يا أنا يا وزني وبتقولوا الفاتنة قالت

vanila آمين حبيبتي وياج يا رب
مشاعر تمام حبيبتي شخبارج انتي فديتج !!!؟
يعطيج العافية بس اكلي حبيبتي
عن نفسي تعشيت تكة بس شوي ما كثرت و سلطة و عصير توت مشكل
و مشيت ساعة بس مشي سريع ما طولت لان ريلي المتني

السلام عليكم

ماشالله عليكم يابنات عجبتني همتكم وربي يحفظكم وتوصلون للوزن اللي تتمنونه بصحه وسلامه

يلا بنات شجعوني والله انا وايد متملله من عمري وموووول ما عندي همه كل يوم اقول باجر ببدى رجيم وراحت الايام والسنين وانا اقول باجر

صباح الخير يا بنات يا حلوين ..

وأمس بعد عفست الدنيا زوجي كان مريض ونفسيتي حدها تعبانة وكنت متضايقة وحطيت حرتي كلها في الأكل بس اليوم خلاص إن شاء الله أرجع مرة ثانية حق رجيمي ..

فطوري كان : نصف خبز + شوية جبنة وشوية لبنة + كوفي
بين الفطور والغذا : حبتين كيكة (كب كيك) + تفاحة
لأني أفطر بدري
الغذا : إن شاء الله باكل من غذا البيت
والعشا: ما في بحاول أسكر فمي من 7

والله كريم

سلاام بنات
شخباركم
روفاعة اني بخير عساج بخير
والحمد الله النفسية احسن اشوي
صار لي الحين اليوم 5 يوم من ابتديت رجيم الدكتور حسين الدشتي
والحمد الله احس في تطورات في جسمي يعني لما اشوف روحي في المنظرة احس روحي ان بطني اشوي خف
دعواتكم لي بالتوفيق
يمكن اسوي هالرجيم اسبوعين
وبعدين بدخل نادري وببتدي اخفف اكل مع رياضة
ان شاء الله
وسلامي الى الجميع من غير استثناء

فديتني حياج الله حبيبتي ابتدي في البداية خففي اكل و رياضة خفيفة و ابتعدي عن الغازات و السكريات
دموع حبيبتي سلامة ريلج و ما يجوف شر
ان شاء الله ما تزيدين فديتج
ام عبادي و عليج السلام و الرحمه
بخير دام ام القمر بخير فديتج
الحمدلله حبوبتي
شي طيب
و عسانا كلنا نضعف ^.^
عن نفسي قمت 8 تسبحت و رحت تدرب سياقة رديت 10 و نص تريقت توست اسمر مع طماط و حليب قليل الدسم و بحاول اتحرك داخل البيت ^.^

هلا بنوتات أشلوونكم

حبيبتي ميمو تسلمين لي والله عزيزتي هم بعد أنا أحبك لله
أنا وزني كان 110 و الحين 95 في تقريبا 4 أسابيع نزلت 16 كيلو بس زدت كيلو هالاسبوع

أدري أنكم راح تهاوشوني بس كلمت خطيبي اليوم ونحن من زمان ما شايفين بعض و فيني حنين
وشوق و كليت جالكسي مع أني ما أتفطرت اليوم ولما رجعت من الدوام كليت لي بس خبزة و ملعقة جبن
وبس

و الله يسلمك هذي حالتي النفسية الصعبة وااايد هالمرة أبغى من يشجعني و يساعدني حمسوووني
بنااات حمسوني

الفاتنة ما شاء الله عليش
نزلتي وزن حلو
و إن شااااااااء الله و يا رب تنزلين وااااجد و تصيرين زي الباربي
بس شوووفي لا تخلي خطيبش يشوفش لين ما تضعفين واااجد
عشان يقوووووووول هذي فعلا فاتنة من حق و حقيق هههههههههه
الله يوفقك إن شاء الله

الفاتنة انا متابعة معاكي الموضوع من زمان بس ديه اول مرة اكتبلك والله انتي زي الفل وكملني واوعي تحبطي لان الاحباط يرجع للوراء وانا نفسي اقول زيك يا أنا يا وزني ربنا معاكي وانا بدعيلك

هلا حبيبة قلبي و شيخة البنات قتونة قلبي لا تحبطين عشان الكيلو و دوم الفرحة يا رب بس بدون جالكسي
لولز
لج وحشة فديت قلبج
و ربي يتمم فرحتج ع خير يا قلبي

دانة ذهبية عزيزتي لا توصين حريص فديتج بيني وبينج ما أبغاه يشوفني موول لين العرس
حتى يتفأجا بجد بجد بجد

مونامور هلا عزيزتي ربنا يخليكي أولا أنا بحب أسم مونامور أعمل أيه مهي الدنيا مش داايما على هواي
بس الحين لا تحسنت نفسيتي و تشجعي وقوليها ليه لا يا حبيبتي كوني قدها

مشكووورة يا حبيبتي رفاعيه والله أشقد كنت محتاجة هالكلمتين تشجيع منكم
الحين الحمد لله أحسن بوااايد آميييييين غناتي جميعا
وربنا يوفقكم كلكم يارب وتحققوا كل يالي ببالكم و ربي يسعدكم و يخلي السعادة دربكم
و الآمن طريقكم على طووول يا رب

العشاء شربت لي كوب عصير تفاح و روب

الحمدالله على سلامتج حبيبتي فتون

لاتحاتين عمري كيلو بس ان شاء الله ينزل بداله 3 كيلو

اهم شي عزمتنا قويه

:)

اليوم مشيت ساعه ونص

بس احس شويه خربطه :(

كليت على الغده سلطه خس وملفوف
و5 ملاعق عيش وثلث ديايه

يعني اقل من الربع

وتمرتين

والعشى سندويجه صغيره جبن
وروب قليل الدسم و5 تمرات

:(

بس ان شاء الله اقدر احرقهم

هلا رفاعية الله يوفقج في السياقة ان شاء الله
عااد هاا اذا انجحتي وين بتودينا حلاوة النجاح:21_8:

فتون حبيبتي كل مرة انتي الي تشجعينا لا ماتعودنا عليج جذي
تعودينا عليج دائما صبورة وتتحملين
يمكن خربطي في الاكل اشوي
اصبري حبيبتي والي نزلتينا ماشاء الله تبارك الرحمن كفاية يخليج ماتنحبطين ولا دقيقة وحدة

وعن نفسي اليوم احس ان بينت النتائج الرجيم
الحمد الله
اختي لاحظت عي
بس اشوف زوجي ماتكلم
اني قايلة مابسالة اني ضعفت ولا لا الا اذا هو قال لي
يكون احلى:21_133:
حسيت روحي تشجعت ولله الحمد

بسالكم
تعرفون شي عن الشاي الاخضر
هل صحيح ينفع حق انقاص الوزن ولا لا؟

اي حبيبتي ام عبادي

انا قريت اليوم اذا تشربينه 3 مرات في اليوم يحرق 200 كالوري والله اعلم

انا اشرب بس كوب في اليوم

مرحبا حبايبي انا ابي انظم ليكم
انا توني جديده وعندي هوس رياضه واحب جسمي يكون رشيق
بس احيانا يحبط الشخص بسبب ظروف مغينه يمر فيها
وزني 65وابيه يصير 57وطولي 160
طبعا عندي ثلاث اطفال
واخر بنوته جبتها بعمليه
علشان كذا زاد وزني
دائما احافظ على وزني بس هالمره مريت بظروف خلتني محبطه و تكاسلت
وابي تشجيع منكم
وعلى فكره يابنات فعلا خلطة البابونج والمارميه واكليل الجبل رائعه
بس طبعا اي اعشاب لاتغلى توضع بماء ساخن وتترك ساعه ثم تشرب
حتى لاتفقد فائدتها
اتمنى اني مااكون طولت عليكم
واتمنى تقبلوني معاكم

هلا والله الفاتنة .. نورتي موضوعك.. الحمد لله على السلامة

محتاجين تشجيعك .. بالنسبة لي أمس الحمد لله وقفت أكل من بعد الغذا

والله كريم ..

فتونة بغيت أسألك بالنسبة لرجيم التمر واللبن كم استمريتي عليه ؟؟
وكم نقصتي عليه بالتحديد؟
بصراحة ناوية أتبعة لمدة اسبوع وأجرب .. شنو تنصحيني ..
وهل إذا أكلت في الغذا 10 ملاعق أرز أو أقل بيخرب الرجيم؟

فتونة العفو حبيبتي
افا عليج بس نشجعج مثل ما شجعتينا قلبوتي
مشاعر التخربط شوي عادي بس لا تكثرين
ام عبادي افا عليج المكان اللي تامرين عليه بس بدخلج في اول طوفة
هع
ندى حياج حبيبتي جسمج حلو و ان شاء الله توصلين 57 و الحمدلله ع سلامتج و يتربون في عزكم ^.^
دموع شي حلو بس لا تيوعين روحج وايد اكلي فواكة لما تيوعين
عن نفسي النفسية شوي زفت لان امس ما مشيت الجو كلش ما يسمح و لا اليوم
و لان و انتوا بكرامة احس بالم الدورة مع ان باقي اسبوع بس دوم جي :(
الحمدلله ما خربطت في الاكل
تريقت توست اسمر و حليب قليل الدسم
و تغديت قطعة بيتزا و 3 ملاعق ارز

هلا والله مشاعر عزيزتي تسلمين لي
لا عزيزتي لا تحاتين تحرقيهم ونص بعد

أم عبادي شو نسوي عزيزتي الدنيا تدور وتدور و لازم عليك يوم منها مثل مالك يوم

حلو والله أختج عندها نظر بس ريلج الظاهر خجول

و الشاي الاخضر أنا قريت أنه يساعد في حرق الدهون

ندى البنفسج حياااج عزيزتي حيااج و الله يصبرج يااارب وتستمرين معانا
وطبعا ما يحتاج أهم كم كيلوو و بترتاحين منهم بس هالله هالله بس بالرياااضة و التخفيف

دموع حالمة حبيبتي أنا استمريت عليه أسبوع وكنت أكل فيه ثلاث ملاعق عيش
وكنت أكل بعض الاشياء بس ما وااايد وااايد

ونزلت عليه الله يسالمج تقريبا 3.5