منو تبدي معاي رجيم الدشتي مو اكثر من بنتين ؟

الف مبروك و ان شاء الله للوزن المثالي

اخت ابرار

اقراي الموضوع هذا و راح تفهمين مرت اخوي ايش سوت او بمعنى اصح

ايش سوى بها رجيم دشتي


http://www.3roos.com/forums/t315646.html

وااااااااااو ما شاء الله صج اتذكرت كلمتك لمن قلتي رجيم السحر لان فعلا ما يجوع

جزاك الله خير على نقل التجربة

بالتوفيق ان شاء الله للجميع والله يثبتنا ويقوي من عزيمتنا

بنات انا اليوم بديت الرجيم .... الريوق : جبن 4 شرائح ومرتدلا 2 .. وطماط وخيار

وان شاء الله الغدا صالونة باميا باللحم ....... والله يستر لين الليل

وصلت لمرحلة منسده نفسي فيها لااااااااااااااااااخر درجة !!

مالي نفس لا اتغدا ولا اتعشا

اللهم افطر الصبح

والعصر نسكافيه

وعقب اشرب ماي وبس لين ما انام

صباح الخير بناااااااااات او مساء الخير
بنت الدوحه مبررررررررررروك ورببي فرحت لك من قلبي
يلا بنااات شدو الهمه اكلنا كثير و حااااااان وقت التغير
انا فطرت 8 كاسااااااااات مويه
و تغديت نص دجاجه مشويه مع كرفس
و العشاء الله كريم بس اكيد بيكون اجبان

هلا خواتي ..
انا قست وزني يوم الجمعه نازل كيلوين وانا بادية الريجيم يوم الثلاثاء
وامس بديت انط حبل واليوم جسمي مشدود يعورني ماقادره اتحرك هههههه

صحيح بنات من تتعودي على الريجيم ما تصيري تحسي بجوع مثل قبل


استغفر الله واتوب اليه

السلام عليكم يا عرايس, انشالله الرجيم ماشي معاكم,
انا اليوم 2 يوم بالرجيم, و حاسة حالي ما عاد مشتاقة للحلويات.
انا جربت لمدة شهر رجيم دشتي ظليت وقتها بالمرحلة الأولى و نقصت بس 3كغ لكن كنت فرحانة برشا لأنه بين أكثر بملابسي.
المهم انا اليوم فطرت جبنة و قهوة بدون كافيين(c) كيف البارحة مع خيار, و توّة نشرب في شاي اخضر لأنه بعد ما نكمل راح احضر الغداء اللي راح يكون عجّة يعني بيض + حبة طماطم + بعض البهارات + جبنة كيري + جبنة فرنسية و مع العجة راح اعمل سلطة.
انا في المرة اللي فاتت اللي عملت فيها هالرجيم كنت بكثر في الخضار و لكن المرة هذي بحاول اكثر في البروتنات و آكل معهم شوية و بس خضار لأنه هذا سر الرجيم.
يالله بخليكم يا بنوتات يا حلوات, و إن شالله بنصير رشيقات لازم امشي توّة لأنه جعت.

اخت سوفكا بالتوفيق انشالله

استمري بدون يأس

وابتعدي عن المناسبات اللي فيها حلويات او اللي بتنجبري فيها تاكلي حلويات ونشويات

يالله انشالله تواصلي وتنقصي كل شهر 10 كيلو

اشلون بنات اتعالجون الامساك ويا هالرجيم؟

هلا بنات بالتوفيق للجميع ان شاء الله

تعشيت بيضة مطبوخة جبنة بيضا طماط وخيار

اليوم وزني 73.3

حدي فررحااااااانه

انشالله يوصل 70

ويوصل 68

وتكتمل فرحتي

ليش محد يرد؟؟؟؟؟؟؟؟؟؟؟؟؟؟؟؟؟؟؟؟؟؟؟

الامساك عزيزتي الدكتور قال

ماي دافيء الصباح مع 6 حبات زيتون

قبل الفطور بنصف ساعه

ماشاء الله الف مبروك للي نقصووووووووو وعقبال عشرااااااات الكيلوغرامات يارب المهم انا اليوم افطرت نصف علبه جبن شدر (كرفت) مع كم حبة زيتون وشاي . وامس تعشيت نفس الشي لانه ماكان لي نفس اصلح لي شي لاني تاخرت برا البيت بسبب ضرف طارئ وانا ماحب اتعشى متاخره فكلت له قطعه جبنه عالسريع وثلاث حبات زيتون وشربت مااااااااااء ونمت على طوووول .

بالنسبه للبنااااااااااااااااااات اللي انسدت نفسهم وماكلوووو او قللو اكلهم ترا يابناات الشي هذا ماراح يزيد خساره الوزن بالعكس راح يوقف نقصان الوزن لان الجسم اذا ماكل مايصير عنده دافع انه يحرق فراح تتعبي نفسك على الفاضي فلازم تاكلي لو خيار او خس مجرد دافع للجسم انه يستمر في الحرق والتمثيل الغذائي .

وبالنسبه للاخت اللي سألت عن الامساك حبيبتي لازم تشربي اكثر من 8 كاسات ماء اذا قدرتي فهو ممتاز عشان مايجيك امساك وعلى قوله الاخت قطريه24 كاس ماء دافئ مع كم حبه زيتون على الريق ممتااااااااز

قطرية24;5391314:
الامساك عزيزتي الدكتور قال

ماي دافيء الصباح مع 6 حبات زيتون

قبل الفطور بنصف ساعه

ادري وجربتة ومافي منه فايدة

مرحباااااااااا بنات ان شاء الله شاديين الهمة .....بنات ادعولي اكمل لاني احس بهبوط ...

هذا اليوم الثاني للرجيم وريوقي كان نفس البارحة جبن وطماط وخيار ومرتدلا .... والغداء : دجاج

مشوي ::21_93:

فديتكن بسألكن ينفع اكل روب .... ومتى توزنون يعني كل اسبوع ولا كل كم يوم ... في اي مرحلة مسموح اكل

التمر لان متعودة اكلة الصبح ........ :21_207: :confused:

........ حبيبتي ام عبادي بالنسبة للامساك على الريج اشربي ماي دافي وكثري من شرب الماي الشاي الاخضر

ومبروووووووووك الغالية على نزولج 18 كيلو ماشاء الله لاحول ولاقوة الا بالله ان شا ء بكمال الصحة للجميع :15::15:

ام عبادي تقدرين تشربين شاي الضيافه؟

اللي يحتوي على اوراق الكاسيا والنعناع

راح يلين لك بطنك عن تجربه صدقيني

بنات انا كلش متضايقة صارلي يومين مخربة و تاركه الرجيم

بسبب حبوب منع الحمل زودتني 2 كيلو و كلي منفخة و الدكتور الدشتي قالي ما راح تنزلين اذا تاخذين حبوب منع حمل

انا كلش متضايقة من جسمي و شكلي المقرف و كله ابكي شنو الحل ما ابي اسوي رجيم على الفاضي و ما ابي ازيد

بليز ساعدوني مالي غيركم

على فكرة انا اوقف الحبوب بعد اسبوعين

الروب ممنوع اختي والتمر كذلك