منو تبدي معاي رجيم الدشتي مو اكثر من بنتين ؟

سلاااااااااااام بنات
شكرا كل الي سال عني وبارك حق اختي
الله يبارك فيكم جميعا وعقبال كل البنوتات
واجد تعب التسوق حق اللاغراض
صدق العروس يدور راسها من السوق
صار لي كم يوم اخربط
بس امس كان اليوم كلة الحمد الله ماشي تمام
وحتى اليوم بس يوم كنت في السوق دار راسي وحسيت روحي كلش ماني قادرة
لانة بعد مريضة فيني زكام وبلاعيمي وبعد بتجيني الدورة آلأامها ذبحتيني
من جذي كليت قطعة كافي صغيرة علشان تروحي الدورة عني
ولوزين ماكليتها
لانها ماسوت لي شي
اني لو تنزل علي الدورة جان كل الالم يخف علي

واليوم مادخلت ميمو بنت خالتي
تقول اختها اليوم انه دار راسها في المدرسة من الرجيم وخلاص تركته
ان شاء الله تدخل وتقول لنا شسالفة

تحياتي لكم جميعا

السلام عليكم و رحمة الله و بركااته
وحشتوني بنات كلكم
و أم عبادي يعطيج العافية حبيبتي الله يعينج على التسوووق حق عروووس تعب وايد و انا للحين ما حصلت لي بدلة حق الخطووبة و محتارة وين اروح و عندي امتحانات من أمس الى تاريخ 8/4/2008 و الملجة 9/4/2008 يعني ما عندي الا يومواحد قبل الملجة حق اشتري لي ثياب ..

المهم بنااات مثل ما قالت لكم بنت خالتي أن أنا تركت الريجيم
لان صادني شي مو طبيعي و الله الله لا يراويكم
انا كنت بالمعهد طلعنا بريك حسيت بدورة راس في البداية مشيت و ركبت الأصنصير طلعت منه ما اشوووف شي اشوف ناس بس ملامح حتى لو اطالع في وجههم ما احس عندي تركيز بالمرة و اشوووفهم ضباب و ألوان بس بغيت أطيح رحت قلت بشتري شي آكله عشان يصير تخف الدورة أكلت كاكاو كت كات و نفس الشي ما اجووف و احسسس الناس وايد و اهم شوي و عيوني كلش كلش ما احس فيها تعرفون إحساس الي كان مفتح و مرة وحدة صار أعمى؟؟! ..بسم الله عليكم .. حسيت بخوووف و صديقاتي مسكووني و قالو لي تعالي نركب فوووق وقعدي و قالو لي إكلي و أكلت و نفس الشييي اذا اغمض و افتح بعد فترة يخف بس يرد يرجع يدور راسي و أنا صار لي اسبوعين بالريجيم و توني حاسة بهالشي و في مثل هاليوم الي اهو يوم الأربعاء في الصبح كنت في المدرسة توني كاتبة الكلمة الاوولى في ورقة الإمتحان و صادني جذي بس شوي و راح
و صديقتي بس دزتني على خفيف كلش طحت على ركبتي و تعوورت لان كلش ما عندي طاقة و لا قووة
و عشان جذي قررت إني أترك الريجيم لانه ما ناسبني ..و اتمنى ما يصير لأحد الي صادني لانه شعور مخيف بصراحة و الله يوفقكم جميعاً و ان شاء الله تنزلووون
بس و الله كنت حابة أكمل معاكم لان هني كل وحدة فينا تشجع الثانية
بس بعد أهم شي صحة الإنسااان و الله كريم

خبروووني عن آخر أخبارررررركم !

هلا والله ....... وجزاكن الله خير يالغاليات :888345: وماقصرتن ع الاهتمام والنصايح

بس والله مليت يوم احصل حد يمشي اتشجع وساعات ولاحصل احد كل حد مشغول :mad2:

كسولااااااااااااااااااااااااات :21_211:

لكن حق طلعة مول ولا زيارة احصلي مجموعة معاي وكلهم ضروفهم اتناسب ضروفي :poster_spam:


والله فيني صيييييييييييحة :cry: محد يشجع ....... قليل اهتمامهم في الرياضة والرجيم





وفي منهن بعيد ولا مشتركات في نادي رياضي .. وانا وقتي وضروفي ماتسمح مع النادي

<<<<<<<<<<<<<< قصيت قصة حياتي .. شو اسوي من الضيق

صبحكم الله بالخيير يا عرااايس

كيف حالكم اليوووم عساااكم طيبات ان شاء الله

ميموو وام عبااادي تولهنا عليكم ومافيكم الا العافيه ان شاء الله

ما تشوفون شر وان شاء الله تقومون بالسلاامه .... ميمو حبيبتي ماتوقع انه الدوخة من الريجيم خصوصا انه صار

لك اسبوعين على الريجيم ودوبك حسيتي كذا ... انا ظنتي انه من الجهد اللي تسوينه في الدراسه والمذاكره

مع الريجيم حسيتي بارهاااق.... وان شاء الله اجر وعافيه وحمد الله على السلاامة

ام عباادي الله يعينك على هجوله مقاضي العرس جربتها والله من جد تعب ومافيه راحه ولا نووم ردجه انك تنامي

وتفكرين في ترتيبات العرس والاسوااق تتحلمين فيهم خخخخخخخخخخخخخخخخخ

سكوون الروووح ماعليه تحملي يا عزيزتي انا نفس حالتك ماعندي احد ارووح معه للنادي بس زوجي مو مقصر

الحمد لله .... لا تخلي ابسط الامووور تقف بينك وبين الارااده لانزال الوزن

بنااااااااااااااااااات ابشركم والله اني فرحاانه ... امس كنت ارتب الدولاب وكان لي قميص اشتريته قبل شهر

مع مجموعه من الملابس الثانيه وما جات على مقاسي ورجعتها للمحل ماعدا قميص واحد كان مره عاجبني رغم

انه مو مقاسي وقلت بحتفظ فيه لين انحف.... وبيني وبينكم كان هو الحافز الوحيد لي عشان ... المهم امس

بالليل قست كذا قطعه كانت ضيقه على جسمي وبطني بارز فيها مرره تفاجئت امس اول شي من القمييص

اللي احتفظت فيه وثاني شي من باقي ملابسي وهي صايره وسيعه على ... والله فرحتي فوووق لا تتصور

كمان جلابيات الاستقبال صايره حلوه على .... وهذا شي اعطاني عزيمه اكثر واراده اكثر اني اواصل ولو يكلفني

الوقت سنة من العمر .... خلاص طول عمرنا ناكل اللي نفسنا فيه واللي نشتهيه جا الوقت اللي لازم نعطي فيه

حق لاجسامنا ونهتم فيها بدل التعب والارهاق من اي جهد بسيط ... خصوصا انه الوزن الزايد سبب من اسباب

الف المفاصل وخشونه الركب ... وان شاء الله نرتاح كلنا ونوصل للهدف المطلوب

لكم احلى تحيه وهذي فرحتي حبيت انكم تشاركوني هي وتكون تشجيع لكم عشان تواصلون

**ام عبادي القمر**;5551628:
سلاااااااااااام بنات
شكرا كل الي سال عني وبارك حق اختي
الله يبارك فيكم جميعا وعقبال كل البنوتات
واجد تعب التسوق حق اللاغراض
صدق العروس يدور راسها من السوق
صار لي كم يوم اخربط
بس امس كان اليوم كلة الحمد الله ماشي تمام
وحتى اليوم بس يوم كنت في السوق دار راسي وحسيت روحي كلش ماني قادرة
لانة بعد مريضة فيني زكام وبلاعيمي وبعد بتجيني الدورة آلأامها ذبحتيني
من جذي كليت قطعة كافي صغيرة علشان تروحي الدورة عني
ولوزين ماكليتها
لانها ماسوت لي شي
اني لو تنزل علي الدورة جان كل الالم يخف علي

واليوم مادخلت ميمو بنت خالتي
تقول اختها اليوم انه دار راسها في المدرسة من الرجيم وخلاص تركته
ان شاء الله تدخل وتقول لنا شسالفة

تحياتي لكم جميعا

***********************

الغالية اسمحيلي مبرووووووووك والله يتمم على خير ودوم دياركم عامرة بالافراح

والله يالغالية كنت مشغولة هالكم يوم ادخل اشوف شو الاخبار وماطول لان كمبوتري بطيء معرف

ليش ....... ومتشوفين شر وماعليج الا العافية وعليج بالمساج يريح ويساعد على نزولها

الله يعينج ...... والسموحة منج الغالية

سـلام يا بنااااااااات



شخباركم :)

فديتكم كلكم ساره وشمووسه وأمووول وسكوون وحلمي الهادي
وكلكممممم شدوااا حيلكم وخلوني نتشجع بعد أكثر
ونكيييييد العذااال هههههههههههههه


بناااااات فيني كسل مو طبيعي :(

مو من الأكل بس تعب وارهااااااق :(


اتصدقووون نمت من امس الساعه 12.30 لحد اليوم الساعه 1

بناااااااات جسمي متكسر :(

سبحت وصليت :)



والغدااااااا سمك كلت نص سمكه وشوي سلطه
أمي تقولي اكلي السمك حلووو


بس أحسني مو مشتهيه شي ومتخدره ابي اناااااااام :(



تهقون من شنووو :(

بتوتاااات


شرايكم في الجبنه المالحه ؟

شرايكم في كريمه الخفق ؟

بنااااااااات أحسني فرفوره من كثر ما ااااكل كيري :(

مشكلتي اكلي اللي قبل كله شيبس وكوافي

أحسني مو متعوده ع الأجبان بس عادي ممكن ماااااكل :(

أم عبادي
ما تشوفين شر
ومبروك والله يتمم لكم بالخير


ميموو
خطاك السوء يالغلا
واجر وعافيه
وشكلج تعتبتي من الجهد اللي تبذليه في المذاكره وقلة الاكل
موفقه ياقلبي ولا تنسينا ومري علينا


شمس الاصيل
ما شاء الله تبارك الرحمن
الله يزيد ويبارك
صج فرحتيني يالغلا
وعقبالنا كلنا


سكون الروح
ثابري ولا تيأسي
توج في البدايه ولا تخلين الرياضه حجه لج عشان تملين من الرجيم
جوفي سمش الاصيل النتيجه الحلوهاللي وصلت لها خلال اقل من شهر وتشجعي من نتايج البنات
والله يوفقج


الزعفران
امممممممممم
قلبوه انصحج تشترين الفيتامين مثل ما قال الدكتور دشتي:
من المستحسن تناول الفيتامينات ( Multivitamin ) ، المعادن النادرة ، البوتاسيوم ، وحبوب الكالسيوم والصوديوم. تناول السوائل بكميات كبيرة ( الماء ) .

بثالث يوم من الرجيم حسيت بهالخمول وخذيتلي فيتامين ورجعت عادي
خذيته مره وحده مع هذا الكسل راح مني
ويوم ثاني حسيت بالخموش شوي بس طنشت الفيتامين وباليوم اللي وراه رديت عادي
ومن بعدها ما رجعلي الخمول

انصحج تاخذين فيتامين وان شاء الله الخمول بيروح
بالنسبه للجبنه المالحه .. الدكتور قال جميعالاجبان مسموح فيها
وما اتوقع انها ممنوعه
والكريمه البيضه مسموح بها مثل ما اعرف

وان شاء الله البنات اللي عندهم الكتاب يفيدونج اكثر

طيب بنات انا ابغي اعمله واصير معاكم بس انا ماعندي هذا الرجيم يريد ترسلولي هوا علي الخاص وشكرا

Here is the website of Dr. Dashti you will find everything over there
Check it out

www.drdashti.com/program_stages

أم عبادي حبيبتي شلونك أشتقنا لك يالغالية ما تشوفين شر حبيبتي والله يساعدك مع التسوق وأن شاء الله تفرحين بأختك بالنسبة للزكام حبيبتي حطي بالك من الأدوية لأنها لازم تكون خالية من السكر لأن اللي فيه سكر ممنوووووع أشتري لك دواء خالي من السكر والله يشفيك حبيبتي.

ميمو حبيبتي ماتشوفين شر يالغالية تركي عنك الرجيم ولا تفكرين فيه كملي الإمتحانات وبعدين تفرقي للرجيم في العطلة وشوفي الرجيم اللي يناسبك ولا تنسين تسوين تحليل للدم علشان تطمنين ولا تنسينا حبيبتي مري علينا وقولي لنا عن أخبارك.

سكون الروح شلونك حبيبتي لا تزعلين حبيبتي شوفي عيني حاولي أنك تقنعينهم يمشون معك كل يوم؟ واذا ما قدرتي حاولي انك تشترين جهاز رياضة مثل الدراجة الثابتة ؟ واذا ماتريدين حاولي انك تشترين سيدي رياضة وتسوين الرياضة بالبيت؟ أما أخر أختيار وهو انك تمشين في البيت وتركبين الدرج وتنزلين عدة مرات هههههههههههه وأعتقد ان هذا أصعب شيء،:wink: والله ذكرتيني يوم انا كنت في بداية الرجيم كنت أقول حق اهلي طلعوني ابي امشي بس مافي احد كله قاعدين في البيت كأنهم مسامير ..اشراررررر.. :mad:مايساعدون أحد باررررردين، بااااااااال طلع اللي في قلبي مشكورة سكون كان عندي كبت منهم وطلع(6).تدرين شنو سويت قمت أخذت سيدي ايروبكس من صديقتي وطبقته في البيت وللحين اسوي الرياضة وبصراحة افتكيت منهم لأن أهلي ما فيهم فايدة والله باردين كأنهم ثلج.
بس لا تفقدين الأمل حبيبتي ان شاء الله تنحل مشكلتك ويرضون يمشون معك كل يوم.

شمس الأصيل مبرووووووووك والله فرحتينا وان شاء الله كل البنات يفرحون بالنتائج اللي وصلوا لها. الله يوفقنا جميعاً ونوصل للي نريدة آمين يارب.

زعفرانة الحبوبة أكلي فيتامين مثل ما قالت أختي أمولة الدلوعة لأن بيساعدك كثير والدوخة بتختفي تماماً انا كان يصيدني دوخة ولوعة وعدم التركيز وكله نايمة بس لما اخذت الفيتامين بدأ تدريجياً يختفي والحين الحمدلله صرت أحسن ولا كأني مسوية رجيم وشربي كوفي خالي من الكافيين بعد زين حق التركيز.
حبيبتي كل الأجبان مسموحة وتكون كاملة الدسم بس اخذي اللى في علب مو اللي تأخذينه بالوزن لأن ما تدرين نسبة الملح فيه وغير ماتدرين شنو فيه.
الكريمة الحامضة والكريمة الحمراء كي دي دي مسموحه بس أشك في الكريمة المخفوقة لأن يقولون فيها سكر أو نشأ و نسبة الحليب فيه وايد بس بصراحة مادري بس لا تستخدمينها حتى تتأكدي وما تشوفين شر حبيبتي.

أمولة الدلوعة شلونك مع الرجيم ان شاء الله الرجيم تمام معك (y)

فدوو شلونك مع الرجيم ان شاء الله ماشيه فيه زين.
:D
بنت الدوجة.. نورة.. مونا مور وينكم شلونكم ان شاء الله أخباركم زينة.:wink:

3eo0on سنو أخبارك اليوم مع الرجيم ان شاء الله مرتاحة.:cool:

انا والحمدلله تمام كملت لين الحين شهر واحد وزني الحين 118 يعني 12 كيلو الحمدلله احس بنشاط اكلي قل بوايد
بنات سمعت من اختي ان الخيار والطمام حبه وحده في اليوم وان لزم تكلين اي شي يكون فيه دهن يعني السلطه فيه زيت زيتون والسمج والهمبرقا والدجاج حطو فيه دهن ولا تنشفونه بالفاين الوكلنكس وكلو جلد الدجاج والله اني سمعت الدشتي بنفسه يقول اكلو اشياء فيه دهن اهو يحرق الدهون مش بس سلطه وجبنه وصدقوني اني يوم جربت نزلت لزم اتفطورون وتغدون وتعشون وبين الوجبات جبنه بس لا تكثرون من الخيار والسلطه لانه بس حبه في اليوم اوكييي بنات انا مجربه الموضوع لاتقلون اني مابي اكل بنام خفيف ترى مايفيد لزم تكلون هشكل تنزلون ...كلمت اختي وقلت اتكلم رفيجتها تعطيني رقم الدكتور الدشتي وان شالله انطر الرقم اوكككيي خواتي

بنااات انا الحمدلله خفيت و صرت احسن
و هالأيام عندي امتحانات الى تاريخ 8/4
المهم أنا متابعةمعاكم وما نسيتكم حتى لو تركت الريجيم فأنا حبيت التواصل معاكم و انتو قروووب وايد حلوو والله يوفقكم ان شاء الله

خواتي
لقيت مينيو لرجيم الدشتي في قوقل

الصراحه قريت جم من وصفحه وكلهم يجننون

وحبيت افيد البنات اللي يبون وصفات عساس ما يملون

واهم شيء تركزون ع الممنوعات في المرحله الاولى تفادياً للأخطاء



لكل متتبعات ريجيم لا للكربوهيدرات(دشتي_اتكنز) حتى ما تحتارو كل يوم شو لازم تاكلو
منيو يومي مع عدد الكربوهيدرات بكل وجبة

منيو اول أسبوع



[COLOR="YellowGreen"]منيو اليوم الأول
(19.7 غرام كربوهايدرايت)


1- الافطار 1.2 غرام كربوهايدرايت
بيض مسلوق عدد 2 = 1.2 كربوهايدرايت

2- الغذاء : دجاج بالفرن مع سلطة خس = 16 غرام كربوهايدرايت

أ- دجاج بالفرن 10.6 غرام كربوهايدرايت
2 فخذ دجاج او صدور = صفر كربوهايدرايت
2 ملعقة طعام زيت زيتون = صفر كربوهايدرايت
4 فصوص ثوم مدقوقة خشن = 4 كربوهايدرايت
3 ملعقة طعام خل التفاح = 2.7 كربوهايدرايت
ملعقة طعام مايونيز = 3.5 كربوهايدرايت
ملعقة صغيرة ماستردة = 0.4 كربوهايدرايت
رشة زعتر بدون سمسم = صفر كربوهايدرايت
ملح و فلفل

الطريقة : تخلط كل المكونات ببعضا ما عدا الدجاج حتى تتكون عندك صلصة ينقع بها الدجاج لساعة او حتى لليلة كاملة في الثلاجة ، يوضع الدجاج و الصلصة في صينية و بالفرن حتى النضح و يتحمر الدجاج و يؤكل مع سلطة الخس.

ب) سلطة الخس 5.4 كربوهايدرايت
كوب خس 1.3 كربوهايدرايت
الصلصة:
3 ملعقة طعام خل تفاح 2.7 كربوهايدرات
زيت زيتون صفر كربوهايدرايت
ملعقة صغيرة ماستردة 0.4 كربوهايدرايت
فص ثوم 1 كربوهايدرايت
3- العشاء : 2.5 كاربوهايدرايت
علبة تونا بالزيت = صفر كاربوهايدرات
+ ملعقة طعام عصير ليمون = 1.3 كاربوهايرايت
+ 4 ورقات خس =1.2 كاربوهايدرايت.



منيو اليوم الثاني (20 غرام كربوهايدرايت)

1- الافطار 7.2 غرام كربوهايدرايت100 غرام ديك رومي (3.2 كربوهايدرايت) + حبة خيار( 4 كربوهايدرايت


2- الغذاء سمك مقلي + سلطة الجرجير =8.5 غرام كربوهايدرايت

أ) سمك مقلي بزيت الزيتون = 0 كربوهيدرايت
ب )سلطة الجرجير 8.5 كربوهايدرايت
2 كوب جرجير 0.8 كربوهايدرايت
نصف كوب بصل أخضر مفروم 3.6 كربوهايدرايت
زيت زيتون صفر كربوهايدرايت
عصير ليمونة 4.1 كربوهايدرايت
ملح + سماق


3- العشاء : نقانق مقلية + نصف حبة طماطم 4.3 كاربوهايدرايت
نقانق مقلية = صفر كربوهايدرايت
+ ملعقة طعام عصير ليمون = 1.3 كاربوهايرايت
نصف حبة طماطم = 3 كربوهايدرايت




منيو اليوم الثالث (17.8 غرام كربوهايدرايت)



1- الافطار 1.2 غرام كربوهايدرايت
بيض مسلوق عدد 2 = 1.2 كربوهايدرايت)

2- الغذاء : بيف ستروغونوف 12.9 غرام كربوهايدرايت
بيف ستروغونوف = 12.9 غرام كربوهيدرايت
شرحات لحم بقر او عجل = صفر كربوهايدرايت
زبدة = صفر كربوهايدرايت
نصف كوب فليفلة حلوة مقطع شرائح بالطول = 4.8 كربوهايدرايت
نصف بصلة مقطعة جوانح = 4.8 كربوهايدرايت
كريمة سائلة (كوب حجم علبة الروب) = 3.3 كربوهايدرايت
ملح و فلفل

الطريقة : تذاب الزبدة على النار يضاف اليها شرائح لحم البقل او العجل (بالطول) و بعد التشويح توضع على نار هادئة حتى النضج بعدها نضيف الملح و البهلر و البصل و الفلفل الأخضر نقلب قليلا ثم نضيف الكريمة قبل ان نطفيء النار بدقائق قليلة


3- العشاء : 3.7 كاربوهايدرايت

علبة تونا بالزيت = صفر كاربوهايدرات
+ ملعقة طعام عصير ليمون = 1.3 كاربوهايرايت
+ 8 ورقات خس =2.4 كاربوهايدرايت


منيو اليوم الرابع (19.84 غرام كربوهايدرايت)

1- الافطار 1.2 غرام كربوهايدرايت
بيض مسلوق عدد 2 = 1.2 كربوهايدرايت)

2- الغذاء : ستيك مقلي مع فطر = 5.1 غرام كربوهايدرايت
شرحات لحم بقر او عجل = صفر كربوهايدرايت
زبدة = صفر كربوهايدرايت
100 غرام فطر معلب = 5.1 كربوهايدرايت

3- العشاء سلطة يونانية = 13.54 غرام كربوهايدرايت :
1 كوب خس = 1.3 كربوهايدرايت
ربع كوب طماطم مقطعة = 1.75 كربوهايدرايت
حبة خيار = 4 كربوهايدرايت
خمس حبات زيتون أسود = 1.4 كربوهايدرايت
5 ورقات نعنع أخضر = 0.1 كربوهايدرايت
زيت زيتون = صفر كربوهايدرايت
ربع كوب خل التفاح = 3.55 كربوهايدرات
50 جرام جبنة فيتا = 1.44 كربوهايدرايت



منيو اليوم الخامس (19.94 غرام كربوهايدرايت)


1- الافطار 5.2 غرام كربوهايدرايت
8 حبات زيتون أخضر = 4 كربوهايدرات
3 ملاعق طعام جبنة فيتا = 1.2 كربوهايدرايت

2- الغذاء : دجاج بالكريمة و الفطر = 12.24 غرام كربوهايدرايت2-3 صدر دجاج = صفر كربوهايدرايت
زبدة = صفر كربوهايدرايت
نصف بصلة مفرمة =4.8 كربوهايدرايت
كوب فطر طازج = 2.8 كربوهايدرايت
كريمة سائلة (كوب حجم علبة الروب) = 3.3 كربوهايدرايت
ملعقة صغيرة اوريغانو = 1.34 كربوهايدرايت
ملح و فلفل

- العشاء : 2.5 كاربوهايدرايت
نقانق مقلية = صفر كربوهايدرايت
+ ملعقة طعام عصير ليمون = 1.3 كاربوهايرايت
+ 4 ورقات خس =1.2 كاربوهايدرايت




منيو اليوم السادس (20 غرام كربوهايدرايت)

1- الافطار 3.2 غرام كربوهايدرايت
100 غرام ديك رومي مدخن (3.2 كربوهايدرايت) مقلية بالزبدة


2- الغذاء : مشاوي مشكلة + ملفوف بالثوم و المايونيز = 5.6 كربوهايدرايت

أ- مشاوي لحم و دجاج مشكلة بدون شيش طاووق = صفر كربوهايدرايت

ب – سلطة الملفوف بالثوم و المايونيز 5.6 كربوهايدرايت
نصف كوب ملفوف مقطع 2.9 كربوهايدرايت
ملعقة طعام مايونيز 1.7 كربوهايدرايت
فص ثوم 1 كربوهايدرايت
ملح و فلفل

3) العشاء : أومليت البيض 11.2 غرام كربوهايدرايت
أومليت البيض 11.2 كربوهايدرايت
4 بيضات = 2.4 كربوهايدرايت
زبدة = صفر كربوهايدرايت
بصلة متوسطة = 8 كربوهايدرايت
أربع ملاعق طعام بقدونس مفروم = 0.8 كربوهايدرايت
ملح و فلفل

طريقة التحضير : نفرم البصل و البقدونس ناعما و بالأصابع نفرك الملح و الفلفل فيهم نضيف البيض و نخفق بالشوكة. نسخن مقلاة عريضة (أفضل من النوع الغير لاصق) نضيف الزبدة و نضيف المزيج حتى يصبح عندنا شكل فطيرة مستديرة نترك على النار حتى الوجه الأسفال يصبح ذهبي اللون ثم نقلب الأومليت على الوجه الثاني حتى يصبح ذهبيا أيضا.




منيو اليوم السابع (17.6 غرام كربوهايدرايت)


1- الافطار 1.2 غرام كربوهايدرايت
بيض مسلوق عدد 2 = 1.2 كربوهايدرايت)


2- الغذاء : نصف كمية يخنة السبانخ المشروحة أدناه = 11.9 غرام كربوهايدرايت

3- العشاء سمك مقلي او لحمة او دجاج مقلي + سلطة سيزار = 4.5 غرام كربوهايدرايت

أ) سمك مقلي بزيت الزيتون او ستيك او دجاج مقلي = 0 كربوهيدرايت

ب) سلطة سيزار 4.5 كربوهايدرايت
1 كوب خس :مقطع 1.3 كربوهايدرايت
يخلط مع الصلصة :
- نصف علبة أنشوفيز anchovies حجم صغير (للأخوات اللاتي لا يعرفن ما هو الأنشوفيز هو نوع من السمك المالح جدا تجدنوه في السوبرماركت في علب معدنية في نفس قسم معلبات التونة و السردين) = صفر كربوهايدرايت
- فص ثوم 1 كربوهايدرايت
1 صفار بيضة 0.3 كربوهايدرايت
2 ملعقة صغيرة خل تفاح 1 كربوهايدرايت

1 ملعقة صغيرة ديجون ماسترد Dijon .0.6 كربوهايدرايت
- رشة أوريغانو صفر كربوهايدرايت
كل مقادير الصلصة أعلاه توضع في الخلاط و تخفق
ثم نضيف بعد الخفق ربع فنجان زيت زيتون + ربع فنجان زيت مازولا = صفر كربوهايدرايت

نضع الصلصة فوق الخس و نرشها بملعقة طعام جبن بارميزان طازج مبشور = 0.3 كربوهايدرايت


* مكونات و طريقة يخنة السبانخ ( كمية كاملة تقسم على وجبتين)
يخنة السبانخ 23.8 كربوهايدرايت
220 غرام سبانخ مثلجة =11.4 كربوهايدرايت
لحم مفروم = صفر كربوهايدرايت
زبدة او سمن = صفر كربوهايدرايت
بصلة = 8 كربوهايدرايت
4 فصوص ثوم مدقوقة = 4 كربوهايدرايت
كوب كزبراء خضراء مفرمة = 0.4 كربوهايدرايت
ملح و فلفل

الطريقة : نقلي البصل حتى يذبل ثم نضيف اللحمة المفرومة ثم السابنخ و ثم كزبرة خضراء وملح - ماء غمره او اقل شوية اتركيه يغلي ثم خففي النار حتى النضج.





منيو ثاني أسبوع من المرحلة الأولى لنظام الدشتي (أتكينز )




منيو اليوم الأول (20.2 غرام كربوهايدرايت)

1- الافطار 1.2 غرام كربوهايدرايت2 بيضة مسلوقة

2- الغذاء : صينية خضار محشية = 19 غرام كربوهايدرايت
الحشوة
100 غرام لحم مفروم = صفر كربوهايدرايت
زبدة = صفر كربوهايدرايت
بصلة = 7.5 كربوهايدرات


الخضار
حبة كوسى = 3.3 كربوهايدرات
قلب أرض شوكة مجمدة = 3 كربوهايدرايت
نصف باذنجانة مقصوصة بالعرض و مفرغة = 2 كربوهايدرايت

برش حبة طماطم = 3.2 كربوهايدرات
مرق لحم او ماء = صفر
زيت للقلي
ملح و فلفل

الطريقة :

حشو اللحم :
نقطع البصل صغيرا
نحمي ملعقة زبدة على النار نضيف البصل و نحرك حتى يذبل البصل و يصفر لونه قليلا.
نضيف اللحم المفروم و الملح و البهارات
و نطهي المكونات على نار هادئة حوالى 10 دقائق

تحضير الخضار :
الكوسا : نشذب سطح الكوسى قليلا بالسكين (نبرش السطح)، ثم نستعمل المنقرة لتفريغ الداخل من اللب
الباذنجان : تقص بالعرض الى قطعتين سميكتين تحفر بالسكين حتى تصبح كل قطعة كالقارب (الكمية المسموحة قطعة واحدة)
حبة قلب أرض شوكة مجمدة .


ملاحظة مهمة لا نرمي أي من اللب المستخرج من الخضار أعلاه بل نتركه جانبا للاستعمال لاحقا.
نقلي كل كمية الخضار المحضرة كما ذكر اعلاه مع زيت القلي ثم نضعها جانبا استعدادا للحشو.
بعد الانتهاء من قلي الخضار نقلى اللب الذي استخرجناه ، نصفيه و نضيفه في قعر الصينية التي سوف نرص عليها الخضار بعد حشيها.

نحشو كل الخضار بحشوة اللحم

ترص كل الخضار في صينية الفرن بطريقة مرتبة.

ثم نخلط قليلا من الماء او مرق لحم ( ما يكفي لمجرد غمر الخضار) مع برش حبة طماطم و نضيف المزيج تدريجيا الى الصينية كي لا نفسد شكلها.

نضع الصينية في فرن حامي. بعد الغليان و حين نلاحظ بان الخضار بدأت تنضج نغطي الصينية في ورق القصدير حتى لا يسود سطحها أو يجف سائلها كثيرا. (مدة الطهي لا تزيد عن ساعة)

3- العشاء : صفر كاربوهايدرايت
نقانق مقلية = صفر كربوهايدرايت




منيو اليوم الثاني (19.1 غرام كربوهايدرايت)


1- الافطار 5.6 غرام كربوهايدرايت
50 غرام ديك رومي مدخن (1.6 كربوهايدرايت) + حبة خيار( 4 كربوهايدرايت


2- الغذاء سمك مقلي + مقالي =11غرام كربوهايدرايت

أ) سمك مقلي بزيت الزيتون = 0 كربوهيدرايت

ب )مقالي مشكلة 11 غرام كربوهايدرايت
6 قطع قرنبيط 4.4 كربوهايدرايت
نصف كوب مكعبات باذنجان 3.3 كربوهايدرايت
حبة كوسا مقطعة شراتح 3.3 كربوهايدرات
زيت للقلي صفر كربوهايدرايت


3- العشاء : نقانق مقلية + خس 2.5 كاربوهايدرايت
نقانق مقلية = صفر كربوهايدرايت
+ ملعقة طعام عصير ليمون = 1.3 كاربوهايرايت
أريع ورقات خس = =1.2 كاربوهايدرايت




منيو اليوم الثالث (19.6 غرام كربوهايدرايت)


1- الافطار 3.7 غرام كربوهايدرايت
بيض مقلي اومليت عدد 2 = 1.2 كربوهايدرايت
مع زبدة = صفر كربوهايدرايت
ربع كوب فطر طازج (يقطع شرائح) = 0.7 كربوهايدرايت
حبة بصل أخضر مقطعة شراتح = 1.8 كربوهايدرايت

2- الغذاء : ملوخية ربع طبخة كاملة من الملوخية الناعمة 13.3 غرام كربوهايدرايت

المقادير الكاملة لوصفة الملوخية (تكفي 4 الى 5 أشخاص) = 53.2 للطبخة الكاملة تذكري انه مسبوح لك بربع الكمية فقط
نصف كيلو لحمة موزات او شقف او دجاجة = صفر كربوهايدرايت
سمن = صفر كربوهايدرايت
2 كوب ماء لسق اللحمة = صفر كربوهايدرايت
باكيت ملوخية ناعمة مجمدة = 5 كربوهايدرايت
4 بصلات (انظري الطريقة و مراحل استخدام البصل ) = 30 كربوهايدرايت
10 حبات ثوم (انظري الطريقة و مراحل استخدام الثوم) = 10 كربوهايدرات
ضمة كزبرا خضراء = 0.4 كربوهايدرايت
ملعقة كبيرة كزبرة ناشفة = 3.3 كربوهايدرايت
نصف كوب عصير طماطم طازج = 5.1 كربوهايدرات
ملح و فلفل

الطريقة
اسلقي اللحمة ( موزات حوالي نصف كيلو) أو دجاجة مع بصلة حجم البرتقالة وحبة مسك صغيرة والماء قليل في الطنجرة - وطبعا عند أول غلية تزيلي الزفر عن السطح باستعمال ملعقة ثم تكملي الغلي حتي تنضج اللحمة . بالنسبة لي أنا أستعمل طنجرة ضغط.
(نصيحة : بوجه عام عند سلق اللحمة أنصحك أن لا تضيفي الملح في باديء الأمر لأنه يؤخر استواء اللحم)

- في هذه الأثناء تكوني قد شويت بصلتين متوسطة الحجم بقشرهم بالفرن ، و بعد أن تحسي أن البصل أصبح طريا من الداخل ، تقشريه و تدقيه مع 5 حصوص ثوم + 1 ملعقة كبيرة كزبرة يابسة و تتركيه جانبا (البصل المشوي يعطي رائحة رائعة للملوخية)

- عند نضج اللحم أو لدجاج (أزيل العظم و الجلد ) أضيف باكيت و احدة من الملوخية المجلدة+ مع قليل من البهار و القرفة و الملح + البصل المشوي المدقوق مع الثوم و الكزبرة اليابسة.
-
أضيفي نصف كوب من عصير الطماطم الطازج الى المرق - اتركي الطنجرة بلا غطاء حتى لا تسود لمدة عشر دقائق مع الغليان على نار هادئة

- اقلي بالسمن 5 حصوص ثوم مهروسة + عدد 1 بصلة مفرومة ناعما جدا حتى يدبلوا و بعدها أضيفة ضمة كزبرة خضراء مفرومة ناعما و حركي حتى تذبل أيضا.

- أضيفي تقلاية البصل و الثوم و الكزبرة الخضراء الى طنجرة الملوخية و دعيها على النار كمان 10 دقائق أخرى واطفيء النار و صحتين

3- العشاء 2.6غرام كربوهايدرايت
10 حبات زيتون أسود = 1.4 كربوهايدرات
3 ملاعق طعام جبنة فيتا = 1.2 كربوهايدرايت




منيو اليوم الرابع (19 غرام كربوهايدرايت)


1- الأفطار 2.6غرام كربوهايدرايت
10 حبات زيتون أسود = 1.4 كربوهايدرات
3 ملاعق طعام جبنة فيتا = 1.2 كربوهايدرايت)

2- الغذاء : كفتة المقلية او المشوية مع سلطة الملفوف بالمايونيز = 12.3 غرام كربوهايدرايت

أ- مكونات لحمة الكفتة = 500 غرام لحم مفروم + قليل من الدهن بصلة صغيرة + نصف ضمة بقدونس مفرومة ناعما + ملح و بهار = 7.7 كربوهايدرايت.

تعمل على شكل أصابع او دوائر مسطحة و تقلى بالزيت او الزبدة او تشوى

ب – سلطة الملفوف بالمايونيز 4.6 كربوهايدرايت
نصف كوب ملفوف مقطع 2.9 كربوهايدرايت
ملعقة طعام مايونيز 1.7 كربوهايدرايت
ملح و فلفل

3- العشاء : 4.1 كاربوهايدرايت

50 غرام ديك رومي مدخن (1.6 كربوهايدرايت) مقلية بالزبدة (صفر كاربوهايدرات ) + يعصر عليها ملعقة طعام ليمون ( 1.3 كربوهايدرايت ) + تؤكل مع أربع ورقات خس (1.2 كاربوهايدرايت)




منيو اليوم الخامس (19.7 غرام كربوهايدرايت)


1- الافطار 1.2 غرام كربوهايدرايت
بيض مسلوق عدد 2 = 1.2 كربوهايدرايت

2- الغذاء : دجاج بالفرن مع سلطة خس = 16 غرام كربوهايدرايت

أ- دجاج بالفرن 10.6 غرام كربوهايدرايت
2 فخذ دجاج او صدور = صفر كربوهايدرايت
2 ملعقة طعام زيت زيتون = صفر كربوهايدرايت
4 فصوص ثوم مدقوقة خشن = 4 كربوهايدرايت
3 ملعقة طعام خل التفاح = 2.7 كربوهايدرايت
ملعقة طعام مايونيز = 3.5 كربوهايدرايت
ملعقة صغيرة ماستردة = 0.4 كربوهايدرايت
رشة زعتر بدون سمسم = صفر كربوهايدرايت
ملح و فلفل

الطريقة : تخلط كل المكونات ببعضا ما عدا الدجاج حتى تتكون عندك صلصة ينقع بها الدجاج لساعة او حتى لليلة كاملة في الثلاجة
، يوضع الدجاج و الصلصة في صينية و بالفرن حتى النضح و يتحمر الدجاج و يؤكل مع سلطة الخس.

ب) سلطة الخس 5.4 كربوهايدرايت
كوب خس 1.3 كربوهايدرايت
الصلصة:
3 ملعقة طعام خل تفاح 2.7 كربوهايدرات
زيت زيتون صفر كربوهايدرايت
ملعقة صغيرة ماستردة 0.4 كربوهايدرايت
فص ثوم 1 كربوهايدرايت


3- العشاء : 2.5 كاربوهايدرايت
علبة تونا بالزيت = صفر كاربوهايدرات
+ ملعقة طعام عصير ليمون = 1.3 كاربوهايرايت
+ 4 ورقات خس =1.2 كاربوهايدرايت.




منيو اليوم السادس (18.9 غرام كربوهايدرايت)



1- الافطار 1.6 غرام كربوهايدرايت
50 غرام ديك رومي مدخن (1.6 كربوهايدرايت) مقلية بالزبدة


2- الغذاء : سمكة حرة بالسردين المعلب = 17.3 كربوهايدرايت
طبق طعمه رائع
علبة سردين محفوظ بالزيت (مع شطة او بدون) = صفر كربوهايدرايت
ربع كوب زيت زيتون = صفر كربوهايدرايت
4 فصوص ثوم كاملة = 4 كربوهايدرايت
بصلة صغيرة مفرومة 5 كربوهايدرايت
2 ضمة كزبراء خضراء مفرومة = 0.8 كربوهايدرايت
ملعقة صغيرة كزبراء جافة مطحونة = 1.5 كربوهايدرايت
ملعقة صغيرة كمون ناعم = 0.8 كربوهايدرايت
عصير ليمونة واحدة = 5.2 كربوهايدرايت
ملعقة صغيرة ملح و رشة فلفل و قليل من بهارات الشطة في حال الرغبة.

الطريقة :
في مقلاة واسعة نحمي زيت الزيتون و نضيف فصوص الثوم حتى تصبح ذهبية اللون ثم نضيف البصل حتى يذبل ثم الكزبراء الخضراء و الكزبرة الناشفة و الكمون و الملح و البهارات و نقلب المزيج على نار هادئة حتى تذبل الكزبراء الخضراء نضيف عصير الليمون و قطع السردين و نقلب لـ 2 دقيقة و نطفيء النار

ملاحظة ممكن استبدال السردين بقطع فيليه سمك مقلية سابقا.

يؤكل هذا الطبق عادة باردا.


3) العشاء : بواقي كمية الغذاء + قطع لحم مشوية او مقلية = صفر كربوهايدرايت



منيو اليوم السابع (19.84 غرام كربوهايدرايت)


1- الافطار 1.2 غرام كربوهايدرايت
بيض مسلوق عدد 2 = 1.2 كربوهايدرايت)

2- الغذاء : ستيك مقلي مع فطر = 5.1 غرام كربوهايدرايت
شرحات لحم بقر او عجل = صفر كربوهايدرايت
زبدة = صفر كربوهايدرايت
100 غرام فطر معلب = 5.1 كربوهايدرايت



3- العشاء سلطة يونانية = 13.54 غرام كربوهايدرايت :
1 كوب خس = 1.3 كربوهايدرايت
ربع كوب طماطم مقطعة = 1.75 كربوهايدرايت
حبة خيار = 4 كربوهايدرايت
خمس حبات زيتون أسود = 1.4 كربوهايدرايت
5 ورقات نعنع أخضر = 0.1 كربوهايدرايت
زيت زيتون = صفر كربوهايدرايت
ربع كوب خل التفاح = 3.55 كربوهايدرات
50 جرام جبنة فيتا = 1.44 كربوهايدرايت



ان شاء الله تستفيدوا من الموضوع
منقول للامانة بس حبيت افيدكم
ادعولي بالنجاح[/COLOR]

بنت الدوحة حبيبتي مبرووووووك على النزول ما شاء الله ما شاء الله ان شاء الله توصلين للوزن المثالي ومشكووورة وايد على النصيحة حبيبتي بجرب انا بعد يمكن ينزل وزني أكثر ،والله انك فدتينا بهذي النصيحة.الله يعطيك العافية حبيبتي.

ميمو الحمد لله على السلامه حبيبتي يالله شدي حيلك في الأمتحانات ان شاء الله الله يوفقك وتكون الأسئلة سهله وتنجحين فيهم يارب.

أمولة الحلوة حبيبتي مشكووووووووووورة على المينيو ومشكووووووورة على تعبك معانا حبيبتي المينيو وايد وايد حلو حبيبتي تسلم ايدك يالغالية على هذا التعب.

هلا بالعرااايس

كيف حاالكم الييوم

وش فيه الموضوع صاير به كسل والبنات مقصرين بيومياتتهم عسى المانع خير بس لا يكوون قلت ارادتكم


احب اباارك لاختي بنت الدوحة بشده واقولها عقبال ما تصولين ل90 انا الاسبوع الجاي بكمل شهر

وشكراا على المعلمات المهمه تسلمين

ميمووو ان شاء الله صحتك حسن من الاول وموفقه في اختباراتك

كوين ساارة شلوونك يا قمر دووم محليه الصفحات ومنورتها بيومياتك الله يقوييك ويفرح قلبك بالوزن الحلوو

اموره الدلوووعه سبقتيني بالمنيوو كنت بنزله خلال هاليومين بس كله واااحد اهم شي الجميع يستفيد

ابي اسوي رجيم بس ابي تشجيع
احس اني صايره اكل الخضر واليابس استغفرالله بدون احساس ..

:(
النجده

بنات شخباركم اليوووم :)



بنات مالي نفس على شي :(


شربت زنجبيل وكلت ملعقتين سلطه مع تونه

بنات مالي نفس ااااكل يعني عادي ما يضر :(


واليوم بروح أشتري الفيتامينات من الصيدليه :(



بناااااااات متضايقه من أمور حبتين وهي اللي ساده نفسي زيـاده
والله يا بتوتات مو مشتهيه شي كلش :(



ورده ابدي بالرجيم وربي روعـه ارجعي للبدايات وتعالي قولي لنا يومياتك وحنا بنشجعك :)


والله لولا الله وتشجيع البنات ما بديت الرجيم :)

فديت ساره وأموله الدلوعه وقطريه وشمووسه والبتوتات كلهم شجعوووني :)


أم عبادي نورتينا وعقبال ماتطل علينا حلومه وحشتناااا (f)

باركوا لي يابنات باركو ا لي اجتزت اليوم الاول بنجاح
السلام عليكم جميعا انا وزني 75 وماراح اوزن الا بعد شهر من تاريخه
وبنصيحة اخواتي الزعفران واموله الدلوعه ابتديت معاكم الرجيم هذا
وتحملوني على بعض الاسئلة يمكن راح تكون بايخه
بس عندي ارادة قويه اكمل وياكم
خايفه تجي خطوبتي وانا مابعد انحف ادعولي يابنات والله يوفقكم جميعاً يااااااااااااااااااارب
تحياتي لجميع قروب دشتي

وردة قطر حبيبتي أهلاً بك:Y_hi_3: يالله أبتدي الرجيم معانا وشاركينا وان شاء الله الكل بيشجعونك ويساعدونك واذا عندك أسئلة البنات ما يقصرون صار عندهم خبرة مع الرجيم ههههههههه ما شاء الله عليهم الله يخليهم لنا يارب وانت يالله بدي الرجيم حطي في بالك انك تبين اتصيرين رشيقة :up:وجربي يوم وشوفي أول يوم شنو رايك فيه في البداية بتحسين لأشتياق للأكل العادي:21_93: بس أنت قاومي قولي ابي أصير رشيقة وحلوة وبعد ما أخلص الرجيم بأكل اللي خاطري فيه، ترى الرجيم وايد حلو وايد زين في البداية يمكن تحسين صعب بس بعدين يصير عادي كلش وبتعودين عليه ولما تشوفين الوزن اللي قاعدة تفقدينة بيصير عندك أصرار على المتابعة وبصراحة الرجيم ما في تجويع تقدرين تأكلين لين تشبعين وبتشوفين ان وزنك ينزل من أول أسبوع وخلال شهر بتفقدين وزن كثير بس لازم تتبعين الرجيم حرفياً يعني مافي خرابيط حتى ولو شوي:no: واذا بديتي الرجيم خبرينا علشان نساعدك واذا عندك أي أستفسار أحنا حاضرين:21_112: