|,",|| دورة : كيف تكسبين محبوبك ||,",|| للمتزوجات و المقبلات على الزواج ||,",|

السلامـ عليكمـ يا دوحانيتنا الغاليهـ ،..


راح أبتديـ بالنقاشــ على طوووووولــ ،..


بخصوصـ الشرط الثالث :: عشان نغير في الغير .. لازم أبدأ التغيير من نفسي أول ::


بالفعلـ يادوحانيهـ ويااااكثر القصصـ الليـ نسمعها تتعلقـ بهذا الشرط أعطيكمـ مثالـ :


فيـ زوجهـ كانـ زوجها دووومـ يعاملها بالقسوهـ والعنفـ وماافيـ بقلبهـ رحمهـ طبعا هذهـ

بالبدايهـ كانتـ تعااااااااانيـ منهـ بشكلـ مو طبيعيـ ليييي جاتـ فترهـ وقررتـ هذهـ الزوجهـ

إنها تفكر لها بطريقهـ تقدر تغيـر فيها زوجها ويحنـ قلبهـ عليها طبعا مااايأستـ وقامتـ

تفكر بينها وبينـ نفسها شلونـ تغير زوجها !!

وسبحااانـ اللهـ وبفضلـ ربـ العالمينـ .. أهداها إلى الطريقـ الصحيح طبعا منـ بعد فترهـ عااانتـ فيها

هذهـ الزوجهـ منـ قسوة الزوج ،.. والطريقهـ هيـ :

أنها تغيــر بنفسها أولا : منـ حيثـ طريقتها وبمعاملتها لزوجها وبأسلوبها وبكلـ شيـ طبعا بالبدايهـ

واجهتـ صعوبهـ لكنـ بفضلـ اللهـ تووفقتـ وكانتـ تعاملـ زوجها بأفضلـ مايكونـ وقدرتـ تغير زوجها منـ الأسوء

إلى الأحسنـ وصار زوجها يعاملها بأحسنـ معاملهـ ،..




لو كان زوجك جاف في تعامله معاكِ .. وشو المفروض تسوينه كزوجة محبة ؟


طبعا هذا رايي .. إذا شفتـ بوالشبابـ جافـ ويايـ بالبدايهـ آخذهـ باللينـ والسياسهـ ولازمـ أعرفـ

شنهيـ مشكلتهـ !! وإذا عرفتـ بحاولـ بكلـ الطرقـ إنيـ أوضح لهـ السببـ أو أتأسفـ وأعتذر لهـ

أنا أشووفـ هذهـ الطريقهـ تنفع للشبابـ لكنـ أسلوبـ العند والصراخ تعطيـ نتايج عكسيهـ

تماااااااااما بلـ تزيــد المشاكلـ ،.. وتبووونـ الصـراحهـ يابناتـ لازمـ الزوجهـ هيـ الليـ تتنازلـ

وتحاولـ ترضيـ زوجها لأنهـ شبابـ هالأيامـ صعبـ إنهـ يتنااازلـ والليـ بتقوولـ بكيفهـ يرضى

مايرضى براحتهـ ، ترى إنتيـ الليـ راح تخسرينـ وإنتيـ الليـ راح تتحملينـ النتايج الليـ راح

تحصلـ ،..

لكنـ كلـ ماكنتيـ حنووونهـ وقلبج طيبـ صدقينيـ بيستحيـ على دمهـ وبيراعيـ شعورج بالمرهـ

اليايهـ وصاااارتـ مع بنااتـ أعرفهمـ تقوليـ وحدهـ :

دووومـ كانـ زوجها يسوء الظنـ بها وكلـ مرهـ يكتشفـ إن زوجتهـ مظلوومهـ ليييي آخر مرهـ

حسـ بتأنيبـ الضميييييييييير .. قالها : سامحينيـ يافلانهـ أنا دووومـ اغلط بحقج واللهـ

وحاسـ بتأنيبـ الضميـر وأحسـ رووحيـ ظالمـ أبيج تسامحينيـ منـ قلبج !!


تدرونـ ليشـ قالها جذيـ لأنهـ الزوجهـ قلبها طيبـ وماتشيلـ على احد وطلعتـ ذكيهـ هالزوجهـ عرفتـ

شلوونـ تكسبـ زوجها بطيبة قلبها وحنيتها وأسلوبها الراقيـ ..


وبالأخيــر أقووولج يادوحانيهـ اللهـ يعطيج العااافيهـ فديتج وعســـاج عالقووهـ يااااربـ

وبإنتظار الدرسـ الجايـ إن شــــــــــاللــهـ ..

ربي يعطيج ألف عافية

بالتوفيق أختي دوحانية

بانتظار الحلقة الجاية

الله يعطيك العافية

راح استفيد من موضوعك ان شاء الله لمن يجي النصيب

كملي الله يسعدك

موضوع جميل ويستحق المتابعة للى تحب السعادة

ماشاء الله .. تبارك الله
الله الله الله يعطيييييييييييج الف الف الف الف عاااااااااافيه ياعمري

والله ثم والله ان هالموضوع اللي منزلته لنا واااااااااااااايد استفدت منه :clap:

بقول لج شي صار لي امس :gum:

كنت امس اخر الليل متضايقه ومب عارفه اشفيني :angry:

وحزتها اتصل لي بو الشباب مسكين مستانس وفرحان

ويسولف ويضحك وانا ساااكته واحس اني شايله هم ومادري من شنووو ؟

سألني اشفيج نبرة صوتج متغير ؟؟

قلت له مافي شي وكنت معصبه بس والله على طووول جيتي في بالي :shy:

وتذكرت موضوعج الرااائع

وحسيت اني بغلط عليه بكلمة

وتعوذت من الشيطان وهديت اشوي وقلت له مافيني شي وتميت اضحك واستعبط معاه

والحمد لله ماخليت السالفه تكبر

تتوقعين اشلون هديت

من النصااائح الرااائعه اللي كتبتيها لنا :clap:

فعلا فعلا فعلا

موضوعج مميز

وتستحقين التمييز يا قلبوووووووو

************************************************

لو كان زوجك جاف في تعامله معاكِ .. وشو المفروض تسوينه كزوجة محبة ؟


شوفي انا جاتني اوقات اشوفه جاف معاي ,, على طول افكر اشفيه وش اللي انا سويته ومزعله
اراجع نفسي عدل

اذا شفت نفسي ماسويت شي يزعله واني مب مقصره معاه

بعرف ان متضايق اما من الشغل او من البيت او من شي صار له (( موقف في حياته ))!خخخ

وبحاول بطريقتي وبالكلام الحلوووو

طبعا بو الشباب فيه ميزة احبها وايد من يسمع كلمة حلوه مني يفتح قلبه لي على طول :shy:

الحمد لله ان انا صايره له صندوق اسراره ومايخبي عني شي

دايما يقول لي محد فاهمني غيرج بهالدنيا تعرفين وش فيني من تسمعين كلمة الوو بداية الاتصال

واذا قال لي اللي بخاطره اشاركه في همومه واخفف عنه عشان يحس انه في حد معاه بهالدنيا

ولاني احبه واحب راحته :shy:

وماحب اصارخ عليه او اكبر السالفه لان بالصراخ والتوتر يسبب مشاكل بين الزوجين

ولازم انا استحمل زوجي ومثل ماهو يتنازل عن اشياء عشان رضاي

بعد انا لازم اتنازل عن اشياء عشاان رضااه

يارب توفقني مع زوجي

وتوفق كل بنت متزوجه

وترزق كل بنت مب متزوجه بالزوج الصاله

واشكرج كل الشكر عالموضوع الحلوووووووووو

موضوع يستاهل التميز


سلمتي يا دوحانيه على هذا الطرح الطيب


بارك الله فيك وأسعد الله ايامك

:shy: يعطيك ألف عافية وعساك على القوة:shy:

ماشاء الله عليج


إبداع وحكمه ...


ولج كل الشكر والثناء على وعيج الثقافي والعاطفي ... إلي نادر مايجتمع بإنسان


أختج :) السهر

هلا اختي دوحانيه

وينج؟؟؟؟؟؟

نتريا ردج لا تتاخرين علينا عاد

سعيدة جداً بمشاركتكم لي أخواتي .. و الله إني ما كنت متحمسة كثير لطرح الموضوع ..

لكن من شفت مشاركاتكم و رغبتكم في إكمال الموضوع .. زاد حماسي لطرح المزيد و متابعة الموضوع ..

جزاكم الله خير .. جميعاً :)

*
*

الغالية الليازي ::

يعطيج العافية على حضورج .. و على الإضافة للموضوع ..

مثالج اللي يتعلق بالشرط الثالث .. رائع جداً ..

تدرين .. في بالي تصور معيّن و أظنه بإذن الله صحيح 100% .. إن أنتي كبنت كنتي جزء من كل

و لما تتزوجين تصيرين أنتي الكل كله .. يعني أنتي أساس العايلة الصغيرة هاذي ..

العيال بيتطبعون بأطباعج .. يعني لو شافوج مهتمة في كل شبر في البيت .. هم بيطلعون مهتمين

الزوج كذلك .. لو شافج مهتمة بصلاتج و مهتمة بقراءة القرآن .. صدقيني لو عنده تقصير في هالجوانب بيكملها ..

لذلك أنا أقول ابدي في نفسج .. لا تتوجهين للشخص و تقولين له انت فيك و فيك و لازم تتغير

لا .. ابدي بالشي من عندج .. و تلقائياً بتلقين الشخص اللي جدامج متغير .. و بتنحسب لج نقطة ..

*
*
و بخصوص ردج على سؤال المناقشة ::

عدل كلامج .. المفروض ما أقابل الجفاف و القسوة في المعاملة بالمثل .. لا .. أكون أنا الأحسن

أنا الأهدأ .. أنا اللي أمتص ذي كله و أرجعه بلين و حنيّة ..

*
*
*
*

عزيزتي فديته والله ::

مشكورة على ردج :)

و أحسنتِ صنيعاً << حلوة هااا .. لا بجد عجبتيني .. و اللي سويتيه ابيج تطبقينه على طول ..

باجر إن شاء الله لو الله لا يقول و زعلتي من زوجج أو من أي موقف أو كنتي متضايقة أو أي

على طووول .. أول شي تسوينه لما تشوفينه .. تبتسمين و تغيرين الأجواء حتى لو كنتي زعلانة

منه .. أو كان هو السبب !! و قولي في بالج .. الحين أنا اللي متضايقة ليش أضايقه وياي .. و أعكر

له مزاجه و يومه ^_^

الله يجعل أيامكم أفرااح .. و فرحني ردج يا الغالية ..

*
*
*

|,",|| دورة : كيف تكسبين محبوبك ||,",|| للمتزوجات و المقبلات على الزواج ||,",|






كيف تتغيرين ذاتياً .. و تغيرين واقعك للأفضل

الجزء هذا راح يكون عبارة عن تمرين حلو و بسيط ..

هو تمرين فكري له مفعوله العجيب .. و من فوايده :

1- يخرج الشحنات السلبية من العقل الباطن .

2- يثبّت الأفكار الإيجابية .

3- يجلب القدر المطلوب لك .

4- يزيد الثقة في النفس .

5- ينبه إلى أمور معينة و غيرها مكبوتة ..

*
*

اشلون بنسوي هالتمرين ؟!

الطريقة جداً سهلة مثل ما ذكرت لكن تتطلب الصدق .. و تفضلوا :

1- اكتبي (( أنا أحب ..... " اسم زوجك " و هو يحبني )) و تلفظيها .

2- اكتبي أول ردة فعل في بالك بعد ما تلفظينها ,, أي ردة فعل .. سواء كانت إيجابية : " أنا فعلاً جذي " .. أو سلبية : " لالا يحبني و لا شي " .. أو محايدة : " يا ليت " .. أو ما لها علاقة : " كأني ما اتصلت في أمي اليوم ؟؟ " .. يعني أول رد فعل في عقلك ..

3- كرري الفعل 5 مرات .. يعني اكتبي نفس الجملة الأولى و بعدها كتبي ردة الفعل الأول .. لحد ما تكملين الـ 5 مرات .. لكن لا تحللين حاجة ..

4- كتبي الحين (( ..... " اسمك " تحب ..... " اسم زوجك " و هو يحبها )) و تلفظيها .

5- اكتبي أول رد فعل على طووول ..

6- كرري 5 مرات ..

7- اكتبي (( أنتِ " الخطاب موجه لك " تحبين .... " اسمه " وهو يحبك )) و تلفظيها ..

8- اكتبي أول ردة فعل ..

9- كرري 5 مرات بعد ..

** التمرين هذا تسوينه لما تكونين بروحك .. في خلوة و بدون أي مقاطعات ( لا تلفزيون .. لا تلفون .. لا شرب شاي ... الخ ) يعني تقعدين تسترخين على الآخر تفضين نفسك من أي عمل .. و تبدين في التمرين ..

و إذا صار و جا واحد من الأطفال يبغي حاجة .. أو زوجك وصل و قاطعك .. يعني حدث شي قطع التمرين عيديه من الأول ..

اتفقنا ؟

** الشي الثاني .. التمرين لازم تسوينه لمدة 14 يوم متواصلين .. إذا نسيتي يوم تبدين من جديد ..
يعني لو بديتي التمرين لمدة 10 ايام و نسيتي يوم واحد .. تعيدين التمرين من جديد ..

في اليوم إذا صار إنقطاع .. تعيدين التمرين نفسه .. يعني في اليوم الأول كتبتي و كررتي بدون أي إنقطاع .. جيتي اليوم الثاني .. و بديتي في التمرين لكن رن التلفون فجأة وقطع عليك .. عيدي الخطوات من رقم 1 ..

واااضح ؟

** لا تحللين ردود الأفعال .. اكتبيها بس .. و عقب حلليها لما تخلصين الـ14 يوم ..

** إذا حسيتي إن المعلومات سرية تقدرين تتخلصين من ورقة التمرين في نفس اليوم أو لما تخلصين الـمدة 14 يوم ..

** إحتمال تاخذ الجلسة الوحدة من 10- 15 دقيقة .. كثير ؟ أكيد لا ..


*
*
*

مثال للتمرين .. للتوضيح أكثر :

الزوجة اسمها عايشة //// الزوج اسمه محمد ( اللون الأزرق = ردة الفعل ) :

1- انا احب محمد و محمد يحبني = بس إنه يتصرف و كأنه ما يحبني

2- انا أحب محمد و محمد يحبني = كان يحبني في بداية زواجنا .

3- أنا أحب محمد و محمد يحبني = أتمنى لو تتحسن علاقتنا ..

4- أنا أحب محمد و محمد يحبني = اووو شهالتمرين ؟

.
.

عايشة تحب محمد و محمد يحب عايشة = يا ليت ..

عايشة تحب محمد و محمد يحب عايشة = يا رب ساعدنا هههه

.
.

أنتِ تحبين محمد و محمد يحبك = كلام فاضي !

.
.

و هكذا .. أتمنى وضح لكم التمرين .. :)

*
*
*

هاذي حلقتنا لليوم .. أتمنى أشوف تفاعل أكثر مع الموضوع .. لا تصيرون متلقين بس .. شاركوني

بأمثلة .. بواقع .. بأي شي :)

*
*
*

الحلقة الجاية : كيف تكسبين زوجكِ ؟ " طرق عملية "

دوحانية:


الغالية الليازي ::

يعطيج العافية على حضورج .. و على الإضافة للموضوع ..

مثالج اللي يتعلق بالشرط الثالث .. رائع جداً ..

تدرين .. في بالي تصور معيّن و أظنه بإذن الله صحيح 100% .. إن أنتي كبنت كنتي جزء من كل

و لما تتزوجين تصيرين أنتي الكل كله .. يعني أنتي أساس العايلة الصغيرة هاذي ..

العيال بيتطبعون بأطباعج .. يعني لو شافوج مهتمة في كل شبر في البيت .. هم بيطلعون مهتمين

الزوج كذلك .. لو شافج مهتمة بصلاتج و مهتمة بقراءة القرآن .. صدقيني لو عنده تقصير في هالجوانب بيكملها ..

لذلك أنا أقول ابدي في نفسج .. لا تتوجهين للشخص و تقولين له انت فيك و فيك و لازم تتغير

لا .. ابدي بالشي من عندج .. و تلقائياً بتلقين الشخص اللي جدامج متغير .. و بتنحسب لج نقطة ..

*
*
و بخصوص ردج على سؤال المناقشة ::

عدل كلامج .. المفروض ما أقابل الجفاف و القسوة في المعاملة بالمثل .. لا .. أكون أنا الأحسن

أنا الأهدأ .. أنا اللي أمتص ذي كله و أرجعه بلين و حنيّة ..

هلا واللهـ بالغاليهـ دوحانيهـ ..


[ و لما تتزوجين تصيرين أنتي الكل كله .. يعني أنتي أساس العايلة الصغيرة هاذي]

صدقتيـ يادوحانيهـ عيلـ شلونـ يقولج (( الأمـ مدرسهـ )) هيـ الليـ تعلمـ وتربيـ ،..

والزوجهـ الذكيهـ ؛؛ هيـ بطريقتها تقدر تكسبـ زوجها وعيالها وبيتها ..

/
/
/


[لذلك أنا أقول ابدي في نفسج .. لا تتوجهين للشخص و تقولين له انت فيك و فيك]


عدلـ كلاااامج وبالذاتـ الريالـ مو دايما يتقبلـ الشيـ ؛ إنتيـ خلج ذكيهـ وبطريقتج حاوليـ تكسبينـ

زوجج ومنـ غير عوار الراسـ والحنه والرنهـ ؛ الزوج بنفسهـ منـ يشوفـ زوجتهـ ومعاملتها

وطريقتها وأسلوبها اللينـ معاهـ وحنيتها .. صدقينيـ راح يتغيــــر 180 درجهـ ..

أبلهـ دوحانيهـ ،..

درسـ اليومـ يبيلهـ تطبيقـ وتركيز ، قبلـ لأكتبـ الحينـ كنتـ أحاولـ أرددها بسـ ماقدرتـ أطلع

بنتيجهـ والسببـ مثلـ ماذكرتيـ يبيلهـ جو هاااااااااديـ وشوية تركيز وأنا الحينـ بوسط صرااااخ

اليهالـ وماشاء اللهـ هالمطر منـ الوناسهـ مو قادرهـ اركز ههههه ،..

بجربها وأرد عليج بإذنـ اللهـ

تسلمينـ حبيبة قلبيـ على درسـ اليومـ وبإنتظار الدرسـ القادمـ إن شاللهـ ..


بالتوفيقـ حبيبتيـ ..

ماشاء الله الموضوع روعه

مشكوره ياقلبي

يعطيج العافية
استمري
انا متابعة وبشغف:)

مشكورة ويعطيج ربي العافية

:clap: والله اني مفتخره اني مشتركه بهذا المنتدى الرائع يعطيكم الف عافية الغاليه على امخطيت لنا من معلومات رائعه وننتظرج بفارق الصبر:clap:

ابلتي دح دح

انتي مديره اللي تداري على المدرسات والطالبات

انتي الضبطه اللي تضبط الطالبات وتنظمها

انتي ام اللي نتعلم منها كل شي مفيد واللي تحب بكل صدق واللي نحس بحنانج لو بينا ماسافات طويله

دح دح

راح اطبق هالشي من اليوم بعد صلاة الظهر :shy:

وصدقيني من قريت الموضوع اشوف انه حلو لا لا اقصد رااائع لا لا اقصد اروع من كلمة رااائع

الله يعطيج العافيه يا عمري :clap:

ابدعتي يا حبيبتي يا اختي وامي وكل شي فديت روحج

صدقيني هالنصايح ماخذتها لا من امي ولا من اختي

انتي الوحيده اللي علمتيني على اشياء كنت جاهلتها :shy:

عسى الله يوفقج يا قلبي ويهنيج بحياتج الخاصه والحياه الزوجيه والاسريه يارب
عسى الله يجعل الخير والبركه في زوجج واعيالج يااارب
عسى الله يطول بعمرج ويبلغج في اعيالج يارب

ولو ادعي لج من اليوم لاخر العمر بعد بكون مقصره بحقج يا حبيبتي :sad:

الله يعطيج العافيه

وننتظر الباقي

وبتم على التمرين وبقول لج النتيجه بالضبط وش صار

خواتي أسيرة قلبه / just 4 him / بنت دار الحي / نبض زايد :: جزاكم الله خير على متابعتكم .. و أتمنى إستمراركم معانا :)

*
*

فديته والله :: تسلمين يا غالية .. و جزاج الله خير على كلامج الحلو ..
هههههه كبرتيني و أنا صغيرة بس 23 سنة خخ

و بخصوص العيال .. يجيب الله خير يا قلبي :)

مشكووورة على متابعتج .. و تقدرين تستفيدين حتى من الكتب و الدورات اللي تنطرح ..

*
*

روح قطر :: عزيزة و غالية .. و الحمد لله إني حطيت هالموضوع .. عشان أشوفج فيه :)

و الله يرزقج بالزوج اللي يستاهلج .. و هالموضوع منكم و لكم .. للمتزوجة و عندها اعيال / للي توها متزوجة زي حلاتي / و للمتملكة أو تستعد لزواجها / للآنسات حبايب قلبي .. أتمنى إن هالموضوع فعلاً يفيدكم كلكم ..

بس جاني سؤال من قرائتي للموضوع ..

لاحظت اغلب الردود تقول انه لازم الوحده تمسك نفسها وتمتص غضبها وممكن تخفي ضيقتها .. عشان ماتضايق زوجها ..

هل الزوجه او الخطيبه قادره انها تطبق هالخطه طول الوقت .. ؟؟ او ممكن تجي اوقات تعصب فيها او تزعل او ماتقدر تتظاهر انها مو متضايقه .. ؟؟ واذا حست انها ماسيطرت ع الموقف شلون ممكن تتدراك الي صار .. ؟؟

اي يا غالية تقدر تستمر جذي و على طول .. و ممكن تجيها أوقات تعصب فيها و تزعل عادي هي مب بشر ؟؟
بس خلني أقول لج من واقع تجربتي .. أنا توني متزوجة اوكي .. و بما إن إحنا تونا ما كملنا سنة مع بعض .. شي طبيعي تصير تخبطات و إختلافات .. يعني صار و إختلفت مع زوجي إختلاف في وجهات النظر بس .. شنو كانت ردة فعلي .. أول مرة كنت أحط في خاطري لكن ما أزعل و أشيل هالموقف في بالي و أتم يوم كامل و أنا متضايقة من هالشي .. و إذا قعد معاي أبين له إني معصبة .. شتكون ردة فعله : يمل بسرعة و يتضايق و يمكن يعصب .. :angry: و ينام و هو زعلان .. شاستفدت أنا من زعلي ؟؟

المرات اللي بعدها .. غيرت ردة فعلي .. صح أنا متضايقة و أحياناً يدري إني متضايقة أو زعلانة حتى في حالة لو كان هو السبب .. و يسألني : متضايقة صح ؟ أقول له لا ليش أتضايق و أزعل .. و أعطيه كم كلمة حلوة و نصير سمن على عسل خخخخ لكن لاحظي أنا لين الحين شايلة له الموقف .. متى أجيه و أكلمه أو أعاتبه .. لا شفته راااايق و في وضع يسمح له إنه يسمعني .. هني باتكلم و بهدوووء تام مع غشمرة خفيفة .. أو / قطيتها له نغزة و أنا أضحك .. خلاص هو وصله المسج من غير ما أتكلم .. :gum:

و على فكرة و اخذيها نصيحة .. إذا تبين الريّال يقعد عندج و وقته كله لج و متسخر لج عدل .. لا تقابلينه بشكوى أول ما تشوفينه .. أو التذمر أو اللوم على شي ماسواه لج .. و إذا كنتي متضايقة أو زعلانة من شغله هو ما له خص فيها ... خلي في بالج :: هو ما له خص .. و حرام أزهقه معاي ::
تناسي الموضوع اللي شاغلج و انشغلي فيه ..

و إذا حست الزوجة إنها مب قادرة تسيطر أو تكتم مشاعرها جدامه أو هو اكتشف هالشي بس في نفس الوقت في بالها ماتخرب يومها .. تاخذه بكلمة حلوة مثل // كنت متضايقة .. بس لما شفتك نسيت كل ضيقتي // و تلهيه بأي شي .. و الحريم مب بسيطات :ok: يقدرون يقلبون مزاج الريّال كله ^_*