاصيل .. البراءه .. نوره .. راعيه الفراري ..
الزعفران .. بنت الدوحه .. صباح الخير عليكم جميع
ومبروك على كل وحده انزلت ومشكوره لكل وحده اسئلت عني
الحمد لله انا ماشيه على الرجيم تمام
ومشكوره جدا ياكووووووووين ساره على الاجابه على كل سؤال اطرحه الله يوفقك يارب
الا ماقلتولي يابنات والله مستحيه اسال هالسؤال
الكوفي هذا كيف اتسوونه شلون لان طريقتي اللي قبل غير معاه
حليب+شاي+الكوفي+4 معالق سكر ههههه وتقول من وين السمنه
بس بصدق ابقى اعرف طريقته كيف لان تعبت وانا اشرب هالشاي الاخضر لين صابتني اللوعه
وشكرررررررررررررررررررررررررررررررررا للجميع على التفاعل والحضور

صباااااااااااااااااح الخيير على الحلواااااااااااااااااااات المتحمساات للرشااقه ولا توقفهم اكله شهيه ولا شكلاطه لذيذه


اخبااااااااااااااااركم وحشتوووني موووووووووووووووووووووووووووووووت الله العالم وانا برى البيت افكر فيكم اقول ياربي

وش مسوين البناااااااات

طبعا مثل ما قلت لكم يووم الاحد كان اخر يوووم ليتكمل شهههرا بالريجيم

وماعندي ميزان وما وزنت .... المهم اصلا كنت ناويه اكسر يوم الاثنين عشان خفت يكون وزني ثابت ما يتحرك

يووم جيت اكسر والله العظيم يا بناااات اخذت بسكويته اوريوو ما قدرت اكلمها ما صرت اطيق السكرياات ولا

مذاق الشكلاطه ..... غير هذا حسيت شهيتي مره مقفله .... بعد مضارباات ومشاحنات ههههههه عزمني

زوجي على مطعم عشان اكل مشاوي وفيتوشيني ومشكلات بحريه.... رفضت بالاول بس شفته مصمم فديته

ويبي يفرحني ويدلعني يوم كسري ما حبيت ارده قلت له يالله ...ز عاد عشقي الفيتوشيني اكلت بس ما قدرت

اكمل الصينيه كلهاا .....ز غير هذا يوم رجعت البيت معدتي تعبتني وماقدرت انام لانه خلاص تعودت على الريجيم

وخلقه انا مقدر اكثر اكل ولا اكل اطباق مختلفة...ز

اليووم الثلاثاء جعت للريجيم وعشاني مريضه اكلت بس جبنه كيري وشغلت السيدي حق الرياضه وسويت

تماريني .... بخصوص الرياضه حتى لو يقول الدشتي يكفي مشي بناات اللي اوزانهم فوق الميه ضروري

تسوون رياضه عشان اجساامكم تشد وما يكون فيه ترهلات ..... انا يمكن وزني يكون ثابت وما ينزل بس زوجي

كل يووم والله يقولي فين راحت كرشتك

يا بناااات فص ملح وذاااب انا جسمي ما يترهل ويشد على طووول بس مبين على كثيير اني نحفت بطني خصري

فخوودي كل شي فيني والله زوجي اقولكم مستغرب ويقولي والي عالريجيم ....

امس رحت شريتل ي سي دي ثااني عشان انوع بالتمارين ومامل

كوين ساااره اللي معاي walk away the pounds الاول باقي اشتري رقم 2 بس حلووو السي دي

لانه يخليك تمشين ميل وااحد وتمشين 2 ميل مع حركاات تشد العضلات والفخوود وبفتره ما تحسين بالتعب

بالعكس تحسين نفسك مستانسه وبراي احسن من المشي برى البيت

فدوووووووو الغالية يعني طلع الكوفي عندك هههههههههه يالله الحمد لله ان عندك شخبار الرجيم معاكي.

راعية الفراري أهلاً بك معانا في الرجيم أن شاء الله ترتاحين فيه وتوصلين للوزن اللي تريدينه بس ما قلتي لنا كم طولك وكم وزنك وكم تريدين توصلين علشان نشجعك ونعرفك أكثر حبيبتي.

أم عبادي شخباااااااااااارك يالغالية اليوم؟

زعفران للحين شهيتك مسدودة؟ يالله المهم ان الحمدلله ماعندك خربطة بس أهم شيء لا تتركين وجبة ترى لازم تأكلين في كل الجبات حتى لو شوي.

صمت المشاعر الغالية بالنسبة للكوفي أخذي كوب حطي فيه ماي وسخنية بالميكرويف وبعدين أخذي ملعقة متوسطة بس واحدة كوفي لاتكثرين منه ملعقة كاملة بس مسحوتة عرفتي؟ههههههههه وبعدين حطي ملعقتين طعام كوفي ميت واذا تريدين أكثر زيدي ملعقة وشوفي وبعدين حطي بديل السكر سويت لو أو هرميستاس أو المحلي اللي عندك؟ وخلاص صار جاهز للتقديم وعليكي بالعافية.

شمووووووووسة ايه هذا السيدي عندي، عجيب عجيب شد كامل للجسم ياليت البنات كلهم يشترون مثله مايصير ترهل في الجسم ما شاء الله. شمووووووووسة عليكي بالعافية الكسر زين سويتي ما خربطتي عموماً مثل ما قلتي الشهية تكون مسدودة يالله الحمد لله أن شاء الوزن الثابت يتحرك الحين يالغالية لا تحاتين.

البنات اللي يريدون يشترون السيدي انا وشمووسة عندنا مثلة وننصح فيه لأن سهل وتقدرون تسوونه في البيت ما تحتاجون للطلعة أسمه walk away the pounds in 2 miles وفيه بعد 3 ميل وفيه 4 ميل اال 2 ميل تمارين لمدة نصف ساعة.. تمارين ال 3 ميل لمدة 45 دقيقة أما ال 4 ميل فهي تمارين لمدة ساعة كاملة. انتوا أختاروا منه الله يوفقكم وينزل وزنكم بأذن الله.

باقي البنات وينكم اليوم ما سمعنا أخباركم نورة الحلوة بنت الدوحة الحبوبة البراءة مونامور مختفية ميمو الحبوبة
وحشتينا امورة بعد مين ياربي أم عزيز الغالية أمولة الدلوعة الحلوة سكون الروح وينك وباقي البنات وينكم اليوم.

مساء الخير يابنات الدشتي
انا ضيفه جديده في مجلسكم ومن يوم السبت وانا اقرى في ردودكم الى اليوم الثلاثاء قريت كل الردود وماخليت ولا واحد طبعا كلكم معروفين بالنسبه لي من خلال قرائتي لمشاركاتكم اما انا بالنسبه لكم جديده
انا اسمي حبيبة فهد
وزني65
طولي153
عمري25
وعندي ولدين ولسا طالعه من النفاس علشان كذادبدوبه
وهدفي55
سويت رجيم التمر واللبن لمد عشر ايام كان وزني68 ونقصت 3كيلو
ومن يوم السبت ابتديت معاكم برجيم دشتي يعني اليوم الرابع لي في هالرجيم اتمنى تساعدوني وتشجعوني علشان احقق هدفيهذا اذا قبلتوني معاكم صديقه
طبعا من خلال قرائتي لمشاركاتكم عرفت الرجيم وعرفت كل مراحله
والحين انا جايه مندفعه وكلي حماس وعزيمه واصرار اني اوصل للوزن اللي ابيه
اول يومين صارمعي غثيان وخمول فضيع ودايما ودي انام ذكرني بايام الوحم وكثر النوم بس امس واليوم حاسه بنشاط
المهم حبيباتي عندي استفسار صغيرون
يعني اذا كنت ابغى انقص عشره كيلو كم لازم استمر على المرحله الاولي اسبوعين او اربعه؟
ارجوكم لاتطنشوني والا راح انسحب

أهلاً فيكي معانا حبيبة فهد لا تخافين ما أحد بيطنشك أفه عليكي:eek: أحنا حاضرين سألي اللي يخطر في بالك بالنسبة لسؤالك حبيبتي اللي هو كم تحتاجين علشان تخسرين 10 كيلو؟:shy: شوفي حبيبتي كل بنت تختلف عن الثانية يعني في بنات ينزلون 10 كيلو في شهر أو حتى 13 كيلو في شهر وفي بعضنا نزل 5 كيلو في شهر كل الأجسام تختلف في بعضنا وزنه ينزل سريع وفي بعضنا ينزل بطىء جداً ما أكذب عليكي أنا وزني ينزل بطيء جداً جداً بس الحمدلله الرجيم حلو وسهل وما تمللين منه تأكلين براحتك ضمن المسموحات والممنوعات:21_91:. حبيبتي انتي بتنزلين 10 كيلو بس يعني مو كثير ممكن تأخذين مدة في الرجيم بس حطي بالك ان لازم تسوين كل المراحل علشان توصلين للوزن المطلوب انت لازم تبقين في المرحلة الأولى لما يصير وزنك 62 يعني مو شرط شهر ممكن تنزلين في أسبوعين وممكن أكثر وبعدين دخلي في المرحلة الثانية و لما توصلين 58 بعدين أنتقلي للمرحلة الثالثة بيكون في 3 كيلو لازم تخسرينهم في الأخير. ولازم تشربين ماي وايد وتأكلين فيتامينات كل يوم حبة في نفس الموعد.... بعد شنوووو:think: اذا عندك أي سؤال لا تترددين أنتي أختنا الجديدة.:sa31: أن شاء الله أفدتك يالغالية:bigsmile:

هلا فيكي حبيبه فهد منوره الريجيم ياقلبي

بالنسبه للريجيم شي حلوو وما راح تحسين ابد بالجووع

بس لازم تتشجعين ويكوون حماسك فوووق اي شي

وتنسين السكريات والحلويات والعصائر والفواكه والحلويات نهي نهي كلها

اهم شي توصلين للوزن المطلوووب

ابصرااحه انا ما وزنت ولكن مبين على جسمي كثييير

انه نحفانه وقمت اتخصر وبطني قامت تروووح

ان شاء الله نشجعك ماعليكي