|,",|| دورة : كيف تكسبين محبوبك ||,",|| للمتزوجات و المقبلات على الزواج ||,",|

الموضوع حلو مرررررررررررررررررررررررررره

تسلمين أختي على المتابعة ..

*
*

أعتذر اليوم عن إضافة الجزء اللي وعدتكم به .. و إن شاء الله باضيفه في أقرب وقت ..

:)

يعطيك العافية ويجازيك كل خير اختي على النصائح الحلووووووووووووووووووووووووووووووووووووة

|,",|| دورة : كيف تكسبين محبوبك ||,",|| للمتزوجات و المقبلات على الزواج ||,",|

نستكمل دورتنا .. و نبدأ الجزء الجديد بطرق عملية لكسب الحبيب ( الزوج ) .. مستعدين ؟



أول الطرق :: حبي زوجك حب مطلق ::

تذكرون لما تكلمنا في بداية الموضوع عن الحب .. و ذكرنا أنواعه .. و منها :: الحب المطلق ::
جا الدور عشان نطبق هالحب المطلق .. اشلون ؟

يعني حبي لزوجي لازم و ركزوا على كلمة لازم .. يكون حب مطلق بدون قيود و لا شروط ..

حبي زوجك مهما صدر منه .. يمكن تزعلين / تعصبين / تنقدين / تحزنين ,, معه و عليه بس و لا شي

يأثر على حبك له .. و لازم تأكدين له هالشي ..

مثال على ذلك ::

زوج وقف امام المنظرة ( المرايا ) .. و قال لزوجته : تخيلي لو أصلع ؟؟

ممكن تجاوبه زوجته ( اسم الله عليك توك صغير ) أو ( خل عنك الوسواس و إذا صلعت يحلها الف

حلال و ياكثر عمليات زرع الشعر الرخيصة و الفعالة ) و الأسوأ من هذا كله إنها تجاوبه ( لا ,,

لا تقول .. ما أقدر أتخيلك مصلع ) .. بس الزوجة الذكية و اللي تحب حب مطلق بتجاوب

( حتى لو صلعت يا حبيبي ما راح يتغير شي .. راح تكون محبوب مثل ما أنت الحين )

**

مثال ثاني ::

في يوم رجع الزوج من الدوام .. و سأل زوجته : اشبيصير لو ماعطوني ترقية ؟ .. زوجته ممكن

تجاوبه ( لازم تاخذ الترقية .. إحنا محتاجين للعلاوة المالية اللي بتطلع من وراها )

و الأسوأ إنها تجاوبه بـ ( شنو ! من بكرة تروح تقابل المسؤول و تطالبه بالترقية )

بس المفروض إن الزوج يسمع ( بوفلان .. و لاعليك يا غالي .. هم الخسرانين .. راتبي و راتبك بيكفونا أو راتبك بيكفينا و بيزيد بإذن الله )

شفتوا الفرق ؟

جذي نبيج تكونين مع زوجج .. و جذي نبي حبج له .. يكون حب مطلق ..

كلنا سمعنا عن زوجات تخلوا عن أزواجهم يوم فلسوا ! أو يوم ينسجن و يتخلى عنه المجتمع !

أو يوم يدمن أو أو .. تأكدوا إن مثل هالزوجات .. ما اعرفوا معنى الحب المطلق و لا مارسوه ..

للمرة المليون أكرر :: حبي زوجك حب مطلق :: حبيه إذا أحسن و كافئيه بالإحسان ..

حبيه إذا أساء و كافئيه بالغفران و المسامحة .. حبيه إذا عطى و كافئيه بالشكر .. حبيه إذا قصر

و كافئيه بالستر ..

و حطوا في بالكم خواتي .. إن اللي تحب زوجها ما تتكلم عنه بالشينة مثل ما نقول في العلن و جدام

الخلق .. و لا تكشف له ستر .. و كلامها كله عنه بالخير ..

إذا الحب المطلق = سر الوجود



الواجب الثالث

اكتبي في ورقة المهمات ( موجودة في المرفقات هنا ) : (( أخبر زوجي إني أحبه و إني سعيدة و محظوظة لأنه في حياتي )) .

الواجب الرابع

اكتبي في ورقة الأعمال ( موجودة في المرفقات هنا : (( أضم زوجي و أحضنه .. و أقول له إني أسعد أمرأة في العالم .. و مادري شكنت باسوي لو ما كان من نصيبي ))



أتمنى إنكم تطبقون الواجبات ...

مثل ما أتمنى إنكم تشاركوني بأي ملاحظة .. أو واجب سويتيه و شنو كانت ردة الفعل ..

هل طبقتي شي إنذكر في الموضوع و ما كنتي تسوينه .. طيب شنو ؟ و شنو كانت ردة الفعل ؟

*
*

أتمنى أحصل مشاركات أو نقاشات منكم .. عشان أقدر أشارككم و أضيف لكم شي من تجربتي :)



الحلقة الجاية :: انتبهي ! زوجك دايماً يختبرك ..

*
*

تابعوني

دوحانية


تبارك الرحمن عليج وعلى موضوعج ..الله يجعله في ميزان حسناتج يوم الدين


::


ما اعتقد وصلت مع زوجي لدرجة الحب المطلق


بس طبقت بشكل عفوي شغلة ذكرتيها وشفت ردة الفعل عليه


(حبيه إذا أحسن و كافئيه بالإحسان ..

حبيه إذا أساء و كافئيه بالغفران و المسامحة )

::


اذا عندج طفل صغير وكسر مزهرية غالية عليج وضربتيه بيصيح وبيكرهج


بس اذا تعاملتي معاه باحسان و طبطبتي على راسه بيتعلم وبيحبج اكثر



والرجل طفل كبير واسلوب العقاب ما يكسر عينه


طيبة الزوجة وقلبها المسامح هم الي يخلونه بالشيمة ويتروسون عينه..



اي


وبضيف شغلة


في أشياء يسويها الزوج لج لانه لازم يسويها


بحكم واجبه و وضعه كرب أسرة



مثــــــــــــــــــــــــــلاً


من واجبه انه يوفر لج اودام البيت من لحم و دجاج وغيره


اللي يضايق الزوج مب انه يوفر لج هالشي بشكل يومي لا


اللي يضايقه انج تنسين تقدرين له هالشي و تشكرينه عليه


بتقولين لي أشكره على شي من واجبه يسويه؟؟



بقول لج : اي نعم


اشكريه على واجب ملزوم يسويه وحسسيه انه مسوي شي ما في احد بالدنيا سواه حق بيته




وشوفي ردة فعله ... :)



هذي كل اضافتي اللي اتمنى انها تكون اضافه جيدة للموضوع الاكثر من ممتاز

|,",|| دورة : كيف تكسبين محبوبك ||,",|| للمتزوجات و المقبلات على الزواج ||,",|




ثاني طرقنا :: انتبهي الزوج دايماً يختبر ::

من الحاجات اللي لازم تنتبه لها الزوجة .. إن الزوج يختبر حب زوجته له كل يوم تقريباً .. بوعي

و بدون وعي ..

أعطيكم مثال ::

تعطلت سيارة البيت اللي يستخدمها السايق عشان يودي الزوجة و الإعيال .. و اضطر الزوج في

ذاك اليوم إنه يوديهم لبيت أهلها و في الرجعة ترجع مع سواق بيت أهلها .. و هناك قالت أم

الزوجة : يا بنتي لازم تصلحون سيارتكم .. مب عدلة تمون جذي بدون سيارة ..

و لما رجعت الزوجة البيت و اقعدت مع بو العيال قالت له : ( أمي تقول لازم تصلحون السيارة ) ..

ممكن هني الزوج يختبرها عشان يعرف وزن كلمته عند أمها .. فيقول لها ( أنا أشوف إن نأجل

الموضوع شوي على الأقل لين الشهر الجاي أضمن إن السيولة المادية توفرت عندي .. اشرايج ؟ )

الزوجة لما ترد عليه ( بس عاد أمي قالت .. ) ما راح تنجح ..

لأن ردة فعله بتكون يا إما إنه بيعصب من خلال رده : ( يعني كلامي و لا كلام الوالدة ؟ ) .. أو

بيكبت .. و طبعاً ردة الفعل المكبوتة تكون أشد خطورة .. فإنتبهي عزيزتي الزوجة

و تذكري :: طاعة الزوج مقدمة على الوالد/ة و غيرهم شرعاً و عرفاً



الواجب الخامس

أكتبي في ورقة المفاهيم : ( إذا وضع زوجي في المقارنة مع أحد فسوف يكون هو الأول ) ..

*
*
*

الطريقة اللي باضيفها عقب إن شاء الله :: كوني مستمعة جيدة


:)

أختي نوال 33 :: حياكِ الله و بيّاكِ ..

أختي شظايا الماضي :: كل إضافة في هالموضوع أعتبرها

ذهب .. و ما في إضافة بدون فايدة بإذن الله ..

و ما شاء الله .. إضافتج حلوة .. و اسمحي لي أعلق عليها ..

تقولين إنج ما وصلتي مع ريلج للحب المطلق .. صح ؟

عزيزتي .. تعرفين متى نقدر نقول إن إحنا وصلنا بحبنا للحب المطلق ؟؟ إذا تأكدنا أو تأكدتي

يا لزوجة من إن حبج لزوجج هو حبه لذاته بغض النظر عن أي شي ثاني .. لا شهادة / لا مال /

لا وسامة مثلاً .. و عشان تعرفين و تتأكدين من نفسج .. حطي روحج في إختبارات و اسألي

نفسج :: يا ترى هو لو ما كان وسيم .. كنت باحبه ؟

يا ترى لو ما كان غني .. كنت باحبه و بارضى فيه ؟

و صدقيني يا غالية .. إن العشرة و هني أقصد بعد الزواج تبين لج نوع حبج له هل هو مطلق مثل

ما نتمنى و لا لا ؟ :)

*
*

و بالنسبة لشكره على واجب المفروض إنه يسويه و ملزوم به .. أتفق معاج 100% ..

حطي نفسج محله .. قدمتي له هدية بدون مناسبة .. و خذها بدون ما يشكرج أو يجاملج .. شنو

بتكون ردة فعلج ؟ مثل ردة فعله لو ما حسستيه بقيمة الشي اللي يسويه أو سواه حتى لو كان

شي ملزوم فيه ..

مثال من واقعي : مرة عطاني مصروفي ( هو ملزوم بالنفقة علي ) .. بعفوية اشقلت له : ( لا خلا و لا عدم يا بوعبدالله :) ) .. و كانت ردة فعله : ضمني و قال ( ولو حياتي .. واجب علي ) " اذكروا الله يا جماعة " .. بس ردة فعله الحقيقية كانت غير ^_^

شظايا الماضي :: حياج الله .. و تابعيني على طول .. :)

ومرة قريت معلومة حلوة لها علاقة بنقطة الحب المطلق
وهي ان دايما خلي الرجال يسمع منك كلمات المدح وحسسيه دايما بثقتج فيه
مثلا
اذا يبي ياخذ لج هدية مرة وقغد يسألج عن اوصافها وشكلها قولي له (( حبيبي من دون ما تسألني انا واثقة جدا من روووعة اختيارك وكل شي منك دوم حلو))

استمري عزيزتي
نحن متابعون:)

سيدتـــي العزيــــــــــزه...

هل بحثتــــي بأعماقـــك..هل...تفحصتي ماتحمليــــــــن من مشاعـــــر وأحاسيــس...
هل حاولتـــي...اذابة جمود التكلــف...بنيــــــران الشوق الصــادق....
هل غصتـــي..بأعماق..قيمـــــــــــــك الانسانيـــة..

من هناك ينبع الحــــــــب...ويغذي..عواطـــــــف البشـــــــر...


اخـــتي الـــفــاضــلــة لــيـــس الــحـــب ورقـــة او حـــجـــرة نـــجـــدهـــا عـــلى الارضــ
ولا شــيىء مــلـــمـــوس نــــراه او يــمـــكــن الامـــســـاك بــه.
بــــل هـــو احـــســـاس يـــنـــشـــأ بـــداخـــل الا نـــســـان .اتــحـــدث هـــنـــا عـــن
الحب المطلق.
فاللـــــه خـــلـــق الـــحـــب و الـــمــــودة والــــرحــــمــــة .
فاحتفض لله والزوج ب 99% و مـــنـــحـــنـــا ال 1% .فيــــمــــكن تـــخــــيـــل شــــدة حـــب الله لـــكـــي.
ومــــن هــــذا الـــمـــنـــطـــلـــق فــــاذا احـــبـــبــــتــي اللـــــه احــــبـــبــــكي الـــنـــاس واحــــبــــــبـــــكي الــــقــــريــــب والـــبــــعــــيــــد واولهم زوجك .

إن الـــحـــب مـــهــــارة مـــكتـــســـبـــة غـــالـــبـــيـــة الــنـــاس لا يــعـــرفـــون عــنـــها شيـــئــــاً .أن لا تعرف هذه المهارة يعنى أنك معرض للكراهية والتعاسة!

اختي موضوعج رااائع جدا جدا

علمتينا اشياء كثيره في الحب

وماقصرتي يا عمري

وانا متااااااااابعه والى الامام

أختي just 4 him ::

إضافة جداً جميلة .. و كلامج صحيح 100% ..

و راح أعرض لفقرةو جزء مشابه بإذن الله :)

*
*

أختي فديته والله ::

مشكورة على الإضافة الحلوة .. :)

ننتظر كل جديد اختي انا متابعة معاك

خووووووووووووووش موضووووع

روعة روعة

مشكووورة ع الافكار الرائعه وان شاء الله الكل يفيد ويستفيد

وماننسى الكلمه الطيبه واللسان الحلوو يجذب الزوجه لزوجها

خواتي هوووووبه :: خنفورة

الف شكر لمتابعتكم :)

|,",|| دورة : كيف تكسبين محبوبك ||,",|| للمتزوجات و المقبلات على الزواج ||,",|

نستكمل طرق كسب الزوج الحبيب .. و ذكرت طريقتين : حبي الزوج حب مطلق / كوني ذكية في إختبارات زوجك ..



ثالث طريقة :: كوني مستمعة جيدة ::

يجي وقت على الإنسان .. يبي من يسمعه .. و هاذي حاجة أساسية له ..

فما بالك بالزوج اللي محتاج أكيد لإنسانة تحبه و تفهمه و تسمعه لا من بغى يتكلم .. و تأكدي

عزيزتي إن الزوج لو ما لقى اللي يفهمه في محيط بيته .. بيتم يدور عن ذاك الشخص .. و يمكن

عن زوجة ثانية أو عن علاقة ثانية ! لا تستغربين و لا تستبعدين هالشي .. لذلك أنتي

اللي لازم تسمعينه و تفهمينه ..

نسمع عند حريم متزوجات من سنين .. و تلقين الوحدة فيهم تقول :: أنا ما فهمته لحد الحين ::


و أنا اقول لها .. متى بتقررين تفهمينه ؟ أو شكنتي تسوين طول هالسنين ؟؟

و الصراحة اللي ما فهمت زوجها مهما كانت مدة زواجها به .. اسمحوا لي أقول لها :: أنتي

ما تسمعين له عشان تفهمينه :: :angry:

تدرون خواتي .. إن السماع و الإنتباه واجب عليج كزوجة ؟

لأن مب من الأدب .. إن الزوج يتكلم سواء في موضوع مهم أو غير مهم .. و يتفاجئ بالزوجة

سارحة في عالم ثاني مثلاُ ! أو منشغلة بالطفل اللي بيدها أو المجلة أو أي شي ثاني ..

لذلك خواتي :: متى ما طلب منك الزوج الإنتباه .. انتبهي له و اسمعيه .. و لا تنشغلين بشي

إلا بعد ما تستأذنينه ::

يعني اعتذر منه و قولي له ( ممكن حبيبي نأجل الموضوع لوقت ثاني .. أو بعد ما أخلص الشغلة

اللي في يدي ) ..

على شرط لما تفضين .. ترجعين تسألينه عن الموضوع نفسه .. معاي ؟

و تأكدي عزيزتي .. إن الزوجة اللي ماتسمع زوجها و تفهمه راح تواجه متاعب آجلاً أو عاجلاً ..

لأن الإستماع فن .. تعلميه عشان تحافظين على زوجك للأبد :)

طيب اشلون يا دوحانية اسمعه ؟

بسيطة ..

لما يدخل أسأليه عن شغله .. اسأليه عن طموحاته و إهتماماته ..

( جاسم ! وشو اللي تتمنى تحققه ؟ ) ( اشلون كان شغلك اليوم ؟ ) و الأمثلة كثيرة ..

لـــــكـــن انتبهي عزيزتي الزوجة ..

لا تكثرين من الأسئلة ..

يعني لو سألتيه و تجاوب معك .. استمري معاه لحد ما ينهي كلامه ..

و إذا ما تجاوب .. وقفي لا تسألينه .. لأنه يمكن يكون تعبان .. أو ما عنده رغبة في الكلام أو

مشغول في موضوع معيّن ..



الواجب السادس

إكتبي في ورقة المهمات : تدربي على الإستماع و الإنصات و ذلك بعدم المقاطعة أو الإنشغال بشيء آخر حين التحدث مع الزوج .

*
*
*

تابعوني

:)

اتفق معااااااااج مية بالمية


مثل ما للكلام اصول بعد للانصات اصول


ومثل ما تمر عليج احيان كثيرة تتمنين لو تطلقين العنان لافكارج وتتكلمين



بعد زوجج يمر بنفس الاحيااااان لا ويمكن اكثر منج بحكم احتكاكه بالعالم الخارجي المستمر


:::

ونصيحتي


انصتي لزوجج حتى وهو غضبان ومعصب


ولا تحرمينه من حق التعبير عن الغضب بأنانية



ولا تنسين انج بهالطريقة بتمتصين زعله





دوحانية فديتج كملي بارك الله فيج

أنا متابعه معااااااااااك أختي

كلامك رائع

ربي يعطيك ألف عافية

بالتوفيق

انا معاك اختي في كل الكلام اللي قلتيه
استنى بقية الدروس جزيتي خيرا

الله يسعدك في حياتك اختي دوحانية ويجازيك بكل خير

احنا كلنا اذان صاغية تابعي اختي

شظايا الماضي:
:::

ونصيحتي


انصتي لزوجج حتى وهو غضبان ومعصب


ولا تحرمينه من حق التعبير عن الغضب بأنانية



ولا تنسين انج بهالطريقة بتمتصين زعله

شظوويه انا اتفق معاج في هالشي ... الزوجه في حالة غضب زوجها ( وخصوصا اذا كانت عارفه انه متنرفز ومأثر عليه شي ثاني ) لازم تسكت وتنصت ولاترد عليه ولاكلــمه لان لو الاثنين شدوا بتصير فجوه بينهم لفتره معينه .... سكوتها وانصاتها بهدوء راح يخليه يفكر انه عصب أو صرخ وقال كلام جارح عالفاضي وهو بنفسه بيندم ويعتــذر مب شرط بالكلام ... بالفعـــل ...

جزاج الله خير دوحانيتنا ... continue:shy: