منو تبدي معاي رجيم الدشتي مو اكثر من بنتين ؟

بسم الله الرحمن الرحيم
الحمد الله رب العالمين


كوين سارة والله كانك دوايتي جرحي
والله على طول جة على بالي اكمل الرجيم باذن الله ومن غير تفكير
تدرين قبل لا ارد هالرد قمت وسويت لي بيض ويا جبن وكوب كوفي من غير كافيين
احس روحي راجعة الى الرجيم اقوى من قبل ان شاء الله
وان شاء الله ماراح اخبص
بس ابي آكل اليوم موزة علشان البوتاسيوم
بسالك حبيبتي انتي سويتي تحاليل؟؟
واذا بغيت اروح اسوي شقول الى الدكتورة يعني ابي تحاليل الى شنو؟
وشنو اسم الفيتامينات الي تاخذينا اشلون شكل العلبة؟؟

ادري تعبتج حبيبتي بس والله ثم والله ادعي لج من قلبي ربي يعطيج الي في بالج ان شاء الله
وتوصلين الى الوزن الي تبينه باذن الله

سلام شلون العسولات رشيقات الصيف ان شاء الله؟؟؟؟؟؟؟

ام عبادي ما تشوفين شر حبيبتي و ننتظر تطمنينه

بس انا اتوقع لانكم طولتوا الفترة الاولى اكثر من شهر و هو حتى بموقع الدكتور مكنوب اسبوعين الى شهر

و الكل شنو مسوين مع الرشاقة؟؟؟؟؟ و شلون اوزانكم؟

هلا خواتي اشلونكم شخباركم...وحشتوني فديتكم ...هلا اختي كوين شخبارج شخبار الرجيم معاكم تدرين انا اليوم بديت مرة ثانيه بالرجيم عاد ما في خربطه ولاشي...وان شاء الله استمريارب...خواتي اموله الدلوعه \شمس الاصيل\فدوة\زعفرانه كل البنات...شخباركم يالغلا اذا شفتوني ما رديت او مادخلت النت...اكون مشغوله مع العيال وغير كذا عندي بيبي عمرة 4 شهور فديته...علشان جذي ما اخل واااايد سامحوني فديت قلبكم...ام عبادي يالغاليه ماتشوفين شر حبيبت قلبي...اجر وعافيه ان شاءالله...

صج بنات وين قطرية 24 ما قامت تشارك؟؟؟

شو هالحماااس
ماشاءالله عليكم...انشاءالله قريبا نشوفكم عرايس رشيقات ممشوقات القوام ههه
بس نصيحتي ان هالرجيمات ما تنفع بدون حركة و رياضة...
ما قريت كل الردود بس ما شفت ولا وحدة تتكلم عن تمارين و رياضة!!!
مع انه اهم من الرجيم
انا اقولكم عن خبرة...في فترة الإجازة كان يومي كله فالبيت و انا ماني ربة بيت فا ما عندي اشغال ولا حركه اتخيلو زاد وزني 5 كيلو
بس الحين فالكلية كله حركة و مشي و خفيت 3 كيلو
الحين وزني اوكي و راضية عليه بس كرشي:o
احاول اعمل تمارين بس ماشي استمرار
يالله بس حبيت اشارك
باااااااي

السلااااااااااااااام عليكم ورحمة الله وبركاااته

جــــمــــعــــة مــــبــــاركــــه عليكم يااا بنااات

وعسى ربي يحقق كل امانيكم ويرحمنا ويثبتنا على ديننا

عوده حميده ام عباادي والله اشتقنا لك .. ان شاء الله اجر وعافيه وما تشوفين شر باذن الله

بخصوص الام الصدر انا حسيت بها مرتين باول اسبووع من الريجيم وبعدها خلاص رااح

انتي بعدين ام عباادي بنفسك قلتي انك اخر الفتراات كنتي تخبصين بالريجيم يعني ماتبعتيه بجذافيره

الحين اخذي لك كم يووم رااحه اكلي فيها كل الفيتامينات والبوتاسيوم والبروتينات وعوضي اللي رااح

بوعدها ابتدي الريجيم مره ثانيه واخذي الفيتامينات اللي وصفت لك هي الاخت ساااره كوووين

استغل الفرصه واشكر اختنا كوين ساااره على تواصلها الدائم معنا ومشاركتها واتمنى ان يكووون كل البنات

بحماسناااا لاننا نبي نوصل للوزن المطلووب

انا سوى يتعب الريجيم او\ما يتعب خخخخخخخخ بواصل بواصل خلاااص ابي انزل وزني لاني زهقت

يا هووو صار لي كم سنه وانا اكل اللي اشتهيه جا الوقت اللي احرم نفسي عشان ادلع عمري واحافظ

على صحتي وارتااح اخر عمري من الام المفاصل او خشونه الركب

بنااات شدوووا همتكم وتحيتي لكم وسلاامي



كوين ساره انت لسه موجوده ولا رحتي

اهئ اهئ محد فقدني (6)


شخباركم بتوتات :D


تصدقون كان عندي بنطلونات ما أقدر ألبسها ألحين البسها ومرتاحه فيها :o
بناااات حمدلله ماكنت اتوقع بلبسهم مره ثانيه :o


انا كان مقاسي 40+42 وبعده صار 44 وبعده صار 46
وعلى حسب القماش لينن أو قطن أو جينز او حرير

ألحين ماعرف وقلت مابشتري لحد ما أوصل الوزن اللي أبيه
>>> بكافأ نفسي :D

بنات دايم فكروا تهدون أنفسكم شيء تشجيعي عشان تواصلون :)

سارونه أخبارك حبيبي :) نفس مشكلتي بالضبط أنا نحيفه لكن عظمي عريض من فوق ومليانه من تحت :(


المهم لي يومين ماكلت الحبوب نسيتها كلتها اليوم :D

شموووسه
أموووله
أم القمر
نوره 80
فدووو
ابرار
سكوون

اعلومكم مع الرجيييييييييم :D


وقطريه
حلومه البطه وووينها :(


أنا عاجبني جسمي بس أبغى أشد المنطقه من تحت فأحاول أمشي قد ما أقدر

صار لي 4 أيام ما مشيت :(

يعني كان وزني تقريبا ً 72 آخر مره وزنت ألحين أتوقع أتوقع 68 أو أقل

لأني نحفت ماشاءالله

أبغى أوصل 57

يعني باقي 10 كيلو :(


بنات الحييييييييييين متى تتوقعون أتخلص منها :confused:

شجعوووني (6)

هلالالا وغلا بالغاليات اخباركم عساكم بخير انشالله ..

كوين سارة اخبارك يالغاليه وربي حبيتك من كل قلبي
احسك بنت طيبوبه بقوووووووة
الله يسعدك يارب والجميع ..

فدووو


تمام التمااااام

ساره تجججججججججنن


قولي لي شخبار الخبر :)

مساء الخير بنات شخباركم....بغيت اسألكم البنجر او الشمندر ممنوع ولا مسموح بليز ردو علي...

بنات

انا سويت الرجيم

لمدة شهر

بسسسسسسسسسسس

تعبـــــــــــــــــــــــــــــت

اليوم وقفته

خلاص

ببلش بعد بكره نظام يديد انشالله

وايد تعبني هالنظام

الله يعينكم

هلا حبيباتي شلونكم مع الريجيم اليوم، أم عبادي الغالية شخبارك حبيبتي اليوم مسامحة كنت طالعة وتوني دخلت على النت حبيبتي أنت لما تروحين تسوين تحاليل قولي حق الدكتورة أنك تبين تسوين تحاليل دم بس وسوي التحاليل بعدين شوفي نتيجة التحليل اسألي الدكتورة اذا كانت النتائج طبيعية أو لا هي بتقول لك مثلاً اذا في نقص أو أرتفاع يعني مثل البوتاسيوم مثلا أختي كانت مسوية ريجيم وسوت تحاليل طلع ان البوتاسيوم منخفض أما اليوريا مرتفع فقطعت الريجيم يومين وسوت تحاليل مرة ثانية بعد القطع وطلع كل شيء طبيعي الحمدلله رجع المعدل لطبيعته ورجعت للريجيم مرة ثانية وتقول أن الكسر نفعها والا كان لا سمح الله صادها تسمم في الدم بسبب اليوريا المرتفع.

نصيحة لكل البنات اللي تحس بالم في الصدر تحاول تأكل فيتامينات تحتوي على البوتاسيوم لمدة 3 أيام وتشوف النتيجة اذا حست ان الألم للحين موجود ويكون الألم شديد يعني ما تغير عن أول يوم لازم تأخذ يوم راحة تأكل فيه موز وفيتامينات وبعدين ترجع للريجيم عادي.

ومثل ما قالت الأخت أبرار الجنة أن هذي الأعراض تصيدنا لأن سوينا المرحلة الأولى لمدة طويلة مع ان المفروض بس 4 أسابيع. ولهذا السبب قل البوتاسيوم ولازم نعوضه بالفيتامينات ومثل ما قلت اذا الألم استمر أكثر من ثلاثة أيام وكنت تأكلين فيتامين و ما كان في فايدة لازم تأخذين يوم راحة.

الفيتامين أسمة سنتروم centrum [ATTACH]81774[/ATTACH أنت أخذي الأسم وأشتريه وما عليكي شر يالغالية.





وان شاء الله افدتك حبيبتي وافدت الجميع ، أم عبادي ما تشوفين شر يالغالية.

الشر مايجيكم حبايبي
والله شجعوتني اكثر

شموسة يمكن بعد من الخبص
خلاص من بكرة اذا الله كتب بروح بشتري الفيتامينات

كوين سارة يسلموو حبيبتي يابعد قلبي والله تعتبك معي ماقصرتي
بس خف اشوي من سالفة تسمم الدم:(

كوين سارة حبيبتي انتي سويتي تحاليل قبل الرجيم ولا لا؟؟

البنوتات الحلوين شلوووووووووونكم ،:D
نوووووووورة الحلوه شخبارك مع الرجيم ، الله يخليلك عيالك وتفرحين فيهم ان شاء الله أنت معذورة حبيبتي تربية العيال مو سهل شدي حيلك حبيبتي.
بالنسبة عن الشمندر أعتقد ممنوع لأن فيه نشويات وايد وغير أن الدكتور قال الخضروات ذات الأوراق الخضراء بس.:wink:

bg شلونك حبيبتي بالنسبة عن الرياضة الكل يعتبرها أجبارية فما نتكلم عنها وايد بس أعتقد الكل يسوي رياضة حتى لو على فترات .
بالنسبه عن الكرش أحسن شيء تسوينه أنك بعد ما تأكلين أو تشربين الماي دايماً مسحي عليها بشكل دائري ودايماً شدي بطنك على الداخل سواء انت جالسة أو واقفة لأن هذا يقوي عضلات البطن وبتشوفين بعد فترة أن بطنك بدا يدخل على الداخل بس لا تنسين تشربين ماي وايد. والله يوفقك ان شاء الله.:D

شموووووووسة الأمورة شلونك كلامك وايد حلو ايوه كذا الحماس و الا بلاش كلامك صح ويشجع الواحد تسلم ايديك يالغالية على هذا الكلام الحلو.(y)

زعفرانة وفدوو أخجلتم تواضعي:confused: الله يخليكم يالغاليات، زعفرانة والله نسأل كل يوم عنك لأن بصراحة كنا نحاتيك بس الحمدلله رديتي علينا حبيبتي شخبارك مع الريجيم أن شاء الله مرتاحة منه مبرررررررررررررروك حبيبتي وان شاء الله تفقدين العشرة بسهولة لا تحاتين.
فدوووووووو الحبوبة كلماتك عسل ياعسل شخبارك يالله شدي حيلك في الريجيم وان شاء الله تشجعينا معاك وتكونين مرتاحة فيه.

سكون الروح ..ميمو ( مسكينة عليها أمتحانات)..بنت الدوحة مونامور..أمولة الدلوعة .. بنت الدوحة..صمت المشاعر..وردة قطر..أم عزيز شلونكم خواتي. الله يوفقكم جميعاً .

بنات في مسألة شاغله بالي أريد أستشيركم فيها.
شوفوا انا طولي 155 ووزني سابقاً 68 نزلت 9 كيلو صار وزني 60 كيلو لازم أوصل 51 يعني باقي لي بعد 9 كيلو ok وطبعاً وزني ثبت ما يتحرك من 6 أيام :confused: وانا اليوم خلصت شهرين بالتمام والكمال بكره باكسر الرجيم زين وبدخل المرحلة الثانية أن شاء الله.
السؤال أهني انا المفروض باقي لي 9 كيلو المفروض 6 كيلو أخسرهم في المرحلة الثانية وأخلي ال3 كيلو حق المرحلة الثالثة زين بس السؤال هو أنا وزني بالمووووووووووت ينزل يعني كل أسبوع كيلو اذا دخلت في المرحلة الثانية هل معدل النزول يقل أكثر أم يزيد؟ انا سمعت يزيد بس خايفة وتدرون بعد شنو المشكلة انا ما يصير أكمل في المرحلة الأولى لأن لازم أنتقل للثانية بسبب تقسيم الوزن اللي هو 6 في المرحلة ثانية و3 في الثالثة مادري بنات في أحد سمع عن المرحلة الثانية؟

أم عبادي أنا سويت قبل الرجيم تحليل وكان كل شيء طبيعي الحمدلله وانا بصراحة أنصحك تسوينه علشان ترتاحين حبيبتي.

لا تخافين أن شاء الله مايصير لك اللي صار لأختي ترى أختي كان باين عليها بعض الأعراض مثل كرمكم الله يعني بعض الأحيان تقول أنها كانت تشوف رغوه في البول وتحس أن ثقيل بعض الأحيان. المهم حبيبتي ترى التحليل ممكن يطلع طبيعي قبل الريجيم بس بعد الريجيم يتغير وانا بصراحة أنصح البنات لما يدخلون الشهر الثاني يسوون تحليل ثاني علشان يتأكدون ان كل شيء للحين طبيعي.

أم عبادي هذي أول مرة تسوين التحليل صح؟ بس أن شاء الله ما تخافين من الأبر مثلي لأني أخاااااااااف منهم وايد وايد .يالله شدي حيلك وان شاء الله ترجعين للمنتدى يالغالية الله يوفقك.

وأنا معكم بنات

نا معاكم

جربتة شهر والله يابنات ضعف ضعفففففففففففف


وكنت اخربط شوي خخخ يعني موملتزمة فيه
نزلت 10 كيلو وكنت امشي نص ساعه



يالله باااجر البدء



نسيت اقول ان عندي 3 بنوتات وعمري 28 وطولي 154 ووزني خخخخخ





















83 ابيييه فشلة

أهلاً بالأعضاء الجدد مرحباً فيكم بنات حياكم الله كيميائية وأحلى زوجة ان شاء الله بكره بأذن الله تبتدون ونشوف ردودكم واذا عندكم أي سؤال أحنا حاضرين.

صباااااااااااااااااح الخيررر يا احلى دبدوبات بالكووووووووون

محد يزعل من كلمه دبدوبه لانه اسم دلع مووو اسم عتب

انا اشوف انه الدبدوبات طبعا راي الشخصي يكونوا مرحين دمهم خفيف وقلبهم طيب ومزوحين غير انهم حلواات

وقمراايااااااااااااات



احب اتسائل واتطمن عن البناااات .... سكوون الرووح وينك ياقلبي ___ ميمو اخبارك يا عسل مع الاختبارات___

بنت الدوحه وينك عننا تغيبتي هالمده عسى المانع خير ___ مونامور قطريه صمت المشااعر فينكم وحشتونا___

ام عزيز اخبارك اكيد متونسه بجده وجو جده وتعبتي من اللف باسواق جده هاه اعترفي بس انتظر جديدك عن

قريب___ اموله الدلوعه وين يومياااتك خلينا نشووفك ونعرف مستجداتك مع الريجيم ....


زعفراااان افا عليك ماهقيتها منك تقولين انه ما نسال عنك ... عني انا شخصيا الله شاهد على محبتي لكم في

الله واذا صادف اني ماسالت عن وحده فيكم ترى سهوا موو قصدت الشي .. بالعكس احاتيكم فردا فردا واتمنى

انكم تكسبووون الوزن المطلوووب وتطلعون من تجربه ريجيم الدشتي بفاايده وصحه وعافيه

فدووو حتى لو تسالين بس عن كوين ساااره انا بسال عنك واقول اخت عزيزه وغاليه ويفرحنا وجودك معانا يا قمر

ام عباااادي اخبااارك ضرووري هاليومين تشوين ريجيم عشان يرتاح بااالك وتطمنين وتبتدين الريجيم من اول

كوين ساااره يا قلبي فديتك انتي تنورين كل صفحه دوم بتدخلاتك ومعلوماتك انا مثلك ناويه ان شاء الله اذا شفت

وزني ما نزل اكسر الريجيم واكل اللي نفس فيه وارجع من اول وجديد... على فكره انتي عشان وزنك يعني كويس

ترى النزول بيكون بطئ لانك بالمرحله الاخيره عشان تحققين الهدف مابيك تنحبطين بالعكس كملي معانا

وانا احمسك واشجعك بس انتي كمان شجعيني لانه خلاص ودي افتك من الوزن الزايد ويوم الاثنين باذن الله

بوزن او يمكن بكره السبت ليش لا دام يوم الاحد اكمل شهر واحد من المرحله الاولى

ادعوا لي

ويومكم حلوو ومفرح باذن الله