يا أنا يا وزني وبتقولوا الفاتنة قالت

الفاتنة ما رديتي على استفساراتي صفحة 26 !!!!

أنتظر ردك بفارغ الصبر .. يبين انك ما شفتيه ..

آه يا بنات نفسيتي زفت × زفت ليتني ما وزنت بدال لا انقص زدت نص كيلو شاسوي بعمري يا رب احباط من قلب مع اني اروح الممشى من فترة و امشي ساعة و اكلي منظم بس شوي خربطت فيه بسبب السويت بس الحمدلله عطوني دافع لان ارادتي زفت :(

المشكلة يالفاتنه ان ساعات ما احصل وقت اني اكل لان ارد من الجامعة اتسبح وابدل وسيدة اروح معهد حق اتعلم الانقلش وفي البريك اخذ لي شي خفيف بس تصدقين احص ان جذي احسن ان ما اكل وانه ورفيجتي قررنه ان الاربعاء نروح نسجل رياضة ،،،، حبيت اسالكم اذا الواحد يسوي رياضة ويضعف صج منطقة الصدر تضعف ؟؟؟

بنت قطر فعلا معاج حق عزيزتي

سر الاحساس يالله عزيزتي شنو نااطره توكلي على الله

قمر قطر هلا عزيزتي فيه كثير طرق للرياضة بالبيت منها مثلا الدرج أو تجيبين وسادة عاليه شويه
وتركبين وتنزلين فيها وهذي الطريقة تقدري تسوينها وأنتي تشوفين التلفزيون

نواعم العود الله يبارك فيج عزيزتي وأأيه شجعي دبدوووبة عشاانة تووزن يبيلهها صفقة
وو مبروووك عزيزتي وعقبال الباقي ما شاء الله العايلة كلها حمممااااس

دموع حالمة الحين بشووفهم وبرد عليج عزيزتي واسفة ما انتبهت عليهم اسمحيلي

رفاعيه يمكن أنتي وزنتي عقب ما كليتي وما أنتظرتي ساعتين أو أنتي فيج الدورة لان هالامور
تزيد الوزن لما توزنين

اسيرة البحر عزيزتي ما يمنع هالشيء من أنك تطلبين من الوالدة الله يطول بعمرها أو أختك أو الخدامة
تسويلج ساندويش صحي و تشيليه معاج المعهد أو تأكلينه بالسيارة
وبخصوص أستفسارك أيوا تنقص منطقة الصدر إذا كانت كبيرة ومترهله و زين رفيجتج بتساعدج
وتحمسج

دموع حالمة عزيزتي أسفة مرة ثانية الغالية

بس الفاتنة كم ملعقة رز تنصحين آكل على الغذا كحد أقصى ؟؟ شوفي عزيزتي فيه بالسوق
ملاعق تجي عادية مثل الملاعق الاكل حقتنا يالي ناكل بيها بس مكان ما تأخذين الاكل اصغير اشوي
خذي منهم هدية حق بيت عمج و أكلي بيهم عشر إلى 15 لقمة لانها صغيرة ما عليج من شكلها الكبير
أو بالملعقة العادية خذي 10 ملاعق و طبعا سوي خدعة المضع الكثير يعني أتركي الاكل بحلقج مدة طويلة
و طبعا بين كل ملعقة عيش خذي ملعقة سلطة وكذا ما ينتبهون عليج

وأيضاً شنو تنصحيني آكل في الفترة ما بين الفطور والغذا غير عن الفواكه والخضار لأن فطوري العادة يكون من الساعة 7 فأجوع ليما يحين وقت الغذا الساعة 3 .. هل ممكن آكل سندويشة ثانية في هالفترة مع عصير مثلاً ؟؟
عشان ما أنقض على الغذا وآكل عيش بكثرة ؟؟ بخصوص هالموضوع روحي السوق ما أدري إذا عندكم والا لا
فيه وجبات خفيفة مثل بسكويت بس تكون مخصوصة للريجيم وفيها كثير فيتامينات و معادن بس انتبهي على
نسبة الدسم فيها لا تزيد عن 5 أو أخذي معاج سندويش من البيت صحي يكون أو أشربي عصير طازج أنصحج بكوكتيل الكيوي يالي أهو كيويتين مع عصير برتقالتين ونص موزة وهذا ميزته أنه يحتوي فيتامين سي
و يشبع بعد ممكن تعملينه بالبيت و تأخذيه بترمس معاكي للدوام
او نص ساندويش من يالي يبيعونها بالدوام بس شربي ماي معاها وطبعا أذا كان شغلك
على مكتب حاولي قدر الامكان أنك ما تجلسي عليها أكثر من نص ساعة يعني بعد
كل نص ساعه أمشي أشوي في المكتب خمس دقايق أو روحي القسم الثاني

أنا اليوم كنت صايمة و خذيت على الفطور صحن خس وخيار و تمر ولبن مع ساندويش نقانق
كان فيه نقانق مسلوقة و خضار و جبن قليل الدسم وعشاي روب وكوفي

قوة بنااااااااااااااااااااات

اليوم كملت امتحانات والحمدالله افتكيت
ان شاء الله من بكره باتعب على نفسي ومافي خربطه ولاكسل :)

اليوم عندي من الصبح امتحان طبعا الصبح كالعاده مالي نفس
رديت سيده ناميت قعديت الظهر
كليت تونه مع شوي خضره وجبن

وقعدت ادرس ومع الدراسه اشرب ماي وايد
ورديت من الامتحان الثاني وتعشيت دياي مشوي وجرجير وملفوف مقطع

ونص خبزه لبناني

والحمدالله الكل يقول اني متغيره
والسر الاكبر



















اني رديت البس ملابسي القديمه

شوي تايت بس اقعد البسهم وهالشي يعطيني دافع
كل ماشوف نفسي في المنظره احس ان صج سويت انجاز قليل

الله يصبرنا ان شاء الله

:)

لا حبيبتي الفاتنة وزنت و انا بين الغدا و العاشا و ما فيني الدورة بكرة ان شاء الله موعد فحصي للهرمونات
الله المستعان :(

شكراً لك الفاتنة .. وإن شاء الله أسوي اللي قلتين لي عليه ..

اليوم فطرت : خبز بالجبن + كوفي + 1 بقصمة
وجبت معاي على الشغل : 1 كرواسون وماي ..
والغذا : ما ادري شنو بس من البيت
ومافي عشا طبعاً
وبالنسبة للرياضة ساعة الا ربع مشي وتمارين

والله كريم ..

مرحبا بنات

اخباركم

حبيبتي رفاعيه دبدوبه حياتي اتوقع راح تجيج الدوره انت بعد تاكدي من الهرمونات وطمنينا وشوفي انتي انتبهي حق اللي تاكلينه يمكن في شي يمتنج يعني مثلا انا الرز ما يمتني لكن خليني اكل ملعقة معكرونه بس وحده على طول بتلقين كرشتي سابقتني:21_177:

الفاتنه اخبارج حبيبتي واخبار الضعف

انا بقولكم شصار معاي انا بديت الاحد واليوم اخر يوم امس شوي خربطت على الخفيف كلش ومااحس نفسي ضعفت 3 كيلو بس بكره بتاكد :sm229:

لكن الصراحه انا وووايد حابه ريجيمي لانه خفيف ومااحسه ريجيم وبعدين حتى لو ماضعفت ال3 كيلو في 3 ايام
احسه بعد اوكي يعني لو نزلت كيلو واحد ولا كيلو ونص في 3 ايام بعد احسها اوكي :21_91:

واللي مشجعني ان مبين علي الضعف لا وبقولكم شي انا كنت البس بناطلين سايز 18 الحين صرت 14 لا وامس جربت بنطلون اختي هي تلبس سايز 12 طبعا uk دخل بس باقي شوي علشان ارتاح فيه :yahoo::yahoo:

وبالتوفيق

لا لا لا لا لال لا لا لا لا لييييييييييييييييييييييييييييييييييييييييييييييييش
يا نااااااااااااااااااااااااااااااااااااااااااااااااااااااااااااااااااااااااااااااااااااااااااس يا عااااااااااااااااااااااااااااااااااااااااااااااااالم يا هووووووووووووووووووووووووووووووووووو
الكل ما شالله عنده عزيمه غير انا لييييييييييييييييييييييييييييييييييييش ياربي والله حرام
نفي اضعف نفسي يصير وزني 60 نفسي ياربي
بديت فتره ورجعت وقفت ياربي ايش اسوي قولولي وزني كان اول 75 والاحين صار 80 ااااااااااااااااااااااااااااااااااااااااااااااااه

ن شاء الله توصلي للوزن اللي تبيه بس لاتنسي التمرين انا عن نفسي امشي دايما
ونظرا لظروفي امشي نص ساعه بس لان عندي ولد مزعج ما يخليني بس لو بكيفي امشي ساعه يوميا
اذا انتي ما عندك احد يزعجك بليز امشي واتمرني قبل لايجي اليوم اللي تحلمي فيه تتمرني والظروف تمنعك

:

:

سلام عليكم

حبيت بس اهنيكم على هالإرداة القوية

الفاتنة انشااااااااااء الله توصلي للوزن المطلوب

وادي لي انا بعد انزل 4 كيلو بس وينشد جسمي

وتحياتي لكم

:

:

بنت قطر لا دورتي باقي لها اسبوعين
اميرة حبيبتي حياج في هالموضوع تلقين كل الارادة ان شاء الله
و اكل صحي بدون جوكلت او غازات اليوم رحت اسوي فحص هرمونات قالت لي تعالي بكرة من وقت
الحمدلله مشيت للعيادة و رجعت نص ساعة روحة و نص ساعة رجعة يعني مشيت ساعة و ريوقي كان سنديوجه و شاي بسكر خفيف و رجعت من المشي شربت حليب قليل الدسم و سويت كل شغل البيت يعني تحركت وايد
و ان شاء الله اوكي

ماشاء اله عليكم بنات عيني عليكم باردة واميرة حبيبي احنا انشاء اله بنشجعج بس انتي لازم تكون عندج ارادة وان انتي مقتنعة ان بتضعفين يعني لاتجبرين روحج بالعكس لازم يكون عندج الاصرار ان انتي بتضعفين وفي البداية اكلي كل شي بس شوي شوي وبعدين ابتعدي عن الاكل الدسم او الي ما ينفع وتقدرين تاكلين قطعة جوكليت كل اسبوعين او 3 وابتعدي عن الفاست فووود او اذا خاطرج اخذي بس بدون ما يونيز وكثري من السلط وانشاء الله خيير

ماشااااااااااء الله عليكم والله يقويكم

حبيبتي الفاتنة مبرووووووووووك وعقبال يوم توصلين الوزن المثالي وانتي بصحة وسلامة اجمعين ان شاء الله

حبوبة بغيت اسألج عن رجيمج وضحيلي طريقة رجيم التمر وعند الجوع شو اكل ولين متى استمر ع رجيم التمر

الحمدلله انتوا وااااايد شجعتوني ولله الحمد انا الحين اسوي رجيم نفس الرجيم المتداول بس ف العشاء متعشا

ممكن تفاحة وماي....وامشي ع السير 40 دقيقة في 4 كيلو واركب الدرج 20 مرة وساعات 30 ........لان عندي

السمنة منطقة الارداف والبطن ووزني 83 وان شاء الله يوصل 70 بالصحة والسلامة النا كلنا


فديتج يالفاتنة ردي علية بخصوص الرجيم اللي نزل وزنج وعطيني فكرة عن رجيم التمر

اناااااااااا معاكم بعد وزني ياايب لي الاحباااط ومليت من كلمه متيينه
اليوم انا باديه رجيم ومعاج وكل يوم راح اكتب يوميااتي اتمنى منج تشجيعي بعد وانشالله نضعف

الطول : 159
الوزن: 75
الوزن المطلوب 59
الرجيم : رجيم السعرات
الاراده : انشالله قويه

بنت قطر حبيبيت شنو رجيمج انا حاابه الرجيم الخفيف واللي يكون سهل

بنت قطر الرجيم مافيه سلطه وانا احب السلطه وبعدين الجبن يصير اي جبن خالي الدسم
وبغيت اسال عن المشروبات شنو
وومكن نبدل البسكووت ؟

بنااااااات اليوم شريت لي جهاز مشي مب السييير اللي يجيييج مكان اتحطين فيه الريل يمين ويسسار وتمرنت عليه 7 دقايق وولدي قعد من النوم ماقدرت اكمل
والحين صار لي يومين حارمه نفسي من الاكل واشرب شاي اخضر عالريق وقبل مااانام واكل وجبه وحده من سب واي
بس دامني شريت الجهاااز بنظم اكلي احسن لان جي احس نفسي مريضه كل مااجوع اشرب ماي

الوزن الحالي 67.2
الوزن المطلوب 57
الاراده: انشاء الله قويه

ولاكم للنات اللي انظموا لنا

و ان شاء الله دوم فوق الارادة عن الكل

ع نفسي بروح الممشى الحين و تعشيت توست اسمر مع جبن و حليب قليل الدسم

الحمدلله ارادتي قوية و النفسية اقوى يمكن لاني شريت جوتي يديد و دلاغ اسود فيه قلوب حمرة ( و انتوا بكرامة )

هع

اتغشمر

دووووم يا رب