تجمع بنات مصر المتاخرات عن الحمل

أهلالالالالالالالالالالا أم بودى .. وحشتينا والله .. كيفك وربنا يعينك وان شاء الله دايما منورة المنتدى ..
وربنا يتقبل منك دعواتك لنا جميعا وأتمنى تكون نونا بخير يمكن تكون سافرت لجوزها .. بس انا حاسة انها قريب هتكلمنا ان شاء الله

ان شاء الله تكون بالف خير ربنا يطمنا عليها يارب
اخبارك ايه يا نوجا واخبار البرد معاكى ايه
ازيك رونا عامله ايه يا كميله
يارب تكونو كلكم بخير
يارب يرزقنا جميعا الذريه الطيبه الصالحه اللهم امين يارب العالمين

السلام عليكم يا بنوتات عاملين إيه
نوجا إزيك عامله إيه و صحتك عامله إيه دلوقتى طمنينى عليكى عارفه يا نوجا عاوزاكى تروحى لأكتر من دكتور لأن قبل كده رحت لدكتور قالى إن عندى تكيس جامد على الرحم و قعد يدينى أدويه أكتر من 6 شهور و كنت خلاص هعمل عمليه معاه إسمها تخريم مبايض لو تسمعى عنها لكن قلت أروح لدكتور تانى و طلع كلام الدكتور ده كله غلط و بوظلى جسمى و كان بيدينى مانع حمل و مكنتش عارفه تصدقى فعشان خاطرى روحى لدكاتره تانيين عارفه لما تيجى إسكندريه قوليلى هقولك على الدكتور اللى بروحله بعد ما لفيت على دكاتره كتير هو أكتر ميزه فيه إنه أمين جدا و ربنا يكتبلك الخير يا رب

أم بودى ربنا يخليكى يا قمر ده الترحيب ده أقل من الواجب ربنا يخليلك إبنك و يفرحك بيه يا رب شوفى يا ستى أنا الحمد لله حامل بعد 4 سنين من الجواز بس زى ماتقولى لزقه للتجمع ده مش هاين عليه أسيبه ولا أسيب صحباتى اللى فيه مش هاين عليه العشره بس وعد أول ما كل اللى فى التجمع يحملوا نقفله بالشمع الأحمر زى مانتى عاوزه و ربنا يرزقنا كلنا يا رب الذريه الصالحه و ميحرمش حد أبدا أبدا يا رب

نونا فينك بجد قلقتينى عليكى عمرك ما غيبتى عننا كل ده يا رب تكونى بخير يا رب إنتى و أيام هانم يا رب طمنينا عليكى أول ما تدخلى ماشى و ربنا معاكى يا رب

رونا ازيك يا حبيبتى .. وحشتينى والله ياتوتة أنا من كتر عدد الدكاترة اللى روحت لهم مش فاكرة عددهم وكل واحد جرب فيا شوية بس بتهيألى موضوعى ما لوش حل الا أمر من ربنا ... بس يارب الموضوع يقف عند عدم الحمل وبس !!!!!!!! أنا خايفة أوى يا رونا .. الظاهر أن أكياس الدم دى كبرت أو رجعت نشطت تانى عندى أن الشهر اللى فات شربت عصير أناناس كتير وطبعا ده نشط المبايض والأكياس أكيد كبرت عليها وأنا البويضة عندى مش بتخرج من الكيس ,,,,,,,,مش عارفة قلقانة , حتى قلقى الأكبر على صدرى طلع حاجة مدورة ومكلكعة كده فى صدرى وخايفة أوى خايفة حتى أروح لدكتور وخالد جوزى بيقولى ان فيه لبن فى صدرى, تفتكرى ده من المنشطات الكتير اللى خدتها قبل كده ؟ , وانت عارفة البريود المرة دى جاتنى شكلها غريب وطولت فى أيامها ولون الدم أحمر فاتح مش بنى والمشكلة الأكبر بأه ان حماتى زقت بنتها عليا علشان تيجى معايا عند الدكتور ( قلقانة طبعا علشان الحمل ) وللأسف هما ما يعرفوش حاجة خالص وخالد قالى ما تعرفيش حد منهم حاجة
أنا وجعت دماغك بس قلت أفضفض معاكى .....معلشى ..
نسيت أسألك ما فيش أخبار عن البت نونا ؟انا قلقت عليها بجد .. يارب خير

أم بودى ما تحرميناش من وجودك بأه .. أديكى شايفة أصحابنا بيطفشوا .. احنا عايزين نبخر التجمع ده يا رونا فكرينى ... المرة الجاية .....ههههههههه

نوجا إزيك يا قمر عامله إيه معلش ربنا معاكى إن شاء الله والله مش عارفه الكلاكيع اللى فى صدرك إيه بس قبل كده طلعتلى و الدكتور قالى هرمونات زايده فى الجسم و قالى هتروح لوحدها ربنا معاكى يا رب و يطمنا عليكى يا رب و قولى لجوزك على إن أخته هتروح معاكى و شوفى هيقولك إيه و ربنا معاكى يا رب

هاى يا رونا ازيك يا حبيبتى .. طمنينى أخبار النونة أيه ؟ ربنا يجيبها بالسلامة

أنا قلت لجوزى على أخته .. اتضايق وقالى وانت طلبتى منها ليه فهمته ان هى اللى عرضت تودينى لدكتور هما يعرفوه !!!! فرد وقالى أنا منبه عليهم محدش يفتح الموضوع ده معاكى عموما خلاص أنا اللى هروح معاكى
بس المشكلة أنى عايزة أروح لدكتور أورام الأول بس مش عايزة أقوله.. ربنا يسترها ان شاء الله أنا يوم الأحد هروح للدكتور بعد ميعاد شغلى وأشوف اللى هيجرى أيه وان شاء الله خير ولما أرجع هكلمك

نونــــــــــا ... وحشتينى أوى أنا ورونا ..... أرجعى بأه

نوجا ربنا معاكى إن شاء الله تفائلى خير فى ربنا و روحى مع جوزك للدكتور يمكن ربنا يكتبلك الخير على إيديه و شيلى موضوع الأورام و الحاجات الوحشه دى من دماغك و ربنا معاكى إن شاء الله و يفرج همك بإذن الله
بالنسبه ليه الحمد لله كويسه و النونو كويسه و بتبوسك هو أصعب حاجه بالنسبه ليه هى النوم و الصداع مش بيروح من عندى تقريبا كل يوم باخد مسكنات للصداع بس ربنا يسهل الدكتور قالى المره الجايه لما أروحله هيطلب منى تحليلات و هشوف إيه سبب الصداع و قالى إن قله النوم شئ طبيعى و ممكن تكون هى سبب الصداع بس يا ستى ربنا يسهل إن شاء الله المهم إنتى طمنينى عليكى
نونا فينك يا نونا بجد وحشتينى ده إنتى معايا فى التجمع من يوم ما إشتركت فيه طمنينى عليكى يا رب تكونى بخير يا رب

إنتم فين يا بنات رجعتم إختفيتم تانى فينك يا نوجا و فين نونا طمنونى عليكم

رونا ازيك عاملة أيه ؟ وحشتينى والله

أنا بخير الحمد لله وروحت للدكتور وقالى أن ده تقريبا انسداد أو التهاب فى الغدد اللبنية وقالى لو عايزة أطمن أكتر أعمل أشعة معينة كده .. والحمد لله

انا بأه يا بنتى كنت هموت أنا وجوزى من يومين وبسبب الحسد !!!! لأ وعين مين بأه عين حماتى وبنتها !!!! تخيلى
والله يا بنتى جوزى كان يوم السبت أجازة وطبعا هما كل أسبوع يوم أجازته بيعكننوا علينا علشان ما نخرجش فى اليوم ده أو ما نكونش مع بعض والسلام .. المهم فجأة كده طلعت فى دماغهم كلهم وأتصلوا قالوا لجوزى أحنا هنعدى عليكم نقعد عندكم شوية وضربوا اليوم من العصر لحد الساعة 2 صباحا ومن أول لحظة دخلت حماتى البيت ماشية تلف على كل ركن فى البيت وتقولى انت غيرت مكان الشىء الفلانى وانت عملت ديكور هنا وانت سويتى كذا هنا وحلو أوى هنا ده ولأ وحش ده وخلافه .. حتى باسكيت الزبالة بصت فيه وبنتها بأه ما رحمتنيش .. الله أيه الحاجات الجديدة دى وايه الكريم ده وايه البرفان ده وأخر حاجة دخلت المطبخ شافت بوكيه ورد ريحته حلوة أوى (كان خالد جابه ليا قبلها بيوم) فشهقت وقالت ورد طبيعى ده شكله يجنن جوزك جابه لكى ؟ وفضلت أسئلة وترد على نفسها وحطتيه فى المطبخ ليه ؟ كان نفسى أقولها عايزة أخبيه منكم بس ما قدرتش ههههههه

شوفى بأه اللى حصل بعد ما فارقوناااااااااااااااااا

السخان فى المطبخ أنفجــــــــــــــــــــــــــــــــــــر !!!!! الساعة 5 صباحا والشقة اتملت دخان ونطيت من السرير واتفزعت أنا وجوزى وهو جرى على السخان يحاول يسد أى زرار ما عرفش من الدخان والماية غرقت الشقة كلها لأن ماسورة الماية اللى داخلة الشقة هى كمان انفجرت
ومش هقولك بأه على الرعب والعمارة كلها صحيت وبيخبطوا علينا لما سمعوا صوت الفرقعة الجامدة ورا بعض كأن حد ماسك مدفع رشاش وبيضرب فينا وفضلت أصرخ وأشد جوزى علشان نهرب من الشقة معرفناش والجيران دخلوا فصلوا الكهربا عن الشقة وكان يوووووووووووووووووووووووم

الحمد لله على كل حال ده ربنا لطف بين أووووووووى والله

عارفة أنا لسة لحد دلوقتى أعصابى تعبانة ومكتأبة .. ربنا يكفينى شرهم .. أنا عمرى ما شفت ناس كده .. تصدقى أنا من يوم ما تجوزت مامى دخلت شقتنا مرتين بس وفى كل مرة ما بتتحركش من الريسبشن وطول ما هى قاعدة تقرألى قرأن فى الشقة وبتكسف أصلا تقوم من مكانها ...
مش عارفة ليه بيعملوا كده وليه بيفرحوا لما يحسوا أن أنا وجوزى زعلانين من بعض ! دى مامته بتضايق أوى لما بتلاقيه كويس معايا وحاطط أيده عليا أو نايم على رجلى واحنا بنتفرج على التليفزيون !!

ياللا الحمد لله على كل حال .. أنا أن شاء الله هكمل موضوع الدكتور ... بس طمنينى ما فيش أخبار عن نونا ؟

وأنت يا جميلة خلى بالك من نفسك وطمنينى عليكى

الحمد لله يا نوجا إنها جت لحد كده إقرى قرأن فى شقتك و بخريها و إرقى نفسك و إرقى جوزك عارفه أنا مش عاوزه أقولك إنك عامله زيى بالظبط فى موضوع حماتك و اللى بتعمله فى بيتك عارفه أنا عندى ريسيبشن كبير حاطه فيه السفره و الأنتريه هى بتسيب كل ده و تدخل تنام على كنبه الصالون تخيلى القهره اللى ببقى فيها و مره صحيت من النوم لقيتهم بيضحكوا أخت جوزى و هى بتجرى فى الشقه كسرتلى فاظه كريستال و هم بيضحكوا قوليلى يبقى إحساسك إيه ده غير إنى ممكن أصحى من النوم مثلا يعنى لو جايبه علبه بتيفور عشان فى ناس جينلى ألاقيهم مطلعينها و ومخلصينها مع إنى و أنا فى بيتها تقريبا بتحرج أجيب لنفسى كبايه مايه مش عارفه إحنا أهالينا ربونا على إن كل بيت له حرمته مش على البجاحه فى بيوت الناس و إتعلمان إننا لما نشوف حاجه مع حد حتى لو معانا زيها نقول ما شاء الله مش عارفه هم ليه بيعملوا كده تحسى كأنهم بيكرهوا الخير لعيالهم ربنا يحفظنا من عنيهم و يخليلنا جوازنا بعقولهم كده ميتجنوش و يحفظنا من كل شر يا رب
و إنتى إحمدى ربنا إنها جت فى حاجه تتعوض عارفه فكرتينى بيه أنا و جوزى كنا مسافرين الغردقه و قلتله منقولش لمامته غير قبلها بيوم المهم يوم ام قلنالها رجعت معانا على البيت بدخل برجلى الشقه لقيت فيضان ميه إتفتح أترى الشركه شغلت حنفيه مايه الشرب من غير ما تنبه على السكان و كل الشقق فى العماره إتغرقت مايه المهم الحمد لله على كل حال و بقولك إيه والنبى كفايه كلام عن الحموات أحسن أنا لو حكيتلك الحكاوى مش هتخلص الله يخليكى متفتحيش الجرح خلينى ساكته أحسن

معنديش أى أخبار عن نونا والله بس يا رب نتطمن عليها قريب يا رب

هههههههههه الحمد لله يا رونا .... والحال من بعضه
المهم انها جت سليمة والحمد لله كمان الدكتور طمنى امبارح على موضوع صدرى .. باقى بس حاجة مهمة

عايزين نطمن على البت نونا ...أنا بصرحة كده قلقت عليها ..فكرى نعمل أه ؟

إزيك يا نوجا عامله إيه الحمد لله إنك إتطمنتى على نفسك و عندك حق نونا كده تقلق بس مفيش حاجه أقدر أعملها عشان أتطمن عليها والله غير هنا تفتكرى نأجر منادى ينادى عليها فى الشوارع ولا إيه؟؟؟؟؟؟؟؟؟؟؟

ازيك يا رورو ... أنا على فكرة يمكن أسافر المغرب بعد 20 يوم أسبوع كده وأرجع أن شاء الله .. أنت أخبارك أيه ؟ بتاكلى كويس ولا لأ ؟ خلى بالك من نفسك يا جميلة .. اخترتى أسم للبنوتة القمر دى ولا لسة ؟ ان شاء الله تيجى بالسلامة يارب وربنا يبارك فيها
مش عارفة ليه حاسة كده أن نونا فى مشكلة يارب يكون خير ويارب تدخل تطمنا عليها أنا بدعى لها فى صلاتى

وباقى الناس راحوا فين ..؟؟؟؟؟؟؟؟ خلى بالك بأه من نفسك يا رونا لأن تقريبا التجمع ده ........مستهدف !!!!!!!!!

السلام عليكم ورحمة الله وبركاته
ازيكم يا احلى امهات ان شاء الله ازيك يا رونا ربنا يارب يتمملك على الف خير يااااااااااااااااارب ويقومك بالف سلامه ويجعل البيبى من البارين ومن الصالحين ومن الحافظين لكتاب الله ويرزقك بره يارب ويقر عينك بشوفه البيبى سليم معافى امين يارب العالمين وخلى بالك من نفسك واشربى لبنننننننننننننن كتير وكلى مويس

نوجا حبيبتى الف بعد الشر عنك ربنا يطمنى عليكى والحمد لله ان الدكتور طمنك على موضوع صدرك عادى انا مره عمل كده وحللت وطلع هرمون الحليب عالى واخدت علاج وعملت اشعه وكلو تمام التمام وانتى احسن حاجه شوفى اكتر من دكتور لان سبحان الله ممكن دكتور يشخص غلط وبتحصل كتير انتى اهم حاجه ما تقلقيش نفسك وما تحطيش فى بالك اى حاجه تقلقك سبيها على الله وسافرى اجازة سعيده يارب وتنبسطى فى المغرب وخلى بالك من نفسك
معلش اعذرونى ما بدخلش الا كل فين وفين لان شغل جوزى كلو على الكمبيوتر اعذرونى بس اول ما بلاقى فرصه بدخل على طول وان شاء الله احاول ادخل الايام الجايه اكتر شويه عشان اطمن عليكم
ربنا يرزقنا جميعا الحمل السليم المعافى امين يااااااااااااااااااااااارب العالمين

نوجا إزيك يا قمر عامله إيه و صحتك عامله إيه ماشى يا ست نوجا روحى المغرب بس متتأخريش علينا لكن قوليلى مسافره شغل ولا فسحه و حاولى تنبسطى على قد ما تقدرى يا قمر لسه مانقتش إسم للبنوته يا نوجا بس كل ما أنقى إسم جوزى يقولى إستنى لما أجى من السفر و نفكر فى الأسامى مع بعض بس بصى فى 3 أسامى أنا حبيتهم هم جنى و لمار و شام قوليلى إيه رأيك فيهم
أم بودى إزيك يا عسوله عامله إيه و بودى عامل إيه طمنينا عليكى يا قمر
نونا فينك يا بنتى مختفيه طمنينا عليكى يا رب تكونى بخير

أم بودى .. وحشتييييييييييييييييييييييييييييييييييينا .. ما تتأخريش علينا تانى كده هو أحنا كل شوية حد يتخطف مننا ولا أيه ؟؟ وبعدين ما عندناش رجالة يقعدوا على الكمبيوتر ويسيبوا ستاتهم كده من غير ما يطمنوا أصحابهم هههههههههههههه بقومك عليه هههههههههه ..
لأ والله بجد وحشتينا وهنستنى يا ستى لما تعرفى تدخلى ونطمن عليكى وربنا يهنيكى مع جوزك يارب ويرزقك واحنا معاكى بالذرية الصالحة وانا الحمد لله كويسة وبحاول أخرج نفسى من الاكتئاب علشان كده قلت أسافر أسبوع أغير جو شوية وربنا يخليكى يا جميلة ويستجيب منك دعواتك الحلوة اللى زيك لينا كلنا ..

رونا حبيبتى وحشتينى
أنا مع جوزك لازم طبعا تستنيه وتختاروا الأسم مع بعض بصى حتى لو أنت أخترت بينك وبين نفسك ..أعملى نفسك أدامه أنك ما اخترتيش ومستنياه تختاروه مع بعض ولما يرجع بالسلامة حطى أدامه الاسم اللى اختارتيه وقوليله أيه رأيك ده عجبنى .. بس ساعتها هيقدرك أكتر ويحس أنك عملت له حساب وخاطر وبرضه هتكونى عملت اللى أنت عايزاه وربنا يجيبه لك بالسلامة يا حبيبتى ويهنيكى معاه يارب ويستجيب لدعوات أم بودى الجميلة لك .
أما بأه الأسم اللى عجبنى فهو بصراحة جنى .. وعايزين البنوتة تطلع موووووووووووووزة من الآخر
والست نونا ..مش عارفة ليه حاسة أنك مش هتدخلى الا لما رونا تولد ههههههه كل ده علشان تشوفي غلاوتك عندنا ؟ يا بنتى تعالى بس ادخلى طمنينا عليكى واحنا هنهريكى حب وغلاوة .. يارب تكونى بخير

نوجا إزيك يا عسل عامله و صحتك عامله إيه ماشى يا ستى روحى المغرب بس متنسيناش معاكى أكله مغربى كده ولا حاجه و ماشى يا ستى هستناه عشان صعبان عليه مفيش أى مناسبه بيكون فيها معايا فقلت خلاص عشان محرمهوش من الفرحه دى و أمرى لله
بصى أنا فعلا بحب إسم جنى بس حاسه إنى مش هسمى جنى ليه معرفش بس ربنا يستر و ألاقى إسم حلو لأن مامتى و حماتى عمالين يقولولى أسامى كتير يعنى ماما بتقولى سمى شهد و مره تانيه تقولى أشرقت و حماتى بتقولى أسامى غريبه مش فكراها دلوقتى خالص ربنا يسهل بس و بنوتى تيجى بالسلامه و بعدين هى بتيجى و معاها إسمها
نونا إختفت مش عارفه ليه يا رب تكون راحت لجوزها ولا نزلت مصر عشان كده مختفيه و يا رب تطمنا عليها عن قريب يا رب

نوجا حبيبتى سافرى وغيرى جو واتنبسطى ربنا يهنيكى كمان وكمان ويسعدك ويفرح قلبك بالحمل السليم المعافى يارب وخلى بالك من نفسك ومن جوزك ربنا يسعدكم يارب وتيجى باذن الله من هناك وانتى حااااااااااااااااااااااااااااااااااااااامل وتفرحينا وتبشرينا بخبر حملك يارب فى القريب العاجل امين يا ارحم الراحمين ربنا يطمنا عليكى يارب وتروحى وترجعى بالف سلامه يارب

رورو يا جميل ازيك يا قمر وازاى النونه الجميله خلى بالك من نفسك جدا ربنا يقومك بالف سلامه يارب ويرزقك احلى بنوته يارب زى القمر وعلى فكره الاسامى كلها جميله اوى اوى اوى
جنى استايل جدا وشام وانا عجبنى جدا كنزى وانسام دى مع ابنى فى المدرسه
ربنا يجبهالك بالف سلامه يارب ويرزقك برها امين يارب العالمين وتكون يارب من الصالحين ومن الحافظين لكتاب الله اللهم اميننننننننننننننننننن

نونا انا اخر مره قابلتها فى منتدى تانى ومتهيئلى سافرت لجوزها مش عارفه هى نونا اللى انتو قصدنها ولا لا
بس نفس الاسم بتاعها ربنا يطمنا عليها يارب ويسعدها يارب

اللهم أمين يا أم بودى و ربنا يخليكى على الدعوه الحلوه دى و عقبال باقى بنات التجمع يا رب و نفرح كلنا بنونوهاتنا يا رب و ربنا يخليلك إبنك يا رب و تفرحى بيه إن شاء الله و الأسامى اللى إنتى جبتيها ما شاء الله جميله هضمها للقايمه لحد ما جوزى ييجى من السفر إن شاء الله يا قمر و يا رب تكونى قصدك على نونا بتاعتنا يا رب و ربنا يطمنا عليها يا رب
نوجا وحشتينى ربنا يرجعك لينا بالسلامه يا رب