يا أنا يا وزني وبتقولوا الفاتنة قالت

السلا م عليكم فتونه وش أخبارتس
آسفه عاى الانقطاع
الحمدلله ماشيه تمام مع الرجيم يوم الخميس أتم ثلاث أسابيع بس المشكله ماأحس إني نحفت
اشتركت بخدمه ترسلي الفطور والغداء والعشاء
وأفطر أحيانا نصف خبز بر وجبن قليل الدسم أوبيضه ونصف خبز بر والغداء ماعمري تغديت والعشاء زبادي وخبز بر أو فاكهه وكل هذا ولا أحس إني نحفت أخاف يجين احباط وأترك الرجيم
المغرب أكل تمر وسمعت إن التمر يحافظ على الوزن صحيح الكلام هذا

زين زين بنوتات
أعذروني اشوي على التقصير بس شنو اسوي اول اسبوع في الدوام ابغي أكون نشيطة هههههههه
وعذرا برد على الاستفسارات و الردود بكرا أن شاء الله

اليوم بصراحة صحيت متأخره وخفت أتأخر على الدوام فبدون فطور بس شربة ماي اشوي
و الغداء أشتهيت سندويش بيض بالخضار و العشاء كليت مسوين مدفونة كليت اشوي منها
وكثرة الخضرة

و الرياضة مااشي حالها مجتهدين وخصوصا بالدوام طالعه ونازله بالدرج و اتحرك من قسم لقسم
يعني فيه تقدم أكثر

عدت اليكم من جديد

الحمدلله العزيمة 100 - 100 و لا فراخ الجمعية

هع

و اكلي ما اخربط فيه و اذا خربطت اتمشى اكثر

أنا محبطة جداً ما أدري ليش ما قاعد ينزل وزني بالعكس زايد 900 غرام ..

اليوم كملت ثلاثة اسابيع ومانزلت غير 600 غرام فقط ..

شكلي بغير الرجيم .. ساعدوني برجيم بس أهم شي يكون الغذا من أكل البيت لأني آكل مع أهل زوجي وما أبغيهم يعرفون إني أسوي رجيم ..

شاكرة لكم ..

ما خبرتينا كم صار وزنج الحينه يا الفاتنة؟؟؟؟

بنات ادعولي اكمل معكم








(w)

محتاجة كلام يعور القلب ويحمممممس(w)

عاد نبغي نعرف كم صار وزنك يالفاتنة

حبيباتي مو لازم تنزلون من اول اسبوع او حتى شهر
نطروا
و عن نفسي ما احب اوزن روحي الا لما احس اني صج نزلت
خل ارادتكم قوية و و عزيمتكم اقوى

رفاعيه دبدوووبة هههههههههه أحلى عزيمة فددديتج أيه كذا والا بلاش

دموع حالمة أنتي قبل كنتي تتنقلي من رجيم لريجيم و نقصتي وزن صحيح هالكلام
وعقبها صار وزنج ثابت و الحين أنتي تكسري هالثبات فمن الطبيعي جدا جدا أنك تنزلي أشوي
و عقبها تزيدي يعني لا تنحبطي أبدددااا بالعكس هذي مرحلة طبيعيه

ريم الديماني ونورا لسه يا عزيزتي ما وزنت يوم الجمعه أن شاء الله


عروس مسافرة ليش يا عزيزتي أرحمي نفسك اشوي بعد النفسية لها دور كبير في تخفيض الوزن
فحاولي انك ما تتنرفزي ولا تتضايقي بالعكس حاولي تخففي على روحج فديتج
و تذكري احلامج وامنياتك و حاولي تسوي كونترولينج على نفسيتك وترا ماكو شيء يسوى


عاد أنا اليوم خبصت خبصت خبصت
في الصبح كليت جبنة قليلة الدسم ملعقة وحدة بس مع ربع رغيف خبز اسمر
وشربت اثنين كباتشينو من غير سكر وبحليب خالي الدسم
وتغديت صحن صغيييير ثريد مع خس
و قبل اشوي خبصت لما طلعت مباراة المنتخب الشباب والشابات عندنا ما شاء الله
مجمعين كل مالذ وطاب و كليت من كل شيء اشوي بس اوعدكم اني بروح امشي بعد اشوي
وماراح اتعشى

والله يعينا جميعا ويصبرنا
بنات إذا ما نزلنا أوكي ماعليش لا تضغطوا على روحكم بالعكس أرحموا حالكم
خلوا نفسيتكم مرتاحة عشان جسمكم يتفاعل مع الموضوع
معليش اذا ما نزل وزنكم أو ثبت فهذا شيء طبيعي في بعض الاحيان يحتاج
الجسم أنه يتعود على هالشيء لانه بالاساس متعود على كثرة الاكل والخمول
فأهو يحسب قلة الاكل والنشاط عملية غير طبيعيه فيحاول أنه يخزن دهون للزمن
لكنه أولا وأخيرا بيضطر أنه يحرقهم
وأن شاء الله يارب يارب كل وحدة تنال مرادها و تحقق الوزن يالي تحلم فيه و يكون حلمه
حقيقة ودافع لها للحياة

فتونه وش أخبارتس
كم وصل وزنتس

صباح الخير يا بنات ..

طبعاً أمس يوم التخبيص العالمي عندي بسبب نفسيتي المحبطة جدا بس الحمد لله ما زدت ولا غرام الحمد لله الحمد لله ..

بس الحمد لله اليوم نفسيتي واجد احسن وأحاول اتقبل الموضوع بصدر رحب لأني في الآخر ما عندي حل ثاني إلا اني اسوي رجيم ..

بس قررت أني أغير رجيمي وأصك بوزي من بعد 6 أو 7 كحد أقصى يعني ما أتعشى .. وبحاول أخفف أكل
بس الفاتنة كم ملعقة رز تنصحين آكل على الغذا كحد أقصى ؟؟ لأني آكل مع بيت عمي وما أبغي احسسهم إني أسوي رجيم .. وبالنسبة للفطور يعني راح آكل سندويشة جبن أو 2 توست بالجبن أو اللبنة مع كوفي ..

وأيضاً شنو تنصحيني آكل في الفترة ما بين الفطور والغذا غير عن الفواكه والخضار لأن فطوري العادة يكون من الساعة 7 فأجوع ليما يحين وقت الغذا الساعة 3 .. هل ممكن آكل سندويشة ثانية في هالفترة مع عصير مثلاً ؟؟
عشان ما أنقض على الغذا وآكل عيش بكثرة ؟؟
وهذا بكون نظامي ساعديني الفاتنة .. مع نصف ساعة مشي .

وآسفة إني طولت عليكي في الأسئلة بس بجد أبغي انزل وزني ..

الأنظمة العشوائية في تخفيف الوزن تضر الجسم

فديتج فتونة
جفتي عاد
لولز
يلا بنات شدوا الهمة فديتكم

حبيبتي لاتحزنين ولا شي وما عليج من كلام الناس بالعكس لازم تخلينه دافع لج انه الصراحة الي شجعني اكثر برنامج الرابح الاكبر شلون البنت كانت متينه وصارت عوووووووووود والله اني بطلت عيوني واحين قصتج بعد وايد ساعدتني ترى مرت اخوج بالعماله تسوي هالحركات انتي ما عليج من احد اهم شي احنا معاج صدقيني عقب الكل بيسالج شنو سويتي والكل بكون معاج من احسن ما يكون وبشجعونج بعد جوفي الرابطة الي حطتها العضوة روعة وانشاء الله كلنه معاج لان انه احس بالام الي انتي تحسينه

انه شكلي ببتدي معاكم

حياج الله عزيزتي اسيره البحر :)


شخباركم بنوتات؟


اليوم كليت شريحتين توست بني وبيضه مسلوقه ووخس وسمجه صغيره

الكل لاحظ اني شوي متغيره

الكل يسالني شفيه ويهج متغير ههههه

يالله الحمدالله
نفسيتي من الدراسه ماساه ان شاء الله اكمل امتحانات الاثنين

طبعا الرياضه مولي هناك بسبه ضيق الوقت :(

بس اخلص امتحانات ان شاء الله اعوض

ادعوا لي

مشاعر الله يعينج حبيبتي و يوفقج

و اسيرة حياج قلبي

اليوم مشيت لي ساعة ^.^

مرحبا بنات

على فكره هاي اسمي الجديد كان manoo44244 الحين احلى صح (y)

تذكرون اخر مره يوم قلت لكم اني خبصت فالاكل ورجعت ال 2 كيلو اللي خسرتهم المهم

ماابي اطول عليكم امس بديت في ريجيم ال 3 ايام اللي تنزلين فيه 3 كيلو

لان بكره بروح حفله وحده من ربعي وابي اكشخ

بديت فيه وبكره اخر يوم واول مابديت كان 67.5 والحين 74 طبعا من غير رياضه

واول ماشفت وزني نزل كيلوين من العاده كنت اكافى نفسي واروح اكل :sm215: بس اليوم غيرت المكافاه ورحت

وشريت لي كم بيجامة جديده وسويت لي حمام مغربي :21_207:

عاد انشاء الله بكره لين وقت الحفله اكون نزلت الكيلو الثالث

على فكره يا بنات الريجيم اللي اسويه حلو ماادري يعني انا مرتاحه فيه

الله يوفقكم وينزل من وزنكم ادعولي انا بعد

باااااااااااااااي

بديت فيه وبكره اخر يوم واول مابديت كان 67.5 والحين 74 طبعا من غير رياضه

شلون جي غاليتي

بس يلا ان شاء الله تنزلين الـ 3 بس حاسبي فديتج

اسيرة البحر كلام عين الصوااب وفي محله فديتج

مشاعر بحرينية عديها أختي وخليها على الله مشي أمورج وذاكري عدل
شفتي كيف بالمواضبة راح تتحسنين أكثر

دبدووبة يا عيني عليج أيه كذا أمشي فديتج وأحرقي هالكلوريات

بنت قطر حلو النك مبرووك عليج و حلو والله ياريت تعلميني نظامج بالتفصيل عشان أشوف
إذا ممكن أتبعه والا لا وصحيح نعيما على الحمام المغربي و تلبسيهم بالهناء البيجامات