تجمع بنات مصر المتاخرات عن الحمل

يا سلام هو لما انا ادخل تقوموا تختفوا انتم الاتنين مرة واحده
ايه الحلاوة دي؟؟؟؟؟؟؟؟؟؟؟؟؟؟؟؟؟؟؟؟

أزيك يا نونا وحشتينى ووحشنى هزارك معانا أيوه كده إرجعى نورى التجمع من أول و جديد معلش إمبارح مدخلتش لأنى كنت تعبانه شويه كان ضغطى عالى مكنتش قادره أرفع دماغى بس الحمد لله دلوقتى أحسن المهم تاخدى بالك من نفسك و جربى الينسون فعلا هيعجبك و طعمه مش وحش كمان وربنا معاكى
أيام فينك لسه مشغوله فى الشغل ولا إيه يا رب تكونى بخير يا رب

ازيك يا رونا عامله ايه
و اخبار النونو ايه ربنا يتمم لك على خير يا رب
ايه يا بت يا ايام انتي فين
مرة حماتك تعبانه ومرة عندك شغل
طيب المرة دي في ايه؟؟؟
يا رب المانع يكون خير يا ستي
بس طمنينا عليكي

أزيك يا نونا عامله إيه و إيه أخبارك أنا الحمد لله تمام و النونو كويس الحمد لله هو أينعم مطلع عينى فى الترجيع و الحاجات دى بس كله يهون والله يا نونا و أشوفه بين إيديه بإذن الله و عقبالك يا رب لما ربنا يكرمك و يفرح قلبك بالنونو بتاعك كده إن شاء الله و أفرح فيكى و إنتى داخله تقوليلى إن نفسك غامه عليكى و مش طايقه حاجه عشان أغلس عليكى و على أيام بإذن الله اللى مختفيه بقالها كام يوم ربنا يرجعها بالسلامه يا رب و ربنا يكرمها بالحمل يا رب بإذن الله و يفرح قلبها

بت يا أيــــــــــــــــــــــام
انتي اختفيتي فين ؟؟؟؟؟؟؟؟؟؟؟؟؟؟
طيب بس لما ترجعي

أزيك يا نونا عامله إيه و إيه أخبارك ماشيه على نظام غذائى ولا لأ ؟؟؟؟؟؟؟؟؟؟
أيام فينك هى نونا ترجع أنتى تمشى ولا إيه يا رب تكونى بخير يا رب و تكون صحتك بخير و تطمنينا عليكى يا رب

والله يا رونا بحاول اني امشي على نظام بس مشكلتي اني دايما بدوخ وبصدع و بتبقى بهدله في الشغل و مش بقدر اركز خالص
ربنا يقويني و اقدر اكمل على اي نظام
و انتي عامله ايه مه الدكاترة و فقر الدم والتخن
ماشية على نظام وللا ايه؟؟؟؟

ماشي يا ايام
كل ده مختفية
مسيرك ترجعي
و ساعتها انتي حرة بقه
هستلمك تريقه

أزيك يا نونا ربنا معاكى يا رب قى النظام الغذائى بس مادام بتدوخى يبقى أنيميا خلى بالك من صحتك عشان متتعبيش و الله يا نونا مكنتش بعبر الدكاتره قبل كده لما كانوا بيقولولى خسى بس دلوقتى بحاول عشان ملاقيش صعوبه إنى أنزل وزنى بعد كده و كمان عشان ميبقاش تقل على ظهرى لأنى فعلا بدأت أحس بوجع فى ظهرى بس الحمد لله على كل حال المهم أنتى خدى بالك من صحتك و دايما خلى معاكى عصير أو أى حاجه عشان لما تحسى بدوخه تخديها
أيام فينك يا بنتى ربنا يرجعك بالسلامه لينا و تطمنينا عليكى يا رب

صباح الخير ياجماعة... انا عارفة اني كنت مقصرة معاكو حبتين بس غصبن عني... انا اندبحت بالشغل خاصة مع غياب مديرتي.... و غير كده باخد دورة IELTS و مش ملاحقة.. ربنا وحدو العالم انا بقضي يومي صربعة بصربعة ازاي..

وحشتووووووووووووووني موووت و اديني بكتبلكو الساعة 3 الصبح.. كل سنة و أمهاتكو و مامتي بألف خير ..و انشالله يا رونا العيد الجاي نهنيكي و ابنك و بنتك على ايديكي..و انا و انتي يا نونا كمان يكون عيالنا حوالينا..

انا كنت اتمنى بعد الغيبة دي آجي أفرحكو بس للأسف ربنا ما أرادش..وربنا كريم و يعوضنا خير ... بالرغم من اني من كتر ضغط الشغل و مسؤوليات البيت نسيت تماما العلاج و نسيت حتى موعد الدورة لغاية ما شرفت لحالها ..فكرتني بحالها ....

يعني حكاية انو ما تفكريش بالحمل طلع كلام بكلام..ادينا التهينا عن الحمل و برضو ..... استغفر الله ...

انا هبقى أدخل هنا علشان أدردش معاكو و أدعي و بس ..مش هقوووول أي حاجة عن العلاج لأني خلاااااااااااااااااااص فوضت امري لله...

وحشتيني يا نونا..بالنسبة للنظام الغذائي انا مشيت عليه بس ما بخسش كتير لأنو لخبطة الهرمونات بتبطأ من نزول الوزن...

و انتي يا رونا طمنيني عنك و عن النونو؟؟؟ فحصتي إزا ولد ولا بنوتة؟؟ إزا ولد هتسميه إيه و إزا بنت هتسميها إيه برضو؟؟


أمانة تعذروني على غيابي الفترة اللي فاتت بس ظروف شغلي الفترة دي وحشة خالص

ازيك يا ايام عاملة ايه
ليكي وحشة والله يا بنتي
معلش يا ايام ماتزعليش ربنا كبير واكيد له حكمة في كده
اقوللك حاجه تعرفي عيد الام عدى عليا ازاي؟؟؟
اليوم ده بيعدي عليا كانه سنه
الصبح بعيد على ماما وحماتي و خالتي و بعد الضهر بعيد على بنت خالتي لانها حامل و على سلفتي عشان ام طبعا و عيدت اصحابي الامهات كلهم و جيت على بالليل و اتخنقت........ قعدت افكر هو انا في يوم من الايام حد هيعيدني في عيد الام؟؟؟؟؟؟؟؟ يا ترى ده هيحصل؟؟؟؟؟؟؟ الله اعلم
فكرت كتير اوي يمكن ساعتين وانا بفكر وادور على حل و لقيت ان كل الحلول مش مضمونة النتايج و ان الموضوع كله ارادة ربنا لو عاوزنا نكون امهات هنكون باذنه وحده
و لو لا قدر الله مش مكتوب اني اخلف مافيش بايدي حاجه
بس جاتلي فكرة صعبة اوي على نفسي بس ربنا محللها
فكرت اسيب جوزي يشوف نصيبه مع واحدة تانية
قصدي يتجوز يعني وانا اروح لحالي لان مش منطقي اني افضل حارماه من الاولاد وانا عارفه ان انا السبب
و عشان انا مقدرش اعيش مع واحده تشاركني فيه فضلت كمان اني اروح لحالي لان الغيرة ممكن تقتلني لو حطيت في دماغي انهم مع بعض في لحظة معينة
و كان ده اخر حل توصلتله
لاني ممكن يجيلي اليوم وماكونش قادرة اتحمل مسؤولية حرمانه هو و اهله من الخلفة
ربنا يصبرني على الابتلاء و يقدرني عليه و يكتب لنا الولد الصالح و ما يعرضناش للي ما نقدرش عليه
يا رب

ازيك يا رونا وحشتيني
اخبارك ايه
ما تعرفيش شهيدة ولدت وللا لسه
بقالها فترة كبيرة مادخلتش
و الله و حشتني
ولو ولدت و انتي شفتيها داخله وللا حاجه باركيلها بالنيابة عني
و عقبال ما نباركلك يا جميل

أزيك يا أيام عامله إيه حمدالله على سلامتك الحمدلله على رجوعك لينا و متزعليش ربنا شايلك الأحسن و يا رب عيد الأم الجاى أدخل أباركلك على النونو إنتى و نونا بالنسبه ليه لسه مبيبانش دلوقتى بنت ولا ولد بس وعد أول ما أعرف هقولكم على طول إن شاء الله
نونا إزيك عامله إيه عارفه يا نونا أنا مره عملت زيك و قلت أسيب جوزى يشوف حاله ورحت قلتله كده من كتر ما كان كلام الناس خنقنى عارفه قالى إيه قالى يعنى إذا كنت أنا اللى عندى المشكله كنتى هتسيبينى عشان عندى المشكله دى قالى سيبيها على ربنا واللى ربنا عاوزه هيكون وعارفه يا نونا أنا كمان إمبارح قعدت أعيط عشان إفتكرت الحمل اللى فات و إنى كان زمانى أم دلوقتى بس عارفه رجعت قلت الحمد لله وعارف بالرغم من إنى حامل بس والله خايفه مش عارفه أفرح قوى لا يحصل زى المره اللى فاتت و إذا حسيت بأى مغص مقولكيش على القلق والتوتر اللى ببقى فيه بس عارفه التجربه اللى مريت بيها خلتنى دايما مقتنعه بإن ربنا كاتبلنا الخير دايما أيا كان و ربنا يفرحنا كلنا يا رب و يفرح قلبنا بنونوهاتنا يا رب اللهم أمين يا رب العالمين

ازيك يا رونا
الف بعد الشر عنك
ماتقوليش كده ان شاء الله ربنا يتمملك على خير
تعرفي واحده من صاحباتي الحوامل بتولد من الفجر وهي لسه ماخلصتش لحد دلوقتي
نفسي تفتكر تدعيلي ....... يارب تفتكر يا رب
و عقبالك ان شاء الله لما تولدي
و نعملك سبوع هنا في التجمع بتاعنا

ازيك يا ايام
عاملة ايه
بقوللك ايه..... انا قريت في موقع طبي عن وصفة غريبة اوي لعلاج التكيس
بيقوللك يا ستي تجيبي سرنجة يعني حقنة فاضيه و تشيلي منها الابرة
و تمليها ع الاخر عسل سدر اصلي وتحطيها عند اعمق مكان في المهبل ممكن توصليله
و تنزلي العسل من الحقنه كل يوم قبل النوم لمدة اسبوعين كحد اقصى
وبيقوللك الموضوع ده متجرب من ستات كتير و نفع معاهم حسب درجة التكيس تزودي المدة
من اسبوع لاسبوعين و حتى لو في جماع يبقى بعد الجماع والاغتسال وعند النوم
تفتكري الموضوع ده كويس
اجربه يعني وللا الدنيا هتلزق في بعضها جوا
مش عارفه
يمكن استخير و اشوف

أزيك يا نونا عامله إيه النهارده أنا الحمد لله تمام يا رب يا نونا ربنا يسمع منك يا رب و ييجى يوم الولاده ده و يوم السبوع عارفه قريت فى التجمع إن دعوه الحامل مجابه فبقيت بدعى لكل صحباتى و أنتى و أيام والله بس بدعيلكم بأساميكم اللى أنتم كاتبينها هنا و بقول المهم النيه و يا رب يستجيب لدعايا يا رب و يكرمك إنتى و أيام بالذريه الصالحه يا رب
أزيك يا أيام عامله إيه يا رب تكونى بخير يا رب وربنا يفرح قلبك عن قريب يا رب بالحمل إن شاء الله

ربنا يستجيب منك يا رونا يا رب
و نفرح كلنا سوا باذن الله
و السنه الجاية كل واحده فينا تبقى شايلة على كتفها عيل
او شايلة في بطنها عيل
يا رب

هو في ايه يا ست ايام انتي فين؟
طمنينا عليكي

انتوا فين يا بنات؟؟؟؟؟

صباح الخير يا بنات..بجد بجد بقيتو بتوحشوني عالآخر ... انشالله الأسبوع ده أخر اسبوع لدورة ال IELTs و بعدين هفضالكو شوية بقى لأني روحي طلعت الشهر ده..انا بكره شهر 3 لأنو طوييييييل قوي ..أووووف ايه ده حاجة تقطم الوسط..

ازيك يا نونا؟ انا اتأثرت قوي لما قريت كلامك اللي مكتوب و دمعت عنيا ...اوعك يا نونا تسيبي جوزك و انشالله يا رب تبقى تتزكري الأفكار دي و تقعدي تضحكي عليها انتي و ولادك سوا...
انا أول مرة اسمع عن العسل ,.ما ينفعش ناكل عالريق طيب؟؟ أهو يفيد كل حاجة مش بس تحت..يمكن تقولو عليا مجنونة بس انا بحس انو العلاج الطبي هو الأصح.

وحشتينا يا رونا ... و انشالله يا رب نهنيكي بالسلامة و انتي جايبة اجمل عريس او عروسة او يمكن الاتنين :)

أنا قررت أعمل عملية تلقيح صناعي الشهر الجاي عل و عسى .... و هعملها مرتين قبل ما انزل مصر علشان اقرر إزا كنت أعمل في مصر أطفال انابيب او لأ...

رغم انو آخر دكتورة رحتلها قالتلي اني انشالله ما بحتاج أطفال انابيب بس انشالله خير.

أديني اتنيلت رجعت تاني أخد كلوميد و انشالله ما يجيليش الامساك زي الشهر اللي فات منو

اللهم ارزقني و نونا بالحمل و ثبت حمل اختنا رونا و هون عليها الولادة يا الله