منو تبدي معاي رجيم الدشتي مو اكثر من بنتين ؟

السلام عليكم بنات أنا عضوة جديدة معاكم وأتمنى أن تقبلوني معاكم في الرجبم بالنسبة عن نفسي انا طولي 155 ووزني حالياَ 62 واريد اوصل الى 51 كيلو لأنه الوزن المثالي حق طولي و انا بديت الرجيم من شهر وأسبوعين وكان وزني 68 كيلو في الشهر الأول فقدت بس 5 كيلو بس أتصدقون بالموت لأن اللي فقدته بس كان في الأسبوعين الأوليين وبعدين وقف الوزن وكسرت الرجيم بعد الشهر يوم واحد بس لأن لازم اذا وقف الوزن وبعدين بديت أسبوعين وما نزلت الا كيلوين بصراحة تعبت يعني رياضة وماي وكل شيء نفس الرجيم ولا ينقص في أحد صار له نفس حالتي و بالنسبة حق كسر الرجيم كم يوم لازم نكسره ساعدوني يأهل الخبرة.

**ام عبادي القمر**;5448440:
سلااااااااام
شخباركم اليوم
ان شاء الله ماشي الرجيم تمام

ميمو هلا فيج ويانا وموفقة ان شاء الله
وان شاء الله خلال اسبوع اتشوفين النتيجة

سكون انتي كم طولك؟؟
يعني المفروض كم ينزل وزنك؟؟

********************************************

مرحبا الغالية ...... طولي 167 بس في خاطري وزني يوصل 70 لان حلو علية هالوزن

يعني اريد انزل 12 كيلو ان شاء الله ..... ومشكورة وماقصرتي :o

مرحبا بنات....... هيه والله صدقتن انا يوم بديت الرجيم كانت بداية الدورة واحس متحرك وزني الا على اخر الاسبوع

بس مب وايد ..........خسارة خسرت اسبوع وماتحرك وزني :sm215:.....


ادعولي ان شاء الله يعوضني في الاسابيع الياية

QUEENSARAH;5449239:
السلام عليكم بنات أنا عضوة جديدة معاكم وأتمنى أن تقبلوني معاكم في الرجبم بالنسبة عن نفسي انا طولي 155 ووزني حالياَ 62 واريد اوصل الى 51 كيلو لأنه الوزن المثالي حق طولي و انا بديت الرجيم من شهر وأسبوعين وكان وزني 68 كيلو في الشهر الأول فقدت بس 5 كيلو بس أتصدقون بالموت لأن اللي فقدته بس كان في الأسبوعين الأوليين وبعدين وقف الوزن وكسرت الرجيم بعد الشهر يوم واحد بس لأن لازم اذا وقف الوزن وبعدين بديت أسبوعين وما نزلت الا كيلوين بصراحة تعبت يعني رياضة وماي وكل شيء نفس الرجيم ولا ينقص في أحد صار له نفس حالتي و بالنسبة حق كسر الرجيم كم يوم لازم نكسره ساعدوني يأهل الخبرة.

هلا بج عزيزتي معانا
يمكن انتي جسمج مايضعف بسرعة ترى مو شرط يعني يناسب حق جميع الاشخاص وينزل ووزنهم بسرعة
فيه ناس قابلة جسمهم بسرعة يضعفون لو يوم ماياكلون وفي ناس من ياكلون شي بين عليهم
شي عاادي
بس انتي بعد انتبهي حق اكلج
وفي اشياء اتخلي الوزن ثابت ماينزل مكتوب في كتاب الدكتور حسين بكرة ان شاء الله بكتبها لج
تحياتي
بس بسالج يعني شنو تكسرين الرجيم
يعني تاخذين يوم راحة؟؟

نسيت اسالج انتي ظليتي شهر في المرحلة الاولى؟؟

*سكون الروح*;5449441:
********************************************

مرحبا الغالية ...... طولي 167 بس في خاطري وزني يوصل 70 لان حلو علية هالوزن

يعني اريد انزل 12 كيلو ان شاء الله ..... ومشكورة وماقصرتي :o

هلا بيج عزيزتي اني بقول لج تقدري لان مو مكتوب في الكتاب يعني حسابات وجدي وعلى حسب السمنة كم اطولين المرحلة الاولى
بس اتوقع انه يبي لج شهر من المرحلة الاولى او شهرين لان 12 كيلوا امرها سهل بالنسبة حق هالرجيم
انتي الحين صار لك كم من المرحلة الاولى وكم نزلتي؟؟

اذا بغيتوا انواع حق اكلات قولوا بنزل لكم
لان اخاف انزل وانتو ماتبون:o

ابرار الجنة;5446588:
قطرية ما تشوفين شر و بالنسبة لحلومة هي دايما تدش بالليل تسلم و تطلع تقول مشغولة مع عيالها

شمس الاصيل هلا حبيبتي لا توزنين بالدورة ابدا لانك بتنصدمين خليها لمن تخلص

مسرة هلا حبيبتي ان شاء الله دايما الهمة عالية و بالنسبة للتوقيع لازم تعدين ال100 مشاركة

مونامور تسلمين حبيبتي و ان شاء الله تروحين بالصيف لمصرمو؟؟

سكون الروح ميمو منيرة شلونكم مع الدايت

تسلمين حبيبتي عالتوضيح ما قصرتي يا قلبي(f)

QUEENSARAH;5449239:
السلام عليكم بنات أنا عضوة جديدة معاكم وأتمنى أن تقبلوني معاكم في الرجبم بالنسبة عن نفسي انا طولي 155 ووزني حالياَ 62 واريد اوصل الى 51 كيلو لأنه الوزن المثالي حق طولي و انا بديت الرجيم من شهر وأسبوعين وكان وزني 68 كيلو في الشهر الأول فقدت بس 5 كيلو بس أتصدقون بالموت لأن اللي فقدته بس كان في الأسبوعين الأوليين وبعدين وقف الوزن وكسرت الرجيم بعد الشهر يوم واحد بس لأن لازم اذا وقف الوزن وبعدين بديت أسبوعين وما نزلت الا كيلوين بصراحة تعبت يعني رياضة وماي وكل شيء نفس الرجيم ولا ينقص في أحد صار له نفس حالتي و بالنسبة حق كسر الرجيم كم يوم لازم نكسره ساعدوني يأهل الخبرة.

حياكي معانا اختي ومو كثير 11 كيلو اذا عندج الارداة الكافية انك تنزليهم وحبيبتي الاجسام تختلف في استجابتها للريجيم فيه اجسام بسرعة تفقد وزن وفيه اجسام عنيدة بفقدان الوزن هنا يجي دورك لازم تتحلين بالصبر مو تيأسين وتتركين الريجيم حلو الخطوة اللي سوتيها انك كسرتي يوم انا اعرف وحدة سووته كانت كل اسبوعين تاخذ يوم راحة عشان ما يوقف وزنها انتي الحين اصبري وراح بتشوفين وزنك بعد هالثبات ينزل مرة وحدة موفقـــــــــة حبيبتي:)

*سكون الروح*;5449544:
مرحبا بنات....... هيه والله صدقتن انا يوم بديت الرجيم كانت بداية الدورة واحس متحرك وزني الا على اخر الاسبوع

بس مب وايد ..........خسارة خسرت اسبوع وماتحرك وزني :sm215:.....


ادعولي ان شاء الله يعوضني في الاسابيع الياية

الله يعوضج حبيبتي لا تضيقيين خاطرج كل شي يبيله صبررررر يا قمرررر:)

**ام عبادي القمر**;5450152:
اذا بغيتوا انواع حق اكلات قولوا بنزل لكم
لان اخاف انزل وانتو ماتبون:o

شلون ما نبي كل شي منك حلوووو بس اخاف نتعبك يا قلبي:)

صبحكم الله بالخيير ياا حلوااااااااااااات

ساااره ابصرااحه انا اتوقع وقوف نزول الوزن عندك انه وزنك مثالي

والريجيم يمكن ياثر على ذوي الاوزان الكبيره مثلي

يعني براااي مدري اذا الدكتور يقول كذا ولا لا

يعني انتي وزنك بالستينات واكيد راح يكون النزول بطئ بالنسبه لك

تشجعي ولا تياسي خليكي معانا وان شاء الله تحققين اللي تبينه

انا امس بعد ما تغذيت شربت سفن اب وارتحت شوي وبعدها نمت

ما صحيت الا وقت متاخر قريب على الفجر فكنت جوعانه واخذت لي

قطعه جبنه سديت بها الجووع ان شاء الله امس كان مفروض اوزن بس ما وزنت

لانه ام عبادي ومسره نصحوني انه يوم تخلص الدوره وقتها اقدر اوزن

من ناحيه اني لاحظت على نفسي شي من النزول ما لاحظت بس مكان بين

المعده والبطن عاده يكون عندي منتفخ وامس حسيته شوي ناازل غير

اني صرت احس حركتي صايره خفيفه

ولاحظت ايضا انه نبضات قلبي اليوم صايره سريعه مدري شي طبيعي ولا لا



ام عباادي يااا ريت تكتبين لنا الوصفاات اكوون شاكره لك على الاقل الواحد يغير

انا اخترع وصفات لي عشان اكلها وماحس بالملل بالريجيم خلونا نتبادلها اووكي

بناااات عندي ملاحظه اذا ممكن



ودي نحدد لنا كذا وقت يناسبنا كلناا نشبك فيه على المنتدى ونجلس نسولف

بنفس الوقت ونتبادل الارااء وش راايكم اذا موافقين حددوا وقت حلوو ونتقابل فيه جميعا

***********************

الله يسلمج ......... الحين دخلت بداية الاسبوع الثاني ونزلت 2 كيلو بسسسسسسسسس :(

الحمد على كل حال ...... لان الاسبوع الاول ... الله يعزج كانت علية الدورة وتحرك الوزن آخر الاسبوع

ماكنت ادري ان الدورة اسوي جي الابعدين !!!! جان سويت الرجيم بعدها

اسمحيلي الغالية من كثرة الاسألة >>>> ماصدقت عمري حد عطاني ويه :wink:

هههههههههههه

memo0;5443758:
مشكورين حبايبي على الردود المفيدة و الوافية
بس حبيت أقول للأخت العزيزة الي قالت انه راح يكون صعب علي ايام الدراسة (صح كلامج بس انا عزيمتي قويةو احس ايام المدرسة يضيع الوقت بسرعة و ما احس بالوقت و احنا دوامنا المدرسي 6 ساعات و الفسحة لان الدوام من 7:30 الى 1:30 يعني أحس عادي و البريك يكون الساعة 10

"]حبوبه لاتزعلين:o وانا بساعدج ان شالله تعرفين محمصه الرفاعي فيه عنده مكسرات دايت حلو شكله تقدرين تاخذينه معاج المدرسه وبدورلج اشياء ثانيه ولا تنسين الماي وايد مهم[/B]

جبت لكم طريقه من كتاب الدشتي وايد حلو وانا جربته تطلع لذيذذذذ
بس انصحكم انه يكون للغد او العشاء بس الساعه6 علشان ينهضم اوكي ياله

طبق الهمبرجر اللذيذ
المقادير:
----------
علبة همبرجر(12حبة)
شرائح بصل
شرائح مشروم طازج
عصير ليمون
قطع طماطم
كزبرة قليل مفروم
بقدونس مفروم

الصلصة:
ملعقة مايونيز
علبة كريمة
ملح وفلفل اسود


الطريقة:
-------
تنقع شرائح الهمبرجر بالليمون
يحمر الهمبرجر مع الزيت على النار حتى يختفي الماء
ثم توضع عليها شرائح البصل والمشروم ويحرك حتى يذبل
ثم يوضع عليها الكريمة والمايونيز
وتوضع بالفرن لمدة 10دقائق حتى تخثر الصلصة
عند التقديم يوضع عليها البقدونس والكزبرة وقطع الطماطم بنات وشفت الطريقه في مطبخ منال نفس طريقه
وهذي طريقه ثانيه
بيض مع جبن مثلث

المقادير :

4 بيضات .
3 مثلثات جبن .
شوية فلفل أسود + شوية ملح .. حسب الرغبة ..
زيت نباتـي أو قطعة زبدة صغيرة .

الطريقة :

تخفق البيض مع الجبن في مله صغيرة .
ثم
تضع الدهن في الطابي .
ثم تضع الجبن مع البيض .. وثم تضع شويه ملح وشويه فلفل أسود .. حسب الرغبة ..

وتنتظر لين يحمر البيض شوي .. وبس .. يعني السالفة مايبيلها دقيقتين بالكثير ..

مرحبا بنات وحشتوني والله

مااقدرت ادخل هال كم يوم لاني ناسيه الباسورد لكن في الشغل باسوردي ثابت يعني ما يحتاج اكتبه علشان ادخل

المهم طبعا انا محافظه على الريجيم ما خربطت مع ان امس كنت بموت واكل توكس

طبعا اكلي نفس كل يوم لكن امس تعشيت برجر دجاج و اول امس تغديت سلطه سيزر بس على فكره انا كلت وايد سلطه

وخلصت اسبوع وما نزلت واجد نزلت بس 2 ونص كيلو

وتعالوا انا رحت الجمعيه من يومين وشريت اجبان طازجه بس طبعا انا ماكلتهم بروحهم يعني كنت كله اخلطهم مع الصوصات مثلا بلو جيز او الجبن من هالامور فتوقعون عادي ولا خرب ريجيمي

ام عبادي القمر
اي حبيبتي كتبي لنا من وصفاتج خلينا نستفيد

قطريه 24
ما تشوفين شر حبيبتي

مسره
الله يعطيج العافيه

البنات الباقي
شدوا حيلكم خلونا نفتك من هالشحم

اختي الاجبان الطازجه منعها الدكتور فقط المعلبة الدسمه العاديه اوكي


الشر مايجيك عزيزتي ،، تسلمين حبوبه

قطريه عوده حميده والحمد لله انك بخير الحين

بنت قطر لا تنسين باسووردك مره ثااانيه

الله يعين عالريجيم انا يمكن بيوم اشتهي 10 اطبااق

خخخخخخخخخخخخخ خصوصا الفيتوشيني عشقي

بس متحمله لاني مرتاحه وجاده هالمره بعزيمتي

بنت الدوحه مشكووره على الوصفتين ما تقصرين

ام عبادي اشووفك شابكه وينك مالك حس

بعدين ماقلتوا لي رايكم في اقترااحي

هلا بنوتات شلونكم كلكم

انا الرجيم ماشي تمام معاي و باجر بوزن و اخبركم

شمس الاصيل انا دايما موجودة من الصبح للساعة 6 بتوقيتنا

ام عبادي عفية كتبيلنا الاكل اللي يثبت الوزن

و كم وصفة عشان التغيير

هلا ابرار شلوونك علوومك

ان شاء الله توزنين بكره وتخبرينا

اكيد هذا اول اسبووع لك صحيح

انا المفروض اوزن يوم الاحد بس البنات انصحوني

لين تروح الدوره عشان ما تدمر معنوياتي

وانا معاكوا بنات انا وزنى 60 و طولى 162 و الهدف انشاء الله نفسى يكون 50

هاااااااااااااااااي ياحلوين انا الان بالاسبوع الثالث من المرحله الاولى امس تعشيت اومليت بيض مع بصل اخضر وشربت ماء واليوم افطرت جبن شدر مع زيتون وشاي وناويه اتغدى تونه مع سلطه انشاء الله والعشاء لسه ماقررت ومشيت قبل امس وامس طلعت ماحصل لي امشي واليوم انشاء الله راح امشي عدل .