الرئيسية النساء و الحمل و الولادة المتأخرات عن الحمل تجمع بنات مصر المتاخرات عن الحمل

تجمع بنات مصر المتاخرات عن الحمل

nonaelsh3nona 06-11-2007 715 رد 21,313 مشاهدة
r
rona_mo7a
عروس رائعة
18-05-2008 | 02:17 AM
بنت مصر أهلا بيكى معانا فى التجمع نورتينا للأسف أنا مش من المنصوره و معرفش دكاتره هناك بس لو سمحتى متروحيش لدكاتره غير لما تكملى سنه يمكن تحملى من غير حاجه متعمليش زيى و تستعجلى و لو نفسك تروحى و تطمنى على نفسك إختارى دكتور شاطر و إسألى أكتر من حد عليه لحد ما تتأكدى إنه شاطر و ربنا يرزقك يا رب الذريه الصالحه من غير منشطات و لاأى حاجه يا رب و يرجعلك جوزك بالسلامه يا رب و سيبك من الناس مورهاش غير الكلام و ربنا يكرمك يا رب
n
nunnah_koki
عروس مبدعة
18-05-2008 | 08:28 AM
ازيك يا رونا عامله ايه
مرسيه يا قمر على كلامك الرقيق
دايما كلامك بيهديني على فكرة
بس للاسف يا رونا المشكله مش فيا لوحدي
بابا و ماما مضايقين جدا من وضعي ده وشايفين ان جوزي بيهرج
و دايما في خلافات بين بابا و جوزي عشان جوزي لسه مش عارف يجيبني عنده
انا زهقت جدا من الموضوع ده وجالي احباط جامد اوي
مش بحب الحصار الفظيع ده شويه من بابا و ماما وشويه من جوزي و من اهل جوزي
حتى في الشغل دايما بيسالوني امتى هعيش مع جوزي بقه والعمر بيعدي والكلام اياه ده
كلام بيفكرني باللي انا فيه وباني لسه مش عندي بيبي واني بكبر و كل الحاجات اللي بتوجع
ربنا يهونها من عنده
ادعولي
n
nunnah_koki
عروس مبدعة
18-05-2008 | 08:32 AM
ازيك يا بنت مصر
على فكرة التجمع ده معظم اللي فيه ازواجهم مسافرين
يعني ببساطه انتي لاقيتي اللي بتدوري عليه
انا و رونا ازواجنا مسافرين و بقالنا سنين كده
بلاش تضايقي نفسك الناس بقت كلها فظيعه وماعندهاش احساس
حتى اللي مر بمشكلتك بعد ما ربنا بيحلهاله بيتغير و يبقى كانه عمره ما عاش مشكلتك
انسي وكبري دماغك انا عارفه انه صعب و ان الكلام سهل بس لازم نشجع بعض على تكبير الدماغ
و ربنا كبير وكريم قادر يحلها من عنده
n
nunnah_koki
عروس مبدعة
18-05-2008 | 08:36 AM
يا نوجا هانم
انتي فين
ايه التقل ده كله
مش كده يا جميل
انتي تعودينا عليكي وبعدين تغيبي عننا
وللا قصدك تشوفي غلاوتك عندنا
ارجعي بقه عشان وحشتينا والله
ما تبقيش انتي وايام غايبين عننا كده

و كمان دوؤ دوؤ راحت فين؟؟؟؟؟؟؟؟؟؟؟؟؟
ايه يا جماعه التجمع مش عاجبكم وللا ايه؟؟؟؟
طب نجيب حاجه ساقعه وكيك؟؟؟؟؟؟؟؟؟؟؟؟؟
تعالو بقه بلاش تقل
ن
نوجا بالمكسرات
عروس فضية
18-05-2008 | 04:10 PM
ازيكم يا حبايبى ... وحشتونى مووووووووت والله العظيم يا عيال
أنا أصلى مزنوقة من يوم الخميس عند حماتى ربنا ما يوريكم ولسة موجودة عندها ومش عارفة أخلع حتى أزور بابا بس مش عارفة أكلمكم خالص ان شاء الله يومين كده ونروح بيتنا وهكلمكم وأطمن عليكم براحتى
وحشنى أرغى معاكى يا نونا انت ورونا ومقدرتش أتابع انتو كاتبين ايه الأيام اللى فاتت وايه اللى حصل بس لما ارجع البيت بأه ... المهم يا عيال بجد وحشتونى خالص وعايزة أنم معاكم بشكل فظيع استنونى....... بحبكم أوى باى
r
rona_mo7a
عروس رائعة
18-05-2008 | 05:54 PM
نونا إزيك عامله إيه يا عسوله التجمع بقولك إيه ماتسيبك من الشغل و روحى أقعدى مع جوزك و لا وجع دماغ والله نفسيتك هترتاح صدقينى يا بنتى و بعدين إيه الغربه اللى فوق الغربه اللى إنتى عايشه فيها يعنى عايشه برا بلدك و كمان مش عايشه و يا جوزك و عاوزه تحملى يا بنتى إنتى نسيتى لما الدكتور قالى إنه مبيحصلش حمل بسبب إن الفتره اللى جوزى بيكون موجود جنبى فيها بقعد أفكر فى الحمل و العامل النفسى مهم جدا لحدوث حمل ولا إيه بصى أنا مش قصدى أزعلك أكتر مانتى زعلانه بس عارفه ما أنا جربت الشغل و فى مكان راقى و كنت بسيب جوزى فى أجازته و أروح الشغل كله فى الأخر بييجى على أعصابنا و محدش بيحس بينا طب على إيه ريحى دماغك و روحى لجوزك باباكى خايف على مصلحتك عارفه أنا ظروفى غيرك أنا جوزى فى البحر هعيش معاه إزاى لكن إنتى فكرى و إستخير ى ربنا و قررى و ربنا يكتبلك الخير يا رب
r
rona_mo7a
عروس رائعة
18-05-2008 | 05:59 PM
نوجا يا عم يا عم قاعده عند حماتك و مطنشه صحباتك ماشى يا ستى مستنيينك بس لما تروحى بيتك عشان ناخد حقنا منك إن شاء الله عارفه يا بت يا نوجا البنات لاعبين فى دماغى إنى لما أجى أجيب حاجه البيبى أجى القاهره لأنهم بيقولوا على حاجات مش بلاقيها عندنا فى إسكندريه لو كده هقولك و هاخدك معايا عافيه و لوى دراع نشتروا حاجه البيبى مع بعض بإذن الله أممكن ولا لأ و كمان عشان يكون فال خير ليكى و المره اللى وراها تاخدينى معاكى تجيبى حاجه النونو بتاعك و بعدين نونا تاخدنا إحنا الإتنين معاها و تجيب حاجات النونو بتاعها إيه رأيك ؟؟؟؟؟؟؟؟؟؟؟؟
ب
بنت مصر11
عروس مبدعة
18-05-2008 | 08:16 PM
روناونونا مرسي علي كلامكم الحلو ده اللي خفف عني المشكله اللي خلاني افكر في المنشط هوه ان جوزي مش هنا وربنا يرزقنا ويرزق كل اللي عايز
r
rona_mo7a
عروس رائعة
19-05-2008 | 02:03 AM
بنت مصر ولا يهمك يا قمر و بعدين مش شرط تكونى محتاجه منشطات عشان يحصل حمل بإذن الله ربنا يكرمك و تحملى من غير أى حاجه بس إنتى كبرى دماغك و إستمتعى بحياتك و الحمل هييجى لوحده بس زى ما قلتلك أهم حاجه النفسيه صدقينى و ربنا يرزقك الذريه الصالحه يا رب
ن
نوجا بالمكسرات
عروس فضية
19-05-2008 | 04:06 PM
رونا ازيك وحشتينى جدا ونونا كمان .. فرحانة فيا علشان قاعدة عند حماتى !!!!!!! يا بنتى أنا حماتى قنبلة ذرية بمعنى الكلمة بس أنا طبعا بستحملها علشان خاطر حبيبى
المهم يا قمر أنت تنورى القاهرة كلها من ساسها لراسها وأنا تحت أمرك بجد والله أنوى انت بس وقولى وأنا أجى أخدك من اسكندرية كمان لو حبيتى .. على فكرة أنا شركتى لها فرع فى لوران - فى الوطنية بلازا - وبروح اسكندرية كتير , شوفى انت وقررى وأنا عنيا ليكى
ونونا مالها ؟ انا مش عارفة أتابع ايه اللى حصل علشان بدخل سرقة كده اطمن عليكم وأخرج علشان حمااااااااااااتى الله يجازيها لازم تعرف كل هفوة بعملها ايه وليه فلما أروح بيتى هرغى معاكم براحتى وأعرف البت نونا مالها ... ان شاء الله خير ............. ياللا موووووووووووووووووه ... باى
r
rona_mo7a
عروس رائعة
19-05-2008 | 05:03 PM
نوجا إزيك يا عسوله عمله إيه قوليلى فين فرع شركتك اللى فى اللوران و هى شركه إيه بالظبط و ماشى يا ستى مستنيينك لما تروحى بيتك عشان نعرف نرغى معاكى و نونا نفسيتها تعبانه شويه من الغربه اللى هى عايشه فيها و ربنا يكرمها يا رب و يجمعها مع جوزها على خير يا رب
r
rona_mo7a
عروس رائعة
19-05-2008 | 05:03 PM
نونا فينك النهارده طمنينى عليكى يا قمر و على نفسيتك دلوقتى يا رب تكونى أحسن
n
nunnah_koki
عروس مبدعة
20-05-2008 | 11:25 AM
ازيكم يا حبايبي
وحشتوني كلكم
اخباركم ايه
الحمد لله على سلامتك يا نوجا
يا رب دايما منورانا في التجمع
انا بس داخله اطمنكم واطمن عليكم
و هبقى ادخل ارغي معاكم بعدين
عشان مشغوله جدا
اوكي يا قمرات
سلااااااااااااااااام
r
rona_mo7a
عروس رائعة
20-05-2008 | 03:24 PM
نونا إزيك عامله إيه و صحتك عامله إيه و هترجعى مصر إمتى طمنينى عليكى
نوجا فينك النهارده لسه عند حماتك ولا إيه طمنينى عليكى إنتى كمان
n
nunnah_koki
عروس مبدعة
21-05-2008 | 07:30 AM
لسه مش عارفه هرجع مصر امتى
بس غالبا في شهر 7 او 8
لسه مش هيبان دلوقتي
لان زميلتي في الشغل هتولد
و ممكن يدوني مكانها لحد ما ترجع
هقولكم على التفاصيل بعدين عشان الشغل متلتل فوق دماغي
ادعولي بقه ان جوزي ياخدني عنده
يا رب
r
rona_mo7a
عروس رائعة
21-05-2008 | 01:25 PM
يا رب يا نونا جوزك ياخدك عنده و تعيشى حياتك معاه و ربنا يرزقكم الذريه الصالحه يا رب
نوجا و باقى البنات فينكم مش بتدخلوا ليه طمنونا عليكم يا قمرات
n
nunnah_koki
عروس مبدعة
22-05-2008 | 07:44 AM
ايه يا جماعة ايه الاختفاء الجامد ده
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
الدنيا فاضيه كده ليه
روحتي فين يا نوجا
لسه عند حماتك كل ده؟
كفايه عليها كده بقه
r
rona_mo7a
عروس رائعة
22-05-2008 | 05:33 PM
نونا إزيك يا قمر عامله إيه و صحتك عامله إيه و عامله إيه فى الشغل طمنينى عليكى
نوجا فينك مختفيه فين يا بنتى طمنينا عليكى
باقى البنات فينكم إختفيتوا تانى ليه يا رب تكونوا بخير
r
rona_mo7a
عروس رائعة
25-05-2008 | 02:08 PM
فينكم يا بنات كلكم إختفيتم مره واحده كده ليه يا رب تكونوا بخير
L
L O L Y
عروس مبدعة
25-05-2008 | 05:37 PM
السلام عليكم انا بصراحة ماريتش من الاول بس اما متزوجة من 9 شهور ولسة محصلش حمل ومفيش حاجة منى انا وزوجى


الحمد لله على كل شى

رب هب لى من لدنك زرية طيبة قولوا ااامين:groupwave::B_wink:
X