تجمع بنات مصر المتاخرات عن الحمل

يا حبيبتي يا رونا ربنا يطمنك يا رب و يتمم لك على خير
و يبعت لايام توأم صبيان يلخبطوها اكتر ماهي متلخبطة
بقالك معانا كام شهر يا ايام
بتكلمينا باسامينا الصح
فجأة نسيتي و اتلخبطتي
عموما ربنا يعينك
كل ده عشان مش بتدخلي كتير زي الاول

ازيك يا رونا
اما انا شوفتلك النهاردة شوية حاجات للبيبي تجنن
كنت رايحه اشتري هدية لواحدة صاحبتي لسه والدة قريب وجابت ولد
دخلت المحل و بقيت مش عاوزة اطلع
الحاجات تجنن بجد روعه وتخليكي عاوزة تخلفي على روحك وانتي واقفه
واخدت معايا زميلتي في الشغل و هي حامل وقربت تولد
وفضلنا نتفرج ومش عاوزين نمشي من المحل
وقعدت اقوللها اولدي بقه عشان عاوزة اجي اشتري من المحل ده
عقبالك لما تولدي انتي كمان يا رونا
ربنا يبعتلك ساعة ولادة سهلة ان شاء الله

ازيك يا ست ايام
انا حبيت ابشرك بشرة خير
سكرتيرة صاحب الشركة عندها تكيس
و من النوع الحاد كمان
و اتجوزت من ست شهور و كانت مليانه شوية
و عملت ريجيم و خست 8 كجم
و حملت الشهر ده
عقبالك ان شاء الله يا جميل

يااااااااااااااااااااااااا رب يا نونا ..يسمع من بقك ربنا..طب امانة اسأليهالي هيا كانت بتتعالج عند مين؟؟؟ بعدين خست ازاي؟؟لأني انا والله مش قابل جسمي يضعف خالص.
انشالله عقبالنا كلنا نخرج نجهز لأولادنا انا و انتي و رونا قريب...و يا رب تدخل النهاردة تطمنا عملت ايه؟ و عرفت الجنس ولا لأ؟

بصي يا ايام هي ماتعالجتش عند حد كل اللي عملته انها اشتركت في نادي للسيدات و خففت اكلها شويه بعد شهرين لقيت نفسها خست 8 كيلو و هي كانت مستنيه الدورة تيجي لقيتها اتأخرت و ماجاتش حللت طلعت حامل
شوفتي بقه

ازيك يا رونا عاملة ايه طمنينا عليكي
روحتي للدكتور وللا لسه
و عاملين ايه وسط الاضرابات اللي في مصر دي

إزيك يا نونا أنتى و أيام عاملين إيه يا بنات وحشتونى الحمد لله يا نونا إتطمنت على النونو كويس الحمد لله لكن معرفش نوع الجنين عشان مش عاوز يفتح رجليه الدكتور يرحله يمين أو شمال مش عاوز يفتح رجليه خالص قالى المره الجايه إن شاء الله يحاول تانى
بصراحه يا نونا أنا عندى هدوم للنونو من المره اللى فاتت و مش عاوزه أشترى حاجه خالص الحمل ده لأنى بصراحه إتشائمت من الشراء بس بحاول أسيطر على نفسى لأن حاجات البيبيهات تجنن فعلا
بالنسبه للقلق الحمد لله محصلش حاجه عندنا هى المحله بس اللى كان فيها قلق لكن إسكندريه الحمد لله الناس قاطعوا و هم فى بيوتهم منزلوش الشارع خافوا و عدى على خير الحمد لله
إزيك يا أيام عامله إيه نظمى أكلك و أنتى تحسى إن شاء الله وربنا معاكى يا رب و يرزقك أنتى و نونا بالذريه الصالحه اللى تملى عليكم حياتكم يا رب اللهم أمين

انشالله تسمعي الأخبار الحلوة من الدكتور المرة الجاية يا رونا و تملى الدواليب هدوم ولاد و بنات...

و انتي يا نونا.. اديني بقيت اشيك عالاسماء كل مرة قبل ما أرد علشان أسلم منك و من تعليقاتك بس :).... يا بنتي إزا انا بتلخبط باسم اخواني ببقى أنادي الكبير باسم الصغير و العكس... الشغل خلااااااااااااااص قلبلي دماغي ..بقيت سكراب خالص

السلام عليكم
ازيكم يا قمرات؟

نونا وايام
يارب نسمع عنكو كل خير وتبشرونا قريب بالحمل وتشوفو بيبيهاتكم قريب ان شاء الله

رونا
اخبارك ايه يا قمر
ربنا يتم لك على خير وتفرحي بالنونو

ازيك يا شهيدة عاملة ايه
انا مبسوطة اوي انك عديتي علينا
ربنا يتمم لك على خير يا رب انتي و رونا

ازيك يا رونا
الواد طلع مؤدب و بيقفل رجليه وهو قاعد
متربي صحيح و نعم التربية

nunnah_koki;5670511:
ازيك يا شهيدة عاملة ايه
انا مبسوطة اوي انك عديتي علينا
ربنا يتمم لك على خير يا رب انتي و رونا

ربنا يكرمك يا قمر
وعقبال ما نقلك ربنا يتم لك على خير ان شاء الله

إزيكم يا بنوتات عاملين إيه النهارده نونا يا شقيه عامله إيه و الشغل عمله فيه إيه مش هتنزلى مصر عشان أخدك معايا نشتروا حاجه للنونو ولا إيه و طبعا يا بنتى لازم يكون مؤدب عشان ميتضربش إحنا مش إتفقنا إنك أنتى اللى هتربى و أيام اللى هتعلم ولا رجعتوا فى كلامكم ولا إيه
أيام إزيك عامله إيه و الشغل عامل فيكى إيه خلاص بوظلك مخك ولا إيه خلى شويه عشان النونو لما ييجى إن شاء الله يبوظهم
شهيده إزيك يا قمر عامله إيه منورانا دايما بإطلالتك الجميله يا بنتى مش المفرض إنك فى ميعاد الولاده ولا إيه ولا لسه شويه طمنينى الله يخليكى الحمل فى الشهور الأخيره عامل إزاى صعب ولا أرحم من الأولانيه لأنى بحلم إن اللى جاى أحسن من اللى فات ربنا يستر و يكرمنا كلنا بالذريه الصالحه يا رب

ازيك يا رونا يا عسل يا ام الواد المؤدب
بصي يا رونا حاولي تستمتعي بالحمل قد ما تقدري
اتكلمي مع ابنك وطبطبي عليه
خللي بينك وبينه علاقه من قبل الولاده
ادعيله وارقيه وخليه يحس بايدك و ايد باباه
صديقيني هم في الوقت ده بيسمعوا وممكن يتحرك مع ايدك وايد باباه
عيشي حياتك مع النونو كانه جه قدامك
و ربنا يتمم لك على خير يا عسل

حاضر يا نونا إن شاء الله هسمع كلامك عارفه يا نونا إيه أحلى حاجه فى التجمع بتاعنا ده إننا بنخاف على بعض بجد و بنتمنى الخير لبعض يا رب يكرمنا كلنا بالحمل الكامل يا رب و يفرح قلبك يا نونا عن قريب إن شاء الله

ربنا يستجيب منك يا رونا يا رب
ويفرح قلوبنا بعيالنا يا رب
وما يحرمش حد مننا من كلمة ماما يا رب

ازيك يا ايام فينك يا جميل؟؟؟

rona_mo7a;5672771:
إزيكم يا بنوتات عاملين إيه النهارده نونا يا شقيه عامله إيه و الشغل عمله فيه إيه مش هتنزلى مصر عشان أخدك معايا نشتروا حاجه للنونو ولا إيه و طبعا يا بنتى لازم يكون مؤدب عشان ميتضربش إحنا مش إتفقنا إنك أنتى اللى هتربى و أيام اللى هتعلم ولا رجعتوا فى كلامكم ولا إيه
أيام إزيك عامله إيه و الشغل عامل فيكى إيه خلاص بوظلك مخك ولا إيه خلى شويه عشان النونو لما ييجى إن شاء الله يبوظهم
شهيده إزيك يا قمر عامله إيه منورانا دايما بإطلالتك الجميله يا بنتى مش المفرض إنك فى ميعاد الولاده ولا إيه ولا لسه شويه طمنينى الله يخليكى الحمل فى الشهور الأخيره عامل إزاى صعب ولا أرحم من الأولانيه لأنى بحلم إن اللى جاى أحسن من اللى فات ربنا يستر و يكرمنا كلنا بالذريه الصالحه يا رب

الله يكرمك يا قمر
المفروض انى قربت اولد لانى في التاسع دلوقتي
دعواتكم

بصي احلى شهور الحمل من اول الخامس للسابع بيبقو حلوين اوى وهاديين وتحسي انك طبيعيه خالص
بعد كده بيبقى التقل هوا المشكله وربنا يرزق الجميع الذرية الصالحه والولاده السهله اليسيرة
ونفرح كلنا يارب بولادنا
اللهم امين

ربنا يسهل ولادتك يا رب يا شهيدة
ويشرف البيبي و نفرح بيه كلنا يا رب
بس ماتنسيش تدعيلنا ساعة الولادة

نونا إزيك عامله إيه و إيه أخبارك و أيام بقت تدخل أيام و أيام لأ ليه يا رب تكون بخير يا رب
شهيده يا رب يسهلك ولادتك و تقومى بالسلامه يا رب و تجيبى أحلى نونو فى الدنيا و يا رب تكون الشهور اللى فى النص سهله زى ما قلتى يا رب و يكملنا على خير و يرزق نونا و أيام يا رب بالذريه الصالحه يا رب و يفرحنا كلنا بعيالنا و ميحرمش حد أبدا اللهم أمين يا رب العالمين

نونا عمرك خدتى بالك إن إحنا الأتنين إشتركنا فى عروس فى يومين ورا بعض على طول أنا لسه واخده بالى النهارده تصدقى يمكن يكون فال خير و نحمل ورا بعض و أول ما جوزك ييجى تحملى على طول