منو تبدي معاي رجيم الدشتي مو اكثر من بنتين ؟

هلا بنوتات اليوم رحت على السوبرماركت علشان شوكولا الريجيم الحمد لله أخييييييييراً حصلته طلع ان المنتج اسمه جوليان Guylian بلجيكي مو ليندت lindt السويسري لأن ليندت في سكر المهم اسم شوكولا الريجيم جوليان ,وهو خالي تماماً من السكر وفي منه شكلين واحد دارك لونه أحمر والثاني اكسترا دارك لونه بني انا اخذ الأحمر لأن شوي مر بس حلوووووووووو تأكلين من هذا حبتين لأن حجم القطعة صغير هذا شكله:

هذا الأسم



وهذا شكلة بس الصورة ل أكسترا دارك انتو اخذوا الأحمر اللي بس دارك نفس الشكل بس الأختلاف ان غلاف الدارك أحمر أما الأكسترا دارك بني نفس الصورة ومكتوب بالأحمر خالي من السكر.



الله يوفقكم جميعاً يالغاليات.

اصوووووووووووووله
فديت روحج لا تضايجين منا
وحقج علي
شو اخبارج ويا الرجيم؟؟
وشو يديدج؟



ام عبادي
عزيزتي ياليت تخبريني قناة الوطن على ارب سايت ولا نايل سايت ولا وين بالضبط
وجم ترددها
لاني كنت بدور عليها ..حمستيني يالغاليه
والسموحه لاني كلفت عليج



كوين الغاليه
دورت على صورة الشوكولاته
واتوقع انها هي اللي تقصدينها


اتمنى تكون صج عشان باجر طيران اروح ادور عليها في الجمعيه
ومكتوب عليها باللون الاحمر انها بدون اضافات سكريه
بشريني يالغاليه

كيف حالكم جميعاً يابنات ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
والله مستحيه خبصت بس مو كثيير لكن اريد اعيده من جديد معكم يوم السبت والله مستحيه
مو عارفه شقول ؟؟؟؟؟؟؟؟؟؟

هلا أمولة شخبارك مع الرجيم، الصورة اللي حطيتها غير هذي صورة الشوكولا طلعتها علشانكم يالحلوين هذا الأثنين مكتوب عليهم low carb يعني نسبة الكربوهيدرات قليلة جداً الأزرق فيه حليب.

الأفضل تأخدون الأحمر مو البني لأنه لو كارب وهذا صورته :

سلاااااااااااام شخباركم
جبت لكم التردد
هي اتصير على النايل سات
11976
عمودي
3/4

ويخلونه في برنامج تو الليل
وهذا الرنامج كل يوم يخلونه بس فقرة الدكتور حسين الدشتي كل اربعاء

افا عليج امولة مافي كلافة ولا شي كلنا خوات
كوين سارة حبيبتي من وين تشترين هالكافي
وهل هو سعراتة منخفظة ولا من غير سكر

هلا حبيبتي أم عبادي الكافي خالي من السكر تماما ومناسب لرجيم الكربوهيدرات لأن الكربوهيدرات اللي فية جداً قليلة بس تأكلين قطعتين صغار في اليوم و حصلته في برادات الجزيرة اللي في السهلة لما تروحين ما بتحصلينه مع الشوكولا بتحصلينة في رف بروحة يبيعون فيه منتجات الحمية شوفي أول ماتدخلين مري على الكاشير وطوفي اول صفه من الرفوف من البداية بيكون على يدك اليسار أمشي سيده وشوفي على يسارك بيكون في رفوف جانبية ان شاء الله تحصلينة سعرة تقريباً 700 فلس.

هلا حبيبتي صمت المشاعر لاتزعلين نفسك ولا تحاتين يالغالية ان شاء الله من يوم السبت تبتدين معانا بس حاولي حبيبتي ما تخربطين بعدين يالله شدي حيلك يالغلا وتشجعي وخلي حماسك عال العال يالله ننتظرك يوم السبت لا تزعلين روحك ولا تضايقين خليكي متحمسة وانسي الخربطة اللي صارت.

صباااااااااااااااااااح الخير

وحشتوووووووووووووووووووووووووني كثير ولكم احلى بووسه حبايب قلبي

اقووولكم تعرفووون انا خلال يومين وزنت لقيت نفسي ناقصه وبعد يومين وزنت لقيت وزني زايد اثنين وتذكرت

انه في يوم قلنا ما ينفع نوزن الا نهايه كل اسبووع

على العموم برجع للريجيم بكره دامني الحين تحت 100 وهذا شي مشجع بالنسبه الي وكمان ناس كثيره

لاحظت نقص وزني وفوق هذا بناطيل الجينز\ حقتي والله صارت تطيح على ناويه استمر مثل ما قلت لكم والتوفيق

للجميع


خللاص برجع لليوميات وبرجع لكم كل يووم في اسطر قليله لاني صرت اوله عليكم واشتاق لكم

تسلموون لي كلكم على الكلام الحلووو فانتن حبايب قلبي واخواتي اللي احترمهم واقدرهم

سلامي لكم مع مودتي

واسمحوا لي بقوم انام وارتاح بعد جمعه وسهره الاهل

up


وووووووووووووووووووووووووووين الحلوااااااااااااات
الموضوع انتقل لصفحه الثايه
وحبيت ارفعه


ام عبادي
تسلمين ع التردد
والحين قاعده ادور ع القناه وان شاء الله القاها



شمس
حببتي اوزني نهاية الاسبوع عشان تعرفين جم نزل منج بالضبط
ولا تنسين تبشرينا




كوين
الغاليه تسلمين وان شاء الله لين باجر بروح الجمعيه وبدور ع الشكولاته


صمت المشاعر
عزيزتي انسي اي تخبيص والمهم باللي ياي
وابدي من يوم السبت وكلج اراده قويه


البقيه الباقيه بشرووووووووووووووونا
شو اخباركم ويا الرجيم


على فكره بنات انصحكن تشربون كوب ماي دافي وياه ملقعة خل تفاح وربع او نصف ملعقة الشاي الصغيره زنجيل
بعد وجبة العشا مباشرة لان بطنكم بيكون مليان وخل ما بيضركم ان شاء الله ( احتياط )
انا اسوي هالطريقه من اسبوعين وثلاث مرات في الاسبوع ولاحظت انها تسهل نزول الوزن وحبيت افيد حبيبات قلبي
والله يوفقنا كلنا

أم عبادي
يالشيخه ياليت تتأكدين لي من التردد
لاني دورت وما حصلت القناه

هلا بنوتات شخباركم مع الريجيم باركوا لي:winner_second_h4h_a وزني نقص كيلو وانا مستانسة باطير من الفرحة :happy1: انا صار لي مدة مانزل وزني أمس أكلت قطعتين دارك شوكلاتة واليوم نزل وزني مادري اذا كان هو السبب الله اعلم بس أختي قبل قالت لي ان الكافي ينزل الوزن وكان فادها في المرحلة الأولى بس بعدين ماحصلته الا أمس وعموما الكافي الغامق يحرق الدهون وينزل الوزن وبصراحة انا تقريباً متأكدة ان الكيلو اللي خسرته لأني أكلت الكافي ليش ؟؟؟؟؟؟؟ تدرون لأن صار لي شهر تقريباً وماتغير وزني وايد الا غرامات تنزل وترتفع ان شاء الله يكون هو السبب.

أمولة الدلوعة شخبارك يالغالية أشتري الكافي ترى وان شاء الله يفيدك بس لا تأكلين أكثر من قطعتين في اليوم. وان شاء الله البنات بعد يستفيدون.

أم عبادي انتي مستعدة للرجيم؟ ان شاء الله تكونين مستعدة وأحنا بنشجعك يالغالية لاتحاتين.

فدوو شخبارك مع الرجيم حبيبتي.

الزعفران وينك وحشتينا.

شموووووووووسة الغالية شخبارك ان شاء الله مرتاحة.

بنت الدوحة حبيبتي شلونك مع الرجيم يالغالية الله يوفقك يالحلوة.

نورة شخبارك حبيبتي ان شاء الله تمام.

صمت المشاعر الغالية شخبارك طمنينا عليكي.

ميمو الله يوفقك في الأمتحانات يالغالية.

أم عزيز والبراءة وراعية الفراري وأم صلوحي وسكون الروح وينكم حبايبي أشتقنا لكم طمنونا عليكم.

الله يوفقكم جميعاً يالغاليات ونوصل للوزن المثالي بأذن الله.

بنات اشكركم لانكم سالتوا عني انا الحين 117و400غرام لاني خربط اشوي بس بعدني عزمتي قويه وبكمل وياكم.... ومشكورين على الكافي اكيد الكل استفاد ابي اسالكم الكستر مال الرجيم اوكي وللا وفي اسكريم دايت

أنا بخير يالغلا ياكوين ساره مبروك حبيبتي نزولك وانشالله تنزلين اكثر واكثر حبيبتي الله يوفقك يارب والجميع ..

أخباركم حبيبات قلبي انشالله بخير عيوني ..
أم عبادي القمر أخبارك ..
حبيبه فهد أخبارك ..
نورة عيوني اخبارك ..
أموله أخبارك يالغلا ..
زعفرانه اشتقت لك ..
راعيه الفراري أخبارك ..
أم عزيز أخبارك ..
ميمووو اخبارك ..
بنت الدوحه أخبارك ..
واللي ماذكرت اسمها أخباركم عساكم بخير أنشالله ..
طمنوني عليكم ..


شوفو نظامي يالغلا كل يوم

أفطر الساعه 6.30 الصبح
أتغداا الساعه 1 الظهر ..
أتعشاء 6 المغرب ..
واذا جعت اكل شريحه جبن شيزديل وأغلب الاحيان أكل خيار أو طماطمه

ومن بكرة مراح اخربط ابد لان هذا الشهر راح احدد زواجي واحتاج دعاكم يالحلوات ..

اهلين اشتقت للجميع
خلاصت الاجازه ورجعت للنت
ورجعت لكم وكلي شوق ولهفه للجميع
بس الاجازه بينت علي كم كيلو زياده مافي اقسى منها
بس ما اقول الا الله يعين واقدر انزل الكيلوات الي على قلبي
بس صحيح اني بكره ابدأ الرجيم القديم لاني مشتركه مع مركز للحميه
وعندي اشتراك جديد كنت مأجلته وان شاء الله بكره يكون اول يوم
بس تصدقوا اني ما اترككم وكل يوم ان شاء الله ادخل واشارك واطمئن
عليكم وعلى اوزانكم وان شاء الله يساعدنا ونوصل للوزن المطلوب

سلااااااااااااااااااااااام
شخباركم
اني اليوم جعت حق الرجيم ولله الحمد
وتريقت بيض ويا جبن
بس شربت كوب حليب قليل الدسم:o
لو شربت كوب حليب خالي من الدسم تعتقدون ياثر؟؟

كوين سارة حبيبتي والله انكم مو قصرين وياي في التشجيع
اتصدقون والله امس وقافة صوب المنظرة الي اقول الى زوجي مين هذا واني واقفة مبققة عيوني :eek2:اقول لة هذه اني يقول لي زوجي لا :21_133:
اني مااحس اني ظعفت الا الين لبست شي من فتترة مالبسته وشفت جسمي فيه صاير اضعف
ادعوا لي اني اضعف قبل لا اداوم
لانة في الشغل لبس خاص زي رسمي وابي اكون فيه كيوووت :21_201:

امولة حبيبتي تاكدت من التردد عدل
حاولي مرة ثانية وشوفي
واذا ماصار ودية اي محل مال رسيفرات بيبرمجة لج في دقايق

كوين سارة وصلك رسالة على الخاص؟؟
بسالكم بنات الي الشاي الاخضر الي عندي قريب يخلص وهو من ماركة بيزلين
تنصحون هالمرة آخذ اي نوع احسن
الشاي الصيني هو الاصل صح؟؟
ابي رايكم في هالموضوع بنات

هلا عزيزاتي انا اليوم اول اليوم حقي الرجيم الدشتي بقولكم شو اسويت لما قمت من نومي
قمت س 10 وشربت ماي مااكلت اي شيء لحد س2ونص اكلت 3همبرجر مع جبن قليل دسم والعشاء بيكون نقانق
اذا في اي غلط بليييز خبروني عشان اصحح غلظي

كوين سارة مبرووك عزيزتي
سوري توني باركت لج امساعة كنت داخلة على السريع ولا قراة عدل
مبرووك حبيبتي وبجربة عجل شي عجيب اذا الكافي ينزل الوزن هذا المطلوب خهخخخخ


ام دلع لازم تاكلين شي على الفطور مايصير بس ماي
يعني هو الدكتور يقول لازم على طول جهاز الحرق عدنا يشتغل وهذا مايصير الا اذا اكلنا ولا اتخلين روحج جوعانة اكثر من 5 او 3 سعات مو مذكرة بالضبط ان شاء الله اختي كوني سارة تفيدك
بس اهم شي لازم تاكلين شي على الفطور وغلط انك اضلين الى فترة الغذاء من غير اكل

موفقة حبيبتي وان شاء الله اتواصلين باقي اليوم من غير خرابيط

مساء الخير يابنات وحشتوني فديتكم ....انا امس وزنت وصرت نازله كيلو ياسلام....صار وزني الحين 105 باركولي...والله اني مستانسه واااااااااايد....

ابشركم بعد اليوم انا رحت كارفور وحصلت الكافي...والجلي ...الكريم كراميل...والكستر...كله مال الرجيم...والله يجزيها كل خير ياربي بنت الدوحه فديتج والله...

كوين مبروك يالغاليه عالنزول...ان شاءالله ياربي توصلين للوزن المطلوب يارب....

بنات عندي لكم طريقه نسكافيه عجيبه والله ...

تاخذين 2 م ص قشطه+2م ص نسكافيه+ملعقه كوفي مايت+ظرف سكر+كوب ماي حار...اضربيهم بالخلاط العصير دقايق وشيله وتمتعي بطعم احلى نسكافيه والله انه لذيذ مممممممم...

لاتقولون القشطه ممنوعه الدكتور سامح بملعقتين صغيرة في اليوم...

والله يوفقكم يارب ونوصل كلنا للوزن المطلوب ان شاءالله...