يوميات مسابقة الرشاقة 2008

MemoriesInBloom حبيبتي لا تضايقين هالشي طبيعي حاولي تقاومين او تشربين عصاير مثل عصير الاناناس يقولون وااايد زين اذا قدرتي تمسكين عمرج لمدت اسبوعين بعدها الرجيم بيكون سهل وخفيف وبتتعودين عليه بس الاسبوعين الاوليات هم الاصعب

وأنا هالايام مب احسن عنج واااااااااااايد ايوع وحتى مستغربة من عمري لا واليوم خربتها سرت عرس وما قصرت في الاكل بس الحمد الله بعد حاولت امسك نفسي وبعدت عن العيوش والاكل الثقيل وكثرت من السلطه خخخخخخخخخخخ بس عقب مارديت من العرس اكتشفت السبب وليش انا كله يوعانه ثرا الحبيبة مجدمه عن موعدها والله يعين لين تخلص اخاف يزيد وزني:( بس ان شاء الله ايود عمري كثر ماااااقدر

مرحبا بالحلوين
اليوم أفطرت كأس حليب
والمغرب أكلت 7تمرات وزبادي
والعشا قطعة لحم وخضار مسلوقه
وبكره معزومه بس ماراح آكل :)

وجودكم يحمسني كثير بالرغم من اني محبطه نوعا ما :)

احبكم كلكم

السلام عليكم رشيقاااااااااااات
انا بصراحه قلت شالفايده اخر الليل اقول لكم انا ايش كليت او شربت
فمن اليوم ورايح باذن الله باقولكم من الليل ايش بيكون جدولي لباجر
عشان نفيد ونستفيد :)

السبت 5-1-2008
شاي صيني
الفطور : ويتابكس + حليب
الغداء : احم معزومه بس اوعدكم وعد ما راح اخربط باذن الله
العشاء: خضار سوتيه + تونا
وباختمها بروب اكتيفيا الي يساعد على الهضم << اختكم فيها عسر هضم :)

وادعوا لي بالتوفيييييييق عندي امتحانات وربي انياحاتيها ومحتاجه اني اعديها
بالتوفيييييييق

صباحكم فل وياسمين

شخباركم...

MemoriesInBloom الحال من بعضه وخصوصا اني متبعه هذا النظام صارلي شهر ونزلت 3 كيلو وثبت موراضي ينزل اكثر وصرت محبطه جدا واحاول بس عيه ... الله يعينا ونشد الهمه
يومياتي

الفطور
كورن فليكس فيتنس للرشاقه

الغدا
كان في بيت عمي (والد زوجي) كليت دجاج كوبين تقريبا رز وسلطه

والعشاء
شاورما بالخبز الاسمر وشويه حمص

وشاي اخضر كوب وباقي قي الدله اوعدكم ما ارقد الا وانا مفضيتها ............خخخخخ

واما عن الرياضه
صادني كسل من وقف وزني

وان شاء الله بكرة امشي لو نص ساعه

وتمنياتي للجميع بالتوفيق والجسم الممشوق

هلا حبايبي اشتقتلكم و الله
انا شايفة انو ما شاء الله الحماس عالي الحمد لله
عروس نجدية ما في سبب تنحبطي حبيبتي بس جسمك لسه ما اخذ على دايت
بس نصيحة خذ الاوزان مرة اسبوعيا مشان تشوفوا الفرق اللي سويتوه خلال الاسبوع
وخليكم دايما هيك و معنوياتكم عالية

[SIZE="5"]كيفكم بنات و كيف الرجيم معكم ان شاء اللة تمم

يمنع وضع روابط دعائية أو روابط فيها صور اشخاص

حبيبتي ladya
بصراحه البركه فيييييييج ياعزيزتي الي طلعتي لنا بهالفكره الحلوه .. واحنا باذن الله ماشيين عليها
وبعدين حبايبي مابي اقول اني خبيره في كل انواع الرجييم .... بــــس والله كلامي انا محاسبه عليه ترى ماخليت اخصائي في لبنان الا وحضرت له دوره ... ويوم رحت اعالج عن عسر الهضم ماخليت كتيب و بروشور ماقريته ... ولا بعد قعدت مع دكتور الونج لايف الي يطلع فالتلفزيون قناة لبنان .. وشرح لي بالتفصيل الممل وطيعوني ترى مافي احسن من التخفيف والمشي واكلوا الاكل العادي الي انتوا متعوديين عليه لان هالاكل جسمكم متعود انه يحرقه اما تجيبين اكل جديد و اواع جديده ترى جي جسمج يبيله وقت لين مايتعود على هضم هذي النوعيه من الاكل
من جي اي وحده تبتدي رجييم اول الايام صعبه لها والاكل مايشبعها وماينحرق بسرعه
اتبعوا نصيحي وباذن الله بتنزلون فالاسبوع من 2 الى 3 كيلو ... وقولوا اوركيديه ماقالت

بالتوفيييييييق

[GRADE="008000 008000 008000 008000"]السلام عليكم ....امس انا خبصة شوي ...فطوري :بيضه مسلوقه+برتقاله..


الغداء:ثلاث ملاعق عيش برياني .

العشاء :خبزه مع صوص دياي ....ادري اني خبصت ...بس شربت شاي اخضر...

اليوم ...الفطور برتقاله ..والغداء ...سلطه..وبكتب لكم الباجي لاني طاااالعه انشاالله مااخبص...[/GRADE]

عروس نجدية

هلا يا عمري .. انا لاحظت انج ما تاكلين غير وجبه وحده باليوم و الباجي فواكه و شوربات !! و اذا انتي تتبعين هذي الطريقه من فتره طويله .. اقول لج ان جسمج تعود على طريقة أكلج و انه صار يخزن كل اللي تاكلينه في الجسم و ما ينزل اي شي منه ..

و انا اقول هذا الشي و متأكده .. لأن أختي كانت ما تاكل شي أببببدا غير وجبه وحده في اليوم .. و تمشي على طووول و ما كان وزنها ينزل.. بس لمن صارت تتبع نظام الحصص نزل وزنها وما شاء الله عليها .. كان وزنها قريب ال 80 و الحين 50 .. بس الله يهديها الحين صار عندها مثل العقده النفسه من السمنه.. ما تاكل شي تخاف تمتن الله يحفظها يا رب :( ..

اعتقد انج لازم تغيرين من طريقة أكلج كل اسبوع ..



* شهد *

الله يسلمج الغاليه :) ..



Vanilla

علياء الإمارات

وهج الدموع

مشكوورات حبيباتي على الاهتمام و الرد .. بس الحمدلله امس و اليوم اشوف نفسي احسن ..قدرت امسك نفسي عن الاكل شوي .. و ان شاء الله اتابع لين النهايه .. و هالاسبوع ما اعتقد اني بنزل شي :( ..



اوركيديه

وبعدين حبايبي مابي اقول اني خبيره في كل انواع الرجييم .... بــــس والله كلامي انا محاسبه عليه ترى ماخليت اخصائي في لبنان الا وحضرت له دوره ... ويوم رحت اعالج عن عسر الهضم ماخليت كتيب و بروشور ماقريته ... ولا بعد قعدت مع دكتور الونج لايف الي يطلع فالتلفزيون قناة لبنان .. وشرح لي بالتفصيل الممل وطيعوني ترى مافي احسن من التخفيف والمشي واكلوا الاكل العادي الي انتوا متعوديين عليه لان هالاكل جسمكم متعود انه يحرقه اما تجيبين اكل جديد و اواع جديده ترى جي جسمج يبيله وقت لين مايتعود على هضم هذي النوعيه من الاكل
من جي اي وحده تبتدي رجييم اول الايام صعبه لها والاكل مايشبعها وماينحرق بسرعه
اتبعوا نصيحي وباذن الله بتنزلون فالاسبوع من 2 الى 3 كيلو ... وقولوا اوركيديه ماقالت

بالتوفيييييييق

أنا اتفق معاج.. و هذي الطريقه اللي اتبعها ان شاء الله ..
:)

هالو بنات كيف الحال اليوم خربت الدايت بس بنعوض شوي
فطوري كان سندويش جبن وكب كوفي
الغداء مكرونة وسلطة وكوب شاي اخضر بس بنات محد جاوبني متى المفروض اشرب الشاي الاخضر ؟؟؟؟؟
والعشاء بتعشى روبة وكوب شاي اخضر
ما رياضة اليوم احس اني خمولة واحس بتعب ....

السلام عليكم بناات شلوونكم .. شخباركم مع الويكند XD

علياء الإمارات زين انج بعدتي عن العيوش والحلويات وكثرتي سلطاات >> بس المرة الياية ديري بالج أكثر

عروسة نجدية اكثر شي حبيته بردج إنج متفائلة , إن شاء الله دووم وشدي حيلج كلنا معاج

أوركيدية ..

بالنسبة لي تكتبين بالليل نفس الشي أحسن من لا تكتبين شنو بتاكلين باجر .. لأن اليوم يمكن تخططين شي وباجر تشتهين شي ثاني
وبالنسبة للكلام اللي كتبتي اتفق معاج 100%

لأن انا اللي نخططته بالرجيم أن يكون روتيني طوووول حياتي .. مابي اضعف وبعدين اغير نمط أكلي و أرد أمتن .. آكل اللي بخاطري بس بكمية معقولة .. و أقطع اشياء معينه >> بيبسي ومعكرونة >> و إن شاء الله الككاو ولو انها صعبة بس على الأقل آكله بالشهر مرة ويكوون بالصبح عشان احررقة .. ولا انسى الرياااااااااضة
وتسلمين على هالمعلوماات , يعطيج العافية

و أم خماس الشاي الأخضر >>> لازم تشربينة اول ما تقعدين من النوم على الريج وقبل لا تنامين

و إذا قدرتي تشربينه بعد الغدى بساعتين ممتاز

بس ديري بالج , قارية مرة ان مو زين تشربينة أثناء الأكل .. والله اعلم

بالنسبة لأكلي اليووم ..

قعدت وانا مختررعة >> كنت مقررة أصحى الساعه 6 , وقعدت الساعه 9 إلا ربع .. على طوول نقزت من الفراش وتزهبت رحت النادي وانا مو ماكلة شي .. غير اني شاربة لقمتين مااي

على ما بدلت ووصلت بديت رياضة من الساعه 9:30 لين 11:30 ..

رديت البيت خذيت شور وشربتلي شاي اخضر ورحت حق صديقتي >> عازمتني على الغدى

وقتلهاا مانبي فاست فوود , والحمد لله

كان اكلي >> صمونه ديك رومي من صابوي من دون صوولص بس فيها ليمون وطماط وجبن لايت مع مخلل + كليت شوية بطااط , وعشان خاطرها كليت من الحلوو كانت مسويته

والعشى طبعا كالعادة شااي اخضر + مااااااااي

وميته و أشررب حليب فرااولة بس مسكت روحي وجابلت الابتووب افضفض لكم

السلااااام علييييييييييييكم

وحشتوووني بنااااااااات اليوم كله منشغلة بالبروجكتات وماخذه وقتي

:: يومياتي ::

الفطور: كان عباره عن بيض 2 (بدون دهن سويته طبعا) + مشروم 3 قطع + توست 2

الغدا : كنت في بيت صديقتي وراعتني مسكينة هههههههههه وكان : دجاج بالفرن عليه بعض الجبن مع خبز اسمر وتبوله

وبعدين اكلت قطعه بحجم نصف يدي من كيك اسفنجي وقصيت لي قطعه ضعيفه

والمغرب اكلت ربع برتقاله + شربت شاي اخضر

واخيرا العشا كان من وقت الساعه 7 او قبل بشوي وكان سلطة ولبنة قليله الدسم ملعقة

مرحبا يا بنات

وحشتوني غبت عنكم يومين عندي ظروف عائلية وخربطت شوي في هاليومين.، بس من باجر برع مثل ما كنت واحسن ان شاء الله.

اختي سرمد الليل ، انا سويت الريجيم اللي سويتيه بس لاعت جبدي من كثر البيض المسلوق والله تعبت حدي وبعدين صرت اي وجبه فيها بيض مسلوق اطوفها لين تعبت جدا صرت ما اجب اشم ريحة الاكل لو ما وقفت عنه رحت فيها، لا وبعد عقب اسبوعين وزنت الا انا ناقصة كيلو وسبعمية جرام صادني احباط مو طبيعي، بس بعدين قمت اكل الاكل العادي بس اخفف واسوي رياضة ونزلت في اسبوعين تقريبا اكثر من 4 كيلو صدقيني مو قصدي احبطج بس اقول لج تجربتي مع الريجيم.

بس بعد اني استفدت منه لانه عودني على الاكل الصحي وكل شي ما في دهون والله صرت ما احب اكل شي احس انه فيها نسبة بسيطة من الدهون وصرت نادرا ما اكل سكريات والاكل يا مسلوق ما مشوي يعني هذي ايجابيات الريجيم الكيميائي، والحين احس نفسي زايده شوي لان موعد دورتي. خايفة يوم الموعد يطلع وزني زايد بسببها وتطردوني من المسابقة .

يالله اخليكم مع تقرير الصباح ان شاء الله.

مرحبا أختي أبسألك عن جهاز الاوربت وين يوجدوبكم سعره ردي الله يعافيك أنا طولي 158 وزني80 وودي أنحف بس مشكلتي إني ماأستغني من الشوكلاته

MemoriesInBloom
طيب حبيبتي برأيك وشلون يعني وش أسوي؟؟؟


بناااااااااات تكفون احس بإحباط أبغى نظام حلو والله مالي نفس أبد آكل شيء وماودي أخربها :(

:( :(

شهد حبيبتي مشكورة على رفعك لمعنوياتي :)

بعطيكم يومياتي بشكل سريع لان بنت تصيح وتجز في شعري وتعضني,, والله حاله

الفطور
كوب حليب قليل الدسم بالشاي

الغذا
برجر بالخبر الاسمر وجبن سلايس الرشاقه وطماط

العشا
صالونه دجاج مع خبز اسمر..خخخخخ

وطول اليوم وانا اشرب شاي اخضر بالنعنع

وممكن تقولول لي عن جهاز الاوربت؟ ما اعرفه شلون شكله؟

اي ونسيت اقول لكم صعدت الدرج لمدة 7 دقائق تقريبا

والبنات اللي تكلموا عن البيض ترا هو جدا ممتاز للرجيم بس بدون المحاح

أكشفت شيء خطير بس بتأكد منكم
صحيح الوزن قبل الدورة بيومين أو 3أيام وأثناء الدورة يكون ثابت؟؟؟؟؟؟؟؟

لاني انا باقي 3أيام يااااااارب المعلومة صحيحه عشان أرتاح :) :)

ونسيت أكتب لكم لكم يومياتي
اليوم كان النهار مفتوح زي ماقلت قبل بخلي يوم مفتوح بس ضحكت على نفسي
شربت حليب واكلت خبز بر هذا الفطور والغداء قطعتين بيتزا
طبعاً لحد الساعه 7المغرب والعشاء زبادي