منو تبدي معاي رجيم الدشتي مو اكثر من بنتين ؟

والله احس هالفتره الكل جاه ملل وماصار فيه تفاعل مثل اول يابنات لاتيئسون اهم شي نوصل للرشاقه ماباقي شي وكل وحده توصل لهدفها اهم شي نطرد الملل ونتخيل اشكالنا واحنا رشيقات واحنا دبدوبات وراح اتشوفون الحماس اذا تذكرتوا هالصورتين مع بعض
اتمنى لكم التوفيق

مرحبا بنات

اشكر كل من سأل عني

تدرون السبت رحت عرس واغلب الناس اسالوني شسالفتك ليش ضعفتي ؟

قلت لهم اتبع دشتي ،، اغلبهم طرشولي مسجات الاحد يقولون لي شلون ؟ وشنو نظامه ؟ وكم المده وكذا

خصوصا وانهم توهم شايفيني بيناير ما كنت بهالشكل



الاخت اللي تسال كم المده

حبيبتي انا ابتديت من 27\2

كان وزني 77 والحين من اخر 3 لاحظت يبدأ من 69 و 68


وبديت المرحلة الثانيه من 2\4 بعدي يعني


تحياتي لكم جميع واستمروا عالرجيم ولا تيأسون

هلا خواتي شخباركم شخبار الرجيم معاكم...يلا شدو الهمه ومانبي ركود...مثل ماتقول اختي حبيبه فهد...

اختي قطريه مبروك النزول يالغاليه...والحمدلله ان الناس اسألتج يعني في تقدم واااايد...ماشاءالله عليج...

باقي البنات شخباركم كوين...فدو..زعفرانه..ام عزيز...ام عبادي..صمت المشاعر...بنت الدوحه...اموله الدلوعه.. حبيبه فهد..مين مين بعد والي ماذكرت اسمهم لاتزعلون مني

شمس بشرينه عنج يالغاليه كم صار وزنج يالغاليه...ان شاءالله تكونين نازله واااايد...

بسم الله الرحمن الرحيم
الحمد الله رب العالمين

شخباركم
وحشتوني واجد
واليوم رجعت حق الرجيم بعد كم يوم خربطة بس غصب عني
كنت بعد بكمل هالاسبوع قلت باخذ اسبوع راحة لكن ماقدرت قلت هالاسبوع اقدر اخسر فية 5 او اكثر
وشجعني زوجي اليوم شافني يقول لي صج وايد يبين عليش ضعفتي حسيت اني تشتجعت اكثر

يلا بنات نبة انرجع الحيوية حق الرابطة مانبي الرابطة نايمة
شخباركم جميعا من غير استثناء وشطرا الى كل من سال عني

وعن الدروة الشهرية الدكتور قال لي الرجيم يسوي جذي
وقال لي بيسوي لي تحليل حمل
اني قلت لة مو حامل <<<<<<<<<< اتقص على روحها خخخخخخخخخخخ واثقة من نفسي
قال لي ماعلية خلنا نتاكد
وطلعت مو حامل اقول في خاطري قلت لك اني مو حامل خخخخخخخخخخخ
وبعدين عطاني حبوب اتنظم الدورة ولمدة 21 يوم وبعدين تنزل منتظمة
ان شاء الله تنتظم ولا تعتفس خير شر

مساااااااء الورد والجوري والياسمين يا حلواااااااات

شحالكن حبيباتي

مثل ما قالت حبيبة فهد شو هالاحبااااااااااط؟؟؟؟؟؟؟؟؟؟؟
وووووووووووووووووين الهمه يا حلوااااااااااااااااااات


حتى العزيزه كوين ساره عديناها بالاحباط ههههههههههههههههههه

شيدوا حيلكن ونبى اخباااااااار حلوووووووووه
وخلو عندكم الاحباط

خلو ببالكم صورتكن وانتوا رشيقات وحلوات
والصعوبه كلها كانت في البدايه واتجاوزناها وما بقى الا القليل

يالله حبيباتي بنات دشتـــــــــــي
اهم شيء الصموووووود ثم الصمووووووووووووووود
عشان نوصل للي نباه

وخذوا الحياة ببساطه

السلام عليكم بنات شخباركم انا اليوم الحمد لله نفسيتي عال العال السموحة حبايبي أمس كان عندي ملل غريب وأكتئاب بس اليوم انا مرتاحة مع ان الوزن مللني شاسوي لاحظت يا بنات شيء غريب في المرحلة الثانية ان انا وأختي اذا اكلنا جوز يزيد الوزن غرامات واذا أكلنا كازو أو فواكة ما يزيد؟ شفتوا اللي يعور الرأس المهم عندي خطة سداسية بجربها وبعدين باشوف اذا نجحت بأقول لكم شجعوووووووووني وادعوا لي:encore: .

شخبارك أم عبادي مع الرجيم ان شاء الله تمام وباذن الله الحبوب تنظم الدورة وما تشوفين شر يالغالية.

أم عبادي أما لو كنتي حامل:21_131: خخخخخخخخخخخخخخ أحم أحم كنا بنبارك لك حبيبتي خخخخخخخخخخ بس كل ما أفكر لو كان صدق كانت بتكون صددددددددددددمة.:eek:

شموووووووووسة وينك يالغالية مختفية عنا اليوم أشتقنا لك يالغالية وحشنا تشجيعك يالغلا.:D

حبيبة فهد شخبارك السموحة على الملل الي صادني أمس لا تخافين العزيمة عال العال المشكلة ان المرحلة الثانية تجيب الأكتئاب قصب عني شاسوي بس ماراح اتنازل بنزل الوزن الزايد يعني بنزلة بالطيب بالقوة بنزله:poster_war: ابي تشجيع بنوتات.

نورة الأمورة هلا يالغالية نورتي المنتدي شخبارك ان شاء الله تمام مع الرجيم وشخبار الوزن، مشكورة على التشجيع يالغالية وان شاء الله مافي ركود بعد اليوم.:friendship:

فدوو شخبارك يالغلا والله وحشتينا نريد نسمع أخبارك؟

ميمو للحين ما خلصتي أمتحانات ؟ شخبارك يالغالية بشرينا أول ما تطلع النتايج. الله يوفقك.

الزعفران وينك يالحلوة طمنينا عليكي شخبارك ان شاء الله في اخبار عن النزول حبيبتي.

صمت المشاعر الغالية شخبارك مع الرجيم ان شاء الله تمام.

بنت الدوحة وأمولة الدلوعة أم عزيز شخباركم خواتي يارب ان شاء الله في أخبار عن النزول الله يوفقكم يالغلا.

سكون الروح .. مونامور..البراءة وينك وأم صلوحي وراعية الفراري وينكم وحشتونا.:sm229:

ان شاء الله ما نسيت أحد فيكم علشان ما تزعلون.

بنات انا اليوم بعد الأكتئاب قمت من الصبح قلت لأمي ان نروح السوبرماكت علشان نتسوق وأفرفش شوي لأنها أحسن طريقة بالنسبة لي علشان يروح الأكتئاب قالت لي ان بتوديني لأنها تحتاج بعض الأغراض.
المهم جهزت نفسي للطلعة بس انصدمت..................................................................
أختي موجودة في البيت .............................. وبتروح معانا.........................................
كنت بأعلن الأستسلام بس قاومت وقلت باروح ماعلي منها بأشتري اللي نفسي فيه للمخزون وبأخذ لي سله بروحي.
رحنا على السوبرماركت مشكلة هذا السوبر ماركت ان أول ما تدخلينه تمرين علي الحلويات حاولت اني ما التفت للحلويات وقامت أختي تمشت بعيد قالت بتشوف شيء وبترجع المهم انتهزت الفرصة وقعدت أطالع في الشوكولا ،الله على الغلاكسي والسنكيرز الله يرحم ايام الدلع.

المهم تمشيت شفت شوكولا باين عليها لذيذة المهم أخذتها وأخذت السنكبرز وغلاكسي بندف علشان المخزون والله لوتشوفون المخزون تقولون فاتحة دكان خخخخخخخخخخخخ:21_133:

بعد ماأخذت الحلويات حسيت بعيون تراقبني من بعيد :eek: طبعاً أختي العزيزة لهذي الدرجة ما تثق فيني :cry:،سويت روحي ماأطالعها ومشيت بسرعة ورحت الكاشير :21_177: ودفعت الحساب وانتظرتها جنب الباب ولا كأني سويت شيء:whistling:

بعد ما دفعت أختي الحساب ركبنا السيارة أحس ان الحواجب وصلت للخدود و البوز صار شبرين:poster_spam: انا ما كلمتها ورجعنا البيت خخخخخخخخخخ :sm2441:اليوم مر بسلام ونجحت :MEGALOL:
أحس ان نفسيتي ارتاحت بعد ما أشتريت:poster_vt:

المهم بنوتات كل واحدة تطمنا عليها ان شاء الله الريجيم تمام. الله يوفقنا أجمعين.

:groupwave:

كوين سارة هههههههههههههههههه اتخيلي اكون حامل وتعب ال20 كيلو جان بموت من القهر

ولا رحت البيت علشان النتيجة ماتجهز في نفس الوقت رحت بيت امي وقعدت اقول الى امي ليكون اني صدق حامل واختي فرحانة اقول لها على ويش فرحانة
بس الحمد الله على كل حال
حتى لو كنتت حامل بعد حامل كل الي الله كاتبة الينا اني راضية فية

وعن الرجيم اني دخلت اشوي فواكه على الرجيم
ويش رايكم؟؟
يعني اليوم اكلت تفاحة وبرتقالة
يعني تقريبا سويت نفس المرحلة الثانية بس من غير نشويات بعد
اعتقد جدي بعد زين لة؟؟
عطوني رايكم

صباح الخير بنات...شخباركم...
ادري بتقولون عني جنيه لاني قاعدة هالوقت...شاسوي من ينامون العيال اقعد شوي عالنت...

كوين والله انج ضحكتيني...ابي اسكت ما اقدر...لدرجه انه ريلي جاني وقالي اشفيج تضحكين ...قتله ما في شي...قالي صج انج مب صاحيه........ههههههههههههههههههههه...

يلا تصبحون على ولدي قعد...

السلااااااااااااام عليكم ورحمة الله وبركاته

اخباااركم بنوتاتت علوومكم يا حبايب قلبي تولهت عليكم وتولهت على اخباركم مع الريجيم

بنااااااااااااات انا وااايد مستانسه ومبسووطه المهم اجيب لكم الخبر الحلوو من الاخيير


انا مو اول ما بديت الريجيم كان وزني بالتمام والكمال 108 بعد 3 اسابيع صار وزني 105 بعد مده قلت لكم اني

كملت شهر واني كسر يوم واحد ورجعت للريجيم مع تخبيص ... وكنت خايفه اني اوزن لا يصيبني احباط

وتعرفون اجازه وكلن يحب يرووح يسافر عند اهله .... سافرت انا معاي التخبيص وبالي مشغوول ومتيقنه اني

رجعت ل108 اللي ابتديت منها ...... سافرت يووم وزنت تفااجئت تصدقووون بناااااااااااات كم لقيت وزني

وزني صااار 98 يعني نزل عن رقم 100 طبعا يقوللاون اذا عليكي الدوره يزيد الوزن 4 او 5 كيلووو ف98

مع كيلوات الدوره ولا اصلا انا وزني 94 بنات قريب مع همه وحماااس اكثر من اول وتشجيعكم الي وقربكم من

بعض ويومياااتكم وسؤوالنا عن بعض بيخليني اقوي عزيمتي اكثر واكثر وهذا ان شاء الله في الشهر الثاني بوصل

لثمانينات .........ز ياربي ما تدرون شكثر فرحاانه ومبسووطه وابغى اطير من الفرحه

وحبيت اني افرحكم كلكم وابشركم عشان تستمرون وتقوون نفسكم على الريجيم اكثر


ابلغكم سلامي كلكم واحد واحد من كوين ساااره وفدوو واموله الدلوعه قطريه وبنت الدوحه وام عبادي وميمو

ام فهد ام عزيز كلكم ابوسكم من الخد اليمين للخد اليسااار واحبكم كثيييييييييييييييييييييييييييييرر

والسمووحه ياللي ما ذكرت اساميكم كالعاده انتوا بالقلب

مساء الخير يابنات
يالله لازم تتشجعون اكثر بعد هذا مو كافي لسى ماانتصفنا بالمشوار
كوين ساره شكلك اذا خلص رجيمنا ان شاء الله راح تعزمينا كلنا على الشكولاتات اللي اشتريتيها وماراح تخلص كل وحده تروح لبيتها راح تاخذ معها من اللي باقي بعد خلاص يكفي لاتشترين معقوله بتاكلينهم كلهم الظاهر راح ترجعين كل الكيلوات اللي تزلتيها
بقولك فكره انا اذا اشتهيت شي وخاصه التويكس اموت فيه اقول لزوجي يشتريه واقول لولدي يالله كلها انا مشتهيتها
شمس الاصيل ماشاء الله تبارك الله يالله واصلي ولاتيأسي بس معليش انا اسمي حبيبة فهد مو ام فهد
يالله يابنات اموله الدلوعه وفدوو ونوره1980وام عبادي القمر وقطريه24 وكوين ساره وشمس الاصيل وصمت المشاعر والمعذره للي ماذكرت اسامسهم بس كلكم خواتي الله يوفقكم

شموسة مبروك حبيبتي على النزلو والفال لنا ان شاء الله نوصل الى هالوزن
شخبارك ياغالية؟؟
لك وحشة

بنات انا رديت له

عقب اسبوع تخبيص محترم

بلشت فيه امس

بس شي واحد ماقدر اقطعه القهوه بدون كافيين

عاد مو عليها بيخترب النظام

كافي ان محرومين من ملذات الدنيا

من

كاكاو

باستا

بيتزا

بنات ليش هل حرمان دورو في الجمعيه كافي مافي سعرات حراريه ...سوو اسكريم النسكفيه....والكافي اذا حصلتوه بس حبه في اليوم اكوي وبعدين وروني اشلون شكله انا لين الحين ادوره ...حصلت بس مافي سكر وخته واكل حبه في اليوم لذيذ....

حبيبة فهد وصمت المشاعر شخباركم يالغاليات لا تخافون علي ترى انا أصلاً قبل الرجيم ما كنت أكل حلويات ولا شوكولا بس أحب أجمعهم ، كان قبل يصيدني هبوط في السكر وأكل قطعة صغيرة بس . ولحد الحين ما أحب أكل لاتخافون بس عندي أدمان تجميع وانا أحاول امتنع عن التجميع تدريجياً.

لاتزعلون مني بس بصراحة انا أحب أشتري اذا عندي أكتئاب مع اني ما بأكلهم يمكن أتبرع فيهم في يوم من الأيام خخخخخخخخخخ يعني بحاول أتبرع.

أم عبادي الغالية شخبارك ان شاء الله الريجيم تمام.

نورة الأمورة شخبارك يالغلا ان شاء الله مرتاحة في الريجيم.

شووووووووووسة الحلوة شكلك مشغولة الله يعينك يالغالية.

فدوو والزعفران خواتي شخباركم مع الريجيم ان شاء الله في اخبار حلوة.

ميمو الغالية وينك ما تبينين للحين ما خلصتي أمتحانات؟

أمولة الدلوعة شخبارك يالغالية طمنينا عليكي؟

بنت الدوحة الغالية شخبارك مع النزول ان شاء الله مرتاحة من الرجيم؟

سكون الروح ومونامور وأم عزيز والبراءة و أم صلوحي وحشتونا يالغاليات وينكم؟

ان شاء الله تكون في أخبار حلوة عن النزول على نهاية الأسبوع.الله يوفقكم كلكم شدوا حيلكم بنات ان شاء الله الكل يوصل للوزن المطلوب.

مرحبا خواتي شخباركم...تدرون انا يوم الجمعه بوزن اذا مانزل وزني بكسر الرجيم...لان الجمعه الي طاف كان وزني 106 اذا مانزلت صج صج تحطيم من قلب...وبزعل من قلب...الله يعينا...

هلا بيج كوين
لا تسالين عن الرجيم
لانة اليوم اول مرة من بديت الرجيم اخربط جذي
لان نفسيتي تعبانة
من فراق اختي:confused:
الان ماعمدي الا اهي وخلاص ماقمت اشوفها واجد اذا اروح بيت ابوي:(
من جذي قاعدة احط الحرة في الاكل:o
واليوم طلعت اشوي غيرت جو واحس روحي الحمد الله نفسيتي اعتدلت:ss:
لكن افكرة اكمل الاسبوع ومن يوم السبت ابتدي من جديد ولا ويش رايك خلاص اجود روحي وابتدي من بكرة
ابي احد يجشعني
خايفة هال20 كيلو ارجعهم في غمضت عين(n)

نورة ان شاء الله حبيبتي تكوننين نازلة وخبرينا لاتنسين نبي نفرح ونشجع بعض

كوين ساره وش رايك انتي مستشارتي بصراحه اسوي الرجيم الرحله الاولى اسبوعين او ثلاث اسابيع مع العلم اني اول ماابتديت الرجيم كان وزني 65 ويوم صارلي اسبوع وزنتصار وزني62ونص والحين انا بالاسبوع الثاني يوم السبت اكمل اسبوعين مادري اكمل اسبوع ثالث او ابتدي بالمرحله الثانيه انا طموحي اوصل 55 او اقل
وش رايكم يابنات اردوا علي اذا كان عندكم خبره