يا أنا يا وزني وبتقولوا الفاتنة قالت

ام عبادي يبارك في حياتج يا قلبي
دموع يبارك في حياتج حبيبتي
و عقبال الوزن المثالي للكل

عن نفسي تريقت كورن فليكس مال ريجيم ويا حليب قليل الدسم
و بتغدا 2
و بروح النادي 4 و نص ان شاء الله

قوة بنااااااااااااااات
عن نفسي انا اليوم مو على بعضي راسي مصدع ومرتفع ضغطي

وهم نفسيتي تعبانه
الامتحانات الاسبوع الياي:(

طبعا فطور مافي
والغده كليت سندويش فليه هامور في البيت مسوينه
طبعا كثرت من الخضره

والعشى باذن الله مافي بس باتم على العصاير



الا بنات باسالكم اي احسن اسوي لي سلطه تفاح " تفاح احمر واخضر واصفر وارش عليهم شوي دارسين"
ولا عصير مثل ندى ونادك والمراعي
بس يكون بدون سكر ؟؟

حبيبتي ام عبادي مشكورة علي التشجيع :888345:والله انا بحاول اوصل للهدف في خلال شهرين ويارب كلنا نوصل.
اليوم زوجي اجازة فطرت معاه نص رغيف فول وبعدها بساعة شربت مسحوق التسيح لاني بطلت اشربه علي معدة فارغة لانه صابني وجع بمعدتي وبعدها بكمان ساعة شربت كوب شاي عادي احمر وللحين ما تعشيت وحالا هلعب تمارين للبطن ................. ادعولي هدفي اخس 32 كيلو من بعد 38 :21_209:

مشاعر يقويج ربي حبيبتي
سمله عليج قلبي
عن سؤالج ما اعرف اتمنى غيري يفيدج
مونامور عقبال ما تخسرين الوزن قلبو
عن نفسي تغديت شوية برياني دياي + عصير برتقال
رحت النادي 4 و نص
اول شي ايروبكس
و بعدين كل انواع الاجهزة
لعبت لين 7
رديت البيت كلت قطعتين بقصم
تعشيت توست ابيض و جبن و حليب قليل الدسم
و مشيت ساعة و ربع تقريبا

وين المشتركات الباقيين ؟؟ ووين الفاتنة ؟؟

صباح الخير يا بنات .. الحمد لله امس عدى على خير بس كان ناقصني المشي لأن كان خواتي جايين لي يتعشون .. بس الحمد لله ما تعشيت معاهم إرادتي كانت أقوى من شكل المكرونة المغري ..

واليوم بعد عندي ظروف ما بقدر امشي بس بكرة إن شاء الله أكيد بعوض هاليومين ..

خبرونا عنكم ..

حبيبتي اترك الاكل وملاذ الدنيا ماراح يفيد اي احد وعليك بالدعاء والمحافظه على الصلاه والسنن وقيام الليل
نصيحه من محبة لك

هالووووووووو أفري بدي أشلوونكم

السموحة على التأخير في الرد
بس عندي ظروفي والله بس أنا متابعتكم و أيضا متابعه نظامي الغذائي

وناااااااااااسه رفاعيه مبرررررررررروك عزيزتي

اليوم رحت أشتريت لي تنورة جاهزة لاول مرة في حياتي ومن زمااااااان بعيييييييد تدخل لي تنورة جاهزة
يعني أشقد كنت خاايفة وأنا أقايسها وقلبي يدق وخايفة تطلع ضيقة بس الحمد لله دخلت بكل سهوله

واااااااااااااو يعني وااااااااااااو بجد


هلا عزيزتي فزولها حياج الغالية معانا يووه توج صغيره شوفي عزيزتي أهم شيء تزيدي نشاطك الرياضي
و تكثري من الخضار والفواكه و الباقي أكليه باعتدال و طبعا من دون حلويات إلا إذا جاء خاطرك فيه بس
خذي أشوي قطعة قطعتين بالكثير أوكي

مشاعر هلا عزيزتي الاحسن أنك تأكلين سلطة تفاح وتكثرين من الاخضر لانه يساعد في حرق الدهون
لان العصائر حتى لو كانت بدون سكر فأنها تحتوي على الوان صناعيه وما ادري شنو فالاحسن السلطة

رفاعيه ما شاء الله كل الاجهزة لعبتي عليهم الله يوفقك عزيزتي بالجد الله يوفقنا جميعا
واصلي وثاابري وبعدين بتستانسي بحياااتك

دموع حالمة ما شاء الله عليكي قاومتي المعكرونة الحمد لله أن الارادة قوية ويارب تزيد وتزيد

سار تشكرين وتسلمين على النصيحة يا الغالية

اما عن نفسي فاخذ على الفطور شابورة ريجيم ونص كوب حليب قليل الدسم
وعلى الغداء أكل سلطة بس لاني أرجع من الدوام تعبانة يا دووب أبدل أكل أشوي أجلس نص ساعه
مع الاهل وأنام بعدين لي ساعة ونص والعصر أكل لي تفاحة و المغرب أكل لي زبادي قليل الدسم
والعشاء خبز وجبن

وأمشي لي تقريبا في اليوم ساعه ونص غير لما أمشي من قسم لقسم بالدوام وغير الدرج طبعا


يا الله بنات لنا الحين كثييييييير صابرين يا الله عاد ما بقى غير القليل وتتهنوا يارب

يا الله أبغى الكل يصير رشيق أنيق و الكل يقول لكم ماشاء الله تبارك الله

ماااااااشاااااااءالله تبااااااارك الله علييييييكي يالفااتنه
وربي انك حمستييييييييييييييييييني مرررررررررررررررره
انا عمري 19
طولي 160
ووزني 90
الوزن المطلوب 60
بكره ان شاءالله راااح ابدا رجيم التمر واللبن
مرره متحمسه وراح امشي سااااااعه
ايش رااايكم فيه رجيم التمر في وحده جربته ونحفت عليه كتير ابغى انحف بسرررررررررعه
ياااااارب كلنا ننحف وكل وحده تحقق الاتبغااه

اختي الفااااااااااااااااتنه الله يسعدك ياربي وربي موضووعك مره حمسني وان شاءالله بعد شهرين بي الضبط نلاقيكي وصلتي لوزنك المطلوووووووووووووب

تقبلووني صديقه لكم
اختكم
احلى كلبوزه

ووينكم بنات
ليش الموضوع صاير في الصفحة الثانية


فتونة مبروك حبيبتي ماشاء الله احلى شي اتروحين السوق وتلقين كلشي قدك
ولاتحتارين

وين باقي البنات؟؟؟؟

هلا بنات شلونكم
؟؟
عن نفسي اانا الحمدالله صابره واحاول ارقص في البيت هههههههههه عشان احرق شوي الكالوري

والمشكله ابتدينا امتحانات :(
بس باحاول قد ماقدر العب رياضه
والاكل
لو اكل عيش احط لي ربع صحن وربع ديايه وعشى مافي وريوق ماتريق

وان شاء الله من بكره احاول اكل كل فواكه او روب قليل الدسم فتره الامتحانات :)

وان شاء اللله خير :)
عن نفسيتي الحمدالله راضيه عن نفسي

وكرشي بده يختفي والكل لاحظ

والكل يسالني شنو سويتي تغيرتي في فتره قياسيه
:)

اقولهم بكل غرور
غيروا حياتكم وطريقه اكلكم ههههههههههه
يزعم مغرور

مسا الخير صبايا




طبعا كثير منكم ما يذكورني
كنت موجودة كذا مرة بس كالعادة بطلت بعد فضايح عد ضبط النفس



هالمرة قررت أكون غير



طبعا بتقولو ليش




لأنه باقي اقل من سنة عالعرس
ولو ما خفيت الحين متى بخف ؟؟؟؟؟؟؟؟؟


معي كتاب د . فيل " المفاتيح السبعة لفقدان الوزن بشكل نهائي "




طبعا لما تقرونه تجيكم صدمة نفسية قوية
لأنكم تحسونه شايفكم عدل



كلامه عن 30 سنة خبرة
ويعتمد مبدأ الاقناع الذاتي
وتغيير الأفكار



هو حاط البرنامج الغذائي بآخر الكتاب
بس للحين ما خلصته


باقي لي 3 مفاتيح من السبعة وأوصل للبرنامج
حاليا ماشية على نظام الحصص

4 خضار \ فواكه
3 بروتين
2 نشويات


.
.

بعد صلاة المغرب ما في أكل
+مشي ساعة


وإن شاء الله كلما أدخل بحكي لكم عن تجربتي
لجل نحطها ضمن هالتنافس الكبير ويا أنفسنا



.
.

ربي يوفقكم ويحفظكم ومخصوص الفاتنة
أحبكم في الله


ويشهد ربي كنت دوم أمر من هني





/

للي دوم يخربون مشاريع الحصول على وزنهم المثالي
أقوووووول :


مرة كنت أطالع اوبرا وكانت مستضيفة واحد من الدكاترة اللي تتعامل معهم
قالت ان الانسان المدمن - أيا كان إدمانه - وفحالتنا الأكل

عادة ما يدخل في 5 محاولات جادة للتخلص من إدمانه حتى ينجح




.
.


لذا لا تيأسو
ردو معنا



كاني رجعت وإن شاء الله هالمرة غير
بإذن الله هالمرة غير

الله يحقق مناكم
وخاصه الفاتنه واحنا معاك بس انا ودي برجيم المرضع ولا مالها لاني سمنت وبنتي ماترضع الا من صدري ومافيه حليب واجد وعمرها 8شهور اخاف اسوي رجيم وينشف الحليب واستأثم فيها

وش الحل
وكم وصل وزنك يالفاتنه للحين ممكن ؟؟

هلا بنات صبحكم الله بالخير وقوة العزيمة ان شاء الله .......والتوفيق للجميع

بنات ادعولي اليوم بأذن الله بديت رجيم الدكتور دشتي .. وتريقت : جبن 4 شرائح ومرتدلا 2 .. وخيار وطمام بس

بدون خبز لان الرجيم جذي نظامة بدون نشويات وسكريات ........ الله يوفقنا ان شاء الله

حلو مشكورييييييييييييييييين ع الموضوع

الله يثبتكم يا بنات ويزيد من اصراركم ان شاء الله..

بس بغيت ارد على اختي " احلى كلبوزه "

انا سويت رجيم التمر 3 ايام ونزلت عليه 3 كليوات تقريبا بس والللللله العظيم اني يوم هديت الرجيم رجعت الكيلوات كلها مره ثانيه !!!

انا احس ان هالرجيم لما تسوينه ينزل وزنج بس لفتره مثلا لعرس ولا خطوبه لكن لما تهدينه ترد كل الكيلوات اللي تنزلينها ..
وشي معروف ان الوزن اذا نزل بسرعه يرجع بسرعه .. مثل رجيم التمر ينزلج بسرعة البرق وتردينه باسرع منه !!

هذي تجربتي انا والاحسن تسئلين بنات غير يمكن نفع معاهم او شي

يا بنات سجلووووووووووووني معاكم حمستوني حمستونوي حمستوني

انا عمري 23 سنه وطولي 157 ووزني 75 وحابه يوصل وزني الى 65

اليوم الصبح اكلت
شابوره عليها قطعه مرتديلا وجبن سلايس قليل الدسم (حطيتهم بالمايكروييف)

الغدا= 2 همبرغر مشوي + بطاط شيبس علبه (خربتها بهالشيبس )

وبس انطر شوي عشان امشي ان شاءالله او اسوي رياضه

دعواتكم بنات :)

الفاتنة

ماشالله عليييج مبرووك والله..

كل شي بالإرادة يستوي..
أنا اليووم كنت محبطهههه لأنه وزني ثابت و حسيت اني بمتن..

انشالله راح أبدا من ياجر و معاكم انشالله..

أبا أنزل 4 كيلوات على الأقل ..

مع التشجيع انشالله بنكمل :D

عادي يالفاتنه اذا احد قهرك وقال لك يادب او فيل قولي هالمكان زي سفينة نوح فيه دببه وأفيال وحمير


والله بعد كذه محد يقدر يقول لك شئ

مسا الخير صبايا




الحمدلله للحين محافظة على المشي ساعة بعد صلاة المغرب
وعلى نظام الحصص



فطرت 2 بروتي + شريحة جبن قليل الدسم مع عصير برتقال بدون سكر
والغدا 5 ملاعق رز و قطعتين دجاج مشوي + سلط + كوب لبن قليل الدسم

امممم ما تعشيت لأن غداي متأخر " على 3 الظهر يعني " -----> طالبة جامعية