|,",|| دورة : كيف تكسبين محبوبك ||,",|| للمتزوجات و المقبلات على الزواج ||,",|

يعطيج العافيه يا الغاليه على هذا المجهود الرائع


جعله الله في ميزان حسناتج

موضوع راااااائع

الله يعطيكى العافية

ولا يحرمنا منك

الله يرزقك اختي بالذرية الصالحة ويجازيك بكل خير على المعلومات الراااااااااااااااااااااااااااااااائعة هذي

في انتظار جديدك عزيزتك على احر من الجمر

يعطيج العافيه عزيزتي الصراحه موضوعج هذا وايد حلو ومفيد

يخلي الزعلانه على زوجها تروح تصالحه







جزااااااج اللــــــه الف خير

مشكورين خواتي على ردودكم المشجعة ..

البقية جاية في الطريق .. بس حالياً ماخذة إجازة عشان العيد ^_^

ابشروا بالخير ..

*
*

كل عام و انتوا بخير ..

سابع طريقة :: اكتشفي السر العظيم و المخبأ عن الرجل ::

:qaq:

الموضوع في سر ؟؟ و عظيم بعد ؟؟

يعني في حاجة ما عرفتها لحد الحين ؟؟

و أسئلة كثيرة .. ممكن أي وحدة تسأل روحها .. بعد ما تقرا العنوان ..

*
*

تطمنوا عزيزاتي .. ما في سر بمعنى سر ,, أقصد هالسر كلنا نعرفه أو عرفناه ..

و هو :: إن في داخل كل رجل - مهما كان قوي و ناجح ... - طفل صغير , يحب يحس بالمودة

و المحبة اللي يخلونه متميز و خاص ..

و على فكرة الزوج ما راح يقول عن نفسه أنا مثل الطفل أحتاج كذا و كذا .. فكوني ذكية ..

و خلي هالسر بيني و بينج :gum:

الرجل يحب يعرف إنه بالنسبة لج .. أهم من أي شي .. أهم من والديج و اعيالج و اخوانج و خواتج .. و أهم من كل هالدنيا ..

اشلون بيعرف إنه مهم عندج .. تلقينه يسأل :: قولي لي يا .... ليش أنا متميز ؟ و ليش أنا مهم في حياتج .. لا تقولين لي مرة
قولي لي كل يوم ::

بيكون هني مثل الطفل اللي بيجي و بيقول :: ماما انتي تحبيني ؟ طيب اشكثر ؟ :: و يكرر هالسؤال يومياً ..

هذا الطفل .. لكن الزوج الطفل .. يبي إنك تقولين له و تحسسينه بهذا كله .. من غير ما يكرر السؤال ..

اعتبريه طفل من أطفالك .. و دلليه و دلعيه أكثر منهم :)

- لما قريت هالفقرة من قبل .. عرفت وقتها ليش زوجي دايماً يسألني هالسؤال : حبيبتي :: ليش أنا مهم في حياتج ؟؟ - ما يسألني عن تقصير .. بس زيادة معرفة و دلع هههه ..

في طريقة للتدليل سهلة و بسيطة و في نفس الوقت مؤثرة ::

هالطريقة تتلخص في شنو ؟ في إنك تنادينه بأسماء غير اسمه .. بس بشرط يكون هالأسم مناسب لصفة يحبها أو موجودة فيه ..

مثلاً :: انا دايماً أنادي زوجي ( روميو حياتي ) = لأنه رومانسي .. :)

و هكذا ..

*
*



الواجب العاشر :

فكري في الاشيا اللي يتصف بها زوجك أو يحبها , و دوري على صفات أو أسماء تناسبها






:)

للحديث بقية .. فابقوا مع الله ..

الفقرة الجاية :: أحبي قرابته ::

.
.

باضيفها لكم قريباً :)

ماشا الله عليج

دوره رائعة


وبنكون ان شا الله من المتابعات للدورة

مشكوووووووووووووووووووووووووووووورة اختي دوحانية


جزاك الله كل خير ونحن دائما في انتظار جديدك عزيزتي

هلا فيكم ..

تسعدني متابعتكم :)

نتريا الجديد والله يجزيج خير على هذي الدورة

واتمنى انهم يثبتونه لانه يستحق

شكراً لمتابعتج أختي .. و إن شاء الله الجديد في الطريق ..

يعطيــج ألفــ عافيــهـ أبله دوحانيهـ على درسـ اليــومـ ،..

وعلى طاريـ [ السر العظيم و المخبأ عن الرجل ] إيـ واللهـ صدقتيـ تقولينـ يااااهلـ مقعد
(( جوفو التشبيه بسـ خخخخ )) ،..

وبعدينـ ترى يادوحانيهـ سبحاانـ اللهـ بغضـ النظر عنـ أن الزوج يطلبـ منج الحنانـ والمودهـ ،
إنتي كزووجهـ وكـ أم اللهـ سبحانهـ وتعالى خلقـ الزوجه وكللللللها حنانـ وعطفـ ويومـ تعطفـ
عالزوج بالفعلـ تحسـ إنها تعطفـ على ولدها مو على زوجهـا وتعطيه كلـ ماعندها منـ حنانـ
وحبـ وعطفـ ..

وتسلمين يالغاليهـ على موضوع اليومـ وننتظــر الباقيـ ،..

حي الله الليازي :)

انا معاج .. و فعلاً الزوج كأنه طفل .. سبحان الله ..

يبيج تدللينه و تهتمين فيه .. و تراعينه و تدلعينه .. حتى لو كنتي تسوين كل هالأشيا يبيج

تضاعفين له هالحاجات ..

و لما يكون عندج بيبي .. و تعطينه حقه من الرعاية .. أحسه يغار و يحاول يلفت إنتباهج بأي

طريقة ..

شكراً على مداخلتج ..

مشالله عليج يادح دح ...

صج صج صج مبدعه ....

ودوره مميزه الصراحه ...

يعطيج الف عااااافه ...


ولي رجعه ان شاء الله ..

شرفني حضورج يا ويص ويص ^^

*
*

أعتذر منكم خواتي لتأخيري في إضافة جزء جديد ..

عندي شغلة لازم أخلصها اليوم .. و عقب إن شاء الله باضيف لكم التكملة ..

كلامج جميل جدا ونحتاج له خاصة مع ضغوطات الحياة والمشاكل الزوجية المستمرة

الله لا يجيب المشاكل .. و يجعل حياتكم كلها سعادة

مشكورة على تواصلج

ثامن طريقة :: أحبي قرابته ::

صحيح إنه مب شرط على الزوجة إنها تحب و تحسن معاملة ام الزوج و ابوه و إعياله ( إذا كان

متزوج قبل ) أو أي حد من أهله شرعا لكن الزوج مب

مجبور إنه يعيش حياته مع هالنوعية من الزوجات ..

اي زوجة تقدر تقول " انا احب زوجي و اعشقه و أخدمه وتحطه في عينها " لكن في الواقع

القول هذا ما تترجم لأفعال .. طيب اشلون تترجمين ذاك الحب ؟

بكل بساطة أقول : عشانه .. حبي اهله

لأن هذا هو الإختبار الحقيقي .. و قديماً قال الغزالي : ( المؤمن إذا أحب المؤمن أحب كلبه ) ..

يعني لو كنتي تحبين زوجك فعلاً .. بتحبين كل حاجة تخصه كــــــــــل حاجة .. اشلون لو كانت

الحاجة هاذي هي أهله ؟! ..

و نصيحة لكم خواتي :: مهما صار بينكم من سوء تفاهم ( بينك و بين زوجك ) او ( بينك و بين والدته )

و هذا اللي يحدث دائماً .. تحملي تخيرينه بينك و بين

أمه :angry:

لأنه لو كان رجل يحترم إنسانيته بيختار أمه , ليش ؟ لأن مثل ما نعرف و جا في الحديث إن الأم

هي الأحق بالصحبة , يعني حتى من زوجته .. لأن الزوجة ذكرت في القرآن على إنها الصاحبة

كما في قوله تعالى : [ و صاحبته و بنيه ] ..

لا تحطينه في هالخيار .. لأنه الخيار بالنسبة له صعب و صعب جداً ..

الرجل الشرقي شيحب .. و شو الطريق لقلبه ( غير معدته طبعاً :gum: ) الطريق سهل : حبي أمه

و أبوه و اعياله ( إن وجدوا ) ..

و تحملي عزيزتي تذمين أمه أو ولده

أو أبوه أو أهله .. عايلته .. قبيلته .. جنسيته ( إذا كانت غير ) .. سوي العكس .. امدحيهم و حبيهم

أو حاولي تحبينهم عشان زوجك ..

يعني شبيصير يا أختي و يا حبيبتي الزوجة ( و الكلام موجه للي عندهم مشاكل مع أم الزوج أو أهله عموماً )

لو كسبتي هالأم و حبيتيها و عطفتي عليها .. لا تنسين إنها مرة كبيرة محتاجة لإهتمام و حب

و عطف .. لأن لكل إنسان حاجة و هاذي حاجتها .. لا تلومينها .. لأن ولدها ( زوجك ) إنشغل بحياته

و أسرته .. ! عطيها اللي تحتاجه .. و في المقابل انتظري جزاء عملك .. هي بتتغير و بتصير

أحسن معاكِ و زوجك بعد بيصير أحسن و بيحترمك أكثر ..

طبعاً الكلام سهل أنا أدري ., لكن بعد التنفيذ مو صعب ( حاولي بس ) ..

و اللي ما تقدر تحب أهل الزوج .. الأحسن لها تشوف رجّال يتيم ما عنده قرابة و لا أهل .. :)



الواجب الحادي عشر

عددي أهل الزوج و قرابته .. و بعدين روحي لزوجك و قولي له عن أهله و حددي فعل راح تسوينه لهم ..

مثال : أقول لزوجي ( أمك ذهب .. ) - الفعل : راح أشتري لها مجموعة عطور عربية ... و هكذا ..

واضح ؟

- مهم جداَ :: تحسسين زوجك إن هالفعل اللي تسوينه .. و القول اللي تقولينه طالع من القلب .. و

عشانه هو ::

*
*
*

الله يسعد أيامكم :)

انتظروني مع الطريقة التاسعة :: تجنبي الشكوك ::

يعطيج الــــ 1000 ــــف عاااااااااافيه حبيبتي ...