تجمع بنات مصر المتاخرات عن الحمل

المراقبة;6632940:
حبايبى انا عضوة جديدة واتمنى ليكو جميعا عييييييييييييييييال كتير لحد ما يملوا المنتدى ويعملوا رابطة لوحدهم ويسموه منتدى اولاد عروس ههههههه
بصوا بقى اعرفكوا عليا انا من مصر ولسة عروس جديدة بس جوزى مسافر ولسة ربنا ما رزقنيش بس احب اقولكم اننا غافلين عن حاجة مهمة قوى هى القرب من الله بنسيب سنة حبيبه محمد ( صلى الله عليه وسلم ) ونجري ورا الدكاترة وبنجرى ورا كل واحد يقولنا اى حاجة حسب ما هو يعرف ونلخبط انا عندى الحل الا وهو
الصدقة كما قال الحبيب محمد ( داوو مرضاكم بالصدقة ) اى مريض لم يحدد وقال الله سبحانه وتعالى ( فقلت استغفروا ربكم انه كان غفارا *يرسل السماء عليكم مدرارا * ويمددكم بأموال وبنين ويجعل لكم جنات ويجعل لكم انهارا )
شوفوا رحمة الله بينا قد ايه بس نعمل شيء صغير ما يخدش وقت كبير وهو الاستغفاااااااار والصدقة يالا بينا نبداء البرنامج ونشجع على نشره وهتشوفوا النتيجة بس احب اعرف ردكم تسلموا حبايبى

أهلا بيكى معانا .. ونورتى المنتدى ....

أنا نوجا وكنت بدأت مشوار سورة البقرة والاستغفار والصدقة من شهرين ومع أختنا هنا هى أسمها نونا بس هى أختفت تقريبا سافرت لجوزها بره مصر وأنا بصراحة لأنى معمول ليا أنا وجوزى سحر سفلى فدايما بتخنق لما أقرأ سورة البقرة وحاولت كتير بس مقدرتش أقرأها كل يوم باستمرار والأيام دى أنا بسمعها بس كل يوم وملازمة الاستغفار .. وربنا يساعدنا ويرزقنا وأنا عموما معاكى ياللا نشجع بعض وأبتدى تانى معاكى من الأول

نونــــــــــــــــــا .. من ساعة ما أختفيتى وغيبتى وأحنا أتفركشنا :cry:

رونـــــــــــــــــــــــــــــــــــــا ... يا بنتى أنا كده هحتاج 3 منادى علشان أدور عليكم وأنده فى شوارع منتدى عروس حد شاف واحدة أسمها نونا أتخطفت فجأة !!!! وحد شاف رونا الست هانم حامل ومش عارفة هتولد أمتى ؟؟؟ أوعى تكونى عملتيها وولدتى ؟ بتهيألى لسة بدرى على الميعاد ولا أيه ؟ طمنينا عليكى

أم بودى ......... المنادى الثالث ده علشانك !!! أنت كمان بتقلديهم ؟ ولا جوزك لسة مستغل الكمبيوتر ؟ طيب وحشتونى أعمل أيه بأه ؟؟

noga2472007;6636463:
فيكتوريا ... أنت كانت الربود متأخرة عندك أنا فاكرة ... عموما حبيبتى ممكن كان حمل وربنا يعوضك خير قريبا أن شاء الله بس أنا رأيى روحى لدكتور أحسن علشان تتأكدى

حبيبتى ماكانتش متاخره كلن لسه فاضل على معادها كام يوم وهى جت مزبوطه فى معادها بس جايه مختلفه دم بنى فاتح انا هسيبها على الله لو كان حمل هتظهر اعراضه وحتى لو كان حمل الى مطمنى ان الدم وقف خلاص يعنى اصلى انا حملت قبل كدا وللاسف ما كملش الحمد لله وكان حملى غزلانى نزل دم برده فى معاد الدوره بس كانت نقط بسيطه اوى وما كنتش اعرف انه حمل عشان كنت لسه فى شهر العسل ولو دا اجهاض ما كنش الدم وقف بس انا اظن انها دوره والى اتسبب فى لون الدم دواء الدوبرجين ياله خيرها فى غيرها:(

فيكتوريا .. معلشى حبيبتى يمكن أتا أتلخبطت بينك وبين حد تانى كانت البريود عندها متأخرة ... ولا تقلقى بأذن الله خير وطالما حملتى قبل كده صدقينى بأذن الله ربنا هيكرمك قريب أوى ... تعرفى فيكى أنا ما بقالى 8 سنين ما حملت والحمد لله على كل حال ولسة عندى أمل .. ربنا كبير وعظيم هيرزقك بطفل زى القمر أن شاء الله

noga2472007;6640633:
فيكتوريا .. معلشى حبيبتى يمكن أتا أتلخبطت بينك وبين حد تانى كانت البريود عندها متأخرة ... ولا تقلقى بأذن الله خير وطالما حملتى قبل كده صدقينى بأذن الله ربنا هيكرمك قريب أوى ... تعرفى فيكى أنا ما بقالى 8 سنين ما حملت والحمد لله على كل حال ولسة عندى أمل .. ربنا كبير وعظيم هيرزقك بطفل زى القمر أن شاء الله

ولا يهمك ياجميل وان شاء الله يجى عليكى السنه التاسعه وانتى معاكى نونو صغير يفرح قلبك يارب وخليكى عندك امل فى ناس بيعدوا بل15 سنه وبعدين ربنا بيرزقهم باطفال من وسعه ونا عاندى امل وربنا يرزقنى يرزقك بالزريه الصالحه يارب:)

ودى رقيه ايات السحر والعذاب http://go.3roos.com/Vm2D2Hi9t8v

hiiiiiiiiiiiiiii am bodey i miss u soo much

أم بودى .....أخيرا دخلتى ...أزيك حبيبتى وانت كمان وحشتينى جدا

أشكرك أم بودى أوى على أهتمامك والحمد لله حبيبتى أنا نزلت الرقية الشرعية من على النت من 10 أيام وبشغلها فى البيت كل يوم المغرب هى وسورة البقرة وربنا يكرمنا ويبعد عنا السوء ... وربنا يخليكى ويسعدك وأنا صايمة انهاردة وبدعى ربنا يرزقنا جميعا بالذرية الصالحة يارب أأأأأأأأأأمين

ربنا يتقبل منك ياجميل يارب اعنا على طاعتك والتقرب اليك والله يا بنات ربنا رحمته واسعه وبتشمل اى حد بس احنا نتقرب الى الله وسبحانه هيجبر بخاطرنا جميعا
ربنا يبعد كل شر يارب يا نوجا يارب ويرزقك احلى تواممممممممم امين يارب العالمين


رونا ازيك يا حبيبتى اخبارك ايه انتى ما بتدخليش ليه اوعى تكونى عملتيها وولدتى ربنا يقومك بالف سلامه ياااااااااااااااااااااااااااارب


هابى ازيك يا جميل انتى كمان وحشانى جدا جدا جدا اخبارك ايه عامله ايه هتنزلى مصر امتا ولا لسه ربنا يكرمك يارب ويرزقك الحمل السليم المعافى امين يارب العالمين وانا وياكم ياااااااااااااااااااااااااااااااااااااااارب

أم بودى ..أنا اتصلت برونا وهى كويسة الحمد لله بس هى موجودة فى مكان ما فيش جنبها نت وأول ما ترجع بيتها هتدخل تطمنا عليها وبتسلم عليكو أوى.. وتسلمى لى يا حبيبتى وربنا يتقبل منك

السلام عليكم ورحمة الله وبركاته
مساء الخيرات على احلى امهات ان شاء الله
ربنا يارب يكرمنا جميعا بالحمل السليم المعافى الثابت يارب اللهم انك قادر على كل شيئ
اخباركم ايه يا بنات نوجا حبيبتى عامله ايه
رورو يارب يكونى بخير والنونه بالف خير يارب ربنا يرزقك برها يارب ويقومك بالف سلامه يارب

ازيك يا ام بودى وحشتينى .. طمنينى عليكى ..

يا ترى يا رونا رجعتى ولا لسة ؟

أيه يا رونا كل ده انت فين ؟ طمنينا ولدتى ولا لسة ولا أيه الأخبار والبنوتة الجميلة أخبارها أيه ؟

أم بودى وحشتينى .. أيه التقل ده ؟

ازيكوا يا جميلات علي فكره انتم سهرتوني لغايه الساعه 6.30 الصبح عشان اقرا التجمع بتاعكم من الاول بس رونا فين يارب تكون بخير و نونا و ايام و ام بودي و هابي و كلكم اسفه لو كنت تطفلت عليكم انا من المنصوره و متزوجه من 9 شهور

على فكره يا جماعه لو قصدكو على رونا موحا هى ربنا رزقها بولد مش بنت وسميته عمر ربنا يباركلها فيه يارب ويرزقكو عن قريب

جنة الحياه;7098344:
ازيكوا يا جميلات علي فكره انتم سهرتوني لغايه الساعه 6.30 الصبح عشان اقرا التجمع بتاعكم من الاول بس رونا فين يارب تكون بخير و نونا و ايام و ام بودي و هابي و كلكم اسفه لو كنت تطفلت عليكم انا من المنصوره و متزوجه من 9 شهور

نورتى يا جنة المنتدى وكل سنة وانت طيبة .. أنا كمان مامتى من المنصورة وانا كنت لسة هناك من أسبوعين

totytwety;7108193:
على فكره يا جماعه لو قصدكو على رونا موحا هى ربنا رزقها بولد مش بنت وسميته عمر ربنا يباركلها فيه يارب ويرزقكو عن قريب

بجد يا توتة رونا خلاص ولدت طيب الحمد لله على سلامتها والله أنا رقمها معايا بس انشغلت أوى وكنت مسافرة بس الحمد لله اطمنت عليها منك وان شاء الله أتصل بيها أبارك لها .. وشكرا ليكى حبيبتى

حبيت اشارك معاكم انا مش مصريه لكن امي مصريه
وعلى العموم انا حابه انه نواسي بعضنا مع العلم انا شايله الرحم يعني فقدت الامل نهائيه ولله الحمد

ونعم بالله;7125428:
حبيت اشارك معاكم انا مش مصريه لكن امي مصريه
وعلى العموم انا حابه انه نواسي بعضنا مع العلم انا شايله الرحم يعني فقدت الامل نهائيه ولله الحمد

لا حول ولا قوة الا بالله .... نورت يا حبيبتى التجمع بتاعنا والله .. وربنا كبير وعسى أن تكرهوا شيئا وهو خيرا لكم

وبعدين أنت عندك الكوم الكبير من مصر مامتك ربنا يخليهالك .. يبقى من حقك طبعا تنورى التجمع بتاعنا