ريجيم التمر واللبن (او الروب) مع انامل

العمر 19
الطول 160
الوزن 68

الهدف الاول 63 الهدف الثاني 60 الهدف الثالث 57

بس بعرف شلون ابدى وكم اجلس يوم على هالحاله انا الحين قاعده اخفف اكلي وكل يوم امشي
نص ساعه بس تكفوون ودي انحف ودي ..
يعني قبل كنت 60 بس بسته شهور زدت 8كيلو ..

يالله بالله عليكي انامل علميني هالطريقه باسرع وقت ...

السلام عليكم
من نزلت اختي انامل الموضوع وانا متابعه وياها والحين قررت اشارك لان الرجيم وايد حلووووو وعيبني
وخلاص من باجر انشالله بتابع وياكم..
الوزن الحالي:72.60
الهدف الاول 70 _الهدف الثاني 68_الهدف الثالث 65 الهدف الرابع 60 الطول: 161
العمر: 21
متزوجه وعندي ولد عمره 4 شهور
بس عندي سؤال: الرجيم هذا ما يأثر ع الرضاعه ؟ لاني ما ريد افطم ولدي.ز

أختي رووووووووووووووز عادي تقدرين اتضيفين للريجيم مله فواكه اذا هالشيء راح يشجعك انك تستمري اصلا انا ضفت للريجيم زبادي و حبتين خيار و شابورة مع شاي هذا لاني فعلا ابغي استمر


أختي أصايل الشرقية هلا ومرحباااااااااااا بج معانا وبالتوفيق ان شاء الله

أختي عروسة مزيونه ابصراااحة ما انصحج اتوين ريجيم الا بعد الاربعين ويكون احسن لو بعد شهرين من الولادة لان الجسم فعلا فعلا يحتاااااااااااااااااااااااااج الاكل اللي يعوضه عن كل اللي فقده في فترة ال 9 شهوووور
ومع اني اموووووووووووووووت واكون رشيقة بس صبرت تقريبا 50 يوم قبل ما ابدأ اي نوع من انواع الريجيم لان اللي توها والدة جسمهااا يكون حساااااس واتكون محتاااجة اكل وطبعا ما كنت اكل رز ومعكرونه وحلويااات
بس كنت اكثر من شوربه الخضرواااات مع الدجاج والسمك واللحم والفيتامينااااات كنت اداوم عليهم دوااام رسمي عشان بشرتي وشعري وعظاااامي صدقيني اصبري اشوي على نفسك وابدي بعد الاربعين نصييييييييييييييحة من وحدة امجربه

أختي حااايرة الريجيم سهل وبسييييط جدااااا
في الوجبات الاربعه ريوق وغدا ووجبه الضحى والعشاء عبارة عن 5 تمرات وكوب روب او لبن او حليب
وتصبيرة خيارتين او اكثر ما يأثر و شابورة مع شاي احمر وقت اللزوووووم او زباااادي قوطي او قوطيين
مع مشي 30 دقيقة او رقص او اي شيء وبس

أختي أعشقه يا ناس
ابصرااااااااااااحة انا ارضع ولدي طبيعي وصناعي وللامانه الصناعي اكثر
بس يقولون التمر يزيييييد الحليب بس انا كل همي اني انزل وزني لان فعلا فعلا شكلي غلط ويوم امشي مع ريلي
الناس يتحسبوني اخته الكبيرة مب زوجته!!! وولدي رضعته واااايد من صدري والحمد لله الحين عمره شهرين فقلت
ما راح اهتم يتأثر الحليب او لا اهم شي انزل هالدهووون القبيحة من جسمي عشان ارجع عروووووووووس حق زوجي
وابهره بملابسي واناقتي وجسمي الحلووو بس ما ادري اختي لو اتحسين انو بيأثر على الرضاعه ما انصحج
وانا اصلا شفت وايد من ربيعاتي بعد الولادة قاموا يسوون ريجيمات ورجعوااا مثل الاول واحلى عن الاول
جسم ورشاااقه واعرف وحدة عندهااا 3 بس والله والله اتقولين برتني سبيرز
ابصراااحة غرت منها وقلت يعني انا اصغر عنها واحلى ليش ما اسويها
وتوني معرسه ما كملت سنه حتى ليش ابين اكبر عن سني وكاني متزوجة من 10 سنوااااات
بس هذا تفكيري وانتي شوفي نفسك اذا اتخافين يأثر على الحليب ما انصحج او اقولج سوي 3 ايام في الاسبوع بس
وبراحتج

ام محمد اناااااااااااااااامل

مراااااحب يا بنات احلى منتدى

هذه نتائج اول يوم ريجيم:

التزمت بالريجيم تماما مع شويه غش

سويت مشي على الاله 45 دقيقة

نازلة 500 غرام يعني نص كيلو :21_131:

ام محمد اناااامل

ياسلام عليكم يابنات

بصراااحه شجعتوني اني اسويه

السلام عليكم
حااااااااابه اشترك وياكم ...
انااااااااا صارلي سنه وانا اقول اني بنزل وزني ولا نزلته وكان 70 والحينه 73 بسبب الاهمال إهئ إهئ

المهم ...
الهدف الاول 70 عقب 67 عقب 64 عقب 62 اخيراااااا يارب 59
ادعووووووووووووووووووووووولي
بس اعاني من مشكله هالفتره
وايد احس بالجوع ما ادري ليش
ادعولي الله يثبت اقدامي واقدامكم في الريجيم ونوصل للجسم والوزن المثالي

الله يعطيك العافيه ...

ياسلام مشكورة انامل الرجيم اللي انتي نزلتيه ساعدني كثير
ونزلني اثنين 2 كيلو في ثلاث ايام طبعا مع بعض الخربطه البسيطه
وانشالله ابغى استمر يومين كمان عليه واقولكم كم كيلو نزلت

مراااااااااااااااااحب يا بنات وعودة لكم مع اخر اخباري الريجيمية

البارحة كان اليوم الثاني لي في الريجيم وزني كان ثابت مع اني التزمت تماما ولعبت رياضة

45 دقيقة واليوم شوي غشييييت بس هو اليوم الثالث لي في الريجيم بس وزني نازل تقريبا

400 غراااام يعني في 3 ايااااااااااااااام نزلت 900 غرام يعني قريب الكيلو

وباقي بعد 3 ايام اخرى اعوووود اليكم فيها مع اخر اخباري الريجيمية

ام محمد اناااااااااااااااااااامل

مرااحب يااا بنات احلى منتدى

اخباري الريجيمية

بدات بالريجيم من يوم الاحد - الاثنين - الثلاثاء - الاربعاء

وخلال 4 ايام نزلت كيلوووووووووووووووو ولله الحمد كان وزني 71.7 وصاااار 70.7

اما يوم الخميس والجمعه فأخذت استراحة بسبب العزايم و اللمه العائلية

ومثل ما انتو تدرون اني اسوي هالريجيم بس ما خبرت حد من الاهل يعني سررررر

وان شاء الله لي عودة معاكم ومع ريجيم جديد

ام محمد انااااااااااااامل

مرااااااااااااحب مراااااااااااااااااحب مرااااااااااااااااااحب يا بنات احلى منتدى

اعود اليكم مع ريجيم جديد وسالتزم به لمدة 6 اياااام ان شاء الله ابتداااء من بكرة يوم الاحد

واليوم السابع استراااااحة هذا الريجيم طلعته من احد المنتديااااااااات تقول الاخت الكريمة انه

الطبيب هو الذي وصف لها هذا الريجيم وهو ينزل 3 كيلو في الاسبوع وهو كالتالي:

4 وجبات في كل وجبة:
2 توست اسمر + ملعقة عسل + نص كوب حليب خالي الدسم او لبن

اليوم الثاني 2 توست اسمر + شريحة جبن قليل الدسم + نص كوب حليب خالي الدسم او لبن

يعني يوم عسل ويوم شريحة جبن لمدة 6 ايام واليوم السابع استرااااحة

وعند الجوع اكل الخياااااااااااااااار او الطماااااطم او الخس بكميات كبيرة

وطبعا ساكتب لكن يوميااااتي مع الريجيم وكم نزلت عليه

علما بان وزني الحالي هو 70.7 كيلو يعني وصلت للهدف الاول والهدف الثاني هو 67 كيلو وان شاء الله اقدر اوصل له ياااا بنات ادعولييييييييييييييييييييي بالتوفيق والثبات

ام محمد انااااااااااامل:flower:

حبيت اشارك معااااااااااااااااااااااااااااااااك لانى بصراحة اتابع موضوعكم واشوف الكل يمدح

انا كان وزنى وبسن الرشاقة كان 58 وطرت 20 كيلووووووووو فوووووووق وزنى لحين

غمضو عيونكم 72


وراح ابد معاكم اليوم بالتمر و7 حبات وطبعا بروح ديركت صيدلية اشتري لى ميزان واقيس وزنى


المهم
العمر 24
وزني 72
الطول مادري كم بصراحه


وانشالله ابتدي معاكم ليوم

نسيت اقول لكم هدفي انى ارجع لوزنى المثالي 58


يارب ارجع يارب

انا بصراحه كل شي ابلعه وصرت اخرع والكل يتطنز على ياالكورة

بالتوفيق اختي غزاااااااااااااااااااااااال وعقبال ما تصيري احلى من المانيكاااااااااااااااان

اختك ام محمد

هاااااااااااااااااااااااااي بنااااااااااااااااات ..
وش صار عليكم ؟؟؟؟؟؟؟؟؟؟ظ

انامل انا انسانه خربتها هاليومين ..

بس الحمدلله من 68 الى 67 باسبوع بس ...... وعقبال العشره..

تسلمين ياانامل بصراااااااااااااااااااااحه وتهي وتهي

ترا وزنى مو 72 وزنى تهى تهى 75.6 وزنى ارتفع



قسم بالله مت قهر وزايده على القهر مت جووووووووووووووووووووع وانا اشرب بالماي واللبن


وبصراحه شفت زوجى شجعنى <<<<<<<<, وانا اقول مو لله شجعنى يبيني اضعف بوايد

وانا سويت مذكرة وفيها اليوم وتاريخ والوزن وشريت ميزان جديد اول ماصحيت من نوم على طول اطرش سايق يركض لي بالميزان


ويالله الله الموفق ياربي




مع تحياتى ولي لقاء لكم مره ثانية بكرة

بسالكم ترا عادي اشرب كوب شاي بالحليب في الرجيم ولا لا لانة انا قاعده اشرب ولا ادري بدنيا ؟



بموت لو لا مايصلح لى

حايره!!;4645005:
هاااااااااااااااااااااااااي بنااااااااااااااااات ..
وش صار عليكم ؟؟؟؟؟؟؟؟؟؟ظ

انامل انا انسانه خربتها هاليومين ..

بس الحمدلله من 68 الى 67 باسبوع بس ...... وعقبال العشره..

ألف الف اللللللللللللللللللللف مبرووووووووووووووووووووك اختي حاااايرة

والله انج تنزلين كيلو واحد في اسبوع معنااااته ان الجسم يالس يحرق من الدهون

مب من الماااااي لان اللي ينزلون 4 و 5 في الاسبوع اجسامهم تحرق الماي اللي في الجسم

والعضلات والنزووول البطيء اكبر دليل على انه الريجيم صحي ومريح وعلى فكرة بعد اسبوعين راح

اتلاحظين ان بشرتك وشعرج صاروووا احلى كله من الفيتامينات اللي بالتمر بس بععد انصحكم

انكم تاخذون حبة فيتامين في اليوم يعني مساااعدة ويالله عقباااال العشرة

ومثل ما قالوا مشوار الالف مييييييييييييييل يبدأ بخطوة وحدة

ام محمد اناااااااامل:flower:

qazal11;4646624:
بسالكم ترا عادي اشرب كوب شاي بالحليب في الرجيم ولا لا لانة انا قاعده اشرب ولا ادري بدنيا ؟



بموت لو لا مايصلح لى

أختي غزااااااااااااااااااااااال دام انك ابتديتي عيل اكيييييييييييييد راح تضعفين انا متاكدة ان شاء الله

راح توصلين حتى لو ببطئ بس راح توصلين اختي اللي اعرفه عن الشاي حليب انه مضر اكثر

من نفعه اناااااااااااااااااا كنت من عشااااااااااااااااق الشاي حليب ولا بعد كل وجبة لاااازم شاي حليب

وكنت اسوي رياضة وريجيم بس ما في فاااايدة وزني كان يزيد يزيد يزيييييد لين ما شفت برنامج

في الام بي سي عن التغذية يقولون فيه ان خلط الشاي بالحليب يعني هاي الخلطة اتحول كل

الاكل اللي كلناااااااااااااااااه الى دهوووووووووووووووووووووووون!!!!!!!!!!!!!!!!!!!!!!!!!!!!!!!!!!!

ما ادري كيف بس ينصحون بشرب الشاي ابروحة والحليب ابروحة وفعلا قررت اني اترك عشقي

وحبي الطفولي اللي هو الشاي حليب بس عشاااااااان الرشاقه وفعلا قمت اسوي رياضة

وريجيم ووزني ينزل ينزل ينزل وجسمي يتغير والحمد لله كل شي تمام والحينه صرت اكرهه.

بس بقولج البديل واحسن بديييل بعد:

الحليب مع النسكااافيه رووووووووووووووووووووووووووووعه طعمه مثل الشاي حليب ويسد النفس

بشكل فظيييييييييييييييييييييييييييييييييييييييييييييع!!! ابصراحة ساعدني واااايد في الريجيم

اشربه على الريق وكل ما احس اني راح انفجع واخرب ريجيمي اشرب نسكافيه او تقدرين تشربين

اي شي فيه نسكافيه لان فعلا فعلا يسد النفس وسوي بحث في المنتدى وراح تتاكدين من كلامي

واسالي كل اللي يشربون النسكافيه على الريق وشوفي شهيتهم كيف طووولل اليوم.

المهم لو جعتي كلي خيااارة او طماطم او خس اي كمية او شابورة مع شاي روووعه

وبس بالتوفيق

ام محمد:9_28: