يا أنا يا وزني وبتقولوا الفاتنة قالت

هلا بنوتات يا قويااااااات يا صااحبات العزيمة والارادة
حبيباتي ببتدي أولا بيومياتي
على الفطور كليت خمس تمرات و اشويه زبادي هذا الساعه 7 الصبح و الساعه 12 ونص شربت عصير برتقال
طازج و حبة فراولة وعلى الغداء كليت اشويه معكرونة بالخضار اشووية
و على العشاء كليت اشوية كبد مشوي مع اشويه نقانق مشوي بدون اي دهون
ومشيت نص ساعه و صعدت ونزلت الدرج و بمشى بعد اشوي نص ساعه كمان
المغرمة لا عادي عزيزتي الخبز الاسمر واايد زين أهو صحيح أقل من الخبز الابيض بشوية سعرات بس
غني كثيييييييير بالفيتامينات وعادي يعني كل باليوم خبزة أو خبزتين يعني أنا داايما مواظبة عليه
وكتكووته حيااج وينج أذكرج الغالية زين التخفيف أحلى عشان ما تحسين بالحرمان وتتضايقين كبداية
وااايد زين وبعدين أشوي اشوي بتتعودين على التخفيف أكثر وأكثر
أم عباددي أشلونج وأشلون عبادي يووووه عبااادي بيلعوز كل شيء عبادي نام بدري ولا تصحى الماما
حاولي أختي أنك تسوين لك مقرمشات من الخضروات يعني جزر و خس و خيار بدل الشوكليت والمينو
نواعم عود هههههه أحلى مسلسل مصري
رفاعيه شفتي المسألة مسألة وقت وبس يعني من تخفيفين تبدين تحسين أنك خفيفة
وعقبها تخففيين أكثر و تحسين روحج أخف وعقبها تصيري تأكلي حسب حاجة جسمج مب نفسج
وبحسين نفسج ريشة وطبعا الاصرار والارادة

أصبروووا أصبروووا لا تضيعون تعب ليالي بيوم ويومين أرجوكم لمصلحتكم
كلنا قدها وقدود كلنا قوويات والصبر مفتاح الفرج والاكل مجرد هاجس يجينا
وبيروح لا تضعفوون فالضعف سمة الخاسرون كونوا قد التحدي تحدي أنفسكم
وثابروا فمن صبر نال ومن جد وصل
وتذكروا دائما دائما دائما أن هذا الشيء لانفسكم لمصلحتكم أنتوا وبس ولاي أي قوة بشرية
تقدر تساعدكم إلا نفسكم أتحدوا و قابلوا أنفسكم الضعيفة باصرار وعزيمة وقوة لتجدوا
نفسكم أناس غير الناس الذي تعرفونهم
أطلقوا الشجاعه دااخلكم وأحسبوها بعقلكم لا بعاطفتكم
والله يوفقني ويوفقكم جميعا و يصبرنا ويوصلنا لمرادنا آمين يا رب العالمين

ياسلالالالالام عليج يالفاتنه

خطيره كلماتج ربي يحفظج ويعافيج

من متابعينج انا اليوم اول يوم لي مع اختي الغامديه

وان شاء الله نستمر احساس جميل والله ورائع

واحساس انك خفيف حلو :)

والله يعطينا الاراده والعزيمه الكافيه للمتابعه

والتخفيف وتنقيص الوزن :/

موفقييييين يالحلوات

فديتك عيوني
وانا بعد من يوم شفت موضوعك والله تشجعت وصرت صديقه للخضروات ههههههههههه
وصار ضميري يأنبني لمن ابي اكل شي
هذا يعتبر تطور بالنسبه لي

ماذبحت روحي من الجوع
لا بس قاعده اكل بس اشياء مفيده

الله يعطيكم العافيه عيوني

:sad::sad::cry::cry:

مااعرف شقولكم بس في الويكند فتحت على الاخر كلت لين الله شافلي طبعا

يوم الخميس تججت لان جاتني الله يعزكم الدوره وانا في الدوره احب اكل شي سويت قلت معليه يوم الخميس بس وبكره بكمل ريجيم المهم رحت المزرعه مع هلي وطبعا برد فما في شي ما كلته سويت عيش ولحم كل شي :cry:
وطبعا السبت بعد خربته رحت السينما وكل ناشوز مع الجبن وسويت ووالحاله حاله

طبعا استحيت من نفسي اليوم وما قدرت اوزن لاني متاكده رجت 76 عقب ما نزلت كيلوين

واليوم من كثر ما انا قرفانه نفسي مب قادره اكل ادعولي بنات ولا تدرون هاوشوني واللي في قطر تجي طقني انا راضيه :cry:

بنات انا مشكلتي الويكند ماادري يمكن لان انا وايد اسوي ريجيم فبديت ازهق مع ان انا حاطه هدف قدامي انا رميت كل ثيابي القديمه الوسيعه وطبعا صار الكبت شبه فاضي وخاشه فلوسي وماحركت شي من معاشي على شان اشتري ثياب بس الظاهر مب شاريه شي

صباح الخير يا بنات

أنا بظل ع نظام التخفيف اللي ماشية ومستعية بنظام بين يدي
ارتجا يعطي نتايج عالقريب
ببدا دوامي الاسبوع الجاي يعني أهلا بالمشي -----> وتغيرت :D


مانو ولك كلنا نغلط
بس عاد توبة ما تعيدينها



أنا مثلك غلطت هاليومين اللي راحوا
بس مع هذا ما بزعل من حالي وإلا بترك النظام من اساسو
كملي منين وقفتي

واحنا كلنا معك :wink:





الله يوفقكم حبيباتي
ويارب نسمع أخبار حلوة من الجميع

مشكوره اختي الفاتنه على ردك والله يحقق اللي في بالش ياااااااااااااااااارب
وانشاء الله الجميع يواصل ويوصل حق هدفه

السلااااااااااااام عليييييكم يا عسولات

ياسلااااااااااااااام حلو التيم ورك هداا

ان بعد نفسي اضعف :( كل ما احاول اعمل رجيييم اضعف كل ما اشوف الحلويات والشوكليت

بس والله والله حمستوني بنوتات

تسلمي يا فاتنه على هدا الموضوع وياريت انضم اليكم

انا وزني حاليا همم اخر مره شفته قبل اسبوعين كان 67 يمكن زااد الحيين مع الحلاالي اكله:confused:

كل تيابي ضاقت عليا ...انا لي الحين 5 شهور متزوجه زواجي كان في الصيف الي فات :o
وكان وزني تقريا 59 يعني زدت فوق وزني 8 كيلووووووووووووووو :confused:
وكل ملابسي حق الجهاز صغرت عليا ....امي وصديقاتي يقولولي
الحرمه بعد ماتتزوج طبيعي تسمن :confused: خوفوني وفقدت الامل
قلت يعني مستحيييل ارجع لوزني الطبيعي

وانتي دحيين يالفاتنه شجعتيني اعمل معاكم رجييم ورياضه
ان شاءالله بس تجييب معي نتيجه (a)
ادعووولي يابنات والله اني احيانن استحي من وزني الزايد جمب اهل زوجي
الي تعليقاتهم ما توقف :( .....

حياتي روحي عند دكتةر نيوترشن وايد بينفعج انا راحت ونزلت 8كيلو في 25يوم بس اختي ودارات وانا اتكاسلت والحين ناوية ارجع شو رايج

هلا حبايبي شلونكم ؟؟

الفاتنه شخبارج شخبار الرجيم ؟؟؟
رفاعيه ابوي شلونج؟؟


انا اليوم وايد مرتاحه
مشيت مشي سريع مده ساعه

والغده كليت لحم مع خضره

والعشاء سلطه تونه وماكملتها

وايد احس نفسيتي مرتاحه من ناحيه الرجيم

اما الامتحانات :(:( الله كريم

صباح الخير يابنات ..

لا جديد لدي ماشية على نفس النمط وإن شاء الله يوم الأربعاء أشوف جم نقصت ..

الله كريم ..

مشيت أمس نص ساعة وسويت شوية تمرينات ..

مشاعر يسرج الحال حبيبتي
شخبارج انتي ان شاء الله بخير
انا ماشية ع الريجيم الحمدلله اوكي بس ما سجلت في النادي لان وقتي شوي صار ضيج و ان شاء الله مع الايام بفضى و بسجل ^^

نور البدر هلا والله اشحالج نورتي يا نور الحلوات واضبي كذا أبيج

نواعم العود أيوا اتصدقين حتى أنا كنت أكره الخضروات الحين أكتشفت أنها لذيذة جدا وخصوصا
الجزر والخيار والخس

مونو ولا تزعلين عزيزتي ولا تنقهرين في الويك أند شو تسوي قبل لا تروحين أي مكان مثلا سينما
أو بيت أهلج أو المزرعه أو الشاليه أشربي ماي كثير وكلي خضروات عشان لما تروحي هناك
تأكلين أشوي وحتى لو خبصتي أشوي مش مشكلة
عوضي بالمشي ومثل ما قالت لج أختي المغرمة مرة وخلاص لا تقولين بترك الريجيم لالالا واصلي
من لا يغلط يا حبيبتي لا ينجح
عروس المسافر هههههه هلا بالتغيير وإلى الامام عزيزتي

المغرمة تسلمين عزيزتي و يحقق يالي في بالج بعد يارب

أخت القمر تشجعي تشجعي وواصلي كلنا معاج وهدفنا واحد وما عليج من أهل زوجك يا الغالية
كلام وقطيها في البحر

فطامي أنا جدولي و شغلي ما يسمحولي اتابع مع دكتور نيوترشن ولو أني سامعه عنه كثير

مشاعر الله يسلمج أن كول في كول و بخصوص الريجيم عفيه عليج أما الامتحانات يا عزيزتي الله يوفقك
يارب وتشوفين يالي يسرج

دموع حالمة فيه تغير رياضة وماشيه أوكيه يعني خلالالاص هالاسبوع أن شاء الله باذن الواحد الاحد راح تضعفين
أكثر من كيلو بصراحة واايد جايني أحساس قوي من صوبك أنك أن شاء الله بتكونين كووول واضبي عزيزتي

رفاعيه ترتوووب الغالية ووو سجلي على الاقل أمشي بالبيت كبداية عزيزتي سيروووا وأنا من أمامكم

بخصوصي اليوم صايمة و بفطر تمر ولبن و اشوي ثريد و على العشاء باكل روب وخلصت الموضوع

طبعا لازم مشيت ولازم صعدت الدرج كالعادة بس أحس نفسي اشوي متهاونة بالمشي

الله كريم و أن شاء الله كوووووووووووووول

فديتكم اسمحولي على تدخلي بحكيلكم تجربتي انا طولي 149 وزني كان 94 متزوجه المهم مليت من الوزن غير جذيه ما الاقي ملابس علي طبعا جتني حاله هستريه غير الكلام اللي اسمعه عني وعن ريلي والمقارنات وبعدها اعلنت الحداد على الاكل وفعلا و ظابت مع دكتور كان يعطيني حبوب باهبل و يقول انها ما تضر ونزلت معاه خلال شهر 18 كيلو حد يصدق طبعا نزول سريع ومعاه زياده سريعه. وبمجرد تركت الرجيم الا ما اشوف نفسي في فتره وجيزه بلونه طبعا جاني احباط ماتتصورن شو سار فيني .ورجعت طبعا بعدها بفتره طويله اسوي رجيم مع نايتورشن ونزلت لدرجة الدكتور كان يقولي انتي احسن نزول في النساء عندي ما شاء الله عليج ومع الوقت اصابني ضعف ووهن فضيع واظطررت اوقف الرجيم واصابني فقردم حسبي الله على نيوترشن وجلست سنه اعالج في نفسي ولكن بعدها اجتني فكره جديده وهي الشفط لان عندي تراكمات دهنيه فضيعه في منطقة الارداف والورواج الله يعزكم طبعا سويت بحثي واخير حصلت دكتور ممتاز في السعوديه وسافرت مع الريل الله يعينه علي والله تبهذل وياي وسويت العمليه مع ان ريلي مش موافق ابدا ومع جذيه سويتها والنتيجه مذهله لكن اقسم بالله العلي العظيم اني ما انصح وحده اتسويها ارجوكم لا حد يسويها . طبعا ما قلتلكم عن الالم اللي عانيته بعد العمليه شي فظيع ما ينوصف المهم قمت بالسلامه ورجعت البلاد واول مارجعت دخلت المستشفى واخذت كيسين دم طبعا . وبعد فتره بانت النتايج المذهله ونزلت من الاماكن اللي اريد انزلها لكن هنيه الصدمه رجعت امتن من اماكن ثانيه مثل الزنود والبطن والحين اتابع مع اخصائية تغذيه و ادعولي اني اقدر اضعف وانزل وزني . السموووحه اني هذرت عليكم وايد

الفاتنة;5119890:
نور البدر هلا والله اشحالج نورتي يا نور الحلوات واضبي كذا أبيج

نواعم العود أيوا اتصدقين حتى أنا كنت أكره الخضروات الحين أكتشفت أنها لذيذة جدا وخصوصا
الجزر والخيار والخس

مونو ولا تزعلين عزيزتي ولا تنقهرين في الويك أند شو تسوي قبل لا تروحين أي مكان مثلا سينما
أو بيت أهلج أو المزرعه أو الشاليه أشربي ماي كثير وكلي خضروات عشان لما تروحي هناك
تأكلين أشوي وحتى لو خبصتي أشوي مش مشكلة
عوضي بالمشي ومثل ما قالت لج أختي المغرمة مرة وخلاص لا تقولين بترك الريجيم لالالا واصلي
من لا يغلط يا حبيبتي لا ينجح
عروس المسافر هههههه هلا بالتغيير وإلى الامام عزيزتي

المغرمة تسلمين عزيزتي و يحقق يالي في بالج بعد يارب

أخت القمر تشجعي تشجعي وواصلي كلنا معاج وهدفنا واحد وما عليج من أهل زوجك يا الغالية
كلام وقطيها في البحر

فدييييييتج حبيبتي
تسلمي على التشجيييع وفعلا انا مواضبه معاكم من يوم السبت
اليوم ثالث يوم في الرجيم ...والحمدالله ماشي الحال...

انشاءالله يارب يجيب معي نتيجه ........:)

متواصلين طبعا :wink:

هلا بنوتات
رفاعيه ابوي
ابتدي في البيت
شوفي اطول ممر في البيت وجوفي عمرج فيه هههههههه

وافضل لو اتسمعين اف ام ولا اتحجين في التلفون مابتحسين في الوقت

انا الاحد والثلاثاء اوصل خواتي المعهد وامشي في النادي البحري والله امس لفيته تقريبا 6

وانا اسمع الاف ام واتحجى في التلفون والله ماحسيت بالوقت


بس المشكله امتحانات :(:(

والله تغربليت

الله كريم
ان شاءا لله عقب الامتحانات اواصل :)

اختي الفاتنه :)

زين ماتسوين الصيام وايد مفيد :)

الله يعطيكم العافيه رشيقات :)

اما عن اليوم رديت من الجامعه كان عندي بريك تغديت دياي وخس

ورجعيت الجامعه

الحين قاعده اكل فراوله وان شاء الله هذي عشاي :)

شخباركم؟؟
وشخبار الرجيم معاكم
شخبارك الفاتنة ؟؟
بسالك رجيم التمر واللبن كم كيلوا تنزلين في اسبوع واحد؟
ابي اروح اسجل في نادي بس مترددة اخاف مااواضب على الروحة
اممممممم
اول شي بروح بشوف الصالة
لان من شهرين رحت اشتركت في صالة رياضة
بس كانت وايد ضيقة والي فيها يلعبون اكثر من مساحة الصالة كلش ماارتحت من جذي طلعت
بس بحاول بشوف يمكن اروح
لان رجيم من غير رياضة ماينزل الوزن بسرعة

هلا بنات شخباركم وشخبار الرجيم وياكم
حبيتت اسال اذا احد استخدم حبوب زين الاتات القاطع للشهية
اذا كان يجيب نتيجه والا لا
ياريت اسمع الرد
الحمدالله انا سويت رجيم لمده ثلاث اسابيع مانزل وزني الا كيلو واحد وتحطمت مرره لاني كل الي معاي نزو اكثر مني ونفس الاكل
لما فطمت ولدي من الرضاعه بدء ينزل بشكل كبير وواضح الحمد الله
بس كم مابعد اوزن انشاءالله بكره
اسفه على الهذره

شكراً الفاتنة على التشجيع ..

مع إني امس خربطت ولكن بعدها مشيت في المجمع تقريباً ساعتين وشوي ..

وآخر ساعة اكلت فيها سبع وشوي وبعدها ما أكلت ولا شي يعني إن شاء الله يكون انهضم اللي اكلته.