تجمع بنات مصر المتاخرات عن الحمل

أهلا بيكى يا لولى و ربنا يرزقك الذريه الصالحه يا رب

ازيكم وحشتونىىىىىىى وحشتونىىىىىىىىىىىىىىىىىىىىىى أووووووووووى جدا

عايزة أقولكم ان لسة راجعة من عند حماتى و هموت أنم معاكم طبعا وأحكى لكم عملت فيا ايه بنت الذين دى بس يا جماعة بجد والله العظيم أنا بعاملها معاملة زى أمى وأحسن بس يا خسارة فعلا !!!!! المهم أنا مش عارفة احكى معاكم دلوقتى لأن جوزى معايا هكلمكم بكرة وأقولكم على أخبار كتيرة حصلت ان شاء الله
وانت يا نونا يا جميلة الأف سلامة عليكى من أى شىء وبصى دايما قولى يا جامع بين الناس فى يوم لا ريب فيه اجمع بينى وبين زوجى وسيبك من الشغل والدنيا كلها وروحى اقعدى معاه ويارب يبعت لك وتكونوا فى سعادة مع بعض دايما
ورونا حبيبتى وحشتينى يا قلبى وازى النونة القمر خلى بالك منها وانا شركتى اسمها الوطنية وهى مجموعة شركات ولينا فرع فى قطر والسودان والسعودية وانا ماسكة فرع القاهرة المهم هقولك على كل حاجة بكرة ان شاء الله بس أهم من ده كله انكم بجد وحشتونى جامد طحن يا عيال
وسلام كبير لكل الأخوات الجداد فى التجمع ... شرفتونا:wink:

إزيك يا نوجا عامله إيه حمدالله على سلامتك يا بنتى فينك من زمان إنتى و نونا إختفيتوا فجأه و بقيت لوحدى المهم طمنينا عليكى و مستنيه حكاويكى يا عسل و مغاماراتك مع حماتك
نونا فينك إنتى وباقى البنات طمنونى عليكم يا بنات

رونا .. ازيك صباح الفل أنا لسة صاحية من النوم حالا
وازيك يا نونا .. أيه الأخبار والله يا نونا من يوم ما اتفقنا على صلاة قيام الليل وسورة البقرة وانا بدعيلك معايا وطبعا لرونا وكمان وكل البنات بس فى كام يوم كده كسلت أقرأ سورة البقرة لكن الحمد لله بصلى قيام الليل
المهم انتم وحشتونى وطبعا كنت مزنوقة عند حماتى وماسكة فينا باديها وسنانها وطبعا مش علشان سواد عيونى لأ علشان أنا السواقة بتاعتها !! هههههههه أه والله كان عندها مشاوير كتير هى ومراة ابنها التانى المغربية ولأنها كانت مسافرة المغرب فكانت بتشترى هدايا وحاجات لأهلها وطبعا حماتى مدخلة مناخيرها فى كل حاجة ومصممة تروح مع المسكينة فى كل حتة وطبعا سحلانى معاها علشان أوديهم بالعربية وأسوق لهم عرفتم بأه كانت ماسكة فيا ليه ,, والست هانم حماتى بأه من النوع اللى تضحك فى وشك وتعاملك ملكة أدام الناس وخصوصا أدام ولادها وبعد كده أديها بس ضهرك يااااااااااااااا مغيث تتكلم على كل ذرة فيكى وعلى كل حرف نطقتيه وتسخن ولادها علينا وفظيعة ربنا ما يوريكم حماة زيها
أنا بأه علشان ما صدعكوش هحكى لكم كل يوم شوية عن المواقف اللى عملتها معايا لكن دلوقتى الأول عايزة أطمن عليكم ايه أخباركم ؟ وليه حاسة كده بكأبة يا بنات فى التجمع رونا حسيتك مهمومة كده من كلامك الأخير والبت نونا فين ؟ وايه اللى مزعلها كنت سمعتها مرة بتقول عندها شغل كتير وحاجات كده وموضوع جوزها ..
بصى يا نونا ادخلى الأول طمنينا عليكى وتعالى نعمل جلسة المائدة المستديرة بتكلم بجد والله مش بهرج تعالوا أنا وانت ورونا نتفق على ميعاد نكون موجودين فيه مع بعض فى نفس الوقت وندخل نتناقش ونتكلم مع بعض ونحاول نقول أراء نحل بيها موضوعك ما يمكن فيه حاجة ممكن تحل موضوعك وتكون بسيطة بس انت مش واخدة بالك وربنا يجمعك بجوزك عن قريب ان شاء الله , وربنا يجيب بنوتة رونا القمر بالسلامة ونشركها معانا هنا ونطلع عنيها مناقشات ونصدع دماغها بمشاكلنا.. ياللا فكرى يا نونا انت ورونا فى موضوع الميعاد ده ونتكلم مع بعض كلنا ماااااااااااشى .. هستناكم ..مووووووووووووووووووووه :87457: بحبكم :Zd_bye_3:

إزيك يا نوجا يا قمر عامله إيه معلش ما إحنا لازم يطلعلنا فى كل حاجه حاجه مفيش حد مرتاح إنتى حماتك مشغلاكى سواقه أنا حماتى عندها غير جوزى ولدين كمان و ساكنه فى بحرى يعنى حته بيتباع فيها كل حاجه فى الدنيا و لما بتعوز صابون وش بتخلينى أجيبلها من سموحه من عند البيت عندى و كل صيف إجبارى نوديهم مصيف ولو جوزى قال إنه عاوز يغير جو و نروح الغردقه أو شرم أنا و هو بس الوش بيتلبس و مفيش الأماكن دى ده الإرهاب بيضرب فى الناس فى شرم عادى يعنى عارفه طول ما جوزى موجود فى مصر عاوزينه يبقى عندهم لدرجه إنى بتخنق بس الحمد لله على كل حال هنعمل إيه و بالنسبه ليه فعلا انا مخنوقه و كنت من يومين مقضياها عياط من الزهق عارفه جوزى أهوه مسافر بقاله شهر منزلتش من البيت غير مرتين رحت فيهم فتح الله جبت حاجات للبيت و مره رحت كافيتريا فى جرين بلازا و عارفه ملل لدرجه إنى جالى يومين مغص فى بطنى من العياط و والله كنت خايفه على البنوته من العياط و الزعل بس الحمد لله النهارده أحسن شويه ربنا يفرج همنا كلنا يا رب و المشكله إنى حتى لما بنزل بتعب بسرعه بعنى لو المشوار ياخد ربع ساعه بقف أريح فى النص و عشان بعد سفر جوزى مبنزلش كتير بقيت بنهج بسرعه من أقل مجهود المهم طمنينى إنتى عليكى و بتعملى إيه فى يومك بتنظميه إزاى و معنديش مانع إننا نتفق على ميعاد ندخل فيه على النت و نكلم بعض يا قمر

ايه يا بنتى قلقتينى عليكى ..رونا أوعى على نفسك من الزعل طظ فى حماتك والدنيا كلها .. بصى أنا حماتى هى وبنتها بعملوا معايا زيك بالظبط وأكتر وكبرت دماغى هما هيعيشوا مبسوطين على قفانا ولا أيه ؟ ههههههه كبرى دماغك يا قمر وربنا يجيبلك جوزك بالسلامة وبعدين أنا الأيام دى سيبت شغلى علشان أتفرغ أعمل مشروعى اللى قلت لك عليه وفاضية يعنى أأمرى انتى بس وهى ساعة ونص تلاقينى عندك بزقزوقتى - عربيتى - وأخرجك يا جميل ولا يهمك فرفشى كده علشان البنوتة القمر دى هتعوديها على النكد ولا ايه ؟ مش كفاية احنا ...:21_235: انا عندى شقة فى قرية فى العجمى وبعت امبارح حد ينظفها وشوية كده وتلاقينى طبيت عليكى وبقولك شبيك لبيك تحبو تروحوا فين ستو هانم .. واشتغلك انت كمان سواقة !! ما هى زاطت هو يعنى حماتى أحسن منك ؟ لأ طبعا ههههههه
يا جميلة .. روقى .. أحكيلك أخر موقف شفته من حماتى وأضحكك..
ابنها التانى متجوز واحدة مغربية والواد بصراحة قمر وهى شكلها مش حلو أوى وهو عرفها من على النت ويا بنتى هى 10 أيام جهز 3 شنط سفر كبار ملاهم ما لذ وطاب من هدايا على بابا وطلع على المغرب وحماتى طبعا كانت مش طايقة نفسها ومقهورة جدا :mad2: المهم راح هناك اتجوز صاحبته ورجع بيها بعد أسبوعين .. أنا طولت عليكى بس بديكى خلفية الأول عنهم وبعدين أحكى لك الموقف .. هاااااااا أكمل ولا لسة عايشة فى دور النكد !!!!!!!!!





المهم يا قمر جاب مراته وعاش مع حماتى فى بيتها لغاية ما يجهزوا شقتهم مش هقولك بأه على الكوميديا اللى بتحصل وتخيلى كل اللى عملتوا فيا حماتى وبتعمله طلع عليها من مرات ابنها المغربية _ بصراحة هى شاطرة وعارفة تعاملهم ازاى ومخلية حماتى بتلف حوالين نفسها ومقهورة منها ههههههههههههه
المهم الواد أخو جوزى ده فظيع كرم وحنية ايه !! مش هقولك وطبعا عايزة أقولك بيعامل مراته معاملة مش ممكن تتخيليها ناقص سورى ( يشيل جزمتها يبوسها) :up:زمانهم ولعوا هههههههههههه :21_131:, وحماتى طبعا هتفرقع


أما الموقف بأه يا كتكوتة اللى حماتى عملته الأخير أنها لما مرات ابنها الأسبوع اللى فات كانت مسافرة لأهلها فى المغرب عملت نفسها متأثرة أوى انها ماشية وهتوحشينى وحركااااااااااااات ويا دوب وصلناها المطار ولقيتها أبتدت وصلت النم :mad_argue:ومع مين معايا على البت الغلبانة وتشتكى منها وتعيط وتشتكى من أبنها .. توقعى ليه ؟ ها


عارفة ليه ؟ علشان أد أيه هو بيحاول يرضيها ويسعدها وهيموت عليها ونايم تحت رجليها ده واد خفيف وخايب ومدلوق ده حتى مش بيراعوا شعورى وبيعملوا كل حاجة كده قدامى وبيدخلوا الحمام مع بعض وهات يا نم فى خصوصيات وأمور محرجة جدا لحد ما صرخت وأنا سايقة وقلت لها ستوب :21_178:خلالالالالالالالالاص يا طنط ما تزعليش أهى مشيت فردت عليا تعرفى ما حدش مريحنى غير خالد ( ده اسم جوزى ) تقيل كده فى نفسه ومع مراته ومش مدلوق فى مشاعره وعامل لنفسه كرامة وخد بنصايحى لا يعرف مراته مرتبه ايه أو دخله كام ولا يتلهف عليها ومخلى باله من قرشه مش زى الخايب التانى اللى مغرقها هدايا هى وأهلها بناسبة ومن غير مناسبة !!






طبعا أنا سمعت الكلام أتصدمت ومش عارفة أرد عليها :sad:وقلت فى بالى الله يخرب بيتك يعنى انت سبب المشاكل اللى بتون بينى وبين جوزى
وأخدت بالها الست هانم أنها عكت فى الكلام فقالت أنا بخرف فى الكلام أنا بفضفض معاكى مبحبش حد زيك وبعتبرك بنتى قلتلها لأ خدى رااااااااااحتك أوى يا طنط ولا فى شىء بيأثر معايا كأنى مسمعتش حاجة والحمد لله أنا وخالد زى الفل

هاااا شفتى بأه المواقف اللى تخليكى تشدى فى شعرك , بذمتك مش أنا ليا الجنة هههههههههه ياللا يا جميل كل ما تكونى مكتأبة كلمينى علشان أكأبك أكتر وأحكى لك عن حماتى شوية

خلى بالك من نفسك يا رونا وبجد لو عايزة تكلمينى فى أى وقت كلمينى على الخاص وهديكى أرقامى ماشى يا باشا :Zd_bye_3:

إزيك يا نوجا يا قمر معلش ماهم دايما الحماوات كده هنعمل إيه المهم إنك دايما تكونى جنب جوزك و تحاولى تراضيه على قد ما تقدرى يا قمر بالنسبه ليه أنا الحمد لله أحسن من الأول شويه بس مستنيه إخواتى يخلصوا إمتحانات بفارغ الصبر عشان بنروح نقعد فى المعموره أول ما بيخلصوا أهو تغيير جو لحد ما جوزى ييجى السلامه بإذن الله ويلا تعالى نورى إسكندريه يا قمر و العجمى هينور على فكره إحنا كان عندنا زمان شقه فى العجمى فى الزهراء بس بصراحه العجمى دلوقتى مبقتش زى الأول فسيبناها و بيعناها بس إنتى تعالى بس إسكندريه

البت نونا مختفيه يا رب تكون بخير وحشتنى ربنا يطمنا عليها يا رب

يارب يرزقنا جميعا الذريه الطيبه السليمه المعافاه امين امين امين ويفرحنا بالحمل يارب ويرزقنا بره يا ارحم الراحمين ارحمنا

نوجا يا عسل انتى دمك سكر حتى من حكاويكى على حماتك بتحكى بخفه دم
ربنا يهدى ليكى حماتك وما تحطيش فى بالك عادى يعنى دا حال الدنيا كده لازم يطلع للبنى ادم حاجه تنغص عليه حياته ربنا يعينا جميعا ويرزقنا من اوسع ابواب رزقه ياااااااااااااااااااااااااااااااااااااااااارب

رونا ؟؟؟؟؟؟؟؟ بصى صوتك برضه مش عجبنى أنت يا بنتى مكتئبة ليه كده ؟ والنبى يا رورو فرفشى بأه أحسن دمك تقيل .. تقيل أوووووووووووووى أأأأأأد كده:ongue:

والبت نونا فين صحيح ؟ وحشتينى يا نونا جدا تعالى بأه حتى لو مكتئبة برضه زى الست رونا ياللا بجملة الاكتئاب بس ارجعى وحشتينا وبعدين نحدد ميعاد بأه وندور على أكتئابكم ده نحله ازاى .. طمنينا عليكى

حبيبتى أم بودى .. مرسيه يا جميل على المدح ده وشرفتينا , بس أنا حماتى بجد ساعات بتخرجنى عن شعورى عمرك شفتى واحدة بتتدخل فى البرد ؟ أه والله كان عندى دور برد ولقيتها بتتصل عليا فرديت وقلت أكيد هتقولى سلامتك لقيتها يا أختى بترد باندهاش غريب أيه يا نوجا ده فيه أيه ؟ عارفة حسيت من طريقتها انى عملت مصيبة قلت لها فيه ايه يا طنط خييييييييييير ؟ قالت حد يجيله برد كده فى الصيف ؟ عملتى ايه علشان جالك برد ؟ وبتقول السؤال باستغرااب قلت لها ولا حاجة يا طنط من عند ربنا فقالت وعندك بأه أحتقار فى الزور كمان هههههههههههههههههههههههههه هى يا بنتى قالت كده وأنا وقعت على الأرض من كتر الضحك والتليفون وقع فوقى يا عين أمه ما استحملش الكلمة هو كمان ضحك ههههههههه
وخدت بالها فقلت لها معلشى أتكعبلت فى سلك التليفون ووقعت بس خلالالالالاص الاحتقار راح من زورى

شفتى بأه حموات أخر زمن ههههههه

أيه يا بنات أنتم أختفيتم ليه ؟ روناااااااااااااااااااااااااااا !!!!!
طيب نوناااااااااااااااااااااااااااااااا !!!! ؟ طمنونى عليكم بجد بأه هبتدى أقلق عليكم وانت يانونى مش ظاهرة من فترة .. يارب يكون خير ويفرج كربكم جميعا يارب

حتى أم بودى أتعدت منكم وأختفت هى كمان !!!! عجبكم كده ... شكلها عدوى بجد أو عصابة بأه بتخطف بنات مصر الحلوين .............. احترسوااااااااااااااااااااااااااا

نوجا إزيك يا قمر عامله إيه انا الحمد لله كويسه عندى شويه زهق بس عادى الحمد لله على كل حال معلش النت عندى بايظ بقاله كام يوم أخر حاجه قالوهالى إن العيب فى الروتر بيعلق و قالولى أروح بيه الشركه و دى أتقل حاجه على قلبى إدعيلى إنه يتصلح عشان أعرف أدخل زى الأول بإذن الله و ألف سلامه عليكى من البرد إنتى عامله زيى دايما يجيلى برد فى الصيف بس خلى بالك من نفسك لأن برد الصيف بيكون وحش و ربنا معاكى يا رب و يقويكى على حماتك و يقوينا كلنا على حمواتنا الفاتنات لأن الظاهر إن كلهم فعلا فاتنات المهم إنتى عامله إيه فى حياتك و بتقضى يومك إزاى
نونا فين يا رب تكون بخير يا رب و ربنا يطمنا عليها يا رب تفتكرى يا بت يا نوجا تكون راحت لجوزها من ورانا ولا إيه
أم بودى أهلا بيكى معانا فى التجمع و ربنا يرزقنا جميعا يا رب الذريه الصالحه يا رب

هاى يا رونا ازيك .. الحمد لله انك طمنتينى عليكى ناقص نونا هى فين ؟ ما تعرفيش عنها حاجة ولا ايه ؟

يارب الراوتر يتصلح عندك وتعرفى تدخلى النت علشان ندور سوا على نونا .. أنا الحمد لله كويسة بس الست هانم شرفت عندى بعد تأخير 3 أيام كنت فيهم على أعصابى وبعدين حضرتها شرفت من نص ساعة

وأم بودى أيه لحقت تختفى وتتخطف زى أصحابنا ولا أيه ؟ دخلت مرتين واختفت
التجمع ده شكله كده محسود يا رونا .. ياللا خلى بالك من نفسك يا قمر وطمنينى عليكى

إزيك يا نوجا سلامتك يا قمر من التعب معلش إشربى حاجات سخنه عشان المغص و ربنا معاكى وفعلا أنا قلقانه على نونا يا رب تكون بخير إنتى طمنينى عليكى و على صحتك

هاى يا رونا عاملة ايه ؟ وأخبار الزهق ايه ؟ بينى وبينك أنا أتعديت .. زهقانة مووووت والبريود مخليانى مش طايقة نفسى والمرة دى أول شهر تتأخر كده كل شهر بتيجى كل 28 يوم بالظبط الشهر ده جت فى 32 يوم وكنت مع نفسى بأه مقضياها تخيلات وأن سورة البقرة علشان قريتها وحاجات كده ربنا يسامحنى استغفر الله العظيم لما بتتأخر عندى حتى ساعة بقول يارب وتشتغل بأه أحلام اليقظة أن ده حمل وكده يعنى ... ياللا الحمد لله على كل حال , المهم أنا كمان بجد قلقت على نونا وخصوصا أن الأيام الأخيرة كانت نفسيتها وحشة !! طيب نعمل أيه علشان نطمن عليها ؟
أنت ما عندكيش رقم تليفون لها نطمن عليها ؟ على فكرة بأه احنا المفروض أرقامنا تكون مع بعض علشان الظروف اللى بتحصل دى .. أنا هبتدى وأسيب ليكى أرقامى على الخاص عندك ولو عرفتى حاجة عن نونا طمنينى عليها ,, البت دى غلبانة أوى والله ربنا يكرمها ويسعدها ويفرج كربها ويفرج كرب كل البنات يارب

نسيت أقولك حاجة مهمة بعملها .. بصى يا ستى أنا قريت هنا خلطة للحمل فيها حلبة خيل ورشاد وحاجات كده ولقيتك انت ونونا كاتبين فيها المهم أنا اشتريت الحاجات دى وانهاردة 3 يوم البريود والمفروض أبتدى فخلطت الحاجات كلها مع بعض وبصراحة ما لقيتش حاجة اسمها حلبة الخيل فحطيت حلبة عادية وأخدت منهم معلقة كبيرة زى ما قالت بس خايفة أوى تضرنى لأنى عندى التصاقات وتكيسات ومش عارفة أكمل ولا أوقف ولا أيه .. أنت أيه رأيك ؟

إزيك يا نوجا عامله إيه بصى بصراحه مش عارفه بالنسبه للوصفه دى إيه وضعها بالنسبه لحالتك فالأحسن تسألى قبل ما تستخدمى حاجه و ليه مجربتيش الحقن المجهرى يا نوجا و ليه مسألتيش أكتر من دكتور عن حالتك و بالنسبه للإلتصاق ليه معملتيش منظار عشان الإلتصاقات دى معلش سألتك أسئله كتير بس بحاول أفهم منك أكتر
نونا فعلا قلقتنى ربنا يطمنا عليها يا رب و يكون عدم دخولها ده خير يا رب تكون راحت لجوزها و قاعده معاه و مرتاحه فى حياتها و ربنا يسهلها أمورها يا رب

هاى يا رونا .. أنا يا حبيبتى عملت 2 منظار وما عرفوش يعملوا حاجة لأنهم قالوا الالتصاقات شديدة وخطر عليا يتدخلوا بالمنظار وعملت حقن مجهرى مرة وفشل والدكتور قال انسى موضوع الحمل ده نهائى انت مالكيش حل ومش هتخلفى عمرك لأن البويضات عندك فاضية مش هتتلقح يعنى ما عندكيش تبويض !!!! سبحان الله معرفش ازاى مع انى بحس بالتبويض كل شهر وبحس بعلاماته ياللا الحمد لله على كل شىء ..
وأتمنى فعلا تكون نونا سافرت لجوزها وربنا يسعدها ويسعدك انت كمان ويجيب البيبى بالسلامة يارب وتكون زى القمر زى مامتها

ازيكم يا احلى امهات ان شاء الله اريب اوى اوى اوى قولو امين
بجد وحشتونى كلكم يارب تكونو بالف خير ياااارب
لا ابدا يا نوجا ما اتخطفناش ولا حاجه موجودين بس المشاغل انتى عامله ايه طمنينى عنك ولما بلاقى فرصه فى النتت بدخل اشوف اخباركم واطمن عليكم
اصل بعيد عنك جوزى وابنى عندهم احتكااااااااار للنت هههههههههه :wink::wink::wink:فا يدوب حد يسيبو بدخل على طول

اهلن بيكى يا رونا شكرا حبيبتى على الترحيب ويارب ما نطولش كلنا فى القسم دا ونشمعو بالشمع الاحمر يارب ونروح قسم متابعة الحمل امين يارب
نوجا حبيبتى الف الف الف سلامه عليكى من البرد خلى بالك من نفسك معلش تغيير الجو بيعمل كده اشربى حاجات دافيه كتير
وربنا يطمنا عليكى يا جميل
نونا هى مختفيه فين انا اعرف نونا من منتدى تانى مش عارفه هى نونا اللى اعرفها ولا لا يارب تكون هيه لانها اخت غاليه من منتدى غالى

ربنا يكرمنا جميعا يارب بالخلف الصالح يارب
اللهم اطعمنا ولا تحرمنا