|,",|| دورة : كيف تكسبين محبوبك ||,",|| للمتزوجات و المقبلات على الزواج ||,",|

جزاك الله خيرا و بارك فيك و نفع بك

لكن حبيت أعد آية ربما من العجلة انكتبت خطأ :)

و تصويبها : { زين للناس حب الشهوات من النساء }

بارك الله فيك ..

بارك الله فيكي اختي الحبيبة..نحن في الانتظار

جزاك الله خير اختي على هالموضوع القيم

صح اني قريت موضوعك متاخر بس والله ان افادني كثيييييييييييييييير يعطيكي الف عافيه يارب ويسعدك ويجعل ايامك كلها سعاده هنا


تقبلي تحياتي

أختي صعود :

جزاكي الله كل خير على التصحيح ..

و أعتذر عن عدم تأكدي من الآية :)

*
*

خواتي دلع و دودي اللطيفة و تو برادايس :

أشكر متابعتكم .. و جزاكم الله خير ..

يعطيج العافيه دحدوحه ننتضر جديددج

[frame="1 80"]بصراحه لساني عاجز عن ايفاء حقك في الشكر
اشكر الله اولأ اللي قدر وجودك بيننا للمساعده
ثم اشكرك على مجهوداتك الطيبه
وعلى فكره ياختي
ترى
الله اذا أحب عبد اجرى الخير في يدي عبده للناس
وانتي الله سخر وجودك بيننا لمساعدة كل وحده تقرأموضوعك
ولاتنسين انك دفعتي شريحه كبيره من النساء الى الإحسان لأزواجهم
وهذا بحد ذاته عمل انساني مثابه عليه (نيالك تستاهلين)
ماقصرتي
لكي مني كل الشكر والأحترام[/frame]

مرحبا دح دح :) خوش موضوع والله وتراني من يومين اقرا فيه وتوني واصله النص بس لازم بكمله لانه جدا جذبني لانه وايد مهم لنا كلنا وطريقة طرحج له تخلينا ننجذب له بسهوله

يعطيج الف عافيه حبيبتي :)

قطر221
الله يعافيج حبيبتي ..
و جزاج الله خير على المتابعة :)

*
*

عروسة زوجها
ماتتصورين شكثر فرحت لما قريت ردج ..
اكثر شي أتمناه من طرحي هذا أو أي طرح ( مواضيع أو ردود ) إني أفيد خواتي في الله ..
و أستفيد منهم .. و الحمد لله :)
جزاج الله خير و الله يسلمج من كل شر ..

*
*

حلوومة ..
هلا فيج .. و الحمد لله إن الموضوع اعجبج ..
و إن شاء الله تستفيدين مثل ما استفدت أنا و استفادوا خواتي :)

جزاكى الله كل خير وان شاء الله نكمل المشوار على خير

معينات لجلسة عاطفية مع الزوج

- اعدي خطة بالأشياء اللي تشوفين إنها راح تساعدج في نجاح الجلسة ..

- حاولي تسترخين و تتأملين و تتخيلين الجلسة اشلون بتكون ؟ و اشلون راح تنجح

( تخيلي نجاح الجلسة في أسمى معانيها )

- إذا عندك أطفال .. نوميهم بدري ( في اليوم اللي بتكون فيه الجلسة ) أو وديهم لجدانهم أو

أي أحد من الأقارب .. عشان ذهنك يكون صافي في ذاك اليوم ..

- سوي لزوجك أكلة يحبها ( حتى اللي ما تعرف تطبخ .. حاولي تطبقين وصفة من الوصفات

و إجتهدي فيها ) و طبعا اللي ما عندها وقت أو ماتقدر تطبخ ممكن تطلب ..

- اكتبي عبارات صغيرة و حطيها في جيب الزوج أو عند مدخل الباب ..

- الهدوء مطلوب لك و له .. عشان جذي حاولي توفرينه حتى لو تحطين موسيقى هادية تريح

الأعصاب و تقلل من التوتر ..

- طبعا الملابس لها دورها .. و لا تنسين تراعين ذوق الزوج فيها .. و تلبسين له في ذاك اليوم

ملابس يحب يشوفها عليج ..

- للشموع دورها بعد .. وزعيها في غرفة النوم .. و في البيت ..

- شخصيا أركز على مسألة الروايح ( ريحتك / ريحة بيتك ) لأن لها دور مميز و فعّال جدا في جذب

الزوج .. فلا تهملين هالنقطة أبدا .. ( إسألي مجربة ) :)

- الإبتسامة .. مطلوبة في كل وقت و خاصة لو كانت لزوجك .. ما أوصيج بالإبتسامة او ما يدخل

البيت و عبارات الترحيب .. ( ابتسمي له حتى لو كنتي زعلانة منه ) ..

- شي مهم : حطي في بالك نجاح الجلسة و بعد توقعي فشلها / اعذري الزوج ..

تصير أحيانا تكونين مجهزة و مستعدة .. فجأة الزوج يعتذر ما يقدر يجي البيت لسبب طارئ ..

- شي ثاني مهم بعد : لا تنسين تشكرين الزوج في نهايتها و امدحيه و خليه سبب في نجاح

هالجلسة ( شوفي ردة فعله = بتعجبك أكيد ) :)

*
*


ملاحظة : ركن أفكار و خبرات بيفيد في هالناحية .. استعيني بالأفكار اللي فيه (f)

:clap: :clap:

للمره الثانيه احب اشكرك على مجهودك الرائع وبالفعل طبعت كل الاقسام عندي والمرفقات عشان ببدا اطبقهم من اليوم ادعيلي ان ربي يسعدني ويريح بالي


لكي خالص احترامي وتقديري:salam: :ok:

تسلمي حبوبة ع الموضوع
الحمد لله انا وزوجي نحب بعض كتير
ومتفاهمين كتير كتير وهو ما بيقدر يستغنى وانا بجد ما اقدر استغنى عنه
بس ما بقولها الو بتقل عليه ههههههههههههه

انا وحده غرامي الروايح والاطياب واحب ادخن بيتي وغرفة نومي وكل شىء جدامي...بس عندي مكشلة او خليني اسميها عائق بسيط...وهو بالرغم من اختياراتي للدخون والبخور والاطياب الا ان زوجي ذوقة صعب شوي...مايعجبه اي شىء لدرجة اني اضطريت اوزع اطيابي اللي شريتها قبل العرس لاني ماقدرت استخدمها لانها ماتعجبه وايد...فخليت بس الشغلات الي عجبته ...والباقي راحت بلاش ! :( وصرت ماعرف شاخذله ...لان فعلا ذوقة صعب

حتى اخر مره قلت له يبه انت جيب الدخون والبخور على ذوقك...!...عشان فعلا كل ماخذيت شىء قالي مب ذاك الزود !!
مع ان اختياراتي موفقة جدا بشهاده ربعي واهلي..وماخذ اي شىء بالعكس اخذ من الاشياء اللي اغلب الناس تتفق عليها انها حلوه

عموما ...مهم جدا مراعاة ذوق الزوج بهالموضوع...وحبيت اسجل تجربتي لاخوات :)

يعطيج العافيه حبوبه

وكلامج مظبوط ميه ميه بالنسبه للروايح وايد لها تاثير على الزوج


يلا ننتضر الجزء الجديد :)

دودي اللطيفة
هلا و مرحبا فيج .. و شكرا للمتابعة ..

حلا فلسطين
ما شاء الله و لا قوة إلا بالله ..
الله يزيد المحبة ..
بس لا تتكلمين أمام الناس عن حبكم لبعض " العين حق " حبيبتي ..

و هلا فيج ..

حلووومة
هلا و غلا ..
صح .. لازم نراعي ذوق الرياييل في هالمسألة ..
اقتراحج له حلو .. بإنه هو يختار الطيب اللي يعجبه ..
أو تدرين لما تروحين السوق معاه وودج تاخذين بخور أو عود .. خليه يشاركج الإختيار ..
و بتوصلون للي يناسبكم إثنينكم ..

و الله يوفقج ..

قطر 221
الله يعافيج حبيبتي ..
اي من كثر ما لها تأثير أنصح العرايس إنهم يحطون هالنقطة في بالهم على طوول ..
مب يوم و لا شهر و لا شهرين .. تخلي هالشي ملازمها على طول .. و عادة تسويها كل يوم ..

بانزل الجزء الجديد .. قريب ..

*
*

اسمحوا لي على التأخير ..

ملاحظة أخواتي :

لما تسوين الحاجة أو الشغلة الفلانية ..

حاولي تخلين هالشي " ذكرى " شي ماتنسينه و لا ينساه ..

ممكن تكتبين التاريخ عشان تتذكرين ..

سوي حاجة تحسسج إنج سويتي كل هذا و بنفسج ..

تحسسج إن الشغلة هاذي خذت من وقتج و جهدج و تعبتي عليها ..

لمن ؟

لزوجج

و له هو بس

مو لأي أحد ثاني ..

**

الملاحظة الثانية :

عن تجربة ..

أحيانا لما أقوم بشغلة معينة و لأول مرة .. و تكون ماخذة من وقتي و جهدي ..

و يجي زوجي .. و ما أشوف عنده ردة الفعل المطلوبة أو اللي كنت أتوقعها .. أحبط ! :angry:

بس بعدين أقول لحظة ! هو مب متعود يشوف هالشي .. و أغلب الأوقات تكون ردود أفعال

رجاجيلنا سلبية ..

يعني = لازم ما أوقف .. راح أستمر أسوي أسوي أسوي .. حتى لو كان الشي للمرة الأولى

اللي باسويه فيها .. لأن الزوج بيتغير و بيقدّر جهدي و ما راح ينساه ..

و هذا اللي صار معاي .. و الكتاب اللي أكتب لكم منه أكد لي هالشي :clap:



لا تعتذرين

الفقرة هاذي .. للمتزوجات و اللي عندهم عيال ..

:angry:

عزيزتي .. لا تقولين " ما يصير " أنا ( عندي بيت و اعيال و أشتغل للعصر .. و و و و ) تحطين

مجموعة أعذار ..

و بعدين اشلون ترضين تقومين بذي كله بدون ( زوج ) .. !! نعم .. أنتي لو استمريتي جذي

بتمشي حياتج من غيره .. :angry:

و هذا اللي مانبيه منج ..

لأن أنتي المسؤولة عن حياتج .. عن علاقتج العاطفية و الزوجية و الأسرية ..

بالمختصر = أنتي مسؤولة عن نجاح كل هالعلاقات .. و صدقيني إنج ما راح تنجحين لو قمتي

بها من غير الزوج ..

*
*

لاحظتوا من بداية الدورة إن الكلام كله موجه للمرأة ؟؟

زين و الرجّال ما عليه أي واجب يسويه ؟؟

ما تنوجه له مثل هالدورة ..

ما يسوي مثل المطلوب من الزوجة ؟؟؟

الجواب :

بلى .. أشياء كثيرة مطلوبة منه و لازم يسويها .. دورات كثيرة مطروحة للأزواج لازم يتسفيدون

منها ... الخ

لكن لو جينا لجانب الرومانسية .. بنلقي الضوء على الزوجة ..

لأن الأزواج أو الرجال ماتعلموا الرومانسية ..

ما قروا قصص الحب و الغرام ..

أكثرهم ما شاف أفلام من هالنوع ..

بعكس الحريم .. اللي تشدهم مثل هالمواضيع .. لأنه في طبيعتهم ..

في رجال رومانسيين نعم .. لكن الرومانسية موجودة أكثر في المرأة .. بأضعاف مضاعفة بعد ..



أفكار لجلب إنتباه و محبة الزوج

تفضلوا بزيارة ركن أفكار و خبرات

طبعا الركن غني بأفكار تخدم من هالناحية :)

*
*

إنتباه !

يمكن تكون البداية صعبة عليج .. إذا ما كنتي متعودة ..

يمكن تتمللين لأنج مب متعودة ..

أو تخافين ردة الفعل السلبية من الزوج ..

بس حطي في بالج الحركات هاذي تخلي الحياة الزوجية متعة .. و تكسر الروتين ..

و المطلوب منج : المحاولة لا أكثر .. و لا تيأسين ..

و تذكري : [blink]السعادة سلعة غالية تحتاج إلى جهد [/blink]




قريباً : [glint]ما المطلوب تعلمه لأكون سعيدة في حياتي الزوجية ؟ [/glint]





كونوا مع الله :)

يعطيـــــــــــج الف عافيــه يالغاليــــه

والله استفدت واااايد من هالدوره خصوصا ان لاعرسي قرب

والله يجزاااج الف الف خييييييير يالغاليـــه على هالدوره الراااااااائعه

وايد روعة وانا استفدت وايد منها مع انه عندي مال صلاح الراشد بس كلامج حلو يا حلو وانا طبعت كلامج واعطيه البنات على شكل دورة وذكرت المصدر والاسم 00 ما ادري شو رايج اذا مو موافقة بلغي الدورة مع انه البنات وايد متحمسين ويحاولوا يطبقوا لانهم متزوجات