منو تبدي معاي رجيم الدشتي مو اكثر من بنتين ؟

أم عبادي حبيبتي ..الماما اليوم زفتني و قالت لي انتي للحين صغيرة على هالريجيمو سمعت عنه لكثير من المضار خصوصاً إنه بدايته مافيها فواكه و الفواكه مفيدة تقول الكليتين تخترب جذي و تقول لي غيري الريجيم انتي ما تحتاجين وايد بس إكلي كل شي بتخفيف و قالت راح تجيب لي ريجيم غير.. بس أنا مو مقتنعة شرايج انتي ؟ و شرايكم يا بنااات؟؟؟ >>> قلت مسبقاً عمري 16 و أنا في الثانوية .. و تقول كل الي يسوونه معاج أكبر من سنج يعني يتحملون و انتي تحتاجين تاكلين كل شي .. شنو تنصحووني ؟؟ و أنا ودي أكمل و صار لي بالرجيم 4 ايام و ما حسيت بالجوووع و ماشية على الريجيم في كل شي ..
أم عبادي أتمنى لما تشوفين الماما تكلمينها عن الريجيم و أنه مو صح أنه مضر !!؟ لانها مو مقتنعة بكلامي
و اتمنى كلكم ترودون علي و تنصحووني

تحياتي
memo0

الله يعطيك العافية أم عبادي بطلب لك ليل نهار أن شاء الله تضعفين وأحنا وياك الله لا يحرمني منكم ومن مساعدتكم بصراحة في شيء بقوله وهو يوم كان وزني ثابت كنت أشرب دايت فيمتو وشكيت فيه وهديته يمكن المشكله منه وانا أكل جبن كيري مادري يأثر ولا لا؟ والعب رياضة نصف ساعة كل يوم وأكل فيتامينات وما أشرب أدوية الحمد لله يعني كل شيء تمام بس اذا أحد سامع شيء عن جبنة كيري خبروني مشكوره أم عبادي على المساعدة والله ريحتيني وأخيراً مشكورين بنات كلكم على الردود الحلوه.

اليوم شربت شاي بالحليب


لااااااااااااااااااااا

شكلي خبقتها !!!

بنااااااااااااااات أبي اي نوع من العصائر أقدر أسويه لي في البيت او اشتريه يناسب المرحلة الأولى بصراحة احتار شنو أشرب غير الماااي في المرحلة الأولى أرجوكم ساعدوووني
و حبيت اسأل بعد شي يخص العصائر ( هل من المسمووح شرب عصائر طبعية أو نكتار بدون سكر ) !! ؟؟

بنات حبيت أقول لك أن قوة العزيمة إهي أساس النجاح و الوصول للهدف.. فأتمنى ان كلكم تكون عزيمتكم قويةو ما تضعفوون أبداً للوصول للهدف

" قوة العزيمة " هي الصفة المميزة للرجال والنساء ذوي الأداء العالي ..

من منّا لا تعترض حياته الأزمات و الالآم و الأتعاب ؟؟

كلنا نسقط بين الحين والآخر .. ولكن قليل منّا الذين يضحكون في وجه الصعاب ثم يقفون بقوة عزيمتهم وينظرون إلى مواضع ضعفهم وخطأهم فيمحونه من ملفات حياتهم ويمضون بثبات أشد وقوة أصلب لصنع مستقبل أفضل .

إنهم أصحاب الهمم والعزائم .. إنهم من تعلموا في مدرسة الإيمان ، فعرفوا طريقهم ورسموا هدفهم ، فحق لهم أن يصلوا للمعالي ويكونوا صناعاً للحياة .

مرحبا بنات شخباركم...شخباركم ويا الرجيم...ام عبادي مشكورة يالغاليه عالمعلومات المفيدة..والله يجزيج كل خير ياربي ويوفقج دنيا واخرة يارب...ويوفق الجميع ان شاء الله..اختي قطريه شخبارج اليوم ان شاء الله اشوة يالغاليه...

ام عبادي ما قصرتي جزاك الله الف خير

قطرية صايرة تخربطين حاسبي

مسرة اليوم مو مبينة ليش؟؟؟؟؟

السلام عليكم

شو الاخبار ان شاء الله مخبصتوا :21_21: ....... الغالية قطرية عادي حبيبتي لاتلومين نفسج حاولي

اطولين وقت المشي ........ وماظن بيغير في الوزن ...وعن خاطرج شو يعني :poster_dev:

الله يقوي عزيمتج حبوبة

........ حبوبة memo0 ..... العصائر ممنوعة بجميع انواعها حتي لو بدون سكر

ممنوووووووووووع الغالية ....:21_178:

شسوي من يجون ناس اتخربط حسبي الله ونعم الوكيل

يصبون لي والمشكله ما ابي اقول لحد اني اسوي رجيم

صبولي اول مره وقالولي شفيك الشاي برد !!!!!

وعقب صبولي جديد بس ماشربته كله

شربت جقمتين وقلت فيني بلاعيم والشاي الحليب يزيدهم

خرط تعش تنتعش

هلا وغلا يا بناااااااااااااات

ام عباادي دووم كريمه ما تقصرين عندي لك سؤالين

1 هل كتاب حسين دشتي لون بالاخضرر لانه لقيت مكتوب فيه الجزء الاول

2 انا ماخبص بالريجيم نهائي وخايفه انه وزني يثبت فهل يوم يثبت الوزن لازم نريح يوم واحد وننوع فيه اكلناا



ميموو يمكن الوالده معاها حق خليها تسوي لك تحاليل عشان تتاكد انه اليجيم يناسب عمرك ولا تزعلين منها

لانها حريصه وتخاف عليك

قطريه خبصتي يااا قلبي حاولي تتجنبين العزايم على ما تقدري

ابرار شلوونك باي مرحله وصلتي والله مسره ما شفتها اليووم عساها طيبه

صباح الخير بنات

:21_181: انا امس كملت اسبوع ونزلت 2 ونص بس انا في وايد اشياء خربطت فيها يعني كنت اكل جبن طازج مره شربت حليب كرك بس شوووووووي وطبعا لاحظت ان وزني ما نقص غير هالكيلوين

طبعا امس فليل اضطريت اخربط ريجيمي لان كنت معزومه عند ناس وحده منهم حلفت الا ولكن اكل اللي هي مسويته فكلت لكن شوي لكن الاحساس بتأنيب الظمير خلاني اروح البيت واسوي لي صحن كيك مع ايسكريم على شان تعرفون ضميري شلون
طبعا اليوم الصبح قمت وانا على استعداد اني ارجع للريجيم لكن قمت متأخر فما كان في وقت اتريق ومن الصدف بعد لقيت الخدامه ما سوت لي الاكل اللي حق الدوام فشصاااااااااااااااااااااار خربطت مره ثانيه :Zb_sor1:

لكن انشاء الله من بكره برجع للريجيم مع رياضه وبحاول الاغلاط اللي سويتها اتحاشاها

(6)

Bint -qatar 2008;5461447:
صباح الخير بنات

:21_181: انا امس كملت اسبوع ونزلت 2 ونص بس انا في وايد اشياء خربطت فيها يعني كنت اكل جبن طازج مره شربت حليب كرك بس شوووووووي وطبعا لاحظت ان وزني ما نقص غير هالكيلوين

طبعا امس فليل اضطريت اخربط ريجيمي لان كنت معزومه عند ناس وحده منهم حلفت الا ولكن اكل اللي هي مسويته فكلت لكن شوي لكن الاحساس بتأنيب الظمير خلاني اروح البيت واسوي لي صحن كيك مع ايسكريم على شان تعرفون ضميري شلون
طبعا اليوم الصبح قمت وانا على استعداد اني ارجع للريجيم لكن قمت متأخر فما كان في وقت اتريق ومن الصدف بعد لقيت الخدامه ما سوت لي الاكل اللي حق الدوام فشصاااااااااااااااااااااار خربطت مره ثانيه :Zb_sor1:

لكن انشاء الله من بكره برجع للريجيم مع رياضه وبحاول الاغلاط اللي سويتها اتحاشاها

:confused: قريت كلامك و عورني قلبي .. حتى سلوبك أو الاعذار الي تخليك
تخربطين عليها علامات ؟؟؟ (x) فااااا قررت و عينت نفسي المشرفه
و المتابعه لك ..... وبحط رقم حسابي فالبنك :tongue: عشان على كل خربوطه تخربطينها مخالفه
50 ريال و هاي الطريقة صدقيني راح تلتزمين :tongue:

موافقه طبعأ صح ..... الف مبروك على الوظيفة الجديده

لا تنسين تكتبين تقرير كامل عن كل 6 ساعات مرة عليج(6)

بسم الله الرحمن الرحيم
الحمد الله رب العالمين

صباح الخير
شخباركم
اني توني شاربة شاي اخضر
وبقوم الحين بسوي لي كوفي
وراجعة احل الواجب
برب

*سكون الروح*;5454575:
مشكووووووووووورة يام عبادي ويزاج الله كل خير........ على سعة صدرج واهتمامج

....... وان شاء االله توصلين الوزن اللي تبينا وانتي بأتم صحة يارب :87457:

هلا اختي سكون الله يعافيج ان شاء الله
وشكورة على الدعوة الحلوة:)

memo0;5456260:
أم عبادي حبيبتي ..الماما اليوم زفتني و قالت لي انتي للحين صغيرة على هالريجيمو سمعت عنه لكثير من المضار خصوصاً إنه بدايته مافيها فواكه و الفواكه مفيدة تقول الكليتين تخترب جذي و تقول لي غيري الريجيم انتي ما تحتاجين وايد بس إكلي كل شي بتخفيف و قالت راح تجيب لي ريجيم غير.. بس أنا مو مقتنعة شرايج انتي ؟ و شرايكم يا بنااات؟؟؟ >>> قلت مسبقاً عمري 16 و أنا في الثانوية .. و تقول كل الي يسوونه معاج أكبر من سنج يعني يتحملون و انتي تحتاجين تاكلين كل شي .. شنو تنصحووني ؟؟ و أنا ودي أكمل و صار لي بالرجيم 4 ايام و ما حسيت بالجوووع و ماشية على الريجيم في كل شي ..
أم عبادي أتمنى لما تشوفين الماما تكلمينها عن الريجيم و أنه مو صح أنه مضر !!؟ لانها مو مقتنعة بكلامي
و اتمنى كلكم ترودون علي و تنصحووني

تحياتي
memo0

هلا بيج ميمو
شخبارش؟
شوفي هو في ناس اتاذو من هالرجيم
بس عااد من البداية الوحدة تعرف
يعني انتي مثلا شعرج حت
او اتحسين بصداع قوي
او اختربت بشرتج
يعني اذا حسيتي بشي غريب تركي الرجيم
لكن في ناس الحمد الله ماصادهم شي مثلي جدامج:D
وعن العائر ممنوع بس تقدرين اتشربين دايت بيسبي ولا كولا ولا سفن آب يعني متوفر عندج الدايت عاادي
وعن انه الفواكة ممنوع هو قال الفيتامينات نقر نسنخدمها بدل الفواكه علشان مايصير نقص
بس اني الحمد الله مااخذت لا فيتامينات ولا شي
ولا صادني نقص
واهم شي انتي ماتحسين بتعب ولا شي
بس عاادي
قولي حق الماما ((خالتي))
انه اني مااحس بتعب كلش عاادي
ترى لا تخربطين ولا تتراجعين يوم واحد اتخربطين في هالرجيم يروح عليج
لان في ناس في هاليوم كيلوا ينقصون
تحياتي وخلج دائما معانا:)

تسلمون جميعا على الدعوات الحلوة
والله يوفقكم جميعا ان شاء الله

هلا شموسة شخبارش حبيبتي
شوفي هو الكتاب في 2 في المكتبة يوم اروح اشوف
بس اني اخذت الي لونة كامل اسود وفيه بعد اخضر
وفية صورة طماطة وليمونة وثوم

وعن كسر الرجيم مااادري ماقراة في الكتاب عن هالشي
بس اني احس وزني ثابت طبعا بميزان بيتنا الي يحبط
لكن من شكلي يبين اني ضعفت اكثر
ماادري شسالفة
بشوف بعد بدور في الكتاب عن هالشي
برد عليج

جبت لكم قائمة الشوربات::

شوربة البروكلي بالكريمة:
كوب ونصف بروكلي طازج-كريمة حمراء-فلفل اسود- ملح- عصير ليمون
شوربة الفطر بالكريمة:
كوب من المشروم(الفطر) المقطع شرائح- كريمة حمراء- فلفل اسود وملح

شوربة القرنبيط(الزهرة):
كوب ونصف من القرنبيط الطازج(الزهرة)المقطعة- كريمة حمراء- فلفل اسود وملح -عصير ليمون

شوربة الخضار المشكلة: كوسا مبشورة - قرنبيط وبروكلي مقطع قطعا صغيرة- سلق -سبانخ- فلفل رومي 0فليفلة- بصل اخضر - فلفل اسود وملح - عصير ليمون

شوربة السبانخ::عدد 2 شدة سبانخ طازج (ويمكن الاستعاضة بالمجمد)
عصير ليمون - بصل اخضر - بصل احمر - ملح

شوربة البصل:عدد 5بصل ابيض - عدد 2 بصل احمر- كريمة حمراء -ملح الطعام - جبنة مازوريلا

شوربة الملوخية:ملوخية طازجة (ويمكن الاستعاضة بالمجمدة) - بصل اخضر - سلق - ملح_عصير ليمون

شوربة الخضار الورقية:تتكون من سبانخ -ملوخية -حلبة -كزبرة -بقدونس -كراث -بصل

وبعدين بخلي لكم قائمة السلطات

مساء الخير بنات شخباركم...اليوم انا كملت اسبوعين من الرجيم المرحله الاولى...الاسبوع الاول نقصت 5 كيلو لاكن الاسبوع الثاني للاسف زايدة كيلو واحد ولا نقص وزني....شسالفه مادري....والله اني تعبت وزهقت قولولي شاسوي...