|,",|| دورة : كيف تكسبين محبوبك ||,",|| للمتزوجات و المقبلات على الزواج ||,",|

دورة اكثر من رائعه

وصدقتي في اللي ذكرتيه بخصوص النصيب وفعلا مع المحبة الوحده بتتغاضى عن امور كثيرة يمكن هي مو متقبلتها

لكن اذا الحب ماكان موجود .. مع اقل زلة بتبدأ المشاكل بين الزوجين

فنصيحه لكل زوجة ,,,,,,,,,,,,,,,,, ((( حبي زوجج اكثر من نفسج .. وعطيه الحب قد ماتقدرين )))

شكرا لج يالغالية
واكيد باتابعج للنهااااية

^_^

يالله وين باقي الموضوع ... انا اتريا ... وموضوعج روووووووووووووووووووووووووووووووووووووووووووووووووووووووووووووووووووووووووووووووووووووووووووووووووووعه .. فنتاستك

ما شاء الله عليج ... هذه الدورة في مكانها .. وكلنا محتاجين لها .. وان شاء الله في ميزان حسناتك .. وبالتوفيق ..

أشكر متابعتكم .. و تشجيعكم لي .. ونستوني بصراحة :)

*
*

نكمل اللي بدينا فيه .. و في هالحلقة راح أعرض لكم 3 شروط تحقق السعادة الزوجية .. مع الإنتباه

إلى إن هالجزء راح يكون عملي أكثر .. و حيوي أكثر .. يعني فيه صور و جداول و أكيد واجبات

أتمنى إن كلنا و أنا أولكم نلتزم بها .. اتفقنا ؟

نبدأ على بركة الله ..



|,",|| دورة : كيف تكسبين محبوبك ||,",|| للمتزوجات و المقبلات على الزواج ||,",|

الشرط الأول :: السعادة تبدا من الداخل ::

اشلون تبدا من الداخل ؟

يعني لا تظنين إن لما يكون عندج فلوس و صرتي غنية يعني لازم تكونين سعيدة

أو لما تكونين صاحبة أعلى الشهادات إذا لازم تكونين سعيدة

أو لما تكونين صاحبة مركز مرموق يعني لابد تكونين سعيدة

أو لما تكونين آية في الجمال يعني أنتي سعيدة

المال و الوجاهة و المناصب و الجمال ما هي إلا وسائل تعين بس ما تصنع السعادة أنتوا معاي ؟؟

بإختصار إذا ما كنتي سعيدة من من الداخل ما راح تحصلين هالسعادة في الخارج ..

خليني أهمس في أذنج أختي العزيزة و أقول لج ( إذا ما كنتي سعيدة من الداخل ما راح تقدرين تسعدين زوجج و لا اعيالج و لا أي أحد من اللي حولج .. لأن فاقد الشي لا يعطيه ) ..

عشان جذي أقول لج خلي البداية منج و في نفسج .. تعلمي اشلون تكونين سعيدة حتى لو كنتي وحيدة ..

حريم وايد هم في الأصل مش سعيدين .. فلما تصير لهم مشكلة مع أزواجهم أول شي يسوونه يلقون اللوم على أزواجهم و إنهم السبب في عدم سعادتهم أو تعاستهم ..

*
*

عشان نتعلم أشلون نكون سعداء عشان نسعد .. أو تتعلمين اشلون تُسعدين عشان تِسعدين .. تابعوا معاي الفقرة الجاية ..



في نظرية ملخصها ( إيفاء حقوق 4 جوانب في الحياة ) .. و الجوانب هي :

الجانب الروحاني
الجانب الإجتماعي
الجانب العقلي
الجانب النفسي

خلنا نفسر النظرية و بإختصار شديد ..

تفسيرها : إن اللي بيعطي كل جانب من الجوانب اللي ذكرتها حقه بيكون سعيد بإذن الله ..

طيب الحين راح نوضح كل جانب و بشكل سريع :

الجانب الروحاني :: هو جانب معانيه عميقة جداً .. متصلة بالروح .. مثل الإيمان و التوكل و الإنتماء و القيم الإجتماعية ..

الجانب العقلي :: متعلق بالجانب الثقافي و العلمي و النفسي ..

الجانب الجسدي :: متعلق بالجانب الفسيولوجي البدني الجسماني ..

الجانب الإجتماعي :: هو المتعلق أكيد بالأسرة و العائلة و المجتمع ..

تذكرنا هالجوانب و إيفاء حقها بقول الرسول عليه الصلاة و السلام : || إن لربك عليك حقاً , و إن لأهلك عليك حقاً , فأعط كل ذي حق حقه || , و في رواية || و إن لجسمك عليك حقاً || ..

عشان تحققين و توفين كل جانب حقه .. وشو المطلوب منك كزوجة أو كأم ..

المطلوب : تقسيم الأعمال اليومية على الجوانب الأربع .. ساعة لربك و لعبادتك / ساعة للرياضة و النوم / ساعة للتعلم و القراءة / ساعة للأهل و الأولاد و العايلة .. لا تنشغلين بشي على حساب شي .. و بإذن الله بتكونين من السعداء ..

** ملاحظة : ما أقصد ساعة بمعنى ساعة و إنما وقت كاف لإيفاء جانب حقه لكن بشرط ما يطغى على وقت جانب آخر ..

*
*
*

بكذا .. نكون خلصنا الشرط الأول لتحقيق السعادة الزوجية ..

لكم مني :: جدول سأرفقه فيما بعد (( جدول للأعمال الأسبوعية )) + صورة توضيحية لمعادلة الجوانب الأربعة ..


شكراً لمتابعتكم ..

بكرة إن شاء الله راح نبدا في الشرط الثاني و الثالث إن الله أراد ..

*
*

:)

دوحاااااااااااااانيهـ

ماقوووووولـ غير ربيـ يوووفقج يالغاليــــهـ ربيـ يوفقج ويجعلهـ بميــزانـ حسنااتج


قوووووليــ آآآآآآآمينـ



الصـــراحهـ ومنـ غير مجاملهـ أسلووووبج رووووووعهـ ومتميــزهـ فيـ إختيــارج

وطــريقة عرضج للموضوع وتوفقتيـ فيـ إختيارج للأدلهـ مافيـ أفضلـ وأجملـ وأرقـ منـ كلااامـ

نبيييينا وحبيبنا المصطفى [ محمد صلى اللهـ عليهـ وسلمـ ] ،..



(( ليـ عوووودهـ إن شــــاللهــ دوحانيتنا ، بقلبيــ وااااايد أشيا وديـ أقووولها ))

موضوووووع راااااائع اختي الغااليه

واااصلي حبيبتي وكلنا في انتظارج

ما شااء الله اسلوووووبج روووعه وسلس جدا

حبيت اسجل حضوري معااكم

ويعطييييييييج الف عااافيه حبيبتي

:)

اختج
نور

مجهود مبارك إن شاء الله

نفع الله به الجميع

في ميزان حسانتج دح دح


والله يوفقج


احنا معاج تابعي

موضوع رائع وجميل
بانتظار المزيد
يعطيك العافيه

موضوعك اكثثثثثثثثر من رائع
وانشاءالله اكون من المتابعات

أستمري
وفقكِ الله لما يحب ويرضى
:)

تسلمين يالغلا

وعساك عالقوة

ونحن بالإنتظار

دوحاااااااااااااانيه

حبيبتي عسى الله يوفقج ويهنيج يا بعد عمري
عسى الله يسعدج دنيا واخره
عسى الله يجمعنا معاج في جنة الفردوس ان شاء الله

:shy:

قولي آآآآآآآآآآآمييييييييييييييييييين

بصراحه وكل الصراحه اقولها وبكل ثقه عاليه
انتي مبدعه في الاسلوب والطريقه الكتابه والكلام
ابدعتي يا عمري فعلا انتي مميزة
وهالموضوع يستحق التثبيت ويستحق ان كل بنت وكل امراه متزوجه تشوفه
وتستفيد منه
بصراحه يا حبيبتي في اشياء كنت ماعرفها
وانتي فتحتي عيني عليها
واحس اني مرتاحه اكثر من قبل

وانا متااااااااابعه معاج والى النهايه كلنا معاج وكلنا قطر <<< اشدخل انزين لووول

وجزاج الله كل خير
وجعله الله في ميزان حسناتج ان شاء الله

جزاكم الله خير .. و تشرفني متابعتكم ..

*
*

على فكرة ترى حتى أنا أستفيد معاكم ^_^

*
*

الجزء الثالث في الطريق ..

موضوع مهم جدا وكل وحدة منا محتاجة مثل هذة المواضيع
انا معاك وياليت تكملين الموضوع الممتاز
وجزاك الله كل خيراو الى الامام دائما


اختك المهـا

|,",|| دورة : كيف تكسبين محبوبك ||,",|| للمتزوجات و المقبلات على الزواج ||,",|





نكمل شروط السعادة الزوجية .. ذكرنا الحلقة اللي فاتت شرط و هو :: السعادة تبدا من الداخل :: و عرفنا اشلون نُسعد عشان نسعِد ..

*
*

الشرط الثاني :: أنتي المسؤولة عن إسعاد نفسك ::

خلونا نتفق من هني على إنك أنتي المسؤولة عن سعادتك محد غيرك ..

لا تعيشين في دائرة الإسقاطات اللي يعشيها الشخص الغير السعيد .. ( مب أنا المشكلة .. المشكلة إن زوجي .. أهلي .. المدير .. السحر .. الشيطان ... الخ هالإسقاطات ..

السعداء هم الذين تحملوا مسؤولية إسعاد أنفسهم

تذكري أختي الغالية .. إنك لما تبغين سلعة غالية .. أو شغلة باهظة الثمن .. راح تسعين بكل ما اوتيتي من قوة عشان تحصلينها و بالتالي تقدرين تتصرفين فيها ..

خلي سلعتك الغالية ( السعادة ) اللي تحتاج إلى جهد و تضحيات و صبر عشان نحققها ..و تحملي مسؤولية السعادة بنفسك و لا تلقين الحمل على الزوج و يصير هو المسؤول عن كل شي حتى سعادتك !!

قاعدتنا الأولى كانت :: السعادة من الداخل :: <<< خلك متذكرتها على طوول .. :clap:



الشرط الثالث :: عشان نغير في الغير .. لازم أبدأ التغيير من نفسي أول ::

خلوني أذكر لكم قصة قصيرة تتعلق بهالشرط ..

في رجل نوى إنه يغير العالم .. و قعد على هالحال 20 سنة .. لكن و لاشي تغيّر ..

قرر يغير دولته .. حاول و حاول 10 سنين .. لكن و لاشي تغير في دولته ..

فقال : خلني اغير في مدينتي .. و فعلاً بدا محاولات التغيير لمدة 5 سنوات .. لكن و لا شي تغير !!

قال خلاص عيل باغير في الحي اللي أنا أسكنه .. عل و عسى يتغير شي .. حاول و حاول و حاول

لكن ما تغير شي ..

انتقل بعدها يبي يغير في بيته .. و استمر في محاولاته سنين .. لكن و لاشي تغير !!

في الأخير أدرك إنه لازم يغير من نفسه و هذا اللي سواه ..

**

و أنتي عزيزتي .. بتنتظرين 40 سنة عشان تكتشفين هالحقيقة ؟؟؟ حقيقة إنك لازم تغيرين من نفسك ؟؟ أكيد لا .. من منا يضمن عمره ؟!!

عشان جذي أبي كل وحدة تقول :: أنا ما أقدر أغير زوجي أو أولادي أو أهلي أو صديقاتي ,,, لكني قادرة أغير في نفسي.. يمكن لو غيرت من نفسي .. يتغيرون هم تجاهي ::





الواجب الثاني

تذكرون ورقة المفاهيم اللي كتبنا فيها في الواجب الأول ؟؟

اكتبوا فيها الحين .. اللي اتفقنا عليه من أمس و اليوم ( الشروط الثلاثة للسعادة الزوجية ) ..




خلوني قبل لا أنزل لكم ورقة المفاهيم / ورقة اعمال يجب إنجازها / مثال لجدول الأعمال الأسبوعية ( هو للتوضيح .. تقدرين تغيرين فيه على راحتك ) .. أعطيكم ملخص للي فات في نقاط :

1- الحب مهارة مكتسبة .. يحتاج إلى مجهود و هو أهم ما تحتاجين ..

2- فرقي بين الفعل و الفاعل ..

3- زوجي هو نصيبي .. و هذا ما أستحقه ..

4- السعادة تبدا من الداخل ..

5- أنتِ المسؤولة عن إسعاد نفسك ..

6- تغيير الأخرين يبدأ من أنفسنا ..



سؤال صغيرون ::

لو كان زوجك جاف في تعامله معاكِ .. وشو المفروض تسوينه كزوجة محبة ؟

*
*

هالسؤال للمناقشة .. عشان نثري الموضوع بمداخلاتكم الحلوة :gum:

*
*
*
*
*

أخواتي المشرفات أو المراقبات ..

يا ليت تضيفون عبارة ( لا أحلل أي شخص ينقل الموضوع بدون ذكر المصدر ) إلى بداية الموضوع باللون الأحمر و بخط كبير شوي .. :)

*
*

الحلقة الجاية : راح نبدا في :: كيف تتغيرين ذاتياً و تغيرين واقعك إلى الأفضل ::

موضوع رائع
تسلم الأيادي

ماشاء الله .. تبارك الله

يستحق التميز

موضوعك يزداد روعة مع كل إضافة

بارك الله فيكِ

وقد تم إضافة العبارة المطلوبة