|,",|| دورة : كيف تكسبين محبوبك ||,",|| للمتزوجات و المقبلات على الزواج ||,",|

تسلمي والله اختي


افكارك واااجد روعة

الله يوفقك

الله يجزاك خير

[blink]منتظرينك على أحر من الجمر [/blink]

************موضوعك حلو كثييييييييييييييير وعجبني وصح كلامك وانا بعد استغرب شاب غني ياخذ وحده اقل من مستواه وحده مستواها المادي اقل منه بكثير والزوجه ماتوقعته اساسا سبحان الله النصيب بالتوفيق اختي الغاليه اختي الغاليه وبقرا مواضيعك الجايه بقراها كلها ان شاءالله

ربنا يكرمك اختي ويسعدك..الموضوع اكثر من رائع

في الانتظار بارك الله في جهدك :)

جزاكي الله ألف خير

على هادي الدورة المفيدة

وبصراحة أنا أستفدت منها كتير

أختك

عقلي مو معايا

تسلمون لي خواتكم ..

مروركم على الموضوع و متابعتكم و الأهم إستفادتكم .. تثلج صدري ..

الله يوفقكم جميعاً .. و أنا أعتذر عن تأخيري في طرح جزء جديد ..

:)

أختي دبدوبة

لما تضغطين على المرفق بتطلع لج نافذة فيها خيارين :
حفظ - فتح ..
اضغطي على حفظ و اختاري المكان اللي بتحفظين فيه الملف .. و خلاص ..

مساء الخير

نستكمل موضوعنا اللي بدأناه ..

و الجزء الجديد خاص بـ " غرفة النوم " .. تابعوني



في البداية .. تفضلوا هالمعلومة ::

الإنسان الطبيعي يقضي أكثر من ثلث عمره في غرفة النوم .. تخيلوا ثلث العمر بس نقضيه في

غرف النوم ..!

النوم لمدة 8 ساعات من 24 ساعة يعني ثلث اليوم .. فلو إنسان عاش 90 سنة = 30 سنة منها ! غير

ما قبل و بعد النوم , و في ناس تقرا فيها .. و ناس تشوف التلفزيون يعني ممكن توصل

ساعات الجلوس في غرفة النوم إلى 10-12 ساعة يومياً ..

بإختصار كأننا نقضي نص أعمارنا فيها .. يعني لازم تكون أهم مكان بالنسبة لنا ..



عندنا مسائل متعلقة بغرفة النوم .. نحاول نذكرها بشي من التفصيل ..

أولاً : تهيئة الغرفة :

عادة .. لما أي وحدة راح تسكن بيتها أو كان بيت أو شقة مؤقتة .. نلقاها تهتم بالصالة أو

الصالون أو الإستقبال .. و تصرف عليها الألوف في ترتيبها و غيره .. و عادة الغرفة هاذي

ما تستخدم إلا مرتين في الاسبوع ..

لكن لو شفنا غرفة النوم بنلقاها مهتمة فيها أقل إهتمام .. لأن في نظرها هالغرفة ما به أحد راح

يدخلها غيرها هي و زوجها ! ..

و أنا هنا أقول لك عزيزتي .. بالعكس المفروض تكون غرفة النوم من أحلى الغرف في البيت كله ..

*
*

طبعاً ما أقصد إنج تصرفين عليها الملايييين .. و تختارين لها أغلى الأثاث .. :angry:

لا ..أنا أبيج تعرفين .. إن غرفة النوم تمثلك أنتي .. جمالها من جمالك .. إهتمامك بها من إهتمامك

بنفسك .. و نظافتها و ترتيبها يمثلونك أنتي .. التنسيق و إختيار الألوان مهم جداً ..

ناخذ مثال : الألوان << لو إن إحنا ما نتقيد باللي راح يجي في الفقرة الجاية لكن للعلم ::

النفسايين يشوفون إن اللون الوردي الفاتح .. يجلب السكون و الإثارة الجنسية !

يعني هاللون هو الأنسب للغرفة ..

بس اللون الأحمر يجلب الإثارة و الحركة الثائرة ..

و الأصفر يجلب التفكير ..

و البرتقالي يجلب الجوع و التفكير في الأكل ..

و الأزرق الفاتح يجلب الصفاء ..

و البحري يجذب ..

و الأخضر يجلب التوازن و يدفع للحياة ..

**

هاذي مب قاعدة .. لأنج ممكن تختارين اي لون تتفقين فيه مع زوجك .. بس المهم تختارون لون مريح

للعين و لكم :)

*
*

خلصنا من اللون ,, نجي لإشلون نقوم بتهيئة الغرفة ::

بإنك تحطين لمسات خفيفة غير مكلفة .. منها :

الورود :



و حلو لو تكون طبيعية ( وردة وحدة كل 3 أيام ) ..

حمرا للإثارة ( الحب و الجنس ) ..

بيضا لصفاء النوايا ( حلوة لو كان فيه خلاف لأنها تكون مثل

الإعتذار الغير لفظي ) ..

صفرا للتنشيط و الحوار ..

الإضاءة الملونة :



الأصوات الطبيعية الرقيقة

نعومة الفراش



ممكن تحطين سلة فواكه



تقديم العصاير الطبيعية



و لا تنسين :: الروايح الحلوة ..



بإختصار :

املي حواسه الخمس : الشم / البصر / السمع / اللمس / الذوق .. بالإيجاب :)

نقطة مهمة

يستحسن إنك ماتملين الغرفة بالأثاث .. خلي فيها سعة + لازم تكون الغرفة مرتبة و معتدلة البرودة ..

*
*
*

ثانياً : التهيئة النفسية :

يعني لازم تكون غرفة النوم مكان آمن و مريح ..

خلي غرفة نومكم .. قلعة أمان / و عيادة تشافٍ / و مصح نفسي / و فندق راحة / و ساحل

إستجمام .. ( على فكرة ما في شي صعب .. و كل شي تقدرين تنفذينه ) :clap:

*
*
*




قــريـبـا : 10 معينات للتهيئة النفسية لغرفة النوم ..




كونوا مع الله

(f)

ماشالله عليــــــج

يعطيك ألف عافية يالغالية ..

بالانتظار :)

دوحانية


الله يعطيج العافية

متابعة ويااااااج

هذا و واحد من اجمل الكتب اللي قريتها لصلاح صالح الراشد ..

مشكورة على الموضوع و يعطيج العافيه

يسلمووووووووووا دوحانية

وانا بكون وياج ان شاء الله في الدورة

مووووووووووووووووووووووووووووووووووضوع رائع
أنا شخصياً أستفدت منة وووووووووووووووووووووووووووووووايد الله يعطيج العافية ويرزقج من حيث لا تحتسبين.............

اختي ....دوحانيه
الله يجزاك خير ويوفقك ويسعدك بحياتك ...ماقصرتي بهالموضوع الرائع ومن جدا استفدت من حاجات كثيره
وفي حاجات انا فعلا مجربتها وشايفه نتايجها منها المدح والثناء على الزوج وتحسسينه بقيمته ...

متابعه معكم

موضووووع في قمة الروووعه مشكووره اختي

يعطيج الف عافيه دح دوحه ما قصرتي يالغلا

استفدت وايد من دورتج هذي وننتضر الجزء اليديد على احر من الجمر:)

جزاكم الله خير على متابعتكم ..

**

دقايق و يكون الجزء الجديد بين أياديكم :)

معينات للتهيئة النفسية لغرفة النوم

هم عشر نقاط , لكن أنا راح أختصرها لكم .. و إذا في شغلة جربتها راح أكتب لكم تجربتي :)


لا تتناقشين في أي شي سلبي مع زوجك في غرفة النوم .. و لا في إلتزامات البيت أو العيال ..

إذا عندك حاجة : متضايقة منه / زعلانة / تبين تعاتبين أو تلومين / العيال / المصروف / الشغالة أو أو أو .. ممكن تسوين هذا كله خارج غرفة النوم .. إختاري أي مكان ثاني في البيت أو خارج البيت حتى ..

ليش ؟
عشان مانوصل لـ [/COLOR] غرفة النوم = مشاعر سلبية





إذا عندك أولاد .. علميهم ما يدخلون الغرفة / أو ياخذون حاجة منها إلا بإذن و لو دخلوا .. ما يبقون فيها لمدة طويلة ..
( ثواني أو دقايق معدودة )
النقطة هاذي مش صعبة لأنك لو فكرتي فيها .. بتلقين الغرفة أساسا للزوجين و مملكة لهم ..




تأكدي من نظافة الغرفة و ترتيب الفراش و تعطير المكان .. إذا الغرفة كانت حارة شغلي المكيف , يعني تحكمي بعد في درجة حرارة الغرفة ..
طفي الإنارة .. و شغلي الأبجورة الموجودة بجنبه على السرير ..
لكن اللي زوجها مايحب .. ممكن تتجاهل هالنقطة ..


و هاذي شغلات بسيطة و روتينية .. لكنها تجذب الزوج ..



قبل لا يجي بوقت قصير أو كلمك و قال إنه جاي ..
جهزي له كاس عصير حتى لو كان عصير جاهز / كوب شاي / كاس ماي << وهذا أبسط حاجة ممكن تجهزينها .. و تحطينها له على الكوميدينو ( ما أعرف له اسم غير ) المهم تحطينه جنب السرير ..

* تجربة : النقطة هاذي جربتها .. بإني أجهز عصير أو ماي و أعطيه إياه لما يوصل أو أحطه جنب السرير لما يدخل ياخذ له شاور .. و تقدرون تتخيلون ردة الفعل ..
لأن الحركة هاذي بالرغم من بساطتها إلا إنها تعني الشي الكبير للزوج = في حد مهتم فيه :shy:




خلوا غرفة النوم .. مكان شاعري ..
تهامسي فيه مع زوجك .. عن مشاعركم .. أحلامكم .. تغزلوا في بعض ... الخ ..

.
.
.

هاذي شغلات و معينات بسييييطة جدا ..
لج حرية التغيير و الإضافة فيها .. حسب مزاجكم ( أنتي و زوجج ) :)



ثالثا : التهيئة العاطفية

بإختصار شديد جدا ..

لازم تعرفين يا أختي الكريمة .. إن في فروقات في سيكولوجية المرأة و سيكولوجية الرجل .. و فهمهم للمواضيع ..

مثال :
الرجل يعبر عن حبه >>> بالجنس ..
المرأة تعبر عن الجنس >>> بالحب ..

يعني لو يبي يبين رغبته في الجماع .. راح يظهر لج كل كلمة حب حلوة و كل معنى حلو للمحبة ..
و إذا يبي يتأكد من حب زوجته له بمعنى تحبه أو لا .. دعاها للفراش أو لاحظ مشاركتها له في ذيك اللحظة ..

من هنا .. نشوف إن الإسلام يحرص على إستجابة الزوجة لزوجها في هالعملية .. و هذا حق فوري للرجل ..
و رفضك لزوجك أو للعملية ممكن يترك أثر كبير في نفس الزوج ,, لأن رفضك = ما تحبينه ! وفقا للمفهوم اللي شرحته من شوي ..

طيب هل يعني إنك ماترفضين نهائيا و في كل مرة تستجيبينه ؟؟

إذا كنتي مضطرة ممكن إنك تطلبينه يأجل أو تستأذنين منه يعني تعتذرين منه بدلع أكيد .. لكن لا تطنشين و تطوفين الموضوع عادي ..

و شرط إعتذارك ما يطول = مو كل يوم تعتذرين أو كل مرة ..

حلو ؟

حلو ,, إذا فهمتي هالنقطة عدل , راح تفهمين سبب إصرار زوجك على هالمسألة / و سبب حساسيته في حال إنك رفضتي ..

لازم تعرفين يا عزيزتي إن العاطفة تسبقها مقدمات و تلحقها متممات ..

المقدمات و المتممات = قمة المتعة

ورد في القرآن : ( المال و البنون زينة الحياة الدنيا )

و البنون ممكن تعني مايسبق البنين .. لكن من تأدب القرآن و ترفعه بالألفاظ إختير اللفظ هذا .. :)
و في تصريح في آية أخرى ( زين للناس حب الشهوات من النساء)

فشهوة النساء - الجنس - محببة للرجال .. و في الحديث النبوي صدق المصطفى مع نفسه و مع أمته حين يقول : ( حبب إلي من دنياكم الطيب و النساء , و جعلت قرة عيني في الصلاة ) ..

بإختصار == النقطة هاذي مهمة جداُ في حياة الزوج و الزوجة ==




قريبا :: معينات للحصول على المتعة العاطفية ::

*
*
*
*


كونوا مع الله :)