|,",|| دورة : كيف تكسبين محبوبك ||,",|| للمتزوجات و المقبلات على الزواج ||,",|

هلا بدوحانيتنــا الغاليهـ ،..

يومـ عنـ يومـ نشوفـ إضافاتـ جديدهـ الصــراحهـ تشكرينـ يالغاليهـ على هذا الجهد المبذولـ

والملحوظـ ويعطيج ألفــ عافيهـ ،..


وببدى بالنقاشـ ..


[[ كلنا سمعنا عن زوجات تخلوا عن أزواجهم يوم فلسوا ! أو يوم ينسجن و يتخلى عنه المجتمع !]]

على طاريـ هذهـ هالنقطهـ حبيتـ أضيفـ شغلهـ صغيرونهـ ،.. فيـ وحدهـ زوجها دخلـ السجنـ
وكانتـ عليهـ قضيهـ ، هذا الزوج حكمو عليهـ أن ينسجنـ تقريبا أقلـ منـ سنهـ !
تدرونـ الزوجهـ شسوتـ ؟ بتقولونـ طلبتـ الطلاقـ على طوووولـ صح !!
بقووولكمـ لااااء ،..
تدرونـ شقالتـ !! قالتـ : ماراح أطلبـ الطلاقـ لو على قصـ رقبتيـ ، وبنتظرهـ ليمنـ يطلع وبالفعلـ
أنتظرتهـ يمكنـ 5 أو 6 شهوور وزوجها بالسجنـ ويومـ طلع تدرونـ الزوج شسوى ؟
حطها تاج على راااااااااااااسهـ (( شفتو الحبـ ومايسويـ هههه )) ..



[[ ثاني طرقنا :: انتبهي الزوج دايماً يختبر :: ]]


صح كلاااامج يادوحانيهـ أنا ياما صارتـ ويايـ بسـ الصــراحهـ الحينـ مافيـ باليـ شغلهـ عشانـ
أذكرهـ لكنـ بالفعلـ الأزواج دومـ يختبرونـ الزوجهـ ..



[[ لأن مب من الأدب .. إن الزوج يتكلم سواء في موضوع مهم أو غير مهم .. و يتفاجئ بالزوجة
سارحة في عالم ثاني مثلاُ ! أو منشغلة بالطفل اللي بيدها أو المجلة أو أي شي ثاني .. ]]

وبضيفـ شغلهـ بعد ،.. وغير إنها لازمـ تسمعه بعد لازمـ تشوفه يعنيـ مو بسـ تسمعه وعينها
بمكانـ ثانيـ ،..

أنا قريتـ هالمعلومه ماذكر بالضبط وينـ الموهمـ أنه يومـ يتكلمـ الزوج وزوجته تسمع له
وتشوفه بعينها ،.. تزييييييييد علاقة الحبـ والرحمه والعطفـ مابينـ بعضهمـ .. إنتيـ حاوليـ
تشوفينـ زوجج بسـ خمسـ دقايقـ لاحظو شلونـ تكونـ نظراتكمـ حقـ بعضـ كلها حبـ وتكونـ
نظراتـ فيها رحمة (( سبحانـ الله )) ..

:clap: :clap: :clap: :clap: :clap: :clap: :clap:
:clap: :clap: :clap: :clap: :clap:
:clap: :clap: :clap:
:clap:

هلا خواتي ..

جزاكم الله خير على ردودكم .. و إضافاتكم ..

و اسمحوا لي على التأخير في إضافة شي جديد .. لأن كان عندي إمتحان اليوم ^^

ادعوا لي أخلص الجامعة و أفتك .. و اليوم إن شاء الله بارد عليكم وحدة و حدة .. و باضيف لكم

أكثر من جزء ( قولوا إن شاء الله ) ..

الله يعافيك اختي على الطرح الرائع

والله يثيبك ويجزاك كل خير صراحه ..

مرحبا :)

**

شظايا الماضي ::

انصتي لزوجج حتى وهو غضبان ومعصب


ولا تحرمينه من حق التعبير عن الغضب بأنانية


ولا تنسين انج بهالطريقة بتمتصين زعله

تدرين .. الإنصات مطلوب في وقت الغضب و العصبية أكثر ..

أدري إنها شغلة مب سهلة .. و كثار اللي بيقولون : اشلون يعني ما ارد ؟ ما أعبر عن وجهة نظري ... ما ما ما..

لكن هي مسألة تعود لا أكثر ..

*
*

^^روز^^ / ضياء الكون / هوووووبه / نوال33 :: تشرفني متابعتكم .. و أنتظر تعليقاتكم ( إن وجدت ) .. و جزاكم الله خير ..

*
*
الغالية بنت الغالي ::

شظوويه انا اتفق معاج في هالشي ... الزوجه في حالة غضب زوجها ( وخصوصا اذا كانت عارفه انه متنرفز ومأثر عليه شي ثاني ) لازم تسكت وتنصت ولاترد عليه ولاكلــمه لان لو الاثنين شدوا بتصير فجوه بينهم لفتره معينه .... سكوتها وانصاتها بهدوء راح يخليه يفكر انه عصب أو صرخ وقال كلام جارح عالفاضي وهو بنفسه بيندم ويعتــذر مب شرط بالكلام ... بالفعـــل ...

صحيح 100% :)

*
*

الليازي ::

على طاريـ هذهـ هالنقطهـ حبيتـ أضيفـ شغلهـ صغيرونهـ ،.. فيـ وحدهـ زوجها دخلـ السجنـ
وكانتـ عليهـ قضيهـ ، هذا الزوج حكمو عليهـ أن ينسجنـ تقريبا أقلـ منـ سنهـ !
تدرونـ الزوجهـ شسوتـ ؟ بتقولونـ طلبتـ الطلاقـ على طوووولـ صح !!
بقووولكمـ لااااء ،..
تدرونـ شقالتـ !! قالتـ : ماراح أطلبـ الطلاقـ لو على قصـ رقبتيـ ، وبنتظرهـ ليمنـ يطلع وبالفعلـ
أنتظرتهـ يمكنـ 5 أو 6 شهوور وزوجها بالسجنـ ويومـ طلع تدرونـ الزوج شسوى ؟
حطها تاج على راااااااااااااسهـ (( شفتو الحبـ ومايسويـ هههه )) ..

الله يكثر من أمثالها .. :)

وغير إنها لازمـ تسمعه بعد لازمـ تشوفه يعنيـ مو بسـ تسمعه وعينها
بمكانـ ثانيـ ،..

حبوبة .. من اللباقة إنج تنظرين لعين الشخص اللي يكلمج لأنج تبينين له إنج مهتمة بكلامه ..

اشلون لو كان اللي يكلمج زوجج ؟! أعتقد هو أولى بهالإهتمام ..

*
*

طولون / سولاف ::

جزاكم الله خير ..

*
*
*

تابعوني ::

|,",|| دورة : كيف تكسبين محبوبك ||,",|| للمتزوجات و المقبلات على الزواج ||,",|

نكمل ؟ مستعدين ؟ :gum:



رابع طريقة :: أكثري عليه الثناء و المدح ::

على طول تذكرت رد أختي just 4 him في هذا الموضوع :

just 4 him:
ومرة قريت معلومة حلوة لها علاقة بنقطة الحب المطلق
وهي ان دايما خلي الرجال يسمع منك كلمات المدح وحسسيه دايما بثقتج فيه

وهذا هو موضوعنا لليوم :)

تعرفون لما يجونكم أشخاص .. و دايماً يرددون : وشو اللي فيني ينحب ؟ أنا أحس نفسي عادية ؟

أو ما عندي جمال ؟ أو أو أو .. وقتها اشبتسوين ؟ أكيد بتحاولين ترفعين من معنوياتها

و بتجاملينها .. صح ؟

لا من قال إلا ما شاء الله أنتي جميلة .. أو أنتي ذكية .. و عندج حاجة مب موجودة في الغير ..

بتقولين هالكلام خاصة إذا كان الشخص يعني لج كثير .. صديقة / أخ / أخت / حتى الزوج

نعم الزوج .. تدرين ليش ؟

لأن في أزواج يجونج مب عارفين و لا بحاسين بذاتهم لا مع أزواجهم و لا اعيالهم و لا في وسط بيتهم .. طيب وين بيحسون بهالشي ؟

أنا أعلمك ؟

أنتي تعرفين تجاملين و تمدحين فلانة و غيرها .. صح ! طيب خلي هالمديح و الثناء كله لزوجك ..

تعرفين عزيزتي ::

إن المديح و الثناء صفتين من صفات الناجحين و السعداء ..

بعض الزوجات .. ما يحسون بالنعمة اللي عندهم من مسكن / مصروف / سكينة / أولاد ... الخ ..

طيب يا عزيزتي الزوجة المتذمرة .. ليش ما تشكرينه على نفقته ؟ على دفعه للإيجار مثلاُ ؟

اشكري الزوج دايماً .. إذا شرا لك حاجة و لا لأولادك حتى لو كانت حاجة بسيطة .. سندويتشات أو عصير ... اي شي ..

اشكريه - و هالكلام للمتزوجات فقط - بعد المتعة الجنسية ( بطريقتك أكيد ) .. أو إذا احضنك أو باسك .. أو عامل اعياله بحنيّة ..

امدحيه دايماً لكن تخيري الأوقات .. امدحيه جدام اعيالكم ..

مثلاً قولي لولدج : " أبوك قوي ما شاء الله "

أو قولي لبنتج : " أبوج محد مثله "

أو قولي له هو .. و عبري له .. خلي هو الـ your hero = البطل اللي ما في مثله ..

لا تقولين أقص عليه .. بالعكس أنتي جذي تحسسينه بذاته .. و إنج مفتخرة فيه لأنه كذا و كذا ..

**

تجربة شخصية :

سألني زوجي مرة و إحنا في السيارة : .... ليش تزوجتيني ؟ من زيني يعني ؟

ترى أنا إنسان عادي << هو يقولها بغشمرة و ضحك ..

رديت عليه : تزوجتك لأنك أحسن واحد من الشباب ( هو فعلاً أحسن واحد ما شاء الله :shy: )

و تصدق عاد إنك في عيوني أحلاهم .. صح أنت إنسان عادي في عيون الغير .. لكن عيوني

ما تشوف إلا الزين و محد وصل مستواك ^_* .. تشقق وقتها الريّال .. أنا مدحته لكني ما كذبت لأني

أشوف ريلي جذي و هاذي نظرتي له
:clap:

**
تدرون عزيزاتي .. إن لو الزوجة امدحت و اشكرت زوجها على كل حاجة و كل شغلة حتى لو كانت

بسيطة .. وشو بتكون ردة فعل زوجها ؟ الإحسان لها ..

لأن الرياييل من طبعهم ( اخذوها نصيحة من أختكم ) يحفظون كل تصرفات المرأة .. و يردونها

لها في مواقف ثانية ..

غير إنك لما تقومين بهالشي .. بتكونين وفية .. يا سلام ! من منا

ما تبي تكون وفية لزوجها .. تحفظ له كل فعل طيب و كل قول حسن .. و تذكر له هالشي و لغيره ..

( يعني يا عزيزتي لما تقعدين مع خواتج أو خواته و أمه ( أهم الأشخاص ) لا تطرين لهم زوجك

إلا في الخير و امدحيه .. بتكبرين في عينه و في عينهم ..

و إذا سمعتي وحدة تشتكي من زوجها عند الناس .. تأكدي إن المشكلة فيها هي .. شخصياً

أشوفه مب سنع ..




الواجب السابع

تمرين العرفان ..

في المرفقات .. جدول .. بنسوي عليه التمرين ..

كيف ؟

تكتبين في خانة ( الأعمال التي قام بها لي ) أي عمل يسويه أو سواه لج .. و بعدين اشكريه

على كل عمل أو مهمة على فترة ما تقل عن شهر و لا تزيد على 3 شهور ..

إنتهزي الفرص المناسبة عشان تشكرينه .. يعني لا تشكرينه بعد نقاش أو وقت ما يكون مشغول

إختاري الأوقات اللي تكونون فيها منتبهين لبعضكم و في حالة إسترخائية جيدة ..




الحلقة الجاية : استقبلي المصاعب بالحوار

:)

آمين ..

و يجزينا وياكم كل خير :)

دوحانية

حبيبة قلبي


متابعة وياج بكل تركيز

ماشاء الله تبارك الرحمن

نحن بأنتظارك يالغلا

ولا تحرمينا جديدك المميز

جزاك الله كل خير اختي دوحانية وبارك فيك

في انتظار جديد نصائحك غاليتي

ما شاء الله موضوع جميل جدا تسلم ايديكى

شظايا الماضي :: عذب القوافي :: نوال 33 :: عروس مصر

تسلمون على متابعتكم ,, و جزاكم الله كل خير :)

موضوع وكلام رائع الله يبارك بيج على الجهود

تسلمين أختي .. :)

|,",|| دورة : كيف تكسبين محبوبك ||,",|| للمتزوجات و المقبلات على الزواج ||,",|



خامس طريقة :: استقبلي المصاعب بالحوار ::

ركزوا معاي خواتي .. الجزء هذا طويل نوعاً ما :)

يا ترى هو في مصاعب راح تواجهنا ؟ أو واجهتنا و انتهينا منها ؟ طيب في غيرها جاي ؟ ...

أسئلة كثيرة يمكن تطرى على بال الكثيرات .. أنا أقول لكم يا خواتي .. نعم ..

ما في أسرة سعيدة 100 % .. و ما في أسرة خالية من المشاكل ..

و للمشاكل وجهين : سلبي / إيجابي ..

ممكن تكون مشاكلنا سبب في تعاستنا ..

و ممكن تكون سبب في إن الحب يتوطد و يتعمق أكثر ..

طيب هي مشاكل !! معقولة المشاكل توطد الحب ؟

معقولة .. لأن الحب ما يتعمق إلا إذا تعدى الزوجين المشاكل و المصاعب ( مع بعض )..

عرفتوا ؟ عشان جذي إحنا نقول - و أنا مؤمنة بهالشي - إن حب ما قبل الزواج + حب فترة الملكة

مب مقياس يخلينا نقول إنه ( حب بلا مشاكل أو مصاعب ) ..

لأن الشخص اللي جدامج ما انعرف معدنه لحد الحين ..

و أحسن طريقة لإستقبال المشاكل و المصاعب هي ( إستخدام الحوار البناء ) ..

*
*
*

نكمل بكرة بإذن الله .. هاذي مجرد مقدمة بس ..

و سامحوني على القصور :)

< تنتظر تعرف شنو صفات الحوار البنااااااااء

الله يعطيج العافية دح دح

ياسلام عليج

بإنتـــظار الباقيـــ ..


ويعطيج ألفــ عافيهـ دوحانيتنــا ..