يا أنا يا وزني وبتقولوا الفاتنة قالت

الفاتنة بصراحة شجعتيني
اني من قبل سويت رجيم الدكتور حسين الدشتي ووايد نفع معاي
خلال اسبوع حسيت بالفرق
بس الرجيم الي فية تخفيف الاكل احسن شي
لانة مافي حرمان
وتقدرين تاكلين كلشي
جم صار لك من سويتي الرجيم؟؟
وكم نزلتي؟؟
وكل كم تقيسي وزنك؟؟

قوة
انا اليوم اول ماصحيت ماشتهي اكل

وعقب كليت برتقاله
وتميت اشتغل شويه في البيت

ومالي نفس اسوي رياضه لاني بصراحه بصراحه اكرها ماحب غير السباحه
والجو حاليا مو مناسب

من جي حاولت اصعد وانزل الدرج لي

وتعشيت شيش طاووق مع سلطه يونانيه

سويت أنا طولي 165 تقريبا على أخر مرة شفت طولي
وزني كان 110 وعملت الريجيم صار لي الحين اسبوعين و اربعه ايام
وزنت مرة وحدة أول أسبوع وخسرت فيه 4 كيلو وصار وزني 106 والحين أبوزن الجمعه
اليايه وبشوف كم صار وحياج معانا لو بدك بس شنو شوربة الكرنب يعني الوصفة

بنت النواعم أيه معاج حق الريجيم يالي فيه تخفيف أحسن وأنا أقيس وزني كل اسبوعين مرة

مشاعر بحرينية هلا أختيه الله يقويج حلو شغل البيت بس غصبي روحج على الاقل مشي
نص ساعه وحلو كمان تصعدين الدرج وتنزلين يعجبني هالتمرين


أهااااااااااا وين بقية البنوتات

نجي على العشاء كليت صحن فول مدمس أصغير و جبنة قليلة دسم وعصير برتقال

صباح الخير يا بنوتات ..

رجعت لكم من جديد .. الحمد لله ما زلت على الرجيم وما خربته قاعدة أقلل من أكلي وأحاسب ..

مشيت أمس ساعة كاملة ..

تريقت نص صمونة مع جبن شيدر + كوفي

وجبت معاي على الشغل تفاحة وكم قطعة (صغيرة قد فص الأصبع) معمول تمر لأني أفطر على ست ونص تقريباً وما أتغذى الا على الساعة 3 فأجوع .. آخذ لي تصبيرة .. بس إن شاء الله الأيام الجاية أقطع الوجبات الخفيفة اللي بالنص.

وبكره أوزن وأخبركم بالنتيجة الله يستر .. دعواتكم ..

هلا و غلا بالاخوات انا سجلت في المنتدى عشان تشجعوني معاكم انا عمري 21 و طولي 165 تقريباً و وزني 96 و ما عندي احد يشجعني في البيت
الكل يستغرب من اكلي لانه شوي و ما اكل وايد بس اكل خرابيط يعني مشروبات غازية و كافي ( شوكلاته )
و محد يشجعني في البيت بالعكس يحبطوني يعني اذا بديت بريجيم يقولون ها حق كم يوم و اذا احاول ما اكل او اشرب شي غلط يضحكون و يقولون حق كم يوم او اذا بديت رياضه و مشي يقولون حق يومين و بس و بصراحة انا ما عندي اراده قوية احب احد يشجعني بس ما لقيت اتمنى تشجعيكم لي
اتمنى نساعد بعض و اتمنى تعطوني وصفات بس بدون لحم او سمك لاني ما اكله
و ربي يوفق الكل

حياج الله اختي رفاعيه دبدوبه

انا مثل عمرج وطولي 162

انا بصراحه قبل سنه وشوي كانيت وايد متينه

وراحيت عند دكتور تغذيه واسمتريت معاه سنه وضعفت معاه 30 كيلو

بس اللي صار ان صار لي حالات هبوط ويغمى علي بالجامعه

وصادني وسواس وقفيت

فرديت اكل كل شي اللي كنت محرومه منه

ومره وحده ثيابي مايون مقاسي

وصادني احباط وقلت ارادتي
الا انعدمت

مع بدايه الكورس اليديد شفت وحده معااي بالجامعه يات سلمت علي ماعرفتها

وايد ضعفانه الا استوت من الرشيقات

واهي قبل امتن مني بالف مره
يعني اعطيها وزن تقريبا 140
والحين باين عليها في الـ70

واستحيت اسالها

وبس منها احس ان ارادتي القويه ردت لي
وابي اضعف عشان ماتخرج الا وانا ضعيفه

بعض الناس يشوفون ان السمنه عيب

لكن لاتحطون في بالكم هالشي

السمنه مرض ولازم انتخلص منه


اختي الفاتنه سمعت شورج حبيبتي

وصاريت اول ماصحى اكل اي شي خفيف مثل برتقاله ولا تفاحه

واليوم صج حسيت روحي فرش رحت الجامعه ووعدت روحي ان من يوم ورايح ماستخجم المصعد حتى لو متاخره على المحاضره

يمكن هالشي في صالحي لان امل بسرعه من الرياضه
:)

والغده للحين بس ان شاء الله باسوي سلطه تونه او باشرب عصير برتقال

سامحوني هذرت وايد :):)

بس صج ماتدرون شقد ارتاح لما اشوف ردودكم لي :)

وبالخصوص الفاتنه ماشاء الله عليج كل ماقره رودودج ازيد حماس

بصراحة كل ماادخل هالموضوع اتشجع اكثر
ابي اشترك معاكم

اني طولي 160
ووزني ميكن وصل 110 موو متاكدة
وبتبع رجيم التخفيف

وعلى فكرة في دكتور سمعتة اختي في قناة الراي على مااعتقعد
يقول وجبة الفطور تكون وجبة كاملة
يعني تاكلين الي تبية بس اكيدمو بكثرة
وصدق مرة جربت تريقت خفيف وماجة وقت الغدى والا واني ميتة جوع واكلت دبل
لكن يوم ثاني تريقت عدل وشبعت
ويوم وقت الغدى ماكنت جوعانة وايد
فاكل خفيف
وكانت اختي اتسوي جدي وماشاء الله لا اله الاالله ضعفت وايد
هي ماكنت متينة بس مليانة
الحين صارت رشيقة
وانا ان شاء الله
بسوي جذي

وكل ويوم بدخل بقول لكن شنو اكلت
لكن الرياضة ماادري شسوي
الجو مايشجع
وفي البيت ماعندي وقت وولدي عبادي ماخذ كل وقتي
مافي الا اقعد من الصبح واسوي رياضة مع هيفاء على ال بي سي خخخخخخخخخخخخ
او اذا رحت بيت ابوي لانة عندهم جهاز مشي
ابيكم اتشجعوني الله يخليكم

اليوم الثلثاء تاريخ22/1/ 2008 او يوم رجيم
الصبح قعدة متاخر وخربطت اشوي

لكن على الغذى اكل خفيف في صحن بروحي مع تمر
وبحاول اخفف من التمر بعد على الاقل 3 تمرات على وجبة الغدى
والعصر مافي اكل
ان شاء الله
وبدخل المغرب بقول لكم شنو صار وياي

نور البدر;5005606:
8
8
حلو والله ،، شو النظام اللي مشيتي على يا مستحيلة المنال

والله حلوين 6 كيلوات بااسبوعين :/ مع رياضه ولا بدون :/


وينها الفاتنه ماترد ؟؟

هلا والله نور

بصراحه اول اسبوع كنت اكل اي شي يكون ديت حتى الزيت اشتري حق الديت اسمه لايت

وكنت اتعشي بدري بعد اذان العشاء وماعاد اكل شي لان ثاني يوم والفطور من بدري مره

وبعده 6-5 ساعات الغذاء

وماكل بين الوجبات ولاشي اجلس على المويه

وثاني اسبوع سويت نظام

اكل بس الفطور بيض بدون صفار 2 مع كاسة مرميه بنعناع بس يكون قبل الفطور

مع خيار
وقبل الغذاء شاي الاخضر مع نعناع بدون سكر
والغذاء : خيار وخس

والعشاء: جبن خالي الدسم مع خيار

بس جالسة اسبوع

ودحين اسوي رجيم ثاني

اذا نزلت عليم تمام انزله في المنتدي

دموع حالمة ياهلا ومرحبتين فيج أختي وناسه صح
حلو حلو أنج ما لخبطي وحلو التصبيرة بعد عشان ما تهجمي دبل كيك على الغداء

ويارب يارب يارب يارب يارب لما توزنين يكون وزنج ناقص و تفرحين يا رب

رفاعيه دبدوبة هلا أختي ومرحبا فيج و تفضلي معانا حنا نشجعج و ندعمج وصدقيني
أنا من كثر ما عانيت من السمنة أبغى كل البنات يالي مثلي يسون ريجيم و يخففون وزنهم
وبس أنتي أعتمدي على نفسج بالمقام الاول ولا تتجهين لكلام الاخرين
وابدي نظام صحي وحلو وما يكون فيه حرمان

مشاعر بحرينينة صدق كلامج السمنة مرض ولازم نحن نتغلب عليه بشجاعه وما نخجل منه
و ايووا استغلي درج الجامعه بدل المصعد أحسن لج يا حلوة عشان أذا ما سويت رياضة ذاك اليوم
تكونين على الاقل حرقتي كم سعره من الدرج

بنت نواعم عزيزتي وأنا أقرا ردج خطر لي خاطر عشان يكون دافعج قوي أكثر فكري بزوجج
وشنو بتكون رده فعله وشلون راح ينبهر بيج لما تطلعين له بلوك جديد
وفكري بصحتج يالي محتاجتنها عشان ولدج عبادي الله يخليه لج وخليج له يارب

مستحيلة المنال حلو حلو كثييييييييير كثييييييييير كملي على هالمنوال

برجع لكم بعدين

اليوم طبعا على الغده كليت سلطه تونه بس كان الصحن كبير ومليان خس

والمغرب كان راسي مصدع خذيت من ماكدونلدز كابتشينو بدون سكر
وراحيت بيت خالتي حسيت بدوخه كليت قطعه كلش صغيره حلاوة

ورديت البيت شربت شاي الاعشان
وماشتهي اتعشى
كليت شريحه توست واحد كوب لبن خالي الدسم

بس وايد احس اني متحمسه واحس عمري خفيفه

وارادتي االحمدالله حديد :):)

الفاتنة حبيبتي والله كلامج شجعني
اليوم الحمد الله كانت الااردة قوية
العصر مااكل شي
المغرب شربت كوب كوفي مع بسكوت
والعشى كن همبرجر مع جبن وطماط (طبعا الكمية مخففا عن كل مرة)
وبعدين طلعنا نتسوق ان شاء الله اكون حرقت الي اكلتة
وبعدين مااكلت شي
والحين بقوم سيدة بنام علشان مااكل شي

مشاعر اي والله السمنة مرض
كل مااقول حق امي جذي اتقول العافية من الله:ss:
ولا مرة شجعتني الله يسامحها :o
وكل اتقول لي اكلي عيش(( العيش معيشة)) مقولتها الدائمة :D
الله يحفظها لي من كل شر ان شاء الله:)

السلام عليكم

والله اول ماقريت موضوعج تشجعت حسيت حد يدفرني يقولي يالله شو تتريين ينزل عليج الوحي ويقولج تزحزحي سوي رجيم وظعفي.. انا كان وزني 100 بالظبط وسويت رجيم لمدت 6 اشهر او اكثر بشوي ونزلت لين ماصار 76 عاد تخيلي كيييييف تغيرت يالله محد كان يعرفني فالمدرسه يقولون منوه هاليديه والكل يقولي حي هالحياه طلع ويهج وحلويتي بشكل وصرتي كتكوووته ..عاد انا على المدح تنفخت وتهاونت فالرجيم ويت فترت امتحانات الثنويه العامه ومعها كل يوم فيها اظني كنت ارجع كل كيلو نزلته لين طلعت النتايج وعاد لين خلص الصيف الا والحلوه ظربت رقم قياسي وردت كل شي فشهر او شهرين ومن عقبها ومن الحرمان لي شفته ماسويت اي رجيم ..طبعا الهوله اللي تصير عند كل (دبه) صارت عندي من طنازه لا وصارو يحطوني مثال سيئ لاطفال العايله (يابابا لا تاكل من برى ولا بتصير شرات فلانه شفتها كيف دبه ) عاد تخيلو حد يقول جي قدامج وانتي صاخه مافي شي تدافعين فيه عن نفسج انتي الجانيه والله وايد سوالف تينا بس شنسوي مأجورااااااااااااااااااااااااااااااات ان شالله


وانا من اليوم مب من باجر وياكم وعاد ماوصيكم فالسبورت لاتقصرون ..وزني 97 .. بس للعلم انا يوم رديت الوزن كله رد فالبطن والريول يعني الله يساعدني فالتمارين

انا اوردي امشي يوميا ساعه وهذى شي روتيني واشرب عالريق شاي بالليمون بس ان شالله بزيد هالساعه بخليها ساعه ونص و بسوي نص ساعه تمارين جان بقن فيني ريول اوقف عليهن لوووووول

وبالتوفيق للجميع ان شالله والمعنويه عالي ان شالله ه وانا مسويه لسته طويله اهدافي عشان اظعف وحاطتنها فمخبايه كل ماوايقت عالعيشه واشتهيتها ظهرت الورقه وهونت ^.^

مشاعر بحرينية حلو الخس لذيذ و أهم حاجة الارااادة حديد هذا أهم شيء

بنت النواعم لا تسمعي كلالالالالالام أمك الله يخليها لك ويحفظها ويعطيها الصحة والعافيه

عروسه مزيونه حياااج بش بس أختي سؤال هالريجيم ما يضر بيج وأنتي مرضع ؟؟؟
أولا حمد الله على السلامة و يتربى في عزج يا الغاليه
وثانيا كوني وااثقة أن نحن راااح نشجعج كل التشجيييييييع


أرجع لنفسي

تريقت عصير برتقال مع بيضة مسلوقة
وتغديت سلطة خضراء مع صحن صغييييييييير ذرة و ربع دجاجة مشوية
وتعشييييت روب قليل الدسم وكليت قطعه صغيييييير حلاو

تشجعن يا بناااااااااااااااااات مدام صبرنا هالمدة نقدر نصبر أكثر
لازم لازم تتذكروا مصلحتكم فوق كل شيء
والاهم الصحة ثم الرشااااااااااااقة
وربي يوفقنا ويعطينا الصحة والعافية

ونعم للصحة نعم للرشاااقة لا للسمنة لالالالالا لالالا وألف لالالالالالالالا

هايدن هلا وغلا الغاليه يووووووووووووووو شو سوالف عجيبة غريبة تطلع من الناس
بس تحملي الغلا تحملي شنو نسوي هذا ما زرعناه ولازم نحصده
عشان كذا نحن لازم نغير زرعنا عشان يتغير حصادنا ويصير حصااد خير وبركه

وما أووصيكم بالرياااضة

وه يناااااااا سو والله قصتك كأني انا بكتب مو انتي بس الفرق اني جولي خطاب وانا ارفض علشان انا ابغى اول انحف واخلص دراستي وبعدين انخطب علشان محد يفتح فموو عليا زي ما سرلك يا قلبي اهم شي عزيمتك ياقلبي لا تضعف


انا زيك وزني 70 ونفسي في55 راح اجي اكتب يومياتي في اول يوم رجيم بس لمن اخلص اختباراتي *_*


اتفقنا يا الفاتنه


سي يو

صباح الخير يارشيقات المستقبل ..

أبشركم نقصت 600 غرام بس هههههههههههههه لما ركبت اليوم على الميزان كنت قمة في الإحباط بس شجعت نفسي وقلت الأيام جاية وراح انقص اكثر إن شاء الله .

بس كان المفروض انقص اكثر يمكن لأني مشيت وتكون لي عضل ؟
بس لعبت يوم واحد ساعة وحدة بس .

الله كريم إن شاء الله ..

امس فطرت على نص صمونه بالجبن + كوفي
وفي الشغل اكلت كم قطعة صغيرة من المعمول + تفاحة
وتغذيت من غذا البيت بس اكلت شوي
والمغرب ما اكلت شي
وتعشيت بكوب حليب قليل الدسم
وبس .

اول شي اشكركم ع دعمي
و ثاني الخوات لحد ينحبط بس دموع حبيبتي بداية حلوة و ربي يوفقج و تكملين
عن نفسي ما اكل وايد بس ما ادري من صغري جسمي جذي و اذا اضعف ويهي يضعف قبل رحت المستشفى بسوي فحص هرمونات قالت لي انتي مريضة كحة و زكام و بلاعيم ( بعيد عنكم ) يوم تطيبين تعالي بروح و ان شاء الله خير
ان شاء الله من اليوم ابتدي وياكم الريجيم
انا انسانة بطالية لا شغلة و لا مشغلة كله في البيت فاحس وزني زاد عن قبل و اذا اروح الممشى لازم مع امي و هي يوم تروح و 10 لا و ما تخليني بروحي اونه تخاف علي ابي رياضة اسويها في البيت اشتغل في البيت بس احس ما ينفع
لازم اضعف لان كله احس من اقل جهود يصيدني الم في قلبي و قال لي الدكتور لازم انزل وزن
المشكلة اللي في البيت كلهم اوكي جسمهم الا انا ابي اضعف ما في تشجيع و اذا ياكلون اكل خفيف لازم يحبطوني
و يا ما ناس يبون يتقدمون لي بس من يجوفوني دبة ما يرجعون مرة 2
و الكل يقول لي ملامحج حلوة موت عذاب بس لو تضعفين شوي انا لو اوصل 70 بفرح لو بنزل كيلو بس بطير من الفرح
اتضايق يوم في العيد اروح محل و ما القى شي يناسبني القى كلام من امي يضايق فدوم البس جلابيات مثل العجايز و ما اروح اعراس و هذا السبب
سوري طولت عليكم بس ما لي غيركم بعد الله سبحانه و تعالى
ساعدوني

اختي رفاعية .. الحمد لله على كل حال ..

وإنتي حاولي قد ما تقدرين انك ما تخربطين في اكلك بحيث حتى لو ما نقص ما يزيد لأن صعب تنزيله ..

وبالتوفيق يارب ..

كيفكم بنات ايش اخباركم

كيف الرجيم معاكم اليوم ان شاء الله تمام

انا الحمد الله اليوم مالخبط ان شاء الله الى اخر الرجيم

الفاتنه كيفك مع الرجيم ان شاء الله تمام

ايش رائيكم نهاية كل اسبوع نحط كم نزلنا في الاسبوع