تجمع بنات مصر المتاخرات عن الحمل

السلام عليكم
ازيكم يا قمرات؟

انا الحمد لله قمت بالسلامة وربنا رزقنى ب عمر عقبالكو كلكم يارب ما تشوفو ولادكم
انا دعيتلكم وانا داخله اولد وبعد ما ولدت لانى ولدت قيصري

دعواتكم بقى ل عمر لان الصفرا لسه عنده ومش راضيه تسيبه

اشفكم على خير يا احلى امهات المستقبل ان شاء الله

ازيك يا شهيده عامله ايه يا حبيبتي
الف الف مبروك و ربنا يخلي عمر و يشفيه من الصفرا
و تفرحي بيه يوم فرحه وتخرجه من الكليه ان شاء الله
وحشتينا اوي والله و كنت بسال عليكي امبارح
الف الحمد لله على سلامتك و عقبال لما نبارك لرونا يا رب
مرسيه يا قمر على دعائك لينا و ربنا يتقبل منك ان شاء الله

ازيك يا رونا عامله ايه
سلامتك من الارق يا جميل
ده الارق ده ماعندوش دم خالص
ازاي يتجرأ و يجيلك؟؟؟؟؟؟؟؟؟؟
اخبار النونه و الاسامي ايه
لسه مافيش حاجه معينه في دماغك؟؟؟؟
ربنا يقومك بالسلامه يا رب
و بعديها هتعرفي هتسميها ايه
اسمها هيبان عليها على طول
و ممكن نجوزها لعمر ابن شهيده بقه
ربنا يحميهم يا رب و يفرحكو بيهم

ازيك يا نوجا عامله ايه يا عسوله
انا خلصانه من الدور المهبب اللي عندي
بس بروح الشغل عادي بقه هعمل ايه
ماقدرش اطول عن كده
و بحاول التزم بموضوعنا مع ان عنيا بتدمع جامد و مش شايفه
ربنا يسهل ان شاء الله
ابقى ارقي نفسك وارقي جوزك بالرقيه الشرعيه
او حتى اقرئيها على إزازة ميه واشربو منها سوا
عشان الخناقات دي ممكن تكون عين و للا حاجه
ربنا يهدهولك و يرزقكم بالذريه الصالحه يا رب

السلام عليكم
يلرب ارزقنا بالذرية الصالحةانا وانتو وكل اللى عاوز اطفال ع فكرة انا متجوزة من 7 اشهر وجوزى انا كمان مسافر برة مصروحاسة بكل اللى حكيتوا عنها وبتحسوا بيها وجوزك بعيد عنكوا انا كمان قاعدة عند ماما حاسة ان البيت غريب عنى وجوزى وبيتى وحشونى اووووووووووووووووووووووووووىيارب اجمع بين كل زوجين على خير

شهيده حمدالله على سلامتك و ربنا يحفظلك عمور يا رب و يخليهولك و تشوفيه أحلى عريس فى الدنيا يا رب
نونا إزيك يا عسل عامله إيه عارفه يا نونا لو كنتى بتقلسى عليه إنتى حره عارفه ليه واحده صحبتى فى التجمع حملت الحمد لله و كانت زيك كده بتقلس عليه كل ما قولها على حاجه و بدأت فى الوحم فزى ما عملت معايا بعمل معاها فبلاش تقلسى أحسن كله سلف و دين و عن قريب أدخل أقلس عليكى و إنت قلبوظه و بطنك قدامك كده و مش عارفه تمشى إنتى حره المهم طمنينى عليكى و على صحتك و البرد عامل إيه معاكى دلوقتى يا رب تكونى أحسن
نوجا فينك النهارده طمنينا عامله إيه دلوقتى
توتى فروتى أهلا بيكى معانا نورتينا فى التجمع يا عروسه عارفه ممكن نغير إسم التجمع لتجمع اللى جوازهم مسافرين ربنا يرجعهم لينا بالسلامه يا رب و يرزقك الذريه الصالحه يا رب

ازيكم يا جماعة وحشتونى
ألف سلامة عليكى يا نونا ربنا يشفيكى باذن الله ومرسيه يا قمر على النصيحة بعمل بيها وربنا يلطف
ازيك يا رونا سلامتك من الأرق .. ازيك وازى البيبى سمعت ان جالها عريس اسمه عمر ههههههههه عقبال ما تفرحى بيها ان شاء الله
شهيدة ألف مبروك ربنا يخليلك عمر يارب وتفرحى بيه .. أنا أول مرة أكلمك بس حبيت أباركلك وبحب اسم عمر أوى لأن أبن أخويا اسمه عمر وتقريبا عملنى الماما بتاعته وبعشقه ربنا يخلى لنا العمرين وعقبال ما نبارك لرونا لما بنتها تيجى بالسلامة ونبارك لنونا وكل البنات ربنا يرزقكم

نوجا إزيك عامله إيه دلوقتى و عامله إيه مع جوزك يا رب تكونوا دلوقتى أحسن يا رب و ربنا يخليلك عمر و يخليله مامته يا ستى طمنينا عليكى دلوقتى و على نفسيتك

السلام عليكم يا جماعه
ازيكم واخباركم ايه؟؟؟؟؟؟؟؟؟
انا الحمد لله احسن من الاول و ابتديت افوق كده شويه
على فكرة يا رونا انا مش بقلس عليكي ولا حاجه انتي صعبتي عليا والله
لان الارق ده ممل ومقرف مابالك لما تكوني حامل ومحتاجه للراحه كمان
اخبار ست اخواتها ايه ....اقصد النونه العسوله بتاعتك
شدي حيلك يللا وهاتيلنا عروسة عمر
احنا مستنينها على احر من الجمر
خللي بالك من نفسك يا جميل و من النونه كمان

ازيك يا نوجا عامله ايه
ربنا هدالك جوزك كده وللا لسه زعلان؟؟؟؟
صالحيه بقه وامرك لله معلش هي الرجاله بتحب تدلع علينا
و احنا قلبنا طيب ومش بيهونو علينا خالص
بس انتي ارقيه و ارقي نفسك كده باستمرار وربنا يهدي الحال يا رب
انا كنت برده بتخانق مع جوزي كتير ودايما خناقاتنا بتكون ايام التبويض
و نتصالح بعد التبويض ما يخلص
معلش ساعات العين بتيجي كده
مع اني مش عارفه الناس ممكن تحسدنا على ايه يعني
ربنا كريم وقادر يهدي عبيده

ازيك يا توتي فروتي
نورتينا وانيستينا في التجمع بتاعنا
و ربنا يصبرك ويصبرنا على سفر ازواجنا
حقيقي دي حاجه ممله وبتخنق الواحد
بس نصيبنا بقه هنعمل ايه لازم نصبر لحد ربنا ما يكرمنا ويجمعنا بازواجنا
حاولي تنشغلي و تملي حياتك بالشغل او باي هوايات او حتى العبي رياضه
المهم ماتسيبيش نفسك للفراغ عشان ماتعانيش من اللي احنا بنعاني منه
و ربنا يرزقك ان شاء الله بنونو عسوله يملا حياتك

نونا إزيك عامله إيه والحمد لله إنك أحسن دلوقتى بس برده خلى بالك من نفسك و إشربى حاجات دافيه لحد ما نخفى خالص بإذن الله و ماشى يا ستى مسمحاكى كنت فكراكى بتقلسى عليه يا عسوله لكن هقولك حاجه أنا حاسه إن نفسيتك مش تمام صح مالك فى إيه مضايقك روقى إنتى مش نونا اللى أنا إتعودت عليها
نوجا إزيك عامله إيه النهارده طمنينا عليكى وعن أحوالك

ازيكم يا اخواتي اني احبكم في الله و ادعوا الله عز وجل ان يرزقنا جميعا بالذرية الصالحة انا مشكلتي كبيرة جدا جدا جدا و لا احد سوي الله هو اللي يقدر يحله انا اول الزواج كنت لا ابالي بموضوع الحمل اللي ان فجئت ان حماتي و اهل زوجي يتغامزون و يتهامسون علي هذا الموضوع الذي هو يخصني انا و زوجي فقط فقمت باذهاب الي الطبيب منذو اربع سنوات فاني متزوجة من خمس سنوات و قال لي الطبيب اني الحمدو لله التبويض كويس و عملت متابعة و كان كل شئ تمام حتي طلب مني الطبيب ان احضر له تحليل الزوج 0 اسفة يا جماعة مش هقدر اكمل سوف ادعوا الله لكم و لي ان يرزقنا بالخلف الصالح ان شاء الله:cry::cry::cry::cry::cry::cry::cry:

دوأدوأ أولا أهلا بيكى معانا و ربنا معاكى يا رب بس ليه مجربتيش الحقن المجهرى أن سمعت إنه لما بتكون الحاله زى حالتك بيسحبوا سائل من الخصيه و بيتعمل بيه تلقيح و بتحصل فى حالات كتير حمل إسألى و جربى و ربنا معاكى بإذن الله و أعملوا تحاليل للزوج مره كمان فى مكان تانى و كل فتره إعملوها لأن نسبه الحيوانات المنويه بتتغير و ربنا معاكى يا رب
نونا إزيك عامله إيه النهارده
نوجا إزيك يا عسل تقلانه علينا ليه يلا إدخلى طمنينا عليكى و على نفسيتك

ازيك يا رونا اخبارك ايه
انا فعلا تعبانه نفسيا جدا والله
و انتي دايما بتحسي بالموضوع ده على فكرة
انا تعبانه اوي من شغلي لان عندي مشاكل كتير فيه
اللي طالع اجازة واللي رايحه تولد وانا اللي لازم اخد مكانهم
وكمان بعد جوزي عني منكد عليا عيشتي جدا
اتخنقت بجد من الموضوع ده و كل ما انساه ارجع افتكره تاني
الحمد لله على كل شيء
ربنا يهونها علينا ويجمعنا يا رب
ادعيلي يا رونا ربنا يخليكي
يمكن ربنا يستجيب منك انتي

ازيك يا دوا دوا
احنا كلنا هنا زي بعض و مشاكلنا قريبه جدا من مشاكل بعض
بلاش تضيقي الدنيا في وشك
و كبري دماغك من كلام الناس والقرايب
هم هيتكلمو هيتكلمو حتى لو كان عندك ولد هيقولولك امتى تجيبي البنت
مافيش فايده في الناس
و روقي كده كل مشكله وليها حل

ازيك يا نوجا يا عسل
انتي فعلا تقلانه علينا وللا ايه
و للا بتعملي زي ايام عشان نطلع منادي ينادي عليكم سوا
اخبارك ايه
واخبار نفسيتك
يا رب تكونو هديتو انتي وجوزك و رجعت الميه لمجاريها
ربنا يهدهولك يا رب
و يرجعك لينا بالسلامه
و يرزقك بالذريه الصالحه يا جميل

إزيك يا نونا عامله إيه يا بطوطه و إيه أخبارك روقى و كبرى دماغك من أى حاجه تزعلك و دايما كلمه مامتى بتقولهالى هى هونبها تهون و ربنا يا رب يجمعك إنتى و جوزك على خير يا رب و يرزقك الذريه الصالحه بإذن الله
عارفه هقولك على حاجه غريبه حصلتلى واحده قريبتنا جاتلنا البيت و قالتى لما ربنا يكرمك و تولدى ما تستعمليش أى وسيله منع حمل لأنك مش محتاجه أصلا و بعدين لما ربنا يإذن و يحصل حمل حتى لو كنتى لسه والده على طول يبقى كويس قوليلى بقى دى أرد عليها أقولها إيه عارفه حسستنى إنى فاشله رديت عليها قلتلها والله الموضوع ده سابق لأوانه و لما ربنا يكرم أبقى أقرر أنا و جوزى و محدش له نجيب عيال و لا منجبش عشان تصدقى إن محدش بيسيب حد فى حاله

دوق دوق و نوجا و أيام فينكم طمنونا عليكم يا بنات إيه أخباركم يلى إرجعوا إملوا علينا التجمع تانى

يااااااااه انا لقيت ناس زي جوزها مسافر والحمل عملها مشكله انا كمان مجوزه من 10 شهور جوزي قعد 3 شهور معايا بس وسافر ومحصلش حمل والناس حسستنني اني مجوزه بقالي 1000 سنه ومحملتش وبسمع كلام يضليقني اوي لدرجه ان نفسيتي تعبت من الموضوع ده انا مكنش في دماغي موضوع الحمل ده للكن كلام الناس خلاني هموت واحمل المهم جوزي احتمال يعرف ينزل شهر بس اجازه عايزه اروح لدكتور اخد منشط ولا ايه رايكم لان بعد جوزي مخليني في نفسيه وحشه وعايزه نونو يشغلني وينسيني وياريت لوحد هنا من المنصوره يقول علي دكتور كويس او دكتوره