تجمع بنات مصر المتاخرات عن الحمل

نونا ربنا يباركلك يا رب و يفرح قلبك يا رب بالنونو بتاعك يا رب و يكون أحسن نونو فى الدنيا يا رب و بقولك إيه جبت العروسه عليكى العريس بقى ماشى
نوجا ميرسى على الوصفات دى و هى فعلا تحفه جربتها قبل كده بس عيب كبسوله الفيتامين بشرتى مش بتمتصها بسهوله فبحس إن وشى ملزق طول الوقت بس فعلا الماسكين دول جمال جدا و ربنا يباركلك يا رب و يفرح قلبك بالنونو عن قريب يا رب اللهم أمين يا رب العالمين
أيام المفرض نسميكى بعد كده اللهو الخفى فينك يا بنتى طمنينا عليكى يا قمر يا رب تكونى كويسه و بخير يا رب

ماشي يا نوجا مافيش مشكلة هبدأمعاكي موضوع ال40 يوم ده بس في عندي مشكلة و هي ان جوزي مش معايا اساسا طب هيحصل حمل ازاي؟؟؟
عموما قراية القران حلوة و فيها كل خير يمكن سبحان الله الاقيه بعتلي عشان اروح له وللا حاجه .... يا رب
المهم ايه الماسكات الحلوة دي انا عارفه ان زيت جنين القمح مفيد اوي للبشرة بس انا عندي مشكلة و هي ان بشرتي مختلطة يعني حته جافة وحته دهنية و كمان الشمس عاملالي زي النمش عليها فبقى لونها مش موحد فاتخنقت منها و مش بقيت عارفه اعمل لها ايه؟؟؟؟؟؟؟؟؟

البت ايام دي شكلها وقعت في بلاعة بجد وللا ايه؟؟؟؟
هي راحت فين ؟؟؟؟؟؟؟؟؟؟؟؟؟
و مين المسؤو ل عن اختفاءها بالطريقه دي؟؟؟

ازيك يا بت يا رونا انتي مش هتنقي اسامي بنات بقه
ابقي قوليلنا نقيتي ايه
ربنا يكرمك يا رب و تقومي بالسلامة يا ام العسل الصغنن

بصى يا نونا إنتى نقى أسامى حلوه على ذوقك إنتى و نوجا و أنا هنقى منهم معاكى إيه رأيك بس عاوزه أسامى جديده و غريبه و لو تعرفى معناها قوليلى و بعدين شكل كلامك صح أيام مختفيه يا رب تكون بخير يا رب
نوجا فينك النهارده متعوده لما أدخل ألاقيكى كاتبلنا طمنينى عليكى

أزيكم يا جماعة عاملين أيه ؟ لقيتوا أيام ولا لسة ؟ على فكرة شكلها كده اتخطفت ...
خلتوتى وأنا قاعدة فى الشغل وعاملة للعيال عندى اجتماع فى وسط الكلام قلتلهم تفتكروا أيام فين ؟ ههههههههه والله أصلهم قاعدين نايمين على روحهم فقلت أنشط دماغهم شوية

بصى يا نونا أهنيكى علشان قررتى تبتدى معايا أى نعم ما عندكيش جوز دلوقتى علشان تطبقى الكلام النظرى عليه بس ولا يهمك وانت فى نص القراية ياااااااااااااااااااااااااارب يبعت ياخدك وتطبقى عملى ههههههههههههه ربنا هيكرمك علشان هتشجعينى بس أنا لسة عندى البريود أيه رأيك نبتدى من يوم الجمعة أو بكرة الخميس ليلة الجمعة يعنى .. شوفى وقوليلى وهديكى دلوقتى ماسكات لبشرتك حلوة أوى بس لما أكلم روووووووووووووووروووووووو ... أزيك يا ستو هانم متشكرين أوى على الواجب اللى عملتيه معانا أنا ونونا فى اختيار أسم بنتك ده احنا هنجيبلك شوية أسامى مووووووووووووووووه:888345: عسل هتخلى بنتك تجرى ورانا بالشبشب ... عموما أنتظرى المفجأأأأأأأأأأأأة بس مش هقولك امتى

شوفى بأه يا ست نونا ...
أولا تنظفى بشرتك قبل ما تعملى أى ماسك بمغلى النعناع يعنى أغلى شوية نعناع واتركيه لما يكون دافى وامسحى بيه بشرتك كويس وسيبيه 10 دقايق واشطفى وشك وبعد خمس دقايق اعملى الماسك ده .
البابونج بالشمار:

ملعقتين من منقوع بذور الشمار و ملعقتين من منقوع زهرة البابونج و ملعقة من بودرة جذور نبات السوس( هاتيه من عند العطار ) و ملعقة عسل النحل و كمية مناسبة من دقيق الشوفان لتكثيف القوام و يتم عمل القناع عن طريق نقع نصف ملعقة من بذور الشمار المطحونة فى نصف كوب ماء مغلى و تركه حتى يبرد و مزج الناتج مع نقيع زهرة البابونج و مزج النقيعين مع بودرة جذور نبات السوس و عسل النحل و تكثيف القوام بدقيق الشوفان لغاية ما يكون عجينة لينة و عمل قناع على الوجه و العنق و تركه لمدة 20 دقيقة إلى أن يتجمد ثم يتم غسل الوجه بالماء الفاتر ثم البارد أو ماء ورد مثلج .مااشى

تانى حاجة أعملى ممكن أنت ورونا الغسول ده حلو أوى


المكونات :
• 8 ملاعق كبيرة ماء ورد.
• 3 ملاعق كبيرة جليسرين.
• 3 ملاعق كبيرة كحول نقي.
• 1 ملعقة كبيرة عصير ليمون
• 1 ملعقة كبيرة عصير برتقال.
• 1 ملعقة كبيرة خل التفاح.

تخلط المكونات كويس ثم تعبيها في زجاجة مع الرج عدة مرات.
• استعمال المستحضر ده يحافظ على الحامض الطبيعي الموجود فى البشرة . وهو يستخدم يوميا بعد غسل اليدين.. وله أثر طيب في تبييض بشرة اليدين

وأى خدمة يا عم
وأعملى الماسك ده كمان

عسل النحل بالكاموميل :

هاتى ملعقتين من الردة و ثلاث ملاعق من أزهار الكاموميل و ملعقتين من عسل النحل و مزج كل المكونات دى و عمل دهان يشبه الكريم يتم وضعه على الوجه و العنق بقطعة من القماش المبللة بنقيع الكاموميل و يترك القناع على الوجه و العنق لمدة عشر دقائق على الأقل وبعدين أغسلى الوجه بنقيع الكاموميل ثم الماء الدافئ كذا مرة .

أظن ما حرمتكيش من حاجة ... صح؟ ياللا بأه خدتوا من وقتى كتير بااااااااااى

ماشى ياعم المهم يا ست نوجا مستنيه المفاجأه بتاعتك و ربنا يفرح قلبك بالحمل عن قريب إن شاء الله و البرنامج اللى هتمشى عليه يجيب نتيجه إن شاء الله و زودى على البرنامج بتاعك بعد الدوره كل يوم كوبايه قرفه باللبن و إن شاء الله هتعمل نتيجه هتعجبك بإذن الله و مرسى على الماسكات اللى فعلا تحفه ربنا يخليكى مع إن أول واحد فيه مكونات كتير غريبه بس أبقى أشوفه عند العطار إن شاء الله

ازيكم يا حلوين و اخباركم ايه؟؟؟؟؟
ازيك يا رونا ....عاملة ايه
بالنسبة يا ستي لاسامي البنات فهنلاقي ان شاء الله اسامي كتير اوي و يا رب واحد يعجبك منها
انا في اسمين بحبهم اوي
اسم ... نور و طبعا انتي عارفه معناه
و اسم ... جنى : يعني ثمار... والاسم ده من القران "جنى الجنتين دان" من سورة الرحمن يعني: ثمار الجنتين قريبه. ( ده تفسير الايه)
وكمان في واحده معايا هنا جابت بنت زي القمر بسم الله ماشاء الله ربنا يخليهالها تجنن.. من احلى البنات اللي شفتهم و سمتها "رَشَد" و ده برده من القران و بنتها الكبيرة اسمها "وَعْد" و بناتها قمرات عشان كده عجبتني اساميهم
و كل ما هسمع اسم جديد هقوللك عليه المهم ربنا يقومك بالسلامة و نفرح بيكي وبالنونو يا رب

ازيك يا نووووووووووجا
عاملة ايه يا عسوله
مرسيه خالص ع الماسكات الحلوة دي مع اني مش عارفه اوي كل المكونات دي بس المهم العطار يفهم ويجيبهملي و تسلم ايديكي يا جميل
و بالنسبة للموضوع بتاعنا فان شاء الله نبتديه مع بعض من ليلة الجمعة يعني الليلة دي باذن الله
و ربنا يوفقنا يا رب ويفرح قلوبنا بالنتيجة ان شاء الله
اخبار الجو في مصر ايه بقه حر و للا لسه؟؟؟
انا مش عارفه اشتري لبس من عندي و شكلي هنزل مصر اشتري احسن لان الازواق هنا مش زي مصر
هنا المكياج والكريمات و البرفانات بس اللي حلوة
المهم انصحوني انتم رايكم ايه؟؟؟

ازيكم يا قمرااااااات...
لأخبارك ايه يا رورو انهاردة .. هتلاقى عند العطار الحاجات دى ورخيصة أوى ومرسيه يا جميلة على الدعوة الحلوة دى اللى زيك .

نونا هنبتدى ان شاء الله أنا على الساعة 3 صباحا كده هبتدى وبصى يا توتة مصر فيها حاجات تجنن وكل حاجة بتلاقيها هنا فى أماكن معروفة للحاجات الشيك والقيمة من لبس وبرفانات وكريمات ومكياجات وكله تعالى بس انت وانا مستعدة اجى معاكى وألففك فى اماكن كتير ... عقبال يا اختى ما ألف بيكى وانت شايلة بيبى فى بطنك وتدلعى عليا كده وتقولى خلالالالالاص تعبت يا نوجا مش قادرة أمشى ولا تعمليها وتولدى فى عربيتى هههههههههههه علشان أخليكى تقومى تغسليها

نونا إزيك يا عسوله عامله إيه شوفى يا ستى إنتى بنت حلال لإنى بحب إسم جنى جدا جدا و إنتى قلتيهولى بس نفسى فى أسامى أجدد و يكون معناها حلو فى نفس الوقت و أسامى بنات صحبتك حلوين ما شاء الله ربنا يخليهملها يا رب و يباركلها فيهم الجو عندنا فى إسكندريه تحفه عاوزك لكن القاهره معنديش فكره و على فكره رأيى هاتى الميك أب و البرفانات و الحاجات دى من عندك لكن اللبس هتلاقى هنا كل حاجه و يا رب ترجعيلنا بالسلامه يا رب
نوجا يا نوجا يا رب كل اللى بتقلسى عليه يحصل معاكى و تحملى و تقلبظى و تبقى ماشيه يا دوبك محلين نجيبلك كرسى تريحى عليه بس بلاش ولاده العربيه دى عشان صعبه شويه و العربيه ضيقه و هتتبهدل على إيه خلينا بكرامتنا أحسن و ربنا يرزقنا كلنا الذريه الصالحه يا رب و يرزقك يا نوجا إنتى و نونا و أيام الحمل عن قريب يا رب يا ذى الجلال و الإكرام يا رب و أفرح بيكم يا رب

إنتم فين يا بنات و عاملين إيه و مختفيين ليه يا رب تكونوا بخير يا رب

إيه يا بنات رحتم فين كلكم إختفيتم ولا إيه طمنونى عليكم

ازيك يا رونا
معلش انا عندي احتقان في زوري و سخنه بقالي يومين تلاته
و مش روحت الشغل لاني مش قادرة من الدوخه
اخبارك ايه واخبار النونو السكر
لسه مافيش اسم معين في دماغك
؟؟؟؟؟؟؟؟؟؟؟؟؟؟
ازيك يا نوجا
انتي مختفيه فين
انا عاوزة اتفق معاكي نبدا من الاول عشان انا مش قدرت اقرا غير مرة واحده
لان عنيا مزغلله خالص
طمنوني عليكم دايما
ماحدش شاف البت ايام؟؟؟؟؟؟؟؟؟؟؟؟؟؟؟؟

إزيك يا نونا و ألف سلامه عليكى يا بنتى خدى بالك من نفسك و إشربى حاجات دافيه و ربنا معاكى يا رب و لا والله مشفتش أيام مش عارفه راحت فين ولا نوجا هى كمان إختفت تصدقى مش عارفه الظاهر عدوى ولا إيه

والله يا نونا مش عارفه أختار إسم معين بس فى كام إسم بحبهم زى ملك و جنى و مريم و حور و لوجين يعنى دول عجبونى بس لسه مقررتش أنهى فيهم بس بحب إسم جنى إيه رأيك إنتى

جميل اوي اسم جنى و معناه حلو اوي
عموما لسه معاكي وقت فكري واختاري يمكن تسمعي اسم يشدك
و عموما اول ما هتشوفيها قدام عنيكي ان شاء الله هتعرفي اسمها ايه على طول
ربنا يقومك بالسلامه يا رب ويفرحك بالنونه الامورة يا رب

وبعدين في موضوع الناس اللي بتختفي دي
و اخرتها يعني يا ست ايام
و كمان نوجا اختفت
هو التجمع ده معدي فوق مثلث برمودا وللا ايه
؟؟!!؟؟!!؟؟!!؟؟!!
ارجعوا بالزوق احسن لكم

ازيك يا رونا
عامله ايه
ماتعرفيش اخبار شهيده ايه
اكيد زمانها ولدت؟
مش كده؟؟؟؟؟؟؟؟؟؟؟؟؟؟؟؟
لو شفتيها سلميلنا عليها بقه
و قوليلها مبرووووووووووووووك

ازيكم يا حلوين ... وحشتووووووووووووووووووووووونى والله جدا ..
أنا عارفة افتكرتونى اختفيت زى أيام بس والله الظروف عندى مش حلوة خالص بس الحمد لله أول ما حسيت انى قادرة أتكلم جريت عليكم علشان أطمنكم واتكلم معاكم
رونا أنا جبت لك أسماء بنات كتيرة أختارى منهم كنت مجهزاهم لمرات أخويا وبعدين فى أخر لحظة طلع ولد وسموه عمر وان شاء الله تلاقى اسم فيهم يعجبك بس أنا عن نفسى بحب اسم ملك أوى وكنت ناوية يكون عندى ملك هههههههه باذن ربنا طبعا
نونا .. ألف سلامة عليكى يا حبيبتى حاولى تاخدى أعشاب وحاجات طبيعية سخنة وبلاش أدوية وأنتى بايوتك علشان لهم سايد افكت على الجسم وربنا يشفيكى يارب
انت عارفة أنا ماشية كويس من يوم ما اتفقنا بس عارفة ايه اللى حصلى ؟؟؟؟؟؟؟؟
من أول لحظة قرأت فيها سورة البقرة وأنا بصلى قيام الليل لقيتنى بتخنق وبنام وجسمى كله سخن وجانى مغص يا بنتى مش هقولك بأه فرتكة وفضلت مستحملة لغاية ما خلصت قراءة وبعدين استغفرت شوية وصليت الفجر ودعيت لكم معايا والله المهم من ساعتها وأنا وجوزى فى نكد وخناق مش طايقيين بعض خالص ولا حتى نشوف بعض والله يا جماعة كأننا اتنين أعداء عايشين فى البيت ورغم كده برضه من الساعة 2 صباحا أفضل أقرأ سورة البقرة وسورة مريم زى ما رونا قلتلى واصلى قيام ليل واستغفر وكل يوم من كتر النكد أفضل أصلى وأنا بعيط لحد ما أروح أنام ومش بروح شغلى ولا بعمل أى حاجة تعبانة على طول وجسمى كله وجعنى ونكد من جوزى مش عارفة ليه وحاولت ألطف الجو وأكلمه كويس زى ما يكون عفريت ركبه أول مايسمع صوتى ولا يشوفنى فى وشه متحفز دايما فى ردوده وفى أى حاجة لأى خناقة فالتزمت الصمت التام وهو كمان وأدينى بستغفر ربنا ليل ونهار وربنا يفرج كربنا جميعا .. معلشى أنا طولت عليكم بس كنت عايزة أقولكم أخبارى .
رورو خدى الأسماء دى وعلى فكرة المفاجأة بتاعتى كانت أنى كنت هصمم لك صورة على كل اسم وأبعتهم ليكى علشان تختارى منهم بس اعذرينى بأه اللى حصلى بوظ المفاجأة وخلانى أبعت لك الأسماء بس كده لأنى مش عندى نفس أعمل أى حاجة .. سامحينى يا توتة

شادن : ( ده اسم بنت أختى ) ولد الغزال الذي قوي وأصبح باستطاعته السير مع أمه أو الاستغناء عنها .

جود : الكَرَم، العطاء، الأكثر سخاءً، أصحاب الأعناق الطويلة الحسنة، الجوع، والجَوْد: المطر.ومن أقوال العرب : آفَةُ الجُوْدِ

ريان : ( ريانة ) الغصن الأخضر الغضّ ، المنظر الحَسَن، باب من أبواب الجنة، ذو الوجه الممتلئ، والشَّارب حتى الارتواء .
دارين : اسم منطقة في البحرين يُنسب إليها مسك دارين الذي كان يُحمل إلى أسواقها من بلاد الهند .(المحبوبة).

رهف : الرِّقَّة واللطافة .

ليان : (ليانة) الرغد والرفاه ونعمة العيش ، الليونة والسهولة والنعومة .

سيلين : إلهة القمر عند اليونان " تقابلها لونا الرومان "، وهي مجرد رمز لطلوع القمر على نحو نظامي ، بينما ديانَّا تُمثِّل عندهم أثر القمر الليلي في الكائنات الحيَّة ، لذا كانت أعظم خطراً ، تُمثَّل في الفن وهي تسوق مركبة يقودها جوادان .

يارا : القوية , المحبوبة . الطاهرة والمحبوبة

جنى : ثمر أو حصاد ( في الرحمن , كل ما يجنى من الشجر فهو جنى، والكمأة والكلأ والعنب والرطب والعسل والذهب جنى،

سديم : الضباب الرقيق الناعم ، الكثير الذِّكر ، التعب ، الماء المندفق ، موضع في القبة السَّماوية فيه نجوم بعيدة تبدو كأنّها

رنيم : الطرب والغناء الجميل ، الصوت الجميل ، التلاوة الحسنة ، والتغريد . رويم :تصغير رِيْم : الغزال الخالص البياض

. مايا : إلهة الخصب والربيع عند الرومان ، وعند اليونان أمّ هرمس من كبير الآلهة زيوس .

أناهيد : المرأة الفاضلة (أصلها أنا هيتا الهندية ).

لمار : ماء الذهب (بريق الذهب ).

جمان : اللؤلؤ والجمانة لؤلؤة، والجمان حب يصاغ من الفضة على شكل اللؤلؤ، والجمان نسيج من جلد مطرز بخرز ملون تتوشح به المرأة، أما جمينة فهي لؤلؤة صغيرة لطيفة، وفي الجمان زينة وجمال وحلية تبهر النساء والرجال.

روبين :إسم ياقوتة .
ياره : عند الفرس، وتعني القدرة والقوة.
ريماس : ماء الألماس.

لانا ===من اللين
تالة === النخلة الصغيرة
يارا==== صغير البط
جوان === نهر في الجنة
جوري === الورد الأحمر
رتان === مدري ايش معناه اللي يعرف المعنى يكتبه
رتال === من ترتيل القران

ثراء === الغنى الفاحش

حلا === طاب - لذ - صار حلوا

نورسين :ضوء القمر
رانسى :اسم غزال ويقال اسم نهر ايضا
ماذى :العسل الابيض
مهيرة :المرأةعظيمة المهر
كارمن :اسم زهرة برية فى اسبانيا

رنوة :النظرة الى الاشياء سريعا
سيرين :ومعناه الفتاه الحلوة العذبة
جوانة :شنطة العطورات والطيب

جودي :جبل الجودي الذي رست عليه سفينة نوح
مياسين :وهى النجمه البعيده
استاج :مايلف عليه الغزل.

أسيف : رقيق القلب.
أوار :حرالصيف والنار.
أيار : النحاس الاصفر

روجينا : ملاك
تولين : أسم عجبنى بس نسيت أسأل صاحبته عن معناه

ان شاء الله تلاقى اسم يعجبك يا رونا وربنا يجيب النونو بالسلامة ويخليهالك يارب
وانت يا نونا ما تنسيش بأه اشربى حاجات سخنة وكلى فاكهة كتير والف سلامة عليكى يا قمر

نونا إزيك يا عسوله عامله إيه و صحتك عامله إيه دلوقتى يا رب تكونى إتحسنتى شويه أنا الحمد لله كويسه بس مبقيتش أعرف أنام عندى أرق جامد بس الحمد لله على كل حال
نوجا ألف شكر على الأسامى فعلا كلها حلوه ما شاء الله هختار منها إن شاء الله و إنتى روقى و على فكره إنتى اللى بيحصل معاكى لما بتقرى قرأن ده من الشيطان بيحاول يخليكى تبعدى عن قرايه القرأن فإستعيذى بالله منه و إن شاء الله ربنا يهديلك نفسك و شغلى صوره البقره فى البيت عشان تبعد الشيطان عن البيت عشان النكد اللى بينك و بين جوزك و ربنا يهديلكم الحال يا رب